Valmiki Ramayana — Kishkindha Kanda — Chapter 65
VR 4 65.1
अथाङ्गदवचः श्रुत्वा ते सर्वे वानरर्षभाः। स्वं स्वं गतौ समुत्साहमूचुस्तत्र यथाक्रमम्॥
athāṅgadavacaḥ śrutvā te sarve vānararṣabhāḥ| svaṃ svaṃ gatau samutsāhamūcustatra yathākramam||
Hearing Angada's speech, those foremost monkeys one after another began to speak, touching their respective competence in coursing.
— tr. M.N. Dutt (1891–96) (public domain)
VR 4 65.2
गजो गवाक्षो गवयः शरभो गन्धमादनः। मैन्दश्च द्विविदश्चैव सुषेणो जाम्बवांस्तथा॥
gajo gavākṣo gavayaḥ śarabho gandhamādanaḥ| maindaśca dvividaścaiva suṣeṇo jāmbavāṃstathā||
Gaja, and Gavākṣa, and Gavaya, and Sarabha, and Gandhamādana, and Mainda, and Dwivida, and Angada, and Jāmbavān.
— tr. M.N. Dutt (1891–96) (public domain)
VR 4 65.3
आबभाषे गजस्तत्र प्लवेयं दशयोजनम्। गवाक्षो योजनान्याह गमिष्यामीति विंशतिम्॥
ābabhāṣe gajastatra plaveyaṃ daśayojanam| gavākṣo yojanānyāha gamiṣyāmīti viṃśatim||
Gaja said, “I can leap over ten Yojanas," and Gavaksa said, "I shall go twenty Yojanas."
— tr. M.N. Dutt (1891–96) (public domain)
VR 4 65.4
शरभो वानरस्तत्र वानरास्तानुवाच ह। त्रिंशतं तु गमिष्यामि योजनानां प्लवङ्गमाः॥
śarabho vānarastatra vānarāstānuvāca ha| triṃśataṃ tu gamiṣyāmi yojanānāṃ plavaṅgamāḥ||
There monkey Sarabha said to those monkeys, “You monkey, I shall go thirty Yojanas."
— tr. M.N. Dutt (1891–96) (public domain)
VR 4 65.5
ऋषभो वानरस्तत्र वानरांस्तानुवाच ह। चत्वारिंशद् गमिष्यामि योजनानां न संशयः॥
ṛṣabho vānarastatra vānarāṃstānuvāca ha| catvāriṃśad gamiṣyāmi yojanānāṃ na saṃśayaḥ||
And the monkey, Rhishava, said to those monkeys,-"I shall, without doubt, go forty Yojanas."
— tr. M.N. Dutt (1891–96) (public domain)
VR 4 65.6
वानरांस्तु महातेजा अब्रवीद् गन्धमादनः। योजनानां गमिष्यामि पञ्चाशत्तु न सशंयः॥
vānarāṃstu mahātejā abravīd gandhamādanaḥ| yojanānāṃ gamiṣyāmi pañcāśattu na saśaṃyaḥ||
And the exceedingly energetic monkey, Gandhamädana, said, I shall for certain go fifty Yojanas.
— tr. M.N. Dutt (1891–96) (public domain)
VR 4 65.7
मैन्दस्तु वानरस्तत्र वानरांस्तानुवाच ह। योजनानां परं षष्टिमहं प्लवितुमुत्सहे॥
maindastu vānarastatra vānarāṃstānuvāca ha| yojanānāṃ paraṃ ṣaṣṭimahaṃ plavitumutsahe||
And the monkey Mainda said to the monkeys there, I shall undertake to leap over sixty Yojanas.
— tr. M.N. Dutt (1891–96) (public domain)
VR 4 65.8
ततस्तत्र महातेजा द्विविदः प्रत्यभाषत। गमिष्यामि न संदेहः सप्ततिं योजनान्यहम्॥
tatastatra mahātejā dvividaḥ pratyabhāṣata| gamiṣyāmi na saṃdehaḥ saptatiṃ yojanānyaham||
And then the highly energetic Dwivida said,-I Shall, for certain, go seventy Yojanas.
— tr. M.N. Dutt (1891–96) (public domain)
VR 4 65.9
सुषेणस्तु महातेजाः सत्त्ववान् कपिसत्तमः। अशीतिं प्रतिजानेऽहं योजनानां पराक्रमे॥
suṣeṇastu mahātejāḥ sattvavān kapisattamaḥ| aśītiṃ pratijāne'haṃ yojanānāṃ parākrame||
And the highly powerful Suşena, possessed of strength-foremost of monkeys said—I declare that in motion I am equal to eighty Yojanas.
— tr. M.N. Dutt (1891–96) (public domain)
VR 4 65.10
तेषां कथयतां तत्र सर्वांस्ताननुमान्य च। ततो वृद्धतमस्तेषां जाम्बवान् प्रत्यभाषत॥
teṣāṃ kathayatāṃ tatra sarvāṃstānanumānya ca| tato vṛddhatamasteṣāṃ jāmbavān pratyabhāṣata||
As they were speaking thus,' the oldest of them all, Jambavān, saluting them answered.
— tr. M.N. Dutt (1891–96) (public domain)
VR 4 65.11
पूर्वमस्माकमप्यासीत् कश्चिद् गतिपराक्रमः। ते वयं वयसः पारमनुप्राप्ताः स्म साम्प्रतम्॥ किं तु नैवं गते शक्यमिदं कार्यमुपेक्षितुम्। यदर्थं कपिराजश्च रामश्च कृतनिश्चयौ॥ साम्प्रतं कालमस्माकं या गतिस्तां निबोधत। नवतिं योजनानां तु गमिष्यामि न संशयः॥
pūrvamasmākamapyāsīt kaścid gatiparākramaḥ| te vayaṃ vayasaḥ pāramanuprāptāḥ sma sāmpratam|| kiṃ tu naivaṃ gate śakyamidaṃ kāryamupekṣitum| yadarthaṃ kapirājaśca rāmaśca kṛtaniścayau|| sāmprataṃ kālamasmākaṃ yā gatistāṃ nibodhata| navatiṃ yojanānāṃ tu gamiṣyāmi na saṃśayaḥ||
Formerly we had power of motion. But now we have waxed exceeding old. Although this is so, yet we can not overlook this, as both Rama and the monkey-king (by sending us) have become sure of success. At present do you understand the course that is ours. I shall go ninety Yojanas. There is no doubt whatever about this.
— tr. M.N. Dutt (1891–96) (public domain)
VR 4 65.12
तांश्च सर्वान् हरिश्रेष्ठाञ्जाम्बवानिदमब्रवीत्। न खल्वेतावदेवासीद् गमने मे पराक्रमः॥ मया वैरोचने यज्ञे प्रभविष्णुः सनातनः। प्रदक्षिणीकृतः पूर्वं क्रममाणस्त्रिविक्रमः॥
tāṃśca sarvān hariśreṣṭhāñjāmbavānidamabravīt| na khalvetāvadevāsīd gamane me parākramaḥ|| mayā vairocane yajñe prabhaviṣṇuḥ sanātanaḥ| pradakṣiṇīkṛtaḥ pūrvaṃ kramamāṇastrivikramaḥ||
Jāmbavān said this to those choice monkeys. But (formerly) my prowess in leaping was forsooth not such.* Of old in the sacrifice of Virocana's son, the external Lord Visnu, when he had covered the entire universe with three steps, was circumambulated by me. *i.e. it was greater.
— tr. M.N. Dutt (1891–96) (public domain)
VR 4 65.13
स इदानीमहं वृद्धः प्लवने मन्दविक्रमः। यौवने च तदासीन्मे बलमप्रतिमं परम्॥
sa idānīmahaṃ vṛddhaḥ plavane mandavikramaḥ| yauvane ca tadāsīnme balamapratimaṃ param||
But I who was all this, have waxed old, and my vigour sits feebly upon me. In my youth, ever, my strength was exceeding great and incomparable.
— tr. M.N. Dutt (1891–96) (public domain)
VR 4 65.14
सम्प्रत्येतावदेवाद्य शक्यं मे गमने स्वतः। नैतावता च संसिद्धिः कार्यस्यास्य भविष्यति॥
sampratyetāvadevādya śakyaṃ me gamane svataḥ| naitāvatā ca saṃsiddhiḥ kāryasyāsya bhaviṣyati||
Now I can only by my own energy, course thus far. But has a bound shall not bring success on our undertaking.
— tr. M.N. Dutt (1891–96) (public domain)
VR 4 65.15
अथोत्तरमुदारार्थमब्रवीदङ्गदस्तदा। अनुमान्य तदा प्राज्ञो जाम्बवन्तं महाकपिः॥
athottaramudārārthamabravīdaṅgadastadā| anumānya tadā prājño jāmbavantaṃ mahākapiḥ||
After this, saluting the mighty monkey, Jāmbavān, the wise Angada spoke straight sense, saying,
— tr. M.N. Dutt (1891–96) (public domain)
VR 4 65.16
अहमेतद् गमिष्यामि योजनानां शतं महत्। निवर्तने तु मे शक्तिः स्यान वेति न निश्चितम्॥
ahametad gamiṣyāmi yojanānāṃ śataṃ mahat| nivartane tu me śaktiḥ syāna veti na niścitam||
I can go over this mighty hundred Yojanas; but there is no certainty as to my answer of returning.
— tr. M.N. Dutt (1891–96) (public domain)
VR 4 65.17
तमुवाच हरिश्रेष्ठं जाम्बवान् वाक्यकोविदः। ज्ञापते गमो शक्तिस्तव हवृक्षसत्तम॥ कामं शतसहस्रं वा नह्येष विधिरुच्यते। योजनानां भवाशक्तो गन्तुं प्रतिनिवर्तितुम्॥
tamuvāca hariśreṣṭhaṃ jāmbavān vākyakovidaḥ| jñāpate gamo śaktistava havṛkṣasattama|| kāmaṃ śatasahasraṃ vā nahyeṣa vidhirucyate| yojanānāṃ bhavāśakto gantuṃ pratinivartitum||
Thereat, Jāmbavān, cognizant of speech, said to that foremost of monkeys,-0 foremost of leonine as, we know your power of motion, you are capable of ursing a hundred thousand Yojanas, as well as of coming back. But we say that even this is what is fit.
— tr. M.N. Dutt (1891–96) (public domain)
VR 4 65.18
नहि प्रेषयिता तात स्वामी प्रेष्यः कथंचन। भवताऽयं जनः सर्वः प्रेष्यः प्लवगसत्तम ॥
nahi preṣayitā tāta svāmī preṣyaḥ kathaṃcana| bhavatā'yaṃ janaḥ sarvaḥ preṣyaḥ plavagasattama ||
My child, ore master must on no account be commanded by his servants. foremost of monkeys, all these should be commanded your you.
— tr. M.N. Dutt (1891–96) (public domain)
VR 4 65.19
भवान् कलत्रमस्माकं स्वाभिभावे व्यवस्थितः। स्वामी कलत्रं सैन्यस्य गतिरेषा परंतप॥
bhavān kalatramasmākaṃ svābhibhāve vyavasthitaḥ| svāmī kalatraṃ sainyasya gatireṣā paraṃtapa||
You are our spouse, and (at the same time) occuying the position of our husband. The master is the spouse if the army. This is the way of the world.
— tr. M.N. Dutt (1891–96) (public domain)
VR 4 65.20
अपि वै तस्य कार्यस्य भवान् मूलमरिंदम। तस्मात् कलत्रवत् तात प्रतिपाल्यः सदा भवान्॥
api vai tasya kāryasya bhavān mūlamariṃdama| tasmāt kalatravat tāta pratipālyaḥ sadā bhavān||
O repressor of oes! O subduer of enemies, you are the root of this business. Therefore, my child, you should always be maintained by us like a wife.
— tr. M.N. Dutt (1891–96) (public domain)
VR 4 65.21
मूलमर्थस्य संरक्ष्यमेव कार्यविदां नयः। मूले हि सति सिध्यन्ति गुणाः सर्वे फलोदयाः॥
mūlamarthasya saṃrakṣyameva kāryavidāṃ nayaḥ| mūle hi sati sidhyanti guṇāḥ sarve phalodayāḥ||
The root of any work must be preserved. This is the policy of those versed in business. The root existing, all the virtues, obtaining fruit, certainly meet with success.
— tr. M.N. Dutt (1891–96) (public domain)
VR 4 65.22
तद् भवानस्य कार्यस्य साधनं सत्यविक्रम। बुद्धिविक्रमसम्पन्नो हेतुरत्र परंतप॥ गुरुश्च गुरुपुत्रश्च त्वं हि नः कपिसत्तमः। भवन्तमाश्रित्य वयं समर्था ह्यर्थसाधने॥
tad bhavānasya kāryasya sādhanaṃ satyavikrama| buddhivikramasampanno heturatra paraṃtapa|| guruśca guruputraśca tvaṃ hi naḥ kapisattamaḥ| bhavantamāśritya vayaṃ samarthā hyarthasādhane||
You, O you having truth for prowess are the instrument of this undertaking, and, O subduer of enemies, furnished with sense and vigour, you are the occasion herein. And, O foremost of monkeys, you are both our superior, and our superior's son; and resorting to you we are enabled to accomplish our object.
— tr. M.N. Dutt (1891–96) (public domain)
VR 4 65.23
उक्तवाक्यं महाप्राज्ञं जाम्बवन्तं महाकपिः। प्रत्युवाचोत्तरं वाक्यं वालिसूनुरथाङ्गदः॥
uktavākyaṃ mahāprājñaṃ jāmbavantaṃ mahākapiḥ| pratyuvācottaraṃ vākyaṃ vālisūnurathāṅgadaḥ||
Threat that mighty monkey, Angada, son to Vali, answered the exceedingly wise Jambavan, when he had spoken,
— tr. M.N. Dutt (1891–96) (public domain)
VR 4 65.24
यदि नाहं गमिष्यामि नान्यो वानरपुङ्गवः। पुनः खल्विदमस्माभिः कार्य प्रायोपवेशनम्॥
yadi nāhaṃ gamiṣyāmi nānyo vānarapuṅgavaḥ| punaḥ khalvidamasmābhiḥ kārya prāyopaveśanam||
If I go not, nor any other powerful monkey, then we should for certain again sit ourselves down to fast to death.
— tr. M.N. Dutt (1891–96) (public domain)
VR 4 65.25
नह्यकृत्वा हरिपतेः संदेशं तस्य धीमतः। तत्रापि गत्वा प्राणानां न पश्ये परिरक्षणम्॥
nahyakṛtvā haripateḥ saṃdeśaṃ tasya dhīmataḥ| tatrāpi gatvā prāṇānāṃ na paśye parirakṣaṇam||
Without doing the mandate of the intelligent lord of monkeys, we, repairing thither, shall not behold ourselves alive.
— tr. M.N. Dutt (1891–96) (public domain)
VR 4 65.26
स हि प्रसादे चात्यर्थकोपे च हरिरीश्वरः। अतीत्य तस्य संदेशं विनाशो गमने भवेत्॥
sa hi prasāde cātyarthakope ca harirīśvaraḥ| atītya tasya saṃdeśaṃ vināśo gamane bhavet||
He is extreme both in showing favour and in anger. Disregarding his order, we shall, going there, meet with destruction. And his ire shall, not take any other course.
— tr. M.N. Dutt (1891–96) (public domain)
VR 4 65.27
तत्तथा ह्यस्य कार्यस्य न भवत्यन्यथा गतिः। तद् भवानेव दृष्टार्थः संचिन्तयितुमर्हति ॥
tattathā hyasya kāryasya na bhavatyanyathā gatiḥ| tad bhavāneva dṛṣṭārthaḥ saṃcintayitumarhati ||
Therefore it behoves you, cap of seeing issues, to reflect.
— tr. M.N. Dutt (1891–96) (public domain)
VR 4 65.28
सोऽङ्गदेन तदा वीरः प्रत्युक्तः प्लवगर्षभः। जाम्बवानुत्तमं वाक्यं प्रोवाचेदं ततोऽङ्गदम्॥
so'ṅgadena tadā vīraḥ pratyuktaḥ plavagarṣabhaḥ| jāmbavānuttamaṃ vākyaṃ provācedaṃ tato'ṅgadam||
Thus addressed by Angada that powerful and heroic monkey Jāmbavān answered Angada in excellent words, saying,
— tr. M.N. Dutt (1891–96) (public domain)
VR 4 65.29
तस्य ते वीर कार्यस्य न किंचित् परिहास्यते। एष संचोदयाम्येनं यः कार्य साधयिष्यति ॥
tasya te vīra kāryasya na kiṃcit parihāsyate| eṣa saṃcodayāmyenaṃ yaḥ kārya sādhayiṣyati ||
That . business, O hero, say most moult a feather. I shall despatch even him who's bring about success.
— tr. M.N. Dutt (1891–96) (public domain)
VR 4 65.30
ततः प्रतीतं प्लवतां वरिष्ठमेकान्तमाश्रित्य सुखोपविष्टम्। संचोदयामास हरिप्रवीरो हरिप्रवीरं हनुमन्तमेव॥
tataḥ pratītaṃ plavatāṃ variṣṭhamekāntamāśritya sukhopaviṣṭam| saṃcodayāmāsa haripravīro haripravīraṃ hanumantameva||
Then that heroic monkey ordered foremost of monkeys, the highly heroic monkey Hanuman who stood apart, convinced (of the wisdom of Jambavān decision).
— tr. M.N. Dutt (1891–96) (public domain)