Padma Purana — Uttara Khanda — Chapter 70
PdP 6 70.1
नारद उवाच- देवदेव जगन्नाथ भुक्तिमुक्तिप्रदायक । कथयस्व सुरश्रेष्ठ येन दुःखं न पश्यति
nārada uvāca- devadeva jagannātha bhuktimuktipradāyaka | kathayasva suraśreṣṭha yena duḥkhaṃ na paśyati
Nārada said: God of gods, Lord of the world, giver of enjoyment and of release, tell (me), best of the gods, that by which one does not see sorrow.
AI translation rendered from the Sanskrit, not a published edition
PdP 6 70.2
महेश उवाच- शृणु वाडव वक्ष्यामि त्रिरात्रं सरितः शुभम् । येन चीर्णेन नरको मानवानां न जायते
maheśa uvāca- śṛṇu vāḍava vakṣyāmi trirātraṃ saritaḥ śubham | yena cīrṇena narako mānavānāṃ na jāyate
Maheśa said: Listen, brahmin, I shall tell (you) the auspicious three-night (rite) of the river, by the performance of which no hell comes to be for men.
AI translation rendered from the Sanskrit, not a published edition
PdP 6 70.3
आयुरारोग्यमतुलं सौभाग्यं सुखसंपदम् । संतानं चाक्षयं प्राप्य स्वर्गलोके महीयते
āyurārogyamatulaṃ saubhāgyaṃ sukhasaṃpadam | saṃtānaṃ cākṣayaṃ prāpya svargaloke mahīyate
Having gained long life, incomparable health, good fortune, a store of happiness, and undying offspring, one is honoured in the world of heaven.
AI translation rendered from the Sanskrit, not a published edition
PdP 6 70.4
आषाढमासि संप्राप्ते नदीपूरेण संयुता । सततं तोयसंस्थाने पुराणे सा च विश्रुता
āṣāḍhamāsi saṃprāpte nadīpūreṇa saṃyutā | satataṃ toyasaṃsthāne purāṇe sā ca viśrutā
When the month of Āṣāḍha has come, she is filled with the river's flood; she is famed in the Purāṇa as being always a place of water.
AI translation rendered from the Sanskrit, not a published edition — the model flagged this verse as uncertain
PdP 6 70.5
वर्षर्तौ घनसंपूर्णे कर्तव्या सा व्रतेन वा । तोयोघैः परिपूर्णा सा सकलैः स्यान्नदी यदा
varṣartau ghanasaṃpūrṇe kartavyā sā vratena vā | toyoghaiḥ paripūrṇā sā sakalaiḥ syānnadī yadā
In the rainy season, when it is thick with clouds, that (rite) is to be performed as a vow; when the river becomes wholly filled with floods of water,
AI translation rendered from the Sanskrit, not a published edition — the model flagged this verse as uncertain
PdP 6 70.6
व्रतं त्रिरात्रमुद्दिश्य तदा कार्यं प्रयत्नतः । कृतं प्रतिपदा छंदः दर्शनं तु दिनत्रयम्
vrataṃ trirātramuddiśya tadā kāryaṃ prayatnataḥ | kṛtaṃ pratipadā chaṃdaḥ darśanaṃ tu dinatrayam
then, with the three nights in view, the vow is to be performed with care: begun on the first lunar day, the viewing (of the river) lasts three days.
AI translation rendered from the Sanskrit, not a published edition — the model flagged this verse as uncertain
PdP 6 70.7
यथाप्राप्तं नदीपूरं स्त्रीभिस्तीरजलस्य तु । अथवा तज्जलं कुंभे कृष्णे कृत्वा गृहं नयेत्
yathāprāptaṃ nadīpūraṃ strībhistīrajalasya tu | athavā tajjalaṃ kuṃbhe kṛṣṇe kṛtvā gṛhaṃ nayet
The river's flood is to be (viewed) as it is met with by the women, (or) the water at the bank; or else, having put that water in a black jar, one should take it home.
AI translation rendered from the Sanskrit, not a published edition — the model flagged this verse as uncertain
PdP 6 70.8
प्रातःस्नायी तथा नद्यां गत्वा अभ्यर्चयेत्सुधीः । त्रिरात्रस्योपवासस्य यथाशक्तो भवेद्दिवज
prātaḥsnāyī tathā nadyāṃ gatvā abhyarcayetsudhīḥ | trirātrasyopavāsasya yathāśakto bhaveddivaja
Bathing at dawn and going to the river, the wise man should worship (there); as for the three-night fast, let the twice-born be (as observant) as he is able, O twice-born.
AI translation rendered from the Sanskrit, not a published edition — the model flagged this verse as uncertain
PdP 6 70.9
अशक्तश्चैकभक्तेन कुर्याच्चैवाप्युपोषणम् । दीपं दद्यादविछिन्नं प्रातःसायं च पूजनम्
aśaktaścaikabhaktena kuryāccaivāpyupoṣaṇam | dīpaṃ dadyādavichinnaṃ prātaḥsāyaṃ ca pūjanam
And one who is unable may keep the fast by eating a single meal; he should offer an unbroken lamp, and worship morning and evening.
AI translation rendered from the Sanskrit, not a published edition
PdP 6 70.10
महानदीं समुच्चार्य नाम्ना च वरुणं तथा । जलमूले तु संस्थाप्य केशवं जलशायिनम्
mahānadīṃ samuccārya nāmnā ca varuṇaṃ tathā | jalamūle tu saṃsthāpya keśavaṃ jalaśāyinam
Having pronounced (the name of) the great river, and likewise Varuṇa by name, and having installed at the water's edge Keśava who sleeps upon the water,
AI translation rendered from the Sanskrit, not a published edition — the model flagged this verse as uncertain
PdP 6 70.11
नमो देव्यै च गंगेति गौतमीति नदीति च । सिंधो चैव च कावेरि सरस्वति नमोऽस्तु ते
namo devyai ca gaṃgeti gautamīti nadīti ca | siṃdho caiva ca kāveri sarasvati namo'stu te
(one should say:) Homage to the Goddess, as Gaṅgā, as Gautamī, as the River; and O Sindhu, and Kāverī, Sarasvatī, homage be to you;
AI translation rendered from the Sanskrit, not a published edition
PdP 6 70.12
तापी पयोष्णी पूर्णेति महेंद्रसुखदेति च । काश्यपी गंडकी चैव सिंधुनद्यै नमोनमः
tāpī payoṣṇī pūrṇeti maheṃdrasukhadeti ca | kāśyapī gaṃḍakī caiva siṃdhunadyai namonamaḥ
Tāpī, Payoṣṇī, Pūrṇā, and she who gives Mahendra's joy, and Kāśyapī and Gaṇḍakī — homage, homage to the river Sindhu;
AI translation rendered from the Sanskrit, not a published edition — the model flagged this verse as uncertain
PdP 6 70.13
वरुणाय नमस्तेऽस्तु जलवासहरिप्रिय । यादोनाथ रसेशान कल्याणं देहि मे सदा
varuṇāya namaste'stu jalavāsaharipriya | yādonātha raseśāna kalyāṇaṃ dehi me sadā
Homage be to you, Varuṇa, dweller in the waters, dear to Hari; lord of the sea-creatures, ruler of the waters, grant me welfare always.
AI translation rendered from the Sanskrit, not a published edition
PdP 6 70.14
गृहाणार्घं मया दत्तं देहि मे वांछितं फलम् । कूष्मांडैर्नालिकेरैश्च फलैः कालोद्भवैः शुभैः
gṛhāṇārghaṃ mayā dattaṃ dehi me vāṃchitaṃ phalam | kūṣmāṃḍairnālikeraiśca phalaiḥ kālodbhavaiḥ śubhaiḥ
Accept the offering-water given by me; grant me the desired fruit. With pumpkins and coconuts and with auspicious fruits of the season,
AI translation rendered from the Sanskrit, not a published edition
PdP 6 70.15
नैवेद्यं घृतपक्वं तु सरितः संप्रकल्पयेत् । नमस्ते केशवानंत जलशायिन्नमोऽस्तु ते
naivedyaṃ ghṛtapakvaṃ tu saritaḥ saṃprakalpayet | namaste keśavānaṃta jalaśāyinnamo'stu te
and food-offering cooked in ghee — (thus) let one make (offering) to the rivers. Homage to you, Keśava, Ananta; homage to you who lie upon the waters.
AI translation rendered from the Sanskrit, not a published edition
PdP 6 70.16
परिपालय मामीश गोविंदवरदो भव । एवं पूजा प्रकर्तव्या यथाकालं क्रमेण तु
paripālaya māmīśa goviṃdavarado bhava | evaṃ pūjā prakartavyā yathākālaṃ krameṇa tu
Protect me, O Lord; O Govinda, be a granter of boons. Thus the worship is to be performed, in due order according to the time.
AI translation rendered from the Sanskrit, not a published edition
PdP 6 70.17
प्रार्थना चोपचारैस्तु त्रिरात्रनियमः शुचिः । पारणेन तु संपूज्य जलपात्रं समाचरेत्
prārthanā copacāraistu trirātraniyamaḥ śuciḥ | pāraṇena tu saṃpūjya jalapātraṃ samācaret
And with prayer and with the (customary) services, the three-night observance (is kept) in purity; and having worshipped fully at the breaking of the fast, one should carry out (the rite of) the water-vessel.
AI translation rendered from the Sanskrit, not a published edition — the model flagged this verse as uncertain
PdP 6 70.18
फलपुष्पैस्तथा विद्वन्स्त्रीभिर्बालैर्नरैरपि । गीतवादित्रसहितैर्नदी कुंभ परिप्लुतैः
phalapuṣpaistathā vidvanstrībhirbālairnarairapi | gītavāditrasahitairnadī kuṃbha pariplutaiḥ
With fruits and flowers, O learned one, and together with women, children and men too, accompanied by song and instrumental music, with river-water and jars brimming over,
AI translation rendered from the Sanskrit, not a published edition — the model flagged this verse as uncertain
PdP 6 70.19
जलेजले समास्थाप्य फलपुष्पैः प्रपूजयेत् । धान्यैर्नानाविधैश्चैव जलप्रक्षेपणैरपि
jalejale samāsthāpya phalapuṣpaiḥ prapūjayet | dhānyairnānāvidhaiścaiva jalaprakṣepaṇairapi
having set (the vessels) down in each body of water, one should worship with fruits and flowers, and with grains of various kinds, and also by sprinklings of water,
AI translation rendered from the Sanskrit, not a published edition
PdP 6 70.20
हास्यैर्गीतैश्च नृत्यैश्च गृहमागत्य यत्नतः । सप्तधान्यैः पूरितानि वंशपात्राणि पूजयेत्
hāsyairgītaiśca nṛtyaiśca gṛhamāgatya yatnataḥ | saptadhānyaiḥ pūritāni vaṃśapātrāṇi pūjayet
with laughter and songs and dances; then, having come home, one should carefully worship the bamboo vessels filled with the seven grains.
AI translation rendered from the Sanskrit, not a published edition
PdP 6 70.21
सप्त वा पंच वा त्रीणि यथाशक्त्या प्रपूरयेत् । त्रिरात्रं च नदीतोयं न पिबेद्धितमुल्लसन्
sapta vā paṃca vā trīṇi yathāśaktyā prapūrayet | trirātraṃ ca nadītoyaṃ na pibeddhitamullasan
Seven, or five, or three (vessels) he should fill, according to his ability; and for three nights he should not drink river water, rejoicing in what is beneficial.
AI translation rendered from the Sanskrit, not a published edition — the model flagged this verse as uncertain
PdP 6 70.22
पारणे तु हविष्यान्नं हृतं वा ह्यन्यथा भवेत् । कृते स्नानार्चने चैव नोपयोज्यं नदीजलम्
pāraṇe tu haviṣyānnaṃ hṛtaṃ vā hyanyathā bhavet | kṛte snānārcane caiva nopayojyaṃ nadījalam
At the breaking of the fast (he should eat) sacrificial food; otherwise it would be as though stolen. And even when bathing and worship have been performed, river water is not to be used.
AI translation rendered from the Sanskrit, not a published edition — the model flagged this verse as uncertain
PdP 6 70.23
शुच्यन्नानि च भोज्यानि दापयत्त्रितयं तथा । सप्तैव वंशपात्राणि सप्त वै मणिकास्तथा
śucyannāni ca bhojyāni dāpayattritayaṃ tathā | saptaiva vaṃśapātrāṇi sapta vai maṇikāstathā
And pure foods and eatables he should have given — a set of three, likewise; and just seven bamboo vessels, and likewise seven water-jars.
AI translation rendered from the Sanskrit, not a published edition — the model flagged this verse as uncertain
PdP 6 70.24
हविष्यान्नं च भुंजीत कट्वम्लमधुवर्जितम् । माषान्नं च शिलापिष्टं यत्नेन परिवर्जयेत्
haviṣyānnaṃ ca bhuṃjīta kaṭvamlamadhuvarjitam | māṣānnaṃ ca śilāpiṣṭaṃ yatnena parivarjayet
And he should eat sacrificial food free of the pungent, the sour, and honey; and he should carefully avoid food of black gram and what is ground on a stone.
AI translation rendered from the Sanskrit, not a published edition
PdP 6 70.25
एवं वर्षत्रयं कुर्याद्व्रतमेतद्दिवजोत्तम । वर्षत्रये समाप्यैवं तस्योद्यापनमाचरेत्
evaṃ varṣatrayaṃ kuryādvratametaddivajottama | varṣatraye samāpyaivaṃ tasyodyāpanamācaret
Thus he should perform this vow for three years, O best of the twice-born; and when it has been completed in three years, he should carry out its concluding rite.
AI translation rendered from the Sanskrit, not a published edition
PdP 6 70.26
कृष्णां गां कृष्णवस्त्रां च तिलान्दद्याच्च नारद । दंपती परिदाप्यैवं सुवर्णं चापि शक्तितः
kṛṣṇāṃ gāṃ kṛṣṇavastrāṃ ca tilāndadyācca nārada | daṃpatī paridāpyaivaṃ suvarṇaṃ cāpi śaktitaḥ
He should give a black cow with a black cloth, and sesame seeds, O Nārada; a married couple being thus presented (with gifts), and gold too according to his means.
AI translation rendered from the Sanskrit, not a published edition — the model flagged this verse as uncertain
PdP 6 70.27
हैमं च वरुणं कुर्यान्नदीरूपेण नारद । मंडलं वारुणं चैव सर्वतोभद्रमेव च
haimaṃ ca varuṇaṃ kuryānnadīrūpeṇa nārada | maṃḍalaṃ vāruṇaṃ caiva sarvatobhadrameva ca
And he should make a golden Varuṇa in the form of a river, O Nārada, and a maṇḍala of Varuṇa, and also the 'auspicious-on-all-sides' (sarvatobhadra) diagram.
AI translation rendered from the Sanskrit, not a published edition
PdP 6 70.28
कुंभं तत्र प्रतिष्ठाप्य सोपहारं प्रतिष्ठितम् । संपूज्य विधिवद्भक्त्या ततो विप्राय दापयेत्
kuṃbhaṃ tatra pratiṣṭhāpya sopahāraṃ pratiṣṭhitam | saṃpūjya vidhivadbhaktyā tato viprāya dāpayet
Having installed a jar there, set up together with its offerings, and having worshipped it duly with devotion, he should then have it given to a brahmin.
AI translation rendered from the Sanskrit, not a published edition
PdP 6 70.29
ब्राह्मणान्भोजयेच्छक्त्या यथावित्तानुसारतः । गुरवेर्चितशीलाय सर्वशास्त्ररताय च
brāhmaṇānbhojayecchaktyā yathāvittānusārataḥ | guravercitaśīlāya sarvaśāstraratāya ca
He should feed brahmins according to his ability, in accordance with his wealth, and (give) to a teacher of honoured conduct and devoted to all the scriptures.
AI translation rendered from the Sanskrit, not a published edition — the model flagged this verse as uncertain
PdP 6 70.30
एवं कृते तदा विद्वन्परिपूर्णं व्रतं भवेत् । सौभाग्यसुखसंपत्तिः संततिश्चाक्षया भवेत्
evaṃ kṛte tadā vidvanparipūrṇaṃ vrataṃ bhavet | saubhāgyasukhasaṃpattiḥ saṃtatiścākṣayā bhavet
When it is done thus, O learned one, the vow becomes complete: there will be good fortune, happiness and prosperity, and undiminishing progeny.
AI translation rendered from the Sanskrit, not a published edition
PdP 6 70.31
न दुर्गतिमवाप्नोति चिरं स्वर्गे महीयते । देवपत्नीभिराचीर्णमृषिपत्नीभिरेव च
na durgatimavāpnoti ciraṃ svarge mahīyate | devapatnībhirācīrṇamṛṣipatnībhireva ca
He does not come to an evil state, and is honoured long in heaven. This (vow) has been practised by the wives of the gods and by the wives of the sages,
AI translation rendered from the Sanskrit, not a published edition
PdP 6 70.32
नागसिद्धांगनाभिश्च व्रतमेतत्पुरा कृतम् । नदीत्रिरात्रमतुलं किमन्यच्छ्रोतुमिच्छसि । सौभाग्यं संततिं चैव निश्चयं प्राप्नुते सदा
nāgasiddhāṃganābhiśca vratametatpurā kṛtam | nadītrirātramatulaṃ kimanyacchrotumicchasi | saubhāgyaṃ saṃtatiṃ caiva niścayaṃ prāpnute sadā
and by the women of the Nāgas and the Siddhas this vow was performed of old — the unequalled River Three-Nights (rite). What else do you wish to hear? One surely obtains good fortune and progeny always.
AI translation rendered from the Sanskrit, not a published edition