Padma Purana — Uttara Khanda — Chapter 84
PdP 6 84.1
महादेव उवाच- अस्मिन्वै चैत्रमासे तु कार्यो दमनकोत्सवः । द्वादश्यां तु तथा सम्यग्विधिः कार्यो विशेषतः
mahādeva uvāca- asminvai caitramāse tu kāryo damanakotsavaḥ | dvādaśyāṃ tu tathā samyagvidhiḥ kāryo viśeṣataḥ
Mahādeva said: In this month of Caitra the Damanaka festival is to be held, and on the twelfth day the rite is to be performed properly and with particular care,
AI translation rendered from the Sanskrit, not a published edition
PdP 6 84.2
वैष्णवैः श्रद्धया पुण्यो जनतानंदवर्द्धनः । देवानंदसमुद्भूता दिव्या दमनमंजरी
vaiṣṇavaiḥ śraddhayā puṇyo janatānaṃdavarddhanaḥ | devānaṃdasamudbhūtā divyā damanamaṃjarī
by Vaiṣṇavas with faith — (a festival) meritorious, increasing the joy of the people. The divine damana-blossom, arisen from the joy of the gods,
AI translation rendered from the Sanskrit, not a published edition
PdP 6 84.3
निवेद्या वैष्णवैर्भक्तैः सर्वपूजाफलेप्सुभिः । चैत्रे तु शुक्लपक्षे तु द्वादश्यां नगनंदिनि
nivedyā vaiṣṇavairbhaktaiḥ sarvapūjāphalepsubhiḥ | caitre tu śuklapakṣe tu dvādaśyāṃ naganaṃdini
is to be offered by devoted Vaiṣṇavas who desire the fruit of all worship. And in Caitra, in the bright fortnight, on the twelfth, O Daughter of the Mountain,
AI translation rendered from the Sanskrit, not a published edition
PdP 6 84.4
कारयेत्परया भक्त्या महोत्सवमनास्तथा । तत्रादौ च स्वयं गत्वा आरामं प्रति चानघे
kārayetparayā bhaktyā mahotsavamanāstathā | tatrādau ca svayaṃ gatvā ārāmaṃ prati cānaghe
one should have (it) performed with supreme devotion, with a mind set on the great festival; and there, at the beginning, going oneself to the garden, O sinless one,
AI translation rendered from the Sanskrit, not a published edition
PdP 6 84.5
गुर्वाज्ञया प्रकर्त्तव्यं पूजनं रतिना सह । कामदेव नमस्तेऽस्तु विश्वमोहनकारक
gurvājñayā prakarttavyaṃ pūjanaṃ ratinā saha | kāmadeva namaste'stu viśvamohanakāraka
the worship, together with Rati, is to be performed by the teacher's command: "Kāmadeva, homage be to you, causer of the bewitching of the universe;
AI translation rendered from the Sanskrit, not a published edition
PdP 6 84.6
विष्णोरर्थे विचेष्यामि कृपां कुरु ममोपरि । गीतवादित्रनिर्घोषैरानेतव्यो गृहं प्रति
viṣṇorarthe viceṣyāmi kṛpāṃ kuru mamopari | gītavāditranirghoṣairānetavyo gṛhaṃ prati
for Viṣṇu's sake I shall pluck (you); show favour to me." With the sounds of song and instruments he is to be brought home.
AI translation rendered from the Sanskrit, not a published edition
PdP 6 84.7
एकादश्यां सुरश्रेष्ठि ह्यधिवासनपूर्वकम् । कर्त्तव्यं पूजनं तत्र रात्रौ भक्त्या तु वैष्णवैः
ekādaśyāṃ suraśreṣṭhi hyadhivāsanapūrvakam | karttavyaṃ pūjanaṃ tatra rātrau bhaktyā tu vaiṣṇavaiḥ
On the eleventh, O best of the gods, preceded by the adhivāsana (installation rite), the worship is to be performed there at night with devotion by the Vaiṣṇavas.
AI translation rendered from the Sanskrit, not a published edition
PdP 6 84.8
कर्त्तव्यमग्रतस्तस्य सर्वतोभद्र मंडलम् । स्थापयित्वा तु देवेशं रतिना सह तत्र वै
karttavyamagratastasya sarvatobhadra maṃḍalam | sthāpayitvā tu deveśaṃ ratinā saha tatra vai
In front of him a sarvatobhadra maṇḍala is to be made; and having installed there the Lord of gods together with Rati,
AI translation rendered from the Sanskrit, not a published edition
PdP 6 84.9
आच्छाद्य श्वेतवस्त्रेण दमनं स्थापयेद्बुधः । तत्र वै पूजनं कार्यं वैष्णवैर्द्विजसत्तमैः
ācchādya śvetavastreṇa damanaṃ sthāpayedbudhaḥ | tatra vai pūjanaṃ kāryaṃ vaiṣṇavairdvijasattamaiḥ
having covered (it) with a white cloth, the wise man should set the damana down; there worship is to be performed by Vaiṣṇava, most excellent twice-born men.
AI translation rendered from the Sanskrit, not a published edition
PdP 6 84.10
क्लीं कामदेवाय नमो ह्रीं रत्यै च तथा नमः । एंद्र्यादि दिशि संस्थाप्य कंदर्प्पं पूजयेद्बुधः
klīṃ kāmadevāya namo hrīṃ ratyai ca tathā namaḥ | eṃdryādi diśi saṃsthāpya kaṃdarppaṃ pūjayedbudhaḥ
"Klīṃ, homage to Kāmadeva"; "Hrīṃ, and likewise homage to Rati" — installing (him) in the eastern and other directions, the wise man should worship Kandarpa.
AI translation rendered from the Sanskrit, not a published edition
PdP 6 84.11
गंधं पुष्पं तथा धूपं दीपमारार्तिकं तथा । रात्रौ भक्त्या प्रकर्त्तव्यं विधिनात्र सुरेश्वरि
gaṃdhaṃ puṣpaṃ tathā dhūpaṃ dīpamārārtikaṃ tathā | rātrau bhaktyā prakarttavyaṃ vidhinātra sureśvari
Perfume, flower, and incense, lamp and the ārārtika (lamp-waving) as well, are to be performed there at night with devotion, according to the rule, O Mistress of the gods.
AI translation rendered from the Sanskrit, not a published edition
PdP 6 84.12
मदनाय नम इति प्राच्याम् । मन्मथाय नम इति आग्न्येय्याम् । कंदर्पाय नम इति याम्ये । अनंगाय नम इति रक्षोदिशि । भस्मशरीराय नमः इति वारुण्याम् । स्मराय नम इति वायव्याम् । ईश्वराय नमः इति कौबेर्याम् । पुष्पबाणाय नमः इति ईशान्याम् । चतुर्दिक्षु च सर्वासु पूजनं तत्र कारयेत् । पूजिते केशवे चात्र सर्वे देवाः सुपूजिताः
madanāya nama iti prācyām | manmathāya nama iti āgnyeyyām | kaṃdarpāya nama iti yāmye | anaṃgāya nama iti rakṣodiśi | bhasmaśarīrāya namaḥ iti vāruṇyām | smarāya nama iti vāyavyām | īśvarāya namaḥ iti kauberyām | puṣpabāṇāya namaḥ iti īśānyām | caturdikṣu ca sarvāsu pūjanaṃ tatra kārayet | pūjite keśave cātra sarve devāḥ supūjitāḥ
"Homage to Madana" — in the east. "Homage to Manmatha" — in the southeast. "Homage to Kandarpa" — in the south. "Homage to Anaṅga (the Bodiless)" — in the direction of the demons (southwest). "Homage to him whose body is ash" — in the west. "Homage to Smara" — in the northwest. "Homage to Īśvara" — in Kubera's direction (north). "Homage to him of the flower-arrows" — in the northeast. And in all four quarters he should have the worship performed there. And when Keśava is worshipped here, all the gods are well worshipped.
AI translation rendered from the Sanskrit, not a published edition
PdP 6 84.13
अक्षतगंध धूपदीपैर्नैवेद्यैस्तांबूलैश्च दमनकं पूजयित्वा तु । तत्पुरुषाय विद्महे कामदेवाय धीमहि । तन्नोऽनंगः प्रचोदयात् । इति वै कामगायत्र्या अष्टोत्तरशतवारं तं दमनकं अभिमंत्र्य नमस्कुर्यात् । नमोस्तु पुष्पबाणाय जगदाह्लादकारिणे । मन्मथाय जगन्नेत्रे रतिप्रीतिकराय च
akṣatagaṃdha dhūpadīpairnaivedyaistāṃbūlaiśca damanakaṃ pūjayitvā tu | tatpuruṣāya vidmahe kāmadevāya dhīmahi | tanno'naṃgaḥ pracodayāt | iti vai kāmagāyatryā aṣṭottaraśatavāraṃ taṃ damanakaṃ abhimaṃtrya namaskuryāt | namostu puṣpabāṇāya jagadāhlādakāriṇe | manmathāya jagannetre ratiprītikarāya ca
Having worshipped the damanaka with unbroken rice, perfume, incense, lamps, food-offerings and betel: "We know that Person, we meditate on Kāmadeva; may Anaṅga therefore impel us" — thus, with the Kāma-gāyatrī, having consecrated that damanaka with a hundred and eight recitations, he should make obeisance: "Homage be to him of the flower-arrows, who gives delight to the world, to Manmatha, the eye of the world, who gives pleasure to Rati,
AI translation rendered from the Sanskrit, not a published edition
PdP 6 84.14
देवदेव नमस्तेऽस्तु श्रीविश्वेश नमोस्तु ते । रतिपते नमस्तेस्तु नमस्ते विश्वमंडन
devadeva namaste'stu śrīviśveśa namostu te | ratipate namastestu namaste viśvamaṃḍana
God of gods, homage be to you; glorious Lord of the universe, homage to you; Lord of Rati, homage be to you; homage to you, ornament of the universe;
AI translation rendered from the Sanskrit, not a published edition
PdP 6 84.15
नमस्तेस्तु जगन्नाथ सर्वबीज नमोस्तु ते । एतैर्नानाविधैर्मंत्रैरागमोक्तैर्विशेषतः
namastestu jagannātha sarvabīja namostu te | etairnānāvidhairmaṃtrairāgamoktairviśeṣataḥ
Homage be to you, Lord of the world; homage to you, Seed of all. By these various mantras, particularly those declared in the Āgamas,
AI translation rendered from the Sanskrit, not a published edition
PdP 6 84.16
पूजनीयः प्रयत्नेन लक्ष्म्या सह जनार्दनः । ततो निवेद्य तत्कर्म जागरं कारयेद्बुधः
pūjanīyaḥ prayatnena lakṣmyā saha janārdanaḥ | tato nivedya tatkarma jāgaraṃ kārayedbudhaḥ
Janārdana together with Lakṣmī is to be worshipped with effort. Then, having presented (the offering), the wise man should have that rite's night-vigil performed.
AI translation rendered from the Sanskrit, not a published edition
PdP 6 84.17
देवदेव जगन्नाथ वांच्छितार्थप्रदायक । हृत्स्थान्पूरय मे विष्णो कामान्कामेश्वरीप्रिय
devadeva jagannātha vāṃcchitārthapradāyaka | hṛtsthānpūraya me viṣṇo kāmānkāmeśvarīpriya
"God of gods, Lord of the world, giver of the desired object, fulfil my desires that are in my heart, O Viṣṇu, beloved of Kāmeśvarī."
AI translation rendered from the Sanskrit, not a published edition
PdP 6 84.18
इत्येतैर्बहुभिर्मंत्रैः पूजनीयः प्रयत्नतः । श्रीनिवासो जगन्नाथो भक्तानां शमभीप्सकः
ityetairbahubhirmaṃtraiḥ pūjanīyaḥ prayatnataḥ | śrīnivāso jagannātho bhaktānāṃ śamabhīpsakaḥ
Thus with these many mantras is he to be worshipped diligently — Śrīnivāsa, the Lord of the world, who wishes peace for his devotees.
AI translation rendered from the Sanskrit, not a published edition
PdP 6 84.19
ततो दमनकमुष्टिं गृहीत्वा तत्र मूलमंत्रेण । श्रीश्रीविष्ण्वादिदेवेभ्यो दमनकं निवेदयेत् । ततो गंधादिभिर्महतीपूजागीतवाद्यनृत्यैश्च महोत्सवः कार्यः । देवाग्रेस्थापितः कलशोदकं देवस्य पादयोर्निक्षिप्य जलक्रीडा तस्मिन्दिने कर्त्तव्या । ततः स्वगुरुं वस्त्रालंकारद्रविणैः श्रद्धया प्रपूजयेत् । ततः स्वयं वैष्णवैर्बंधुभिः सह अश्नीयात्
tato damanakamuṣṭiṃ gṛhītvā tatra mūlamaṃtreṇa | śrīśrīviṣṇvādidevebhyo damanakaṃ nivedayet | tato gaṃdhādibhirmahatīpūjāgītavādyanṛtyaiśca mahotsavaḥ kāryaḥ | devāgresthāpitaḥ kalaśodakaṃ devasya pādayornikṣipya jalakrīḍā tasmindine karttavyā | tataḥ svaguruṃ vastrālaṃkāradraviṇaiḥ śraddhayā prapūjayet | tataḥ svayaṃ vaiṣṇavairbaṃdhubhiḥ saha aśnīyāt
Then, taking a handful of damanaka there, with the root mantra he should offer the damanaka to Śrī Viṣṇu and the other gods. Then a great festival is to be performed with perfumes and the rest, with elaborate worship, song, instrumental music and dance. Pouring the water of the jar that was set before the god onto the god's feet, a water-sport is to be held on that day. Then he should worship his own guru with faith, with garments, ornaments and money. Then he himself should eat together with the Vaiṣṇavas and his kinsmen.
AI translation rendered from the Sanskrit, not a published edition
PdP 6 84.20
महादेव उवाच- ततो दमनकमंजर्या यो वै विष्णुं प्रपूजयेत् । पूजिते वै जगन्नाथे ह्यहं वै पूजितः सदा
mahādeva uvāca- tato damanakamaṃjaryā yo vai viṣṇuṃ prapūjayet | pūjite vai jagannāthe hyahaṃ vai pūjitaḥ sadā
Mahādeva said: Then, whoever worships Viṣṇu with a damanaka blossom-cluster — when the Lord of the world is worshipped, I too am indeed always worshipped.
AI translation rendered from the Sanskrit, not a published edition
PdP 6 84.21
ब्रह्महा हेमहारी च मद्यपो मांसभक्षकः । मुच्यते पातकाद्देवि दृष्ट्वा दमनकोत्सवम्
brahmahā hemahārī ca madyapo māṃsabhakṣakaḥ | mucyate pātakāddevi dṛṣṭvā damanakotsavam
A killer of a brahmin, a stealer of gold, a drinker of liquor, an eater of meat — such a one is freed from his sin, O Goddess, by beholding the damanaka festival.
AI translation rendered from the Sanskrit, not a published edition
PdP 6 84.22
एवं दमनको देवि पूजितो यैः सुवैष्णवैः । सर्वं तीर्थं कृतं तैस्तु मंजर्या पूजनं कृतम्
evaṃ damanako devi pūjito yaiḥ suvaiṣṇavaiḥ | sarvaṃ tīrthaṃ kṛtaṃ taistu maṃjaryā pūjanaṃ kṛtam
Thus, O Goddess, by whatever good Vaiṣṇavas the damanaka has been worshipped, by them every pilgrimage-place has been visited (once) the worship with the blossom-cluster is done.
AI translation rendered from the Sanskrit, not a published edition
PdP 6 84.23
वेदाध्ययनं कृतं तेन शास्त्राध्ययनमेव च । अग्निहोत्रं कृतं तेन मंजर्या पूजितो हरिः
vedādhyayanaṃ kṛtaṃ tena śāstrādhyayanameva ca | agnihotraṃ kṛtaṃ tena maṃjaryā pūjito hariḥ
By him the study of the Veda has been done, and the study of the śāstras as well; by him the agnihotra has been performed, (when) Hari has been worshipped with the blossom-cluster.
AI translation rendered from the Sanskrit, not a published edition
PdP 6 84.24
तत्कुलं तु महज्ज्ञेयं ब्राह्मं वा चाथ क्षात्रियम् । शौद्रं वैश्यं च यच्चान्यद्धन्यं धन्यतरं स्मृतम्
tatkulaṃ tu mahajjñeyaṃ brāhmaṃ vā cātha kṣātriyam | śaudraṃ vaiśyaṃ ca yaccānyaddhanyaṃ dhanyataraṃ smṛtam
That family is to be known as great — whether brahmin or kṣatriya, śūdra or vaiśya, or whatever other — it is held to be blessed, indeed more than blessed,
AI translation rendered from the Sanskrit, not a published edition
PdP 6 84.25
यस्मिन्कुलेऽवतीर्याथोत्सवो दमनकः कृतः । स च धन्यस्तु धन्यो वै येन विष्णुः प्रपूजितः
yasminkule'vatīryāthotsavo damanakaḥ kṛtaḥ | sa ca dhanyastu dhanyo vai yena viṣṇuḥ prapūjitaḥ
the family in which, having been born, one has performed the damanaka festival; and he by whom Viṣṇu has been worshipped is indeed blessed among the blessed.
AI translation rendered from the Sanskrit, not a published edition
PdP 6 84.26
दमनकेन तु तथा संप्राप्ते मधुमाधवे । संपूज्य गोसहस्रस्य देवि संलभते फलम्
damanakena tu tathā saṃprāpte madhumādhave | saṃpūjya gosahasrasya devi saṃlabhate phalam
And so, when the honey-month of Mādhava has arrived, having worshipped (Viṣṇu) with damanaka, O Goddess, one obtains the fruit of (giving) a thousand cows.
AI translation rendered from the Sanskrit, not a published edition
PdP 6 84.27
मल्लिकाकुसुमैर्देवं वसंते गरुडध्वजम् । योऽर्चयेत्परया भक्त्या मुक्तिभागी भवेत्तु सः
mallikākusumairdevaṃ vasaṃte garuḍadhvajam | yo'rcayetparayā bhaktyā muktibhāgī bhavettu saḥ
Whoever, in spring, worships the god who bears Garuḍa as his banner with jasmine flowers, with supreme devotion — he becomes a partaker of liberation.
AI translation rendered from the Sanskrit, not a published edition
PdP 6 84.28
मरुकोदमनकश्चैव सद्यस्तुष्टिकरो हरेः । अतः पूजा प्रकर्त्तव्या वैष्णवैर्नरसत्तमैः
marukodamanakaścaiva sadyastuṣṭikaro hareḥ | ataḥ pūjā prakarttavyā vaiṣṇavairnarasattamaiḥ
Maruka and damanaka at once bring pleasure to Hari; therefore worship is to be performed by Vaiṣṇavas, the best of men.
AI translation rendered from the Sanskrit, not a published edition
PdP 6 84.29
गोसहस्रं कृतं तेन कन्यादानं तथैव च । पृथ्वीदानं कृतं तेन विष्णोर्वै पूजने कृते
gosahasraṃ kṛtaṃ tena kanyādānaṃ tathaiva ca | pṛthvīdānaṃ kṛtaṃ tena viṣṇorvai pūjane kṛte
By him a thousand cows have been given, and likewise the gift of a maiden; by him the gift of the earth has been made, when worship of Viṣṇu has been performed.
AI translation rendered from the Sanskrit, not a published edition
PdP 6 84.30
एकामेकां गृहीत्वा तु मंजरीं दमनस्य तु । यः पूजयति देवेशं संप्राप्ते मधुमाधवे
ekāmekāṃ gṛhītvā tu maṃjarīṃ damanasya tu | yaḥ pūjayati deveśaṃ saṃprāpte madhumādhave
But taking one blossom-cluster after another of the damana, whoever worships the Lord of the gods when the honey-month of Mādhava has arrived —
AI translation rendered from the Sanskrit, not a published edition
PdP 6 84.31
पुण्यसंख्यां न जाने वै तस्याहं नगनंदिनि । स वै चतुर्भुजो भूत्वा इह लोके परत्र च । धर्मानर्थांश्च कामांश्च प्रभुंक्ते वैष्णवं पदम्
puṇyasaṃkhyāṃ na jāne vai tasyāhaṃ naganaṃdini | sa vai caturbhujo bhūtvā iha loke paratra ca | dharmānarthāṃśca kāmāṃśca prabhuṃkte vaiṣṇavaṃ padam
I do not know the count of his merit, O daughter of the mountain. Becoming four-armed, both in this world and in the next he enjoys dharma, wealth and pleasures, (and attains) the station of Viṣṇu.
AI translation rendered from the Sanskrit, not a published edition