Padma Purana — Kriya Khanda — Chapter 15
PdP 7 15.1
व्यास उवाच- नारायणस्य माहात्म्यं पुनर्वच्मि शृणु द्विज। यच्छ्रुत्वा सर्वपापेभ्यो मुक्तो भवति मानवः
vyāsa uvāca- nārāyaṇasya māhātmyaṃ punarvacmi śṛṇu dvija| yacchrutvā sarvapāpebhyo mukto bhavati mānavaḥ
Vyāsa said: I shall tell again the greatness of Nārāyaṇa; listen, O twice-born. Hearing it, a man becomes freed from all sins.
AI translation rendered from the Sanskrit, not a published edition
PdP 7 15.2
विष्ण्वंशभूतं सकलं जगदेतद्दिवजोत्तम। तस्माद्विष्णुमयं धीराः पश्यंति परमार्थिनः
viṣṇvaṃśabhūtaṃ sakalaṃ jagadetaddivajottama| tasmādviṣṇumayaṃ dhīrāḥ paśyaṃti paramārthinaḥ
This whole world is (but) a portion of Viṣṇu, O best of the twice-born; therefore the steadfast ones who seek the highest goal see (everything) as consisting of Viṣṇu.
AI translation rendered from the Sanskrit, not a published edition
PdP 7 15.3
ब्रह्मशंकररुद्राद्या विष्ण्वंशाः सकलाः सुराः। तस्मात्समस्तदेवार्चा विष्णुमेकं प्रपद्यते
brahmaśaṃkararudrādyā viṣṇvaṃśāḥ sakalāḥ surāḥ| tasmātsamastadevārcā viṣṇumekaṃ prapadyate
Brahmā, Śaṃkara, Rudra and the rest — all the gods are portions of Viṣṇu; therefore worship of all the gods reaches Viṣṇu alone.
AI translation rendered from the Sanskrit, not a published edition
PdP 7 15.4
स्मरतां विष्णुनामानि सर्वपापहराणि च। येनकेनाप्युपायेन विद्यते नाशुभं क्वचित्
smaratāṃ viṣṇunāmāni sarvapāpaharāṇi ca| yenakenāpyupāyena vidyate nāśubhaṃ kvacit
For those who remember the names of Viṣṇu, which take away all sin, by whatever means (they do so), nothing inauspicious ever exists.
AI translation rendered from the Sanskrit, not a published edition
PdP 7 15.5
सर्वमेव द्विजश्रेष्ठ कर्मणा पापमुच्यते। अनपायि इदं विष्णोः स्मरणं पापनाशनम्
sarvameva dvijaśreṣṭha karmaṇā pāpamucyate| anapāyi idaṃ viṣṇoḥ smaraṇaṃ pāpanāśanam
O best of the twice-born, every sin is (said to be) released by rite; (but) this remembrance of Viṣṇu, destroying sin, is unfailing.
AI translation rendered from the Sanskrit, not a published edition — the model flagged this verse as uncertain
PdP 7 15.6
स्वपन्भुञ्जन्वदंस्तिष्ठन्नुत्तिष्ठंश्च व्रजंस्तथा। स्मरेदविरतं विष्णुं मुमुक्षुर्वैष्णवोजनः
svapanbhuñjanvadaṃstiṣṭhannuttiṣṭhaṃśca vrajaṃstathā| smaredavirataṃ viṣṇuṃ mumukṣurvaiṣṇavojanaḥ
Sleeping, eating, speaking, standing, rising up, and likewise walking, the Vaiṣṇava person who desires liberation should remember Viṣṇu unceasingly.
AI translation rendered from the Sanskrit, not a published edition
PdP 7 15.7
उत्तुंगैर्मुनिभिः सर्वैः स्मरणे कमलापतेः। न कालनियमः प्रोक्तः सर्वदुःखविनाशनः
uttuṃgairmunibhiḥ sarvaiḥ smaraṇe kamalāpateḥ| na kālaniyamaḥ proktaḥ sarvaduḥkhavināśanaḥ
By all the lofty sages, no restriction of time has been declared for the remembrance of the Lord of Kamalā, (a remembrance) that destroys all suffering.
AI translation rendered from the Sanskrit, not a published edition
PdP 7 15.8
नामप्रभावं विप्रर्षे केशवस्य महात्मनः। ब्रवीम्यहं समासेन सेतिहासं निशामय
nāmaprabhāvaṃ viprarṣe keśavasya mahātmanaḥ| bravīmyahaṃ samāsena setihāsaṃ niśāmaya
O seer among brahmins, I shall tell in brief the power of the name of the great-souled Keśava, together with a tale; listen.
AI translation rendered from the Sanskrit, not a published edition
PdP 7 15.9
आसीत्स परशुर्नाम पूर्वं कृतयुगे शुचिः। वैश्यो वैश्यकुलश्रेष्ठः समस्तगुणपारगः
āsītsa paraśurnāma pūrvaṃ kṛtayuge śuciḥ| vaiśyo vaiśyakulaśreṣṭhaḥ samastaguṇapāragaḥ
There was formerly, in the Kṛta age, a pure man named Paraśu, a vaiśya, foremost of the vaiśya lineage, who had mastered all virtues.
AI translation rendered from the Sanskrit, not a published edition
PdP 7 15.10
स वैश्यो दैवयोगेन प्रथमे वयसि द्विज। जगाम वशतां मृत्योः कासश्वासगदार्दितः
sa vaiśyo daivayogena prathame vayasi dvija| jagāma vaśatāṃ mṛtyoḥ kāsaśvāsagadārditaḥ
That vaiśya, by the working of fate, in his first (period of) life, O twice-born, went into the power of death, afflicted by the disease of cough and asthma.
AI translation rendered from the Sanskrit, not a published edition
PdP 7 15.11
जीवंती नाम तत्पत्नी सुमध्या नवयौवना। मृते भर्तरि तातस्य जगाम निलयं यतः
jīvaṃtī nāma tatpatnī sumadhyā navayauvanā| mṛte bhartari tātasya jagāma nilayaṃ yataḥ
His wife, named Jīvantī, fair-waisted and in fresh youth, when her husband was dead, went thence to her father's house.
AI translation rendered from the Sanskrit, not a published edition
PdP 7 15.12
सा जीवंती द्विजश्रेष्ठ नवयौवनगर्विता। गतिं चकार जारेषु बाध्यमानापि बांधवैः
sā jīvaṃtī dvijaśreṣṭha navayauvanagarvitā| gatiṃ cakāra jāreṣu bādhyamānāpi bāṃdhavaiḥ
That Jīvantī, O best of the twice-born, proud of her fresh youth, resorted to paramours, though restrained by her kinsmen.
AI translation rendered from the Sanskrit, not a published edition
PdP 7 15.13
व्रतस्य नियमं वापि गृहव्यापारमेव च। जारानुरक्तचित्ता सा तत्याज्य नवयौवना
vratasya niyamaṃ vāpi gṛhavyāpārameva ca| jārānuraktacittā sā tatyājya navayauvanā
With her mind attached to paramours, she in her fresh youth abandoned both the observance of vows and the business of the household.
AI translation rendered from the Sanskrit, not a published edition
PdP 7 15.14
अंधीकृता सा कामेन सुश्रोणी पीवरस्तनी। धर्ममार्गं द्विजश्रेष्ठ न कदाचिद्ददर्श ह
aṃdhīkṛtā sā kāmena suśroṇī pīvarastanī| dharmamārgaṃ dvijaśreṣṭha na kadāciddadarśa ha
Blinded by desire, she of fair hips and full breasts, O best of the twice-born, never once looked upon the path of dharma.
AI translation rendered from the Sanskrit, not a published edition
PdP 7 15.15
दुःशीलां चैव तां दृष्ट्वा तत्पिता धर्मतत्परः। अपकीर्तिभयाद्भीरुरित्याहात्यंत कोपवान्
duḥśīlāṃ caiva tāṃ dṛṣṭvā tatpitā dharmatatparaḥ| apakīrtibhayādbhīrurityāhātyaṃta kopavān
And her father, devoted to dharma, seeing her of evil conduct, timid out of fear of disgrace, spoke thus, exceedingly angry:
AI translation rendered from the Sanskrit, not a published edition
PdP 7 15.16
दुष्टे पापिनि मद्वंशे सर्वदोषविवर्जिते। आसाद्य जन्म किमिति क्रियते पातकं त्वया
duṣṭe pāpini madvaṃśe sarvadoṣavivarjite| āsādya janma kimiti kriyate pātakaṃ tvayā
"Wicked, sinful woman! Having obtained birth in my lineage, which is free from all faults, why is this sin committed by you?
AI translation rendered from the Sanskrit, not a published edition
PdP 7 15.17
यदि ते पातके चित्तं ह्यदितुं नैव एहि वै। अभद्रे गच्छ सदनाज्जहीहि मम मंदिरम्
yadi te pātake cittaṃ hyadituṃ naiva ehi vai| abhadre gaccha sadanājjahīhi mama maṃdiram
If your mind is (set) on sin, then do not come (here) at all; go from the house, ill-favoured one — quit my dwelling!"
AI translation rendered from the Sanskrit, not a published edition — the model flagged this verse as uncertain
PdP 7 15.18
तातेनेति निरुक्ता सा क्रोधारुणितलोचना। पितुर्गेहं परित्यज्य साजगाम यथासुखम्
tāteneti niruktā sā krodhāruṇitalocanā| piturgehaṃ parityajya sājagāma yathāsukham
Thus rebuked by her father, her eyes reddened with anger, she abandoned her father's house and went off as she pleased.
AI translation rendered from the Sanskrit, not a published edition
PdP 7 15.19
अथ सा स्वेच्छया नारी भ्रमंती जारकांक्षया। वेश्यावृत्तिं समाश्रित्य तस्थौ लज्जाविवर्जिता
atha sā svecchayā nārī bhramaṃtī jārakāṃkṣayā| veśyāvṛttiṃ samāśritya tasthau lajjāvivarjitā
Then that woman, roaming at her own will in longing for paramours, took to the trade of a harlot and remained (so), devoid of shame.
AI translation rendered from the Sanskrit, not a published edition
PdP 7 15.20
पुलिंदः शबरो वापि चाण्डालो वापि तद्गृहम्। आयाति तस्यास्तेनापि मुदा क्रीडति साऽसती
puliṃdaḥ śabaro vāpi cāṇḍālo vāpi tadgṛham| āyāti tasyāstenāpi mudā krīḍati sā'satī
Whether a Pulinda or a Śabara or even a Cāṇḍāla came to her house, with him too that unchaste woman would sport in delight.
AI translation rendered from the Sanskrit, not a published edition
PdP 7 15.21
परलोकभयं विप्र कदाचिदपि चेतसा। न चिंतयामास च सा वारनारी यथाक्रमात्
paralokabhayaṃ vipra kadācidapi cetasā| na ciṃtayāmāsa ca sā vāranārī yathākramāt
O brahmin, that courtesan never once considered in her mind the fear of the world beyond — thus (she went on), step by step.
AI translation rendered from the Sanskrit, not a published edition
PdP 7 15.22
कदाचिद्ब्राह्मणश्रेष्ठ कश्चिद्व्याधस्तदालये। शुकशावं समादाय विक्रयार्थं समाययौ
kadācidbrāhmaṇaśreṣṭha kaścidvyādhastadālaye| śukaśāvaṃ samādāya vikrayārthaṃ samāyayau
Once, O best of brahmins, a certain hunter came to her house, having brought a young parrot for sale.
AI translation rendered from the Sanskrit, not a published edition
PdP 7 15.23
सापि वाराङ्गना तं च शुकशावकमुत्तमम्। जगृहे परमप्रीत्या धनैः संपूज्य लुब्धकम्
sāpi vārāṅganā taṃ ca śukaśāvakamuttamam| jagṛhe paramaprītyā dhanaiḥ saṃpūjya lubdhakam
And that courtesan took that excellent parrot chick with the greatest delight, honouring the hunter with money.
AI translation rendered from the Sanskrit, not a published edition
PdP 7 15.24
तद्योग्याहारदानेन वारस्त्री नित्यमेव सा। शुकस्य पोषणं चक्रे तस्य जातकुतूहला
tadyogyāhāradānena vārastrī nityameva sā| śukasya poṣaṇaṃ cakre tasya jātakutūhalā
That courtesan, curiosity for it having arisen, nourished the parrot every single day by giving it food suitable for it.
AI translation rendered from the Sanskrit, not a published edition
PdP 7 15.25
वारांगनानपत्या सा तमेव शुकशावकम्। मत्वा पुत्रमिवात्मानं चक्रे तत्प्रतिपालनम्
vārāṃganānapatyā sā tameva śukaśāvakam| matvā putramivātmānaṃ cakre tatpratipālanam
Being childless, the courtesan regarded that very parrot chick as her own son and took care of it.
AI translation rendered from the Sanskrit, not a published edition
PdP 7 15.26
सोऽपि पक्षी द्विजश्रेष्ठ नित्यमेव तदाज्ञया। ज्ञातिवच्चित्तवात्सल्य व्यवहारं करोति च
so'pi pakṣī dvijaśreṣṭha nityameva tadājñayā| jñātivaccittavātsalya vyavahāraṃ karoti ca
And that bird too, O best of brahmins, day after day at her command behaved with affection of heart, like a kinsman.
AI translation rendered from the Sanskrit, not a published edition — the model flagged this verse as uncertain
PdP 7 15.27
ततोऽसौ लब्धभावश्च शुको गणिकया तदा। रामेति सततं नाम पाठ्यते सुंदराक्षरम्
tato'sau labdhabhāvaśca śuko gaṇikayā tadā| rāmeti satataṃ nāma pāṭhyate suṃdarākṣaram
Then that parrot, having become dear (to her), was made by the courtesan to recite constantly the name 'Rāma', of lovely syllables.
AI translation rendered from the Sanskrit, not a published edition
PdP 7 15.28
रामनाम परं ब्रह्म सर्वदेवाधिकं महत्। समस्तपातकध्वंसि स शुकस्तु सदा पठन्
rāmanāma paraṃ brahma sarvadevādhikaṃ mahat| samastapātakadhvaṃsi sa śukastu sadā paṭhan
The name of Rāma is the supreme brahman, great, higher than all the gods, destroying every sin; and that parrot was ever reciting it.
AI translation rendered from the Sanskrit, not a published edition
PdP 7 15.29
रामोच्चारणमात्रेण तयोश्च शुकवेश्ययोः। विनष्टमभवत्पापं सर्वमेव सुदारुणम्
rāmoccāraṇamātreṇa tayośca śukaveśyayoḥ| vinaṣṭamabhavatpāpaṃ sarvameva sudāruṇam
Merely by the utterance of 'Rāma', the sin of those two, the parrot and the harlot, was destroyed — all of it, however terrible.
AI translation rendered from the Sanskrit, not a published edition
PdP 7 15.30
कदाचिद्वारमुख्या सा शुकोऽपि च द्विजोत्तम। उभावपि च पंचत्वमेककाले गतौ ततः
kadācidvāramukhyā sā śuko'pi ca dvijottama| ubhāvapi ca paṃcatvamekakāle gatau tataḥ
At some time, O best of brahmins, that chief of courtesans and the parrot too — both of them thereupon met their death at one and the same moment.
AI translation rendered from the Sanskrit, not a published edition
PdP 7 15.31
समानेतुं ततस्तौ तु विहिताखिलपातकौ। किंकरान्प्रेषयामास चंडाद्यान्धर्मराट्ततः
samānetuṃ tatastau tu vihitākhilapātakau| kiṃkarānpreṣayāmāsa caṃḍādyāndharmarāṭtataḥ
Then the king of dharma sent his servants, Caṇḍa and the rest, to bring those two, who had committed every sin.
AI translation rendered from the Sanskrit, not a published edition
PdP 7 15.32
ततस्ते किंकराः सर्वे चंडाद्याः अतिवेगिनः। यमाज्ञया समायाताः पाशमुद्गरपाणयः
tataste kiṃkarāḥ sarve caṃḍādyāḥ ativeginaḥ| yamājñayā samāyātāḥ pāśamudgarapāṇayaḥ
Then all those servants, Caṇḍa and the rest, exceedingly swift, came at Yama's command, with nooses and clubs in their hands.
AI translation rendered from the Sanskrit, not a published edition
PdP 7 15.33
आनेतुं तौ समायाताः सर्वे विष्णुपराक्रमाः। पाशबद्धौ तु तौ दृष्ट्वा पतितौ विष्णुकिंकराः
ānetuṃ tau samāyātāḥ sarve viṣṇuparākramāḥ| pāśabaddhau tu tau dṛṣṭvā patitau viṣṇukiṃkarāḥ
They all came to fetch the two, (though) their valour was (as of) Viṣṇu; but the servants of Viṣṇu, seeing the two bound with nooses and fallen,
AI translation rendered from the Sanskrit, not a published edition — the model flagged this verse as uncertain
PdP 7 15.34
ऊचुर्वाक्यमिदं क्रुद्धा यमदूतान्सुरासदान्
ūcurvākyamidaṃ kruddhā yamadūtānsurāsadān
angered, spoke this speech to Yama's messengers, who were hard even for the gods to approach.
AI translation rendered from the Sanskrit, not a published edition — the model flagged this verse as uncertain
PdP 7 15.35
विष्णुदूता ऊचुः - अहो चित्रमिदं वाक्यं यमदूता मुखाच्छ्रुतम्
viṣṇudūtā ūcuḥ - aho citramidaṃ vākyaṃ yamadūtā mukhācchrutam
The messengers of Viṣṇu said: Ah, strange is this speech heard from the mouth of Yama's messengers!
AI translation rendered from the Sanskrit, not a published edition
PdP 7 15.36
भक्तावपि हरेरेतौ दंड्यौ भास्करसूनुना। अहो चरित्रं दुष्टानां कदाचिदपि नोत्तमम्
bhaktāvapi hareretau daṃḍyau bhāskarasūnunā| aho caritraṃ duṣṭānāṃ kadācidapi nottamam
These two, though devotees of Hari, are to be punished by the son of the Sun! Ah, the conduct of the wicked is never good.
AI translation rendered from the Sanskrit, not a published edition
PdP 7 15.37
यत्नादपि यतो हिंसां कुर्वंति सततं सताम्। दुष्टानां कृतपापानां चरित्रमिदमद्भुतम्
yatnādapi yato hiṃsāṃ kurvaṃti satataṃ satām| duṣṭānāṃ kṛtapāpānāṃ caritramidamadbhutam
For even deliberately they constantly do injury to the good; this conduct of the wicked, who have committed sins, is astonishing.
AI translation rendered from the Sanskrit, not a published edition
PdP 7 15.38
निष्पापमपि पश्यन्ति पुण्यात्मानोऽखिलं जगत्। पापिनस्तु न पश्यन्ति कृतपापमिवाखिलम्
niṣpāpamapi paśyanti puṇyātmāno'khilaṃ jagat| pāpinastu na paśyanti kṛtapāpamivākhilam
Those whose souls are meritorious see the whole world as sinless; but sinners do not see anything (that way) — (they see it) as if it had committed sin.
AI translation rendered from the Sanskrit, not a published edition
PdP 7 15.39
श्रुत्वा पुण्यात्मनां पुण्यमभितृप्यंति धर्मिणः। तृप्यंति पातकं श्रुत्वा पापिनां पापिनो जनाः
śrutvā puṇyātmanāṃ puṇyamabhitṛpyaṃti dharmiṇaḥ| tṛpyaṃti pātakaṃ śrutvā pāpināṃ pāpino janāḥ
Hearing the merit of the meritorious, the righteous are fully satisfied; sinful people are satisfied on hearing the sin of sinners.
AI translation rendered from the Sanskrit, not a published edition
PdP 7 15.40
पापचर्चां समाकर्ण्य यथा तृप्यंति पापिनः। न तृप्यन्ति यथा प्राप्य स्वर्णभारशतान्यपि
pāpacarcāṃ samākarṇya yathā tṛpyaṃti pāpinaḥ| na tṛpyanti yathā prāpya svarṇabhāraśatānyapi
As sinners are satisfied on hearing talk of sin, so they are not satisfied even on obtaining hundreds of loads of gold.
AI translation rendered from the Sanskrit, not a published edition
PdP 7 15.41
अहो बलवती माया महाविष्णोर्महात्मनः। आत्मपीडाकरमपि पापं कुर्वंति ते द्विज
aho balavatī māyā mahāviṣṇormahātmanaḥ| ātmapīḍākaramapi pāpaṃ kurvaṃti te dvija
"Ah, powerful is the illusion of the great-souled Mahāviṣṇu! For they commit sin, O twice-born, even though it brings torment upon themselves."
AI translation rendered from the Sanskrit, not a published edition
PdP 7 15.42
व्यास उवाच- इत्युक्त्वा विष्णुदूतास्ते विष्णुभक्ति परायणाः। छिन्नवंतस्तयोर्विप्र बंधनं चक्रधारया
vyāsa uvāca- ityuktvā viṣṇudūtāste viṣṇubhakti parāyaṇāḥ| chinnavaṃtastayorvipra baṃdhanaṃ cakradhārayā
Vyāsa said: Having spoken thus, those messengers of Viṣṇu, devoted wholly to devotion to Viṣṇu, cut the bonds of those two, O brahmin, with the edge of the discus.
AI translation rendered from the Sanskrit, not a published edition
PdP 7 15.43
ततस्तु शमनप्रेष्याः क्रुद्धास्ते वह्निसंन्निभाः। ववर्षुः सहसा तत्र ज्वलदंगारसंचयान्
tatastu śamanapreṣyāḥ kruddhāste vahnisaṃnnibhāḥ| vavarṣuḥ sahasā tatra jvaladaṃgārasaṃcayān
Then those servants of Yama, enraged, resembling fire, all at once rained down there heaps of blazing coals.
AI translation rendered from the Sanskrit, not a published edition
PdP 7 15.44
दंड उवाच-। विहितं च मयाप्येवं शुकं वेश्यां च पापिनीम्। नेतुं यूयं समायाता इत्यद्भुतमिवाभवत्
daṃḍa uvāca-| vihitaṃ ca mayāpyevaṃ śukaṃ veśyāṃ ca pāpinīm| netuṃ yūyaṃ samāyātā ityadbhutamivābhavat
Daṇḍa said: This too was appointed by me — to lead away the parrot and the sinful courtesan; (yet) you have come here (for it): so it seemed a wonder.
AI translation rendered from the Sanskrit, not a published edition — the model flagged this verse as uncertain
PdP 7 15.45
नूनमेतौ यदा नेतुं यूयमिच्छतसत्तमाः। तदा कुरुत संग्राममस्माभिः सह संप्रति
nūnametau yadā netuṃ yūyamicchatasattamāḥ| tadā kuruta saṃgrāmamasmābhiḥ saha saṃprati
Surely, O best of beings, if you wish to lead these two away, then fight a battle with us right now.
AI translation rendered from the Sanskrit, not a published edition
PdP 7 15.46
इत्युक्त्वा रामदूतास्ते बलिनो विधृतायुधाः। सिंहनादैर्दिशः सर्वे पूरयामासुरुद्धताः
ityuktvā rāmadūtāste balino vidhṛtāyudhāḥ| siṃhanādairdiśaḥ sarve pūrayāmāsuruddhatāḥ
Having said this, those mighty messengers of Rāma, holding up their weapons, all of them arrogantly filled the quarters with lion-roars.
AI translation rendered from the Sanskrit, not a published edition
PdP 7 15.47
विष्णुदूता महात्मानः सुप्रतीकादयस्तथा। शङ्खनादैः सुललितैश्चक्रुः शब्दमयं जगत्
viṣṇudūtā mahātmānaḥ supratīkādayastathā| śaṅkhanādaiḥ sulalitaiścakruḥ śabdamayaṃ jagat
The great-souled messengers of Viṣṇu, Supratīka and the rest, likewise, with sweetly lovely blasts of conches made the world nothing but sound.
AI translation rendered from the Sanskrit, not a published edition
PdP 7 15.48
याम्यैस्ततो महादूतैर्धनुर्मुक्तैः शिलीमुखैः। छादिता विष्णुदूतास्ते संग्रामेऽत्यंतदारुणे
yāmyaistato mahādūtairdhanurmuktaiḥ śilīmukhaiḥ| chāditā viṣṇudūtāste saṃgrāme'tyaṃtadāruṇe
Then those messengers of Viṣṇu were covered by the great messengers of Yama with arrows loosed from their bows, in that exceedingly terrible battle.
AI translation rendered from the Sanskrit, not a published edition
PdP 7 15.49
शूलान्यध्यक्षिपुः केचिच्छक्तिं केचिन्महार्णवे। केचिच्छरसहस्राणि केचिच्चक्राणि ते रुषा
śūlānyadhyakṣipuḥ kecicchaktiṃ kecinmahārṇave| keciccharasahasrāṇi keciccakrāṇi te ruṣā
Some hurled spears, some a lance, in the great (battle); some thousands of arrows, some discs — they, in fury.
AI translation rendered from the Sanskrit, not a published edition — the model flagged this verse as uncertain
PdP 7 15.50
तैर्मुक्तानि महास्त्राणि विष्णुदूता महामराः। बाणान्विचूर्णयामासुर्गदाप्रहरणादिभिः ५० 7.15.
tairmuktāni mahāstrāṇi viṣṇudūtā mahāmarāḥ| bāṇānvicūrṇayāmāsurgadāpraharaṇādibhiḥ 50 7.15.
The great missiles released by them — the messengers of Viṣṇu, the great immortals, pulverized those arrows with maces and other striking weapons.
AI translation rendered from the Sanskrit, not a published edition
PdP 7 15.51
ततो भागवतैरेतैर्याम्यानां चक्रधारया। केषांचिच्चरणाश्छिन्नाः केषांचिद्बाहवस्तथा
tato bhāgavatairetairyāmyānāṃ cakradhārayā| keṣāṃciccaraṇāśchinnāḥ keṣāṃcidbāhavastathā
Then by these devotees of the Lord, with the edge of the discus, the feet of some of Yama's men were severed, and likewise the arms of others.
AI translation rendered from the Sanskrit, not a published edition
PdP 7 15.52
केचिद्विच्छिन्नशिरसः केचिन्निर्भिन्नवक्षसः। अत्यद्भुत क्षताः केचिद्व्यास्याः पेतुर्गतासवः
kecidvicchinnaśirasaḥ kecinnirbhinnavakṣasaḥ| atyadbhuta kṣatāḥ kecidvyāsyāḥ peturgatāsavaḥ
Some had their heads cut off, some their chests split open; some, most astonishingly wounded, fell with mouths agape, their lives gone.
AI translation rendered from the Sanskrit, not a published edition — the model flagged this verse as uncertain
PdP 7 15.53
छिन्नैकचरणाः केचित्केचिच्छिन्नैकपाणयः। संत्यज्य सहसा याम्याः संग्रामाच्च प्रदुद्रुवुः
chinnaikacaraṇāḥ kecitkecicchinnaikapāṇayaḥ| saṃtyajya sahasā yāmyāḥ saṃgrāmācca pradudruvuḥ
Some with one foot cut off, some with one hand cut off, Yama's men suddenly abandoned (the field) and fled from the battle.
AI translation rendered from the Sanskrit, not a published edition
PdP 7 15.54
तानालोक्य ततो दूतान्पलायनपरायणान्। प्रविवेश रुषा चंडः संग्रामं धृतमुद्गरः
tānālokya tato dūtānpalāyanaparāyaṇān| praviveśa ruṣā caṃḍaḥ saṃgrāmaṃ dhṛtamudgaraḥ
Then, seeing those messengers bent on flight, Caṇḍa, holding a mallet, entered the battle in fury.
AI translation rendered from the Sanskrit, not a published edition
PdP 7 15.55
यमदूतगणश्रेष्ठश्चंडोऽत्यंत प्रतापवान्। ताडयामास शतशो मुद्गरैर्विष्णुकिङ्करान्
yamadūtagaṇaśreṣṭhaścaṃḍo'tyaṃta pratāpavān| tāḍayāmāsa śataśo mudgarairviṣṇukiṅkarān
Caṇḍa, the foremost of the host of Yama's messengers, of exceeding might, struck the servants of Viṣṇu by the hundreds with his mallets.
AI translation rendered from the Sanskrit, not a published edition
PdP 7 15.56
अथ भागवता दूता निशितायुधवर्षणैः। ववर्षुस्तरसा क्रुद्धास्तं चंडं चंडविक्रमम्
atha bhāgavatā dūtā niśitāyudhavarṣaṇaiḥ| vavarṣustarasā kruddhāstaṃ caṃḍaṃ caṃḍavikramam
Then the messengers of the Lord, enraged, swiftly rained down showers of sharp weapons upon that Caṇḍa of fierce valour.
AI translation rendered from the Sanskrit, not a published edition
PdP 7 15.57
मुद्गरेण ततश्चण्डो विष्णुदूतान्पृथक्पृथक्। ताडयामास विगलद्रक्तसंसिक्तविग्रहः
mudgareṇa tataścaṇḍo viṣṇudūtānpṛthakpṛthak| tāḍayāmāsa vigaladraktasaṃsiktavigrahaḥ
Then Caṇḍa struck the messengers of Viṣṇu one by one with his mallet, his own body drenched with flowing blood.
AI translation rendered from the Sanskrit, not a published edition
PdP 7 15.58
चंडेन ताडितास्तेन दूता भगवतो युधि। त्यक्तसत्वाः पृष्ठभागं सुप्रकाशस्य वै ययुः
caṃḍena tāḍitāstena dūtā bhagavato yudhi| tyaktasatvāḥ pṛṣṭhabhāgaṃ suprakāśasya vai yayuḥ
Struck by that Caṇḍa in the fight, the messengers of the Lord lost their strength and went behind Suprakāśa.
AI translation rendered from the Sanskrit, not a published edition
PdP 7 15.59
सुप्रकाशस्ततः क्रुद्धो जपापुष्पनिभेक्षणः। प्रविवेश रणे युद्धं गदापाणिर्महाबलः
suprakāśastataḥ kruddho japāpuṣpanibhekṣaṇaḥ| praviveśa raṇe yuddhaṃ gadāpāṇirmahābalaḥ
Then Suprakāśa, enraged, his eyes like the japā flower, mace in hand, of great strength, entered into combat in the battle.
AI translation rendered from the Sanskrit, not a published edition
PdP 7 15.60
ताडयामास संक्रुद्धो विष्णुतुल्यपराक्रमः। मुद्गराच्चंडहस्ताच्च प्रेक्ष्य जनभयप्रदात्
tāḍayāmāsa saṃkruddho viṣṇutulyaparākramaḥ| mudgarāccaṃḍahastācca prekṣya janabhayapradāt
Greatly enraged, he of valour equal to Viṣṇu's struck (him), having seen the mallet in Caṇḍa's hand, which caused fear to people.
AI translation rendered from the Sanskrit, not a published edition — the model flagged this verse as uncertain
PdP 7 15.61
समुत्तस्थौ महाभीष्मः सधूमः पूतिगन्धवान्। स मुद्गरेण चंडेन ताडितस्तस्य वेगिना
samuttasthau mahābhīṣmaḥ sadhūmaḥ pūtigandhavān| sa mudgareṇa caṃḍena tāḍitastasya veginā
— tr. refused: cyber
PdP 7 15.62
स्फुलिंगा वर्षणं सद्यो मुमोचात्यंतभीतिदम्। ततः क्रुद्धेन चंडोऽसौ तेनैव मुद्गरेण च
sphuliṃgā varṣaṇaṃ sadyo mumocātyaṃtabhītidam| tataḥ kruddhena caṃḍo'sau tenaiva mudgareṇa ca
— tr. refused: cyber
PdP 7 15.63
ताडयामास विप्रर्षे सुप्रकाशं महाबलम्। सुप्रकाशस्ततो विप्र व्यथां विस्मृत्य कोपवान्
tāḍayāmāsa viprarṣe suprakāśaṃ mahābalam| suprakāśastato vipra vyathāṃ vismṛtya kopavān
He struck Suprakāśa, the greatly powerful one, O brahmin sage; then, O brahmin, Suprakāśa, forgetting his pain, became full of wrath,
AI translation rendered from the Sanskrit, not a published edition
PdP 7 15.64
गदया ताडयामास चंडं शमनकिंकरम्। तेन प्रताडितश्चंडस्तत्र रक्तः परिप्लुतः
gadayā tāḍayāmāsa caṃḍaṃ śamanakiṃkaram| tena pratāḍitaścaṃḍastatra raktaḥ pariplutaḥ
— tr. refused: cyber
PdP 7 15.65
पपात मूर्च्छितो भूमौ बालार्क इव जैमिने। याम्यदूतास्ततस्ते च चंडमादाय मूर्च्छितम्
papāta mūrcchito bhūmau bālārka iva jaimine| yāmyadūtāstataste ca caṃḍamādāya mūrcchitam
He fell to the ground unconscious, like the newly risen sun, O Jaimini; then those messengers of Yama, taking up the unconscious Caṇḍa,
AI translation rendered from the Sanskrit, not a published edition
PdP 7 15.66
हाहाकारं प्रकुर्वंतो युद्धाद्भीताः प्रदुद्रुवुः। विष्णुदूतास्ततो विप्र सर्वे चातिप्रहर्षिताः
hāhākāraṃ prakurvaṃto yuddhādbhītāḥ pradudruvuḥ| viṣṇudūtāstato vipra sarve cātipraharṣitāḥ
— tr. refused: cyber
PdP 7 15.67
अथ शंखान्समादध्मुर्जैमिने द्विजसत्तम। यमदूतास्ततस्ते च शोणितौघपरिप्लुताः
atha śaṃkhānsamādadhmurjaimine dvijasattama| yamadūtāstataste ca śoṇitaughapariplutāḥ
Then they blew their conches, O Jaimini, best of the twice-born; and those messengers of Yama, drenched in streams of blood,
AI translation rendered from the Sanskrit, not a published edition
PdP 7 15.68
यमस्यसन्निधिं जग्मुः क्रंदंतो भयविह्वलाः
yamasyasannidhiṃ jagmuḥ kraṃdaṃto bhayavihvalāḥ
They went into Yama's presence, crying out, overcome with fear.
AI translation rendered from the Sanskrit, not a published edition
PdP 7 15.69
यमदूता ऊचुः- सूर्यपुत्र महाबाहो तवाज्ञाकारिणो वयम्। तथापि विष्णुदूतैर्नः कृता दुर्गतिरीदृशी
yamadūtā ūcuḥ- sūryaputra mahābāho tavājñākāriṇo vayam| tathāpi viṣṇudūtairnaḥ kṛtā durgatirīdṛśī
The messengers of Yama said: "Son of the Sun, mighty-armed one, we are the doers of your command; yet even so, such a wretched plight has been brought upon us by Viṣṇu's messengers."
AI translation rendered from the Sanskrit, not a published edition
PdP 7 15.70
महापातकिनां श्रेष्ठौ प्रभो यद्यपि तौ खलु। रामनामप्रभावेण गतौ नारायणालयम्
mahāpātakināṃ śreṣṭhau prabho yadyapi tau khalu| rāmanāmaprabhāveṇa gatau nārāyaṇālayam
"Though those two were indeed the foremost among the great sinners, O lord, by the power of Rāma's name they went to Nārāyaṇa's abode.
AI translation rendered from the Sanskrit, not a published edition
PdP 7 15.71
भवता दंडनीया ये दुरात्मानः कृतैनसः। तेऽपि विष्णुपुरं यांति प्रभुत्वं तव किं तदा
bhavatā daṃḍanīyā ye durātmānaḥ kṛtainasaḥ| te'pi viṣṇupuraṃ yāṃti prabhutvaṃ tava kiṃ tadā
Those evil-natured ones who have committed sins, who ought to be punished by you — they too go to Viṣṇu's city; what, then, is your sovereignty worth?
AI translation rendered from the Sanskrit, not a published edition
PdP 7 15.72
नास्माकं विष्णुदूतात्स्तैः कृतः परिभवस्त्वयम्। तवैव केवलं नाथ यतो वै किंकरा वयम्
nāsmākaṃ viṣṇudūtātstaiḥ kṛtaḥ paribhavastvayam| tavaiva kevalaṃ nātha yato vai kiṃkarā vayam
This insult inflicted by those messengers of Viṣṇu is not ours but yours alone, O lord, since we are (only your) servants.
AI translation rendered from the Sanskrit, not a published edition — the model flagged this verse as uncertain
PdP 7 15.73
यम उवाच- दूताः स्मरंतौ तौ राम रामनामाक्षरद्वयम्। तदा न मे दंडनीयौ तयोर्नारायणः प्रभुः
yama uvāca- dūtāḥ smaraṃtau tau rāma rāmanāmākṣaradvayam| tadā na me daṃḍanīyau tayornārāyaṇaḥ prabhuḥ
Yama said: O messengers, those two were remembering the two syllables of the name Rāma, "Rā-ma"; therefore they are not to be punished by me — Nārāyaṇa is their lord.
AI translation rendered from the Sanskrit, not a published edition
PdP 7 15.74
संसारे नास्ति तत्पापं यद्रामस्मरणैरपि। न याति संक्षयं सद्यो दृढं शृणुत किंकराः
saṃsāre nāsti tatpāpaṃ yadrāmasmaraṇairapi| na yāti saṃkṣayaṃ sadyo dṛḍhaṃ śṛṇuta kiṃkarāḥ
There is no such sin in the world that does not at once go to complete destruction merely by remembrances of Rāma; hear this as certain, O servants.
AI translation rendered from the Sanskrit, not a published edition
PdP 7 15.75
ये मानवाः प्रतिदिनं मधुसूदनस्य नामानि घोरदुरितौघविनाशनानि। भक्त्या स्मरंति विबुधप्रवरार्चितस्य ते पापिनोऽपि हि भटा मम नैव दंड्याः
ye mānavāḥ pratidinaṃ madhusūdanasya nāmāni ghoraduritaughavināśanāni| bhaktyā smaraṃti vibudhapravarārcitasya te pāpino'pi hi bhaṭā mama naiva daṃḍyāḥ
Those men who day by day remember with devotion the names of Madhusūdana — names that destroy the flood of terrible sins, (the names) of him who is worshipped by the foremost of the gods — even if they be sinners, O my servants, they are by no means to be punished.
AI translation rendered from the Sanskrit, not a published edition
PdP 7 15.76
गोविन्द केशव हरे जगदीश विष्णो नारायणप्रणतवत्सलमाधवेति। भक्त्या वदंति पुरुषाः सततं क्षितौ ये दंड्या न ते मम भटा अतिपापिनोऽपि
govinda keśava hare jagadīśa viṣṇo nārāyaṇapraṇatavatsalamādhaveti| bhaktyā vadaṃti puruṣāḥ satataṃ kṣitau ye daṃḍyā na te mama bhaṭā atipāpino'pi
"Govinda, Keśava, Hari, Lord of the world, Viṣṇu, Nārāyaṇa, you who are tender to those who bow to you, Mādhava" — those men on earth who constantly speak (these names) with devotion are not to be punished, O my servants, even if they are great sinners.
AI translation rendered from the Sanskrit, not a published edition
PdP 7 15.77
भक्तार्तिनाशनसुरेश्वरदीनबंधो लक्ष्मीपते सकलपापविनाशकारिन्। एतद्वदांतसततं भुवि ये मनुष्यास्ते पापिनोऽपि न भटा मम दंडनीयाः
bhaktārtināśanasureśvaradīnabaṃdho lakṣmīpate sakalapāpavināśakārin| etadvadāṃtasatataṃ bhuvi ye manuṣyāste pāpino'pi na bhaṭā mama daṃḍanīyāḥ
"O destroyer of the devotees' distress, O lord of the gods, O friend of the wretched, O husband of Lakṣmī, O you who bring about the destruction of all sin!" — those men on earth who say this constantly, even if they are sinners, are not to be punished by my servants.
AI translation rendered from the Sanskrit, not a published edition
PdP 7 15.78
दामोदरेश्वरमुखामरवृन्दसेव्य श्रीवासुदेव पुरुषोत्तम माधवेति। येषां वदंति वदनेषु सदैव शब्दा दूता नमाम्यहमपि प्रतिवासरं तान्
dāmodareśvaramukhāmaravṛndasevya śrīvāsudeva puruṣottama mādhaveti| yeṣāṃ vadaṃti vadaneṣu sadaiva śabdā dūtā namāmyahamapi prativāsaraṃ tān
"Dāmodara! Lord! You who are to be served by the throng of immortals led by (Brahmā)! Śrī Vāsudeva! Puruṣottama! Mādhava!" — those in whose mouths such words are always sounding, O messengers, to them I too bow day after day.
AI translation rendered from the Sanskrit, not a published edition — the model flagged this verse as uncertain
PdP 7 15.79
नारायणस्य जगदेकपतेर्मुरारेश्चर्चासु चित्तमतिहार्द्दि नृणां च येषाम्। तेषामहं च सततं सुभटा ह्यधीनो ये ते प्रफुल्लकमलेक्षणरूपभाजः
nārāyaṇasya jagadekapatermurāreścarcāsu cittamatihārddi nṛṇāṃ ca yeṣām| teṣāmahaṃ ca satataṃ subhaṭā hyadhīno ye te praphullakamalekṣaṇarūpabhājaḥ
O good soldiers, I am forever subject to those men whose mind is full of deep affection in the discussions of Nārāyaṇa, Murāri, the sole lord of the world — they who bear the form of eyes like full-blown lotuses.
AI translation rendered from the Sanskrit, not a published edition
PdP 7 15.80
ये विष्णुपूजनरता हरिभक्तभक्ता एकादशीव्रतरताः कपटैर्विहीनाः। ये विष्णुपादसलिलं शिरसा वहंति ते पापिनोऽपि न भटा मम दंडनीयाः
ye viṣṇupūjanaratā haribhaktabhaktā ekādaśīvrataratāḥ kapaṭairvihīnāḥ| ye viṣṇupādasalilaṃ śirasā vahaṃti te pāpino'pi na bhaṭā mama daṃḍanīyāḥ
Those who delight in the worship of Viṣṇu, who are devotees of Hari's devotees, who are devoted to the Ekādaśī vow and are free of deceit; those who carry on their heads the water from Viṣṇu's feet — those, O my servants, even if they are sinners, are not to be punished.
AI translation rendered from the Sanskrit, not a published edition
PdP 7 15.81
ये भुञ्जते भगवतो मधुसूदनस्य नैवेद्यशेषमखिलौघविनाशकारि। ये कर्णयोश्च शिरसिच्छदनं तुलस्या नित्यं वहंति च भटाः प्रणमाम्यहं तान्
ye bhuñjate bhagavato madhusūdanasya naivedyaśeṣamakhilaughavināśakāri| ye karṇayośca śirasicchadanaṃ tulasyā nityaṃ vahaṃti ca bhaṭāḥ praṇamāmyahaṃ tān
Those who eat the remnant of the food offered to the Lord Madhusūdana, which destroys the whole flood (of sins); and those who always wear a tulasī leaf on their ears and on their head — those, O servants, I salute.
AI translation rendered from the Sanskrit, not a published edition
PdP 7 15.82
ये कृष्णपादकमलार्चनतत्पराश्च ये ब्राह्मणार्चनरता गुणसेविनश्च। ये दीनलोकहृदयातिसुखप्रदाश्च तेषामहं सततमेव भटा अधीनः
ye kṛṣṇapādakamalārcanatatparāśca ye brāhmaṇārcanaratā guṇasevinaśca| ye dīnalokahṛdayātisukhapradāśca teṣāmahaṃ satatameva bhaṭā adhīnaḥ
Those who are intent on worshipping Kṛṣṇa's lotus feet, and those who delight in honouring brahmins and who cultivate virtues, and those who give great joy to the hearts of the poor — to them, O servants, I am always subject.
AI translation rendered from the Sanskrit, not a published edition
PdP 7 15.83
ये सत्यवाक्यकथनेषु सदानुरक्ता लोकप्रियाश्च शरणागतलोकपालाः। पश्यंति ये च सततं विषवत्परस्वं ते मानवा मम भटा न हि दंडनीयाः
ye satyavākyakathaneṣu sadānuraktā lokapriyāśca śaraṇāgatalokapālāḥ| paśyaṃti ye ca satataṃ viṣavatparasvaṃ te mānavā mama bhaṭā na hi daṃḍanīyāḥ
Those who are ever devoted to speaking truthful words, who are dear to people, who protect those who come for refuge, and who always look on another's property as (they would on) poison — those men, O my servants, are not to be punished.
AI translation rendered from the Sanskrit, not a published edition
PdP 7 15.84
ये चान्नदाननिरताः सलिलप्रदाश्च भूमिप्रदा निखिललोकहितैषिणश्च। ये वृत्तिहीनजनतृप्तिकराः प्रशांता दूता न ते खलु कदापि च दंडनीयाः
ye cānnadānaniratāḥ salilapradāśca bhūmipradā nikhilalokahitaiṣiṇaśca| ye vṛttihīnajanatṛptikarāḥ praśāṃtā dūtā na te khalu kadāpi ca daṃḍanīyāḥ
And those who are given to the gift of food and who give water and who give land and who wish the welfare of all people, and those who satisfy destitute folk, being tranquil — those, O messengers, are indeed never to be punished.
AI translation rendered from the Sanskrit, not a published edition
PdP 7 15.85
ये ज्ञातिपोषणरताः प्रियवादिनश्च ये दम्भकोपमदमत्सरहीनचित्ताः। ये पापदृष्टिरहिता विजितेंद्रियाश्च तेषामहं न विदधामि कदापि चर्चाम्
ye jñātipoṣaṇaratāḥ priyavādinaśca ye dambhakopamadamatsarahīnacittāḥ| ye pāpadṛṣṭirahitā vijiteṃdriyāśca teṣāmahaṃ na vidadhāmi kadāpi carcām
Those who are devoted to supporting their kinsmen and who speak kindly, those whose minds are free of hypocrisy, anger, pride and envy, those who are free of sinful vision and have conquered their senses — of them I never make any inquiry.
AI translation rendered from the Sanskrit, not a published edition
PdP 7 15.86
व्यास उवाच- एवं प्रबोधितास्तेन यमेन यमकिंकराः। ज्ञातवंतो जगद्भर्तुः प्रभावमतुलं हरेः
vyāsa uvāca- evaṃ prabodhitāstena yamena yamakiṃkarāḥ| jñātavaṃto jagadbhartuḥ prabhāvamatulaṃ hareḥ
Vyāsa said: Thus instructed by that Yama, Yama's servants came to know the incomparable power of Hari, the sustainer of the world.
AI translation rendered from the Sanskrit, not a published edition
PdP 7 15.87
विष्णोर्नामानि विप्रेन्द्र सर्वदेवाधिकानि वै। तेषां मध्ये तु तत्त्वज्ञा रामनामवरं स्मृतम्
viṣṇornāmāni viprendra sarvadevādhikāni vai| teṣāṃ madhye tu tattvajñā rāmanāmavaraṃ smṛtam
O best of brahmins, the names of Viṣṇu are indeed superior to all the gods; and among them the knowers of truth hold the name Rāma to be the best.
AI translation rendered from the Sanskrit, not a published edition
PdP 7 15.88
रामेत्यक्षरयुग्मं हि सर्वं मंत्राधिकं द्विज। यदुच्चारणमात्रेण पापी याति पराङ्गतिम्
rāmetyakṣarayugmaṃ hi sarvaṃ maṃtrādhikaṃ dvija| yaduccāraṇamātreṇa pāpī yāti parāṅgatim
The pair of syllables "Rāma", O twice-born, is superior to every mantra; by the mere uttering of it a sinner goes to the highest state.
AI translation rendered from the Sanskrit, not a published edition
PdP 7 15.89
रामनामप्रभावं हि सर्वदेवप्रपूजनम्। महेश एव जानाति नान्यो जानाति जैमिने
rāmanāmaprabhāvaṃ hi sarvadevaprapūjanam| maheśa eva jānāti nānyo jānāti jaimine
The power of Rāma's name is indeed the worship of all the gods; Maheśa alone knows it, no one else knows it, O Jaimini.
AI translation rendered from the Sanskrit, not a published edition
PdP 7 15.90
विष्णोर्नामसहस्राणां पठनाल्लभते फलम्। तत्फलं लभते मर्त्यो रामनामस्मरन्नपि
viṣṇornāmasahasrāṇāṃ paṭhanāllabhate phalam| tatphalaṃ labhate martyo rāmanāmasmarannapi
The fruit one obtains from reciting the thousand names of Viṣṇu — that fruit a mortal obtains even (merely) by remembering the name of Rāma.
AI translation rendered from the Sanskrit, not a published edition
PdP 7 15.91
अहो चित्रं मनुष्याणां चरित्रमिदमुच्यते। रामेति मुक्तिदं नाम न स्मरंति दुराशयाः
aho citraṃ manuṣyāṇāṃ caritramidamucyate| rāmeti muktidaṃ nāma na smaraṃti durāśayāḥ
Ah, this conduct of men is called a wonder: the evil-minded do not remember the name "Rāma", which grants liberation.
AI translation rendered from the Sanskrit, not a published edition
PdP 7 15.92
वक्तुं श्रमो न चाल्पोऽपि श्रोतुमत्यंतसुन्दरम्। तथापि रामरामेति न वदंति दुराशयाः
vaktuṃ śramo na cālpo'pi śrotumatyaṃtasundaram| tathāpi rāmarāmeti na vadaṃti durāśayāḥ
There is not even a little effort in saying it, and it is exceedingly beautiful to hear; even so the evil-minded do not say "Rāma, Rāma".
AI translation rendered from the Sanskrit, not a published edition
PdP 7 15.93
अत्यंतदुःखलभ्यापि मुक्तिर्जगति मानवैः। लभ्यते रामनाम्नैव कर्मास्ति किमतः परम्
atyaṃtaduḥkhalabhyāpi muktirjagati mānavaiḥ| labhyate rāmanāmnaiva karmāsti kimataḥ param
Liberation, though obtainable in this world by men only with extreme hardship, is gained by the name of Rāma alone — what act is there higher than this?
AI translation rendered from the Sanskrit, not a published edition
PdP 7 15.94
तावत्तिष्ठंति पापानि देहेषु देहिनां वर। रामरामेति यावद्वै न स्मरंति सुखप्रदम्
tāvattiṣṭhaṃti pāpāni deheṣu dehināṃ vara| rāmarāmeti yāvadvai na smaraṃti sukhapradam
Only so long do sins remain in the bodies of embodied beings, O best (of men), as they do not remember the joy-giving "Rāma, Rāma".
AI translation rendered from the Sanskrit, not a published edition
PdP 7 15.95
श्राद्धे च तर्पणे चैव बलिदाने तथोत्सवे। यज्ञे दाने व्रते चैव देवताराधनेऽपि च
śrāddhe ca tarpaṇe caiva balidāne tathotsave| yajñe dāne vrate caiva devatārādhane'pi ca
At a śrāddha and at a tarpaṇa, at the giving of an offering and likewise at a festival, at a sacrifice, at a gift, at a vow, and also at the worship of a deity —
AI translation rendered from the Sanskrit, not a published edition
PdP 7 15.96
अन्येष्वपि च कार्येषु वैदिकेषु विचक्षणः। स्मरेद्यस्तत्फलप्रेप्सू रामरामेति भक्तितः
anyeṣvapi ca kāryeṣu vaidikeṣu vicakṣaṇaḥ| smaredyastatphalaprepsū rāmarāmeti bhaktitaḥ
— and in other Vedic observances as well, the discerning man who, desiring their fruit, remembers with devotion "Rāma, Rāma" (obtains it).
AI translation rendered from the Sanskrit, not a published edition
PdP 7 15.97
नमो रामायेति विप्रेन्द्र मन्त्रमोङ्कारपूर्वकम्। षडक्षरं जपेद्यस्तु सायुज्यं प्राप्यते हरेः
namo rāmāyeti viprendra mantramoṅkārapūrvakam| ṣaḍakṣaraṃ japedyastu sāyujyaṃ prāpyate hareḥ
O best of brahmins, whoever recites the six-syllable mantra "namo rāmāya" preceded by oṃ attains union with Hari.
AI translation rendered from the Sanskrit, not a published edition
PdP 7 15.98
षडक्षरेण मंत्रेण हरिपूजनकृन्नरः। सर्वान्कामानवाप्नोति प्रसादाच्चक्रपाणिनः
ṣaḍakṣareṇa maṃtreṇa haripūjanakṛnnaraḥ| sarvānkāmānavāpnoti prasādāccakrapāṇinaḥ
The man who performs the worship of Hari with the six-syllable mantra obtains all his desires by the grace of the wielder of the discus.
AI translation rendered from the Sanskrit, not a published edition
PdP 7 15.99
मृत्युकाले द्विजश्रेष्ठ रामरामेति यः स्मरेत्। स पापिष्ठोऽपि परमं मोक्षमाप्नोति मानवः
mṛtyukāle dvijaśreṣṭha rāmarāmeti yaḥ smaret| sa pāpiṣṭho'pi paramaṃ mokṣamāpnoti mānavaḥ
O best of the twice-born, the man who at the time of death remembers "Rāma, Rāma", though he be the greatest sinner, attains supreme liberation.
AI translation rendered from the Sanskrit, not a published edition
PdP 7 15.100
रामेति नाम यात्रायां ये स्मरंति मनीषिणः। सर्वसिद्धिर्भवेत्तेषां यात्रायां नात्र संशयः १०० 7.15.
rāmeti nāma yātrāyāṃ ye smaraṃti manīṣiṇaḥ| sarvasiddhirbhavetteṣāṃ yātrāyāṃ nātra saṃśayaḥ 100 7.15.
Those wise ones who remember the name "Rāma" on a journey — for them there will be complete success on the journey; there is no doubt in this.
AI translation rendered from the Sanskrit, not a published edition
PdP 7 15.101
अरण्ये प्रांतरेवापि श्मशाने यो भयानके। रामनामस्मरेत्तस्य विद्यंते नापदो द्विज
araṇye prāṃtarevāpi śmaśāne yo bhayānake| rāmanāmasmarettasya vidyaṃte nāpado dvija
In a forest, or even on a lonely road, or in a fearsome cremation ground — whoever remembers the name of Rāma, for him no calamities exist, O twice-born one.
AI translation rendered from the Sanskrit, not a published edition
PdP 7 15.102
राजद्वारे तथा दुर्गे विदेशे दस्युसंमुखे। दुःस्वप्नदर्शने चैव ग्रहपीडासु जैमिने
rājadvāre tathā durge videśe dasyusaṃmukhe| duḥsvapnadarśane caiva grahapīḍāsu jaimine
At a king's gate, likewise in a stronghold (or: in straits), in a foreign land, face to face with robbers, and on seeing an evil dream, and in afflictions caused by the planets, O Jaimini —
AI translation rendered from the Sanskrit, not a published edition
PdP 7 15.103
औत्पातिके भये चैव वातरोगभये तथा। रामनाम स्मरन्मर्त्यो लभते नाशुभं क्वचित्
autpātike bhaye caiva vātarogabhaye tathā| rāmanāma smaranmartyo labhate nāśubhaṃ kvacit
and in danger from portents, and likewise in danger from wind-disease — a mortal who remembers the name of Rāma nowhere meets with anything inauspicious.
AI translation rendered from the Sanskrit, not a published edition
PdP 7 15.104
रामनाम द्विजश्रेष्ठ सर्वाशुभनिवारणम्। कामदं मोक्षदं चैव स्मर्तव्यं सततं बुधैः
rāmanāma dvijaśreṣṭha sarvāśubhanivāraṇam| kāmadaṃ mokṣadaṃ caiva smartavyaṃ satataṃ budhaiḥ
The name of Rāma, O best of the twice-born, wards off all that is inauspicious; it grants desires and grants liberation too, and is to be remembered constantly by the wise.
AI translation rendered from the Sanskrit, not a published edition
PdP 7 15.105
रामनामेति विप्रर्षे यस्मिन्न स्मर्यते क्षणे। क्षणः स एव व्यर्थः स्यात्सत्यमेव मयोच्यते
rāmanāmeti viprarṣe yasminna smaryate kṣaṇe| kṣaṇaḥ sa eva vyarthaḥ syātsatyameva mayocyate
O seer among brahmins, in whatever moment "Rāma" — this name — is not remembered, that very moment is fruitless: this is the very truth spoken by me.
AI translation rendered from the Sanskrit, not a published edition
PdP 7 15.106
स्मरंतो हरिनामानि नावसीदंति मानवाः
smaraṃto harināmāni nāvasīdaṃti mānavāḥ
Men who remember the names of Hari do not sink down.
AI translation rendered from the Sanskrit, not a published edition
PdP 7 15.107
जन्मकोटिदुरितक्षयमिच्छुः संपदं च लभते भुवि मर्त्यः। विष्णुनाम सततं भुवि भक्त्या मोक्षदातिमधुरं स्मरति स्म
janmakoṭiduritakṣayamicchuḥ saṃpadaṃ ca labhate bhuvi martyaḥ| viṣṇunāma satataṃ bhuvi bhaktyā mokṣadātimadhuraṃ smarati sma
Desiring the destruction of the sins of ten million births, and gaining prosperity here on earth, the mortal on earth constantly, with devotion, remembers the name of Viṣṇu, the giver of liberation, exceedingly sweet.
AI translation rendered from the Sanskrit, not a published edition — the model flagged this verse as uncertain