Padma Purana — Kriya Khanda — Chapter 16
PdP 7 16.1
व्यास उवाच- भूय एव द्विजश्रेष्ठ महाविष्णोः परात्मनः । ब्रवीमि शृणु माहात्म्यं सर्वदुःखविनाशनम्
vyāsa uvāca- bhūya eva dvijaśreṣṭha mahāviṣṇoḥ parātmanaḥ | bravīmi śṛṇu māhātmyaṃ sarvaduḥkhavināśanam
Vyāsa said: Once more, O best of the twice-born, I shall tell the greatness of great Viṣṇu, the supreme Self, which destroys all suffering — listen.
AI translation rendered from the Sanskrit, not a published edition
PdP 7 16.2
ब्राह्मणाः क्षत्त्रिया वैश्याः शूद्राश्चान्येन्त्यजास्तथा । हरिभक्तिं प्रपन्ना ये ते कृतार्था न संशयः
brāhmaṇāḥ kṣattriyā vaiśyāḥ śūdrāścānyentyajāstathā | haribhaktiṃ prapannā ye te kṛtārthā na saṃśayaḥ
Brahmins, kṣatriyas, vaiśyas, śūdras, and likewise others, the outcastes — those who have taken refuge in devotion to Hari have attained their purpose; there is no doubt.
AI translation rendered from the Sanskrit, not a published edition
PdP 7 16.3
हरेरभक्तो विप्रोऽपि विज्ञेयः श्वपचाधिकः । हरिभक्तः श्वपाकोऽपि विज्ञेयो ब्राह्मणाधिकः
harerabhakto vipro'pi vijñeyaḥ śvapacādhikaḥ | haribhaktaḥ śvapāko'pi vijñeyo brāhmaṇādhikaḥ
Even a brahmin who is not devoted to Hari is to be regarded as worse than a dog-cooker; even a dog-cooker who is devoted to Hari is to be regarded as superior to a brahmin.
AI translation rendered from the Sanskrit, not a published edition
PdP 7 16.4
स कथं ब्राह्मणो यस्तु हरिभक्तिविवर्जितः । स कथं श्वपचो यस्तु भगवद्भक्तिमानसः
sa kathaṃ brāhmaṇo yastu haribhaktivivarjitaḥ | sa kathaṃ śvapaco yastu bhagavadbhaktimānasaḥ
How is he a brahmin who is devoid of devotion to Hari? How is he a dog-cooker whose mind is set in devotion to the Lord?
AI translation rendered from the Sanskrit, not a published edition
PdP 7 16.5
अव्याजेन यदा विष्णुः श्वपाकेनापि पूज्यते । तदा पश्येत्तमप्येवं चतुर्वेदद्विजाधिकम्
avyājena yadā viṣṇuḥ śvapākenāpi pūjyate | tadā paśyettamapyevaṃ caturvedadvijādhikam
When Viṣṇu is worshipped without deceit, even by a dog-cooker, then one should regard even him as superior to a twice-born knowing the four Vedas.
AI translation rendered from the Sanskrit, not a published edition
PdP 7 16.6
पुरासीच्चक्रिको नाम शबरो लोककर्षकृत् । सुजातिवृत्तिहीनश्च युगे द्वापरसंज्ञके
purāsīccakriko nāma śabaro lokakarṣakṛt | sujātivṛttihīnaśca yuge dvāparasaṃjñake
Formerly, in the age named Dvāpara, there was a Śabara named Cakrika, a tiller of the ground, lacking good birth and (proper) livelihood.
AI translation rendered from the Sanskrit, not a published edition — the model flagged this verse as uncertain
PdP 7 16.7
विप्रवादी जितक्रोधः परहिंसाविवर्जितः । दयालुर्द्दम्भहीनश्च पितृमातृपरायणः
vipravādī jitakrodhaḥ parahiṃsāvivarjitaḥ | dayālurddambhahīnaśca pitṛmātṛparāyaṇaḥ
He spoke in favour of brahmins, had conquered anger, was free from injuring others, compassionate, without hypocrisy, and devoted to his father and mother.
AI translation rendered from the Sanskrit, not a published edition — the model flagged this verse as uncertain
PdP 7 16.8
न कृतो वैष्णवोलापो मोक्षशास्त्रं न च श्रुतम् । तथापि जाता तच्चित्ते हरिभक्तिरचञ्चला
na kṛto vaiṣṇavolāpo mokṣaśāstraṃ na ca śrutam | tathāpi jātā taccitte haribhaktiracañcalā
No conversation with Vaiṣṇavas was had by him, nor had he heard scripture on liberation; nevertheless, unwavering devotion to Hari arose in his mind.
AI translation rendered from the Sanskrit, not a published edition
PdP 7 16.9
हरे केशव गोविन्द वासुदेव जनार्दन । इत्यादीनि स्मरन्नित्यं स च नामानिचक्रिणः
hare keśava govinda vāsudeva janārdana | ityādīni smarannityaṃ sa ca nāmānicakriṇaḥ
"Hare, Keśava, Govinda, Vāsudeva, Janārdana" — such names of the discus-bearer he constantly remembered.
AI translation rendered from the Sanskrit, not a published edition
PdP 7 16.10
वन्यं फलं च यत्किञ्चित्प्राप्नोति द्विजसत्तम । आदौ ददाति तद्वक्त्रे निजे शबरवंशजः
vanyaṃ phalaṃ ca yatkiñcitprāpnoti dvijasattama | ādau dadāti tadvaktre nije śabaravaṃśajaḥ
And whatever forest fruit he obtained, O best of the twice-born, that man born of the Śabara line first put into his own mouth.
AI translation rendered from the Sanskrit, not a published edition
PdP 7 16.11
तन्माधुर्यं ततो ज्ञात्वा वक्त्रान्निष्कास्य तत्पुनः । ददाति हरये भक्त्या सुप्रीतः प्रतिवासरम्
tanmādhuryaṃ tato jñātvā vaktrānniṣkāsya tatpunaḥ | dadāti haraye bhaktyā suprītaḥ prativāsaram
Then, having thus learnt its sweetness, taking it out again from his mouth, well pleased, he offered it with devotion to Hari, day after day.
AI translation rendered from the Sanskrit, not a published edition
PdP 7 16.12
उच्छिष्टं वाप्यनुच्छिष्टं द्वयमेव न वेत्ति सः । निजजातिस्वभावो हि सततं मूर्घ्नि वर्तते
ucchiṣṭaṃ vāpyanucchiṣṭaṃ dvayameva na vetti saḥ | nijajātisvabhāvo hi satataṃ mūrghni vartate
He did not know the two at all — what is leftover food and what is not; for the nature of one's own caste always holds sway over the head.
AI translation rendered from the Sanskrit, not a published edition
PdP 7 16.13
कदाचित्स द्विजश्रेष्ठ काननाभ्यंतरे भ्रमन् । फलमेकं प्राप्य पक्वं प्रियालस्येति शाखिनः
kadācitsa dvijaśreṣṭha kānanābhyaṃtare bhraman | phalamekaṃ prāpya pakvaṃ priyālasyeti śākhinaḥ
Once, O best of the twice-born, wandering within the forest, he obtained a single ripe fruit of the tree called priyāla.
AI translation rendered from the Sanskrit, not a published edition
PdP 7 16.14
अथासौ हर्षितस्तस्य फलमप्राप्य चक्रिकः । स संरंभेण ज्ञात्वा वै निजवक्त्रांतरे ददौ
athāsau harṣitastasya phalamaprāpya cakrikaḥ | sa saṃraṃbheṇa jñātvā vai nijavaktrāṃtare dadau
Then this wheelwright, delighted, without (first) offering that fruit of his (to the Lord), realized (it) only in his haste — (for) he had (already) put (it) into his own mouth.
AI translation rendered from the Sanskrit, not a published edition — the model flagged this verse as uncertain
PdP 7 16.15
स ददौ तत्फलं यावन्निजवक्त्रांतरे द्विज । प्रविवेश गलं तावत्तत्फलं शृणु जैमिने
sa dadau tatphalaṃ yāvannijavaktrāṃtare dvija | praviveśa galaṃ tāvattatphalaṃ śṛṇu jaimine
O twice-born one, as he was putting that fruit into his own mouth, that fruit went into his throat — hear (this), Jaimini!
AI translation rendered from the Sanskrit, not a published edition
PdP 7 16.16
तावत्सव्येन हस्तेन गलरन्ध्रं बबंध सः । यत्नाद्विधृत्य सव्येन पाणिना सकलं द्विज
tāvatsavyena hastena galarandhraṃ babaṃdha saḥ | yatnādvidhṛtya savyena pāṇinā sakalaṃ dvija
Thereupon he closed the opening of his throat with his left hand, holding it all back with effort with his left hand, O twice-born one.
AI translation rendered from the Sanskrit, not a published edition — the model flagged this verse as uncertain
PdP 7 16.17
चक्रिकश्चिन्तयामास हरिभक्तिपरायणः । फलमेतद्यदा तस्मै न ददामि मुरारये
cakrikaścintayāmāsa haribhaktiparāyaṇaḥ | phalametadyadā tasmai na dadāmi murāraye
The wheelwright, wholly devoted to Hari, thought: "If I do not give this fruit to him, to Murāri,
AI translation rendered from the Sanskrit, not a published edition
PdP 7 16.18
न जातः कोऽपि संसारे तदाहमिव पातकी । हरिं संचिंत्य बहुधा स चकार मतिं ततः
na jātaḥ ko'pi saṃsāre tadāhamiva pātakī | hariṃ saṃciṃtya bahudhā sa cakāra matiṃ tataḥ
then no sinner like me has (ever) been born in this world." Meditating on Hari in many ways, he then made up his mind.
AI translation rendered from the Sanskrit, not a published edition
PdP 7 16.19
तथापि तत्फलं तस्य न निष्क्रांतं गलाद्द्विज । हरेरेकांतभक्तोऽसौ छित्त्वा परशुना गलम्
tathāpi tatphalaṃ tasya na niṣkrāṃtaṃ galāddvija | harerekāṃtabhakto'sau chittvā paraśunā galam
Even so that fruit of his did not come out of his throat, O twice-born one; so that single-minded devotee of Hari, cutting his throat with an axe,
AI translation rendered from the Sanskrit, not a published edition
PdP 7 16.20
आनीय तत्फलं पक्वं ददौ देवाय विष्णवे । तत्सन्निधिं समायातस्तमेव हृदि चिंतयन्
ānīya tatphalaṃ pakvaṃ dadau devāya viṣṇave | tatsannidhiṃ samāyātastameva hṛdi ciṃtayan
brought that ripe fruit and gave it to the god Viṣṇu; he came into his presence, meditating on him alone in his heart,
AI translation rendered from the Sanskrit, not a published edition
PdP 7 16.21
रुधिरोक्षितसर्वाङ्गः पतितः क्षितिमण्डले । तं दृष्ट्वा भगवान्विष्णुर्गतासुं व्यथितोऽभवत्
rudhirokṣitasarvāṅgaḥ patitaḥ kṣitimaṇḍale | taṃ dṛṣṭvā bhagavānviṣṇurgatāsuṃ vyathito'bhavat
all his limbs drenched with blood, and fell upon the surface of the earth. Seeing him with his life gone, the Lord Viṣṇu was distressed.
AI translation rendered from the Sanskrit, not a published edition
PdP 7 16.22
एतस्य सदृशो भक्तो मम कोऽपि न विद्यते । यतो निजगलं छित्त्वा मम संतोषणं कृतम्
etasya sadṛśo bhakto mama ko'pi na vidyate | yato nijagalaṃ chittvā mama saṃtoṣaṇaṃ kṛtam
"There is no devotee of mine equal to this one, since, cutting his own throat, he has given me satisfaction.
AI translation rendered from the Sanskrit, not a published edition
PdP 7 16.23
यथा भक्तिमताऽनेन सात्विकं कर्म वै कृतम् । यद्दत्वानृण्यमाप्नोति तथा वस्तुकिमस्ति मे
yathā bhaktimatā'nena sātvikaṃ karma vai kṛtam | yaddatvānṛṇyamāpnoti tathā vastukimasti me
What thing do I have such that, by giving it, I would become free of debt, corresponding to the pure (sāttvika) deed this devoted man has done?
AI translation rendered from the Sanskrit, not a published edition
PdP 7 16.24
धन्योऽयमतिधन्योऽयं धन्योऽयं नात्र संशयः । प्राणानपि परित्यज्य ममसंतोषणं कृतम्
dhanyo'yamatidhanyo'yaṃ dhanyo'yaṃ nātra saṃśayaḥ | prāṇānapi parityajya mamasaṃtoṣaṇaṃ kṛtam
Blessed is he, most blessed is he, blessed is he — there is no doubt of it: giving up even his life-breaths, he has given me satisfaction.
AI translation rendered from the Sanskrit, not a published edition
PdP 7 16.25
ब्रह्मत्वं वा शिवत्वं वा चक्रित्वं वापि दीयते । तदाप्यानृण्यमेतस्य भक्तस्य न हि गम्यते
brahmatvaṃ vā śivatvaṃ vā cakritvaṃ vāpi dīyate | tadāpyānṛṇyametasya bhaktasya na hi gamyate
Even if the state of Brahmā, or the state of Śiva, or the state of the discus-bearer (Viṣṇu) be given, even then freedom from debt to this devotee is not attained."
AI translation rendered from the Sanskrit, not a published edition
PdP 7 16.26
इत्युक्त्वात्यंत संतुष्टो भगवान्गरुडध्वजः । स्वहस्तकमलेनास्य ततो मस्तकमस्पृशत्
ityuktvātyaṃta saṃtuṣṭo bhagavāngaruḍadhvajaḥ | svahastakamalenāsya tato mastakamaspṛśat
Having said this, the Lord whose banner is Garuḍa, exceedingly pleased, then touched his head with his own lotus hand.
AI translation rendered from the Sanskrit, not a published edition
PdP 7 16.27
तद्धस्तकमलस्पर्शाच्छबरोऽसौ गतव्यथः । समुत्तस्थौ महासत्वो नारायणपरायणः
taddhastakamalasparśācchabaro'sau gatavyathaḥ | samuttasthau mahāsatvo nārāyaṇaparāyaṇaḥ
By the touch of that lotus hand the Śabara's pain departed, and that great-spirited man, devoted to Nārāyaṇa, rose up.
AI translation rendered from the Sanskrit, not a published edition
PdP 7 16.28
व्यास उवाच- ततोऽस्य भक्तश्रेष्ठस्य निजवस्त्रेण केशवः । पुत्रस्येव पिता गात्ररजः प्रोक्षितवान्द्विज
vyāsa uvāca- tato'sya bhaktaśreṣṭhasya nijavastreṇa keśavaḥ | putrasyeva pitā gātrarajaḥ prokṣitavāndvija
Vyāsa said: Then, O twice-born one, Keśava wiped the dust from the limbs of that best of devotees with his own garment, as a father does for his son.
AI translation rendered from the Sanskrit, not a published edition
PdP 7 16.29
चक्रिकस्तं समालोक्य मूर्तिमंतं जनार्दनम् । वाचा मधुरयाऽस्तौषीत्प्रह्वमस्तः कृताञ्जलिः
cakrikastaṃ samālokya mūrtimaṃtaṃ janārdanam | vācā madhurayā'stauṣītprahvamastaḥ kṛtāñjaliḥ
The wheelwright, beholding Janārdana there in embodied form, praised him with sweet words, his head bowed and his palms joined.
AI translation rendered from the Sanskrit, not a published edition
PdP 7 16.30
चक्रिक उवाच- गोविन्द केशव हरे जगदीश विष्णो जानामि यद्यपि न ते स्तुतियोगवाक्यम् । स्तोतुं तथापि रसना मम वांछति त्वां स्वामिन्प्रसीद हर दोषमिमं प्रवृद्धम्
cakrika uvāca- govinda keśava hare jagadīśa viṣṇo jānāmi yadyapi na te stutiyogavākyam | stotuṃ tathāpi rasanā mama vāṃchati tvāṃ svāminprasīda hara doṣamimaṃ pravṛddham
The wheelwright said: Govinda, Keśava, Hari, Lord of the world, Viṣṇu — although I do not know words fit for praising you, still my tongue longs to praise you. O master, be gracious; take away this grown-great fault of mine.
AI translation rendered from the Sanskrit, not a published edition
PdP 7 16.31
त्यक्त्वा भवंतमखिलेश्वरचक्रपाणे अन्यं यजंति मनुजा जगतीह ये वै । मूढास्त एव दुरितप्रकरैकधाम सानुग्रहस्त्वमसि मय्यपि देव यस्मात्
tyaktvā bhavaṃtamakhileśvaracakrapāṇe anyaṃ yajaṃti manujā jagatīha ye vai | mūḍhāsta eva duritaprakaraikadhāma sānugrahastvamasi mayyapi deva yasmāt
O discus-handed lord of all, those men here in the world who abandon you and worship another — they alone are fools, the sole abode of a mass of sins; since you are gracious even to me, O god.
AI translation rendered from the Sanskrit, not a published edition
PdP 7 16.32
जानाति देव भवतो भवनैकनाथ भक्त्यैव यद्यपि नृणांभवबंधहर्त्रीम् । एकांतपापशबरान्वयलब्धजन्मा विष्णोस्तथापि भगवान्मयि सुप्रसन्नः
jānāti deva bhavato bhavanaikanātha bhaktyaiva yadyapi nṛṇāṃbhavabaṃdhahartrīm | ekāṃtapāpaśabarānvayalabdhajanmā viṣṇostathāpi bhagavānmayi suprasannaḥ
O god, sole lord of (all) existence, though one knows by devotion alone your (power) that destroys men's bondage to existence — yet, though born in a line of utterly sinful Śabaras, the Lord Viṣṇu is well pleased with me.
AI translation rendered from the Sanskrit, not a published edition — the model flagged this verse as uncertain
PdP 7 16.33
यस्य प्रभो तव मनोज्ञ करारविंदं स्पर्शं चतुर्मुखमुखा अपि देववृन्दाः । न प्राप्नुवंति विदितस्य मयाद्य लब्धं त्वत्तो न कोऽपि सदयो निजसेवकेषु
yasya prabho tava manojña karāraviṃdaṃ sparśaṃ caturmukhamukhā api devavṛndāḥ | na prāpnuvaṃti viditasya mayādya labdhaṃ tvatto na ko'pi sadayo nijasevakeṣu
O Lord, that charming lotus hand of yours, the touch of which even the hosts of gods headed by the four-faced one do not obtain — of you who are (thus) known — has today been obtained by me; there is none more compassionate than you toward his own servants.
AI translation rendered from the Sanskrit, not a published edition — the model flagged this verse as uncertain
PdP 7 16.34
येन त्वया भगवता त्रिदशाद्यवैरी कंसासुरो निमिसुतः कृतसर्वपापः । सेन्द्रामरप्रकरमर्त्यहिताय पूर्वं तस्मै नमः परममंगलदाय तुभ्यम्
yena tvayā bhagavatā tridaśādyavairī kaṃsāsuro nimisutaḥ kṛtasarvapāpaḥ | sendrāmaraprakaramartyahitāya pūrvaṃ tasmai namaḥ paramamaṃgaladāya tubhyam
By you, the Blessed One, the Kaṃsa-demon, foe of the gods and others, son of Nimi(?), doer of every sin, was (slain) formerly for the good of Indra with the host of immortals and of mortals — homage to him, to you, the giver of the highest blessing.
AI translation rendered from the Sanskrit, not a published edition — the model flagged this verse as uncertain
PdP 7 16.35
येन त्वयातिबलिना यमलार्जुनौ तौ देवोत्तमेन निहतौ वसुदेवजेन । दुष्टश्च कालयवनो युधि धेनुकश्च तस्मै नमोऽस्तु नवमेघनिभाय तुभ्यम्
yena tvayātibalinā yamalārjunau tau devottamena nihatau vasudevajena | duṣṭaśca kālayavano yudhi dhenukaśca tasmai namo'stu navameghanibhāya tubhyam
By you, the mighty one, the best of gods, born of Vasudeva, those two, Yamala and Arjuna, were struck down, and the wicked Kālayavana in battle, and Dhenuka — homage be to him, to you, who resemble a fresh raincloud.
AI translation rendered from the Sanskrit, not a published edition
PdP 7 16.36
श्रीकृष्णदामोदरभो ह्यनंत येन त्वयामरपतेरचला विभूतिः । पूर्वं कृता भगवता परमेश्वरेण तस्मै नमोऽस्तु यदुवंशपराय तुभ्यम्
śrīkṛṣṇadāmodarabho hyanaṃta yena tvayāmarapateracalā vibhūtiḥ | pūrvaṃ kṛtā bhagavatā parameśvareṇa tasmai namo'stu yaduvaṃśaparāya tubhyam
O Śrī Kṛṣṇa, Dāmodara, Bha(?), O endless one, by you, the Blessed One, the Supreme Lord, the unshakable sovereignty of the lord of the immortals was made formerly — homage be to him, to you, supreme in the Yadu lineage.
AI translation rendered from the Sanskrit, not a published edition — the model flagged this verse as uncertain
PdP 7 16.37
पारिजातो हृतो येन विजितोऽखंडलस्त्वया । लीलाजित महेशाय तस्मै तुभ्यं नमोनमः
pārijāto hṛto yena vijito'khaṃḍalastvayā | līlājita maheśāya tasmai tubhyaṃ namonamaḥ
By whom the Pārijāta (tree) was carried off, by you Indra was conquered — O you who conquered Maheśa in sport, homage, homage to him, to you.
AI translation rendered from the Sanskrit, not a published edition
PdP 7 16.38
कृत्वा वृकोदरं हेतुं जरासंधो निपातितः । बाणासुरस्य निहता बाहवो ये त्वया हताः
kṛtvā vṛkodaraṃ hetuṃ jarāsaṃdho nipātitaḥ | bāṇāsurasya nihatā bāhavo ye tvayā hatāḥ
Making Vṛkodara (Bhīma) the instrument, Jarāsaṃdha was brought down; the arms of Bāṇāsura which were struck off were destroyed by you.
AI translation rendered from the Sanskrit, not a published edition
PdP 7 16.39
शिशुपालो हतो येन तस्मै नित्यं नमोनमः । भूमेरपहृतो भारस्त्वया येन महात्मना
śiśupālo hato yena tasmai nityaṃ namonamaḥ | bhūmerapahṛto bhārastvayā yena mahātmanā
By whom Śiśupāla was slain — to him, homage, homage forever; by whom, the great-souled, the burden of the earth was removed by you,
AI translation rendered from the Sanskrit, not a published edition
PdP 7 16.40
क्षत्त्रियान्मायया हत्वा तस्मै नित्यं नमोनमः । व्यास उवाच- इति तेन स्तुतो विष्णुश्चक्रिकेन महात्मना
kṣattriyānmāyayā hatvā tasmai nityaṃ namonamaḥ | vyāsa uvāca- iti tena stuto viṣṇuścakrikena mahātmanā
having slain the kṣatriyas by (your) magic — to him, homage, homage forever. Vyāsa said: Thus Viṣṇu, being praised by that great-souled Cakrika,
AI translation rendered from the Sanskrit, not a published edition
PdP 7 16.41
उवाच परमप्रीतो वरं वृण्विति जैमिने । चक्रिक उवाच- परं ब्रह्म परं धाम परमात्मन्कृपामय
uvāca paramaprīto varaṃ vṛṇviti jaimine | cakrika uvāca- paraṃ brahma paraṃ dhāma paramātmankṛpāmaya
greatly pleased, said, "Choose a boon," O Jaimini. Cakrika said: O supreme Brahman, supreme abode, O Supreme Self, full of compassion,
AI translation rendered from the Sanskrit, not a published edition
PdP 7 16.42
पश्यामि त्वामहं साक्षाद्वरैः किमपरैर्द्विज । न ध्याता भवतो मूर्तिः पूजा च न कृता तव
paśyāmi tvāmahaṃ sākṣādvaraiḥ kimaparairdvija | na dhyātā bhavato mūrtiḥ pūjā ca na kṛtā tava
I see you before my very eyes — what (need) of other boons, O twice-born? Your form has not been meditated upon, nor has worship of you been performed by me,
AI translation rendered from the Sanskrit, not a published edition
PdP 7 16.43
नैवेद्यैर्दिव्यपुष्पैश्च दिव्यधूपैः प्रदीपकैः । न ते स्मृतानि नामानि कदाचिद्भवतो मया
naivedyairdivyapuṣpaiśca divyadhūpaiḥ pradīpakaiḥ | na te smṛtāni nāmāni kadācidbhavato mayā
with food-offerings, divine flowers, divine incense and lamps; nor have your names ever been remembered by me.
AI translation rendered from the Sanskrit, not a published edition
PdP 7 16.44
त्वत्पादसलिलं स्वामिन्विधृतं न हि मूर्द्धनि । न भुक्तं तव नैवेद्यं त्वद्व्रतं न मया कृतम्
tvatpādasalilaṃ svāminvidhṛtaṃ na hi mūrddhani | na bhuktaṃ tava naivedyaṃ tvadvrataṃ na mayā kṛtam
The water of your feet, O Lord, has not been placed upon my head; your food-offering has not been eaten (by me), nor has a vow to you been kept by me.
AI translation rendered from the Sanskrit, not a published edition
PdP 7 16.45
तथाप्यहमपश्यं त्वां किं करोम्यपरैर्वरैः । शबरान्वयजन्मास्मि सर्वधर्मबहिष्कृतः
tathāpyahamapaśyaṃ tvāṃ kiṃ karomyaparairvaraiḥ | śabarānvayajanmāsmi sarvadharmabahiṣkṛtaḥ
Even so, I have seen you — what should I do with other boons? I am born in the lineage of the Śabaras, excluded from all religious duty.
AI translation rendered from the Sanskrit, not a published edition
PdP 7 16.46
तथापि पादपद्मं ते दैवतैरपि दुर्ल्लभम् । तदेवाद्य मया प्राप्तं वरैः किमपरैर्मम
tathāpi pādapadmaṃ te daivatairapi durllabham | tadevādya mayā prāptaṃ varaiḥ kimaparairmama
Yet your lotus-foot, hard to obtain even for the gods, that very thing has today been attained by me — what (need) have I of other boons?
AI translation rendered from the Sanskrit, not a published edition
PdP 7 16.47
तथापि कमलाकांत वरदित्सुर्यदा भवान् । त्वयि तिष्ठतु मे चित्तं न मज्जेत्त्वदनुग्रहात्
tathāpi kamalākāṃta varaditsuryadā bhavān | tvayi tiṣṭhatu me cittaṃ na majjettvadanugrahāt
Still, O beloved of Kamalā, since you wish to grant a boon: let my mind rest in you; may it not sink, by your grace.
AI translation rendered from the Sanskrit, not a published edition
PdP 7 16.48
श्रीभगवानुवाच- वचनाऽमृतवर्षेण त्वदीयेन महाशय । संप्राप्य महतीं तुष्टिं मया सेवकपापिना
śrībhagavānuvāca- vacanā'mṛtavarṣeṇa tvadīyena mahāśaya | saṃprāpya mahatīṃ tuṣṭiṃ mayā sevakapāpinā
The Blessed Lord said: O noble-minded one, by that rain of nectar which is your speech, great satisfaction having been attained by me, (though) a sinner (who is) your servant —
AI translation rendered from the Sanskrit, not a published edition — the model flagged this verse as uncertain
PdP 7 16.49
यदिदं वत्स मे दत्तं त्वया कमलमुत्तमम् । अनेनात्यंततुष्टोऽस्मि भक्तिं गृह्णामि हर्षितः
yadidaṃ vatsa me dattaṃ tvayā kamalamuttamam | anenātyaṃtatuṣṭo'smi bhaktiṃ gṛhṇāmi harṣitaḥ
this excellent lotus which was given to me by you, my child — by this I am exceedingly pleased; delighted, I accept (your) devotion.
AI translation rendered from the Sanskrit, not a published edition
PdP 7 16.50
व्यास उवाच- इत्युक्त्वा भगवान्विष्णुर्भक्तिग्राही दयामयः । तमालिंगितवान्भक्तं चतुर्भिर्दीर्घबाहुभिः ५० 7.16.
vyāsa uvāca- ityuktvā bhagavānviṣṇurbhaktigrāhī dayāmayaḥ | tamāliṃgitavānbhaktaṃ caturbhirdīrghabāhubhiḥ 50 7.16.
Vyāsa said: Having said this, the Blessed Viṣṇu, receiver of devotion, full of compassion, embraced that devotee with his four long arms.
AI translation rendered from the Sanskrit, not a published edition
PdP 7 16.51
श्रीभगवानुवाच- तुष्टोऽस्मि भवतो भक्त्या वत्स चक्रिकसत्तम । यदिदं वत्स मे दत्तं क्षिप्रं भवति निश्चितम्
śrībhagavānuvāca- tuṣṭo'smi bhavato bhaktyā vatsa cakrikasattama | yadidaṃ vatsa me dattaṃ kṣipraṃ bhavati niścitam
The Blessed Lord said: I am pleased with your devotion, my child, best of Cakrikas; this which was given to me by you, my child, quickly comes to pass, assuredly.
AI translation rendered from the Sanskrit, not a published edition
PdP 7 16.52
भूयोऽपि तं महाभक्तमालिङ्ग्य परमेश्वरः । तत्रैवांतर्द्दधे विप्र विश्वात्मा विश्वपालकः
bhūyo'pi taṃ mahābhaktamāliṅgya parameśvaraḥ | tatraivāṃtarddadhe vipra viśvātmā viśvapālakaḥ
Once again the Supreme Lord, embracing that great devotee, vanished there itself, O brahmin — the Self of the universe, the protector of the universe.
AI translation rendered from the Sanskrit, not a published edition
PdP 7 16.53
स चक्रिकोऽतिसंतुष्टो हरिभक्तिपरायणः । पुत्रदारादिकं त्यक्त्वा जगाम द्वारकां पुरीम्
sa cakriko'tisaṃtuṣṭo haribhaktiparāyaṇaḥ | putradārādikaṃ tyaktvā jagāma dvārakāṃ purīm
That Cakrika, exceedingly satisfied, wholly devoted to Hari, abandoning son, wife and the rest, went to the city of Dvārakā.
AI translation rendered from the Sanskrit, not a published edition
PdP 7 16.54
तत्र चैवं समासाद्य कृपया कमलापतेः । आयुषोऽन्ते ययौ मोक्षं देवानामपि दुर्ल्लभम्
tatra caivaṃ samāsādya kṛpayā kamalāpateḥ | āyuṣo'nte yayau mokṣaṃ devānāmapi durllabham
There, having thus attained (that state) through the grace of the Lord of Lakṣmī, at the end of his life he went to liberation, which is hard to obtain even for the gods.
AI translation rendered from the Sanskrit, not a published edition
PdP 7 16.55
तस्माद्भक्तवशो देवो भक्तिमात्रेण तुष्यति । न च स्तोत्रैर्न वित्तैश्च न तपोभिर्जपेन च
tasmādbhaktavaśo devo bhaktimātreṇa tuṣyati | na ca stotrairna vittaiśca na tapobhirjapena ca
Therefore the God is subject to His devotees, and is pleased by devotion alone — not by hymns, nor by wealth, nor by austerities, nor by muttered prayer.
AI translation rendered from the Sanskrit, not a published edition
PdP 7 16.56
फलं यद्यपि चोच्छिष्टं दत्तं तेन द्विजोत्तम । तथापि तुष्टवान्विष्णुर्ज्ञात्वा भक्तिमचञ्चलाम्
phalaṃ yadyapi cocchiṣṭaṃ dattaṃ tena dvijottama | tathāpi tuṣṭavānviṣṇurjñātvā bhaktimacañcalām
Although the fruit that he gave was leftover food, O best of the twice-born, still Viṣṇu was pleased, knowing his devotion to be unwavering.
AI translation rendered from the Sanskrit, not a published edition
PdP 7 16.57
तस्मान्नारायणो देवः संसारेऽस्मिन्मुमुक्षुभिः
tasmānnārāyaṇo devaḥ saṃsāre'sminmumukṣubhiḥ
Therefore the God Nārāyaṇa (is to be worshipped) in this world of transmigration by those who seek release.
AI translation rendered from the Sanskrit, not a published edition
PdP 7 16.58
ये यजंति दृढया किल भक्त्या वासुदेवचरणांबुजयुग्मम् । वासवादिविबुधप्रवरेज्यं ते व्रजन्ति मनुजाः किल मोक्षम्
ye yajaṃti dṛḍhayā kila bhaktyā vāsudevacaraṇāṃbujayugmam | vāsavādivibudhapravarejyaṃ te vrajanti manujāḥ kila mokṣam
Those men who worship with firm devotion the pair of lotus feet of Vāsudeva, worthy of worship by Indra and the other foremost gods — they indeed go to liberation.
AI translation rendered from the Sanskrit, not a published edition