Padma Purana — Kriya Khanda — Chapter 24
PdP 7 24.1
सूत उवाच- एकादश्याः फलं श्रुत्वा सुप्रीतो जैमिनिस्ततः । कृताञ्जलिरुवाचेदं कृष्णद्वैपायनं प्रभुम्
sūta uvāca- ekādaśyāḥ phalaṃ śrutvā suprīto jaiministataḥ | kṛtāñjaliruvācedaṃ kṛṣṇadvaipāyanaṃ prabhum
Sūta said: Then Jaimini, greatly pleased upon hearing the fruit of the Ekādaśī, with folded hands spoke this to lord Kṛṣṇa Dvaipāyana:
AI translation rendered from the Sanskrit, not a published edition
PdP 7 24.2
जैमिनिरुवाच- विष्णोर्देवस्य माहात्म्यं त्वत्प्रसादाच्छ्रुतं मया । तुलस्या ब्रूहि माहात्म्यं शृण्वतां पापनाशनम्
jaiminiruvāca- viṣṇordevasya māhātmyaṃ tvatprasādācchrutaṃ mayā | tulasyā brūhi māhātmyaṃ śṛṇvatāṃ pāpanāśanam
Jaimini said: By your grace I have heard the greatness of the god Viṣṇu. Now tell (me) the greatness of Tulasī, which destroys the sins of those who hear it.
AI translation rendered from the Sanskrit, not a published edition
PdP 7 24.3
व्यास उवाच- इन्द्राद्यैर्दैवतैः सर्वैस्तुलसी भगवत्यसौ । संसेव्या सर्वदा विप्र चतुर्वर्गफलप्रदा
vyāsa uvāca- indrādyairdaivataiḥ sarvaistulasī bhagavatyasau | saṃsevyā sarvadā vipra caturvargaphalapradā
Vyāsa said: By all the gods, Indra and the rest, this blessed Tulasī is to be served always, O brahmin, for she bestows the fruit of the four goals (of life).
AI translation rendered from the Sanskrit, not a published edition
PdP 7 24.4
स्वर्गे मर्त्ये च पाताले तुलसी दुर्ल्लभा सताम् । चतुर्वर्गफलप्राप्तिस्तस्यां भक्तिः करोति वै
svarge martye ca pātāle tulasī durllabhā satām | caturvargaphalaprāptistasyāṃ bhaktiḥ karoti vai
In heaven, on earth and in the underworld, Tulasī is hard for the good to obtain; devotion to her indeed brings about the attainment of the fruit of the four goals.
AI translation rendered from the Sanskrit, not a published edition
PdP 7 24.5
यत्रैकस्तुलसीवृक्षस्तिष्ठत्यपि च सत्तम । तत्रैव त्रिदशाः सर्वे ब्रह्मविष्णुशिवादयः
yatraikastulasīvṛkṣastiṣṭhatyapi ca sattama | tatraiva tridaśāḥ sarve brahmaviṣṇuśivādayaḥ
Where even a single Tulasī plant stands, O best (of men), there too are all the thirty gods, Brahmā, Viṣṇu, Śiva and the rest.
AI translation rendered from the Sanskrit, not a published edition
PdP 7 24.6
केशवः पत्रमध्ये च पत्राग्रे च प्रजापतिः । पत्रवृंते शिवस्तिष्ठेत्तुलस्याः सर्वदैव हि
keśavaḥ patramadhye ca patrāgre ca prajāpatiḥ | patravṛṃte śivastiṣṭhettulasyāḥ sarvadaiva hi
In the middle of the leaf is Keśava, and at the leaf's tip Prajāpati; on the leaf-stalk Śiva stands—always, indeed—in the Tulasī.
AI translation rendered from the Sanskrit, not a published edition
PdP 7 24.7
लक्ष्मी सरस्वती चैव गायत्री चंडिका तथा । सर्वाश्चान्या देवपत्न्यस्तत्पत्रेषु वंसति च
lakṣmī sarasvatī caiva gāyatrī caṃḍikā tathā | sarvāścānyā devapatnyastatpatreṣu vaṃsati ca
Lakṣmī, Sarasvatī, and Gāyatrī, and Caṇḍikā likewise, and all the other wives of the gods dwell in her leaves.
AI translation rendered from the Sanskrit, not a published edition
PdP 7 24.8
इन्द्रो ऽग्नि शमनश्चैव नैरृतिर्वरुणस्तथा । पवनश्च कुबरेश्च तच्छाखायां वसंत्यमी
indro 'gni śamanaścaiva nairṛtirvaruṇastathā | pavanaśca kubareśca tacchākhāyāṃ vasaṃtyamī
Indra, Agni, Yama (the subduer), Nirṛti, and Varuṇa likewise, and Vāyu and Kubera—these dwell in her branches.
AI translation rendered from the Sanskrit, not a published edition
PdP 7 24.9
आदित्यादि ग्रहाः सर्वे विश्वेदेवाश्च सर्वदा । वसवो मुनयश्चैव तथा देवर्षयोऽखिलाः
ādityādi grahāḥ sarve viśvedevāśca sarvadā | vasavo munayaścaiva tathā devarṣayo'khilāḥ
All the planets beginning with the sun, and the Viśvedevas always, the Vasus, the sages, and likewise all the divine seers (dwell there too).
AI translation rendered from the Sanskrit, not a published edition
PdP 7 24.10
कोटिब्रह्माण्डमध्येषु यानि तीर्थानि भूतले । तुलसीदलमाश्रित्य तान्येव निवसंति वै
koṭibrahmāṇḍamadhyeṣu yāni tīrthāni bhūtale | tulasīdalamāśritya tānyeva nivasaṃti vai
Whatever holy places (tīrthas) there are on earth within the crores of world-systems, those very ones dwell taking refuge in a Tulasī leaf.
AI translation rendered from the Sanskrit, not a published edition
PdP 7 24.11
तुलसीं सेवते यस्तु भक्तिभावसमन्वितः । सेवितास्तेन तीर्थाश्च देवा ब्रह्मादयस्तथा
tulasīṃ sevate yastu bhaktibhāvasamanvitaḥ | sevitāstena tīrthāśca devā brahmādayastathā
Whoever serves Tulasī, filled with a feeling of devotion, by him the tīrthas are served, and likewise the gods beginning with Brahmā.
AI translation rendered from the Sanskrit, not a published edition
PdP 7 24.12
छिन्दंति तृणजालानि तुलसीमूलजानि ये । तद्देहस्थां ब्रह्महत्यां क्षिणत्ति तत्क्षणाद्धरिः
chindaṃti tṛṇajālāni tulasīmūlajāni ye | taddehasthāṃ brahmahatyāṃ kṣiṇatti tatkṣaṇāddhariḥ
Those who cut away the tangles of grass growing at the root of Tulasī—Hari destroys, that very instant, the (guilt of) brahmin-slaying that resides in their body.
AI translation rendered from the Sanskrit, not a published edition
PdP 7 24.13
ग्रीष्मकाले द्विजश्रेष्ठ सुगंधैः शीतलैर्जलैः । तुलसीसेचनं कृत्वा नरो निर्वाणमाप्नुयात्
grīṣmakāle dvijaśreṣṭha sugaṃdhaiḥ śītalairjalaiḥ | tulasīsecanaṃ kṛtvā naro nirvāṇamāpnuyāt
In the hot season, O best of the twice-born, having watered Tulasī with fragrant cool water, a man would attain liberation.
AI translation rendered from the Sanskrit, not a published edition
PdP 7 24.14
चन्द्रातपं वा छत्रं वा तस्यै यस्तु प्रयच्छति । विशेषतो निदाघेषु स मुक्तः सर्वपातकैः
candrātapaṃ vā chatraṃ vā tasyai yastu prayacchati | viśeṣato nidāgheṣu sa muktaḥ sarvapātakaiḥ
Whoever offers her a canopy or a parasol, especially in the summer heats, he is freed from all sins.
AI translation rendered from the Sanskrit, not a published edition
PdP 7 24.15
वैशाखेऽक्षतधाराभिरद्भिर्यस्तुलसीं जनः । सिंचयेत्सोऽश्वमेधस्य फलं प्राप्नोति नित्यशः
vaiśākhe'kṣatadhārābhiradbhiryastulasīṃ janaḥ | siṃcayetso'śvamedhasya phalaṃ prāpnoti nityaśaḥ
The person who in the month of Vaiśākha waters Tulasī with unbroken streams of water obtains the fruit of a horse-sacrifice perpetually.
AI translation rendered from the Sanskrit, not a published edition
PdP 7 24.16
प्रसृतोदकमात्रेण तुलसीं यस्य सेचयेत् । सोऽपि स्वर्गमवाप्नोति सर्वपापविवर्जितः
prasṛtodakamātreṇa tulasīṃ yasya secayet | so'pi svargamavāpnoti sarvapāpavivarjitaḥ
Whoever should water Tulasī with even a mere handful of water, he too attains heaven, freed of all sins.
AI translation rendered from the Sanskrit, not a published edition
PdP 7 24.17
कदाचित्तुलसीं दुग्धैः सेचयेद्यो नरोत्तमः । तस्य वेश्मनि विप्रर्षे लक्ष्मीर्भवति निश्चला
kadācittulasīṃ dugdhaiḥ secayedyo narottamaḥ | tasya veśmani viprarṣe lakṣmīrbhavati niścalā
That best of men who at any time waters Tulasī with milk—in his house, O brahmin sage, Lakṣmī becomes unwavering.
AI translation rendered from the Sanskrit, not a published edition
PdP 7 24.18
गोमयैस्तुलसीमूलं यः कुर्यादुपलेपनम् । संमार्जनं च विप्रर्षे तस्य पुण्यफलं शृणु
gomayaistulasīmūlaṃ yaḥ kuryādupalepanam | saṃmārjanaṃ ca viprarṣe tasya puṇyaphalaṃ śṛṇu
He who smears the base of Tulasī with cow dung and sweeps it clean—O brahmin sage, hear the fruit of his merit.
AI translation rendered from the Sanskrit, not a published edition
PdP 7 24.19
रजांसि तत्र यावंति दूरीभूतानि जैमिने । तावत्कल्पसहस्राणि मोदते विष्णुना सह
rajāṃsi tatra yāvaṃti dūrībhūtāni jaimine | tāvatkalpasahasrāṇi modate viṣṇunā saha
As many grains of dust as are removed from there, O Jaimini, for that many thousands of kalpas he rejoices together with Viṣṇu.
AI translation rendered from the Sanskrit, not a published edition
PdP 7 24.20
प्रदीपं यस्तु संध्यायां स्थापयेत्तुलसीतले । स याति मंदिरं विष्णोः कुलकोटिसमन्वितः
pradīpaṃ yastu saṃdhyāyāṃ sthāpayettulasītale | sa yāti maṃdiraṃ viṣṇoḥ kulakoṭisamanvitaḥ
Whoever sets a lamp at twilight at the foot of Tulasī, he goes to the abode of Viṣṇu along with a crore of his family line.
AI translation rendered from the Sanskrit, not a published edition
PdP 7 24.21
गोभ्यः श्वभ्यः खरेभ्यश्च मनुष्येभ्यश्च रक्षति । शिशुभ्यस्तुलसीं यस्तु तं रक्षेत्केशवः सदा
gobhyaḥ śvabhyaḥ kharebhyaśca manuṣyebhyaśca rakṣati | śiśubhyastulasīṃ yastu taṃ rakṣetkeśavaḥ sadā
Whoever guards Tulasī from cows, dogs, donkeys, men and children—him Keśava guards always.
AI translation rendered from the Sanskrit, not a published edition
PdP 7 24.22
तुलस्यारोपणं यस्तु भक्तितः कुरुते नरः । स मृतः परमं मोक्षं प्राप्नोत्येव न संशयः
tulasyāropaṇaṃ yastu bhaktitaḥ kurute naraḥ | sa mṛtaḥ paramaṃ mokṣaṃ prāpnotyeva na saṃśayaḥ
The man who plants a tulasī with devotion — he, when dead, surely attains the highest liberation; there is no doubt.
AI translation rendered from the Sanskrit, not a published edition
PdP 7 24.23
प्रभाते तुलसीं पश्येद्भक्तिमान्यो नरोत्तमः । स विष्णुदर्शनस्यैव फलं प्राप्नोति चाक्षयम्
prabhāte tulasīṃ paśyedbhaktimānyo narottamaḥ | sa viṣṇudarśanasyaiva phalaṃ prāpnoti cākṣayam
That best of men, full of devotion, who looks upon the tulasī at dawn — he gains the very fruit of beholding Viṣṇu, and it is imperishable.
AI translation rendered from the Sanskrit, not a published edition
PdP 7 24.24
तुलसीं प्रणमेद्यस्तु नरो भक्तिसमन्वितः । आयुर्बलं यशोवित्तं संततिस्तस्य वर्द्धते
tulasīṃ praṇamedyastu naro bhaktisamanvitaḥ | āyurbalaṃ yaśovittaṃ saṃtatistasya varddhate
The man who, endowed with devotion, bows to the tulasī — his lifespan, strength, fame, wealth and offspring increase.
AI translation rendered from the Sanskrit, not a published edition
PdP 7 24.25
तुलसीस्मरणेनैव सर्वपापं विनश्यति । तुलसीस्पर्शनेनैव नश्यंति व्याधयो नृणाम्
tulasīsmaraṇenaiva sarvapāpaṃ vinaśyati | tulasīsparśanenaiva naśyaṃti vyādhayo nṛṇām
By the mere remembrance of tulasī all sin is destroyed; by the mere touch of tulasī the diseases of men perish.
AI translation rendered from the Sanskrit, not a published edition
PdP 7 24.26
योऽश्नाति तुलसीपत्रं सर्वपापहरं शुभम् । तच्छरीरांतरस्थायि पापं नश्यति तत्क्षणात्
yo'śnāti tulasīpatraṃ sarvapāpaharaṃ śubham | taccharīrāṃtarasthāyi pāpaṃ naśyati tatkṣaṇāt
Whoever eats an auspicious tulasī leaf, which removes all sin — the sin residing within his body is destroyed that very instant.
AI translation rendered from the Sanskrit, not a published edition
PdP 7 24.27
तुलसीकाष्ठसंभूतां मालां वहति यो नरः । तद्देहे पातकं नास्ति सत्यमेतन्मयोच्यते
tulasīkāṣṭhasaṃbhūtāṃ mālāṃ vahati yo naraḥ | taddehe pātakaṃ nāsti satyametanmayocyate
The man who wears a garland made from tulasī wood — in his body there is no sin; this is spoken by me as truth.
AI translation rendered from the Sanskrit, not a published edition
PdP 7 24.28
तुलसीपत्रगलितं यस्तोयं शिरसा वहेत् । गंगायाः स्नानजं पुण्यं लभते नात्र संशयः
tulasīpatragalitaṃ yastoyaṃ śirasā vahet | gaṃgāyāḥ snānajaṃ puṇyaṃ labhate nātra saṃśayaḥ
Whoever should bear on his head water that has dripped from a tulasī leaf obtains the merit born of bathing in the Gaṅgā; there is no doubt here.
AI translation rendered from the Sanskrit, not a published edition
PdP 7 24.29
दूर्वाभिरक्षतैः पुष्पैर्नैवेद्यैस्तुलसीं शुभाम् । समाराध्य नरो भक्त्या विष्णुपूजा फलं लभेत्
dūrvābhirakṣataiḥ puṣpairnaivedyaistulasīṃ śubhām | samārādhya naro bhaktyā viṣṇupūjā phalaṃ labhet
Having worshipped the auspicious tulasī with dūrvā grass, unbroken rice, flowers and food-offerings, a man with devotion obtains the fruit of worshipping Viṣṇu.
AI translation rendered from the Sanskrit, not a published edition
PdP 7 24.30
येनार्चिता भगवती तुलसी कदाचिन्नैवेद्य पुष्पवरधूपघृतप्रदीपैः । धर्मार्थकामपरमामृतदायि विप्राः किं तस्य विष्णुचरणापचितिप्रयोगैः
yenārcitā bhagavatī tulasī kadācinnaivedya puṣpavaradhūpaghṛtapradīpaiḥ | dharmārthakāmaparamāmṛtadāyi viprāḥ kiṃ tasya viṣṇucaraṇāpacitiprayogaiḥ
He by whom the blessed tulasī — giver of dharma, wealth, pleasure and the supreme nectar — has ever been worshipped with food-offerings, flowers, choice incense and ghee lamps: what need has he, O brāhmaṇas, of rites of homage to Viṣṇu's feet?
AI translation rendered from the Sanskrit, not a published edition
PdP 7 24.31
स्थानेषु दोषरहितेषु सुरौघसेव्यामारोपयंति तुलसीं हरितुष्टिकर्त्रीम् । तुष्टो हरिस्त्रिजगतामधिपोऽमुरारिस्तेभ्यो ददाति परमं पदमाशु विप्र
sthāneṣu doṣarahiteṣu suraughasevyāmāropayaṃti tulasīṃ harituṣṭikartrīm | tuṣṭo haristrijagatāmadhipo'murāristebhyo dadāti paramaṃ padamāśu vipra
(Those who) plant in spotless places the tulasī, to be served by hosts of gods, giver of Hari's delight — Hari, lord of the three worlds, the foe of Mura, being pleased, quickly gives them the supreme state, O brāhmaṇa.
AI translation rendered from the Sanskrit, not a published edition
PdP 7 24.32
यज्ञं व्रतं च पितृपूजनमच्युतार्च्चां दानं यदन्यदपि कर्मशुभं मनुष्याः । कुर्वंति दोषरहिते तुलसीतले च तान्यक्षयाणि सकलानि भवंति नूनम्
yajñaṃ vrataṃ ca pitṛpūjanamacyutārccāṃ dānaṃ yadanyadapi karmaśubhaṃ manuṣyāḥ | kurvaṃti doṣarahite tulasītale ca tānyakṣayāṇi sakalāni bhavaṃti nūnam
Sacrifice, vow, worship of the fathers, worship of Acyuta, gift, and whatever other auspicious act men perform on spotless ground at the foot of a tulasī — all those surely become imperishable.
AI translation rendered from the Sanskrit, not a published edition
PdP 7 24.33
यद्धर्मकर्मकुरुते मनुजः पृथिव्यां नारायणप्रियतमां तुलसीं विना च । तत्सर्वमेव विफलं भवति द्विजेन्द्र पद्मेक्षणोऽपि न हि तुष्यति देवदेवः
yaddharmakarmakurute manujaḥ pṛthivyāṃ nārāyaṇapriyatamāṃ tulasīṃ vinā ca | tatsarvameva viphalaṃ bhavati dvijendra padmekṣaṇo'pi na hi tuṣyati devadevaḥ
Whatever act of dharma a man performs on earth without the tulasī, dearest to Nārāyaṇa — all that becomes fruitless, O best of the twice-born, and the lotus-eyed god of gods is indeed not pleased.
AI translation rendered from the Sanskrit, not a published edition
PdP 7 24.34
यात्रासु पश्यति शुभां तुलसीं पवित्रां यो भक्तिभावसहितो मनुजो हि नूनम् । यात्राफलं सकलमेव हरिप्रसादात्तस्याशु सिद्ध्यति वचः सुदृढं ममैतत्
yātrāsu paśyati śubhāṃ tulasīṃ pavitrāṃ yo bhaktibhāvasahito manujo hi nūnam | yātrāphalaṃ sakalameva hariprasādāttasyāśu siddhyati vacaḥ sudṛḍhaṃ mamaitat
The man who, filled with the feeling of devotion, beholds the auspicious, purifying tulasī on his pilgrimages — for him, surely, the whole fruit of the pilgrimage is quickly accomplished by Hari's grace; this word of mine is firm.
AI translation rendered from the Sanskrit, not a published edition
PdP 7 24.35
त्यक्त्वा सुगन्धिकुसुमं भुवनैकनाथो मंदारकुन्दनलिनादिकमप्यनंतः । गृह्णाति सद्गुणमयीं तुलसीं प्रमोदैः शुष्कामपि प्रचुरपापविनाशरक्षाम्
tyaktvā sugandhikusumaṃ bhuvanaikanātho maṃdārakundanalinādikamapyanaṃtaḥ | gṛhṇāti sadguṇamayīṃ tulasīṃ pramodaiḥ śuṣkāmapi pracurapāpavināśarakṣām
Abandoning the fragrant flower — even the mandāra, kunda, lotus and the rest — the sole lord of the world, the endless one, receives with joy the tulasī, full of good qualities, even when dry, the protectress that destroys abundant sin.
AI translation rendered from the Sanskrit, not a published edition
PdP 7 24.36
उत्पाट्य चैव तुलसीं भुवि निक्षिपंति पापाशयाऽमृतलताभ निदानभूताम् । अज्ञानतो नरहरिस्तुलसीप्रियोऽसौ तेषां श्रियं हरति संततमेव सत्यम्
utpāṭya caiva tulasīṃ bhuvi nikṣipaṃti pāpāśayā'mṛtalatābha nidānabhūtām | ajñānato naraharistulasīpriyo'sau teṣāṃ śriyaṃ harati saṃtatameva satyam
And those of sinful mind who uproot the tulasī and throw it on the ground — (that plant) resembling the nectar-creeper, the root-cause (of good) — out of ignorance: this Narahari, who loves tulasī, takes away their prosperity continually; this is the truth.
AI translation rendered from the Sanskrit, not a published edition — the model flagged this verse as uncertain
PdP 7 24.37
मूत्रं पुरीषं तुलसीतलेषु कुर्वंति येऽपि च मलं सततं मनुष्याः । देवाश्रये संचित पातकानां तेषां हरत्याशु हरिर्धनानि
mūtraṃ purīṣaṃ tulasītaleṣu kurvaṃti ye'pi ca malaṃ satataṃ manuṣyāḥ | devāśraye saṃcita pātakānāṃ teṣāṃ haratyāśu harirdhanāni
Those men also who constantly make urine, dung and filth at the foot of a tulasī — of them, who have amassed sins in the abode of the god, Hari swiftly takes away their wealth.
AI translation rendered from the Sanskrit, not a published edition
PdP 7 24.38
नारायणस्यपूजार्थं चिनोमि त्वां नमोस्तुते । कुसुमैः पारिजाताद्यैर्गंधाद्यैरपि केशवः
nārāyaṇasyapūjārthaṃ cinomi tvāṃ namostute | kusumaiḥ pārijātādyairgaṃdhādyairapi keśavaḥ
"For the sake of Nārāyaṇa's worship I pluck you; homage to you. Even with flowers such as the pārijāta and with perfumes and the rest, Keśava
AI translation rendered from the Sanskrit, not a published edition
PdP 7 24.39
त्वया विना नैति तृप्तिं चिनोमि त्वामतः शुभे । त्वया विना महाभागे समस्तं कर्म निष्फलम्
tvayā vinā naiti tṛptiṃ cinomi tvāmataḥ śubhe | tvayā vinā mahābhāge samastaṃ karma niṣphalam
does not come to satisfaction without you; therefore I pluck you, O auspicious one. Without you, O greatly blessed one, every rite is fruitless.
AI translation rendered from the Sanskrit, not a published edition
PdP 7 24.40
अतस्तु तुलसी देवि चिनोमि वरदा भव । चयनोद्भव दुःखं ते यद्देवि हृदि जायते
atastu tulasī devi cinomi varadā bhava | cayanodbhava duḥkhaṃ te yaddevi hṛdi jāyate
Therefore, O goddess Tulasī, I pluck (you); be a granter of boons. Whatever pain arising from the plucking is produced in your heart, O goddess,
AI translation rendered from the Sanskrit, not a published edition
PdP 7 24.41
तत्क्षमस्व जगन्नाथे तुलसि त्वां नमाम्यहम् । कृताञ्जलिरिमान्मन्त्रान्पठित्वा वैष्णवो जनः
tatkṣamasva jagannāthe tulasi tvāṃ namāmyaham | kṛtāñjalirimānmantrānpaṭhitvā vaiṣṇavo janaḥ
forgive that, O mistress of the world; Tulasī, I bow to you." Having recited these mantras with joined palms, the Vaiṣṇava person
AI translation rendered from the Sanskrit, not a published edition
PdP 7 24.42
करतालद्वयं दत्वा चिनोति तुलसीदलम् । यथा न कंपते शाखा तुलस्या द्विजसत्तम
karatāladvayaṃ datvā cinoti tulasīdalam | yathā na kaṃpate śākhā tulasyā dvijasattama
Placing the two palms together, one should pluck the tulasī leaf in such a way that the branch of the tulasī does not tremble, O best of the twice-born.
AI translation rendered from the Sanskrit, not a published edition
PdP 7 24.43
पत्रस्य चयने देवी भग्नशाखा यदा भवेत् । तदा हृदि व्यथा विष्णोर्ज्जायते तुलसीपतेः
patrasya cayane devī bhagnaśākhā yadā bhavet | tadā hṛdi vyathā viṣṇorjjāyate tulasīpateḥ
When, in the plucking of a leaf, a branch of the goddess is broken, then pain arises in the heart of Viṣṇu, the lord of tulasī.
AI translation rendered from the Sanskrit, not a published edition
PdP 7 24.44
शाखाग्रात्पतितं भूमौ पत्रं पत्रं पुरातनम् । तेनापि पूज्यो गोविन्दो मधुकैटभमर्द्दनः
śākhāgrātpatitaṃ bhūmau patraṃ patraṃ purātanam | tenāpi pūjyo govindo madhukaiṭabhamarddanaḥ
A leaf that has fallen to the ground from the tip of a branch, and an old leaf — with that too Govinda, the crusher of Madhu and Kaiṭabha, may be worshipped.
AI translation rendered from the Sanskrit, not a published edition
PdP 7 24.45
कोमलैस्तुलसीपत्रैर्योऽर्चयेदच्युतं प्रभुम् । सर्वं स लभते शीघ्रं यद्यदिच्छति चेतसा
komalaistulasīpatrairyo'rcayedacyutaṃ prabhum | sarvaṃ sa labhate śīghraṃ yadyadicchati cetasā
He who worships the lord Acyuta with tender tulasī leaves quickly obtains everything, whatever he wishes in his mind.
AI translation rendered from the Sanskrit, not a published edition
PdP 7 24.46
जैमिनिरुवाच- तुलसीवृक्षसदृशः कोवृक्षोऽस्ति द्विजर्षभ । तमहं ज्ञातुमिच्छामि ब्रूहि सत्यवतीसुत
jaiminiruvāca- tulasīvṛkṣasadṛśaḥ kovṛkṣo'sti dvijarṣabha | tamahaṃ jñātumicchāmi brūhi satyavatīsuta
Jaimini said: Which tree is there that is like the tulasī tree, O bull among the twice-born? I wish to know it; tell (me), O son of Satyavatī.
AI translation rendered from the Sanskrit, not a published edition
PdP 7 24.47
व्यास उवाच- यथा प्रियतमा विष्णोस्तुलसी सततं द्विज । तथा प्रियतमा धात्री सर्वपापप्रणाशिनी
vyāsa uvāca- yathā priyatamā viṣṇostulasī satataṃ dvija | tathā priyatamā dhātrī sarvapāpapraṇāśinī
Vyāsa said: Just as tulasī is ever most dear to Viṣṇu, O twice-born one, so too is the dhātrī (emblic myrobalan) most dear, destroying all sins.
AI translation rendered from the Sanskrit, not a published edition
PdP 7 24.48
तुलसीवृक्षमासाद्य या यास्तिष्ठंति देवताः । आमलक्यास्तले तास्ता निवसंति द्विजोत्तम
tulasīvṛkṣamāsādya yā yāstiṣṭhaṃti devatāḥ | āmalakyāstale tāstā nivasaṃti dvijottama
Whatever deities there are that resort to the tulasī tree and abide (there), those same ones dwell at the foot of the āmalakī, O best of the twice-born.
AI translation rendered from the Sanskrit, not a published edition
PdP 7 24.49
गंगादीनि च तीर्थानि तत्रैव द्विजसत्तम । विष्णुप्रियतमा धात्री पवित्रा यत्र तिष्ठति
gaṃgādīni ca tīrthāni tatraiva dvijasattama | viṣṇupriyatamā dhātrī pavitrā yatra tiṣṭhati
And the Gaṅgā and the other sacred fords are there in that very place, O best of the twice-born, where the pure dhātrī, most dear to Viṣṇu, stands.
AI translation rendered from the Sanskrit, not a published edition
PdP 7 24.50
अशुभं वाशुभं वापि यत्कर्मामलकीतले । क्रियते मानवैर्विंप्र भवेत्तत्सत्यमक्षयम् ५० 7.24.
aśubhaṃ vāśubhaṃ vāpi yatkarmāmalakītale | kriyate mānavairviṃpra bhavettatsatyamakṣayam 50 7.24.
Whether inauspicious or auspicious, whatever act is done by men at the foot of the āmalakī, that becomes truly imperishable, O brahmin.
AI translation rendered from the Sanskrit, not a published edition
PdP 7 24.51
पवित्रैर्नूतनेः पत्रैर्धात्र्या यः पूजयेद्धरिम् । स मुक्तः पापजालेन सायुज्यं लभते हरेः
pavitrairnūtaneḥ patrairdhātryā yaḥ pūjayeddharim | sa muktaḥ pāpajālena sāyujyaṃ labhate hareḥ
He who worships Hari with the pure, fresh leaves of the dhātrī is freed from the net of sin and attains union with Hari.
AI translation rendered from the Sanskrit, not a published edition
PdP 7 24.52
धात्री च तुलसीदेवी न तिष्ठेद्यत्र जैमिने । स्थानं तदपवित्रं स्यान्न च क्रियाफलं लभेत्
dhātrī ca tulasīdevī na tiṣṭhedyatra jaimine | sthānaṃ tadapavitraṃ syānna ca kriyāphalaṃ labhet
And where the dhātrī and the goddess Tulasī do not stand, O Jaimini, that place is impure, and one would not obtain the fruit of (ritual) action (there).
AI translation rendered from the Sanskrit, not a published edition
PdP 7 24.53
न तिष्ठत्याश्रमे यस्य धात्री च तुलसी शुभा । तेन कर्म कृतं सर्वं नूनं गच्छति निष्फलम्
na tiṣṭhatyāśrame yasya dhātrī ca tulasī śubhā | tena karma kṛtaṃ sarvaṃ nūnaṃ gacchati niṣphalam
He in whose hermitage the dhātrī and the auspicious tulasī do not stand — every rite performed by him surely goes fruitless.
AI translation rendered from the Sanskrit, not a published edition
PdP 7 24.54
धात्र्या तुलस्या हीनं च निलयं यस्य भूसुर । अलक्ष्मीः पातकं सर्वं कलिश्च तेन तोषितः
dhātryā tulasyā hīnaṃ ca nilayaṃ yasya bhūsura | alakṣmīḥ pātakaṃ sarvaṃ kaliśca tena toṣitaḥ
And he whose dwelling is devoid of dhātrī and tulasī, O earth-god (brahmin) — by him misfortune, every sin, and Kali are gratified.
AI translation rendered from the Sanskrit, not a published edition
PdP 7 24.55
स्थाने तस्मिन्द्विजश्रेष्ठ न धात्री तुलसी न च । श्मशानतुल्यं स्थानं तद्विज्ञेयं तत्वदर्शिभिः
sthāne tasmindvijaśreṣṭha na dhātrī tulasī na ca | śmaśānatulyaṃ sthānaṃ tadvijñeyaṃ tatvadarśibhiḥ
In that place, O best of the twice-born, where there is neither dhātrī nor tulasī, that place is to be known by the seers of truth as equal to a cremation ground.
AI translation rendered from the Sanskrit, not a published edition
PdP 7 24.56
धात्री च तुलसी यत्र तिष्ठेत्तत्राखिलाः सुराः । न धात्री तुलसी पत्रं तत्रैवाखिलपातकम्
dhātrī ca tulasī yatra tiṣṭhettatrākhilāḥ surāḥ | na dhātrī tulasī patraṃ tatraivākhilapātakam
Where dhātrī and tulasī stand, there are all the gods; where there is no dhātrī, no tulasī leaf, there indeed is every sin.
AI translation rendered from the Sanskrit, not a published edition
PdP 7 24.57
धात्रीफलस्रजं यस्तु पापहर्त्रीं वहेद्बुधः । तस्याश्रित्य तनुं विष्णुः सदा तिष्ठेच्छ्रिया सह
dhātrīphalasrajaṃ yastu pāpahartrīṃ vahedbudhaḥ | tasyāśritya tanuṃ viṣṇuḥ sadā tiṣṭhecchriyā saha
And the wise man who wears a garland of dhātrī fruits, which removes sin — resorting to his body, Viṣṇu abides always together with Śrī.
AI translation rendered from the Sanskrit, not a published edition
PdP 7 24.58
धात्रीकाष्ठस्य मालां च यो वहेन्मतिमान्नरः । तस्य देहं समाश्रित्य तिष्ठंति सर्वदेवताः
dhātrīkāṣṭhasya mālāṃ ca yo vahenmatimānnaraḥ | tasya dehaṃ samāśritya tiṣṭhaṃti sarvadevatāḥ
And the intelligent man who wears a garland of dhātrī wood — resorting to his body, all the deities abide (there).
AI translation rendered from the Sanskrit, not a published edition
PdP 7 24.59
धात्रीफलस्रजं गृह्णन्यत्कर्म कुरुते नरः । तत्सर्वमक्षयं प्रोक्तं शुभं वा यदि वाशुभम्
dhātrīphalasrajaṃ gṛhṇanyatkarma kurute naraḥ | tatsarvamakṣayaṃ proktaṃ śubhaṃ vā yadi vāśubham
Whatever act a man performs while holding a garland of dhātrī fruits, all that is declared imperishable, whether it be auspicious or inauspicious.
AI translation rendered from the Sanskrit, not a published edition
PdP 7 24.60
यस्तु धात्रीफलं भुंक्ते मानवोऽखिलतत्ववित् । तद्देहाभ्यंतरस्थायि सर्वं पापं विनश्यति
yastu dhātrīphalaṃ bhuṃkte mānavo'khilatatvavit | taddehābhyaṃtarasthāyi sarvaṃ pāpaṃ vinaśyati
And the man who, knowing all the truths, eats a dhātrī fruit — all the sin residing within his body perishes.
AI translation rendered from the Sanskrit, not a published edition
PdP 7 24.61
धात्रीफलमयीं मालां यो वहेद्दिवजसत्तम । ब्रवीमि शृणु माहात्म्यं सर्वपापहरं परम्
dhātrīphalamayīṃ mālāṃ yo vaheddivajasattama | bravīmi śṛṇu māhātmyaṃ sarvapāpaharaṃ param
He who wears a garland made of dhātrī fruits, O best of the twice-born — I shall declare it; hear the supreme greatness (of it), which removes all sin.
AI translation rendered from the Sanskrit, not a published edition
PdP 7 24.62
श्मशानेऽपि यदा मृत्युस्तस्य स्याद्दैवयोगतः । गङ्गामरणजं पुण्यं संप्राप्नोति न संशयः
śmaśāne'pi yadā mṛtyustasya syāddaivayogataḥ | gaṅgāmaraṇajaṃ puṇyaṃ saṃprāpnoti na saṃśayaḥ
Even when, by the working of fate, his death should occur in a cremation ground, he obtains the merit that arises from dying at the Gaṅgā — there is no doubt of it.
AI translation rendered from the Sanskrit, not a published edition
PdP 7 24.63
तं दृष्ट्वा पापिनः सर्वे पापजालैः सुदारुणैः । सद्य एव प्रमुच्यंते जन्मकोटिशतैरपि
taṃ dṛṣṭvā pāpinaḥ sarve pāpajālaiḥ sudāruṇaiḥ | sadya eva pramucyaṃte janmakoṭiśatairapi
Seeing him, all sinners are at once released from the most terrible nets of sin, even (those accumulated) through hundreds of millions of births.
AI translation rendered from the Sanskrit, not a published edition
PdP 7 24.64
नित्यं गृह्णाति विप्रेंद्र यो धात्रीफलकर्द्दमम् । दिने दिने लभेत्पुण्यं संप्राप्नोति न संशयः
nityaṃ gṛhṇāti vipreṃdra yo dhātrīphalakarddamam | dine dine labhetpuṇyaṃ saṃprāpnoti na saṃśayaḥ
He who, O best of brahmins, constantly takes the paste of the āmalakī fruit, obtains merit day by day — he attains (it), there is no doubt.
AI translation rendered from the Sanskrit, not a published edition
PdP 7 24.65
धात्रीतरुं च यो हंति सर्वदेवगणाश्रयम् । स ददाति हरेरंगे घातं नास्त्यत्र संशयः
dhātrītaruṃ ca yo haṃti sarvadevagaṇāśrayam | sa dadāti hareraṃge ghātaṃ nāstyatra saṃśayaḥ
And he who cuts down the āmalakī tree, the refuge of all the hosts of gods, deals a blow to the body of Hari — there is no doubt in this.
AI translation rendered from the Sanskrit, not a published edition
PdP 7 24.66
सर्वदेवमयी धात्री विशेषात्केशवप्रिया । सम्यग्वक्तुं गुणं तस्या ब्रह्मणापि न शक्यते
sarvadevamayī dhātrī viśeṣātkeśavapriyā | samyagvaktuṃ guṇaṃ tasyā brahmaṇāpi na śakyate
The āmalakī consists of all the gods, and is especially dear to Keśava; even Brahmā is not able to tell her virtue fully.
AI translation rendered from the Sanskrit, not a published edition
PdP 7 24.67
धात्र्यास्तुलस्या विदधाति भक्तिं यो मानवो ज्ञातसमस्ततत्वः । भुक्त्वा च भोगान्सकलां स्ततोंऽते स मुक्तिमाप्नोति हरेः प्रसादात्
dhātryāstulasyā vidadhāti bhaktiṃ yo mānavo jñātasamastatatvaḥ | bhuktvā ca bhogānsakalāṃ statoṃ'te sa muktimāpnoti hareḥ prasādāt
That man who, having come to know all the truths, sets his devotion upon the āmalakī and the tulasī — having enjoyed all enjoyments, at the end he attains liberation by the favour of Hari.
AI translation rendered from the Sanskrit, not a published edition