Padma Purana — Uttara Khanda — Chapter 79
PdP 6 79.1
महादेव उवाच- अपामार्जनकं दिव्यं परमाद्भुतमेव च । पठितव्यं विशेषेण पुत्रकामार्थसिद्धये
mahādeva uvāca- apāmārjanakaṃ divyaṃ paramādbhutameva ca | paṭhitavyaṃ viśeṣeṇa putrakāmārthasiddhaye
Mahādeva said: The apāmārjana (hymn) is divine and utterly wondrous; it should especially be recited for the fulfilment of the desire for a son.
AI translation rendered from the Sanskrit, not a published edition
PdP 6 79.2
एतत्स्तोत्रं पठेत्प्राज्ञः सर्वकामार्थसिद्धये । एककालं द्विकालं वा ये पठंति द्विजातयः
etatstotraṃ paṭhetprājñaḥ sarvakāmārthasiddhaye | ekakālaṃ dvikālaṃ vā ye paṭhaṃti dvijātayaḥ
The wise man should recite this hymn for the fulfilment of all desired aims; those twice-born who recite it once or twice a day—
AI translation rendered from the Sanskrit, not a published edition
PdP 6 79.3
आयुश्च श्रीर्बलं तस्य वर्द्धयंति दिने दिने । ब्राह्मणो लभते विद्यां क्षत्रियो राज्यमेव वा
āyuśca śrīrbalaṃ tasya varddhayaṃti dine dine | brāhmaṇo labhate vidyāṃ kṣatriyo rājyameva vā
his lifespan, prosperity and strength increase day by day; a brahmin obtains learning, a kṣatriya indeed a kingdom,
AI translation rendered from the Sanskrit, not a published edition
PdP 6 79.4
वैश्यो धनसमृद्धिं च शूद्रो भक्तिं च विंदति । अन्यैश्च लभते भक्तिं पठनाच्छ्रवणाज्जपात्
vaiśyo dhanasamṛddhiṃ ca śūdro bhaktiṃ ca viṃdati | anyaiśca labhate bhaktiṃ paṭhanācchravaṇājjapāt
a vaiśya abundance of wealth, and a śūdra obtains devotion; and by others too devotion is obtained, through reciting, through hearing, through muttering (it).
AI translation rendered from the Sanskrit, not a published edition
PdP 6 79.5
सामवेदफलं तस्य जायते नगनन्दिनि । अखिलं पापसंघातं तत्क्षणादेव नश्यति
sāmavedaphalaṃ tasya jāyate naganandini | akhilaṃ pāpasaṃghātaṃ tatkṣaṇādeva naśyati
The fruit of the Sāmaveda arises for him, O daughter of the mountain, and the whole mass of his sin perishes that very instant.
AI translation rendered from the Sanskrit, not a published edition
PdP 6 79.6
इति ज्ञात्वा तु भो देवि पठितव्यं समाहितैः । पुत्राश्चैव तथा लक्ष्मीः संपूर्णा भवति ध्रुवम्
iti jñātvā tu bho devi paṭhitavyaṃ samāhitaiḥ | putrāścaiva tathā lakṣmīḥ saṃpūrṇā bhavati dhruvam
Knowing this, O Goddess, it should be recited by those who are concentrated; sons and likewise full prosperity surely come to be.
AI translation rendered from the Sanskrit, not a published edition
PdP 6 79.7
लिखित्वा भूर्जपत्रे तु यो धारयति वैष्णवः । इहलोके सुखं भुक्त्वा याति विष्णोः परं पदम्
likhitvā bhūrjapatre tu yo dhārayati vaiṣṇavaḥ | ihaloke sukhaṃ bhuktvā yāti viṣṇoḥ paraṃ padam
And the Vaiṣṇava who writes it on birch bark and wears it, having enjoyed happiness in this world, goes to the supreme abode of Viṣṇu.
AI translation rendered from the Sanskrit, not a published edition
PdP 6 79.8
पठित्वा श्लोकमेकं तु तुलसीं यः समर्पयेत् । सर्वं तीर्थं कृतं तेन तुलस्याः पूजने कृते
paṭhitvā ślokamekaṃ tu tulasīṃ yaḥ samarpayet | sarvaṃ tīrthaṃ kṛtaṃ tena tulasyāḥ pūjane kṛte
And he who, having recited a single verse, offers tulasī—by him every pilgrimage has been made, when the worship of tulasī is done.
AI translation rendered from the Sanskrit, not a published edition
PdP 6 79.9
एतत्स्तोत्रं तु परमं वैष्णवं मुक्तिदायकम् । पृथ्वीदानसमं पाठाद्विष्णुलोकं तु गच्छति
etatstotraṃ tu paramaṃ vaiṣṇavaṃ muktidāyakam | pṛthvīdānasamaṃ pāṭhādviṣṇulokaṃ tu gacchati
This hymn is supreme, belonging to Viṣṇu, granting liberation; it equals the gift of the earth, and by reciting it one goes to Viṣṇu's world.
AI translation rendered from the Sanskrit, not a published edition
PdP 6 79.10
जपेत्स्तोत्रं विशेषेण विष्णुलोकस्य वांछया । बालानां जीवनार्थाय पठितव्यं समाहितैः
japetstotraṃ viśeṣeṇa viṣṇulokasya vāṃchayā | bālānāṃ jīvanārthāya paṭhitavyaṃ samāhitaiḥ
One should especially recite the hymn out of desire for Viṣṇu's world; it should be recited with concentration for the sake of children's living.
AI translation rendered from the Sanskrit, not a published edition
PdP 6 79.11
रोगग्रहाभिभूतानां बालानां शांतिकारकम् । भूत ग्रह विषं चैव पठनादेव नश्यति
rogagrahābhibhūtānāṃ bālānāṃ śāṃtikārakam | bhūta graha viṣaṃ caiva paṭhanādeva naśyati
It brings appeasement for children afflicted by disease and by (malign) planets; and spirits, planets and poison perish by the mere recitation.
AI translation rendered from the Sanskrit, not a published edition
PdP 6 79.12
कंठे तुलसिजां मालां धृत्वा विप्रो हि यः पठेत् । स च वै वैष्णवो ज्ञेयो विष्णुलोकं स गच्छति
kaṃṭhe tulasijāṃ mālāṃ dhṛtvā vipro hi yaḥ paṭhet | sa ca vai vaiṣṇavo jñeyo viṣṇulokaṃ sa gacchati
The brahmin who recites it wearing a garland made of tulasī on his neck—he indeed is to be known as a Vaiṣṇava, and he goes to Viṣṇu's world.
AI translation rendered from the Sanskrit, not a published edition
PdP 6 79.13
कंठे माला धृता येन शंखचक्रादिचिह्नितः । वैष्णवः प्रोच्यते विप्रः स्तोत्रं चैतत्पठन्सदा
kaṃṭhe mālā dhṛtā yena śaṃkhacakrādicihnitaḥ | vaiṣṇavaḥ procyate vipraḥ stotraṃ caitatpaṭhansadā
The brahmin by whom a garland is worn on the neck, who is marked with conch, discus and the rest, and who always recites this hymn, is called a Vaiṣṇava.
AI translation rendered from the Sanskrit, not a published edition
PdP 6 79.14
इहलोकं परित्यज्य विष्णुलोकं स गच्छति । मोहमायापरित्यक्तो दंभतृष्णाविवर्जितः
ihalokaṃ parityajya viṣṇulokaṃ sa gacchati | mohamāyāparityakto daṃbhatṛṣṇāvivarjitaḥ
Leaving this world behind, he goes to Viṣṇu's world, freed from delusion and illusion, rid of hypocrisy and craving.
AI translation rendered from the Sanskrit, not a published edition
PdP 6 79.15
एतत्स्तोत्रं पठेद्दिव्यं परं निर्वाणमाप्नुयात् । ते धन्याः संति भूर्लोके ये विप्रा वैष्णवाः स्मृताः
etatstotraṃ paṭheddivyaṃ paraṃ nirvāṇamāpnuyāt | te dhanyāḥ saṃti bhūrloke ye viprā vaiṣṇavāḥ smṛtāḥ
Whoever recites this divine hymn would attain the highest extinction (nirvāṇa). Blessed are they on earth who are reckoned Vaiṣṇava brahmins.
AI translation rendered from the Sanskrit, not a published edition
PdP 6 79.16
स्वात्मा वै तारितस्तैस्तु सकुलं नात्र संशयः । ते वै धन्यतमा लोके नारायणपरायणाः । तैर्भक्तिश्च सदा कार्या ते वै भागवता नराः
svātmā vai tāritastaistu sakulaṃ nātra saṃśayaḥ | te vai dhanyatamā loke nārāyaṇaparāyaṇāḥ | tairbhaktiśca sadā kāryā te vai bhāgavatā narāḥ
By them their own self is carried across, together with their family — there is no doubt of this. They indeed are the most blessed in the world, those devoted to Nārāyaṇa; and devotion should always be shown to them — they are truly men who are bhāgavatas.
AI translation rendered from the Sanskrit, not a published edition