Padma Purana — Kriya Khanda — Chapter 10
PdP 7 10.1
जैमिनिरुवाच- माहात्म्यमेतद्गङ्गायास्त्वत्प्रसादाच्छ्रुतं मया । इदानीं श्रोतुमिच्छामि विष्णुपूजाफलं गुरो
jaiminiruvāca- māhātmyametadgaṅgāyāstvatprasādācchrutaṃ mayā | idānīṃ śrotumicchāmi viṣṇupūjāphalaṃ guro
Jaimini said: This greatness of Gaṅgā I have heard by your grace. Now, O teacher, I wish to hear the fruit of the worship of Viṣṇu.
AI translation rendered from the Sanskrit, not a published edition
PdP 7 10.2
व्यास उवाच- शृणु लक्ष्मीपतेर्वत्स सपर्या फलमुत्तमम् । यच्छ्रुत्वा मानवाः सर्वे लभंते ज्ञानमुत्तमम्
vyāsa uvāca- śṛṇu lakṣmīpatervatsa saparyā phalamuttamam | yacchrutvā mānavāḥ sarve labhaṃte jñānamuttamam
Vyāsa said: Hear, child, the excellent fruit of the worship of Lakṣmī's lord, hearing which all men obtain the highest knowledge.
AI translation rendered from the Sanskrit, not a published edition
PdP 7 10.3
विप्र द्वादशमासेषु माघादिषु सनातनः । पूजितव्यो विधानैर्यैः शृणु तानि वदाम्यहम्
vipra dvādaśamāseṣu māghādiṣu sanātanaḥ | pūjitavyo vidhānairyaiḥ śṛṇu tāni vadāmyaham
O brahmin, hear by what rites the Eternal One is to be worshipped in the twelve months beginning with Māgha; I shall declare them.
AI translation rendered from the Sanskrit, not a published edition
PdP 7 10.4
माघेमासि समायाते सर्वमासोत्तमे शुभे । आमिषं मैथुनं चैव त्याजयेद्वैष्णवोत्तमः
māghemāsi samāyāte sarvamāsottame śubhe | āmiṣaṃ maithunaṃ caiva tyājayedvaiṣṇavottamaḥ
When the month of Māgha has come, auspicious and best of all months, the excellent Vaiṣṇava should give up meat and sexual intercourse.
AI translation rendered from the Sanskrit, not a published edition
PdP 7 10.5
प्रातःस्नायी भवेन्नित्यं तैलान्यपि च वर्जयेत् । द्विर्भोजनं परान्नं च माघेमासि परित्यजेत्
prātaḥsnāyī bhavennityaṃ tailānyapi ca varjayet | dvirbhojanaṃ parānnaṃ ca māghemāsi parityajet
He should bathe every morning, and should also avoid oils; in the month of Māgha he should give up eating twice (a day) and (eating) another's food.
AI translation rendered from the Sanskrit, not a published edition
PdP 7 10.6
प्रातः शुक्लांबरधरः कृतपंच महाध्वरः । सपर्यामारभेद्विष्णोः स्थिरचित्तो हि मानवः
prātaḥ śuklāṃbaradharaḥ kṛtapaṃca mahādhvaraḥ | saparyāmārabhedviṣṇoḥ sthiracitto hi mānavaḥ
In the morning, wearing white garments, having performed the five great sacrifices, a man with steady mind should begin the worship of Viṣṇu.
AI translation rendered from the Sanskrit, not a published edition
PdP 7 10.7
ईषदुष्णजलैः शुद्धैः स्नापयेद्विष्णुमव्ययम् । अतिश्लथैश्चंदनैश्च विष्णोरङ्गानि लेपयेत्
īṣaduṣṇajalaiḥ śuddhaiḥ snāpayedviṣṇumavyayam | atiślathaiścaṃdanaiśca viṣṇoraṅgāni lepayet
He should bathe the imperishable Viṣṇu with clean, slightly warm water, and should anoint Viṣṇu's limbs with very soft sandal paste.
AI translation rendered from the Sanskrit, not a published edition
PdP 7 10.8
पूजयेज्जगदीशस्य देवदेवस्य चक्रिणः । प्रक्षालितानि पात्राणि जलहीनानि कारयेत्
pūjayejjagadīśasya devadevasya cakriṇaḥ | prakṣālitāni pātrāṇi jalahīnāni kārayet
He should perform the worship of the Lord of the world, the god of gods, the bearer of the discus; he should keep the vessels washed and free of (standing) water.
AI translation rendered from the Sanskrit, not a published edition
PdP 7 10.9
स्नापयित्वा जगन्नाथमीषदुष्णेन वारिणा । प्रोक्षितव्यं तच्छरीरं दिव्यवस्त्रेण यत्नतः
snāpayitvā jagannāthamīṣaduṣṇena vāriṇā | prokṣitavyaṃ taccharīraṃ divyavastreṇa yatnataḥ
Having bathed the Lord of the world with slightly warm water, his body should be carefully wiped with a fine cloth.
AI translation rendered from the Sanskrit, not a published edition
PdP 7 10.10
सलिलैरीषदुष्णैश्च प्रस्नापयति केशवम् । माघेमासि द्विजश्रेष्ठ फलं तस्य मयोच्यते
salilairīṣaduṣṇaiśca prasnāpayati keśavam | māghemāsi dvijaśreṣṭha phalaṃ tasya mayocyate
(If) one bathes Keśava with slightly warm water in the month of Māgha, O best of twice-born, his reward is told by me.
AI translation rendered from the Sanskrit, not a published edition
PdP 7 10.11
विमुक्तः पातकैः सर्वैर्जन्मजन्मांतरार्जितैः । इह भुंक्ते सुखं सर्वं शेषे याति हरेर्गृहम्
vimuktaḥ pātakaiḥ sarvairjanmajanmāṃtarārjitaiḥ | iha bhuṃkte sukhaṃ sarvaṃ śeṣe yāti harergṛham
Freed from all the sins amassed in birth after birth, here he enjoys every happiness, and at the end he goes to Hari's house.
AI translation rendered from the Sanskrit, not a published edition
PdP 7 10.12
यत्नात्प्रक्षाल्य पात्राणि कृत्वाशुद्धानिवारिभिः । यः पूजयेज्जगन्नाथं तस्य पुण्यं निशामय
yatnātprakṣālya pātrāṇi kṛtvāśuddhānivāribhiḥ | yaḥ pūjayejjagannāthaṃ tasya puṇyaṃ niśāmaya
He who, carefully washing the vessels and making the unclean ones (clean) with water, worships the Lord of the world — hear his merit.
AI translation rendered from the Sanskrit, not a published edition
PdP 7 10.13
इह भुक्त्वाखिलान्कामान्सर्वव्याधिविवर्जितः । अंते युगसहस्राणि तिष्ठेत्केशवमंदिरम्
iha bhuktvākhilānkāmānsarvavyādhivivarjitaḥ | aṃte yugasahasrāṇi tiṣṭhetkeśavamaṃdiram
Here, having enjoyed all desires, free from every disease, at the end he dwells for a thousand yugas in Keśava's abode.
AI translation rendered from the Sanskrit, not a published edition
PdP 7 10.14
प्रभाते विश्वसंध्यायां पुरतश्चक्रपाणिनः । ज्वलंतं स्थापयेद्वह्निं निर्द्धूमं वैष्णवो जनः
prabhāte viśvasaṃdhyāyāṃ purataścakrapāṇinaḥ | jvalaṃtaṃ sthāpayedvahniṃ nirddhūmaṃ vaiṣṇavo janaḥ
At dawn, at the universal twilight, the Vaiṣṇava man should set a blazing, smokeless fire before the discus-bearer.
AI translation rendered from the Sanskrit, not a published edition
PdP 7 10.15
शीतस्य वारणार्थाय सायंप्रातश्च वैष्णवः । माघे विष्ण्वग्रतो वह्निं ज्वालयेत्तत्फलंशृणु
śītasya vāraṇārthāya sāyaṃprātaśca vaiṣṇavaḥ | māghe viṣṇvagrato vahniṃ jvālayettatphalaṃśṛṇu
To ward off the cold, the Vaiṣṇava should kindle a fire before Viṣṇu, evening and morning, in Māgha; hear the fruit of that.
AI translation rendered from the Sanskrit, not a published edition
PdP 7 10.16
इह भुक्त्वाखिलान्कामान्पुत्रपौत्रसमन्वितः । अंते विष्णुपुरं याति दैवतैरपि दुर्ल्लभम्
iha bhuktvākhilānkāmānputrapautrasamanvitaḥ | aṃte viṣṇupuraṃ yāti daivatairapi durllabham
Here he enjoys all desires, together with sons and grandsons, and at the end he goes to Viṣṇu's city, hard to attain even for the gods.
AI translation rendered from the Sanskrit, not a published edition
PdP 7 10.17
यथैवात्मा तथा विष्णुः संदेहोनात्र विद्यते । स्वपंतं देवदेवेशं पर्यंकोपरि केशवम्
yathaivātmā tathā viṣṇuḥ saṃdehonātra vidyate | svapaṃtaṃ devadeveśaṃ paryaṃkopari keśavam
Just as (one's own) self is, so is Viṣṇu — there is no doubt in this. Keśava, the lord of the gods of gods, sleeping upon his couch...
AI translation rendered from the Sanskrit, not a published edition
PdP 7 10.18
आत्मनः कुरुते मर्त्यो यथा शीतनिवारणम् । क्षीरेण स्नापयेद्यस्तु माघे मासि जनार्दनम् । तस्मै देवोत्तमो विष्णुः संतुष्टो न ददाति किम्
ātmanaḥ kurute martyo yathā śītanivāraṇam | kṣīreṇa snāpayedyastu māghe māsi janārdanam | tasmai devottamo viṣṇuḥ saṃtuṣṭo na dadāti kim
...just as a mortal wards off the cold for himself. And whoever bathes Janārdana with milk in the month of Māgha — what will Viṣṇu, best of gods, being pleased, not give him?
AI translation rendered from the Sanskrit, not a published edition
PdP 7 10.19
तथा शीतक्षयं कुर्याद्दिव्यवस्त्रेण चक्रिणः
tathā śītakṣayaṃ kuryāddivyavastreṇa cakriṇaḥ
So too should he remove the cold of the discus-bearer with a fine cloth.
AI translation rendered from the Sanskrit, not a published edition
PdP 7 10.20
यः पूजयेत्सकृन्माघे स्नापयित्वा चतुर्भुजम् । नालिकेरोदकैर्दुग्धैः फलं तस्य वदाम्यहम्
yaḥ pūjayetsakṛnmāghe snāpayitvā caturbhujam | nālikerodakairdugdhaiḥ phalaṃ tasya vadāmyaham
He who, having bathed the four-armed one with coconut water and milk, worships him even once in Māgha — I shall declare his reward.
AI translation rendered from the Sanskrit, not a published edition
PdP 7 10.21
नरकाब्धौ मज्जमानान्दुस्तरे स्वेन कर्मणा । उद्धृत्य कोटिपुरुषान्स याति चक्रिणः पदम्
narakābdhau majjamānāndustare svena karmaṇā | uddhṛtya koṭipuruṣānsa yāti cakriṇaḥ padam
Having drawn up ten million men who were sinking, by their own deeds, in the hell-ocean that is hard to cross, he goes to the abode of the discus-bearer.
AI translation rendered from the Sanskrit, not a published edition
PdP 7 10.22
माघे मासे च शुक्लायां पंचम्यां द्विजसत्तम । एकादश्यां च पंचम्यां हरिपूजा विशेषतः
māghe māse ca śuklāyāṃ paṃcamyāṃ dvijasattama | ekādaśyāṃ ca paṃcamyāṃ haripūjā viśeṣataḥ
In the month of Māgha, on the fifth of the bright fortnight, O best of the twice-born, and on the eleventh, and on the fifth, worship of Hari is especially (meritorious).
AI translation rendered from the Sanskrit, not a published edition
PdP 7 10.23
दातव्यो देवदेवाय सपद्माय मुरारये । पायसो धूपसहितो माघेमासि दिने दिने
dātavyo devadevāya sapadmāya murāraye | pāyaso dhūpasahito māghemāsi dine dine
To the god of gods, Murāri, together with Padmā (Lakṣmī), milk-rice should be given along with incense, day after day in the month of Māgha.
AI translation rendered from the Sanskrit, not a published edition
PdP 7 10.24
सधूपपायसं यस्तु माघे यच्छति चक्रिणे । तस्य पुण्यफलं वच्मि शृणु वैष्णव जैमिने
sadhūpapāyasaṃ yastu māghe yacchati cakriṇe | tasya puṇyaphalaṃ vacmi śṛṇu vaiṣṇava jaimine
Whoever offers milk-rice with incense to the discus-bearer in Māgha — I declare the fruit of his merit; listen, O Vaiṣṇava Jaimini.
AI translation rendered from the Sanskrit, not a published edition
PdP 7 10.25
अंते विष्णुपुरं गत्वा मन्वंतरचतुष्टयम् । भुंक्ते मनोरमान्भोगान्प्रसादाच्चक्रपाणिनः
aṃte viṣṇupuraṃ gatvā manvaṃtaracatuṣṭayam | bhuṃkte manoramānbhogānprasādāccakrapāṇinaḥ
At the end, having gone to Viṣṇu's city, for four manvantaras he enjoys delightful pleasures by the grace of the discus-holder.
AI translation rendered from the Sanskrit, not a published edition
PdP 7 10.26
पुनरागत्य धरणीं चक्रवर्ती नृपो भवेत् । भुंक्ते च भोगं सुचिरं मृतो याति हरेर्गृहम्
punarāgatya dharaṇīṃ cakravartī nṛpo bhavet | bhuṃkte ca bhogaṃ suciraṃ mṛto yāti harergṛham
Coming again to the earth he becomes a king, an emperor, and enjoys pleasure for a very long time; when dead he goes to Hari's house.
AI translation rendered from the Sanskrit, not a published edition
PdP 7 10.27
पंचम्यां वापि सप्तम्यामेकादश्यां च जैमिने । अशक्तो वैष्णवो दद्यात्परमान्नं मुरारये
paṃcamyāṃ vāpi saptamyāmekādaśyāṃ ca jaimine | aśakto vaiṣṇavo dadyātparamānnaṃ murāraye
On the fifth, or on the seventh, or on the eleventh, O Jaimini, a Vaiṣṇava who is unable (to do more) should give fine rice-food to Murāri.
AI translation rendered from the Sanskrit, not a published edition
PdP 7 10.28
कृष्णपक्षाद्दिवजश्रेष्ठ शुक्लपक्षे विशेषतः । शुक्लपक्षे तिथिष्वेषु दद्यादन्नं मुरारये
kṛṣṇapakṣāddivajaśreṣṭha śuklapakṣe viśeṣataḥ | śuklapakṣe tithiṣveṣu dadyādannaṃ murāraye
More than the dark fortnight, O best of the twice-born, (giving) in the bright fortnight is especially (meritorious); on these lunar days of the bright fortnight one should give food to Murāri.
AI translation rendered from the Sanskrit, not a published edition
PdP 7 10.29
एकाहमपि यो माघे विष्णवे दैत्यजिष्णवे । सपूपंपायसं दद्यान्न तस्य दुर्ल्लभो हरिः
ekāhamapi yo māghe viṣṇave daityajiṣṇave | sapūpaṃpāyasaṃ dadyānna tasya durllabho hariḥ
Whoever, even for a single day in Māgha, gives milk-rice with cakes to Viṣṇu, the conqueror of the demons — for him Hari is not hard to obtain.
AI translation rendered from the Sanskrit, not a published edition
PdP 7 10.30
यत्किच्चिद्दिवजतुष्ट्यर्थं माघेमासि प्रदीयते । तदक्षयं भवेत्पुंसः कोऽपि नास्त्यत्र संशयः
yatkicciddivajatuṣṭyarthaṃ māghemāsi pradīyate | tadakṣayaṃ bhavetpuṃsaḥ ko'pi nāstyatra saṃśayaḥ
Whatever is given in the month of Māgha for the satisfaction of a brahmin becomes imperishable for that man; there is not the slightest doubt in this.
AI translation rendered from the Sanskrit, not a published edition
PdP 7 10.31
माघे मासि कृतं कर्म शुभं वाशुभमेव वा । तस्य नास्ति क्षयं विप्र मन्वंतरशतैरपि
māghe māsi kṛtaṃ karma śubhaṃ vāśubhameva vā | tasya nāsti kṣayaṃ vipra manvaṃtaraśatairapi
An act done in the month of Māgha, whether good or indeed bad — of it there is no exhaustion, O brahmin, even in a hundred manvantaras.
AI translation rendered from the Sanskrit, not a published edition
PdP 7 10.32
माघे चंपकपुष्पेण योऽर्चयेत्कमलापतिम् । स गच्छेत्परमं धाम विमुक्तः सर्वपातकैः
māghe caṃpakapuṣpeṇa yo'rcayetkamalāpatim | sa gacchetparamaṃ dhāma vimuktaḥ sarvapātakaiḥ
Whoever worships the lord of Kamalā with a campaka flower in Māgha goes to the highest abode, freed from all sins.
AI translation rendered from the Sanskrit, not a published edition
PdP 7 10.33
यावंति स्वर्णपुष्पाणि दीयंते चक्रपाणये । तावद्युगसहस्राणि स्थीयते विष्णुमंदिरम्
yāvaṃti svarṇapuṣpāṇi dīyaṃte cakrapāṇaye | tāvadyugasahasrāṇi sthīyate viṣṇumaṃdiram
As many golden flowers as are given to the discus-holder, for that many thousands of ages one dwells in Viṣṇu's mansion.
AI translation rendered from the Sanskrit, not a published edition
PdP 7 10.34
मेरुतुल्यसुवर्णानि दत्वा भवति यत्फलम् । एकेन स्वर्णपुष्पेण हरिं संपूज्य तत्फलम्
merutulyasuvarṇāni datvā bhavati yatphalam | ekena svarṇapuṣpeṇa hariṃ saṃpūjya tatphalam
The fruit that comes from giving gold equal to Meru — that fruit (is had) by worshipping Hari with a single golden flower.
AI translation rendered from the Sanskrit, not a published edition
PdP 7 10.35
सुवर्णपुष्पं विप्रेन्द्र सर्वदा केशवप्रियम् । माघेमासि विशेषेण पवित्रं केशवप्रियम्
suvarṇapuṣpaṃ viprendra sarvadā keśavapriyam | māghemāsi viśeṣeṇa pavitraṃ keśavapriyam
A golden flower, O chief of brahmins, is always dear to Keśava; in the month of Māgha especially it is pure and dear to Keśava.
AI translation rendered from the Sanskrit, not a published edition
PdP 7 10.36
सुवर्णकुसुमैर्दिव्यैर्येन नाराधितो हरिः । रत्नैर्हीनः सुवर्णाद्यैः स भवेज्जन्मजन्मनि
suvarṇakusumairdivyairyena nārādhito hariḥ | ratnairhīnaḥ suvarṇādyaiḥ sa bhavejjanmajanmani
He by whom Hari has not been worshipped with divine golden flowers becomes destitute of jewels, gold and the like, birth after birth.
AI translation rendered from the Sanskrit, not a published edition
PdP 7 10.37
फलं चंपकपुष्पस्य ब्रवीम्यहं विशेषतः । आकर्णय द्विजश्रेष्ठ सेतिहासमनुत्तमम्
phalaṃ caṃpakapuṣpasya bravīmyahaṃ viśeṣataḥ | ākarṇaya dvijaśreṣṭha setihāsamanuttamam
I shall tell in particular the fruit of the campaka flower; listen, O best of the twice-born, along with a most excellent old tale.
AI translation rendered from the Sanskrit, not a published edition
PdP 7 10.38
सुवर्णो नाम भूपालो बलवान्सर्वशास्त्रवित् । आर्यावर्तेषु सर्वेषु बभूव विप्रवर्चसा
suvarṇo nāma bhūpālo balavānsarvaśāstravit | āryāvarteṣu sarveṣu babhūva vipravarcasā
There was a king named Suvarṇa, powerful and knowing all the scriptures, (renowned) among all the lands of Āryāvarta for his brahminical lustre.
AI translation rendered from the Sanskrit, not a published edition
PdP 7 10.39
राजश्रिया विद्यया च वयसा च स भूपतिः । अतिप्रमत्तो विप्रर्षे सदा पापरतोऽभवत्
rājaśriyā vidyayā ca vayasā ca sa bhūpatiḥ | atipramatto viprarṣe sadā pāparato'bhavat
That lord of the earth, exceedingly heedless through royal fortune, learning and youth, O brahmin sage, was ever bent on sin.
AI translation rendered from the Sanskrit, not a published edition
PdP 7 10.40
पाखंडमंत्रिणां वाक्यैर्विनादोषैरपि द्विज । धनलोभात्तेन राज्ञा दंड्यंते साधवो जनाः
pākhaṃḍamaṃtriṇāṃ vākyairvinādoṣairapi dvija | dhanalobhāttena rājñā daṃḍyaṃte sādhavo janāḥ
By the words of heretical ministers, even without fault, O brahmin, good people were punished by that king out of greed for wealth.
AI translation rendered from the Sanskrit, not a published edition
PdP 7 10.41
अन्यायोपार्जितं वित्तं गीतवाद्यादिभिर्वृतः । समस्तं नाशयामास यज्ञदानविवर्जितः
anyāyopārjitaṃ vittaṃ gītavādyādibhirvṛtaḥ | samastaṃ nāśayāmāsa yajñadānavivarjitaḥ
Surrounded by song, instrumental music and the like, he squandered all the wealth acquired unjustly, abstaining from sacrifices and gifts.
AI translation rendered from the Sanskrit, not a published edition
PdP 7 10.42
न ज्ञातिपोषणं चक्रे न देवद्विजभोजनम् । न च याचकसंतुष्टिं सर्वदा पापमोहितः
na jñātipoṣaṇaṃ cakre na devadvijabhojanam | na ca yācakasaṃtuṣṭiṃ sarvadā pāpamohitaḥ
He did not support his kinsmen, nor feed gods and brahmins, nor satisfy beggars, being always deluded by sin.
AI translation rendered from the Sanskrit, not a published edition
PdP 7 10.43
न चकारातिथेः पूजां सदा पापपरायणः । ययौ च मंदिरान्नित्यं स भूपः पापमंदिरः
na cakārātitheḥ pūjāṃ sadā pāpaparāyaṇaḥ | yayau ca maṃdirānnityaṃ sa bhūpaḥ pāpamaṃdiraḥ
Always given over to sin, he offered no honour to a guest; and that king, a very house of sin, went out from his palace daily.
AI translation rendered from the Sanskrit, not a published edition
PdP 7 10.44
कृतानि तेन पापानि यान्यन्यान्यविवेकिनाम् । अपि वर्षशतैः शक्तः संख्यातुं जनितानि किम्
kṛtāni tena pāpāni yānyanyānyavivekinām | api varṣaśataiḥ śaktaḥ saṃkhyātuṃ janitāni kim
As for the other sins committed by him, sins that even undiscerning men (would not do) — who would be able to count them, produced (as they were), even in a hundred years?
AI translation rendered from the Sanskrit, not a published edition — the model flagged this verse as uncertain
PdP 7 10.45
एकदा स महीपालः कामेन परिमोहितः । जगाम वेश्यानिलयं निशीथे दुरिताशयः
ekadā sa mahīpālaḥ kāmena parimohitaḥ | jagāma veśyānilayaṃ niśīthe duritāśayaḥ
Once that protector of the earth, utterly deluded by desire, his mind set on evil, went at midnight to the house of a courtesan.
AI translation rendered from the Sanskrit, not a published edition
PdP 7 10.46
तमायांतं ततो दृष्ट्वा भूपालमुज्ज्वलाह्वया । सहसोत्थाय पर्यंके चक्रे तत्पादवंदनम्
tamāyāṃtaṃ tato dṛṣṭvā bhūpālamujjvalāhvayā | sahasotthāya paryaṃke cakre tatpādavaṃdanam
Then, seeing that king arriving, the woman named Ujjvalā rose up at once from the couch and made obeisance to his feet.
AI translation rendered from the Sanskrit, not a published edition
PdP 7 10.47
प्रक्षाल्य तत्पादयुगं भृंगारसलिलैश्च सा । मंचे निवेशयामास दोर्भ्यामालिङ्ग्य तं नृपम्
prakṣālya tatpādayugaṃ bhṛṃgārasalilaiśca sā | maṃce niveśayāmāsa dorbhyāmāliṅgya taṃ nṛpam
And she, having washed his two feet with water from a pitcher, seated him on the couch, embracing that king with her two arms.
AI translation rendered from the Sanskrit, not a published edition
PdP 7 10.48
तत्प्रेमामृतधाराभिः सिक्तोऽसौ पृथिवीपतिः । तस्मिन्नुवास पर्यंके तया सह कुतूहली
tatpremāmṛtadhārābhiḥ sikto'sau pṛthivīpatiḥ | tasminnuvāsa paryaṃke tayā saha kutūhalī
Sprinkled with the nectar-streams of her love, that lord of the earth sat on that couch together with her, full of eagerness.
AI translation rendered from the Sanskrit, not a published edition
PdP 7 10.49
ततः सा गणिका प्रीत्या हसंती नवयौवना । ददौ चंपकपुष्पाणां तस्मै भूमिभुजे स्वयम्
tataḥ sā gaṇikā prītyā hasaṃtī navayauvanā | dadau caṃpakapuṣpāṇāṃ tasmai bhūmibhuje svayam
Then that courtesan, in the freshness of youth, smiling, with affection herself gave to that ruler of the earth (a garland) of campaka flowers.
AI translation rendered from the Sanskrit, not a published edition
PdP 7 10.50
पुष्पमाला पुष्पमेकं तस्माद्भूपति हस्ततः । पपात धरणीपृष्ठे गन्धव्याप्तदिगंतरम् ५० 7.10.
puṣpamālā puṣpamekaṃ tasmādbhūpati hastataḥ | papāta dharaṇīpṛṣṭhe gandhavyāptadigaṃtaram 50 7.10.
A flower-garland — one flower from it fell from the king's hand onto the surface of the earth, its fragrance filling the ends of the directions.
AI translation rendered from the Sanskrit, not a published edition
PdP 7 10.51
तच्च्युतं कुसुमं दृष्ट्वा स राजाऽत्यतसंभ्रमात् । नमोनारायणायेति जगादोङ्कारपूर्वकम्
taccyutaṃ kusumaṃ dṛṣṭvā sa rājā'tyatasaṃbhramāt | namonārāyaṇāyeti jagādoṅkārapūrvakam
Seeing that fallen flower, the king in extreme agitation said, preceded by the syllable Om, "Homage to Nārāyaṇa!"
AI translation rendered from the Sanskrit, not a published edition
PdP 7 10.52
नारायणायेति वाक्यात्सर्वाणि पातकानि च । स्वर्णपुष्पप्रदानेन तस्य नष्टानि भूभुजः
nārāyaṇāyeti vākyātsarvāṇi pātakāni ca | svarṇapuṣpapradānena tasya naṣṭāni bhūbhujaḥ
By the words "to Nārāyaṇa" and by the giving of a golden flower, all the sins of that king were destroyed.
AI translation rendered from the Sanskrit, not a published edition
PdP 7 10.53
ग्रामीणा अथ सर्वेऽपि समागत्यातिदुर्जये । तस्यामेव निशायां तं जघ्नुर्वेश्यागृहे स्थितम्
grāmīṇā atha sarve'pi samāgatyātidurjaye | tasyāmeva niśāyāṃ taṃ jaghnurveśyāgṛhe sthitam
Then all the villagers, having come together, on that very night killed him, the very hard to conquer one, while he was staying in the courtesan's house.
AI translation rendered from the Sanskrit, not a published edition — the model flagged this verse as uncertain
PdP 7 10.54
नेतुं तमथ भूपालं सर्वपातकिनां वरम् । किंकरान्प्रेषयामास क्रुद्धो वैवस्वतो भृशम्
netuṃ tamatha bhūpālaṃ sarvapātakināṃ varam | kiṃkarānpreṣayāmāsa kruddho vaivasvato bhṛśam
Then Vaivasvata (Yama), greatly enraged, sent his servants to fetch that king, the foremost of all sinners.
AI translation rendered from the Sanskrit, not a published edition
PdP 7 10.55
तेनाज्ञप्तास्ततो दूताः पाशमुद्गरपाणयः । अतिवेगात्समायाताः क्रोधसंरक्तलोचनाः
tenājñaptāstato dūtāḥ pāśamudgarapāṇayaḥ | ativegātsamāyātāḥ krodhasaṃraktalocanāḥ
Then the messengers, commanded by him, with nooses and mallets in their hands, came with great speed, their eyes red with anger.
AI translation rendered from the Sanskrit, not a published edition
PdP 7 10.56
उद्यमं चक्रिरे नेतुं यमदूताः स्वमालयम् । ततो नारायणप्रेष्याः शङ्खचक्रगदाधराः
udyamaṃ cakrire netuṃ yamadūtāḥ svamālayam | tato nārāyaṇapreṣyāḥ śaṅkhacakragadādharāḥ
The messengers of Yama made an effort to lead (him) to their own abode. Then the servants of Nārāyaṇa, bearing conch, discus and mace,
AI translation rendered from the Sanskrit, not a published edition
PdP 7 10.57
आयाता गरुडारूढास्तं नेतुं पृथिवीपतिम् । पाशे नियंत्रितं दृष्ट्वा तं भूपं विष्णुकिंकराः
āyātā garuḍārūḍhāstaṃ netuṃ pṛthivīpatim | pāśe niyaṃtritaṃ dṛṣṭvā taṃ bhūpaṃ viṣṇukiṃkarāḥ
came, mounted on Garuḍa, to fetch that lord of the earth. Seeing that king bound in the noose, the servants of Viṣṇu
AI translation rendered from the Sanskrit, not a published edition
PdP 7 10.58
जघ्नुश्चक्रैर्गदाभिश्च यमदूतान्महाबलाः । समारोप्य रथे दिव्ये शंखान्दध्मुरनुत्तमान्
jaghnuścakrairgadābhiśca yamadūtānmahābalāḥ | samāropya rathe divye śaṃkhāndadhmuranuttamān
— those of great strength — struck Yama's messengers with discuses and maces, and having set (the king) on a divine chariot, they blew their most excellent conches.
AI translation rendered from the Sanskrit, not a published edition
PdP 7 10.59
तथा राजा रथारूढस्तुलसीमाल्यभूषितः । पीतकौशेयवासाश्च स्वर्णालंकारभूषितः
tathā rājā rathārūḍhastulasīmālyabhūṣitaḥ | pītakauśeyavāsāśca svarṇālaṃkārabhūṣitaḥ
So the king, mounted on the chariot, adorned with a garland of tulasī, clad in yellow silk garments and decked with golden ornaments,
AI translation rendered from the Sanskrit, not a published edition
PdP 7 10.60
स्तूयमानो मुनिगर्णैर्वेदवेदाङ्गपारगैः । विष्णुदूतैः परिवृतो हरेः सालोक्यमाययौ
stūyamāno munigarṇairvedavedāṅgapāragaiḥ | viṣṇudūtaiḥ parivṛto hareḥ sālokyamāyayau
being praised by throngs of sages who had mastered the Vedas and their ancillary sciences, surrounded by Viṣṇu's messengers, came to dwell in the same world as Hari.
AI translation rendered from the Sanskrit, not a published edition
PdP 7 10.61
अथोत्थाय स्वयं विष्णुश्चतुर्भिर्दीर्घबाहुभिः । तमालिंगितवान्भूपं प्रोक्तवांश्च द्विजोत्तम
athotthāya svayaṃ viṣṇuścaturbhirdīrghabāhubhiḥ | tamāliṃgitavānbhūpaṃ proktavāṃśca dvijottama
Then Viṣṇu himself rose and embraced that king with his four long arms, and spoke, O best of the twice-born.
AI translation rendered from the Sanskrit, not a published edition
PdP 7 10.62
श्रीभगवानुवाच- नृपते कुशलं ब्रूहि सर्वपुण्यात्मनां वर । किमस्ति साध्यं भवतस्तदाज्ञापय संप्रति
śrībhagavānuvāca- nṛpate kuśalaṃ brūhi sarvapuṇyātmanāṃ vara | kimasti sādhyaṃ bhavatastadājñāpaya saṃprati
The Blessed Lord said: O king, tell (me) of your welfare, O best among all those whose nature is merit; what is there to be accomplished for you? Command (me) that now.
AI translation rendered from the Sanskrit, not a published edition
PdP 7 10.63
नमोनारायणायेति वारैकमपि यो वदेत् । नित्यं तस्यानुपाल्योऽहं स मे भ्राता स मे पिता
namonārāyaṇāyeti vāraikamapi yo vadet | nityaṃ tasyānupālyo'haṃ sa me bhrātā sa me pitā
Whoever should say even once, "Homage to Nārāyaṇa," him I must ever protect; he is my brother, he is my father.
AI translation rendered from the Sanskrit, not a published edition
PdP 7 10.64
नारायणेति मन्नाम कदाचिद्यः स्मेरन्नरः । साधयाम्यखिलं तस्य पितुः पुत्र इवेप्सितम्
nārāyaṇeti mannāma kadācidyaḥ smerannaraḥ | sādhayāmyakhilaṃ tasya pituḥ putra ivepsitam
The man who at any time remembers my name "Nārāyaṇa"—for him I accomplish everything desired, as a son does for his father.
AI translation rendered from the Sanskrit, not a published edition
PdP 7 10.65
भक्तोऽसि नृपतिश्रेष्ठ तस्मान्निजमनोरथम् । प्रकाशयाद्भुतं तात किं ते दास्यामि चाधुना
bhakto'si nṛpatiśreṣṭha tasmānnijamanoratham | prakāśayādbhutaṃ tāta kiṃ te dāsyāmi cādhunā
You are a devotee, O best of kings; therefore make known your own wondrous heart's wish. What shall I give you now, dear one?
AI translation rendered from the Sanskrit, not a published edition
PdP 7 10.66
राजोवाच- सर्वमेव दयासिन्धो त्वया दत्तं न संशयः । पापिनापि मया प्राप्तं तव स्थानं सुदुर्ल्लभम्
rājovāca- sarvameva dayāsindho tvayā dattaṃ na saṃśayaḥ | pāpināpi mayā prāptaṃ tava sthānaṃ sudurllabham
The king said: Everything indeed has been given by you, O ocean of compassion, no doubt of it; though a sinner, I have obtained your abode, which is very hard to attain.
AI translation rendered from the Sanskrit, not a published edition
PdP 7 10.67
तस्यानेन तु वाक्येन प्रसन्नः कमलापतिः । स्नेहान्निवेशयामास भूपालं तन्निशामय
tasyānena tu vākyena prasannaḥ kamalāpatiḥ | snehānniveśayāmāsa bhūpālaṃ tanniśāmaya
But by this speech of his the Lord of Lakṣmī was pleased, and out of affection he seated the king (beside him); hear that.
AI translation rendered from the Sanskrit, not a published edition
PdP 7 10.68
ततः सुवर्णालंकारैर्विश्वकर्मविनिर्मितैः । चकार मण्डलं तस्य स्वयमेव दयामया
tataḥ suvarṇālaṃkārairviśvakarmavinirmitaiḥ | cakāra maṇḍalaṃ tasya svayameva dayāmayā
Then, with golden ornaments fashioned by Viśvakarman, the compassionate one himself made a circle (of seating) for him.
AI translation rendered from the Sanskrit, not a published edition — the model flagged this verse as uncertain
PdP 7 10.69
अथ नानाविधैर्भक्ष्यैर्दिव्यैरपि सुदुर्ल्लभैः । तोषितः स महीपालो विष्णुनाति सहिष्णुना
atha nānāvidhairbhakṣyairdivyairapi sudurllabhaiḥ | toṣitaḥ sa mahīpālo viṣṇunāti sahiṣṇunā
Then with divine foods of many kinds, hard to obtain, that king was gratified by the exceedingly forbearing Viṣṇu.
AI translation rendered from the Sanskrit, not a published edition
PdP 7 10.70
एवं प्रतिदिनं तस्थौ स राजा विष्णुमंदिरम् । मन्वन्तरसहस्राणि नव वर्ष शतानि च
evaṃ pratidinaṃ tasthau sa rājā viṣṇumaṃdiram | manvantarasahasrāṇi nava varṣa śatāni ca
Thus that king dwelt day after day in Viṣṇu's abode for thousands of manvantaras and nine hundred years.
AI translation rendered from the Sanskrit, not a published edition
PdP 7 10.71
प्रजानां पालनं चक्रे स राजा धर्मतत्परः । पूजयामास सततं भक्त्या परमया हरिः
prajānāṃ pālanaṃ cakre sa rājā dharmatatparaḥ | pūjayāmāsa satataṃ bhaktyā paramayā hariḥ
That king, devoted to dharma, carried out the protection of his subjects, and constantly worshipped Hari with supreme devotion.
AI translation rendered from the Sanskrit, not a published edition
PdP 7 10.72
चारु चंपकपुष्पैश्च नैवेद्यैर्विविधैश्च सः । आयुःशेषे स भूपालो मरणं जाह्नवी जले
cāru caṃpakapuṣpaiśca naivedyairvividhaiśca saḥ | āyuḥśeṣe sa bhūpālo maraṇaṃ jāhnavī jale
(He worshipped) with lovely campaka flowers and with various food offerings; and at the end of his life that king (met) death in the water of the Gaṅgā—
AI translation rendered from the Sanskrit, not a published edition
PdP 7 10.73
समासाद्य ययौ मोक्षं प्रसादाच्चक्रपाणिनः । व्यास उवाच- विप्र चंपकपुष्पस्य प्रभावोऽयं प्रकीर्तितः
samāsādya yayau mokṣaṃ prasādāccakrapāṇinaḥ | vyāsa uvāca- vipra caṃpakapuṣpasya prabhāvo'yaṃ prakīrtitaḥ
—and having attained (it) he went to liberation by the grace of the Discus-bearer. Vyāsa said: O brahmin, this power of the campaka flower has been proclaimed.
AI translation rendered from the Sanskrit, not a published edition
PdP 7 10.74
चपंकैर्हरिमभ्यर्च्य मुक्ताः स्युः पापिनो जनाः । स्फुटचंपकपुष्पेण पूजितो भगवान्हरिः
capaṃkairharimabhyarcya muktāḥ syuḥ pāpino janāḥ | sphuṭacaṃpakapuṣpeṇa pūjito bhagavānhariḥ
Having worshipped Hari with campakas, sinful people become released. The Lord Hari, worshipped with a blossoming campaka flower,
AI translation rendered from the Sanskrit, not a published edition
PdP 7 10.75
अचिरेणैव विप्रर्षे ददाति परमं पदम् । ये यजंति परात्मानमिच्छया वाप्यनिच्छया
acireṇaiva viprarṣe dadāti paramaṃ padam | ye yajaṃti parātmānamicchayā vāpyanicchayā
grants the supreme station in no long time, O sage among brahmins. Those who worship the Supreme Self, whether willingly or unwillingly,
AI translation rendered from the Sanskrit, not a published edition
PdP 7 10.76
तेऽपि यांति परं धाम विमुक्ताः सर्वपातकैः
te'pi yāṃti paraṃ dhāma vimuktāḥ sarvapātakaiḥ
they too go to the highest abode, freed from all sins.
AI translation rendered from the Sanskrit, not a published edition
PdP 7 10.77
हरौ प्रसन्ने दुरितानिकोऽपि यतः स राजा कृतपातकोऽपि । जगाम मोक्षं कृपयामुरारेर्विश्वार्णवं निम्नमिमं वितीर्य
harau prasanne duritāniko'pi yataḥ sa rājā kṛtapātako'pi | jagāma mokṣaṃ kṛpayāmurārerviśvārṇavaṃ nimnamimaṃ vitīrya
Since, when Hari is pleased, even one whose sins are heaps—that king, though he had committed sin, went to liberation by the grace of Murāri, having crossed over this deep ocean of the world.
AI translation rendered from the Sanskrit, not a published edition
PdP 7 10.78
दिव्यैः सुगन्धैः कनकप्रसूनैर्नारायणं पद्मदलायताक्षम् । भक्त्या यजेद्यः परमादरेण मर्त्यो व्रजेत्तत्तु विहाय पापम्
divyaiḥ sugandhaiḥ kanakaprasūnairnārāyaṇaṃ padmadalāyatākṣam | bhaktyā yajedyaḥ paramādareṇa martyo vrajettattu vihāya pāpam
The mortal who with devotion and utmost reverence should worship Nārāyaṇa, whose eyes are wide as lotus petals, with divine fragrant golden flowers, would go to that (abode), abandoning sin.
AI translation rendered from the Sanskrit, not a published edition