Valmiki Ramayana — Aranya Kanda — Chapter 40
VR 3 40.1
आज्ञप्तो रावणेनेत्थं प्रतिकूलं च राजवत्। अब्रवीत् परुषं वाक्यं निःशङ्को राक्षसाधिपम् ॥
ājñapto rāvaṇenetthaṃ pratikūlaṃ ca rājavat| abravīt paruṣaṃ vākyaṃ niḥśaṅko rākṣasādhipam ||
Being thus commended by Rāvana like a king to act against his will Mārica fearlessly addressed the lord of the Rākṣasas with the following bold words.
— tr. M.N. Dutt (1891–96) (public domain)
VR 3 40.2
केनायमुपदिष्टस्ते विनाशः पापकर्मणा। सपुत्रस्य सराज्यस्य सामात्यस्य निशाचर॥
kenāyamupadiṣṭaste vināśaḥ pāpakarmaṇā| saputrasya sarājyasya sāmātyasya niśācara||
What person of impious deeds has advised you ( ranger of the night thus in order to exterminate you with your kingdom, counsellors and children?
— tr. M.N. Dutt (1891–96) (public domain)
VR 3 40.3
कस्त्वया सुखिना राजन् नाभिनन्दति पापकृत्। केनेदमुपदिष्टं ते मृत्युद्वारमुपायतः॥
kastvayā sukhinā rājan nābhinandati pāpakṛt| kenedamupadiṣṭaṃ te mṛtyudvāramupāyataḥ||
Who of a vicious heart, O King, dose not feel himself happy at your welfare? Who has pointed out to you the way of your death under the cover of your means?
— tr. M.N. Dutt (1891–96) (public domain)
VR 3 40.4
शत्रवस्तव सुव्यक्तं हीनवीर्या निशाचर। इच्छन्ति त्वं विनस्यन्तमुपरुद्धं बलीयसा॥
śatravastava suvyaktaṃ hīnavīryā niśācara| icchanti tvaṃ vinasyantamuparuddhaṃ balīyasā||
O Ranger of night surely do your weak enemies wish to bring about your destruction by making you enter into a conflict with a powerful man.
— tr. M.N. Dutt (1891–96) (public domain)
VR 3 40.5
केनेदमुपदिष्टं ते क्षुद्रेणाहितबुद्धिना। यस्त्वामिच्छति नश्यन्तं स्वकृतेन निशाचर॥
kenedamupadiṣṭaṃ te kṣudreṇāhitabuddhinā| yastvāmicchati naśyantaṃ svakṛtena niśācara||
What little-minded man of evil intent has counselled you thus? O Ranger of night, really do they desire that you do bring destruction upon yourself by your own actions.
— tr. M.N. Dutt (1891–96) (public domain)
VR 3 40.6
वध्याः खलु न वध्यन्ते सचिवास्तव रावण। ये त्वामुत्पथमारूढं न निगृह्णन्ति सर्वशः॥
vadhyāḥ khalu na vadhyante sacivāstava rāvaṇa| ye tvāmutpathamārūḍhaṃ na nigṛhṇanti sarvaśaḥ||
You do not exterminate your counsellors O Rāvana, albeit they are worthy of being destroyed. For they do not prevent these entirely from your evil course.
— tr. M.N. Dutt (1891–96) (public domain)
VR 3 40.7
अमात्यैः कामवृत्तो हि राजा कापथमाश्रितः। निग्राह्यः सर्वथा सद्भिः स निग्राह्यो न गृह्यते॥
amātyaiḥ kāmavṛtto hi rājā kāpathamāśritaḥ| nigrāhyaḥ sarvathā sadbhiḥ sa nigrāhyo na gṛhyate||
Wise counsellors do always restrain a king who wends a vicious track being guided by his impulses and passions; but about you they are quite unmindful, though you should by every means be brought under restraint.
— tr. M.N. Dutt (1891–96) (public domain)
VR 3 40.8
धर्ममर्थं च कामं च यशश्च जयतां वर। स्वामिप्रसादात् सचिवाः प्राप्नुवन्ति निशाचर॥
dharmamarthaṃ ca kāmaṃ ca yaśaśca jayatāṃ vara| svāmiprasādāt sacivāḥ prāpnuvanti niśācara||
O you the best of conquerors, O you the ranger of high, ministers by the grace of their sovereign attain virtue, wealth, desires and fame.
— tr. M.N. Dutt (1891–96) (public domain)
VR 3 40.9
विपर्यये तु तत्सर्वं व्यर्थं भवति रावण। व्यसनं स्वामिवैगुण्यात् प्राप्नुवन्तीतरे जनाः॥
viparyaye tu tatsarvaṃ vyarthaṃ bhavati rāvaṇa| vyasanaṃ svāmivaiguṇyāt prāpnuvantītare janāḥ||
But those objects are never attained O Rāvana when they are not in good odour with their sovereign; moreover the subjects meet with dangers when he is devoid of all qualities.
— tr. M.N. Dutt (1891–96) (public domain)
VR 3 40.10
राजमूलो हि धर्मश्च यशश्च जयतां वर। तस्मात् सर्वास्ववस्थासु रक्षितव्या नराधिपाः॥
rājamūlo hi dharmaśca yaśaśca jayatāṃ vara| tasmāt sarvāsvavasthāsu rakṣitavyā narādhipāḥ||
O you the best of conquerors, the king is the root of virtue and fame to the subjects; he should therefore be always protected by them.
— tr. M.N. Dutt (1891–96) (public domain)
VR 3 40.11
राज्यं पालयितुं शक्यं न तीक्ष्णेन निशाचर। न चातिप्रतिकूलेन नाविनीतेन राक्षस ॥
rājyaṃ pālayituṃ śakyaṃ na tīkṣṇena niśācara| na cātipratikūlena nāvinītena rākṣasa ||
O ranger of night, proud kings of cruel temperament, acting against the subjects can never administer their kingdoms.
— tr. M.N. Dutt (1891–96) (public domain)
VR 3 40.12
ये तीक्ष्णमन्त्राः सचिवा भुज्यन्ते सह तेन वै। विषमेषु रथाः शीघ्रं मन्दसारथयो यथा॥
ye tīkṣṇamantrāḥ sacivā bhujyante saha tena vai| viṣameṣu rathāḥ śīghraṃ mandasārathayo yathā||
So do the ministers of cruel counsel meet with their end like to a chariot driven into a wild track by an unskilled charioteer.
— tr. M.N. Dutt (1891–96) (public domain)
VR 3 40.13
बहवः साधवो लोके युक्तधर्ममनुष्टिताः। परेषामपराधेन विनष्टाः सपरिच्छदाः॥
bahavaḥ sādhavo loke yuktadharmamanuṣṭitāḥ| pareṣāmaparādhena vinaṣṭāḥ saparicchadāḥ||
Many a pious person, on this earth, ever engaged in the performance of religious services, have, for the folly of other persons, met with destruction along with their relatives.
— tr. M.N. Dutt (1891–96) (public domain)
VR 3 40.14
स्वामिना प्रतिकूलेन प्रजास्तीक्ष्णेन रावण। रक्ष्यमाणा न वर्धन्ते मृगा गोमायुना यथा॥
svāminā pratikūlena prajāstīkṣṇena rāvaṇa| rakṣyamāṇā na vardhante mṛgā gomāyunā yathā||
Verily the subjects, O Ravana, can never expect to prosper under the regime of hotnatured sovereigns acting against their subjects like to deer under the protection of a jackal.
— tr. M.N. Dutt (1891–96) (public domain)
VR 3 40.15
अवश्यं विनशिष्यन्ति सर्वे रावण राक्षसाः। रेगां त्वं कर्क राजा दुर्बुद्धिरजितेन्द्रियः॥
avaśyaṃ vinaśiṣyanti sarve rāvaṇa rākṣasāḥ| regāṃ tvaṃ karka rājā durbuddhirajitendriyaḥ||
All the Rākşasas shall surely die, O Rāvana whose lord are you, foolish, cruel and under the control of your passions.
— tr. M.N. Dutt (1891–96) (public domain)
VR 3 40.16
तदिदं काकतालीयं घोरमासादितं मया। अत्र त्वं शोचनीयोऽसि ससैन्यो विनशिष्यसि ॥
tadidaṃ kākatālīyaṃ ghoramāsāditaṃ mayā| atra tvaṃ śocanīyo'si sasainyo vinaśiṣyasi ||
I shall not be the least sorry if I do meet with a sudden accident—what I do deplore most is that you shall meet in no time with destruction along with your soldiery.
— tr. M.N. Dutt (1891–96) (public domain)
VR 3 40.17
मां निहत्य तु रामोऽसावचिरात् त्वां वधिष्यति। अनेन कृतकृत्योऽस्मि म्रिये चाप्यरिणा हतः॥
māṃ nihatya tu rāmo'sāvacirāt tvāṃ vadhiṣyati| anena kṛtakṛtyo'smi mriye cāpyariṇā hataḥ||
Compassing my end Rāma shall exterminate you in no time and blessed I shall be being killed by an enemy in the conflict.
— tr. M.N. Dutt (1891–96) (public domain)
VR 3 40.18
दर्शनादेव रामस्य हतं मामवधारय। आत्मानं च हतं विद्धि हृत्वा सीतां सबान्धवम्॥
darśanādeva rāmasya hataṃ māmavadhāraya| ātmānaṃ ca hataṃ viddhi hṛtvā sītāṃ sabāndhavam||
Surely do you know that no sooner shall I see Rāma I shall be done away with; you shall carrying away Sītā meet with your end along with your kinsmen.
— tr. M.N. Dutt (1891–96) (public domain)
VR 3 40.19
आनयिष्यसि चेत् सीतामाश्रमात् सहितो मया। नैव त्वमपि नाहं वै नैव लङ्का न राक्षसाः॥
ānayiṣyasi cet sītāmāśramāt sahito mayā| naiva tvamapi nāhaṃ vai naiva laṅkā na rākṣasāḥ||
And if do you bring Şītā with me from the asylum, none shall be saved, me, yourself, the city of Lankā and the Rākşasas.
— tr. M.N. Dutt (1891–96) (public domain)
VR 3 40.20
निवार्यमाणस्तु मया हितैषिणा न मृष्यसे वाक्यमिदं निशाचर। परेतकल्पा हि गतायुषो नरा हितं न गृह्णन्ति सुहृद्भिरीरितम्॥
nivāryamāṇastu mayā hitaiṣiṇā na mṛṣyase vākyamidaṃ niśācara| paretakalpā hi gatāyuṣo narā hitaṃ na gṛhṇanti suhṛdbhirīritam||
You do not relish my words O ranger of the night though prevented by me, who wishes you welfare; those men who range on the verge of death, well-nigh finishing the term of their existence do not receive with good grace the counsels of friends.
— tr. M.N. Dutt (1891–96) (public domain)