Padma Purana — Kriya Khanda — Chapter 3
PdP 7 3.1
जैमिनिरुवाच- क्रियायोगस्य तत्वं मे ब्रूहि व्यास महामते । क्रियायोगमहं ज्ञातुमिच्छामि भवदग्रतः
jaiminiruvāca- kriyāyogasya tatvaṃ me brūhi vyāsa mahāmate | kriyāyogamahaṃ jñātumicchāmi bhavadagrataḥ
Jaimini said: Tell me the truth of kriyāyoga, Vyāsa of great mind; I wish to learn kriyāyoga in your presence.
AI translation rendered from the Sanskrit, not a published edition
PdP 7 3.2
व्यास उवाच- शरीरं मानुषं विप्र दुर्लभं चात्र भूतले । धीरः शरीरमासाद्य मोक्षार्थं योगमभ्यसेत्
vyāsa uvāca- śarīraṃ mānuṣaṃ vipra durlabhaṃ cātra bhūtale | dhīraḥ śarīramāsādya mokṣārthaṃ yogamabhyaset
Vyāsa said: A human body, brahmin, is hard to obtain here on earth; a steadfast man, having attained a body, should practise yoga for the sake of liberation.
AI translation rendered from the Sanskrit, not a published edition
PdP 7 3.3
क्रियायोगध्यानयोगावुभौ योगौ प्रकीर्तितौ । तयोराद्यः क्रियायोगः कुर्वतां सर्वकामदः
kriyāyogadhyānayogāvubhau yogau prakīrtitau | tayorādyaḥ kriyāyogaḥ kurvatāṃ sarvakāmadaḥ
Two yogas are proclaimed: the yoga of ritual action and the yoga of meditation. Of these, the first, the yoga of action, grants all desires to those who practise it.
AI translation rendered from the Sanskrit, not a published edition
PdP 7 3.4
गङ्गा श्रीर्विष्णुपूजा च दानानि द्विजसत्तम । ब्राह्मणानां तथा भक्तिर्भक्तिरेकादशी व्रते
gaṅgā śrīrviṣṇupūjā ca dānāni dvijasattama | brāhmaṇānāṃ tathā bhaktirbhaktirekādaśī vrate
The Gaṅgā, prosperity, the worship of Viṣṇu, gifts, O best of the twice-born, and likewise devotion to brāhmaṇas, and devotion in the Ekādaśī observance,
AI translation rendered from the Sanskrit, not a published edition
PdP 7 3.5
धात्री तुलस्योर्भक्तिश्च तथा चातिथिपूजनम् । क्रियायोगाङ्गभूतानि प्रोक्तानीति समासतः
dhātrī tulasyorbhaktiśca tathā cātithipūjanam | kriyāyogāṅgabhūtāni proktānīti samāsataḥ
and devotion to the āmalakī and the tulasī trees, and likewise the honouring of guests — these are declared, in brief, to be the constituent parts of the yoga of action.
AI translation rendered from the Sanskrit, not a published edition
PdP 7 3.6
क्रियायोगादृते विप्र ध्यानयोगेन सिद्ध्यति । क्रियायोगरतो याति तद्विष्णोः परमं पदम्
kriyāyogādṛte vipra dhyānayogena siddhyati | kriyāyogarato yāti tadviṣṇoḥ paramaṃ padam
Apart from the yoga of action, brahmin, one succeeds by the yoga of meditation (too); (but) he who delights in the yoga of action goes to that supreme abode of Viṣṇu.
AI translation rendered from the Sanskrit, not a published edition — the model flagged this verse as uncertain
PdP 7 3.7
जैमिनिरुवाच- क्रियायोगाङ्गभूतानि यानि प्रोक्तानि भोः प्रभो । तन्माहात्म्यानि कथय यदि भो मय्यनुग्रहः
jaiminiruvāca- kriyāyogāṅgabhūtāni yāni proktāni bhoḥ prabho | tanmāhātmyāni kathaya yadi bho mayyanugrahaḥ
Jaimini said: Those things which have been declared to be the limbs of the yoga of action, O lord — tell me their greatness, sir, if you have favour towards me.
AI translation rendered from the Sanskrit, not a published edition
PdP 7 3.8
गङ्गायाः के गुणा ब्रह्मन्विष्णुपूजाफलं च किम् । श्रेष्ठानि कानि दानानि का वा भक्तिर्द्विजन्मनाम्
gaṅgāyāḥ ke guṇā brahmanviṣṇupūjāphalaṃ ca kim | śreṣṭhāni kāni dānāni kā vā bhaktirdvijanmanām
What are the virtues of the Gaṅgā, O brahmin, and what is the fruit of worshipping Viṣṇu? Which gifts are the best, and what is devotion to the twice-born?
AI translation rendered from the Sanskrit, not a published edition
PdP 7 3.9
एकादश्याः फलं किंवा धात्रीभक्तिश्च कीदृशी । तुलस्याः कीदृशी भक्तिः किं वा चातिथिपूजनम्
ekādaśyāḥ phalaṃ kiṃvā dhātrībhaktiśca kīdṛśī | tulasyāḥ kīdṛśī bhaktiḥ kiṃ vā cātithipūjanam
And what is the fruit of the Ekādaśī, and of what kind is devotion to the āmalakī? Of what kind is devotion to the tulasī, and what is the honouring of guests?
AI translation rendered from the Sanskrit, not a published edition
PdP 7 3.10
एतत्सर्वं मुने ब्रूहि श्रोतुमस्ति ममादरः । त्वत्तोऽन्य कथितुं कोऽपि न शक्नोति जगत्त्रये
etatsarvaṃ mune brūhi śrotumasti mamādaraḥ | tvatto'nya kathituṃ ko'pi na śaknoti jagattraye
Tell me all this, sage; I have an eagerness to hear it. Other than you, no one in the three worlds is able to tell it.
AI translation rendered from the Sanskrit, not a published edition
PdP 7 3.11
व्यास उवाच- साधुसाधु द्विजश्रेष्ठ मनस्ते विमलं ध्रुवम् । यतो गुह्यकथामेतां श्रोतुं श्रद्धा च कौतुकम्
vyāsa uvāca- sādhusādhu dvijaśreṣṭha manaste vimalaṃ dhruvam | yato guhyakathāmetāṃ śrotuṃ śraddhā ca kautukam
Vyāsa said: Good, good, best of brahmins! Your mind is surely pure, since you have both faith and curiosity to hear this secret account.
AI translation rendered from the Sanskrit, not a published edition
PdP 7 3.12
भागीरथ्या गुणं सम्यक्कथितुं न हि शक्यते । तस्मात्समासतो वक्ष्ये श्रूयतामेकचेतसा
bhāgīrathyā guṇaṃ samyakkathituṃ na hi śakyate | tasmātsamāsato vakṣye śrūyatāmekacetasā
The excellence of the Bhāgīrathī cannot be told in full; therefore I shall speak of it in brief — let it be heard with a single mind.
AI translation rendered from the Sanskrit, not a published edition
PdP 7 3.13
गङ्गेत्यक्षरयुग्मं च जपत्यत्यन्तकोमलम् । मन्ये व्रजेत्तथाप्येनो महाभूतरसायनम्
gaṅgetyakṣarayugmaṃ ca japatyatyantakomalam | manye vrajettathāpyeno mahābhūtarasāyanam
And (if) one recites the two syllables "Gaṅgā," exceedingly gentle, I hold that even so sin would depart — it is the great elixir of beings.
AI translation rendered from the Sanskrit, not a published edition — the model flagged this verse as uncertain
PdP 7 3.14
सर्वत्र सुलभा गङ्गा त्रिषु स्थानेषु दुर्लभा । गङ्गाद्वारे प्रयागे च गङ्गासागरसङ्गमे
sarvatra sulabhā gaṅgā triṣu sthāneṣu durlabhā | gaṅgādvāre prayāge ca gaṅgāsāgarasaṅgame
Everywhere the Gaṅgā is easy to reach, (but) in three places she is hard to reach: at Gaṅgādvāra, at Prayāga, and at the confluence of the Gaṅgā with the ocean.
AI translation rendered from the Sanskrit, not a published edition
PdP 7 3.15
सवासवाः सुराः सर्वे गङ्गाद्वारं मनोरमम् । समागत्य प्रकुर्वन्ति स्नानदानादिकं मुने
savāsavāḥ surāḥ sarve gaṅgādvāraṃ manoramam | samāgatya prakurvanti snānadānādikaṃ mune
All the gods together with Indra come to the lovely Gaṅgādvāra and perform bathing, gift-giving and the rest there, O sage.
AI translation rendered from the Sanskrit, not a published edition
PdP 7 3.16
दैवयोगान्मुने तत्र ये त्यजंति कलेवरम् । मनुष्य पशु कीटाद्या लभंते परमं पदम्
daivayogānmune tatra ye tyajaṃti kalevaram | manuṣya paśu kīṭādyā labhaṃte paramaṃ padam
Those who, by the working of fate, give up their bodies there, O sage — men, beasts, worms and the rest — attain the supreme abode.
AI translation rendered from the Sanskrit, not a published edition
PdP 7 3.17
अत्रेतिहासं विप्रर्षे कथ्यमानं मया शुणु । सम्यक्छ्रवणमात्रेण सर्वपापैः प्रमुच्यते
atretihāsaṃ viprarṣe kathyamānaṃ mayā śuṇu | samyakchravaṇamātreṇa sarvapāpaiḥ pramucyate
On this, O brahmin sage, hear the story told by me; merely by hearing it properly one is freed from all sins.
AI translation rendered from the Sanskrit, not a published edition
PdP 7 3.18
मनोभद्रो नाम राजा सोमवंश समुद्भवः । पूर्वमासीज्जगत्यस्मिन्बलवान्सर्वधर्म्मवित्
manobhadro nāma rājā somavaṃśa samudbhavaḥ | pūrvamāsījjagatyasminbalavānsarvadharmmavit
There was formerly in this world a king named Manobhadra, born of the lunar lineage, powerful and knowing all duty.
AI translation rendered from the Sanskrit, not a published edition
PdP 7 3.19
तस्य हेमप्रभा नाम महिषी प्रियवादिनी । पतिव्रता महाभागा सर्वलक्षणसंयुता
tasya hemaprabhā nāma mahiṣī priyavādinī | pativratā mahābhāgā sarvalakṣaṇasaṃyutā
He had a queen named Hemaprabhā, sweet of speech, devoted to her husband, greatly blessed, endowed with every auspicious mark.
AI translation rendered from the Sanskrit, not a published edition
PdP 7 3.20
स राजा समरे हत्वा सकलानेव शात्रवान् । शशास पृथिवीं कृत्स्नां साब्धिद्वीपां महाबलः
sa rājā samare hatvā sakalāneva śātravān | śaśāsa pṛthivīṃ kṛtsnāṃ sābdhidvīpāṃ mahābalaḥ
That king, having slain all his enemies in battle, ruled the whole earth with its oceans and islands, being of great strength.
AI translation rendered from the Sanskrit, not a published edition
PdP 7 3.21
स एकदा महीपालः समाहूय स्वमंत्रिणः । उवाचेदं वचः प्रीत्या सभामध्ये महायशाः
sa ekadā mahīpālaḥ samāhūya svamaṃtriṇaḥ | uvācedaṃ vacaḥ prītyā sabhāmadhye mahāyaśāḥ
One day that guardian of the earth, of great fame, having summoned his ministers, spoke these words with affection in the midst of the assembly.
AI translation rendered from the Sanskrit, not a published edition
PdP 7 3.22
मनोभद्र उवाच-। अमात्याः पृथिवी सर्वा मयेयं परिपालिता । निहता रिपवः सर्वे सपुत्रबलवाहनाः
manobhadra uvāca-| amātyāḥ pṛthivī sarvā mayeyaṃ paripālitā | nihatā ripavaḥ sarve saputrabalavāhanāḥ
Manobhadra said: Ministers, this whole earth has been protected by me; all enemies have been slain, together with their sons, forces and mounts.
AI translation rendered from the Sanskrit, not a published edition
PdP 7 3.23
पालितानि स्वगोत्राणि दानैर्विप्राश्च तोषिताः । शिष्टाश्च त्रिदशाः सर्वे सपुत्रबलवाहनाः
pālitāni svagotrāṇi dānairviprāśca toṣitāḥ | śiṣṭāśca tridaśāḥ sarve saputrabalavāhanāḥ
My own kinsmen have been protected, and the brahmins gratified with gifts; and all the gods, together with their sons, forces and mounts, have been left (unharmed).
AI translation rendered from the Sanskrit, not a published edition — the model flagged this verse as uncertain
PdP 7 3.24
पालितानि स्वगोत्राणि यज्ञैः सर्वैः सदक्षिणैः । एतद्धि जरया सर्वं महत्या मे बलं हृतम्
pālitāni svagotrāṇi yajñaiḥ sarvaiḥ sadakṣiṇaiḥ | etaddhi jarayā sarvaṃ mahatyā me balaṃ hṛtam
My own kinsmen have been protected by means of all the sacrifices, with their priestly fees; but now all this strength of mine has been carried off by great old age.
AI translation rendered from the Sanskrit, not a published edition
PdP 7 3.25
कर्माणि कानिचित्कर्त्तुं न हि शक्नोमि दुर्बलः । सामर्थ्यहीने पुरुषे राजश्रीर्न हि शोभते
karmāṇi kānicitkarttuṃ na hi śaknomi durbalaḥ | sāmarthyahīne puruṣe rājaśrīrna hi śobhate
Being weak, I am unable to perform any of the (royal) duties; and in a man devoid of capability royal splendour does not look well —
AI translation rendered from the Sanskrit, not a published edition
PdP 7 3.26
सर्वाभरणसंयुक्ता वृद्धाङ्गा इव कामिनी । तावद्विभ्यति सर्वेऽपि शत्रवः पृथिवीतले
sarvābharaṇasaṃyuktā vṛddhāṅgā iva kāminī | tāvadvibhyati sarve'pi śatravaḥ pṛthivītale
— like a woman with aged limbs decked with every ornament. All enemies on the face of the earth fear (a king) only so long,
AI translation rendered from the Sanskrit, not a published edition
PdP 7 3.27
यावद्धि गतसामर्थ्यं नेच्छन्ति चारुचक्षुषा । समस्तगुणसम्पन्नामपि तद्गतमानसम्
yāvaddhi gatasāmarthyaṃ necchanti cārucakṣuṣā | samastaguṇasampannāmapi tadgatamānasam
only as long as (he has strength); for lovely-eyed women do not desire a man whose capability is gone, even if he is endowed with every virtue and his mind is set on her.
AI translation rendered from the Sanskrit, not a published edition — the model flagged this verse as uncertain
PdP 7 3.28
पृथ्वी त्यजेन्नृपं वृद्धं स्वैरिणीपालिता यथा । भक्तिलभ्यागुणाः सर्वे गुणलभ्यं महद्यशः
pṛthvī tyajennṛpaṃ vṛddhaṃ svairiṇīpālitā yathā | bhaktilabhyāguṇāḥ sarve guṇalabhyaṃ mahadyaśaḥ
The earth would abandon an aged king, as a wanton woman abandons the man who keeps her. All virtues are won by devotion; great fame is won by virtue;
AI translation rendered from the Sanskrit, not a published edition
PdP 7 3.29
निःश्रेयसं दानलभ्यं बललभ्या तु मेदिनी । सामर्थ्यहीनः कृपणो निश्चितो रिपुशासने
niḥśreyasaṃ dānalabhyaṃ balalabhyā tu medinī | sāmarthyahīnaḥ kṛpaṇo niścito ripuśāsane
the highest good is won by giving, but the earth is won by strength. A man devoid of capability is wretched, and certain to fall under the rule of his enemies.
AI translation rendered from the Sanskrit, not a published edition
PdP 7 3.30
मूर्खमात्रवचो ग्राही स नृपः शत्रुनंदनः । ततोऽहं सकलं राज्यं विभज्य वरमंत्रिणः
mūrkhamātravaco grāhī sa nṛpaḥ śatrunaṃdanaḥ | tato'haṃ sakalaṃ rājyaṃ vibhajya varamaṃtriṇaḥ
That king who accepts only the words of fools is a source of joy to his foes. Therefore, excellent ministers, having divided the entire kingdom,
AI translation rendered from the Sanskrit, not a published edition
PdP 7 3.31
दातुमिच्छामि पुत्राभ्यां युष्माभिर्यदि मन्यते । मन्त्रिण ऊचुः - यदेतद्वचनं प्रोक्तं त्वया नीतिविदा नृप
dātumicchāmi putrābhyāṃ yuṣmābhiryadi manyate | mantriṇa ūcuḥ - yadetadvacanaṃ proktaṃ tvayā nītividā nṛpa
I wish to give it to my two sons, if you approve. The ministers said: O king, this speech that you, who know statecraft, have uttered —
AI translation rendered from the Sanskrit, not a published edition
PdP 7 3.32
तदेव मतमस्माकं संदेहो नात्र विद्यते । अथायातौ नृपादेशात्संसदं प्रति सत्तमौ
tadeva matamasmākaṃ saṃdeho nātra vidyate | athāyātau nṛpādeśātsaṃsadaṃ prati sattamau
that very thing is our opinion too; there is no doubt in this matter. Then, by the king's command, the two excellent (youths) came to the assembly,
AI translation rendered from the Sanskrit, not a published edition
PdP 7 3.33
वीरभद्र यशोभद्र नामानौ तनयावुभौ । तौ च सर्वगुणोपेतौ कुमारौ प्रियवादिनौ
vīrabhadra yaśobhadra nāmānau tanayāvubhau | tau ca sarvaguṇopetau kumārau priyavādinau
his two sons named Vīrabhadra and Yaśobhadra; and those two princes were endowed with every virtue and pleasant of speech,
AI translation rendered from the Sanskrit, not a published edition
PdP 7 3.34
पितृभक्तौ सदा शांतौ बलिनौ धर्मतत्परौ । ततः स भूपः सहसा राजनीति विदांवरः
pitṛbhaktau sadā śāṃtau balinau dharmatatparau | tataḥ sa bhūpaḥ sahasā rājanīti vidāṃvaraḥ
devoted to their father, always calm, strong, intent upon dharma. Then that king, best of those who know statecraft, at once
AI translation rendered from the Sanskrit, not a published edition
PdP 7 3.35
विभज्य सकलं राज्यं ददौ ताभ्यां कुतूहलात् । अत्रांतरे गृध्र एकः स्वकीयस्त्री समन्वितः
vibhajya sakalaṃ rājyaṃ dadau tābhyāṃ kutūhalāt | atrāṃtare gṛdhra ekaḥ svakīyastrī samanvitaḥ
divided the whole kingdom and gave it to the two of them gladly. In the meantime a certain vulture, accompanied by his own mate,
AI translation rendered from the Sanskrit, not a published edition
PdP 7 3.36
आगत्य तत्सभामध्ये उपविष्टो द्विजोत्तमाः । तावागतौ समालोक्य पक्षिणावतिहर्षितौ
āgatya tatsabhāmadhye upaviṣṭo dvijottamāḥ | tāvāgatau samālokya pakṣiṇāvatiharṣitau
came and sat down in the midst of that assembly, O best of brahmins. Seeing those two birds who had come, greatly delighted,
AI translation rendered from the Sanskrit, not a published edition
PdP 7 3.37
राजाह युवयोः कस्माच्छुभागमनमुच्यताम् । गृध्र उवाच- गृध्रोऽहं पृथिवीपाल ममेयं स्त्री परंतपः
rājāha yuvayoḥ kasmācchubhāgamanamucyatām | gṛdhra uvāca- gṛdhro'haṃ pṛthivīpāla mameyaṃ strī paraṃtapaḥ
the king said: Let it be told for what (purpose) this auspicious coming of you two is. The vulture said: I am a vulture, O ruler of the earth; this is my mate, O scorcher of foes.
AI translation rendered from the Sanskrit, not a published edition
PdP 7 3.38
आगतोऽस्मि मुदा द्रष्टुं संपदं पुत्रयोस्तव । एतयोर्महती दृष्टा विपत्तिः पूर्वजन्मनि
āgato'smi mudā draṣṭuṃ saṃpadaṃ putrayostava | etayormahatī dṛṣṭā vipattiḥ pūrvajanmani
I have come with joy to see the good fortune of your two sons. In a former birth great misfortune of these two was seen (by us);
AI translation rendered from the Sanskrit, not a published edition
PdP 7 3.39
इह जन्मनि संपत्तिं द्रष्टुमावां समागतौ । तस्यैतद्वचनं श्रुत्वा गृध्रस्य परमाद्भुतम् । राजोवाच पुनर्विप्र विस्मयाविष्टमानसः
iha janmani saṃpattiṃ draṣṭumāvāṃ samāgatau | tasyaitadvacanaṃ śrutvā gṛdhrasya paramādbhutam | rājovāca punarvipra vismayāviṣṭamānasaḥ
in this birth we two have come together to see their prosperity. Hearing this utterly marvellous speech of his, of the vulture, the king spoke again, O brahmin, his mind filled with astonishment.
AI translation rendered from the Sanskrit, not a published edition
PdP 7 3.40
राजोवाच- अत्यद्भुतं वचो गृध्र त्वत्तः श्रुतमिदं मया । एतयोः पूर्ववृत्तान्तो भवता ज्ञायते कथम्
rājovāca- atyadbhutaṃ vaco gṛdhra tvattaḥ śrutamidaṃ mayā | etayoḥ pūrvavṛttānto bhavatā jñāyate katham
The king said: Most marvellous is this speech I have heard from you, vulture. How is the former history of these two known to you?
AI translation rendered from the Sanskrit, not a published edition
PdP 7 3.41
यदि जानासि तत्वेन पूर्ववृत्तांतमेतयोः । ब्रूहि तर्हि खगश्रेष्ठ सर्वमेतदशेषतः
yadi jānāsi tatvena pūrvavṛttāṃtametayoḥ | brūhi tarhi khagaśreṣṭha sarvametadaśeṣataḥ
If you truly know the former history of these two, then tell, O best of birds, all of this without remainder.
AI translation rendered from the Sanskrit, not a published edition
PdP 7 3.42
गृध्र उवाच- नृपते वृषलावेतौ युगे द्वापरसंज्ञके । गरसंगरनामानौ सत्यघोषसुतौ स्थितौ
gṛdhra uvāca- nṛpate vṛṣalāvetau yuge dvāparasaṃjñake | garasaṃgaranāmānau satyaghoṣasutau sthitau
The vulture said: O king, these two were low-born men in the age called Dvāpara; they were the sons of Satyaghoṣa, named Gara and Saṃgara.
AI translation rendered from the Sanskrit, not a published edition
PdP 7 3.43
एककाले च भूपाल मृतौ निज गृहांतरे । ततो नेतुमिमौ भूप दंष्ट्रिणो यमकिंकराः
ekakāle ca bhūpāla mṛtau nija gṛhāṃtare | tato netumimau bhūpa daṃṣṭriṇo yamakiṃkarāḥ
And at one and the same time, O ruler of the earth, they died inside their own house; then, O king, Yama's servants, the fanged ones, (came) to lead these two away.
AI translation rendered from the Sanskrit, not a published edition
PdP 7 3.44
पाशहस्ताः समायाताः कोटिकोटिसहस्रशः । बबंधुश्चर्मपाशेन द्वावेतौ तौ मदोद्धतौ
pāśahastāḥ samāyātāḥ koṭikoṭisahasraśaḥ | babaṃdhuścarmapāśena dvāvetau tau madoddhatau
With nooses in their hands they came, in thousands of tens of millions upon tens of millions, and bound these two—who had been swollen with arrogance—with a noose of hide.
AI translation rendered from the Sanskrit, not a published edition
PdP 7 3.45
निन्युश्च निलयं मृत्योरतिदुर्गमवर्त्मना । इमौ दृष्ट्वा धर्मराजश्चित्रगुप्तमुवाच ह
ninyuśca nilayaṃ mṛtyoratidurgamavartmanā | imau dṛṣṭvā dharmarājaścitraguptamuvāca ha
And they led (them) to the abode of Death by a road exceedingly hard to travel. Seeing these two, the King of Dharma spoke to Citragupta:
AI translation rendered from the Sanskrit, not a published edition
PdP 7 3.46
एतयोः सकलं वृत्तं चित्रगुप्त विचार्यताम् । तस्याज्ञया चित्रगुप्तः सर्वकर्मशुभाशुभम्
etayoḥ sakalaṃ vṛttaṃ citragupta vicāryatām | tasyājñayā citraguptaḥ sarvakarmaśubhāśubham
"Citragupta, let the whole conduct of these two be examined." At his command Citragupta (examined) all their deeds, good and bad,
AI translation rendered from the Sanskrit, not a published edition
PdP 7 3.47
मूलाद्विचारयामास तत इत्याह चांतकम् । चित्रगुप्त उवाच- सत्यमेतौ महाबाहो पुण्यव्रत महाशयौ
mūlādvicārayāmāsa tata ityāha cāṃtakam | citragupta uvāca- satyametau mahābāho puṇyavrata mahāśayau
and he investigated it from the root; then he spoke thus to the Ender (Yama). Citragupta said: In truth, O mighty-armed one, these two are men of meritorious observance and of noble mind.
AI translation rendered from the Sanskrit, not a published edition
PdP 7 3.48
अस्तिचेद्दुष्कृतं किञ्चित्सर्वकर्मविलोकितम् । स्वयंदानं समुत्सृज्य न हि दत्तं द्विजातये
asticedduṣkṛtaṃ kiñcitsarvakarmavilokitam | svayaṃdānaṃ samutsṛjya na hi dattaṃ dvijātaye
If there is any misdeed—all their deeds having been inspected—(it is this:) having promised a gift of themselves, they did not in fact give it to the brahmin.
AI translation rendered from the Sanskrit, not a published edition — the model flagged this verse as uncertain
PdP 7 3.49
तेनैव कर्मणा राजन्निमौ नरकगामिनौ । दाता दानं समुत्सृज्य यो न दद्याद्दिवजातये
tenaiva karmaṇā rājannimau narakagāminau | dātā dānaṃ samutsṛjya yo na dadyāddivajātaye
By that very deed, O king, these two are bound for hell. A giver who, having promised a gift, would not give it to the twice-born—
AI translation rendered from the Sanskrit, not a published edition
PdP 7 3.50
स याति नरकं घोरं सर्वभूतभयावहम् । दाता हि न स्मरेद्दानं प्रतिग्राही न याचते ५० 7.3.
sa yāti narakaṃ ghoraṃ sarvabhūtabhayāvaham | dātā hi na smareddānaṃ pratigrāhī na yācate 50 7.3.
he goes to a terrible hell that brings fear to all beings. For the giver should not (afterwards) recall his gift, and the receiver does not beg. (50)
AI translation rendered from the Sanskrit, not a published edition
PdP 7 3.51
उभयोर्नरके वासो यावच्चन्द्र दिवाकरौ । तस्मादिमौ महापापौ ब्रह्मस्वाहारिणौ प्रभो
ubhayornarake vāso yāvaccandra divākarau | tasmādimau mahāpāpau brahmasvāhāriṇau prabho
For both there is dwelling in hell as long as the moon and sun (endure). Therefore, O lord, these two great sinners, who have appropriated a brahmin's property—
AI translation rendered from the Sanskrit, not a published edition
PdP 7 3.52
नयंतु किंकराः शीघ्रं नरकं प्रतिदारुणम्
nayaṃtu kiṃkarāḥ śīghraṃ narakaṃ pratidāruṇam
let the servants lead (them) quickly to the exceedingly dreadful hell.
AI translation rendered from the Sanskrit, not a published edition
PdP 7 3.53
यमाज्ञया ततो दूताः संदष्टौष्ठपुटाः क्रुधा । चिक्षिपुर्नरके घोरे तावेतौ पृथिवीपते
yamājñayā tato dūtāḥ saṃdaṣṭauṣṭhapuṭāḥ krudhā | cikṣipurnarake ghore tāvetau pṛthivīpate
Then, at Yama's command, the messengers, biting their lips in rage, flung these two into the terrible hell, O lord of the earth.
AI translation rendered from the Sanskrit, not a published edition
PdP 7 3.54
तस्मिन्नेव दिने राजन्ननया भार्यया सह । यमदूतैः समागत्य नीतोऽहं यममन्दिरम्
tasminneva dine rājannanayā bhāryayā saha | yamadūtaiḥ samāgatya nīto'haṃ yamamandiram
On that very same day, O king, together with this wife (of mine), the messengers of Yama came and I was led to Yama's house.
AI translation rendered from the Sanskrit, not a published edition
PdP 7 3.55
मयापि तत्कृतं कर्म तदाकर्णय भूपते । मूलात्सर्वं प्रवक्ष्यामि शृण्वतां विस्मयप्रदम्
mayāpi tatkṛtaṃ karma tadākarṇaya bhūpate | mūlātsarvaṃ pravakṣyāmi śṛṇvatāṃ vismayapradam
By me too a deed was done then; hear it, O king. I shall tell it all from the beginning—astonishing to those who hear it.
AI translation rendered from the Sanskrit, not a published edition
PdP 7 3.56
पुरासीत्सर्वगो नाम ब्राह्मणोऽहं महाकुलः । सौराष्ट्रदेशवासी च वेदवेदाङ्गपारगः
purāsītsarvago nāma brāhmaṇo'haṃ mahākulaḥ | saurāṣṭradeśavāsī ca vedavedāṅgapāragaḥ
Formerly I was a brahmin named Sarvaga, of great family, a dweller in the land of Saurāṣṭra, and versed to the end in the Vedas and their auxiliary sciences.
AI translation rendered from the Sanskrit, not a published edition
PdP 7 3.57
इयं मंजूकषा नाम मम पत्नी यशस्विनी । पतिव्रता महाभागा पवित्रकुलसंभवा
iyaṃ maṃjūkaṣā nāma mama patnī yaśasvinī | pativratā mahābhāgā pavitrakulasaṃbhavā
This is my illustrious wife, named Maṃjūkaṣā, devoted to her husband, greatly fortunate, born of a pure family.
AI translation rendered from the Sanskrit, not a published edition
PdP 7 3.58
प्रमत्तोऽहं महाभाग विद्यया वयसाधनैः । अवज्ञां मनसा पित्रोश्चकाराहं युवैकदा
pramatto'haṃ mahābhāga vidyayā vayasādhanaiḥ | avajñāṃ manasā pitroścakārāhaṃ yuvaikadā
O greatly fortunate one, I was heedless through learning, youth and wealth, and once, being young, I inwardly showed contempt for my parents.
AI translation rendered from the Sanskrit, not a published edition
PdP 7 3.59
अहं भूरि सभाश्लाघ्यो वनस्थः सर्वकर्मकृत् । धनवान्सुन्दरो ज्ञानी ज्ञातिपोषणतत्परः
ahaṃ bhūri sabhāślāghyo vanasthaḥ sarvakarmakṛt | dhanavānsundaro jñānī jñātipoṣaṇatatparaḥ
I was much praised in assemblies, dwelling in the forest, performing all the rites, wealthy, handsome, wise, intent on supporting my kinsmen.
AI translation rendered from the Sanskrit, not a published edition
PdP 7 3.60
ममैव पुंसः पितरौ तौ च पापपरायणौ । मुखरौ दययाहीनौ पाखंडिसङ्ग लोलुपौ
mamaiva puṃsaḥ pitarau tau ca pāpaparāyaṇau | mukharau dayayāhīnau pākhaṃḍisaṅga lolupau
But those parents of mine—of me who was such a man—were given over to sin, foul-mouthed, devoid of compassion, greedy for the company of heretics.
AI translation rendered from the Sanskrit, not a published edition
PdP 7 3.61
पौरुषं जीवनं चैव धनं चैव कुलं तथा । विद्या कीर्तिश्च सर्वस्वं पितृभ्यां विफलीकृतम्
pauruṣaṃ jīvanaṃ caiva dhanaṃ caiva kulaṃ tathā | vidyā kīrtiśca sarvasvaṃ pitṛbhyāṃ viphalīkṛtam
Manhood, life, wealth, and family too, learning and fame—my whole possession—were made fruitless by my parents.
AI translation rendered from the Sanskrit, not a published edition
PdP 7 3.62
एतद्विचिन्त्य मनसा मया नृप मुहुर्मुहुः । अवज्ञया परित्यक्ता पित्रोः सेवा शुभप्रदा
etadvicintya manasā mayā nṛpa muhurmuhuḥ | avajñayā parityaktā pitroḥ sevā śubhapradā
Having pondered this in my mind again and again, O king, out of contempt I abandoned the service of my parents, which bestows good fortune.
AI translation rendered from the Sanskrit, not a published edition
PdP 7 3.63
अनेन कर्मणा राजन्सदारोऽहं यमाज्ञया । विक्षिप्तो नरके दूतैर्यत्रतौ पापिनांवरौ
anena karmaṇā rājansadāro'haṃ yamājñayā | vikṣipto narake dūtairyatratau pāpināṃvarau
By this deed, O king, I together with my wife was flung by (Yama's) messengers, at Yama's command, into the hell where these two, the foremost of sinners, (also went).
AI translation rendered from the Sanskrit, not a published edition
PdP 7 3.64
एताभ्यां सह पापाभ्यां सदारेण मया नृप । स्थितं च नरके घोरे यावत्कालं शृणुष्व तत्
etābhyāṃ saha pāpābhyāṃ sadāreṇa mayā nṛpa | sthitaṃ ca narake ghore yāvatkālaṃ śṛṇuṣva tat
And hear how long I, together with my wife, remained in that dreadful hell along with these two sinners, O king.
AI translation rendered from the Sanskrit, not a published edition
PdP 7 3.65
युगकोटिसहस्राणि युगकोटिशतानि च । अनुभूतं महादुःखं नरकस्य नृपोत्तम
yugakoṭisahasrāṇi yugakoṭiśatāni ca | anubhūtaṃ mahāduḥkhaṃ narakasya nṛpottama
For thousands of crores of ages and hundreds of crores of ages the great suffering of hell was undergone, O best of kings.
AI translation rendered from the Sanskrit, not a published edition
PdP 7 3.66
नरकांते ततः सोऽहं कांतया सह भूपते । गृध्रपक्षकुलेजातौ मृतमांसाशनौ तथा
narakāṃte tataḥ so'haṃ kāṃtayā saha bhūpate | gṛdhrapakṣakulejātau mṛtamāṃsāśanau tathā
Then, at the end of (that stay in) hell, I together with my beloved, O lord of the earth, was born in the family of winged vultures, both of us eaters of dead flesh.
AI translation rendered from the Sanskrit, not a published edition
PdP 7 3.67
एतावपि च तौ राजन्नरकांत गतैषिणौ । जातौ शलभयोर्वंशे भोक्तुं फलं स्वकर्मणः
etāvapi ca tau rājannarakāṃta gataiṣiṇau | jātau śalabhayorvaṃśe bhoktuṃ phalaṃ svakarmaṇaḥ
And these two also, O king, seeking to have passed the end of hell, were born in the race of locusts, to consume the fruit of their own deeds.
AI translation rendered from the Sanskrit, not a published edition
PdP 7 3.68
यदेताभ्यां कृतं कर्म्म राजञ्छलभजन्मनि । तदाकर्णय वक्ष्यामि श्रोतॄणां विस्मयप्रदम्
yadetābhyāṃ kṛtaṃ karmma rājañchalabhajanmani | tadākarṇaya vakṣyāmi śrotṝṇāṃ vismayapradam
Hear the deed that these two did, O king, in their locust birth; I shall tell it — it brings astonishment to those who hear it.
AI translation rendered from the Sanskrit, not a published edition
PdP 7 3.69
एकदा सुमहान्वायुः समायातो महीपते । उड्डीय पातितौ तेन गङ्गागर्भे सुनिर्मले
ekadā sumahānvāyuḥ samāyāto mahīpate | uḍḍīya pātitau tena gaṅgāgarbhe sunirmale
Once a very great wind arose, O lord of the earth, and by it the two were blown up and dropped into the utterly clear womb of the Ganges.
AI translation rendered from the Sanskrit, not a published edition
PdP 7 3.70
निपत्य गङ्गासलिले कोमलाङ्गाविमौ तथा । जग्मतुः पंचतां सद्यः समस्तकलुषापहम्
nipatya gaṅgāsalile komalāṅgāvimau tathā | jagmatuḥ paṃcatāṃ sadyaḥ samastakaluṣāpaham
Having fallen into the water of the Ganges, which removes every impurity, those two soft-bodied ones at once met their death.
AI translation rendered from the Sanskrit, not a published edition
PdP 7 3.71
ततो नेतुमिमौ दूता आयाताश्चारुचक्षुषः । आयातानि विमानानि सर्वभोगान्वितानि च
tato netumimau dūtā āyātāścārucakṣuṣaḥ | āyātāni vimānāni sarvabhogānvitāni ca
Then messengers with lovely eyes came to lead these two away, and celestial cars came, furnished with all enjoyments.
AI translation rendered from the Sanskrit, not a published edition
PdP 7 3.72
विमुक्तौ सर्वपापेभ्यस्तुलसी माल्य शोभितौ । दिव्यंविमानमारुह्य गतौ विष्णुपुरं प्रति
vimuktau sarvapāpebhyastulasī mālya śobhitau | divyaṃvimānamāruhya gatau viṣṇupuraṃ prati
Freed from all sins, adorned with garlands of tulasī, they mounted the divine car and went to the city of Viṣṇu.
AI translation rendered from the Sanskrit, not a published edition
PdP 7 3.73
तावत्कालं स्थितौ राजन्ब्रह्मणोऽव्यक्तजन्मनः । ब्रह्माज्ञया समायातौ तत इन्द्रपुरं प्रति
tāvatkālaṃ sthitau rājanbrahmaṇo'vyaktajanmanaḥ | brahmājñayā samāyātau tata indrapuraṃ prati
They remained there for that long, O king, (until) — by the command of Brahmā, whose birth is unmanifest — they came from there to the city of Indra.
AI translation rendered from the Sanskrit, not a published edition — the model flagged this verse as uncertain
PdP 7 3.74
भुक्तवंतौ सुखं तत्र दुर्ल्लभं यत्सुरैरपि । तावत्कालं स्थितौ राजन्भोक्तुं कृच्छ्रां वसुंधराम्
bhuktavaṃtau sukhaṃ tatra durllabhaṃ yatsurairapi | tāvatkālaṃ sthitau rājanbhoktuṃ kṛcchrāṃ vasuṃdharām
There they enjoyed happiness hard to obtain even for the gods; and they remained for that long, O king, (and then came) to enjoy the hard-won earth.
AI translation rendered from the Sanskrit, not a published edition — the model flagged this verse as uncertain
PdP 7 3.75
पवित्रे भवतो वंशे जातावेतौ महायशौ । गङ्गायां त्यजतो देहं भूयो जन्म न विद्यते
pavitre bhavato vaṃśe jātāvetau mahāyaśau | gaṅgāyāṃ tyajato dehaṃ bhūyo janma na vidyate
These two of great renown have been born in your pure lineage; for those who give up the body in the Ganges there is no birth again.
AI translation rendered from the Sanskrit, not a published edition
PdP 7 3.76
तथापि वसुधां भोक्तुं जातौ पुण्यतमाविमौ । चिरं भुक्त्वा महीं कृत्स्नां पुत्रपौत्रसमन्वितौ
tathāpi vasudhāṃ bhoktuṃ jātau puṇyatamāvimau | ciraṃ bhuktvā mahīṃ kṛtsnāṃ putrapautrasamanvitau
Even so, these two most meritorious ones were born to enjoy the earth; having long enjoyed the whole earth, together with sons and grandsons,
AI translation rendered from the Sanskrit, not a published edition
PdP 7 3.77
गङ्गामरणमासाद्य योगिनामपि दुर्ल्लभम् । नारायणस्य सायुज्यमिमौ भूप गमिष्यतः
gaṅgāmaraṇamāsādya yogināmapi durllabham | nārāyaṇasya sāyujyamimau bhūpa gamiṣyataḥ
attaining death in the Ganges, these two, O king, will go to union with Nārāyaṇa, which is hard to reach even for yogins.
AI translation rendered from the Sanskrit, not a published edition
PdP 7 3.78
एतत्सर्वं मया प्रोक्तं पूर्व वृत्तांतमेतयोः । जातिस्मरप्रभावेन नृपवर्गशिरोमणी
etatsarvaṃ mayā proktaṃ pūrva vṛttāṃtametayoḥ | jātismaraprabhāvena nṛpavargaśiromaṇī
All this former history of these two has been told by me, O crest-jewel of the class of kings, by the power of remembering (my) births.
AI translation rendered from the Sanskrit, not a published edition
PdP 7 3.79
गङ्गामरणमासाद्य गतावेतौ दशामिमाम् । आवयोः कः परित्राणं करिष्यति दुरात्मनोः
gaṅgāmaraṇamāsādya gatāvetau daśāmimām | āvayoḥ kaḥ paritrāṇaṃ kariṣyati durātmanoḥ
These two, attaining death in the Ganges, have reached this state; who will bring about the deliverance of us two evil-souled ones?
AI translation rendered from the Sanskrit, not a published edition
PdP 7 3.80
मित्रावज्ञा मनुष्याणां नरकक्लेशदायिनी । ममैव पृथिवीपाल दृष्टा केवलमेवतत्
mitrāvajñā manuṣyāṇāṃ narakakleśadāyinī | mamaiva pṛthivīpāla dṛṣṭā kevalamevatat
Contempt for a friend gives men the torment of hell; this alone, O protector of the earth, has been seen by me.
AI translation rendered from the Sanskrit, not a published edition
PdP 7 3.81
पित्रभक्तिर्द्विजश्रेष्ठ इहामुत्र च दुःखदा । इह संपद्विनाशाय परत्र नरकाय च
pitrabhaktirdvijaśreṣṭha ihāmutra ca duḥkhadā | iha saṃpadvināśāya paratra narakāya ca
(Lack of) devotion to parents, O best of the twice-born, gives pain both here and hereafter: here for the destruction of prosperity, and beyond for hell.
AI translation rendered from the Sanskrit, not a published edition — the model flagged this verse as uncertain
PdP 7 3.82
वरं मन्ये महीपाल ब्रह्महत्यादि पातकम् । कदाचिन्निष्कृतिस्तस्मादियं भवति शाश्वती
varaṃ manye mahīpāla brahmahatyādi pātakam | kadācinniṣkṛtistasmādiyaṃ bhavati śāśvatī
I hold the sin of brahmin-murder and the like to be better, O king; for from that there is expiation at some time, (but) this one is everlasting.
AI translation rendered from the Sanskrit, not a published edition
PdP 7 3.83
दुःखार्जितं पुण्यवृक्षं सर्वक्लेशविनाशनम् । पित्रवज्ञाकुठारेण च्छिंदंति भुवि मानवाः
duḥkhārjitaṃ puṇyavṛkṣaṃ sarvakleśavināśanam | pitravajñākuṭhāreṇa cchiṃdaṃti bhuvi mānavāḥ
The tree of merit, won with hardship, which destroys all afflictions — men on earth cut it down with the axe of disregard for their parents.
AI translation rendered from the Sanskrit, not a published edition
PdP 7 3.84
यत्किञ्चिद्दीयते राजन्पित्र्ये वक्त्रे परंतप । तदश्नाति स्वयं विष्णुः पितृरूपो हरिर्यतः
yatkiñciddīyate rājanpitrye vaktre paraṃtapa | tadaśnāti svayaṃ viṣṇuḥ pitṛrūpo hariryataḥ
Whatever is given, O king, into a father's mouth, O scorcher of foes, Viṣṇu himself eats that, since Hari has the form of the fathers.
AI translation rendered from the Sanskrit, not a published edition
PdP 7 3.85
प्रत्यक्षदेवौ पितरौ सेवंते येत्वहर्निशम् । सर्वसिद्धिर्भवेत्तेषां प्रसादाज्जगतीपतेः
pratyakṣadevau pitarau sevaṃte yetvaharniśam | sarvasiddhirbhavetteṣāṃ prasādājjagatīpateḥ
Those who serve their parents, gods visible to the eye, day and night — for them there comes every success, by the favour of the Lord of the world.
AI translation rendered from the Sanskrit, not a published edition
PdP 7 3.86
पितृभक्तिविहीना ये दिनं तिष्ठंति मानवाः । तावत्कल्पसहस्रं तु तिष्ठंति नरके जनाः
pitṛbhaktivihīnā ye dinaṃ tiṣṭhaṃti mānavāḥ | tāvatkalpasahasraṃ tu tiṣṭhaṃti narake janāḥ
Those men who remain for a day devoid of devotion to their parents — for just so many thousand kalpas do those people remain in hell.
AI translation rendered from the Sanskrit, not a published edition
PdP 7 3.87
तस्मादिदं महादुःखं बभूव मम सांप्रतम् । मोक्षं कदा गमिष्यामि सदारोऽहं न वेद्मि तत्
tasmādidaṃ mahāduḥkhaṃ babhūva mama sāṃpratam | mokṣaṃ kadā gamiṣyāmi sadāro'haṃ na vedmi tat
Therefore this great suffering has now come upon me; when I shall attain release, together with my wife, I do not know that.
AI translation rendered from the Sanskrit, not a published edition
PdP 7 3.88
व्यासउवाच- एतत्तस्य वचः श्रुत्वा प्रगृह्य द्विजसत्तम । बभूव हर्षितो राजा विस्मितश्च पुनः पुनः
vyāsauvāca- etattasya vacaḥ śrutvā pragṛhya dvijasattama | babhūva harṣito rājā vismitaśca punaḥ punaḥ
Vyāsa said: Having heard and taken in this speech of his, O best of the twice-born, the king became delighted, and amazed again and again.
AI translation rendered from the Sanskrit, not a published edition
PdP 7 3.89
राजोवाच- आश्चर्यं हि वचो गृध्र श्रुतमेतन्मुखात्तव । मम चैषां च हृदये प्रतीतिर्न हि जायते
rājovāca- āścaryaṃ hi vaco gṛdhra śrutametanmukhāttava | mama caiṣāṃ ca hṛdaye pratītirna hi jāyate
The king said: Marvellous indeed is this speech, O vulture, that has been heard from your mouth; and yet in my heart and in theirs conviction does not arise.
AI translation rendered from the Sanskrit, not a published edition
PdP 7 3.90
अथांतरिक्षे वागुच्चैरिति जाता नृपोत्तम । सत्यं सत्यं सत्यमिदं संदेहोनात्र विद्यते
athāṃtarikṣe vāguccairiti jātā nṛpottama | satyaṃ satyaṃ satyamidaṃ saṃdehonātra vidyate
Then, O best of kings, a loud voice arose in the sky, thus: "True, true, this is true; there is no doubt here."
AI translation rendered from the Sanskrit, not a published edition
PdP 7 3.91
ततः स पक्षी विप्रर्षे सहसा भार्यया सह । गङ्गा माहात्म्यकथनात्पूर्वस्थित इवाभवत्
tataḥ sa pakṣī viprarṣe sahasā bhāryayā saha | gaṅgā māhātmyakathanātpūrvasthita ivābhavat
Then, O brahmin sage, that bird, together with his wife, at once, through the telling of the Gaṅgā's greatness, became as he had been before.
AI translation rendered from the Sanskrit, not a published edition
PdP 7 3.92
दिवि दुंदुभयो नेदुर्जगुर्गन्धर्वसत्तमाः । ननृतुश्चाप्सरोवर्गा ह्यपतत्पुष्पवर्षणम्
divi duṃdubhayo nedurjagurgandharvasattamāḥ | nanṛtuścāpsarovargā hyapatatpuṣpavarṣaṇam
In heaven the kettledrums sounded, the best of the gandharvas sang, the troops of apsarases danced, and a rain of flowers fell.
AI translation rendered from the Sanskrit, not a published edition
PdP 7 3.93
विमानमागतं दिव्यं सर्वभोगसमन्वितम् । समायाता दूतगणाः प्रेषिताः कैटभद्विषा
vimānamāgataṃ divyaṃ sarvabhogasamanvitam | samāyātā dūtagaṇāḥ preṣitāḥ kaiṭabhadviṣā
A divine chariot came, furnished with every enjoyment; the hosts of messengers sent by the foe of Kaiṭabha arrived.
AI translation rendered from the Sanskrit, not a published edition
PdP 7 3.94
अथासौ सर्वगो विप्र प्रियया सह भार्यया । सद्यो विमानमारुह्य जगाम भवनं हरेः
athāsau sarvago vipra priyayā saha bhāryayā | sadyo vimānamāruhya jagāma bhavanaṃ hareḥ
Then, O brahmin, that Sarvaga, together with his dear wife, at once mounted the chariot and went to the dwelling of Hari.
AI translation rendered from the Sanskrit, not a published edition
PdP 7 3.95
एतच्छ्रुत्वाद्भुतं कर्म स राजा द्विजसत्तम । सपुत्रदारः सेवायां गङ्गायास्तत्परोऽभवत्
etacchrutvādbhutaṃ karma sa rājā dvijasattama | saputradāraḥ sevāyāṃ gaṅgāyāstatparo'bhavat
Having heard of this wonderful deed, O best of the twice-born, that king, with his sons and wife, became intent upon the service of the Gaṅgā.
AI translation rendered from the Sanskrit, not a published edition
PdP 7 3.96
भागीरथ्या समं तीर्थं नास्ति वै भुवनत्रये । यन्नामोच्चारणादेव सर्वगो मोक्षमाप्नुयात्
bhāgīrathyā samaṃ tīrthaṃ nāsti vai bhuvanatraye | yannāmoccāraṇādeva sarvago mokṣamāpnuyāt
There is no sacred place equal to the Bhāgīrathī in the three worlds; by the mere uttering of her name Sarvaga attained release.
AI translation rendered from the Sanskrit, not a published edition
PdP 7 3.97
गङ्गाद्वारस्य माहात्म्यं कथितं ते द्विजोत्तम । समस्तपापविध्वंसि किमन्यच्छ्रोतुमिच्छसि
gaṅgādvārasya māhātmyaṃ kathitaṃ te dvijottama | samastapāpavidhvaṃsi kimanyacchrotumicchasi
The greatness of Gaṅgādvāra, destroyer of all sins, has been told to you, O best of the twice-born; what else do you wish to hear?
AI translation rendered from the Sanskrit, not a published edition
PdP 7 3.98
अध्यायमेतत्परमादरेण पठंति ये देवगृहे मनुष्याः । शृण्वंति ये च द्विजवर्गभक्ता नश्यंति तेषां दुरितानि सद्यः
adhyāyametatparamādareṇa paṭhaṃti ye devagṛhe manuṣyāḥ | śṛṇvaṃti ye ca dvijavargabhaktā naśyaṃti teṣāṃ duritāni sadyaḥ
Those men who recite this chapter with the utmost reverence in a temple, and those who, devoted to the class of brahmins, listen to it — their evils perish at once.
AI translation rendered from the Sanskrit, not a published edition