Padma Purana — Uttara Khanda — Chapter 82

PdP 6 82.1

पार्वत्युवाच- वैष्णवानां लक्षणं च कीदृशं प्रतिपादितम् । महिमा कीदृशश्चैव वद विश्वेश्वर प्रभो

pārvatyuvāca- vaiṣṇavānāṃ lakṣaṇaṃ ca kīdṛśaṃ pratipāditam | mahimā kīdṛśaścaiva vada viśveśvara prabho

Pārvatī said: And of what sort is the mark of Vaiṣṇavas that has been laid down? And of what sort is their greatness? Tell (me), O Lord of the universe, O master.

AI translation rendered from the Sanskrit, not a published edition

PdP 6 82.2

महादेव उवाच - विष्णोरयं यतः प्रोक्तो ह्यतो वै वैष्णवो मतः । सर्वस्यादिस्तु विज्ञेयो ब्रह्मारूपधरस्ततः

mahādeva uvāca - viṣṇorayaṃ yataḥ prokto hyato vai vaiṣṇavo mataḥ | sarvasyādistu vijñeyo brahmārūpadharastataḥ

Mahādeva said: Since he is called Viṣṇu's, therefore he is held to be a Vaiṣṇava; and he is to be known as the beginning of all, hence as bearing the form of Brahmā.

AI translation rendered from the Sanskrit, not a published edition — the model flagged this verse as uncertain

PdP 6 82.3

यतः सकाशात्संजाता ब्राह्मणा वेदपारगाः । ते वैष्णवास्तु विज्ञेया नैवान्ये तु कदाचन

yataḥ sakāśātsaṃjātā brāhmaṇā vedapāragāḥ | te vaiṣṇavāstu vijñeyā naivānye tu kadācana

Those brahmins, masters of the Vedas, who were born from his presence — they are to be known as Vaiṣṇavas, and never any others.

AI translation rendered from the Sanskrit, not a published edition

PdP 6 82.4

शौचसत्यक्षांतियुक्तो रागद्वेषविवर्जितः । वेदविद्याविचारज्ञो यः स वैष्णव उच्यते

śaucasatyakṣāṃtiyukto rāgadveṣavivarjitaḥ | vedavidyāvicārajño yaḥ sa vaiṣṇava ucyate

He who is endowed with purity, truth and patience, free of passion and hatred, and knows the investigation of Vedic knowledge — he is called a Vaiṣṇava.

AI translation rendered from the Sanskrit, not a published edition

PdP 6 82.5

अग्निहोत्ररतो नित्यं नित्यं चातिथिपूजकः । पितृभक्तो मातृभक्तः स वै वैष्णव उच्यते

agnihotrarato nityaṃ nityaṃ cātithipūjakaḥ | pitṛbhakto mātṛbhaktaḥ sa vai vaiṣṇava ucyate

He who is always devoted to the agnihotra, always a honourer of guests, devoted to his father and devoted to his mother — he indeed is called a Vaiṣṇava.

AI translation rendered from the Sanskrit, not a published edition

PdP 6 82.6

दयाधर्मेण संयुक्तस्तथा पापपराङ्मुखः । शंखचक्रांकितोयो वै स वै वैष्णव उच्यते

dayādharmeṇa saṃyuktastathā pāpaparāṅmukhaḥ | śaṃkhacakrāṃkitoyo vai sa vai vaiṣṇava ucyate

He who is joined with compassion and dharma, and likewise turns his face from sin, and who is marked with the conch and the discus — he indeed is called a Vaiṣṇava.

AI translation rendered from the Sanskrit, not a published edition

PdP 6 82.7

कंठे मालाधरो यस्तु मुखे रामं सदोच्चरेत् । गानं कुर्यात्सदा भक्त्या स नरो वैष्णवः स्मृतः

kaṃṭhe mālādharo yastu mukhe rāmaṃ sadoccaret | gānaṃ kuryātsadā bhaktyā sa naro vaiṣṇavaḥ smṛtaḥ

He who wears a garland on his neck and constantly utters "Rāma" with his mouth, and always sings with devotion — that man is deemed a Vaiṣṇava.

AI translation rendered from the Sanskrit, not a published edition

PdP 6 82.8

पुराणेषु रता नित्यं यज्ञेषु चरताः सदा । ते नरा वैष्णवा ज्ञेयाः सर्वधर्मेषु संमताः

purāṇeṣu ratā nityaṃ yajñeṣu caratāḥ sadā | te narā vaiṣṇavā jñeyāḥ sarvadharmeṣu saṃmatāḥ

Those who are always devoted to the Purāṇas and ever engaged in sacrifices — those men are to be known as Vaiṣṇavas, honoured in all religious duties.

AI translation rendered from the Sanskrit, not a published edition

PdP 6 82.9

तेषां निंदां प्रकुर्वंति ये नराः पापकारिणः । ते मृतास्तु कुयोनिं वै गच्छंति च पुनः पुनः

teṣāṃ niṃdāṃ prakurvaṃti ye narāḥ pāpakāriṇaḥ | te mṛtāstu kuyoniṃ vai gacchaṃti ca punaḥ punaḥ

Those evil-doing men who revile them — when dead they go to a wretched womb, again and again.

AI translation rendered from the Sanskrit, not a published edition

PdP 6 82.10

गोपालनाम्नीं मूर्तिं च येऽर्चयंति द्विजाः सदा । धातुमात्रमयीं कृत्वा चतुर्हस्तां सुशोभिताम्

gopālanāmnīṃ mūrtiṃ ca ye'rcayaṃti dvijāḥ sadā | dhātumātramayīṃ kṛtvā caturhastāṃ suśobhitām

And those twice-born who always worship the image named Gopāla, having made it purely of metal, four-armed and beautifully adorned —

AI translation rendered from the Sanskrit, not a published edition

PdP 6 82.11

पूजां कुर्वंति ये विप्रास्ते ज्ञेयाः पुण्यभाजिनः । कृत्वा पाषाणजां मूर्तिं कृष्णाख्यां रूपसुंदरीम्

pūjāṃ kurvaṃti ye viprāste jñeyāḥ puṇyabhājinaḥ | kṛtvā pāṣāṇajāṃ mūrtiṃ kṛṣṇākhyāṃ rūpasuṃdarīm

those brahmins who perform the worship are to be known as sharers in merit. Having made of stone an image called Kṛṣṇa, lovely in form —

AI translation rendered from the Sanskrit, not a published edition

PdP 6 82.12

पूजां कुर्वंति ये विप्रास्ते ज्ञेयाः पुण्यमूर्त्तयः । शालग्रामशिला यत्र यत्र द्वारवती शिला

pūjāṃ kurvaṃti ye viprāste jñeyāḥ puṇyamūrttayaḥ | śālagrāmaśilā yatra yatra dvāravatī śilā

those brahmins who perform the worship are to be known as embodiments of merit. Where there is a śālagrāma stone and where a Dvāravatī stone,

AI translation rendered from the Sanskrit, not a published edition

PdP 6 82.13

उभयोः संगमो यत्र मुक्तिस्तत्र न संशयः । मूर्तिं मंत्रेण संस्थाप्य पूजनं क्रियते यदि

ubhayoḥ saṃgamo yatra muktistatra na saṃśayaḥ | mūrtiṃ maṃtreṇa saṃsthāpya pūjanaṃ kriyate yadi

where there is a meeting of the two, there is liberation, no doubt. If, having installed the image with mantra, worship is performed,

AI translation rendered from the Sanskrit, not a published edition

PdP 6 82.14

तदर्चनं कोटिगुणं धर्मकामार्थमोक्षदम् । नवधा तत्र वै भक्तिः कर्तव्या च जनार्दने । अतः पाषाणजा मूर्तिस्तथा धातुमयी त्वया

tadarcanaṃ koṭiguṇaṃ dharmakāmārthamokṣadam | navadhā tatra vai bhaktiḥ kartavyā ca janārdane | ataḥ pāṣāṇajā mūrtistathā dhātumayī tvayā

that worship is a ten-million-fold (in merit), granting dharma, pleasure, wealth and liberation. There, indeed, devotion of the nine kinds should be practised toward Janārdana; therefore an image made of stone, and likewise one made of metal, (should be worshipped) by you.

AI translation rendered from the Sanskrit, not a published edition

PdP 6 82.15

तस्यां भक्तैः प्रकर्त्तव्यं ध्यानं पूजनमेव च । राजोपचारकीं पूजां मूर्तौ तत्र प्रकल्पयेत्

tasyāṃ bhaktaiḥ prakarttavyaṃ dhyānaṃ pūjanameva ca | rājopacārakīṃ pūjāṃ mūrtau tatra prakalpayet

Toward it meditation and worship alike should be performed by the devotees; one should arrange for the image there a worship with royal services.

AI translation rendered from the Sanskrit, not a published edition

PdP 6 82.16

सर्वात्मानं स्मरेन्नित्यं भगवंतमधोक्षजम् । दीनानाथैकशरणं लोकानां वृत्तिकारणम्

sarvātmānaṃ smarennityaṃ bhagavaṃtamadhokṣajam | dīnānāthaikaśaraṇaṃ lokānāṃ vṛttikāraṇam

One should constantly remember the Lord Adhokṣaja, the Self of all, the sole refuge of the poor and helpless, the cause of the subsistence of the worlds;

AI translation rendered from the Sanskrit, not a published edition

PdP 6 82.17

मूर्त्तौ तत्र स्मरेन्नित्यं महापातकनाशनम् । गोपालोऽयं तथा कृष्णो रामोऽयमिति च ब्रुवन्

mūrttau tatra smarennityaṃ mahāpātakanāśanam | gopālo'yaṃ tathā kṛṣṇo rāmo'yamiti ca bruvan

one should constantly remember him in that image, the destroyer of great sins, saying: "This is Gopāla, and so Kṛṣṇa, this is Rāma."

AI translation rendered from the Sanskrit, not a published edition

PdP 6 82.18

पूजां करोति यः सम्यक्स वै भागवतो नरः । गोकुले तु यथा रूपं धृतं वै केशवेन तु

pūjāṃ karoti yaḥ samyaksa vai bhāgavato naraḥ | gokule tu yathā rūpaṃ dhṛtaṃ vai keśavena tu

He who performs the worship rightly, that man is indeed a Bhāgavata. As the form was assumed by Keśava in Gokula,

AI translation rendered from the Sanskrit, not a published edition

PdP 6 82.19

तादृग्रूपं प्रकर्त्तव्यं वैष्णवैर्नरसत्तमैः । आत्मसंतोषणार्थाय स्वरूपं कारयेद्बुधः

tādṛgrūpaṃ prakarttavyaṃ vaiṣṇavairnarasattamaiḥ | ātmasaṃtoṣaṇārthāya svarūpaṃ kārayedbudhaḥ

just such a form should be made by Vaiṣṇavas, the best of men; for his own satisfaction the wise man should have that very form made,

AI translation rendered from the Sanskrit, not a published edition

PdP 6 82.20

यतो भक्तिस्तु बहुला जायते नात्र संशयः । शंखचक्रगदादीनि विष्णोश्चैवायुधानि च

yato bhaktistu bahulā jāyate nātra saṃśayaḥ | śaṃkhacakragadādīni viṣṇoścaivāyudhāni ca

since from it abundant devotion arises — of this there is no doubt. And the weapons of Viṣṇu, the conch, discus, mace and the rest,

AI translation rendered from the Sanskrit, not a published edition

PdP 6 82.21

तस्यां मूर्तौ विशेषेण कर्त्तव्यानि प्रमाणतः । चतुर्भुजां द्विनेत्रां च शंखचक्रगदाधराम्

tasyāṃ mūrtau viśeṣeṇa karttavyāni pramāṇataḥ | caturbhujāṃ dvinetrāṃ ca śaṃkhacakragadādharām

should especially be made on that image according to due measure: (an image) four-armed and two-eyed, bearing conch, discus and mace,

AI translation rendered from the Sanskrit, not a published edition

PdP 6 82.22

पीतवासः परीधानां शोभमानां गरीयसीम् । वनमालां दधानां तां लसद्वैडूर्यकुंडलाम्

pītavāsaḥ parīdhānāṃ śobhamānāṃ garīyasīm | vanamālāṃ dadhānāṃ tāṃ lasadvaiḍūryakuṃḍalām

clad in a yellow garment, shining, most venerable, wearing the forest-garland, with gleaming cat's-eye earrings,

AI translation rendered from the Sanskrit, not a published edition

PdP 6 82.23

मुकुटे मणिसंयुक्तां कौस्तुभोद्भासितां सदा । सौवर्णीं चाथ रौप्यां वा ताम्रजां चाथ पैत्तलीम्

mukuṭe maṇisaṃyuktāṃ kaustubhodbhāsitāṃ sadā | sauvarṇīṃ cātha raupyāṃ vā tāmrajāṃ cātha paittalīm

set with a jewel in the crown, ever illumined by the Kaustubha — of gold, or of silver, or made of copper, or of brass:

AI translation rendered from the Sanskrit, not a published edition

PdP 6 82.24

कारयेत्परया भक्त्या वैष्णवैर्द्विजसत्तमैः । आगमोक्तैर्वेदमंत्रैः प्रतिष्ठाप्य विशेषतः

kārayetparayā bhaktyā vaiṣṇavairdvijasattamaiḥ | āgamoktairvedamaṃtraiḥ pratiṣṭhāpya viśeṣataḥ

(such an image) one should have made with supreme devotion, by Vaiṣṇavas, the best of the twice-born, and having installed it duly with Vedic mantras spoken in the Āgamas,

AI translation rendered from the Sanskrit, not a published edition

PdP 6 82.25

पश्चाद्वै अर्चनं कार्यं यथाशास्त्रानुसारतः । षोडशोपचारैर्मंत्रैः पूजनं विधिपूर्वकम्

paścādvai arcanaṃ kāryaṃ yathāśāstrānusārataḥ | ṣoḍaśopacārairmaṃtraiḥ pūjanaṃ vidhipūrvakam

thereafter worship is to be performed in accordance with the scriptures: worship with the sixteen services and with mantras, according to rule.

AI translation rendered from the Sanskrit, not a published edition

PdP 6 82.26

पूजिते तु जगन्नाथे सर्वे देवाश्च पूजिताः । अतो येन प्रकारेण पूजनीयो महाप्रभुः

pūjite tu jagannāthe sarve devāśca pūjitāḥ | ato yena prakāreṇa pūjanīyo mahāprabhuḥ

When the Lord of the world is worshipped, all the gods too are worshipped. Therefore, by whatever manner the great Lord is to be worshipped —

AI translation rendered from the Sanskrit, not a published edition

PdP 6 82.27

अनादिनिधनो देवः शंखचक्रगदाधरः । सर्वं ददाति सर्वेशो वैष्णवान्पुण्यरूपिणः

anādinidhano devaḥ śaṃkhacakragadādharaḥ | sarvaṃ dadāti sarveśo vaiṣṇavānpuṇyarūpiṇaḥ

The god without beginning or end, bearer of conch, discus and mace, the lord of all, gives everything to the Vaiṣṇavas, who are of the form of merit.

AI translation rendered from the Sanskrit, not a published edition

PdP 6 82.28

यथा विष्णुस्तथा शर्वो नांतरं वर्त्तते क्वचित् । एवं ज्ञात्वा तु भो देवि ह्युभयोर्मूर्तिकल्पनम्

yathā viṣṇustathā śarvo nāṃtaraṃ varttate kvacit | evaṃ jñātvā tu bho devi hyubhayormūrtikalpanam

As is Viṣṇu, so is Śarva (Śiva); nowhere is there any difference (between them). Knowing this, O goddess, (understand) that the imagining of two forms belongs to both.

AI translation rendered from the Sanskrit, not a published edition — the model flagged this verse as uncertain

PdP 6 82.29

शिवपूजां प्रकुर्वाणो विष्णुनिंदासु तत्परः । रौरवेषु नरकेषु वसते नात्र संशयः

śivapūjāṃ prakurvāṇo viṣṇuniṃdāsu tatparaḥ | rauraveṣu narakeṣu vasate nātra saṃśayaḥ

One who performs the worship of Śiva while being intent on reviling Viṣṇu dwells in the Raurava hells — there is no doubt of this.

AI translation rendered from the Sanskrit, not a published edition

PdP 6 82.30

अहं विष्णुरहं रुद्रो ह्यहं ब्रह्मा पितामहः । सर्वभूतेषु सततं संवसामि पुनः पुनः

ahaṃ viṣṇurahaṃ rudro hyahaṃ brahmā pitāmahaḥ | sarvabhūteṣu satataṃ saṃvasāmi punaḥ punaḥ

I am Viṣṇu, I am Rudra, I am Brahmā the grandfather; in all beings I constantly dwell, again and again.

AI translation rendered from the Sanskrit, not a published edition

PdP 6 82.31

पार्वत्युवाच- के दासा वैष्णवाः के तु के भक्ता भुवि कीर्तिताः । तेषां वै लक्षणं ब्रूहि यथार्थं वै महेश्वर

pārvatyuvāca- ke dāsā vaiṣṇavāḥ ke tu ke bhaktā bhuvi kīrtitāḥ | teṣāṃ vai lakṣaṇaṃ brūhi yathārthaṃ vai maheśvara

Pārvatī said: Who are called servants (dāsas), who Vaiṣṇavas, and who are proclaimed devotees (bhaktas) on earth? Tell me their marks truly, O Maheśvara.

AI translation rendered from the Sanskrit, not a published edition

PdP 6 82.32

महादेव उवाच- शूद्रा भवंति वै दासा वैष्णवा नारदादयः । प्रह्लादश्चांबरीषाद्या भक्तास्ते नगनंदिनि

mahādeva uvāca- śūdrā bhavaṃti vai dāsā vaiṣṇavā nāradādayaḥ | prahlādaścāṃbarīṣādyā bhaktāste naganaṃdini

Mahādeva said: Śūdras indeed become servants; Vaiṣṇavas are (such as) Nārada and the rest; and Prahlāda, Ambarīṣa and the others — they are devotees, O daughter of the mountain.

AI translation rendered from the Sanskrit, not a published edition

PdP 6 82.33

ब्रह्मक्रियारतो नित्यं वेदवेदांगपाठकः । शंखचक्रांकितो यस्तु स वै वैष्णव उच्यते

brahmakriyārato nityaṃ vedavedāṃgapāṭhakaḥ | śaṃkhacakrāṃkito yastu sa vai vaiṣṇava ucyate

He who is always devoted to brahminical rites, a reciter of the Vedas and the Vedāṅgas, and marked with the conch and the discus — he is called a Vaiṣṇava.

AI translation rendered from the Sanskrit, not a published edition

PdP 6 82.34

द्विजसेवारतो नित्यं नित्यं विष्णुप्रपूजकः । शृणोति बहुधा चैव पुराणं वेदसंमितम्

dvijasevārato nityaṃ nityaṃ viṣṇuprapūjakaḥ | śṛṇoti bahudhā caiva purāṇaṃ vedasaṃmitam

Always devoted to the service of the twice-born, always a worshipper of Viṣṇu, and one who listens repeatedly to the Purāṇa, which is equal to the Veda —

AI translation rendered from the Sanskrit, not a published edition

PdP 6 82.35

स शूद्रो हरिदासस्तु इत्युक्तो नगनंदिनि । पंचवर्षत्वमाश्रित्य कृता भक्तिरनेकधा

sa śūdro haridāsastu ityukto naganaṃdini | paṃcavarṣatvamāśritya kṛtā bhaktiranekadhā

that śūdra is called a servant of Hari, O daughter of the mountain. (When) from the age of five onward devotion has been practised in many ways,

AI translation rendered from the Sanskrit, not a published edition — the model flagged this verse as uncertain

PdP 6 82.36

स वै भक्त इति प्रोक्तः सर्वसाधुषु संमतः । ध्रुवादयस्ते विज्ञेया अंबरीषादयश्च ये

sa vai bhakta iti proktaḥ sarvasādhuṣu saṃmataḥ | dhruvādayaste vijñeyā aṃbarīṣādayaśca ye

he is indeed declared a devotee, esteemed among all the good. They are to be known as Dhruva and the rest, and those such as Ambarīṣa.

AI translation rendered from the Sanskrit, not a published edition

PdP 6 82.37

भक्ताश्च मुनिभिः प्रोक्ताः सर्वकालेषु भामिनि । कलौ धन्यतमाः शूद्रा विष्णुध्यानपरायणाः

bhaktāśca munibhiḥ proktāḥ sarvakāleṣu bhāmini | kalau dhanyatamāḥ śūdrā viṣṇudhyānaparāyaṇāḥ

And they are called devotees by the sages in all ages, O lovely one. In the Kali age the most fortunate are those śūdras wholly devoted to the meditation of Viṣṇu.

AI translation rendered from the Sanskrit, not a published edition

PdP 6 82.38

इहलोके सुखं भुक्त्वा यांति विष्णोः सनातनम् । शंखचक्रांकितो यस्तु विष्णुभक्तिप्रकारकः

ihaloke sukhaṃ bhuktvā yāṃti viṣṇoḥ sanātanam | śaṃkhacakrāṃkito yastu viṣṇubhaktiprakārakaḥ

Having enjoyed happiness in this world, they go to the eternal (abode) of Viṣṇu. He who is marked with conch and discus, who practises devotion to Viṣṇu,

AI translation rendered from the Sanskrit, not a published edition

PdP 6 82.39

चतुर्विधमहोत्साहकर्त्ता चैव विशेषतः । स शूद्रो विष्णुदासस्तु यथादृष्टं यथाश्रुतम्

caturvidhamahotsāhakarttā caiva viśeṣataḥ | sa śūdro viṣṇudāsastu yathādṛṣṭaṃ yathāśrutam

and especially the performer of the fourfold great festive effort — that śūdra is a servant of Viṣṇu, as (has been) seen and as heard.

AI translation rendered from the Sanskrit, not a published edition — the model flagged this verse as uncertain