Valmiki Ramayana — Sundara Kanda — Chapter 31
VR 5 31.1
ततः शाखान्तरे लीनं दृष्ट्वा चलितमानसा। वेष्टितार्जुनवस्त्रं तं विद्युत्संघातपिङ्गलम्॥ सा ददर्श कपि तत्र प्रश्रितं प्रियवादिनम्। फुल्लाशोकोत्कराभासं तप्तचामीकरेक्षणम्॥
tataḥ śākhāntare līnaṃ dṛṣṭvā calitamānasā| veṣṭitārjunavastraṃ taṃ vidyutsaṃghātapiṅgalam|| sā dadarśa kapi tatra praśritaṃ priyavādinam| phullāśokotkarābhāsaṃ taptacāmīkarekṣaṇam||
And beholding that tawny-coloured monkey like to a mass of lightnings and wearing a white cloth, hidden on the tree Sītā's mind was greatly agitated. And she saw there the humble, sweetspeeched monkey, appearing graceful like to a collection of full-blown Asoka flowers and having eyes resembling burning gold.
— tr. M.N. Dutt (1891–96) (public domain)
VR 5 31.2
साऽथ दृष्ट्वा हरिश्रेष्ठं विनीतवदवस्थितम्। मैथिली चिन्तयामास विस्मयं परमं गता॥
sā'tha dṛṣṭvā hariśreṣṭhaṃ vinītavadavasthitam| maithilī cintayāmāsa vismayaṃ paramaṃ gatā||
And observing that foremost of the monkeys, sitting humbly, that daughter of the king of Mithilā, again greatly amazed, thought.
— tr. M.N. Dutt (1891–96) (public domain)
VR 5 31.3
अहो भीममिदं सत्त्वं वानरस्य दुरासदम्। दुर्निरीक्ष्यमिदं मत्वा पुनरेव मुमोह सा ॥
aho bhīmamidaṃ sattvaṃ vānarasya durāsadam| durnirīkṣyamidaṃ matvā punareva mumoha sā ||
“This monkey is the most terrible of his race and therefore hard to be got at and looked at." Thinking this she again sank in fear.
— tr. M.N. Dutt (1891–96) (public domain)
VR 5 31.4
विललाप भृशं सीतां करुणं भयमोहिता। रामरामेति दुःखार्ता लक्ष्मणेति च भामिनी॥
vilalāpa bhṛśaṃ sītāṃ karuṇaṃ bhayamohitā| rāmarāmeti duḥkhārtā lakṣmaṇeti ca bhāminī||
And stricken with grief she again bewailed in piteous accents exclaiming, “O Rāma! O Laksmana!"
— tr. M.N. Dutt (1891–96) (public domain)
VR 5 31.5
रुरोद सहसा सीता मन्दमन्दस्वरा सती। साऽथ दृष्ट्वा हरिवरं विनीतवदुपागतम्। थिली चिन्तयामास स्वप्नोऽयमिति भामिनी॥
ruroda sahasā sītā mandamandasvarā satī| sā'tha dṛṣṭvā harivaraṃ vinītavadupāgatam| thilī cintayāmāsa svapno'yamiti bhāminī||
She wept silently and lowly. And then beholding that best of monkeys approach her humbly, the fair daughter of the Mithila's king, thought, "Is this a dream mine eyes have seen?”
— tr. M.N. Dutt (1891–96) (public domain)
VR 5 31.6
सा वीक्षमाणा पृथुभग्नवक्त्रं शाखामृगेन्द्रस्य यथोक्तकारम्। ददर्श पिङ्गप्रवरं महाहँ वातात्मजं बुद्धिमतां वरिष्ठम्॥
sā vīkṣamāṇā pṛthubhagnavaktraṃ śākhāmṛgendrasya yathoktakāram| dadarśa piṅgapravaraṃ mahāha~ vātātmajaṃ buddhimatāṃ variṣṭham||
And she again looked towards that Windgod's son, the foremost of the monkeys, the best of those gifted with intelligence, having a huge disfigured countenance, highly accomplished and wearing a dress mentioned before.
— tr. M.N. Dutt (1891–96) (public domain)
VR 5 31.7
सा तं समीक्ष्यैव भृशं विपन्ना गतासुकल्पेव बभूव सीता। चिरेण संज्ञां प्रतिलभ्य चैवं विचिन्तयामास विशालनेत्रा॥
sā taṃ samīkṣyaiva bhṛśaṃ vipannā gatāsukalpeva babhūva sītā| cireṇa saṃjñāṃ pratilabhya caivaṃ vicintayāmāsa viśālanetrā||
And beholding him Sītā was almost out of breath with fear. And regaining soon her sense the large-eyed damsel again thought.
— tr. M.N. Dutt (1891–96) (public domain)
VR 5 31.8
स्वप्नो मयायं विकृतोऽद्य दृष्टः शाखामृगः शास्त्रगणैर्निषिद्धः। स्वस्त्यस्तु रामाय सलक्ष्मणाय तथा पितुर्मे जनकस्य राज्ञः॥
svapno mayāyaṃ vikṛto'dya dṛṣṭaḥ śākhāmṛgaḥ śāstragaṇairniṣiddhaḥ| svastyastu rāmāya salakṣmaṇāya tathā piturme janakasya rājñaḥ||
I have seen a very inauspicious dream to-dayto see a monkey in a dream is reckoned inauspicious by the sages. May good betide Rāma, Lakşmaņa and my Sire the king of Janaka.
— tr. M.N. Dutt (1891–96) (public domain)
VR 5 31.9
स्वप्नो हि नायं नहि मेऽस्ति निद्रा शोकेन दुःखेन च पीडितायाः। सुखं हि मे नास्ति यतो विहीना तेनेन्दुपूर्णप्रतिमाननेन॥
svapno hi nāyaṃ nahi me'sti nidrā śokena duḥkhena ca pīḍitāyāḥ| sukhaṃ hi me nāsti yato vihīnā tenendupūrṇapratimānanena||
It is not dream, I have not slept, worn with grief and trouble as I am. Apart form my lord having the countenance of the full-moon, I have no happiness.
— tr. M.N. Dutt (1891–96) (public domain)
VR 5 31.10
रामेति रामेति सदैव बुद्ध्या विचिन्त्य वाचा ब्रुवती तमेव। तस्यानुरूपं च कथां तदर्था मेवं प्रपश्यामि तथा शृणोमि॥
rāmeti rāmeti sadaiva buddhyā vicintya vācā bruvatī tameva| tasyānurūpaṃ ca kathāṃ tadarthā mevaṃ prapaśyāmi tathā śṛṇomi||
Thinking of Rāma always and uttering his name, each sight I see and each sound I hear brings him to my eye or ear.
— tr. M.N. Dutt (1891–96) (public domain)
VR 5 31.11
अहं हि तस्याद्य मनोभवेन सम्पीडिता तद्गतसर्वभावा। विचिन्तयन्ती सततं तमेव तथैव पश्यामि तथा शृणोमि ॥
ahaṃ hi tasyādya manobhavena sampīḍitā tadgatasarvabhāvā| vicintayantī satataṃ tameva tathaiva paśyāmi tathā śṛṇomi ||
And therefore his form appearing in my mind is distressing me to-day, who am entirely sunk in his thoughts. And thinking of him always I see him before me and hear his words.
— tr. M.N. Dutt (1891–96) (public domain)
VR 5 31.12
मनोरथः स्यादिति चिन्तयामि तथापि बुद्ध्यापि वितर्कयामि। किं कारणं तस्य हि नास्ति रूपं सुव्यक्तरूपश्च वदत्ययं माम्॥
manorathaḥ syāditi cintayāmi tathāpi buddhyāpi vitarkayāmi| kiṃ kāraṇaṃ tasya hi nāsti rūpaṃ suvyaktarūpaśca vadatyayaṃ mām||
Methinks this is but a phantom of the mind. And thinking this I still behold the same. But an imaginary object can never have a form. And I still find a distinct form addressing me.
— tr. M.N. Dutt (1891–96) (public domain)
VR 5 31.13
नमोऽस्तु वाचस्पतये सवज्रिणे स्वयम्भुवे चैव हुताशनाय। अनेन चोक्तं यदिदं ममाग्रतो वनौकसा तच्च तथास्तु नान्यथा॥
namo'stu vācaspataye savajriṇe svayambhuve caiva hutāśanāya| anena coktaṃ yadidaṃ mamāgrato vanaukasā tacca tathāstu nānyathā||
Be glory to Vācaspati, Indra, the self existent Brahmā, the lord of fire and may they so grant that the creature who has spoken before me, be real and not imaginary.
— tr. M.N. Dutt (1891–96) (public domain)