Padma Purana — Uttara Khanda — Chapter 96
PdP 6 96.1
पृथुरुवाच- यत्त्वया कथितं ब्रह्मन्व्रतमूर्जस्य विस्तरात् । तत्र या तुलसीमूले विष्णोः पूजा त्वयोदिता
pṛthuruvāca- yattvayā kathitaṃ brahmanvratamūrjasya vistarāt | tatra yā tulasīmūle viṣṇoḥ pūjā tvayoditā
Pṛthu said: The vow of Kārttika which you have related at length, O brahmin — in it there is that worship of Viṣṇu at the root of the tulasī which was spoken of by you;
AI translation rendered from the Sanskrit, not a published edition
PdP 6 96.2
तेनाहं प्रष्टुमिच्छामि माहात्म्यं तुलसीभवम् । कथं सातिप्रिया विष्णोर्देवदेवस्य शार्ङ्गिणः
tenāhaṃ praṣṭumicchāmi māhātmyaṃ tulasībhavam | kathaṃ sātipriyā viṣṇordevadevasya śārṅgiṇaḥ
therefore I wish to ask about the greatness that belongs to the tulasī: how is she so very dear to Viṣṇu, the God of gods, the bearer of the bow (Śārṅgin)?
AI translation rendered from the Sanskrit, not a published edition
PdP 6 96.3
कथमेषा समुत्पन्ना कस्मिंस्थाने च नारद । एतद्ब्रूहि समासेन सर्वज्ञोऽसि मतो हि मे
kathameṣā samutpannā kasmiṃsthāne ca nārada | etadbrūhi samāsena sarvajño'si mato hi me
How did she come into being, and in what place, O Nārada? Tell this concisely, for you are, in my view, all-knowing.
AI translation rendered from the Sanskrit, not a published edition
PdP 6 96.4
नारदउवाच- पुरा रुद्रेण दैत्येंद्रे सिंधुसूनौ निपातिते । प्रणम्य शिरसा रुद्रं देवा ब्रह्मादयोऽब्रुवन् । शृणु राजन्प्रवक्ष्यामि माहात्म्यं तुलसीभवम्
nāradauvāca- purā rudreṇa daityeṃdre siṃdhusūnau nipātite | praṇamya śirasā rudraṃ devā brahmādayo'bruvan | śṛṇu rājanpravakṣyāmi māhātmyaṃ tulasībhavam
Nārada said: Formerly, when the lord of the demons, the son of Sindhu, had been struck down by Rudra, the gods with Brahmā at their head, bowing their heads to Rudra, said — Listen, O king, I shall declare the greatness that belongs to the tulasī.
AI translation rendered from the Sanskrit, not a published edition
PdP 6 96.5
सेतिहासं पुरावृत्तं तत्सर्वं कथयामि ते । पुरा शक्रः शिवं द्रष्टुमगात्कैलासपर्वतम् । सर्वदेवैः परिवृतस्त्वप्सरोगणसेवितः
setihāsaṃ purāvṛttaṃ tatsarvaṃ kathayāmi te | purā śakraḥ śivaṃ draṣṭumagātkailāsaparvatam | sarvadevaiḥ parivṛtastvapsarogaṇasevitaḥ
I shall relate all that to you as a tale of what happened of old. Formerly Śakra went to Mount Kailāsa to see Śiva, surrounded by all the gods and attended by the throngs of apsarases.
AI translation rendered from the Sanskrit, not a published edition
PdP 6 96.6
यावद्गतः शिवगृहं तावत्तत्राशु दृष्टवान् । पुरुषं भीमकर्माणं दंष्ट्रानयनभीषणम्
yāvadgataḥ śivagṛhaṃ tāvattatrāśu dṛṣṭavān | puruṣaṃ bhīmakarmāṇaṃ daṃṣṭrānayanabhīṣaṇam
As soon as he had gone to Śiva's dwelling, he there at once saw a man of terrible deeds, frightful with his tusks and eyes.
AI translation rendered from the Sanskrit, not a published edition
PdP 6 96.7
स पृष्टस्तेन कस्त्वं भो क्व गतो जगदीश्वरः । एवं पुनः पुनः पृष्टः स यदा नोचिवान्नृप
sa pṛṣṭastena kastvaṃ bho kva gato jagadīśvaraḥ | evaṃ punaḥ punaḥ pṛṣṭaḥ sa yadā nocivānnṛpa
He was asked by him: "Who are you, sir? Where has the Lord of the world gone?" When, being asked thus again and again, he did not speak, O king,
AI translation rendered from the Sanskrit, not a published edition
PdP 6 96.8
ततः क्रुद्धो वज्रपाणिस्तन्निर्भर्त्स्य वचोऽब्रवीत् । रे मया पृच्छमानोऽपि नोत्तरं दत्तवानसि
tataḥ kruddho vajrapāṇistannirbhartsya vaco'bravīt | re mayā pṛcchamāno'pi nottaraṃ dattavānasi
then the wielder of the thunderbolt, angry, rebuked him and spoke these words: "Hey! though questioned by me you have given no answer;
AI translation rendered from the Sanskrit, not a published edition
PdP 6 96.9
अतस्त्वां हन्मि वज्रेण कस्ते त्रातास्ति दुर्मते । इत्युदीर्य ततो वज्री वज्रेण चाहनद्दृढम्
atastvāṃ hanmi vajreṇa kaste trātāsti durmate | ityudīrya tato vajrī vajreṇa cāhanaddṛḍham
"Therefore I strike you with the thunderbolt — who is there to save you, fool?" Having said this, the wielder of the thunderbolt struck hard with the thunderbolt.
AI translation rendered from the Sanskrit, not a published edition
PdP 6 96.10
तेनास्य कंठे नीलत्वमगाद्वज्रं च भस्मतां । ततो रुद्र प्रजज्वाल तेजसा प्रदहन्निव
tenāsya kaṃṭhe nīlatvamagādvajraṃ ca bhasmatāṃ | tato rudra prajajvāla tejasā pradahanniva
By that his throat took on blueness, and the thunderbolt turned to ash. Then Rudra blazed forth, as if consuming (all) with his fiery energy.
AI translation rendered from the Sanskrit, not a published edition
PdP 6 96.11
दृष्ट्वा बृहस्पतिस्तूर्णं कृतांजलिपुटोऽभवत् । इंद्रश्चदंडवद्भूमौ कृत्वा स्तोतुं प्रचक्रमे
dṛṣṭvā bṛhaspatistūrṇaṃ kṛtāṃjalipuṭo'bhavat | iṃdraścadaṃḍavadbhūmau kṛtvā stotuṃ pracakrame
Seeing (this), Bṛhaspati at once folded his hands in reverence; and Indra, having flung himself on the ground like a staff, began to praise (him).
AI translation rendered from the Sanskrit, not a published edition
PdP 6 96.12
बृहस्पतिरुवाच- नमो देवाधिदेवाय त्र्यंबकाय कपर्दिने । त्रिपुरघ्नाय शर्वाय नमोंधकनिषूदिने
bṛhaspatiruvāca- namo devādhidevāya tryaṃbakāya kapardine | tripuraghnāya śarvāya namoṃdhakaniṣūdine
Bṛhaspati said: Homage to the god above gods, the three-eyed, the one with matted locks; to the destroyer of Tripura, to Śarva; homage to the slayer of Andhaka.
AI translation rendered from the Sanskrit, not a published edition
PdP 6 96.13
विरूपायातिरूपाय बहुरूपाय शंभवे । यज्ञविध्वंसकर्त्रे च यज्ञानां फलदायिने
virūpāyātirūpāya bahurūpāya śaṃbhave | yajñavidhvaṃsakartre ca yajñānāṃ phaladāyine
To the ill-formed, to the surpassingly formed, to the many-formed, to Śambhu; and to the wrecker of the sacrifice, and to the giver of the fruits of sacrifices.
AI translation rendered from the Sanskrit, not a published edition
PdP 6 96.14
कालांतकाय कालाय कालभोगधराय च । नमो ब्रह्मशिरोहंत्रे ब्राह्मणाय नमो नमः
kālāṃtakāya kālāya kālabhogadharāya ca | namo brahmaśirohaṃtre brāhmaṇāya namo namaḥ
To the ender of Time, to Time (himself), and to him who holds the coils of Time; homage to the cutter-off of Brahmā's head, homage, homage to the brāhmaṇa (the one of the Brahman).
AI translation rendered from the Sanskrit, not a published edition — the model flagged this verse as uncertain
PdP 6 96.15
नारद उवाच- एवं स्तुतस्तदा शंभुः द्विजर्षभं जगाद ह । संहरन्नयनज्वालं त्रिलोकीदहनक्षमाम्
nārada uvāca- evaṃ stutastadā śaṃbhuḥ dvijarṣabhaṃ jagāda ha | saṃharannayanajvālaṃ trilokīdahanakṣamām
Nārada said: Thus praised, Śambhu then spoke to the bull among twice-born ones, withdrawing the flame of his eye, which was able to burn up the three worlds.
AI translation rendered from the Sanskrit, not a published edition
PdP 6 96.16
वरं वरय भो ब्रह्मन्प्रीतः स्तुत्यानया तव । इंद्रस्यजीवदानेन जीवति त्वं प्रथां व्रज
varaṃ varaya bho brahmanprītaḥ stutyānayā tava | iṃdrasyajīvadānena jīvati tvaṃ prathāṃ vraja
"Choose a boon, O brahmin; I am pleased by this praise of yours. By the granting of life to Indra — he lives — do you attain renown."
AI translation rendered from the Sanskrit, not a published edition — the model flagged this verse as uncertain
PdP 6 96.17
बृहस्पतिरुवाच- यदि तुष्टोऽसि देव त्वं याहींद्रं शरणागतम् । अग्निरेष शमं यातु भालनेत्रसमुद्भवः
bṛhaspatiruvāca- yadi tuṣṭo'si deva tvaṃ yāhīṃdraṃ śaraṇāgatam | agnireṣa śamaṃ yātu bhālanetrasamudbhavaḥ
Bṛhaspati said: If you are pleased, O god, go to Indra, who has come for refuge; let this fire that arose from the eye in your forehead be quieted.
AI translation rendered from the Sanskrit, not a published edition
PdP 6 96.18
ईश्वर उवाच- पुनः प्रवेशमायाति भालनेत्रे कथं त्वयम् । एनं त्यक्ष्याम्यहं दूरे यथेंद्रं नैव पीडयेत्
īśvara uvāca- punaḥ praveśamāyāti bhālanetre kathaṃ tvayam | enaṃ tyakṣyāmyahaṃ dūre yatheṃdraṃ naiva pīḍayet
The Lord said: How can this again enter into the eye in my forehead by your (wish)? I shall abandon it far away, so that it will not afflict Indra at all.
AI translation rendered from the Sanskrit, not a published edition
PdP 6 96.19
नारद उवाच- इत्युक्त्वा तं करे धृत्वा प्राक्षिपल्लवणांभसि । सोऽपतत्सिंधुगंगायाः सागरस्य च संगमे
nārada uvāca- ityuktvā taṃ kare dhṛtvā prākṣipallavaṇāṃbhasi | so'patatsiṃdhugaṃgāyāḥ sāgarasya ca saṃgame
Nārada said: Saying this, taking it in his hand, he threw it into the salt water; it fell at the confluence of the Sindhu and the Gaṅgā with the ocean.
AI translation rendered from the Sanskrit, not a published edition
PdP 6 96.20
तदा स बालरूपत्वमगात्तत्र रुरोद च । रुदतस्तस्य शब्देन प्राकंपद्धरणी मुहुः
tadā sa bālarūpatvamagāttatra ruroda ca | rudatastasya śabdena prākaṃpaddharaṇī muhuḥ
Then it there took on the form of a child, and it wept; by the sound of its weeping the earth trembled again and again.
AI translation rendered from the Sanskrit, not a published edition
PdP 6 96.21
स्वर्गश्च सत्यलोकश्च तत्स्वनाद्बधिरीकृतौ । श्रुत्वा ब्रह्मा ययौ तत्र किमेतदिति विस्मितः
svargaśca satyalokaśca tatsvanādbadhirīkṛtau | śrutvā brahmā yayau tatra kimetaditi vismitaḥ
Both heaven and Satyaloka were made deaf by that noise; hearing it, Brahmā went there, wondering, "What is this?"
AI translation rendered from the Sanskrit, not a published edition
PdP 6 96.22
तावत्समुद्रस्योत्संगे तं बालं स ददर्श ह । दृष्ट्वा ब्राह्मणमायांतं समुद्रोऽपि कृतांजलि
tāvatsamudrasyotsaṃge taṃ bālaṃ sa dadarśa ha | dṛṣṭvā brāhmaṇamāyāṃtaṃ samudro'pi kṛtāṃjali
Just then he saw that child in the lap of the ocean; and the ocean too, seeing the brahmin coming, with hands folded,
AI translation rendered from the Sanskrit, not a published edition
PdP 6 96.23
प्रणम्य शिरसा बालं तस्योत्संगे न्यवेशयेत् । ततो ब्रह्माब्रवीद्वाक्यं कस्यायं शिशुरद्भुतः
praṇamya śirasā bālaṃ tasyotsaṃge nyaveśayet | tato brahmābravīdvākyaṃ kasyāyaṃ śiśuradbhutaḥ
bowing with his head, placed the child in his (Brahmā's) lap. Then Brahmā spoke these words: "Whose is this wondrous infant?"
AI translation rendered from the Sanskrit, not a published edition
PdP 6 96.24
निशम्येति वचो धातुर्वाक्यं तु सागरोऽब्रवीत् । ब्रह्मा उवाच- सरित्पते कुतो लब्धो बालो ह्येष महाबलः
niśamyeti vaco dhāturvākyaṃ tu sāgaro'bravīt | brahmā uvāca- saritpate kuto labdho bālo hyeṣa mahābalaḥ
Hearing these words of the Creator, the ocean spoke. Brahmā said: O lord of rivers, from where was this exceedingly strong child obtained,
AI translation rendered from the Sanskrit, not a published edition
PdP 6 96.25
यस्य नादेन संत्रस्ता देवासुरमहोरगाः । समुद्र उवाच- भो ब्रह्मन्सिधुगंगायां जातोऽयं मम पुत्रकः
yasya nādena saṃtrastā devāsuramahoragāḥ | samudra uvāca- bho brahmansidhugaṃgāyāṃ jāto'yaṃ mama putrakaḥ
by whose cry gods, asuras and great serpents are terrified? The ocean said: O Brahmā, this little son of mine was born in the Sindhu-Gaṅgā.
AI translation rendered from the Sanskrit, not a published edition
PdP 6 96.26
जातकर्मादि संस्कारान्कुरुष्वास्य जगद्गुरो । नारद उवाच- इत्थं वदति पाथोधौ स बालः सागरात्मजः
jātakarmādi saṃskārānkuruṣvāsya jagadguro | nārada uvāca- itthaṃ vadati pāthodhau sa bālaḥ sāgarātmajaḥ
"Perform for him the birth-rite and the other sacraments, O teacher of the world." Nārada said: While the ocean was speaking thus, that boy, the son of the ocean,
AI translation rendered from the Sanskrit, not a published edition
PdP 6 96.27
ब्रह्माणमग्रहीत्कूर्चे विधुन्वंतं मुहुर्मुहुः । धुन्वतस्तस्य कूर्चं तु नेत्राभ्यामागमज्जलम् । कथंचिन्मुक्तकूर्चोऽथ ब्रह्मा प्रोवाच सागरम्
brahmāṇamagrahītkūrce vidhunvaṃtaṃ muhurmuhuḥ | dhunvatastasya kūrcaṃ tu netrābhyāmāgamajjalam | kathaṃcinmuktakūrco'tha brahmā provāca sāgaram
seized Brahmā by the beard, shaking (him) again and again; and as he shook his beard, water came from his (Brahmā's) eyes. Somehow getting his beard released, Brahmā then said to the ocean:
AI translation rendered from the Sanskrit, not a published edition
PdP 6 96.28
ब्रह्मोवाच- नेत्राभ्यां विधृतं यस्मादनेनैतज्जलं मम । तस्माज्जलंधर इति ख्यातो नाम्ना भवत्यसौ
brahmovāca- netrābhyāṃ vidhṛtaṃ yasmādanenaitajjalaṃ mama | tasmājjalaṃdhara iti khyāto nāmnā bhavatyasau
Brahmā said: Since this water of mine was held (drawn) by him from (my) eyes, therefore he becomes known by the name Jalandhara.
AI translation rendered from the Sanskrit, not a published edition
PdP 6 96.29
अधुनैवैष तरुणः सर्वशस्त्रास्त्रपारगः । अवध्यः सर्वभूतानां विना रुद्रं भविष्यति
adhunaivaiṣa taruṇaḥ sarvaśastrāstrapāragaḥ | avadhyaḥ sarvabhūtānāṃ vinā rudraṃ bhaviṣyati
Even now this youth is one who has mastered all weapons and missiles; he shall be unslayable by all beings, save Rudra.
AI translation rendered from the Sanskrit, not a published edition
PdP 6 96.30
याति यत्र समुद्भूतस्तत्रेदानीं गमिष्यति
yāti yatra samudbhūtastatredānīṃ gamiṣyati
He will now go to the very place where he arose.
AI translation rendered from the Sanskrit, not a published edition
PdP 6 96.31
नारद उवाच- इत्युक्त्वा शुक्रमाहूय राज्ये तं चाभ्यषेचयत् । आमंत्र्य सरितां नाथं ब्रह्मांतर्द्धानमन्वगात्
nārada uvāca- ityuktvā śukramāhūya rājye taṃ cābhyaṣecayat | āmaṃtrya saritāṃ nāthaṃ brahmāṃtarddhānamanvagāt
Nārada said: Having spoken thus, he summoned Śukra and consecrated him (the boy) in the kingship; then, taking leave of the lord of rivers, Brahmā vanished.
AI translation rendered from the Sanskrit, not a published edition
PdP 6 96.32
अथ तद्दर्शनोत्फुल्लनयनः सागरस्तदा । कालनेमिसुतां वृंदां तद्भार्यार्थमयाचत
atha taddarśanotphullanayanaḥ sāgarastadā | kālanemisutāṃ vṛṃdāṃ tadbhāryārthamayācata
Then the Ocean, his eyes wide open with delight at the sight of him, asked for Vṛndā, the daughter of Kālanemi, to be his wife.
AI translation rendered from the Sanskrit, not a published edition
PdP 6 96.33
ते कालनेमिप्रमुखास्ततोऽसुरास्तस्मै सुतां तां प्रददुः प्रहर्षिताः । स चापि तान्प्राप्यसुहृद्वरान्वशी शशास गां शुक्रसहायवान्बली
te kālanemipramukhāstato'surāstasmai sutāṃ tāṃ pradaduḥ praharṣitāḥ | sa cāpi tānprāpyasuhṛdvarānvaśī śaśāsa gāṃ śukrasahāyavānbalī
Then those asuras, headed by Kālanemi, greatly delighted, gave that daughter to him; and he too, having obtained them, excellent friends, self-controlled and strong, with Śukra as his helper, ruled the earth.
AI translation rendered from the Sanskrit, not a published edition