Padma Purana — Uttara Khanda — Chapter 86
PdP 6 86.1
महादेव उवाच- श्रावणे मासि संप्राप्ते पवित्रारोपणो विधिः । यस्मिन्कृते तु देवेशि दिव्यभक्तिः प्रजायते
mahādeva uvāca- śrāvaṇe māsi saṃprāpte pavitrāropaṇo vidhiḥ | yasminkṛte tu deveśi divyabhaktiḥ prajāyate
Mahādeva said: When the month of Śrāvaṇa has come, (there is) the rite of the placing of the sacred thread, by the performance of which, O mistress of the gods, divine devotion arises.
AI translation rendered from the Sanskrit, not a published edition
PdP 6 86.2
पवित्रारोपणं विष्णोः कर्तव्यं श्रद्धया बुधैः । संपूर्णा जायते तस्य पूजा पार्वति वार्षिकी
pavitrāropaṇaṃ viṣṇoḥ kartavyaṃ śraddhayā budhaiḥ | saṃpūrṇā jāyate tasya pūjā pārvati vārṣikī
The placing of the sacred thread on Viṣṇu should be done with faith by the wise; thereby his yearly worship, Pārvatī, becomes complete.
AI translation rendered from the Sanskrit, not a published edition
PdP 6 86.3
पवित्रारोपणे विष्णोर्जायते सुखमात्मनः । संपूजिते सदा विष्णौ नानासुखमवाप्नुयात्
pavitrāropaṇe viṣṇorjāyate sukhamātmanaḥ | saṃpūjite sadā viṣṇau nānāsukhamavāpnuyāt
When the sacred thread is placed on Viṣṇu, happiness of the self arises; when Viṣṇu is well worshipped, one would always obtain manifold happiness.
AI translation rendered from the Sanskrit, not a published edition
PdP 6 86.4
सूत्रं वाससमानीय ब्राह्मण्या कर्तितं तथा । स्वेनैव कर्तितं सूत्रं तेनैव च प्रकारयेत्
sūtraṃ vāsasamānīya brāhmaṇyā kartitaṃ tathā | svenaiva kartitaṃ sūtraṃ tenaiva ca prakārayet
Having brought thread from a dwelling, spun likewise by a brahmin woman, or thread spun by oneself—with that very (thread) one should perform (the rite).
AI translation rendered from the Sanskrit, not a published edition — the model flagged this verse as uncertain
PdP 6 86.5
सच्छूद्र्या कर्तितं सूत्रं तद्ग्राह्यं वा तथैव च । अन्यथा विक्रयेणापि ग्राह्यं चापि यथातथम्
sacchūdryā kartitaṃ sūtraṃ tadgrāhyaṃ vā tathaiva ca | anyathā vikrayeṇāpi grāhyaṃ cāpi yathātatham
Thread spun by a virtuous Śūdra woman may likewise be accepted; otherwise it may also be acquired by purchase, in due fashion.
AI translation rendered from the Sanskrit, not a published edition
PdP 6 86.6
क्षौमेनैव प्रकर्तव्यः पवित्रारोपणो विधिः । रूप्येण वा तथा कार्यं पवित्रं विष्णुदैवतम्
kṣaumenaiva prakartavyaḥ pavitrāropaṇo vidhiḥ | rūpyeṇa vā tathā kāryaṃ pavitraṃ viṣṇudaivatam
The rite of placing the sacred thread should be performed with linen; or else the sacred thread with Viṣṇu as its deity may be made of silver.
AI translation rendered from the Sanskrit, not a published edition
PdP 6 86.7
सौवर्णेनापि देवेशि कर्तव्यं विधिपूर्वकम् । अभावे सर्वधातूनां ग्राह्यं सूत्रं तथा बुधैः
sauvarṇenāpi deveśi kartavyaṃ vidhipūrvakam | abhāve sarvadhātūnāṃ grāhyaṃ sūtraṃ tathā budhaiḥ
It should also be made of gold, O mistress of the gods, according to the rule; in the absence of all the metals, thread should accordingly be taken by the wise.
AI translation rendered from the Sanskrit, not a published edition
PdP 6 86.8
कृत्वा तु त्रिवृतं सूत्रं प्रक्षाल्यमुदकेन तु । लिंगे लिंगप्रमाणं च प्रतिमायां यथाविधिः
kṛtvā tu trivṛtaṃ sūtraṃ prakṣālyamudakena tu | liṃge liṃgapramāṇaṃ ca pratimāyāṃ yathāvidhiḥ
Having made the thread threefold and washed it with water, (its measure is) on a liṅga the measure of the liṅga, and on an image according to the rule.
AI translation rendered from the Sanskrit, not a published edition
PdP 6 86.9
पादौ वै जानुपर्यंतं तथा नाभिसमं स्मृतम् । ज्येष्ठं मध्यं कनिष्ठं च पवित्रं कारयेद्बुधः
pādau vai jānuparyaṃtaṃ tathā nābhisamaṃ smṛtam | jyeṣṭhaṃ madhyaṃ kaniṣṭhaṃ ca pavitraṃ kārayedbudhaḥ
(Reaching) the feet, or as far as the knees, or level with the navel—so it is remembered; the wise man should make the sacred thread of the highest, middling, or lowest (measure).
AI translation rendered from the Sanskrit, not a published edition
PdP 6 86.10
संवत्सरदिनैस्तद्वत्तदर्द्धार्द्धेन संख्यया । सूत्रेणैव प्रकर्त्तव्यं ग्रंथिनाष्टोत्तरं शतम्
saṃvatsaradinaistadvattadarddhārddhena saṃkhyayā | sūtreṇaiva prakarttavyaṃ graṃthināṣṭottaraṃ śatam
Likewise by the number of the days of the year, or by half of that, or half of that again; with thread one should make one hundred and eight knots.
AI translation rendered from the Sanskrit, not a published edition
PdP 6 86.11
तदर्द्धसंख्यकेनापि युक्तं वा तत्र पार्वति । लिंगे वै लिंगसंज्ञं तु गंगानागैश्च संयुतम्
tadarddhasaṃkhyakenāpi yuktaṃ vā tatra pārvati | liṃge vai liṃgasaṃjñaṃ tu gaṃgānāgaiśca saṃyutam
Or it may there be provided with half that number, Pārvatī; on a liṅga (the sacred thread) is called the liṅga (thread), joined with Gaṅgā and the Nāgas.
AI translation rendered from the Sanskrit, not a published edition — the model flagged this verse as uncertain
PdP 6 86.12
प्रतिमायां तथा देवि पवित्रं वनमालकम् । यथाशोभा तथा कार्यं येन विष्णुः प्रसीदति
pratimāyāṃ tathā devi pavitraṃ vanamālakam | yathāśobhā tathā kāryaṃ yena viṣṇuḥ prasīdati
On an image, likewise, O goddess, the sacred thread is a forest-garland (vanamālaka); it should be made so as to be beautiful, by which Viṣṇu is pleased.
AI translation rendered from the Sanskrit, not a published edition
PdP 6 86.13
एकं वै सुपवित्रं तु गंधाख्यं कारयेत्सदा । तंतुना यच्च संयुक्तं कर्त्तव्यं वैष्णवैर्नरैः
ekaṃ vai supavitraṃ tu gaṃdhākhyaṃ kārayetsadā | taṃtunā yacca saṃyuktaṃ karttavyaṃ vaiṣṇavairnaraiḥ
One especially pure (thread), called the fragrance (thread), one should always have made; and whatever is joined with the strand is to be made by Vaiṣṇava men.
AI translation rendered from the Sanskrit, not a published edition — the model flagged this verse as uncertain
PdP 6 86.14
देवानां च तथा प्रोक्तं पवित्रं विष्णुदैवतम् । अंबरीषाद्या भक्ताश्च अन्येऽपि च ध्रुवादयः
devānāṃ ca tathā proktaṃ pavitraṃ viṣṇudaivatam | aṃbarīṣādyā bhaktāśca anye'pi ca dhruvādayaḥ
And likewise a sacred thread (pavitra) is prescribed for the gods, having Viṣṇu as its deity; and (for) devotees such as Ambarīṣa and also others such as Dhruva.
AI translation rendered from the Sanskrit, not a published edition — the model flagged this verse as uncertain
PdP 6 86.15
पवित्राणि ततः पश्चाद्दातव्यानीह पार्वति । प्रतिपद्धनदस्योक्ता पवित्रारोपणे तिथिः
pavitrāṇi tataḥ paścāddātavyānīha pārvati | pratipaddhanadasyoktā pavitrāropaṇe tithiḥ
Thereafter, O Pārvatī, the sacred threads should be given here. The first lunar day is said to belong to the giver of wealth (Kubera), (and is) a suitable date for the fastening of the pavitra.
AI translation rendered from the Sanskrit, not a published edition — the model flagged this verse as uncertain
PdP 6 86.16
लक्ष्म्या देव्या द्वितीया तु तिथीनामुत्तमा तिथिः । तृतीया तु तव प्रोक्ता चतुर्थी गणपस्य च
lakṣmyā devyā dvitīyā tu tithīnāmuttamā tithiḥ | tṛtīyā tu tava proktā caturthī gaṇapasya ca
But the second lunar day is Lakṣmī the goddess's, the best of the lunar days; the third is declared to be yours, and the fourth Gaṇapati's.
AI translation rendered from the Sanskrit, not a published edition
PdP 6 86.17
पंचमी चंद्रमसश्चैव षष्ठी वै कार्त्तिकस्य च । सप्तमी च रवेः प्रोक्ता दुर्गायाश्चाष्टमी स्मृता
paṃcamī caṃdramasaścaiva ṣaṣṭhī vai kārttikasya ca | saptamī ca raveḥ proktā durgāyāścāṣṭamī smṛtā
The fifth is the moon's, and the sixth indeed Kārttikeya's; the seventh is said to be the sun's, and the eighth is held to be Durgā's.
AI translation rendered from the Sanskrit, not a published edition
PdP 6 86.18
नवमी चैव मातॄणां यमस्य दशमी तथा । एकादशी तु सर्वेषां द्वादशी माधवस्य च
navamī caiva mātṝṇāṃ yamasya daśamī tathā | ekādaśī tu sarveṣāṃ dvādaśī mādhavasya ca
And the ninth is the Mothers', and likewise the tenth Yama's; the eleventh belongs to all, and the twelfth to Mādhava.
AI translation rendered from the Sanskrit, not a published edition
PdP 6 86.19
त्रयोदशी तु कामस्य शर्वस्योक्ता चतुर्दशी । तद्वत्पंचदशी ख्याता धातुर्वै ह्यर्चने पुनः
trayodaśī tu kāmasya śarvasyoktā caturdaśī | tadvatpaṃcadaśī khyātā dhāturvai hyarcane punaḥ
But the thirteenth is Kāma's, and the fourteenth is said to be Śarva's; likewise the fifteenth is declared to be the Creator's, again in worship.
AI translation rendered from the Sanskrit, not a published edition
PdP 6 86.20
एता वै तिथयः प्रोक्ताः पवित्रारोपणोचिताः । कनिष्ठे द्वादश प्रोक्ता मध्यमे द्विगुणा स्मृताः
etā vai tithayaḥ proktāḥ pavitrāropaṇocitāḥ | kaniṣṭhe dvādaśa proktā madhyame dviguṇā smṛtāḥ
These, indeed, are the lunar days declared fit for the fastening of the pavitra. For the lowest (grade) twelve (threads) are prescribed; for the middling, twice that number is held.
AI translation rendered from the Sanskrit, not a published edition
PdP 6 86.21
त्रिगुणाश्चोत्तमे चैव ग्रंथयश्च पवित्रके । कर्पूरकेसराभ्यां वा चंदनेन हरिद्रया
triguṇāścottame caiva graṃthayaśca pavitrake | karpūrakesarābhyāṃ vā caṃdanena haridrayā
And for the highest, three times as many; and (so too) the knots in the pavitra — (dyed) with camphor and saffron, or with sandal, or with turmeric.
AI translation rendered from the Sanskrit, not a published edition
PdP 6 86.22
रंजयित्वा तु तत्सर्वं स्थाप्यं नवकरंडके । देवस्य यजनं यत्र स्थाप्यानि देववत्तदा
raṃjayitvā tu tatsarvaṃ sthāpyaṃ navakaraṃḍake | devasya yajanaṃ yatra sthāpyāni devavattadā
Having dyed all that, it should be placed in a new basket; where the worship of the god (takes place), there they are to be set down as (one sets down) the god.
AI translation rendered from the Sanskrit, not a published edition — the model flagged this verse as uncertain
PdP 6 86.23
आदौ देवार्चनं कृत्वा वासनं सपवित्रकम् । अधिवासिते पवित्रे तु ततो वै पूजनं स्मृतम्
ādau devārcanaṃ kṛtvā vāsanaṃ sapavitrakam | adhivāsite pavitre tu tato vai pūjanaṃ smṛtam
First, having performed the worship of the god, (there is) the placing to rest (of the god) together with the pavitra; and when the pavitra has been thus deposited, thereafter worship is prescribed.
AI translation rendered from the Sanskrit, not a published edition — the model flagged this verse as uncertain
PdP 6 86.24
पवित्रेषु च यद्देवास्तेषां निकटमाचरेत् । ब्रह्माविष्णुस्तथा रुद्रस्त्रयो वै सूत्रदेवताः
pavitreṣu ca yaddevāsteṣāṃ nikaṭamācaret | brahmāviṣṇustathā rudrastrayo vai sūtradevatāḥ
And whatever gods are in the pavitras, one should proceed close to them: Brahmā, Viṣṇu and Rudra are indeed the three deities of the thread.
AI translation rendered from the Sanskrit, not a published edition
PdP 6 86.25
क्रिया च पौरुषी वीरा चतुर्थी चापराजिता । जया च विजया चैव मुक्तिदा च सदाशिवा
kriyā ca pauruṣī vīrā caturthī cāparājitā | jayā ca vijayā caiva muktidā ca sadāśivā
Kriyā, Pauruṣī, Vīrā, and Aparājitā as the fourth, and Jayā and Vijayā, and Muktidā, and Sadāśivā,
AI translation rendered from the Sanskrit, not a published edition
PdP 6 86.26
मनोन्मनी तु नवमी दशमी सर्वतोमुखी । ग्रंथीनां देवताश्चैव सूत्रेषु विनिवेशयेत्
manonmanī tu navamī daśamī sarvatomukhī | graṃthīnāṃ devatāścaiva sūtreṣu viniveśayet
and Manonmanī as the ninth, and Sarvatomukhī as the tenth — these are the deities of the knots, and one should install them in the threads.
AI translation rendered from the Sanskrit, not a published edition
PdP 6 86.27
आवाहनमुद्रया वै शास्त्रोक्तविधिना ततः । आवाह्य तत्र ताः सम्यक्संनिधीकरणं स्मृतम्
āvāhanamudrayā vai śāstroktavidhinā tataḥ | āvāhya tatra tāḥ samyaksaṃnidhīkaraṇaṃ smṛtam
Then, by the invocation-gesture (mudrā), according to the rule stated in the scriptures, having invoked them there properly, the making-present (of them) is prescribed.
AI translation rendered from the Sanskrit, not a published edition
PdP 6 86.28
संनिधीकरणमुद्रया संनिधीकरणम् । रक्ष्यामुद्रया संरक्ष्य धेनुमुद्रया अमृतीकृत्य । आनीय देवस्याग्रे कलशोदकं गृहीत्वा । आगमोक्तेन मंत्रेण प्रोक्षणं विधाय क्लीं कृष्णाय इति मंत्रेण प्रोक्षणं गंधधूपदीप। नैवेद्यादिकं दत्त्वा तांबूलादिकं दत्त्वा षोडशोपचारादिना पवित्रदेवता। अभ्यर्च्य गंधपवित्रं धूपितं कृत्वा देवाभिमुखः सन् । नमस्कारमुद्रया देवं अभिमंत्रयीत । आमंत्रितो महादेव सार्द्धं देव्या गणादिभिः । मंत्रैर्वा लोकपालैश्च सहितः परिवारकैः
saṃnidhīkaraṇamudrayā saṃnidhīkaraṇam | rakṣyāmudrayā saṃrakṣya dhenumudrayā amṛtīkṛtya | ānīya devasyāgre kalaśodakaṃ gṛhītvā | āgamoktena maṃtreṇa prokṣaṇaṃ vidhāya klīṃ kṛṣṇāya iti maṃtreṇa prokṣaṇaṃ gaṃdhadhūpadīpa| naivedyādikaṃ dattvā tāṃbūlādikaṃ dattvā ṣoḍaśopacārādinā pavitradevatā| abhyarcya gaṃdhapavitraṃ dhūpitaṃ kṛtvā devābhimukhaḥ san | namaskāramudrayā devaṃ abhimaṃtrayīta | āmaṃtrito mahādeva sārddhaṃ devyā gaṇādibhiḥ | maṃtrairvā lokapālaiśca sahitaḥ parivārakaiḥ
The making-present (is done) with the saṃnidhīkaraṇa mudrā; having guarded (them) with the rakṣā mudrā and made (them) nectar-like with the dhenu mudrā; having brought and taken up the pitcher-water before the god; having performed the sprinkling with the mantra stated in the Āgama, (and) the sprinkling with the mantra "klīṃ to Kṛṣṇa"; having offered scent, incense, lamp, food-offering and the rest, having offered betel and the rest, having worshipped the deities of the pavitra with the sixteen services and so on, having made the scented pavitra fumigated with incense, and facing the god, he should address the god with the mudrā of salutation (thus): "You are invited, O Mahādeva, together with the Goddess, with the Gaṇas and the rest, or with the mantras and the world-guardians, along with your attendants."
AI translation rendered from the Sanskrit, not a published edition
PdP 6 86.29
आगच्छ भगवन्विष्णो विधिसंपूर्णहेतवे । प्रातस्त्वत्पूजनं कुर्मः सान्निध्यं नियतं कुरु
āgaccha bhagavanviṣṇo vidhisaṃpūrṇahetave | prātastvatpūjanaṃ kurmaḥ sānnidhyaṃ niyataṃ kuru
"Come, O Lord Viṣṇu, for the sake of the completion of the rite; in the morning we perform your worship — make your presence assured."
AI translation rendered from the Sanskrit, not a published edition
PdP 6 86.30
तद्गंधं च पवित्रं च देवस्य राघवस्य च । श्रीविष्णोश्चरणे तत्नि क्षिप्य प्रातः । स्वक्रियां विधाय पुण्याहस्वस्तिवाचन जयजय शब्दैर्घंटादि वादित्र। निर्घोषतूर्यादिशब्दैः पवित्रैः पूजां कुर्यात् । ततः प्रथमं ज्येष्ठं ततो मध्यमं कनिष्ठं च । एभिः सर्वैर्यथाक्रमेण पूजां कुर्यात् । ॐवासुदेवाय विद्महे विष्णुदेवाय धीमहि । तन्नो देवः प्रचोदयात् । इति पवित्रदानं अथवा स्वमंत्रैः । ततो वै महतीं पूजां विष्णोः कुर्यात्प्रसादिनीम् । यया वै कृतया देवि विष्णुरात्मा प्रसीदति
tadgaṃdhaṃ ca pavitraṃ ca devasya rāghavasya ca | śrīviṣṇoścaraṇe tatni kṣipya prātaḥ | svakriyāṃ vidhāya puṇyāhasvastivācana jayajaya śabdairghaṃṭādi vāditra| nirghoṣatūryādiśabdaiḥ pavitraiḥ pūjāṃ kuryāt | tataḥ prathamaṃ jyeṣṭhaṃ tato madhyamaṃ kaniṣṭhaṃ ca | ebhiḥ sarvairyathākrameṇa pūjāṃ kuryāt | oṃvāsudevāya vidmahe viṣṇudevāya dhīmahi | tanno devaḥ pracodayāt | iti pavitradānaṃ athavā svamaṃtraiḥ | tato vai mahatīṃ pūjāṃ viṣṇoḥ kuryātprasādinīm | yayā vai kṛtayā devi viṣṇurātmā prasīdati
And that scent and the pavitra of the god, of Rāghava — having cast them there at the feet of Śrī Viṣṇu, in the morning; having performed his own rite, with the proclamation of the auspicious day and the benediction, with cries of "victory, victory," with the sounds of bells and other instruments, with the blare of trumpets and the like, he should perform the worship with the pavitras. Then first the largest, then the middling, and the smallest: with all these he should perform the worship in due order. "Oṃ, we know Vāsudeva, we meditate on the god Viṣṇu; may that god impel us." With this (mantra), the offering of the pavitra — or else with one's own mantras. Then indeed he should perform the great, gratifying worship of Viṣṇu, by the performance of which, O Goddess, Viṣṇu the Self is pleased.
AI translation rendered from the Sanskrit, not a published edition — the model flagged this verse as uncertain
PdP 6 86.31
समंताद्दीपमाला च कत्तर्व्या च विधानतः । चतुर्विधं तथा चान्नं नैवेद्यं कारयेद्बुधः
samaṃtāddīpamālā ca kattarvyā ca vidhānataḥ | caturvidhaṃ tathā cānnaṃ naivedyaṃ kārayedbudhaḥ
And a row of lamps should be made all around according to the prescription; and the wise man should have food of four kinds made as the offering.
AI translation rendered from the Sanskrit, not a published edition
PdP 6 86.32
पवित्राणि ततो दद्यात्पूजितानि तु शोभने । भक्त्या चैव विशेषेण श्रीगुरुं पूजयेत्ततः
pavitrāṇi tato dadyātpūjitāni tu śobhane | bhaktyā caiva viśeṣeṇa śrīguruṃ pūjayettataḥ
Then, O lovely one, he should present the pavitras that have been worshipped; and with devotion he should then worship the revered guru in particular.
AI translation rendered from the Sanskrit, not a published edition
PdP 6 86.33
वस्त्रालंकारविधिना पूजनीयो गुरुर्महान् । पूजयित्वा गुरुं तत्र पवित्रं धारयेत्ततः
vastrālaṃkāravidhinā pūjanīyo gururmahān | pūjayitvā guruṃ tatra pavitraṃ dhārayettataḥ
The great guru is to be worshipped with the prescribed offering of garments and ornaments; having worshipped the guru there, he should then put on the pavitra.
AI translation rendered from the Sanskrit, not a published edition
PdP 6 86.34
अथ ये वैष्णवाः संति तेभ्यस्तांबूलादिकं दत्त्वा पूर्णाहुतिमग्नये दत्त्वा श्रीनिवासाय श्रीकृष्णाय कर्म निवेदयेत् । मंत्रहीनं क्रियाहीनं भक्तिहीनं तु केशव । यत्पूजितो मया सम्यक्संपूर्णं यातु मे ध्रुवम्
atha ye vaiṣṇavāḥ saṃti tebhyastāṃbūlādikaṃ dattvā pūrṇāhutimagnaye dattvā śrīnivāsāya śrīkṛṣṇāya karma nivedayet | maṃtrahīnaṃ kriyāhīnaṃ bhaktihīnaṃ tu keśava | yatpūjito mayā samyaksaṃpūrṇaṃ yātu me dhruvam
Then, to those who are Vaiṣṇavas he should give betel and the rest, and having offered the final oblation (pūrṇāhuti) into the fire, he should dedicate the rite to Śrīnivāsa, to Śrī Kṛṣṇa: "O Keśava, though it be lacking in mantras, lacking in ritual acts, lacking in devotion — the worship performed by me, may it surely become fully complete for me."
AI translation rendered from the Sanskrit, not a published edition
PdP 6 86.35
तत उद्वास्य इष्टबंधुभिस्तथा वैष्णवैर्विप्रैर्वा सहितः सन्मृष्टमन्नं स्वयं भुंजीत । एतत्पूजनकं दिव्यं ये शृण्वंति द्विजोत्तमाः । सर्वपापविनिर्मुक्ता यांति विष्णोः परं पदम्
tata udvāsya iṣṭabaṃdhubhistathā vaiṣṇavairviprairvā sahitaḥ sanmṛṣṭamannaṃ svayaṃ bhuṃjīta | etatpūjanakaṃ divyaṃ ye śṛṇvaṃti dvijottamāḥ | sarvapāpavinirmuktā yāṃti viṣṇoḥ paraṃ padam
Then, after dismissing (the deity), together with dear kinsmen and likewise with Vaiṣṇavas or brahmins, he should himself eat good, clean food. Those best of twice-born who hear of this divine worship, freed from all sins, go to the supreme abode of Viṣṇu.
AI translation rendered from the Sanskrit, not a published edition
PdP 6 86.36
यावत्तपति वै चंद्रो यावत्तपति वै रविः । पवित्रारोपकस्तद्वत्तप्यते नात्र संशयः
yāvattapati vai caṃdro yāvattapati vai raviḥ | pavitrāropakastadvattapyate nātra saṃśayaḥ
As long as indeed the moon gives light, as long as indeed the sun gives light, so long does the one who performs the pavitra-offering shine; there is no doubt here.
AI translation rendered from the Sanskrit, not a published edition
PdP 6 86.37
पृथिव्यां यानि दानानि नियमाश्च तथा पुनः । सर्वे वै पूर्णतां यांति पवित्रारोपणे कृते
pṛthivyāṃ yāni dānāni niyamāśca tathā punaḥ | sarve vai pūrṇatāṃ yāṃti pavitrāropaṇe kṛte
Whatever gifts there are on earth, and likewise the observances too — all indeed attain fullness when the pavitra-offering has been performed.
AI translation rendered from the Sanskrit, not a published edition
PdP 6 86.38
उत्सवानां च राजायं पवित्रारोपणो विधिः । ब्रह्महा शुध्यते तत्र नात्र कार्या विचारणा
utsavānāṃ ca rājāyaṃ pavitrāropaṇo vidhiḥ | brahmahā śudhyate tatra nātra kāryā vicāraṇā
And this rite of the pavitra-offering is the king of festivals; thereby even a brahmin-slayer is purified — no deliberation is to be made about this.
AI translation rendered from the Sanskrit, not a published edition
PdP 6 86.39
सत्यं सत्यं पुनः सत्यं यदुक्तं नगनंदिनि । पवित्रारोपणे पुण्यं दर्शने तु तथा स्मृतम्
satyaṃ satyaṃ punaḥ satyaṃ yaduktaṃ naganaṃdini | pavitrāropaṇe puṇyaṃ darśane tu tathā smṛtam
It is true, true, again true, what has been said, O daughter of the mountain: the merit in the pavitra-offering is likewise declared to be in the mere seeing of it.
AI translation rendered from the Sanskrit, not a published edition
PdP 6 86.40
शूद्रैर्वाथ महाभागे पवित्रारोपणो विधिः । कृतो यैर्भक्तिभावेन ते वै धन्यतमाः स्मृताः
śūdrairvātha mahābhāge pavitrāropaṇo vidhiḥ | kṛto yairbhaktibhāvena te vai dhanyatamāḥ smṛtāḥ
Or even by śūdras, O greatly fortunate one, the rite of the pavitra-offering (may be done); those by whom it has been done with a feeling of devotion are indeed declared most blessed.
AI translation rendered from the Sanskrit, not a published edition
PdP 6 86.41
धन्योऽहं कृतकृत्योऽहं सौभाग्यो धरणीतले । मया तु या कृता भक्तिर्वैष्णवी मुक्तिदायिनी
dhanyo'haṃ kṛtakṛtyo'haṃ saubhāgyo dharaṇītale | mayā tu yā kṛtā bhaktirvaiṣṇavī muktidāyinī
(He thinks:) "I am blessed, I have accomplished my purpose, I am fortunate on the face of the earth, since the devotion to Viṣṇu, the giver of liberation, has been performed by me."
AI translation rendered from the Sanskrit, not a published edition