Padma Purana — Uttara Khanda — Chapter 94
PdP 6 94.1
नारद उवाच- कार्तिकव्रतिनां पुंसां नियमा ये प्रकीर्तिताः । ताञ्छृणुष्व मया राजन्कथ्यमानान्समंततः
nārada uvāca- kārtikavratināṃ puṃsāṃ niyamā ye prakīrtitāḥ | tāñchṛṇuṣva mayā rājankathyamānānsamaṃtataḥ
Nārada said: Hear, O king, the restraints that have been declared for men who keep the Kārtika vow, as they are told by me in full.
AI translation rendered from the Sanskrit, not a published edition
PdP 6 94.2
सर्वामिषाणि मांसानि क्षौद्रं सौवीरकं तथा । राजमाषादिकं चापि नैवाद्यात्कार्तिकव्रती
sarvāmiṣāṇi māṃsāni kṣaudraṃ sauvīrakaṃ tathā | rājamāṣādikaṃ cāpi naivādyātkārtikavratī
All flesh-foods and meats, honey, and sour gruel (sauvīraka), and likewise rājamāṣa beans and the like — the keeper of the Kārtika vow should not eat.
AI translation rendered from the Sanskrit, not a published edition
PdP 6 94.3
द्विदलं तिलतैलं च तथान्नमश्रुदूषितम् । भावदुष्टं शब्ददुष्टं वर्जयेत्कार्तिकव्रती
dvidalaṃ tilatailaṃ ca tathānnamaśrudūṣitam | bhāvaduṣṭaṃ śabdaduṣṭaṃ varjayetkārtikavratī
Two-lobed pulses, sesame oil, and food defiled by tears, food spoilt by (bad) intention or by (bad) speech — the keeper of the Kārtika vow should avoid.
AI translation rendered from the Sanskrit, not a published edition
PdP 6 94.4
परान्नं च परद्रोहं परदारागमं तथा । तीर्थे प्रतिगृहं नापि गृह्णीयात्कार्तिकव्रती
parānnaṃ ca paradrohaṃ paradārāgamaṃ tathā | tīrthe pratigṛhaṃ nāpi gṛhṇīyātkārtikavratī
Another's food, injury to another, and going to another's wife — and at a sacred ford the keeper of the Kārtika vow should not accept a gift either.
AI translation rendered from the Sanskrit, not a published edition
PdP 6 94.5
देवदेवद्विजानां च गुरोश्च व्रतिनस्तथा । स्त्रीराजमहतां निंदां वर्जयेत्कार्तिके व्रती
devadevadvijānāṃ ca gurośca vratinastathā | strīrājamahatāṃ niṃdāṃ varjayetkārtike vratī
The reviling of the God of gods, of brahmins, of the teacher, and likewise of one keeping a vow, of women, of kings and of great men — the observer should avoid in Kārtika.
AI translation rendered from the Sanskrit, not a published edition
PdP 6 94.6
प्राण्यंगमामिषं चूर्णं फले जंबीरमामिषम् । धान्ये मसूरिका प्रोक्ता चान्नं पर्युषितं तथा
prāṇyaṃgamāmiṣaṃ cūrṇaṃ phale jaṃbīramāmiṣam | dhānye masūrikā proktā cānnaṃ paryuṣitaṃ tathā
A limb of a living creature is flesh; among powders, and among fruits the citron is flesh; among grains lentil is said (to be flesh), and likewise food kept overnight.
AI translation rendered from the Sanskrit, not a published edition — the model flagged this verse as uncertain
PdP 6 94.7
अजागोमहिषीक्षीरादन्यदुग्धादि चामिषम् । द्विजक्रीता रसाः सर्वे लवणं भूमिजं तथा
ajāgomahiṣīkṣīrādanyadugdhādi cāmiṣam | dvijakrītā rasāḥ sarve lavaṇaṃ bhūmijaṃ tathā
Milk other than that of goat, cow and buffalo, and milk products, are flesh; all juices bought by a brahmin, and likewise salt produced from the earth.
AI translation rendered from the Sanskrit, not a published edition
PdP 6 94.8
ताम्रपात्रस्थितं गव्यं जलं पल्वलसंस्थितम् । आत्मार्थं पाचितं चान्नमामिषं तत्स्मृतं बुधैः
tāmrapātrasthitaṃ gavyaṃ jalaṃ palvalasaṃsthitam | ātmārthaṃ pācitaṃ cānnamāmiṣaṃ tatsmṛtaṃ budhaiḥ
Cow's milk (or milk-product) kept in a copper vessel, water standing in a pond, and food cooked for oneself alone — these are held by the wise to be flesh.
AI translation rendered from the Sanskrit, not a published edition
PdP 6 94.9
ब्रह्मचर्यमधः सुप्तिः पत्रावल्यां च भोजनम् । चतुर्थकाले भुंजीत कुर्यादेवं सदा व्रती
brahmacaryamadhaḥ suptiḥ patrāvalyāṃ ca bhojanam | caturthakāle bhuṃjīta kuryādevaṃ sadā vratī
Celibacy, sleeping on the ground, and eating from a leaf-plate: (the observer) should eat at the fourth (meal-)time; the votary should always act thus.
AI translation rendered from the Sanskrit, not a published edition
PdP 6 94.10
नरकस्य चतुर्दश्यां तैलाभ्यंगं च कारयेत् । अन्यत्र कार्तिकस्नायि तैलाभ्यंगं न कारयेत्
narakasya caturdaśyāṃ tailābhyaṃgaṃ ca kārayet | anyatra kārtikasnāyi tailābhyaṃgaṃ na kārayet
On the fourteenth (of the dark half, the day) of Naraka he may have himself anointed with oil; otherwise one who bathes (ritually) in Kārtika should not have himself anointed with oil.
AI translation rendered from the Sanskrit, not a published edition
PdP 6 94.11
पलांडुं लशुनं शिग्रु छत्राकं गृंजनं तथा । नालिकां मूलकं हिंगुं वर्जयेत्कार्तिकव्रती
palāṃḍuṃ laśunaṃ śigru chatrākaṃ gṛṃjanaṃ tathā | nālikāṃ mūlakaṃ hiṃguṃ varjayetkārtikavratī
Onion, garlic, drumstick (śigru), mushroom, and carrot (gṛñjana), nālikā, radish, and asafoetida — the keeper of the Kārtika vow should avoid.
AI translation rendered from the Sanskrit, not a published edition
PdP 6 94.12
अलाबुं चापि वृंताकं कूष्मांडं बृहतीफलम् । श्लेष्मातकं कपित्थं च वर्जयेद्वैष्णवव्रती
alābuṃ cāpi vṛṃtākaṃ kūṣmāṃḍaṃ bṛhatīphalam | śleṣmātakaṃ kapitthaṃ ca varjayedvaiṣṇavavratī
And also the bottle-gourd, the eggplant, the pumpkin, the bṛhatī fruit, the śleṣmātaka and the wood-apple — the keeper of the Vaiṣṇava vow should avoid.
AI translation rendered from the Sanskrit, not a published edition
PdP 6 94.13
रजस्वलांत्यज म्लेच्छ पतितव्रात्यकैः सह । द्विजातिवेदबाह्यैश्च न वदेत्कार्तिकव्रती
rajasvalāṃtyaja mleccha patitavrātyakaiḥ saha | dvijātivedabāhyaiśca na vadetkārtikavratī
With a menstruating woman, an outcaste, a barbarian, a fallen man, a vrātya, and with those outside the twice-born and outside the Veda, the keeper of the Kārtika vow should not speak.
AI translation rendered from the Sanskrit, not a published edition
PdP 6 94.14
श्वभिर्दृष्टं च काकैश्च सूतकान्नं च वर्जयेत् । द्विःपाचितं च दग्धान्नं वर्जयेत्कार्तिकव्रती
śvabhirdṛṣṭaṃ ca kākaiśca sūtakānnaṃ ca varjayet | dviḥpācitaṃ ca dagdhānnaṃ varjayetkārtikavratī
He should avoid what has been looked at by dogs and by crows, and food from a house with birth-impurity; the keeper of the Kārtika vow should avoid twice-cooked food and burnt food.
AI translation rendered from the Sanskrit, not a published edition
PdP 6 94.15
तिलाभ्यंगं तथा शय्यां परान्नं कांस्यभोजनम् । कार्तिके वर्जयेद्यस्तु परिपूर्णव्रती भवेत् । एतानि वर्जयेन्नित्यं व्रती सर्वव्रतेष्वपि । कृच्छ्राद्यं चापि कुर्वीत स्वशक्त्या विष्णुतुष्टये
tilābhyaṃgaṃ tathā śayyāṃ parānnaṃ kāṃsyabhojanam | kārtike varjayedyastu paripūrṇavratī bhavet | etāni varjayennityaṃ vratī sarvavrateṣvapi | kṛcchrādyaṃ cāpi kurvīta svaśaktyā viṣṇutuṣṭaye
Anointing with sesame oil, likewise a bed, another's food, eating from bronze — whoever avoids (these) in Kārtika becomes a votary of the fullest kind. A votary should always avoid these, in all vows too; and he should also perform the kṛcchra penance and the rest, according to his ability, for Viṣṇu's satisfaction.
AI translation rendered from the Sanskrit, not a published edition
PdP 6 94.16
क्रमात्कूष्मांड वृंताकं बृहती मूलकं तथा । श्रीफलं च कलिंगं च फलं धात्रीभवं तथा
kramātkūṣmāṃḍa vṛṃtākaṃ bṛhatī mūlakaṃ tathā | śrīphalaṃ ca kaliṃgaṃ ca phalaṃ dhātrībhavaṃ tathā
In order: pumpkin, eggplant, bṛhatī, and radish, and the bilva fruit, and the watermelon, and likewise the fruit borne of the āmalakī tree,
AI translation rendered from the Sanskrit, not a published edition
PdP 6 94.17
नारिकेरं महालाबुं पटोलं बदरीफलम् । चर्म वैकतकं चापि बिसं वै कट्फलं तथा
nārikeraṃ mahālābuṃ paṭolaṃ badarīphalam | carma vaikatakaṃ cāpi bisaṃ vai kaṭphalaṃ tathā
coconut, the great gourd, the paṭola, the jujube fruit, carma and also vaikataka, and the lotus-stalk, and likewise kaṭphala —
AI translation rendered from the Sanskrit, not a published edition — the model flagged this verse as uncertain
PdP 6 94.18
शाकान्येतानि वर्ज्यानि क्रमात्प्रतिपदादिषु । धात्रीफलं रवौ तद्वद्वर्जयेत्सर्वदा गृही
śākānyetāni varjyāni kramātpratipadādiṣu | dhātrīphalaṃ ravau tadvadvarjayetsarvadā gṛhī
these vegetables are to be avoided in order on the first lunar day and the following ones; and likewise a householder should always avoid the āmalaka fruit on a Sunday.
AI translation rendered from the Sanskrit, not a published edition
PdP 6 94.19
एभ्योऽपि वर्जयेत्किंचिद्यद्विष्णुप्रीतये नरः । तत्पुनर्ब्राह्मणे दत्त्वा भक्षयेत्सर्वदैव हि
ebhyo'pi varjayetkiṃcidyadviṣṇuprītaye naraḥ | tatpunarbrāhmaṇe dattvā bhakṣayetsarvadaiva hi
From among these too a man should give up something for Viṣṇu's pleasure; and that he may eat only after first giving it to a brāhmaṇa, always.
AI translation rendered from the Sanskrit, not a published edition
PdP 6 94.20
एवमेव हि माघेऽपि कुर्याद्वै नियमान्व्रती । हरिजागरणं तत्र विधिप्रोक्तं च कारयेत्
evameva hi māghe'pi kuryādvai niyamānvratī | harijāgaraṇaṃ tatra vidhiproktaṃ ca kārayet
Just in this way the votary should observe the restraints in Māgha as well; and there he should keep the night-vigil for Hari, as declared by the rule.
AI translation rendered from the Sanskrit, not a published edition
PdP 6 94.21
यथोक्तकारिणं दृष्ट्वा कार्तिकव्रतिनं नरम् । यमदूताः पलायंते गजाः सिंहार्दिता यथा
yathoktakāriṇaṃ dṛṣṭvā kārtikavratinaṃ naram | yamadūtāḥ palāyaṃte gajāḥ siṃhārditā yathā
Seeing a man keeping the Kārtika vow, who acts as has been said, Yama's messengers flee, as elephants tormented by a lion.
AI translation rendered from the Sanskrit, not a published edition
PdP 6 94.22
वरं विष्णुव्रतं ह्येतदथ यज्ञशताधिकम् । यज्ञकृत्प्राप्नुयात्स्वर्गं वैकुंठं कार्तिकव्रती
varaṃ viṣṇuvrataṃ hyetadatha yajñaśatādhikam | yajñakṛtprāpnuyātsvargaṃ vaikuṃṭhaṃ kārtikavratī
This vow of Viṣṇu is superior, indeed greater than a hundred sacrifices: the sacrificer would attain heaven, but the keeper of the Kārtika vow, Vaikuṇṭha.
AI translation rendered from the Sanskrit, not a published edition
PdP 6 94.23
भुक्तिमुक्तिप्रदानीह यानि क्षेत्राणि भूतले । वसंति तानि तद्गेहे कार्तिक्रव्रतकारिणः
bhuktimuktipradānīha yāni kṣetrāṇi bhūtale | vasaṃti tāni tadgehe kārtikravratakāriṇaḥ
Whatever holy places on the face of the earth bestow enjoyment and liberation, they dwell in the house of that man who performs the Kārtika vow.
AI translation rendered from the Sanskrit, not a published edition
PdP 6 94.24
दुःस्वप्न्नं दुष्कृतं किंचिन्मनोवाक्कायकर्मजम् । कार्त्तिकव्रतिनं दृष्ट्वा विलयं यांति तत्क्षणात्
duḥsvapnnaṃ duṣkṛtaṃ kiṃcinmanovākkāyakarmajam | kārttikavratinaṃ dṛṣṭvā vilayaṃ yāṃti tatkṣaṇāt
A bad dream, any ill deed done, arising from the act of mind, speech, or body — on seeing the keeper of the Kārtika vow, they go to dissolution that very instant.
AI translation rendered from the Sanskrit, not a published edition
PdP 6 94.25
कार्त्तिकव्रतिनः पुंसो विष्णुवाक्यप्रणोदिताः । रक्षां कुर्वंति शक्राद्या राज्ञो वै किंकरा यथा
kārttikavratinaḥ puṃso viṣṇuvākyapraṇoditāḥ | rakṣāṃ kurvaṃti śakrādyā rājño vai kiṃkarā yathā
Urged on by Viṣṇu's word, Śakra and the other (gods) provide protection to a man who keeps the Kārtika vow, just like the servants of a king.
AI translation rendered from the Sanskrit, not a published edition
PdP 6 94.26
विष्णुव्रतकरा नित्यं यत्र तिष्ठंति पूजिताः । ग्रहभूतपिशाचाद्या नैव तिष्ठंति तत्र वै
viṣṇuvratakarā nityaṃ yatra tiṣṭhaṃti pūjitāḥ | grahabhūtapiśācādyā naiva tiṣṭhaṃti tatra vai
Wherever those who perform the vow of Viṣṇu abide, honoured, there indeed grahas, bhūtas, piśācas and the rest do not abide at all.
AI translation rendered from the Sanskrit, not a published edition
PdP 6 94.27
कार्त्तिकव्रतिनः पुण्यं यथोक्तव्रतकारिणः । न समर्थो भवेद्वक्तुं ब्रह्मापीह चतुर्मुखः
kārttikavratinaḥ puṇyaṃ yathoktavratakāriṇaḥ | na samartho bhavedvaktuṃ brahmāpīha caturmukhaḥ
The merit of one who keeps the Kārtika vow, who performs the vow as has been said — even four-faced Brahmā here would not be able to tell it.
AI translation rendered from the Sanskrit, not a published edition
PdP 6 94.28
विष्णुप्रियं सकलकल्मषनाशनं च सर्वत्र पुत्रधनधान्यसमृद्धिकारि । ऊर्जे व्रतं सनियमं कुरुते मनुष्यः किं तस्य तीर्थपरिशीलन सेवया च
viṣṇupriyaṃ sakalakalmaṣanāśanaṃ ca sarvatra putradhanadhānyasamṛddhikāri | ūrje vrataṃ saniyamaṃ kurute manuṣyaḥ kiṃ tasya tīrthapariśīlana sevayā ca
Dear to Viṣṇu, destroying every stain, and everywhere bringing abundance of sons, wealth and grain — when a man performs the vow with its restraints in (the month of) Ūrja, what (need) has he of visiting holy places and of serving (them)?
AI translation rendered from the Sanskrit, not a published edition