Padma Purana — Kriya Khanda — Chapter 4
PdP 7 4.1
जैमिनिरुवाच- गङ्गाद्वारस्य माहात्म्यं त्वत्प्रसादाच्छ्रुतं मया । प्रयागस्य च माहात्म्यमिदानीं श्रोतुमिष्यसे
jaiminiruvāca- gaṅgādvārasya māhātmyaṃ tvatprasādācchrutaṃ mayā | prayāgasya ca māhātmyamidānīṃ śrotumiṣyase
Jaimini said: The greatness of Gaṅgādvāra has been heard by me through your favour; now I wish to hear the greatness of Prayāga too.
AI translation rendered from the Sanskrit, not a published edition
PdP 7 4.2
गङ्गाब्धिसङ्गमस्यापि माहात्म्यं कथ्यतां मुने । न सम्यक्कथितुं कोऽपि शक्नोति त्वदृते क्षितौ
gaṅgābdhisaṅgamasyāpi māhātmyaṃ kathyatāṃ mune | na samyakkathituṃ ko'pi śaknoti tvadṛte kṣitau
Let the greatness of the confluence of the Gaṅgā and the ocean also be told, O sage; no one on earth but you is able to tell it properly.
AI translation rendered from the Sanskrit, not a published edition
PdP 7 4.3
व्यास उवाच- प्रयागस्य फलं वत्स गङ्गाब्धिसङ्गमस्य च । सम्यग्वक्तुं न शक्नोमि संक्षेपाच्छ्रूयतां द्विज
vyāsa uvāca- prayāgasya phalaṃ vatsa gaṅgābdhisaṅgamasya ca | samyagvaktuṃ na śaknomi saṃkṣepācchrūyatāṃ dvija
Vyāsa said: The fruit of Prayāga, my child, and of the confluence of the Gaṅgā with the ocean, I am not able to declare fully; let it be heard in brief, O twice-born one.
AI translation rendered from the Sanskrit, not a published edition
PdP 7 4.4
कोटिब्रह्माण्डमध्येषु यानि तीर्थानि वै मुने । प्रयांति तानि सर्वाणि प्रयागप्रतिमां तु किम्
koṭibrahmāṇḍamadhyeṣu yāni tīrthāni vai mune | prayāṃti tāni sarvāṇi prayāgapratimāṃ tu kim
Whatever sacred fords there are within ten million world-eggs, O sage, they all go (to Prayāga) — but what could be a match for Prayāga?
AI translation rendered from the Sanskrit, not a published edition — the model flagged this verse as uncertain
PdP 7 4.5
गङ्गाया यमुनायाश्च सरस्वत्याश्च सङ्गमे । प्रशंसंति सुराः सर्वे ब्रह्मविष्णुशिवादयः
gaṅgāyā yamunāyāśca sarasvatyāśca saṅgame | praśaṃsaṃti surāḥ sarve brahmaviṣṇuśivādayaḥ
At the confluence of the Gaṅgā, the Yamunā and the Sarasvatī, all the gods, beginning with Brahmā, Viṣṇu and Śiva, offer praise.
AI translation rendered from the Sanskrit, not a published edition
PdP 7 4.6
मकरस्थे रवौ माघे स्नानं ये तत्र कुर्वते । तेषामागमनं नास्ति विष्णुलोकात्कदाचन
makarasthe ravau māghe snānaṃ ye tatra kurvate | teṣāmāgamanaṃ nāsti viṣṇulokātkadācana
Those who bathe there in (the month of) Māgha, when the sun stands in Capricorn — for them there is never any return from Viṣṇu's world.
AI translation rendered from the Sanskrit, not a published edition
PdP 7 4.7
गवां कोटिसहस्राणि वाजिमेधमुखाध्वराः । मेरुतुल्यसुवर्णानि दानान्यन्यानि च द्विज
gavāṃ koṭisahasrāṇi vājimedhamukhādhvarāḥ | merutulyasuvarṇāni dānānyanyāni ca dvija
Thousands of crores of cows, sacrifices headed by the horse-sacrifice, gold equal to Meru, and other gifts, O twice-born one —
AI translation rendered from the Sanskrit, not a published edition
PdP 7 4.8
कुरुक्षेत्रे पुष्करे च प्रभासे च गयासु च । हुत्वा दत्वा च विप्रेभ्यो यत्फलं प्राप्यते बुधैः
kurukṣetre puṣkare ca prabhāse ca gayāsu ca | hutvā datvā ca viprebhyo yatphalaṃ prāpyate budhaiḥ
and whatever fruit is obtained by the wise at Kurukṣetra, at Puṣkara, at Prabhāsa and at Gayā, by offering oblations and by giving to brahmins —
AI translation rendered from the Sanskrit, not a published edition
PdP 7 4.9
माघे स्नात्वा प्रयागे तु तस्मात्कोटिगुणं भवेत् । तस्मात्समस्ततीर्थानां प्रयागः परमः स्मृतः
māghe snātvā prayāge tu tasmātkoṭiguṇaṃ bhavet | tasmātsamastatīrthānāṃ prayāgaḥ paramaḥ smṛtaḥ
(the fruit) of bathing at Prayāga in Māgha would be ten million times that; therefore Prayāga is held to be the highest of all sacred fords.
AI translation rendered from the Sanskrit, not a published edition
PdP 7 4.10
सिंहराशिस्थिते सूर्ये गोदावर्यां द्विजोत्तम । चिरमुग्रतपस्तप्त्वा स्नानदानव्रतादिभिः
siṃharāśisthite sūrye godāvaryāṃ dvijottama | ciramugratapastaptvā snānadānavratādibhiḥ
When the sun stands in the sign of Leo, on the Godāvarī, O best of the twice-born, having long practised fierce austerity with bathing, giving, vows and the rest —
AI translation rendered from the Sanskrit, not a published edition
PdP 7 4.11
वेदागमपुराणोक्तं यत्पुण्यमक्षयं भवेत् । माघे स्नात्वा प्रयागे तु तत्पुण्यं नात्र संशयः
vedāgamapurāṇoktaṃ yatpuṇyamakṣayaṃ bhavet | māghe snātvā prayāge tu tatpuṇyaṃ nātra saṃśayaḥ
whatever imperishable merit is spoken of in the Vedas, the Āgamas and the Purāṇas: that merit (comes) from bathing at Prayāga in Māgha; there is no doubt here.
AI translation rendered from the Sanskrit, not a published edition
PdP 7 4.12
फाल्गुने कृष्णपक्षे तु चतुर्दश्यामुपोषितः । काश्यां यत्फलमाप्नोति तन्मे निगदतः शृणु
phālgune kṛṣṇapakṣe tu caturdaśyāmupoṣitaḥ | kāśyāṃ yatphalamāpnoti tanme nigadataḥ śṛṇu
But as for the fruit one obtains at Kāśī, having fasted on the fourteenth of the dark fortnight in Phālguna — hear that from me as I declare it.
AI translation rendered from the Sanskrit, not a published edition
PdP 7 4.13
कोटिजन्मार्जितैः पापैर्विमुक्तः सर्वरूपधृक् । उद्धृत्य कोटिपुरुषाञ्छिवेन सह मोदते
koṭijanmārjitaiḥ pāpairvimuktaḥ sarvarūpadhṛk | uddhṛtya koṭipuruṣāñchivena saha modate
Freed from the sins accumulated over ten million births, bearing every form, having rescued ten million men, he rejoices together with Śiva.
AI translation rendered from the Sanskrit, not a published edition — the model flagged this verse as uncertain
PdP 7 4.14
माघेमासे प्रयागे तु स्नात्वा सकृदपि द्विजः । कल्पकोटिशतं विष्णुं संपूज्यान्यत्र यत्फलम्
māghemāse prayāge tu snātvā sakṛdapi dvijaḥ | kalpakoṭiśataṃ viṣṇuṃ saṃpūjyānyatra yatphalam
But when a twice-born man bathes at Prayāga in the month of Māgha even once — whatever fruit there is elsewhere from worshipping Viṣṇu for a hundred crores of kalpas,
AI translation rendered from the Sanskrit, not a published edition
PdP 7 4.15
एकाहमपि संपूज्य मकरस्थे दिवाकरे । सत्यं सत्यमहं वच्मि सर्वमेवाक्षयं भवेत्
ekāhamapi saṃpūjya makarasthe divākare | satyaṃ satyamahaṃ vacmi sarvamevākṣayaṃ bhavet
(that he gains) by worshipping even for a single day while the sun stands in Capricorn; truly, truly I say it: all of it becomes imperishable.
AI translation rendered from the Sanskrit, not a published edition
PdP 7 4.16
यावद्दिनं माघमासे तत्र तिष्ठति मानवः । तावत्कल्पशतं विप्र मोदते विष्णुना सह
yāvaddinaṃ māghamāse tatra tiṣṭhati mānavaḥ | tāvatkalpaśataṃ vipra modate viṣṇunā saha
For as many days as a man stays there in the month of Māgha, for that many hundreds of kalpas, O brahmin, he rejoices together with Viṣṇu.
AI translation rendered from the Sanskrit, not a published edition
PdP 7 4.17
गङ्गायमुनयोस्तोये स्नानं येन कृतं सकृत् । सद्यस्तद्दर्शनात्पापैर्मुच्यते सर्वपातकैः
gaṅgāyamunayostoye snānaṃ yena kṛtaṃ sakṛt | sadyastaddarśanātpāpairmucyate sarvapātakaiḥ
He by whom bathing has been done even once in the waters of the Gaṅgā and the Yamunā — at once, by the sight of him, one is released from sins, from all the great sins.
AI translation rendered from the Sanskrit, not a published edition
PdP 7 4.18
तर्तुं यदीच्छंति जनाः संसाराब्धिं सुदुस्तरम् । गङ्गायमुनयोः स्नात्वा भक्त्या पश्यंतु माधवम्
tartuṃ yadīcchaṃti janāḥ saṃsārābdhiṃ sudustaram | gaṅgāyamunayoḥ snātvā bhaktyā paśyaṃtu mādhavam
If people wish to cross the ocean of transmigration, so very hard to cross, let them bathe in the Gaṅgā and the Yamunā and behold Mādhava with devotion.
AI translation rendered from the Sanskrit, not a published edition
PdP 7 4.19
यजंति मानवास्तत्र यद्यदिष्ट्वा कलेवरम् । सद्यो लभंते विप्रर्षे तत्तदेव न संशयः
yajaṃti mānavāstatra yadyadiṣṭvā kalevaram | sadyo labhaṃte viprarṣe tattadeva na saṃśayaḥ
Whatever men there sacrifice their body, having offered it in worship, they at once obtain that very thing, O brahmin sage; there is no doubt.
AI translation rendered from the Sanskrit, not a published edition — the model flagged this verse as uncertain
PdP 7 4.20
इतिहासमिहैवाहं कथयामि निशामय । यच्छ्रुत्वा सर्वपापेभ्यो मुक्तो भवति मानवः
itihāsamihaivāhaṃ kathayāmi niśāmaya | yacchrutvā sarvapāpebhyo mukto bhavati mānavaḥ
Right here I shall tell an old story; listen. Hearing it, a man becomes freed from all sins.
AI translation rendered from the Sanskrit, not a published edition
PdP 7 4.21
प्रणिधिर्नाम तत्रासीद्वैश्य एको महाधनी । देवतातिथिपूजासु विप्रभक्त्येकतत्परः
praṇidhirnāma tatrāsīdvaiśya eko mahādhanī | devatātithipūjāsu viprabhaktyekatatparaḥ
There was there a certain very wealthy merchant named Praṇidhi, wholly intent, in his worship of gods and guests, on devotion to brahmins.
AI translation rendered from the Sanskrit, not a published edition
PdP 7 4.22
तस्य पद्मावती नाम धर्मपत्नी पतिव्रता । चार्वङ्गी शीलयुक्ता च कुलजा प्रियवादिनी
tasya padmāvatī nāma dharmapatnī pativratā | cārvaṅgī śīlayuktā ca kulajā priyavādinī
His lawful wife was named Padmāvatī, devoted to her husband, fair of limb, endowed with good character, of good family, and sweet of speech.
AI translation rendered from the Sanskrit, not a published edition
PdP 7 4.23
स्त्रीणां योग्या गुणा ये ये सृष्टाः श्रीपरमेष्ठिना । तच्छरीरे गुणास्ते ते निवसंति द्विजोत्तम
strīṇāṃ yogyā guṇā ye ye sṛṣṭāḥ śrīparameṣṭhinā | taccharīre guṇāste te nivasaṃti dvijottama
Whatever virtues fitting for women were created by the glorious Highest One — those virtues all dwelt in her body, O best of the twice-born.
AI translation rendered from the Sanskrit, not a published edition
PdP 7 4.24
अथासौप्रणिधिर्वैश्यः समादायधनं बहु । वाणिज्यार्थे गतो विप्र शुभे लग्ने शुभे तिथौ
athāsaupraṇidhirvaiśyaḥ samādāyadhanaṃ bahu | vāṇijyārthe gato vipra śubhe lagne śubhe tithau
Then that Vaiśya Praṇidhi, taking much wealth, set out for the purpose of trade, O brahmin, at an auspicious ascendant and on an auspicious lunar day.
AI translation rendered from the Sanskrit, not a published edition
PdP 7 4.25
धनाद्धर्मः प्रभवति धनाच्च विपुलं यशः । धनात्कुलमवाप्नोति भवेत्किं वा धनादृते
dhanāddharmaḥ prabhavati dhanācca vipulaṃ yaśaḥ | dhanātkulamavāpnoti bhavetkiṃ vā dhanādṛte
From wealth dharma arises, and from wealth abundant fame; through wealth one obtains (good) family — what indeed could come to be without wealth?
AI translation rendered from the Sanskrit, not a published edition
PdP 7 4.26
धनहीनं जनं दृष्ट्वा सखापि वा पलायते । मेघःशरद्यंबुहीनः खंडं खंडं नयेन्महत्
dhanahīnaṃ janaṃ dṛṣṭvā sakhāpi vā palāyate | meghaḥśaradyaṃbuhīnaḥ khaṃḍaṃ khaṃḍaṃ nayenmahat
Seeing a person destitute of wealth, even a friend runs away; a great cloud in autumn, devoid of water, breaks apart piece by piece.
AI translation rendered from the Sanskrit, not a published edition
PdP 7 4.27
खादितुं प्राप्यते यावत्तावदेव हि बांधवाः । धनं यस्य कुलं तस्य बुद्धिस्तस्य स पंडितः
khādituṃ prāpyate yāvattāvadeva hi bāṃdhavāḥ | dhanaṃ yasya kulaṃ tasya buddhistasya sa paṃḍitaḥ
Only so long as there is something to be got to eat, just so long are there kinsmen; he who has wealth has family, he has intelligence, he is the learned man.
AI translation rendered from the Sanskrit, not a published edition
PdP 7 4.28
अर्थैर्विहीनः पुरुषो जीवन्नपि मृतोपमः । धर्मार्थविद्यार्जनतो मतिर्यस्य नि वर्तते
arthairvihīnaḥ puruṣo jīvannapi mṛtopamaḥ | dharmārthavidyārjanato matiryasya ni vartate
A man bereft of wealth, though living, is like one dead. He whose mind turns away from the acquiring of dharma, wealth, and learning —
AI translation rendered from the Sanskrit, not a published edition
PdP 7 4.29
ज्ञेयः स मूर्खः सुतरामधिकस्याधिकं फलम् । कर्त्तव्यः सततं धर्मश्चार्जितव्यं सदाधनम्
jñeyaḥ sa mūrkhaḥ sutarāmadhikasyādhikaṃ phalam | karttavyaḥ satataṃ dharmaścārjitavyaṃ sadādhanam
— he is to be known as an utter fool. Of what is greater the fruit is greater. Dharma should be practised constantly, and wealth should always be acquired.
AI translation rendered from the Sanskrit, not a published edition
PdP 7 4.30
शिक्षितव्या सदा विद्या पुंभिरेव विचक्षणैः । दानाद्धनं च विद्या च वर्द्धते प्रतिवासरम्
śikṣitavyā sadā vidyā puṃbhireva vicakṣaṇaiḥ | dānāddhanaṃ ca vidyā ca varddhate prativāsaram
Learning should always be studied by discerning men indeed; by giving, both wealth and learning increase day by day.
AI translation rendered from the Sanskrit, not a published edition
PdP 7 4.31
धर्मस्तु वर्द्धते नैव रक्षतेन विना नृणाम् । काष्ठं तृणं तुषं वापि संप्राप्य न परित्यजेत्
dharmastu varddhate naiva rakṣatena vinā nṛṇām | kāṣṭhaṃ tṛṇaṃ tuṣaṃ vāpi saṃprāpya na parityajet
But dharma does not increase at all for men without protection (of it). Wood, grass, or even husk — having obtained it, one should not throw it away.
AI translation rendered from the Sanskrit, not a published edition
PdP 7 4.32
पुमान्संचयशीलोऽपि कदाचिन्नावसीदति । ततोऽसौ प्रणिधिर्वैश्यो नियोज्य स्त्रियमालये
pumānsaṃcayaśīlo'pi kadācinnāvasīdati | tato'sau praṇidhirvaiśyo niyojya striyamālaye
A man given to accumulating never sinks down (into ruin). Then that Vaiśya Praṇidhi, having set his wife in charge at home,
AI translation rendered from the Sanskrit, not a published edition
PdP 7 4.33
गृहव्यापारनिष्णातो वाणिज्येन जगाम ह । अथैकदा तस्य पत्नी गृहीत्वोद्वर्तनादिकम्
gṛhavyāpāraniṣṇāto vāṇijyena jagāma ha | athaikadā tasya patnī gṛhītvodvartanādikam
— she being skilled in household business — went off with merchandise. Then one day his wife, taking the unguent-rubbing materials and the rest,
AI translation rendered from the Sanskrit, not a published edition
PdP 7 4.34
सखीभिः सह विप्रर्षे जगाम स्नानहेतवे । ततो धनुर्ध्वजो नाम स्वयं च पातकाश्रयः
sakhībhiḥ saha viprarṣe jagāma snānahetave | tato dhanurdhvajo nāma svayaṃ ca pātakāśrayaḥ
went with her women friends, O brahmin sage, for the sake of bathing. Then one named Dhanurdhvaja, himself a receptacle of sin,
AI translation rendered from the Sanskrit, not a published edition
PdP 7 4.35
निजेच्छया प्रकुर्वंतीं स्नानकर्म ददर्श ताम् । विकसत्स्वर्णपुष्पाढ्यां प्रफुल्लकमलाननाम्
nijecchayā prakurvaṃtīṃ snānakarma dadarśa tām | vikasatsvarṇapuṣpāḍhyāṃ praphullakamalānanām
saw her performing the act of bathing at her own pleasure, adorned with opening golden flowers, her face a full-blown lotus,
AI translation rendered from the Sanskrit, not a published edition
PdP 7 4.36
मृगशावदृशं चारु पीनोन्नतपयोधराम् । तां वैश्यपत्नीमालोक्य श्वपचोऽसौ स्मरातुरः
mṛgaśāvadṛśaṃ cāru pīnonnatapayodharām | tāṃ vaiśyapatnīmālokya śvapaco'sau smarāturaḥ
with the eyes of a fawn, lovely, with full high breasts — seeing her, the Vaiśya's wife, that dog-cooker, sick with love,
AI translation rendered from the Sanskrit, not a published edition
PdP 7 4.37
उवाच प्रहसन्वाणीं निजमूर्तिमचिंतयन् । धनुर्ध्वज उवाच- कासि कल्याणि सुश्रोणि चारुहासिनि सुन्दरि
uvāca prahasanvāṇīṃ nijamūrtimaciṃtayan | dhanurdhvaja uvāca- kāsi kalyāṇi suśroṇi cāruhāsini sundari
laughing, spoke these words, giving no thought to his own station. Dhanurdhvaja said: Who are you, fair one, with beautiful hips, of charming smile, O lovely woman?
AI translation rendered from the Sanskrit, not a published edition
PdP 7 4.38
मनो हरसि मे कस्मात्सुयौवनरसैः प्रिये । विशालजघने तन्वि मया गुणवता सह
mano harasi me kasmātsuyauvanarasaiḥ priye | viśālajaghane tanvi mayā guṇavatā saha
Why do you steal away my mind with the savours of your fine youth, my dear? O slender one with broad loins, together with me, who am endowed with good qualities,
AI translation rendered from the Sanskrit, not a published edition
PdP 7 4.39
गुणवत्या त्वया सर्वं सुखमत्यनुभूयताम् । धनुर्ध्वजवचः श्रुत्वा तस्याः सख्यस्ततो द्विज
guṇavatyā tvayā sarvaṃ sukhamatyanubhūyatām | dhanurdhvajavacaḥ śrutvā tasyāḥ sakhyastato dvija
let every pleasure be fully enjoyed by you, who are endowed with good qualities. Hearing Dhanurdhvaja's speech, then, O brahmin, her friends,
AI translation rendered from the Sanskrit, not a published edition
PdP 7 4.40
ऊचुर्वाक्यं तथा क्रुद्धाः संदष्टदशनच्छदाः । सख्य ऊचुः- अरे मूढ दुराचार दुराचारकुलोद्भव
ūcurvākyaṃ tathā kruddhāḥ saṃdaṣṭadaśanacchadāḥ | sakhya ūcuḥ- are mūḍha durācāra durācārakulodbhava
thus angered, their lips bitten, spoke these words. The friends said: You fool, evil-doer, born of a family of evil-doers,
AI translation rendered from the Sanskrit, not a published edition
PdP 7 4.41
पादनिष्प्रेक्षणमपि नैतस्यास्ते प्रदीयते । इयं पतिव्रता नारी धर्मकर्मपरायणा
pādaniṣprekṣaṇamapi naitasyāste pradīyate | iyaṃ pativratā nārī dharmakarmaparāyaṇā
not even a look at her feet is granted to you. This is a woman devoted to her husband, intent upon dharma and (its) observances.
AI translation rendered from the Sanskrit, not a published edition
PdP 7 4.42
आत्मानं सुखमिच्छद्भिः पापदृष्ट्या न दृश्यते । परस्त्रीमुखसौंदर्यं परद्रव्यं च सर्वदा
ātmānaṃ sukhamicchadbhiḥ pāpadṛṣṭyā na dṛśyate | parastrīmukhasauṃdaryaṃ paradravyaṃ ca sarvadā
By those who wish happiness for themselves, the beauty of another's wife's face, and another's property, are never to be looked at with a sinful eye;
AI translation rendered from the Sanskrit, not a published edition
PdP 7 4.43
दृष्ट्वा कामाग्निसंखिन्ना दह्यंते मूढमानसाः । याहि पापमते दूरं मा वदोक्तिं सुदुःसहाम्
dṛṣṭvā kāmāgnisaṃkhinnā dahyaṃte mūḍhamānasāḥ | yāhi pāpamate dūraṃ mā vadoktiṃ suduḥsahām
having seen (them), those of deluded mind, tormented by the fire of lust, are burnt up. Go far off, evil-minded one; do not utter speech so hard to bear.
AI translation rendered from the Sanskrit, not a published edition
PdP 7 4.44
वयमेव भवंतं न स्पृशामश्चरणैरपि । धनुर्ध्वज उवाच- धिगस्त्वमुं जातिशब्दं संजानन्नखिलं गुणम्
vayameva bhavaṃtaṃ na spṛśāmaścaraṇairapi | dhanurdhvaja uvāca- dhigastvamuṃ jātiśabdaṃ saṃjānannakhilaṃ guṇam
"We ourselves would not touch you even with our feet." Dhanurdhvaja said: "Fie on this talk of caste, when I know (her) every excellence!
AI translation rendered from the Sanskrit, not a published edition — the model flagged this verse as uncertain
PdP 7 4.45
संभावितो न युष्माभिः श्वपचत्वे यतोऽधुना । कनकं मदिरापूर्णं कलशाभ्यंतरस्थितम्
saṃbhāvito na yuṣmābhiḥ śvapacatve yato'dhunā | kanakaṃ madirāpūrṇaṃ kalaśābhyaṃtarasthitam
since I am not held in esteem by you, being a dog-cooker. Gold placed inside a pot that is filled with wine —
AI translation rendered from the Sanskrit, not a published edition — the model flagged this verse as uncertain
PdP 7 4.46
संप्राप्य को न गृह्णाति तद्गुणग्रामवित्पुमान् । अतोऽहं युवतीमेनां यथा प्राप्नोमि सांप्रतम्
saṃprāpya ko na gṛhṇāti tadguṇagrāmavitpumān | ato'haṃ yuvatīmenāṃ yathā prāpnomi sāṃpratam
having come upon it, what man who knows its collection of good qualities would not take it? Therefore, so that I may now obtain this young woman,
AI translation rendered from the Sanskrit, not a published edition
PdP 7 4.47
तथा कुरुत हे सख्यः शरणं भो गतोस्मि यत् । इति ब्रुवंतं तं मूढं भूयोभूयो द्विजोत्तम
tathā kuruta he sakhyaḥ śaraṇaṃ bho gatosmi yat | iti bruvaṃtaṃ taṃ mūḍhaṃ bhūyobhūyo dvijottama
act accordingly, O friends; for I have come to you for refuge. To that fool, saying this again and again, O best of the twice-born,
AI translation rendered from the Sanskrit, not a published edition
PdP 7 4.48
ऊचुर्वाक्यमिदं तास्तु जातात्यंतकुतूहलाः । सख्य ऊचुः- यद्येतां रमणीं नूनमिच्छसि त्वं सुदुर्म्मते
ūcurvākyamidaṃ tāstu jātātyaṃtakutūhalāḥ | sakhya ūcuḥ- yadyetāṃ ramaṇīṃ nūnamicchasi tvaṃ sudurmmate
they spoke these words, extreme curiosity having arisen (in them). The friends said: If you truly desire this lovely woman, O most evil-minded one,
AI translation rendered from the Sanskrit, not a published edition
PdP 7 4.49
गङ्गायमुनयोः शीघ्रं शरीरं संगमे त्यज । मिथःकृतमुखालोका हसंत्यस्तास्ततो द्विज
gaṅgāyamunayoḥ śīghraṃ śarīraṃ saṃgame tyaja | mithaḥkṛtamukhālokā hasaṃtyastāstato dvija
then quickly give up your body at the confluence of the Gaṅgā and the Yamunā. Then, glancing at one another's faces and laughing, O twice-born one,
AI translation rendered from the Sanskrit, not a published edition
PdP 7 4.50
तां साधुपत्नीमादाय ययुर्निजगृहांतरम् । ततोऽसौ श्वपचो मोहाद्ब्रह्महत्यासहस्रकृत् ५० 7.4.
tāṃ sādhupatnīmādāya yayurnijagṛhāṃtaram | tato'sau śvapaco mohādbrahmahatyāsahasrakṛt 50 7.4.
they took that wife of the virtuous man and went inside their own house. Then that dog-cooker, out of delusion, incurring (the guilt of) a thousand brahmin-murders,
AI translation rendered from the Sanskrit, not a published edition
PdP 7 4.51
गंगायमुनयोस्तोये तामिष्ट्वा पंचतां गतः । तत्स्वामिसदृशाकारः समस्तगुणवान्बली
gaṃgāyamunayostoye tāmiṣṭvā paṃcatāṃ gataḥ | tatsvāmisadṛśākāraḥ samastaguṇavānbalī
in the water of the Gaṅgā and Yamunā, having desired her, went to his death. (Then one) whose form resembled her husband's, endowed with all good qualities, strong,
AI translation rendered from the Sanskrit, not a published edition — the model flagged this verse as uncertain
PdP 7 4.52
स च एव श्वपाकोऽसौ स्ववृत्तांतं स्मरन्नभूत् । ततोऽसौ प्रणिधिर्वैश्यस्तस्मिन्नेव दिने शुभे
sa ca eva śvapāko'sau svavṛttāṃtaṃ smarannabhūt | tato'sau praṇidhirvaiśyastasminneva dine śubhe
and he was that very dog-cooker, remembering his own past history. Then that Vaiśya Praṇidhi, on that very auspicious day,
AI translation rendered from the Sanskrit, not a published edition
PdP 7 4.53
कृत्वा वाणिज्यमायातः स्वकीयं निलयं प्रति । श्वपाकोऽपि ततो विप्रस्तस्या वासं विवेश ह
kṛtvā vāṇijyamāyātaḥ svakīyaṃ nilayaṃ prati | śvapāko'pi tato viprastasyā vāsaṃ viveśa ha
having finished his trading, came back toward his own dwelling. The dog-cooker too, O brahmin, then entered her residence,
AI translation rendered from the Sanskrit, not a published edition
PdP 7 4.54
प्रणिधेः सदृशो रूपैर्वयोभिश्च गुणैरपि । एकाकारौ समालोक्य पुरःस्थौ तौ गुणाकरौ
praṇidheḥ sadṛśo rūpairvayobhiśca guṇairapi | ekākārau samālokya puraḥsthau tau guṇākarau
resembling Praṇidhi in appearance, in age, and in qualities as well. Seeing those two of identical form, both mines of virtue, standing before her,
AI translation rendered from the Sanskrit, not a published edition
PdP 7 4.55
कस्याहं दयिता को वा मम भर्त्तेत्यचिंतयत् । ततः सा विस्मिता साध्वी विलोक्य तत्पतिद्वयम्
kasyāhaṃ dayitā ko vā mama bharttetyaciṃtayat | tataḥ sā vismitā sādhvī vilokya tatpatidvayam
she wondered: "Whose beloved am I? Or who is my husband?" Then that virtuous woman, astonished, looking at that pair of husbands,
AI translation rendered from the Sanskrit, not a published edition
PdP 7 4.56
तुष्टाव माधवं देवं वचनैः कोमलाक्षरैः
tuṣṭāva mādhavaṃ devaṃ vacanaiḥ komalākṣaraiḥ
praised the god Mādhava with words of gentle syllables.
AI translation rendered from the Sanskrit, not a published edition
PdP 7 4.57
पद्मावत्युवाच- नमामि गोविन्दमनन्तमूर्तिं शक्रादिदेवार्चितपादपद्मम् । योगेश्वरं योगविदां निरीहं योगप्रदं योगिभिरर्चनीयम्
padmāvatyuvāca- namāmi govindamanantamūrtiṃ śakrādidevārcitapādapadmam | yogeśvaraṃ yogavidāṃ nirīhaṃ yogapradaṃ yogibhirarcanīyam
Padmāvatī said: I bow to Govinda, of endless form, whose lotus feet are worshipped by Indra and the other gods, the lord of yoga, free of striving, the granter of yoga to those who know yoga, to be worshipped by yogins.
AI translation rendered from the Sanskrit, not a published edition
PdP 7 4.58
नमोऽस्तु ते कैटभमर्द्दनाय नमो मधुध्वंसकराय तुभ्यम् । नमोऽस्तु कंसासुरनाशनाय नमोऽस्तु चाणूरनिपातनाय
namo'stu te kaiṭabhamarddanāya namo madhudhvaṃsakarāya tubhyam | namo'stu kaṃsāsuranāśanāya namo'stu cāṇūranipātanāya
Homage be to you, crusher of Kaiṭabha; homage to you, destroyer of Madhu; homage be to the slayer of the demon Kaṃsa; homage be to the feller of Cāṇūra.
AI translation rendered from the Sanskrit, not a published edition
PdP 7 4.59
नमोऽस्तु वेदोद्धरणाग्रनित्यं नमोऽस्तु भूम्युद्धरणाय तुभ्यम् । नमोस्तु पृथ्वीधरणक्षमाय नमोस्तु दैत्यांतकराय तुभ्यम्
namo'stu vedoddharaṇāgranityaṃ namo'stu bhūmyuddharaṇāya tubhyam | namostu pṛthvīdharaṇakṣamāya namostu daityāṃtakarāya tubhyam
Homage be to (you who are) ever foremost in raising up the Vedas; homage be to you, lifter up of the earth; homage be to (you who are) able to bear the earth; homage be to you, maker of an end to the Daityas.
AI translation rendered from the Sanskrit, not a published edition
PdP 7 4.60
गङ्गांबुधौ तांघ्रियुगाय तुभ्यं नमोस्तु राजन्यकुलांतकाय । नमोस्तु ते रावणवंशहंत्रे अलं च दैत्यांतकराय तुभ्यम्
gaṅgāṃbudhau tāṃghriyugāya tubhyaṃ namostu rājanyakulāṃtakāya | namostu te rāvaṇavaṃśahaṃtre alaṃ ca daityāṃtakarāya tubhyam
Homage be to you, whose pair of feet is in the water of the Gaṅgā; homage to the ender of the kingly line; homage be to you, destroyer of Rāvaṇa's lineage, and fully (homage) to you, the destroyer of the Daityas.
AI translation rendered from the Sanskrit, not a published edition — the model flagged this verse as uncertain
PdP 7 4.61
नमोस्तु ते चाध्वरनिंदकाय नमोस्तु ते म्लेच्छकुलांतकाय । नमोऽस्तु ते हृत्कमलासनाय नमोऽस्तु ते सर्वरिपुध्वजाय
namostu te cādhvaraniṃdakāya namostu te mlecchakulāṃtakāya | namo'stu te hṛtkamalāsanāya namo'stu te sarvaripudhvajāya
And homage be to you, the reviler of sacrifice; homage be to you, the ender of the Mleccha races; homage be to you, whose seat is the lotus of the heart; homage be to you, the banner (?) over all foes.
AI translation rendered from the Sanskrit, not a published edition — the model flagged this verse as uncertain
PdP 7 4.62
प्रसीद गोपीजनवल्लभ प्रभो धृतैकहस्ताचलदेवदेव । प्रसीद लक्ष्मीमुखपद्मभृंग प्रसीद विष्णो सततं नमस्ते
prasīda gopījanavallabha prabho dhṛtaikahastācaladevadeva | prasīda lakṣmīmukhapadmabhṛṃga prasīda viṣṇo satataṃ namaste
Be gracious, O beloved of the cowherd folk, O lord, O god of gods who held up the mountain with a single hand; be gracious, O bee at the lotus of Lakṣmī's face; be gracious, O Viṣṇu — homage to you always.
AI translation rendered from the Sanskrit, not a published edition
PdP 7 4.63
प्रसीद पद्मेक्षणचक्रपाणे कौमोदकीहस्तगदाधर त्वम् । प्रसीद विष्णो धृतपांचजन्य नमोस्तु ते पद्मधराय नित्यम्
prasīda padmekṣaṇacakrapāṇe kaumodakīhastagadādhara tvam | prasīda viṣṇo dhṛtapāṃcajanya namostu te padmadharāya nityam
Be gracious, O lotus-eyed one, holder of the discus, you who bear in your hand the mace Kaumodakī; be gracious, O Viṣṇu who holds the Pāñcajanya (conch); homage be to you, bearer of the lotus, forever.
AI translation rendered from the Sanskrit, not a published edition
PdP 7 4.64
संसारकौतुहलमंदिरे ते मोहांधकारे च विवेकदीपे । संमोहिता केशव मायया हि त्वदीयया नित्यमहं भ्रमामि
saṃsārakautuhalamaṃdire te mohāṃdhakāre ca vivekadīpe | saṃmohitā keśava māyayā hi tvadīyayā nityamahaṃ bhramāmi
In this house of wonders that is transmigration, in the darkness of delusion, where discrimination is the lamp — utterly bewildered, Keśava, by your own māyā, I wander perpetually.
AI translation rendered from the Sanskrit, not a published edition
PdP 7 4.65
विरञ्चि सेन्द्रार्कमुखाः सुरेन्द्रा मायां न जानन्ति तवासुरारे । मानुष्यहं किं तव वेद्मि मायां पुरोभ्रमं मे हरसानुकंपम्
virañci sendrārkamukhāḥ surendrā māyāṃ na jānanti tavāsurāre | mānuṣyahaṃ kiṃ tava vedmi māyāṃ purobhramaṃ me harasānukaṃpam
Brahmā, and the chief gods headed by Indra and the Sun, do not know your māyā, O foe of the demons. What of me, a human being — how should I know your māyā? Take away, with compassion, the confusion that lies before me.
AI translation rendered from the Sanskrit, not a published edition
PdP 7 4.66
व्यास उवाच- तस्याः स्तवं समाकर्ण्य भगवान्माधवः प्रभुः । समालोक्य जगन्नाथश्चतुर्वर्गफलप्रदः
vyāsa uvāca- tasyāḥ stavaṃ samākarṇya bhagavānmādhavaḥ prabhuḥ | samālokya jagannāthaścaturvargaphalapradaḥ
Vyāsa said: Having heard her hymn of praise, the Lord Mādhava, the master, the Lord of the world, who bestows the fruit of the four aims of life, looked upon her,
AI translation rendered from the Sanskrit, not a published edition
PdP 7 4.67
आविर्बभूव सहसा सूर्यकोटिसमप्रभः । सा मूर्ध्ना भूमिमालोक्य ववंदे तत्पदद्वयम्
āvirbabhūva sahasā sūryakoṭisamaprabhaḥ | sā mūrdhnā bhūmimālokya vavaṃde tatpadadvayam
and at once appeared, with the radiance of ten million suns. She, gazing at the ground with her head (bowed), saluted his two feet.
AI translation rendered from the Sanskrit, not a published edition
PdP 7 4.68
नमस्ते कमलाकान्त भुक्तिमुक्तिफलप्रद । हर मे ज्ञानहीनायाः स्वकीय मतिविभ्रमम्
namaste kamalākānta bhuktimuktiphalaprada | hara me jñānahīnāyāḥ svakīya mativibhramam
"Homage to you, beloved of Kamalā, giver of the fruits of enjoyment and liberation. Take away the confusion of mind of me, who am devoid of knowledge — (make me) your own."
AI translation rendered from the Sanskrit, not a published edition — the model flagged this verse as uncertain
PdP 7 4.69
श्रीभगवानुवाच- भ्रमं जहीहि चार्वंगि द्वावेतौ हि पती तव । एकभावेन सुश्रोणि कुरु सेवां तयोः सदा
śrībhagavānuvāca- bhramaṃ jahīhi cārvaṃgi dvāvetau hi patī tava | ekabhāvena suśroṇi kuru sevāṃ tayoḥ sadā
The Blessed Lord said: Abandon your confusion, fair-limbed one; these two are indeed your husbands. With a single attitude, lovely one, always render service to them both.
AI translation rendered from the Sanskrit, not a published edition
PdP 7 4.70
यश्च ते प्रणिधिः स्वामी मद्भक्तस्तरुणः सुधीः । भोक्तुं सुखफलं साध्वि सोऽभवद्द्विविधः स्वयम्
yaśca te praṇidhiḥ svāmī madbhaktastaruṇaḥ sudhīḥ | bhoktuṃ sukhaphalaṃ sādhvi so'bhavaddvividhaḥ svayam
And he who is your husband, the spy, my devotee, young and wise — he himself, virtuous woman, became twofold in order to enjoy the fruit of pleasure.
AI translation rendered from the Sanskrit, not a published edition
PdP 7 4.71
अनन्तरूपिणी लक्ष्मीर्यथा क्रीडे मया सह । तथा त्वमपि सुश्रोणि भुंक्ष्व ताभ्यां सुखं सदा
anantarūpiṇī lakṣmīryathā krīḍe mayā saha | tathā tvamapi suśroṇi bhuṃkṣva tābhyāṃ sukhaṃ sadā
Just as Lakṣmī, taking endless forms, sports with me, so too you, lovely one, enjoy pleasure with those two always.
AI translation rendered from the Sanskrit, not a published edition
PdP 7 4.72
पद्मावत्युवाच- एकस्या द्वौ पती देव न प्रशंसन्ति मानवाः । मग्नां लज्जाब्धिकल्लोले मामुद्धर दयामय
padmāvatyuvāca- ekasyā dvau patī deva na praśaṃsanti mānavāḥ | magnāṃ lajjābdhikallole māmuddhara dayāmaya
Padmāvatī said: Two husbands for one woman — O god, people do not approve of it. I am sunk in the surge of the ocean of shame; lift me out, compassionate one.
AI translation rendered from the Sanskrit, not a published edition
PdP 7 4.73
श्रीभगवानुवाच- यदापकीर्तितः साध्वि बिभेषि त्वं ध्रुवं भुवि । तदा मत्पुरमागच्छ ताभ्यां सह वरानने
śrībhagavānuvāca- yadāpakīrtitaḥ sādhvi bibheṣi tvaṃ dhruvaṃ bhuvi | tadā matpuramāgaccha tābhyāṃ saha varānane
The Blessed Lord said: Virtuous one, if you are surely afraid of ill fame on earth, then come to my city together with those two, fair-faced one.
AI translation rendered from the Sanskrit, not a published edition
PdP 7 4.74
विमानमागतं सद्यस्ततो भगवदाज्ञया । तौ समादाय वैकुण्ठं सा गंतुमुपचक्रमे
vimānamāgataṃ sadyastato bhagavadājñayā | tau samādāya vaikuṇṭhaṃ sā gaṃtumupacakrame
Then at once, by the Lord's command, a celestial car arrived; taking the two of them, she set out to go to Vaikuṇṭha.
AI translation rendered from the Sanskrit, not a published edition
PdP 7 4.75
अथ सा पथिगच्छन्ती भर्तृभ्यां सह जैमिने । ददर्शैकं महात्मानं रथस्थं स्त्रीसमन्वितम्
atha sā pathigacchantī bhartṛbhyāṃ saha jaimine | dadarśaikaṃ mahātmānaṃ rathasthaṃ strīsamanvitam
Now as she was going along the way with her two husbands, Jaimini, she saw a certain great being seated in a chariot, accompanied by a woman,
AI translation rendered from the Sanskrit, not a published edition
PdP 7 4.76
धृतं कमलपत्राक्षैरतसीकुसुमप्रभैः । चतुर्भुजैर्दूतगणैरासीनैर्गरुडोपरि
dhṛtaṃ kamalapatrākṣairatasīkusumaprabhaiḥ | caturbhujairdūtagaṇairāsīnairgaruḍopari
borne by troops of messengers with eyes like lotus petals, with the sheen of flax blossoms, four-armed, seated upon Garuḍa.
AI translation rendered from the Sanskrit, not a published edition
PdP 7 4.77
विष्णुदूतांस्ततस्तांस्तु विष्णुरूपान्वरांगना । कोऽयं रथस्थः पुरुष इति पप्रच्छ सा सती
viṣṇudūtāṃstatastāṃstu viṣṇurūpānvarāṃganā | ko'yaṃ rathasthaḥ puruṣa iti papraccha sā satī
Then that fair woman asked those messengers of Viṣṇu, who had Viṣṇu's form — that chaste lady asked, "Who is this man in the chariot?
AI translation rendered from the Sanskrit, not a published edition
PdP 7 4.78
के वा यूयं महात्मानः पुण्डरीकनिभेक्षणाः । सर्वेपि विष्णुसदृशाः शङ्खचक्रादिपाणयः
ke vā yūyaṃ mahātmānaḥ puṇḍarīkanibhekṣaṇāḥ | sarvepi viṣṇusadṛśāḥ śaṅkhacakrādipāṇayaḥ
Or who are you, great beings, with eyes like white lotuses, all of you resembling Viṣṇu, with conch, discus and the rest in your hands?"
AI translation rendered from the Sanskrit, not a published edition
PdP 7 4.79
ततस्ते भगवद्दूता विष्णुतुल्यपराक्रमाः । विहस्योचुर्मुहुः सर्वे परमामोदसंयुताः
tataste bhagavaddūtā viṣṇutulyaparākramāḥ | vihasyocurmuhuḥ sarve paramāmodasaṃyutāḥ
Then those messengers of the Lord, equal to Viṣṇu in prowess, all laughed and spoke again and again, filled with the highest delight.
AI translation rendered from the Sanskrit, not a published edition
PdP 7 4.80
विष्णुदूता ऊचुः । विष्णुदूता वयं साध्वि पुण्यात्मानमिमंजनम् । समादाय पदं याम उदारं लोकमुत्तमम्
viṣṇudūtā ūcuḥ | viṣṇudūtā vayaṃ sādhvi puṇyātmānamimaṃjanam | samādāya padaṃ yāma udāraṃ lokamuttamam
The messengers of Viṣṇu said: We are Viṣṇu's messengers, virtuous lady; taking this man of meritorious soul, we go to that place, the noble, highest world.
AI translation rendered from the Sanskrit, not a published edition
PdP 7 4.81
पद्मावत्युवाच- केन पुण्यप्रभावेन गतोऽयमीदृशीं गतिम् । विष्णुदूता महात्मानः कथ्यतामित्यहो मम
padmāvatyuvāca- kena puṇyaprabhāvena gato'yamīdṛśīṃ gatim | viṣṇudūtā mahātmānaḥ kathyatāmityaho mama
Padmāvatī said: By the power of what merit has he gone to such a destination? O great-souled messengers of Viṣṇu, let it be told to me!
AI translation rendered from the Sanskrit, not a published edition
PdP 7 4.82
विष्णुदूता ऊचुः - अयं बृहद्ध्वजो नाम राक्षसो लोकशोककृत् । अरण्यादिनिवासी च महाबलपराक्रमः
viṣṇudūtā ūcuḥ - ayaṃ bṛhaddhvajo nāma rākṣaso lokaśokakṛt | araṇyādinivāsī ca mahābalaparākramaḥ
The messengers of Viṣṇu said: This one is a demon named Bṛhaddhvaja, a maker of grief for the world, a dweller in forests and such places, of great strength and prowess,
AI translation rendered from the Sanskrit, not a published edition
PdP 7 4.83
परदारपरद्रव्यहारको रिपुकोद्यतः । गोमांसाशी निष्ठुरोक्तिभाषी च देवनिन्दकः
paradāraparadravyahārako ripukodyataḥ | gomāṃsāśī niṣṭhuroktibhāṣī ca devanindakaḥ
a taker of others' wives and others' property, given to hostility, an eater of cow's flesh, a speaker of harsh words, and a reviler of the gods.
AI translation rendered from the Sanskrit, not a published edition — the model flagged this verse as uncertain
PdP 7 4.84
यद्यत्पापरतं कर्म्म तदनेन कृतं सदा । स्वप्नेऽपि न कृतं कर्म शुभं न च पतिव्रते
yadyatpāparataṃ karmma tadanena kṛtaṃ sadā | svapne'pi na kṛtaṃ karma śubhaṃ na ca pativrate
Whatever deed is most sinful, that has always been done by him; not even in a dream has he done a good deed, O faithful wife.
AI translation rendered from the Sanskrit, not a published edition
PdP 7 4.85
अयं रथं समारुह्य सततं कामपीडितः । परस्त्रीहरणार्थाय सुश्रोणि नभसि भ्रमन्
ayaṃ rathaṃ samāruhya satataṃ kāmapīḍitaḥ | parastrīharaṇārthāya suśroṇi nabhasi bhraman
Mounting this chariot, constantly tormented by lust, he roamed in the sky, O fair-hipped one, in order to carry off other men's wives.
AI translation rendered from the Sanskrit, not a published edition
PdP 7 4.86
यां यां सुयौवनां नारीं यत्र यत्रायमीक्षते । बलाच्चालिङ्गितस्तां तु तत्र तत्र स्मरातुरः
yāṃ yāṃ suyauvanāṃ nārīṃ yatra yatrāyamīkṣate | balāccāliṅgitastāṃ tu tatra tatra smarāturaḥ
Whatever woman in the bloom of youth he saw, wherever (he saw her), there, sick with love, he embraced her by force.
AI translation rendered from the Sanskrit, not a published edition
PdP 7 4.87
अथैकदा भीमकेश नाम्नो नरपतेः प्रियाम् । ददर्श क्रीडामध्यस्थां सुंदरीं नवयौवनाम्
athaikadā bhīmakeśa nāmno narapateḥ priyām | dadarśa krīḍāmadhyasthāṃ suṃdarīṃ navayauvanām
Then one day he saw the beloved (wife) of a king named Bhīmakeśa, a beautiful woman in the fresh bloom of youth, in the midst of her play.
AI translation rendered from the Sanskrit, not a published edition
PdP 7 4.88
अथासौ तां समालोक्य सुवर्णकुसुमप्रभाम् । इत्युवाच वचः प्रेम्णा का त्वमत्र करोषि किम्
athāsau tāṃ samālokya suvarṇakusumaprabhām | ityuvāca vacaḥ premṇā kā tvamatra karoṣi kim
Then he, looking at her whose radiance was like a golden flower, spoke these words with passion: "Who are you? What are you doing here?"
AI translation rendered from the Sanskrit, not a published edition
PdP 7 4.89
सैवोवाच ततः कांता भीमकेशस्य भूपतेः । अहं सुरतशास्त्रज्ञा केशिनी नाम भूषिता
saivovāca tataḥ kāṃtā bhīmakeśasya bhūpateḥ | ahaṃ surataśāstrajñā keśinī nāma bhūṣitā
Then she said: "(I am) the beloved of King Bhīmakeśa; I am named Keśinī, adorned, skilled in the science of love-making.
AI translation rendered from the Sanskrit, not a published edition
PdP 7 4.90
अयि सर्वगुणज्ञां मां प्रेमहृष्टां न भूपतिः । स्ववंशजां दोषहीनां पश्यति क्षणमप्यसौ
ayi sarvaguṇajñāṃ māṃ premahṛṣṭāṃ na bhūpatiḥ | svavaṃśajāṃ doṣahīnāṃ paśyati kṣaṇamapyasau
Alas, though I know every accomplishment, though I am thrilled with love, born of his own lineage and free of fault, that king does not look at me even for a moment.
AI translation rendered from the Sanskrit, not a published edition
PdP 7 4.91
स्थीयते नित्यमत्रैव भर्त्राखंडितचर्चया । मया स्वकर्मशोचंत्या विरहानलतप्तया
sthīyate nityamatraiva bhartrākhaṃḍitacarcayā | mayā svakarmaśocaṃtyā virahānalataptayā
I stay here always, grieving over my own deeds, burnt by the fire of separation, with unbroken talk of my husband.
AI translation rendered from the Sanskrit, not a published edition
PdP 7 4.92
कस्त्वं कथमिदं प्राप्तमुद्यानं प्रतिसत्तम । समायातोऽसि तत्सर्वं प्रसन्नो वक्तुमर्हसि
kastvaṃ kathamidaṃ prāptamudyānaṃ pratisattama | samāyāto'si tatsarvaṃ prasanno vaktumarhasi
Who are you? How did you reach this garden, O best of men? Since you have come, be pleased to tell all that.
AI translation rendered from the Sanskrit, not a published edition
PdP 7 4.93
अथायमित्याह वचः पूर्णचन्द्र निभानने । मायावी राक्षसोऽहं त्वामालिङ्गितुमिहागतः
athāyamityāha vacaḥ pūrṇacandra nibhānane | māyāvī rākṣaso'haṃ tvāmāliṅgitumihāgataḥ
Then he spoke these words: "O you whose face resembles the full moon, I am a rākṣasa, a master of illusion, come here to embrace you.
AI translation rendered from the Sanskrit, not a published edition
PdP 7 4.94
जहीहि रुष्टभर्तारं सर्वदा दोषदर्शिनम् । तन्वि मां भज सर्वं ते दास्यामि सुखमुत्तमम्
jahīhi ruṣṭabhartāraṃ sarvadā doṣadarśinam | tanvi māṃ bhaja sarvaṃ te dāsyāmi sukhamuttamam
Abandon your angry husband, who always sees (only) faults; slender one, love me — I will give you every highest pleasure."
AI translation rendered from the Sanskrit, not a published edition
PdP 7 4.95
ततो विहस्य साध्वीयं राक्षसेन्द्रमिमं मुदा । बबंध बाहुलतया विन्यस्य वदने मुखम्
tato vihasya sādhvīyaṃ rākṣasendramimaṃ mudā | babaṃdha bāhulatayā vinyasya vadane mukham
Then this virtuous woman laughed and joyfully bound this lord of rākṣasas with her creeper-like arms, placing her mouth upon his mouth.
AI translation rendered from the Sanskrit, not a published edition
PdP 7 4.96
स तामालिंग्य युवतीं विवेकोद्वेगविह्वलाम् । अनया सह सुश्रोणि दिव्यमारूढवान्रथम्
sa tāmāliṃgya yuvatīṃ vivekodvegavihvalām | anayā saha suśroṇi divyamārūḍhavānratham
He embraced that young woman, who was overwhelmed by the agitation of her judgment, and with her, O fair-hipped one, mounted the divine chariot.
AI translation rendered from the Sanskrit, not a published edition
PdP 7 4.97
दंपतीभावमाश्रित्य तौ जातावतिकौतुकम् । वायुवेगरथारूढौ यातौ गगनवर्त्मनि
daṃpatībhāvamāśritya tau jātāvatikautukam | vāyuvegarathārūḍhau yātau gaganavartmani
Assuming the state of husband and wife, the two became greatly delighted, and mounted on the wind-swift chariot they travelled along the path of the sky.
AI translation rendered from the Sanskrit, not a published edition
PdP 7 4.98
अथैनामयमित्याह पश्यतन्विवरानने । त्वद्भर्तृदेशादायातौ गङ्गासागरसङ्गमे
athaināmayamityāha paśyatanvivarānane | tvadbhartṛdeśādāyātau gaṅgāsāgarasaṅgame
Then he said this to her: "Look, slender one with a lovely face — from your husband's country we two have come to the confluence of the Ganges and the sea."
AI translation rendered from the Sanskrit, not a published edition
PdP 7 4.99
ततो रथस्थनारीयमधिगङ्गाब्धिसङ्गमम् । जगाम पंचतां सद्यः संदृश्यात्यंतसाध्वसैः
tato rathasthanārīyamadhigaṅgābdhisaṅgamam | jagāma paṃcatāṃ sadyaḥ saṃdṛśyātyaṃtasādhvasaiḥ
Then this woman, standing in the chariot, over the confluence of Ganges and ocean, at once met her death, having seen (it), through extreme terror.
AI translation rendered from the Sanskrit, not a published edition — the model flagged this verse as uncertain
PdP 7 4.100
विलप्य बहुधा साध्वीं तत्रायमपि राक्षसः । गतप्राणां समालोक्य सद्यो मृत्युं जगाम ह १०० 7.4.
vilapya bahudhā sādhvīṃ tatrāyamapi rākṣasaḥ | gataprāṇāṃ samālokya sadyo mṛtyuṃ jagāma ha 100 7.4.
Having lamented much for the virtuous woman, this rākṣasa too, seeing her bereft of life, at once went to death there.
AI translation rendered from the Sanskrit, not a published edition
PdP 7 4.101
वैनतेयध्वजादेशादिमौ गलितकल्मषौ । नयामः पुण्यकर्माणौ वैकुण्ठं प्रति संप्रति
vainateyadhvajādeśādimau galitakalmaṣau | nayāmaḥ puṇyakarmāṇau vaikuṇṭhaṃ prati saṃprati
"By the command of him whose banner is Garuḍa, these two, their sins washed away, their deeds now meritorious, we are taking now to Vaikuṇṭha."
AI translation rendered from the Sanskrit, not a published edition
PdP 7 4.102
जलेस्थले चांतरिक्षे गङ्गासागरसङ्गमे । देहं संत्यज्य गच्छन्ति पापिनो हि परां गतिम्
jalesthale cāṃtarikṣe gaṅgāsāgarasaṅgame | dehaṃ saṃtyajya gacchanti pāpino hi parāṃ gatim
In the water, on the land, or in the air at the confluence of Ganges and sea — sinners who abandon the body (there) go to the highest state.
AI translation rendered from the Sanskrit, not a published edition
PdP 7 4.103
त्रैलोक्यदुर्लभं तीर्थं गङ्गासागरसंगमे । माघे तपसि शुक्लायामेकादश्यामुपोषितः
trailokyadurlabhaṃ tīrthaṃ gaṅgāsāgarasaṃgame | māghe tapasi śuklāyāmekādaśyāmupoṣitaḥ
(There is) a sacred place hard to obtain in the three worlds, at the confluence of Ganges and sea; one who fasts on the eleventh of the bright fortnight in the month Māgha, in tapas—
AI translation rendered from the Sanskrit, not a published edition — the model flagged this verse as uncertain
PdP 7 4.104
तत्र शुद्धिमवाप्नोति ब्रह्महापि न संशयः । गङ्गाब्धिसङ्गमे स्नात्वा हरिं दृष्ट्वा च माधवम्
tatra śuddhimavāpnoti brahmahāpi na saṃśayaḥ | gaṅgābdhisaṅgame snātvā hariṃ dṛṣṭvā ca mādhavam
There even the killer of a brahmin attains purification — there is no doubt. Having bathed at the confluence of the Ganges and the ocean, and having seen Hari Mādhava,
AI translation rendered from the Sanskrit, not a published edition
PdP 7 4.105
कार्तिकेयमुखं दृष्ट्वा पुनर्जन्म न विद्यते । कार्तिकेयो हरिः साक्षादित्यभेदः कृतः सदा
kārtikeyamukhaṃ dṛṣṭvā punarjanma na vidyate | kārtikeyo hariḥ sākṣādityabhedaḥ kṛtaḥ sadā
(and) having seen the face of Kārtikeya, there is no rebirth. Kārtikeya is Hari himself — thus their non-difference has always been established.
AI translation rendered from the Sanskrit, not a published edition
PdP 7 4.106
ये कार्तिंकेयं पश्यंति ते सर्वे मोक्षगामिनः । सर्वतीर्थाधिकं तीर्थं गङ्गाब्धिसङ्गमं शृणु
ye kārtiṃkeyaṃ paśyaṃti te sarve mokṣagāminaḥ | sarvatīrthādhikaṃ tīrthaṃ gaṅgābdhisaṅgamaṃ śṛṇu
Those who behold Kārtikeya, they all go to liberation. Hear (of) the sacred place greater than all sacred places, the confluence of the Ganges and the ocean:
AI translation rendered from the Sanskrit, not a published edition
PdP 7 4.107
जले स्थले चांतरिक्षे मृतो मोक्षमवाप्नुयात् । व्यास उवाच- इत्युक्त्वा विष्णुदूतास्ते तौ समादाय जैमिने
jale sthale cāṃtarikṣe mṛto mokṣamavāpnuyāt | vyāsa uvāca- ityuktvā viṣṇudūtāste tau samādāya jaimine
one who dies (there) in the water, on the land, or in the air would attain liberation. Vyāsa said: Having spoken thus, those messengers of Viṣṇu, taking the two of them, O Jaimini,
AI translation rendered from the Sanskrit, not a published edition
PdP 7 4.108
जग्मुर्विष्णुगृहं सर्वे सह साकाशवर्त्मनि । या च पद्मावती साध्वी भर्तृद्वयसमन्विता
jagmurviṣṇugṛhaṃ sarve saha sākāśavartmani | yā ca padmāvatī sādhvī bhartṛdvayasamanvitā
all went together to the house of Viṣṇu by the path of the sky. And Padmāvatī, the virtuous woman, together with her two husbands,
AI translation rendered from the Sanskrit, not a published edition
PdP 7 4.109
गता सारूप्यतां विष्णोश्चतुर्वर्गप्रदायिनः । तत्र भुक्त्वाखिलान्भोगान्दुर्ल्लभान्द्विजसत्तम
gatā sārūpyatāṃ viṣṇoścaturvargapradāyinaḥ | tatra bhuktvākhilānbhogāndurllabhāndvijasattama
attained the same form as Viṣṇu, the giver of the four goals. There, having enjoyed all enjoyments hard to obtain, O best of the twice-born,
AI translation rendered from the Sanskrit, not a published edition
PdP 7 4.110
परमं ज्ञानमासाद्य ययुः सारूप्यतां हरेः । सर्वतीर्थमयी गङ्गा सर्वतीर्थमयो हरिः
paramaṃ jñānamāsādya yayuḥ sārūpyatāṃ hareḥ | sarvatīrthamayī gaṅgā sarvatīrthamayo hariḥ
and having attained the supreme knowledge, they went to the state of having Hari's form. The Ganges consists of all sacred places; Hari consists of all sacred places.
AI translation rendered from the Sanskrit, not a published edition
PdP 7 4.111
गङ्गायाश्च हरेश्चैव तस्माद्भक्तिर्विधीयते । गङ्गाब्धिसंगमे पूर्वं माधवो नाम भूभुजः
gaṅgāyāśca hareścaiva tasmādbhaktirvidhīyate | gaṅgābdhisaṃgame pūrvaṃ mādhavo nāma bhūbhujaḥ
Therefore devotion to the Ganges and to Hari is enjoined. At the confluence of the Ganges and the ocean, formerly, a king named Mādhava,
AI translation rendered from the Sanskrit, not a published edition
PdP 7 4.112
तप्त्वा तपश्चिरं तत्र सदारो मोक्षमाप्तवान्
taptvā tapaściraṃ tatra sadāro mokṣamāptavān
having performed austerity there for a long time, attained liberation together with his wife.
AI translation rendered from the Sanskrit, not a published edition
PdP 7 4.113
जैमिनिरुवाच- त्वयोक्तो माधवः कोऽसौ किं कर्म स चकार ह । कथं तेपे तपस्तन्मे सर्वं कथय सत्तम
jaiminiruvāca- tvayokto mādhavaḥ ko'sau kiṃ karma sa cakāra ha | kathaṃ tepe tapastanme sarvaṃ kathaya sattama
Jaimini said: Who was that Mādhava spoken of by you? What deed did he do? How did he practise austerity? Tell me all that, O best one.
AI translation rendered from the Sanskrit, not a published edition
PdP 7 4.114
व्यास उवाच- चरितं तस्य विप्रर्षे माधवस्य महात्मनः । आकर्णय प्रवक्ष्यामि समासेन महामते
vyāsa uvāca- caritaṃ tasya viprarṣe mādhavasya mahātmanaḥ | ākarṇaya pravakṣyāmi samāsena mahāmate
Vyāsa said: Listen, O sage among brahmins, to the story of that great-souled Mādhava; I shall tell it in brief, O you of great mind.
AI translation rendered from the Sanskrit, not a published edition