Valmiki Ramayana — Sundara Kanda — Chapter 24
VR 5 24.1
अथ तासां वदन्तीनां परुषं दारुणं बहु। राक्षसीनामसौम्यानां रुरोद जनकात्मजा ॥
atha tāsāṃ vadantīnāṃ paruṣaṃ dāruṇaṃ bahu| rākṣasīnāmasaumyānāṃ ruroda janakātmajā ||
Those hideous Rākşasīs thus threatening her with reproaches rude and rough, the daughter of the king Janaka began to weep.
— tr. M.N. Dutt (1891–96) (public domain)
VR 5 24.2
एवमुक्ता तु वैदेही राक्षसीभिर्मनस्विनी। उवाच परमवस्ता वाष्यगद्गदया गिरा॥
evamuktā tu vaidehī rākṣasībhirmanasvinī| uvāca paramavastā vāṣyagadgadayā girā||
And being thus addressed by those Rākşasīs, Vaidehi, of subdued soul, being greatly terrified, said, having her voice choked with vapour.
— tr. M.N. Dutt (1891–96) (public domain)
VR 5 24.3
न मानुषी राक्षसस्य भार्या भवितुमर्हति। कामं खादत मां सर्वा न करिष्यामि वो वचः॥
na mānuṣī rākṣasasya bhāryā bhavitumarhati| kāmaṃ khādata māṃ sarvā na kariṣyāmi vo vacaḥ||
A woman can never be the wife of a Räksasa. Eat ine up if you will, I shall never follow your words.
— tr. M.N. Dutt (1891–96) (public domain)
VR 5 24.4
सा राक्षसीमध्यगता सीता सुरसुतोपमा। न शर्म लेभे शोकार्ता रावणेनेव भर्त्तिता ॥
sā rākṣasīmadhyagatā sītā surasutopamā| na śarma lebhe śokārtā rāvaṇeneva bharttitā ||
And being surrounded by the Rākṣasīs and threatened by Rāvana, Sītă, resembling the daughter of a celestial, stricken with grief, could not console herself.
— tr. M.N. Dutt (1891–96) (public domain)
VR 5 24.5
वेपते स्माधिकं सीता विशन्तीवाङ्गमात्मनः। वने यूथपरिभ्रष्टा मृगी कोकैरिवादिता ॥
vepate smādhikaṃ sītā viśantīvāṅgamātmanaḥ| vane yūthaparibhraṣṭā mṛgī kokairivāditā ||
And trembling, she shrank from their presence like to a strayed fawn surrounded by wolves.
— tr. M.N. Dutt (1891–96) (public domain)
VR 5 24.6
सा त्वशोकस्य विपुलां शाखामालम्ब्य पुष्पिताम्। चिन्तयामास शोकेन भर्तारं भग्नमानसा ॥
sā tvaśokasya vipulāṃ śākhāmālambya puṣpitām| cintayāmāsa śokena bhartāraṃ bhagnamānasā ||
And resorting to a flowery branch of an Asoka tree, she sunk in grief, thought upon her lord.
— tr. M.N. Dutt (1891–96) (public domain)
VR 5 24.7
सा स्नापयन्ती विपुलौ स्तनौ नेत्रजलस्रवैः। चिन्तयन्ती न शोकस्य तदान्तमधिगच्छति। ७१३
sā snāpayantī vipulau stanau netrajalasravaiḥ| cintayantī na śokasya tadāntamadhigacchati| 713
With tears she bathed her beautiful breast and oppressed with woe, she could not reach the other bank of the ocean of grief.
— tr. M.N. Dutt (1891–96) (public domain)
VR 5 24.8
सा वेपमाना पतिता प्रवाते कदली यथा। राक्षसीनां भयवस्ता विवर्णवदनाभवत्॥
sā vepamānā patitā pravāte kadalī yathā| rākṣasīnāṃ bhayavastā vivarṇavadanābhavat||
Like a plantain tree shaken by the breeze, she shook and fell down trembling (on the earth). And being afraid of the Rākşasīs, her cheeks forsook their native hue.
— tr. M.N. Dutt (1891–96) (public domain)
VR 5 24.9
तस्याः सा दीर्घबहुला वेपन्त्याः सीतया तदा। ददृशे कम्पिता वेणी व्यालीव परिसर्पती ॥
tasyāḥ sā dīrghabahulā vepantyāḥ sītayā tadā| dadṛśe kampitā veṇī vyālīva parisarpatī ||
And herself trembling, her pretty long lock of hair also shook and appeared like a serpent moving this way and that.
— tr. M.N. Dutt (1891–96) (public domain)
VR 5 24.10
सा निःश्वसन्ती शोकार्ता कोपोपहतचेतना। आर्ता व्यसृजदश्रूणि मैथिली विललाप च॥ हा रामेति च दुःखार्ता हा पुनर्लक्ष्यणेति च। हा श्वश्रूर्मम कौसल्ये हा सुमित्रेति भामिनी ॥ लोकप्रवादः सत्योऽयं पण्डितैः समुदाहृतः। अकाले दुर्लभो मृत्युः स्त्रिया वा पुरुषस्य वा॥
sā niḥśvasantī śokārtā kopopahatacetanā| ārtā vyasṛjadaśrūṇi maithilī vilalāpa ca|| hā rāmeti ca duḥkhārtā hā punarlakṣyaṇeti ca| hā śvaśrūrmama kausalye hā sumitreti bhāminī || lokapravādaḥ satyo'yaṃ paṇḍitaiḥ samudāhṛtaḥ| akāle durlabho mṛtyuḥ striyā vā puruṣasya vā||
Overwhelmed with grief and beside herself with ire, the daughter of the king of Mithilā, wept and exclaimed sorrowfully, O Rāma, and again, O Laksmana, O mother Kausalyā! O queen Sumitrā! true is the saying of the wise that death dose never approach untimely the male or the female.
— tr. M.N. Dutt (1891–96) (public domain)
VR 5 24.11
यत्राहमाभिः क्रूराभी राक्षसीभिरिहार्दिता । जीवामि हीना रामेण मुहूर्तमपि दुःखिता॥
yatrāhamābhiḥ krūrābhī rākṣasībhirihārditā | jīvāmi hīnā rāmeṇa muhūrtamapi duḥkhitā||
Or else I would not have lived for a moment, separated from Rama and oppressed by the Raksasis as I am.
— tr. M.N. Dutt (1891–96) (public domain)
VR 5 24.12
एषाल्पपुण्या कृपणा विनशिष्याम्यनाथवत्। समुद्रमध्ये नौः पूर्णा वायुवेगैरिवाहता॥
eṣālpapuṇyā kṛpaṇā vinaśiṣyāmyanāthavat| samudramadhye nauḥ pūrṇā vāyuvegairivāhatā||
Limited is my virtue, and therefore I am to die the death of a poor deserted thing like to a bark driven by the blast in the midst of the ocean.
— tr. M.N. Dutt (1891–96) (public domain)
VR 5 24.13
भर्तारं तमपश्यन्ती राक्षसीवशमागता। सीदामि खलु शोकेन कूलं तोयहतं यथा॥
bhartāraṃ tamapaśyantī rākṣasīvaśamāgatā| sīdāmi khalu śokena kūlaṃ toyahataṃ yathā||
Debarred from my husband's sight and tortured by the hideous demons, I shall sink, oppressed with woes, like to the banks of a river, washed by the water.
— tr. M.N. Dutt (1891–96) (public domain)
VR 5 24.14
तं पद्मदलपत्राक्षं सिंहविक्रान्तगामिनम्। धन्याः पश्यन्ति मे नाथं कृतज्ञं प्रियवादिनम्॥
taṃ padmadalapatrākṣaṃ siṃhavikrāntagāminam| dhanyāḥ paśyanti me nāthaṃ kṛtajñaṃ priyavādinam||
Oh blest are they who have been resting their eyes upon my grateful and sweet-speeched lord of leonine gaits, having eyes resembling lotus petals!
— tr. M.N. Dutt (1891–96) (public domain)
VR 5 24.15
सर्वथा तेन हीनाया रामेण विदितात्मना। तीक्ष्णं विषमिवास्वाद्य दुर्लभं मम जीवनम् ॥
sarvathā tena hīnāyā rāmeṇa viditātmanā| tīkṣṇaṃ viṣamivāsvādya durlabhaṃ mama jīvanam ||
And separated from Rāma of subdued soul, it is as difficult for me to breathe as for him who has drank up virulent poison.
— tr. M.N. Dutt (1891–96) (public domain)
VR 5 24.16
कीदृशं तु महापापं मया देहान्तरे कृतम्। येनेदं प्राप्यते घोरं महादुःखं सुदारुणम्॥
kīdṛśaṃ tu mahāpāpaṃ mayā dehāntare kṛtam| yenedaṃ prāpyate ghoraṃ mahāduḥkhaṃ sudāruṇam||
What mighty iniquity had I perpetrated in my previous existence that I have met with this terrible disaster!
— tr. M.N. Dutt (1891–96) (public domain)
VR 5 24.17
जीवितं त्यक्तुमिच्छामि शोकेन महता वृता। राक्षसीभिश्च रक्षन्त्या रामो नासाद्यते मया॥
jīvitaṃ tyaktumicchāmi śokena mahatā vṛtā| rākṣasībhiśca rakṣantyā rāmo nāsādyate mayā||
I wish to renounce my life under this load of grief-but alas! I am surrounded by the Raks asis and cannot meet Rāma.
— tr. M.N. Dutt (1891–96) (public domain)
VR 5 24.18
धिगस्तु खलु मानुष्यं धिगस्तु परवश्यताम्। न शक्यं यत्परित्यक्तुमात्मच्छन्देन जीवितम्॥
dhigastu khalu mānuṣyaṃ dhigastu paravaśyatām| na śakyaṃ yatparityaktumātmacchandena jīvitam||
Oh! cursed is this subject human life, that they cannot renounce it even at their pleasure!
— tr. M.N. Dutt (1891–96) (public domain)