Valmiki Ramayana — Kishkindha Kanda — Chapter 23

VR 4 23.1

ततः समुपजिघ्रन्ती कपिराजस्य तन्मुखम्। पतिं लोकश्रुता तारा मृतं वचनमब्रवीत्॥

tataḥ samupajighrantī kapirājasya tanmukham| patiṃ lokaśrutā tārā mṛtaṃ vacanamabravīt||

Thereupon smelling the face of that lord of monkeys, Tārā again addressed her deceased lord, known all over the world, saying.

— tr. M.N. Dutt (1891–96) (public domain)

VR 4 23.2

शेषे त्वं विषमे दुःखमकृत्वा वचनं मम। उपलोपचिते वीर सुदुःखे वसुधातले॥

śeṣe tvaṃ viṣame duḥkhamakṛtvā vacanaṃ mama| upalopacite vīra suduḥkhe vasudhātale||

O hero, disregarding my words, you are lying on the uneven earth, hard and filled with gravels.

— tr. M.N. Dutt (1891–96) (public domain)

VR 4 23.3

मत्तः प्रियतरा नूनं वानरेन्द्र मही तव। शेषे हि तां परिष्वज्य मां च न प्रतिभाषसे॥

mattaḥ priyatarā nūnaṃ vānarendra mahī tava| śeṣe hi tāṃ pariṣvajya māṃ ca na pratibhāṣase||

O lord of monkeys, the earth is dearer to you than I, since you are lying there embracing her and are not welcoming me.

— tr. M.N. Dutt (1891–96) (public domain)

VR 4 23.4

सुग्रीवस्य वशं प्राप्तो विधिरेष भवत्यहो। सुग्रीव एव विक्रान्तो वीर साहसिकप्रिय॥

sugrīvasya vaśaṃ prāpto vidhireṣa bhavatyaho| sugrīva eva vikrānto vīra sāhasikapriya||

O hero, O dear, O brave lord, wonder it is that God under the semblance of Rāma, has placed himself under the control of Sugrīva; hither to fore he shall be regarded as a hero.

— tr. M.N. Dutt (1891–96) (public domain)

VR 4 23.5

ऋक्षवानरमुख्यास्त्वां बलिनं पर्युपासते। तेषां विलपितं कृच्छ्रमङ्गदस्य च शोचतः॥ मम चेमा गिरः श्रुत्वा किं त्वं न प्रतिबुध्यसे।

ṛkṣavānaramukhyāstvāṃ balinaṃ paryupāsate| teṣāṃ vilapitaṃ kṛcchramaṅgadasya ca śocataḥ|| mama cemā giraḥ śrutvā kiṃ tvaṃ na pratibudhyase|

Why are you not awake, hearing the bewailings of bears and monkeys who used to wait upon you, powerful, as well as that of Angada and myself?

— tr. M.N. Dutt (1891–96) (public domain)

VR 4 23.6

इदं तद् वीरशयनं तत्र शेषे हतो युधि ॥ शायिता निहता यत्र त्वयैव रिपवः पुरा।

idaṃ tad vīraśayanaṃ tatra śeṣe hato yudhi || śāyitā nihatā yatra tvayaiva ripavaḥ purā|

Alas! you are lying on this bed of the heroes, being slain in the battle, where formerly, your enemies destroyed by you, used to lie down,

— tr. M.N. Dutt (1891–96) (public domain)

VR 4 23.7

विशुद्धसत्त्वाभिजन प्रिययुद्ध मम प्रिय॥ मामनाथां विहायैकां गतस्त्वमसि मानद।

viśuddhasattvābhijana priyayuddha mama priya|| māmanāthāṃ vihāyaikāṃ gatastvamasi mānada|

O you born of a pure family, O you that are fond of warfare, O my dear, O conferror of honours, whither have you departed making me husbandless?

— tr. M.N. Dutt (1891–96) (public domain)

VR 4 23.8

शूराय न प्रदातव्या कन्या खलु विपश्चिता ॥ शूरभार्यां हतां पश्य सद्यो मां विधवां कृताम्।

śūrāya na pradātavyā kanyā khalu vipaścitā || śūrabhāryāṃ hatāṃ paśya sadyo māṃ vidhavāṃ kṛtām|

Let not the wise, henceforth, confer their daughters upon the heroes. Alas! behold me, the wife of a hero, made a widow in no time.

— tr. M.N. Dutt (1891–96) (public domain)

VR 4 23.9

अवभग्नश्च मे मानो भग्ना मे शाश्वती गतिः॥ अगाधे च निमग्नास्मि विपुले शोकसागरे।

avabhagnaśca me māno bhagnā me śāśvatī gatiḥ|| agādhe ca nimagnāsmi vipule śokasāgare|

Shattered is my honour and destroyed is my happiness and I am sunk in the deep abyss of grief.

— tr. M.N. Dutt (1891–96) (public domain)

VR 4 23.10

अश्मसारमयं नूनमिदं मे हृदयं दृढम्॥ भर्तारं निहतं दृष्ट्वा यन्नाद्य शतधा कृतम्।

aśmasāramayaṃ nūnamidaṃ me hṛdayaṃ dṛḍham|| bhartāraṃ nihataṃ dṛṣṭvā yannādya śatadhā kṛtam|

Forsooth, this my firm heart is not sundered into hundred pieces, beholding my husband slain!

— tr. M.N. Dutt (1891–96) (public domain)

VR 4 23.11

सुहृच्चैव च भर्ता च प्रकृत्या च मम प्रियः॥ प्रहारे च पराक्रान्तः शूरः पञ्चत्वमागतः।

suhṛccaiva ca bhartā ca prakṛtyā ca mama priyaḥ|| prahāre ca parākrāntaḥ śūraḥ pañcatvamāgataḥ|

You are my friend, my dear husband and a great hero-and you had met with destruction, being struck by another man.

— tr. M.N. Dutt (1891–96) (public domain)

VR 4 23.12

पतिहीना तु या नारी कामं भवतु पुत्रिणी॥ धनधान्यसमृद्धापि विधवेत्युच्यते जनैः।

patihīnā tu yā nārī kāmaṃ bhavatu putriṇī|| dhanadhānyasamṛddhāpi vidhavetyucyate janaiḥ|

A husbandless woman is always styled by the wise as widow, although she might have a son and enough of riches.

— tr. M.N. Dutt (1891–96) (public domain)

VR 4 23.13

स्वगात्रप्रभवे वीर शेषे रुधिरमण्डले॥ कृमिरागपरिस्तोमे स्वकीये शयने यथा।

svagātraprabhave vīra śeṣe rudhiramaṇḍale|| kṛmirāgaparistome svakīye śayane yathā|

O hero, you are lying down in a pool of blood issuing out of your own person, like to your own bed having a red-dyed bed-sheet.

— tr. M.N. Dutt (1891–96) (public domain)

VR 4 23.14

रेणुशोणितसंवीतं गात्रं तव समन्ततः॥ परिरब्धुं न शक्नोमि भुजाभ्यां प्लवगर्षभ।

reṇuśoṇitasaṃvītaṃ gātraṃ tava samantataḥ|| parirabdhuṃ na śaknomi bhujābhyāṃ plavagarṣabha|

Your body is on all sides besmeared with blood and dust and I am incapable of embracing you with my arms, O best of monkeys.

— tr. M.N. Dutt (1891–96) (public domain)

VR 4 23.15

कृतकृत्योऽद्य सुग्रीवो वैरेऽस्मिन्नतिदारुणे॥ यस्य रामविमुक्तेन हृतमेकेषुणा भयम्।

kṛtakṛtyo'dya sugrīvo vaire'sminnatidāruṇe|| yasya rāmavimuktena hṛtamekeṣuṇā bhayam|

Surely has Sugrīva satisfied his hostile intention to-day, whose fear has been removed by one shaft, discharged by Rāma.

— tr. M.N. Dutt (1891–96) (public domain)

VR 4 23.16

शरेण हृदि लग्नेन गात्रसंस्पर्शने तव॥ वार्यामि त्वां निरीक्षन्ती त्वयि पञ्चत्वमागते।

śareṇa hṛdi lagnena gātrasaṃsparśane tava|| vāryāmi tvāṃ nirīkṣantī tvayi pañcatvamāgate|

Thyself departing to the land of the dead. I have been eyeing you simply, being prevented from touching your person by the shaft piercing your heart.* The meaning is:-Lest by my touching that shaft you feelest a greater pain.

— tr. M.N. Dutt (1891–96) (public domain)

VR 4 23.17

उद्घबर्ह शरं नीलस्तस्य गात्रगतं तदा॥ गिरिगह्वरसंलीनं दीप्तमाशीविषं यथा।

udghabarha śaraṃ nīlastasya gātragataṃ tadā|| girigahvarasaṃlīnaṃ dīptamāśīviṣaṃ yathā|

Thereupon Neela took out that shaft from the person of (Vāli) like to a flaming serpent lurking in a mountain cave.

— tr. M.N. Dutt (1891–96) (public domain)

VR 4 23.18

तस्य निष्कृष्यमाणस्य बाणस्यापि बभौ द्युतिः॥ अस्तमस्तकसंरुद्धरश्मेदिनकरादिव।

tasya niṣkṛṣyamāṇasya bāṇasyāpi babhau dyutiḥ|| astamastakasaṃruddharaśmedinakarādiva|

There beamed the shaft extracted from his body like to the rays of the Sun, stationed on the summit of the setting hill.

— tr. M.N. Dutt (1891–96) (public domain)

VR 4 23.19

पेतुः क्षतजधारास्तु व्रणेभ्यस्तस्य सर्वशः॥ ताम्रगैरिकसम्पृक्ता धारा इव धराधरात्।

petuḥ kṣatajadhārāstu vraṇebhyastasya sarvaśaḥ|| tāmragairikasampṛktā dhārā iva dharādharāt|

And there poured forth from all his wounds, streams of blood, like to showers of melted copper and other metals falling from a mountain.

— tr. M.N. Dutt (1891–96) (public domain)

VR 4 23.20

अवकीर्णं विमार्जन्ती भर्तारं रणरेणुना॥ अनैर्नयनजैः शूरं सिषेचास्त्रसमाहतम् ।

avakīrṇaṃ vimārjantī bhartāraṃ raṇareṇunā|| anairnayanajaiḥ śūraṃ siṣecāstrasamāhatam |

And (Tārā) washed, with tears, her heroic husband's body covered with dust and wounded with weapons.

— tr. M.N. Dutt (1891–96) (public domain)

VR 4 23.21

रुधिरोक्षितसर्वाङ्गं दृष्ट्वा विनिहतं पतिम्॥ उवाच तारा पिङ्गाक्षं पुत्रमङ्गदमङ्गना।

rudhirokṣitasarvāṅgaṃ dṛṣṭvā vinihataṃ patim|| uvāca tārā piṅgākṣaṃ putramaṅgadamaṅganā|

Beholding her husband thus slain and besmeared with blood, she spoke to her son, Angada, having coppery eyes, saying:

— tr. M.N. Dutt (1891–96) (public domain)

VR 4 23.22

अवस्था पश्चिमां पश्य पितुः पुत्र सुदारुणाम्॥ सम्प्रसक्तस्य वैरस्य गतोऽन्तः पापकर्मणा।

avasthā paścimāṃ paśya pituḥ putra sudāruṇām|| samprasaktasya vairasya gato'ntaḥ pāpakarmaṇā|

Behold this terrible declining stage of your Sire. Here is the end of his hostilities collected by his impious action.

— tr. M.N. Dutt (1891–96) (public domain)

VR 4 23.23

बालसूर्योज्ज्वलतनुं प्रयातं यमसादनम्॥ अभिवादय राजानं पितरं पुत्र मानदम्।

bālasūryojjvalatanuṃ prayātaṃ yamasādanam|| abhivādaya rājānaṃ pitaraṃ putra mānadam|

O my son, do you how to your kingly father, the conferrer of honours, who has departed to the abode of Death, having a flaming person like to the rising Sun.

— tr. M.N. Dutt (1891–96) (public domain)

VR 4 23.24

एवमुक्तः समुत्थाय जग्राह चरणौ पितुः॥ भुजाभ्यां पीनवृत्ताभ्यामङ्गदोऽहमिति ब्रुवन्।

evamuktaḥ samutthāya jagrāha caraṇau pituḥ|| bhujābhyāṃ pīnavṛttābhyāmaṅgado'hamiti bruvan|

Thus accosted, Angada rose up and, saying, I (do touch my Sire's feet), embraced his father's feet with his plump arms.

— tr. M.N. Dutt (1891–96) (public domain)

VR 4 23.25

अभिवादयमानं त्वामङ्गदं त्वं यथा पुरा॥ दीर्घायुर्भव पुत्रेति किमर्थं नाभिभाषसे।

abhivādayamānaṃ tvāmaṅgadaṃ tvaṃ yathā purā|| dīrghāyurbhava putreti kimarthaṃ nābhibhāṣase|

(Thereupon Tāră said)—Saying 'Do you live long' why did you not welcome Angada, to-day as before, who has bowed to you?

— tr. M.N. Dutt (1891–96) (public domain)

VR 4 23.26

अहं पुत्रसहाया त्वामुपासे गतचेतनम्। सिंहेन पातितं सद्यो गौः सवत्सेव गोवृषम्॥

ahaṃ putrasahāyā tvāmupāse gatacetanam| siṃhena pātitaṃ sadyo gauḥ savatseva govṛṣam||

I am with my son, standing by you who are dead, like to a cow with her calf, having the bull slain by a lion.

— tr. M.N. Dutt (1891–96) (public domain)

VR 4 23.27

इष्ट्वा संग्रामयज्ञेन रामप्रहरणाम्भसा। तस्मिन्नवभृथे स्नातः कथं पत्न्या मया विना ॥ या दत्ता देवराजेन तव तुष्टेन संयुगे। शातकौम्भीं प्रियां मालां तां ते पश्यामि नेह किम्।।२८

iṣṭvā saṃgrāmayajñena rāmapraharaṇāmbhasā| tasminnavabhṛthe snātaḥ kathaṃ patnyā mayā vinā || yā dattā devarājena tava tuṣṭena saṃyuge| śātakaumbhīṃ priyāṃ mālāṃ tāṃ te paśyāmi neha kim||28

How have you, without me, your wife, bathed in the water of Rāma's shafts, at the end of your battle-like sacrifice? Why do I not behold here that favourite golden garland of thine, which was conferred on you by the lord of celestials, pleased in a battle?

— tr. M.N. Dutt (1891–96) (public domain)

VR 4 23.28

राज्यश्रीन जहाति त्वां गतासुमपि मानद। सूर्यस्यावर्तमानस्य शैलराजमिव प्रभा॥

rājyaśrīna jahāti tvāṃ gatāsumapi mānada| sūryasyāvartamānasya śailarājamiva prabhā||

Royal grace has not renounced you, O conferrer of honours, albeit you are dead, like to the rays not quitting the king of mountains, even after the Sun is set.

— tr. M.N. Dutt (1891–96) (public domain)

VR 4 23.29

न मे वचः पथ्यमिदं त्वया कृतं न चास्मि शक्ता हि निवारणे तव। हता सपुत्रास्मि हतेन संयुगे सह त्वया श्रीजिहाति मामपि॥

na me vacaḥ pathyamidaṃ tvayā kṛtaṃ na cāsmi śaktā hi nivāraṇe tava| hatā saputrāsmi hatena saṃyuge saha tvayā śrījihāti māmapi||

You didst not act by my wholesome words, nor could I prevent you. And I am now destroyed with my son, along with you in the battle. Truly has Sree (goddess of wealth) renounced me.

— tr. M.N. Dutt (1891–96) (public domain)