Padma Purana — Uttara Khanda — Chapter 7
PdP 6 7.1
नारद उवाच- ततो जालंधरः क्रुद्धः प्राह तं दैत्यसूदनम् । कपटेन बलं हत्वा क्व यास्यसि बलाधम
nārada uvāca- tato jālaṃdharaḥ kruddhaḥ prāha taṃ daityasūdanam | kapaṭena balaṃ hatvā kva yāsyasi balādhama
Nārada said: Then the angry Jālandhara said to that slayer of demons: "Having killed Bala by trickery, where will you go, basest of the mighty?"
AI translation rendered from the Sanskrit, not a published edition
PdP 6 7.2
इत्युक्त्वा तं शतमखं सिंधुसूनुः प्रतापवान् । ससूताश्वध्वजरथं छादयामास मार्गणैः
ityuktvā taṃ śatamakhaṃ siṃdhusūnuḥ pratāpavān | sasūtāśvadhvajarathaṃ chādayāmāsa mārgaṇaiḥ
Having said this, the majestic son of the ocean covered that Śatamakha (Indra), together with his charioteer, horses, banner and chariot, with arrows.
AI translation rendered from the Sanskrit, not a published edition
PdP 6 7.3
पपात मूर्च्छितः शक्रो रथोपरि शरैः क्षतः । दृष्ट्वा तं पतितं शक्रं जगर्जार्णवनंदनः
papāta mūrcchitaḥ śakro rathopari śaraiḥ kṣataḥ | dṛṣṭvā taṃ patitaṃ śakraṃ jagarjārṇavanaṃdanaḥ
Śakra, gashed by the arrows, fell in a faint upon his chariot; seeing Śakra fallen, the ocean's son roared.
AI translation rendered from the Sanskrit, not a published edition
PdP 6 7.4
मूर्च्छां त्यक्त्वा मुमोचेंद्रो वज्रं जालंधरं प्रति । तदाद्रिदलनं हस्ते गृहीत्वा सिंधुसंभवः
mūrcchāṃ tyaktvā mumoceṃdro vajraṃ jālaṃdharaṃ prati | tadādridalanaṃ haste gṛhītvā siṃdhusaṃbhavaḥ
Shaking off the faint, Indra hurled the thunderbolt at Jālandhara; and the ocean-born one, taking that splitter of mountains in his hand,
AI translation rendered from the Sanskrit, not a published edition
PdP 6 7.5
वज्रं कक्षापुटे धृत्वा रथादुत्तीर्य सत्वरम् । अभ्यधावत दैत्येंद्रो देवेंद्रं धर्तुमाहवे
vajraṃ kakṣāpuṭe dhṛtvā rathāduttīrya satvaram | abhyadhāvata daityeṃdro deveṃdraṃ dhartumāhave
holding the thunderbolt in the hollow of his armpit and swiftly stepping down from his chariot, the lord of the demons ran at the lord of the gods to seize him in the battle.
AI translation rendered from the Sanskrit, not a published edition
PdP 6 7.6
ततो दुद्राव मघवा रथं त्यक्त्वा हरिं स्मरन् । रथमिंद्रस्य मदवानारुह्यार्णवनंदनः
tato dudrāva maghavā rathaṃ tyaktvā hariṃ smaran | rathamiṃdrasya madavānāruhyārṇavanaṃdanaḥ
Then Maghavan fled, abandoning his chariot, remembering Hari; and the exultant son of the ocean, mounting Indra's chariot,
AI translation rendered from the Sanskrit, not a published edition
PdP 6 7.7
यंतारं मातलिं कृत्वा ययौ प्राप्तमनोरथः । रथमिंद्रस्य तरसा यत्र यत्र ययौ बले यामुत्तरखंडे युधिष्ठिरनारदसंवादे सप्तमोऽध्यायः
yaṃtāraṃ mātaliṃ kṛtvā yayau prāptamanorathaḥ | rathamiṃdrasya tarasā yatra yatra yayau bale yāmuttarakhaṃḍe yudhiṣṭhiranāradasaṃvāde saptamo'dhyāyaḥ
making Mātali his driver, went on with his wish fulfilled. Wherever Indra's chariot swiftly went among the army... [Thus] the seventh chapter, in the Uttarakhaṇḍa, in the dialogue of Yudhiṣṭhira and Nārada.
AI translation rendered from the Sanskrit, not a published edition — the model flagged this verse as uncertain
PdP 6 7.8
जालंधरो महाबाहुः स्वयं चांबुधरो यथा । ततः स कोपात्पुरुषोत्तमः स्वयं खड्गं समुद्यम्य च नंदकं रणे
jālaṃdharo mahābāhuḥ svayaṃ cāṃbudharo yathā | tataḥ sa kopātpuruṣottamaḥ svayaṃ khaḍgaṃ samudyamya ca naṃdakaṃ raṇe
Jālandhara of mighty arms, himself like a rain-cloud. Then he, the Supreme Person, in anger himself raising his sword Nandaka in the battle,
AI translation rendered from the Sanskrit, not a published edition
PdP 6 7.9
संप्रेरयित्वा गरुडं मनोजवं जघान कोपेन च दैत्यवाहिनीम् । रथान्हयान्कुंजरपत्तिसंघान्स पातयामास बलात्सहस्रशः
saṃprerayitvā garuḍaṃ manojavaṃ jaghāna kopena ca daityavāhinīm | rathānhayānkuṃjarapattisaṃghānsa pātayāmāsa balātsahasraśaḥ
and urging on Garuḍa, swift as thought, in his wrath struck the demon host; chariots, horses, and throngs of elephants and foot-soldiers he brought down by force, by the thousand.
AI translation rendered from the Sanskrit, not a published edition
PdP 6 7.10
जनार्दनः कश्यपसूनुसंवृतश्चकार संख्ये चरितं भयावहम् । केशास्थिमज्जारुधिरौघवाहिनीं पिशाचवेतालविहंगसेविताम्
janārdanaḥ kaśyapasūnusaṃvṛtaścakāra saṃkhye caritaṃ bhayāvaham | keśāsthimajjārudhiraughavāhinīṃ piśācavetālavihaṃgasevitām
Janārdana, borne by the son of Kaśyapa, performed in the battle a terrifying feat, (making the field) a stream flowing with floods of hair, bones, marrow and blood, haunted by piśācas, vetālas and birds,
AI translation rendered from the Sanskrit, not a published edition
PdP 6 7.11
करोरुजंघायुधशस्त्रपूरितां सुदुस्तरां व्याघ्रगजेंद्र सेविताम् । रक्तांत्रहारांगदभूषितांतां विघूर्णनेत्रोत्सवकांतिवाससम्
karorujaṃghāyudhaśastrapūritāṃ sudustarāṃ vyāghragajeṃdra sevitām | raktāṃtrahārāṃgadabhūṣitāṃtāṃ vighūrṇanetrotsavakāṃtivāsasam
filled with hands, thighs, shanks, weapons and blades, very hard to cross, frequented by tigers and lordly elephants, its edges adorned with blood, entrails, garlands and armlets, clothed in the splendour of a festival of rolling eyes.
AI translation rendered from the Sanskrit, not a published edition — the model flagged this verse as uncertain
PdP 6 7.12
विष्णुना निहतं सैन्यं दृष्ट्वा दानवपुंगवाः । जालंधराज्ञया सर्वे रुरुधुः परितो हरिम्
viṣṇunā nihataṃ sainyaṃ dṛṣṭvā dānavapuṃgavāḥ | jālaṃdharājñayā sarve rurudhuḥ parito harim
Seeing the army slain by Viṣṇu, all the bulls among the dānavas, at Jālandhara's command, hemmed Hari in on every side.
AI translation rendered from the Sanskrit, not a published edition
PdP 6 7.13
दैत्यास्ते तत्र बाणौघान्वर्षमाणा यथांबुदाः । यथाद्विरेफाः कमलं पर्वतं जलदा इव
daityāste tatra bāṇaughānvarṣamāṇā yathāṃbudāḥ | yathādvirephāḥ kamalaṃ parvataṃ jaladā iva
Those demons there, raining down floods of arrows like rain-clouds — as bees (beset) a lotus, as clouds (beset) a mountain,
AI translation rendered from the Sanskrit, not a published edition
PdP 6 7.14
चूतं यथा पक्षिगणा गगनं धूपसंचयः । न दृश्योऽभूत्तदा विष्णुर्न तार्क्ष्यो रणसंकटे
cūtaṃ yathā pakṣigaṇā gaganaṃ dhūpasaṃcayaḥ | na dṛśyo'bhūttadā viṣṇurna tārkṣyo raṇasaṃkaṭe
as flocks of birds (cover) a mango tree, as a mass of incense-smoke (covers) the sky — then, in the press of battle, Viṣṇu could not be seen, nor Garuḍa.
AI translation rendered from the Sanskrit, not a published edition
PdP 6 7.15
सर्वे ते रथमारूढा सर्वशस्त्रैर्महासुराः । वैकुंठाधिपतिं जघ्नुर्गर्जंतो भीमनिस्वनैः
sarve te rathamārūḍhā sarvaśastrairmahāsurāḥ | vaikuṃṭhādhipatiṃ jaghnurgarjaṃto bhīmanisvanaiḥ
All those great demons, mounted on their chariots, struck the Lord of Vaikuṇṭha with every kind of weapon, roaring with terrible cries.
AI translation rendered from the Sanskrit, not a published edition
PdP 6 7.16
तान्सर्वान्भीमरूपेण दैत्यारिः कुपितस्तदा । रणे निपातयामास वायुः पर्णचयं यथा
tānsarvānbhīmarūpeṇa daityāriḥ kupitastadā | raṇe nipātayāmāsa vāyuḥ parṇacayaṃ yathā
Then the enemy of the Daityas, enraged, in a terrible form struck all of them down in the battle, as the wind (scatters) a heap of leaves.
AI translation rendered from the Sanskrit, not a published edition
PdP 6 7.17
शैलरोमा ततो विष्णुं दैत्यः कोपादधावत । हरेरपि शरास्तस्य शरीरे शीर्णतां गताः
śailaromā tato viṣṇuṃ daityaḥ kopādadhāvata | harerapi śarāstasya śarīre śīrṇatāṃ gatāḥ
— tr. refused: cyber
PdP 6 7.18
शैलरोमा च दैत्यारि शरीरं चाहनच्छरैः । हरिः खड्गं विनिर्धूय शिरस्तस्य जहार ह
śailaromā ca daityāri śarīraṃ cāhanaccharaiḥ | hariḥ khaḍgaṃ vinirdhūya śirastasya jahāra ha
— tr. refused: cyber
PdP 6 7.19
छिन्ने शिरसि दैत्यस्य कबंधो विक्रमन्रणे । शैलरोमा भुजाभ्यां च तार्क्ष्यं जग्राह पक्षयोः
chinne śirasi daityasya kabaṃdho vikramanraṇe | śailaromā bhujābhyāṃ ca tārkṣyaṃ jagrāha pakṣayoḥ
— tr. refused: cyber
PdP 6 7.20
शिरश्चोत्पत्य तरसा विलग्नं स्कंधयोर्दृढम् । ततस्तत्रास्ययुद्धेन हृषीकेशोऽपि विस्मितः
śiraścotpatya tarasā vilagnaṃ skaṃdhayordṛḍham | tatastatrāsyayuddhena hṛṣīkeśo'pi vismitaḥ
— tr. refused: cyber
PdP 6 7.21
शिरः संलग्नमालोक्य गरुडो न्यपतद्भुवि । पुनश्चोत्पत्य वेगेन शिरःस्थानं समाश्रयत्
śiraḥ saṃlagnamālokya garuḍo nyapatadbhuvi | punaścotpatya vegena śiraḥsthānaṃ samāśrayat
Seeing the head stuck fast (there), Garuḍa flew down to the ground; and, flying up again with speed, he took his place at the head.
AI translation rendered from the Sanskrit, not a published edition — the model flagged this verse as uncertain
PdP 6 7.22
शैलरोमा ततो विष्णुं जहार गरुडाद्बली । हरिर्जघ्ने तलेनाशु गतायुश्चापतद्भुवि
śailaromā tato viṣṇuṃ jahāra garuḍādbalī | harirjaghne talenāśu gatāyuścāpatadbhuvi
Then the strong Śailaroman snatched Viṣṇu away from Garuḍa; Hari struck him at once with the flat of his hand, and he fell to the ground, his life gone.
AI translation rendered from the Sanskrit, not a published edition
PdP 6 7.23
ततो जालंधरः सूतं खड्गरोमाणमब्रवीत् । संप्रेषय रथं तत्र यत्र देवो जनार्दनः
tato jālaṃdharaḥ sūtaṃ khaḍgaromāṇamabravīt | saṃpreṣaya rathaṃ tatra yatra devo janārdanaḥ
Then Jālaṃdhara said to (his) charioteer Khaḍgaroman: "Drive the chariot there, where the god Janārdana is."
AI translation rendered from the Sanskrit, not a published edition
PdP 6 7.24
जालंधरस्य वचनात्खङ्गरोमानयद्रथम् । दृष्ट्वा तं पुरतो विष्णुमुवाचार्णवनंदनः
jālaṃdharasya vacanātkhaṅgaromānayadratham | dṛṣṭvā taṃ purato viṣṇumuvācārṇavanaṃdanaḥ
At Jālandhara's word Khaḍgaroman drove the chariot (there). Seeing Viṣṇu before him, the ocean's son said:
AI translation rendered from the Sanskrit, not a published edition
PdP 6 7.25
निःशंकं जहि मां विष्णो नाहं त्वा हन्मि माधव । तस्य तद्वचनं श्रुत्वा क्रोधसंरक्तलोचनः
niḥśaṃkaṃ jahi māṃ viṣṇo nāhaṃ tvā hanmi mādhava | tasya tadvacanaṃ śrutvā krodhasaṃraktalocanaḥ
"Strike me without hesitation, Viṣṇu; I will not strike you, Mādhava." Hearing that speech of his, (Viṣṇu,) his eyes reddened with rage,
AI translation rendered from the Sanskrit, not a published edition
PdP 6 7.26
नारायणः प्राणहरैः शरैरेनमपूरयत् । विष्णुना च विभिन्नांगोऽर्णवसूनुः प्रतापवान्
nārāyaṇaḥ prāṇaharaiḥ śarairenamapūrayat | viṣṇunā ca vibhinnāṃgo'rṇavasūnuḥ pratāpavān
Nārāyaṇa filled him with life-taking arrows; and the majestic son of the ocean, his limbs pierced through by Viṣṇu,
AI translation rendered from the Sanskrit, not a published edition
PdP 6 7.27
हरिं संपूरयामास मार्गणौघैर्निरंतरम् । नारायणः प्राणहरैः शरैरेनमपूरयत्
hariṃ saṃpūrayāmāsa mārgaṇaughairniraṃtaram | nārāyaṇaḥ prāṇaharaiḥ śarairenamapūrayat
He filled Hari unceasingly with floods of arrows; and Nārāyaṇa (in turn) filled him with life-taking shafts.
AI translation rendered from the Sanskrit, not a published edition
PdP 6 7.28
गरुडं पतितं दृष्ट्वासिंधुसूनोः शरैर्भुवि । रथं संस्मारयामास वैकुंठस्थं जनार्दनः
garuḍaṃ patitaṃ dṛṣṭvāsiṃdhusūnoḥ śarairbhuvi | rathaṃ saṃsmārayāmāsa vaikuṃṭhasthaṃ janārdanaḥ
Seeing Garuḍa fallen to the ground by the arrows of the son of Sindhu, Janārdana summoned to mind (his) chariot, which stood in Vaikuṇṭha.
AI translation rendered from the Sanskrit, not a published edition
PdP 6 7.29
सरथस्तस्य संप्राप्तः सूतहीनो हयैर्वृतः । अश्वैर्युतं रथं दृष्ट्वा विस्मितो भगवान्रणे
sarathastasya saṃprāptaḥ sūtahīno hayairvṛtaḥ | aśvairyutaṃ rathaṃ dṛṣṭvā vismito bhagavānraṇe
— tr. refused: cyber
PdP 6 7.30
संबोधयित्वा गरुडं सारथ्ये समयोजयत् । स धृत्वा मुकुटं मूर्ध्नि कौस्तुभं हृदये मणिम्
saṃbodhayitvā garuḍaṃ sārathye samayojayat | sa dhṛtvā mukuṭaṃ mūrdhni kaustubhaṃ hṛdaye maṇim
Having roused Garuḍa, he set him to the task of charioteer; and he (Hari), wearing the crown on his head and the Kaustubha jewel on his breast —
AI translation rendered from the Sanskrit, not a published edition
PdP 6 7.31
पुरुषार्थान्हयान्कृत्वा ययौ जालंधरं हरिः । मेदिनीं रथचक्रेण दारयंश्च सुरैः सह
puruṣārthānhayānkṛtvā yayau jālaṃdharaṃ hariḥ | medinīṃ rathacakreṇa dārayaṃśca suraiḥ saha
— tr. refused: cyber
PdP 6 7.32
जघान तरसा बाणैर्दानवानां च वाहिनीम् । देवराजेन संदिष्टो वीतिहोत्रो रणांगणे
jaghāna tarasā bāṇairdānavānāṃ ca vāhinīm | devarājena saṃdiṣṭo vītihotro raṇāṃgaṇe
With his arrows he swiftly struck down the host of the Dānavas; and Vītihotra (Fire), commanded by the king of the gods, on the field of battle —
AI translation rendered from the Sanskrit, not a published edition
PdP 6 7.33
ददाह दानवानीकं समीरणसमन्वितम् । तदाह तं भगवता दैत्यसैन्यं सुरैः सह
dadāha dānavānīkaṃ samīraṇasamanvitam | tadāha taṃ bhagavatā daityasainyaṃ suraiḥ saha
(He, Vītihotra/Fire,) burned the Dānava host, accompanied by the Wind; then that army of the Daityas (was burned) by the Lord (Fire) together with the gods.
AI translation rendered from the Sanskrit, not a published edition — the model flagged this verse as uncertain
PdP 6 7.34
जालंधरः स्वल्पशेषं दध्यौ दृष्ट्वा बलं स्वकम् । अथाह भार्गवं राजा मत्सैन्यं निहतं सुरैः
jālaṃdharaḥ svalpaśeṣaṃ dadhyau dṛṣṭvā balaṃ svakam | athāha bhārgavaṃ rājā matsainyaṃ nihataṃ suraiḥ
Jālaṃdhara, seeing his own army reduced to a small remnant, pondered; then the king said to the Bhārgava (Śukra): "My army has been slain by the gods.
AI translation rendered from the Sanskrit, not a published edition
PdP 6 7.35
त्वयि तिष्ठति मंत्रज्ञे विख्यातो विद्यया भवान् । किं तया विद्यया ब्रह्मन्क्षत्रेणाथ बलेन च
tvayi tiṣṭhati maṃtrajñe vikhyāto vidyayā bhavān | kiṃ tayā vidyayā brahmankṣatreṇātha balena ca
While you, the knower of mantras, stand (with us) — you who are renowned for (your) science — of what use is that science, brahmin, and of what use kṣatra (power) and strength,
AI translation rendered from the Sanskrit, not a published edition
PdP 6 7.36
या न रक्षति रोगार्तान्यद्बलं शरणागतान् । जालंधरवचः श्रुत्वा भार्गवस्तमभाषत
yā na rakṣati rogārtānyadbalaṃ śaraṇāgatān | jālaṃdharavacaḥ śrutvā bhārgavastamabhāṣata
which does not protect those afflicted by illness, nor an army that has come for refuge?" Having heard Jālaṃdhara's words, the Bhārgava said to him:
AI translation rendered from the Sanskrit, not a published edition
PdP 6 7.37
पश्य राजन्मम बलं ब्राह्मणस्य रणांगणे । इत्युक्त्वा वारिणा स्पृष्टा हुंकारेण प्रबोधिताः
paśya rājanmama balaṃ brāhmaṇasya raṇāṃgaṇe | ityuktvā vāriṇā spṛṣṭā huṃkāreṇa prabodhitāḥ
"Look, king, at my power — a brahmin's — on the field of battle!" Having said this, (the fallen) were touched with water and roused with a huṃ-sound.
AI translation rendered from the Sanskrit, not a published edition
PdP 6 7.38
उत्थापितास्ते कविना शरौघैः प्राणहारकैः । देवाहता रणे पेतुः समंतात्सिंधुसूनुना
utthāpitāste kavinā śaraughaiḥ prāṇahārakaiḥ | devāhatā raṇe petuḥ samaṃtātsiṃdhusūnunā
They were raised up by the sage (Śukra); (but) the gods, struck by the son of the ocean (Jālaṃdhara) with floods of life-taking arrows, fell on all sides in the battle.
AI translation rendered from the Sanskrit, not a published edition — the model flagged this verse as uncertain
PdP 6 7.39
बाणैर्जर्जरदेहास्ते धृतप्राणा नराधिप । न मृतास्त्वमरत्वाच्च बाणैर्भिन्नाश्च सत्तम
bāṇairjarjaradehāste dhṛtaprāṇā narādhipa | na mṛtāstvamaratvācca bāṇairbhinnāśca sattama
Their bodies shattered by arrows, they retained their life-breath, O lord of men; they did not die, because of their immortality, though pierced by arrows, O best one.
AI translation rendered from the Sanskrit, not a published edition
PdP 6 7.40
ततो नारायणो देवो बृहस्पतिमभाषत । धिग्बलं दैवतगुरो यो न जीवयसे सुरान्
tato nārāyaṇo devo bṛhaspatimabhāṣata | dhigbalaṃ daivataguro yo na jīvayase surān
Then the god Nārāyaṇa said to Bṛhaspati: "A curse on (your) power, O teacher of the gods, you who do not revive the gods!"
AI translation rendered from the Sanskrit, not a published edition
PdP 6 7.41
धिषणस्तु जगन्नाथमुवाच त्वरितं तदा । ओषधीभिरहं स्वामिन्जीवयिष्यामि निर्जरान्
dhiṣaṇastu jagannāthamuvāca tvaritaṃ tadā | oṣadhībhirahaṃ svāminjīvayiṣyāmi nirjarān
But Dhiṣaṇa (Bṛhaspati) then quickly said to the Lord of the world: "With herbs, master, I shall revive the immortals."
AI translation rendered from the Sanskrit, not a published edition
PdP 6 7.42
इत्युक्त्वा धिषणः सोऽपि ययौ क्षीरार्णवस्थितम् । द्रोणमद्रिं तदा गत्वा सुखं गृह्यौषधीः स्वयम्
ityuktvā dhiṣaṇaḥ so'pi yayau kṣīrārṇavasthitam | droṇamadriṃ tadā gatvā sukhaṃ gṛhyauṣadhīḥ svayam
Having said this, that Dhiṣaṇa went to Mount Droṇa, which stands in the ocean of milk; and going there, he himself easily took the herbs.
AI translation rendered from the Sanskrit, not a published edition
PdP 6 7.43
गुरुस्तासां च योगेन जीवयामास निर्जरान् । उत्थितास्ते ततो देवा जघ्नुर्दानववाहिनीम्
gurustāsāṃ ca yogena jīvayāmāsa nirjarān | utthitāste tato devā jaghnurdānavavāhinīm
And the teacher, by the application of them, revived the immortals; then those gods, risen up, smote the army of the Dānavas.
AI translation rendered from the Sanskrit, not a published edition
PdP 6 7.44
देवान्समुत्थितान्दृष्ट्वा बभाषे सिंधुजः कविम् । विना त्वद्विद्यया काव्य कथमेते समुत्थिताः
devānsamutthitāndṛṣṭvā babhāṣe siṃdhujaḥ kavim | vinā tvadvidyayā kāvya kathamete samutthitāḥ
Seeing the gods risen up, the son of the ocean said to the sage (Śukra): "Without your science, Kāvya, how have these risen up?"
AI translation rendered from the Sanskrit, not a published edition
PdP 6 7.45
इति दैत्योक्तमाकर्ण्य शुक्रः प्राहार्णवात्मजम् । क्षीरसागरमध्यस्थो द्रोणोनाम महागिरिः
iti daityoktamākarṇya śukraḥ prāhārṇavātmajam | kṣīrasāgaramadhyastho droṇonāma mahāgiriḥ
Hearing this spoken by the Daitya, Śukra said to the son of the ocean: "In the middle of the ocean of milk stands a great mountain named Droṇa.
AI translation rendered from the Sanskrit, not a published edition
PdP 6 7.46
औषध्यस्तत्र तिष्ठंति जीवयंति च या मृतान् । तत्र गत्वा सुराचार्यो गृहीत्वोषधिसंचयम्
auṣadhyastatra tiṣṭhaṃti jīvayaṃti ca yā mṛtān | tatra gatvā surācāryo gṛhītvoṣadhisaṃcayam
There grow herbs which revive the dead; going there, the teacher of the gods takes a collection of herbs,
AI translation rendered from the Sanskrit, not a published edition
PdP 6 7.47
रणे विनिहतान्देवानुत्थापयति मंत्रतः । भार्गवोक्तमथाकर्ण्य सैन्यभारं महाबलः
raṇe vinihatāndevānutthāpayati maṃtrataḥ | bhārgavoktamathākarṇya sainyabhāraṃ mahābalaḥ
and by mantra raises up the gods slain in battle." Then, hearing what the Bhārgava said, the greatly powerful one
AI translation rendered from the Sanskrit, not a published edition
PdP 6 7.48
शुंभे निक्षिप्य तरसा ययौ जालंधरोऽर्णवम् । अथ प्रविष्टः क्षीराब्धौ वेश्मदिव्यं महाप्रभम्
śuṃbhe nikṣipya tarasā yayau jālaṃdharo'rṇavam | atha praviṣṭaḥ kṣīrābdhau veśmadivyaṃ mahāprabham
swiftly laid the burden of the army on Śuṃbha, and Jālaṃdhara went to the ocean. Then, having entered the ocean of milk, (he saw) a divine, greatly radiant dwelling.
AI translation rendered from the Sanskrit, not a published edition
PdP 6 7.49
प्रविश्य तत्र क्षीराब्धेः क्रीडास्थानं ददर्श सः । नोष्णो न शीतलो वायुर्न तमो यत्र दृश्यते
praviśya tatra kṣīrābdheḥ krīḍāsthānaṃ dadarśa saḥ | noṣṇo na śītalo vāyurna tamo yatra dṛśyate
Entering there, he saw the pleasure-place of the ocean of milk, where the breeze is neither hot nor cool, and no darkness is seen;
AI translation rendered from the Sanskrit, not a published edition
PdP 6 7.50
यत्र गायंति नृत्यंति क्रीडंति च वरस्त्रियः । सुपीनस्तनभाराढ्याः कृशोदर्यः सुदंतिकाः 6.7.
yatra gāyaṃti nṛtyaṃti krīḍaṃti ca varastriyaḥ | supīnastanabhārāḍhyāḥ kṛśodaryaḥ sudaṃtikāḥ 6.7.
where excellent women sing and dance and play, richly endowed with the weight of very full breasts, slender-waisted, with fine teeth;
AI translation rendered from the Sanskrit, not a published edition
PdP 6 7.51
नेत्रविभ्रमविक्षेपैर्नितंबपरिवर्त्तनैः । अंगैः संमोहनै रम्यैर्बाहुवल्लीविचालनैः
netravibhramavikṣepairnitaṃbaparivarttanaiḥ | aṃgaiḥ saṃmohanai ramyairbāhuvallīvicālanaiḥ
with playful rollings and glances of the eyes, with turnings of the hips, with lovely bewitching limbs, with swayings of their creeper-like arms,
AI translation rendered from the Sanskrit, not a published edition
PdP 6 7.52
पादविन्यासरणि तैर्मधुरैर्वचनस्तवैः । सौगंध्यसौख्यदैर्वासैर्नेत्रभ्रमरहुंकृतैः
pādavinyāsaraṇi tairmadhurairvacanastavaiḥ | saugaṃdhyasaukhyadairvāsairnetrabhramarahuṃkṛtaiḥ
with (graceful) manners of placing the feet, with sweet words of praise, with perfumes yielding fragrance and pleasure, with the humming of the bees (that are) their eyes,
AI translation rendered from the Sanskrit, not a published edition — the model flagged this verse as uncertain
PdP 6 7.53
चामरांदोललीलाभिः स्रग्भिः स्मितविलोकितैः। सेवां चक्रुर्विलासिन्यस्तत्र सुतः।।
cāmarāṃdolalīlābhiḥ sragbhiḥ smitavilokitaiḥ| sevāṃ cakrurvilāsinyastatra sutaḥ||
with playful swayings of yak-tail fans, with garlands, with smiling looks — there the courtesans rendered service...
AI translation rendered from the Sanskrit, not a published edition — the model flagged this verse as uncertain
PdP 6 7.54
क्रीडंतं तत्र दुग्धाब्धिं संवीक्ष्य समरोत्सुकः। अथाह प्रणिपत्यासौ क्षीराब्धिं तात हंसि माम्। द्रोणाचलौषधीर्व्याजादंबुभिः प्लावयस्वतः
krīḍaṃtaṃ tatra dugdhābdhiṃ saṃvīkṣya samarotsukaḥ| athāha praṇipatyāsau kṣīrābdhiṃ tāta haṃsi mām| droṇācalauṣadhīrvyājādaṃbubhiḥ plāvayasvataḥ
Seeing the ocean of milk sporting there, he, eager for battle, then bowed and said: "Father, ocean of milk, you are killing me. Therefore, under the pretext of (gathering) the herbs of Mount Droṇa, flood (it) with your waters."
AI translation rendered from the Sanskrit, not a published edition — the model flagged this verse as uncertain
PdP 6 7.55
क्षीरसागर उवाच-। तं प्राप्तं शरणं पुत्र प्लावयाम्यूर्मिभिः कथम् । मुनींद्रास्तं न शंसंति यस्त्यजेच्छरणागतम्
kṣīrasāgara uvāca-| taṃ prāptaṃ śaraṇaṃ putra plāvayāmyūrmibhiḥ katham | munīṃdrāstaṃ na śaṃsaṃti yastyajeccharaṇāgatam
The ocean of milk said: "My son, how can I flood with my waves him who has come to me for refuge? The chief sages do not praise one who would abandon a person come for refuge."
AI translation rendered from the Sanskrit, not a published edition
PdP 6 7.56
पितृव्यवचनं श्रुत्वा संक्रोधात्संततं गिरिम् । तलप्रहरणेनैव ताडयामास दैत्यराट्
pitṛvyavacanaṃ śrutvā saṃkrodhātsaṃtataṃ girim | talapraharaṇenaiva tāḍayāmāsa daityarāṭ
Having heard the words of his father's brother, the king of the demons, out of anger, struck the mountain repeatedly with the blow of his palm alone.
AI translation rendered from the Sanskrit, not a published edition
PdP 6 7.57
ततो द्रोणगिरी राजन्भीतो जालंधराद्भृशम् । अथाजगाम रूपेण प्राह जालंधरं प्रति
tato droṇagirī rājanbhīto jālaṃdharādbhṛśam | athājagāma rūpeṇa prāha jālaṃdharaṃ prati
Then, O king, Mount Droṇa, greatly afraid of Jālandhara, came in (assumed) form and spoke to Jālandhara:
AI translation rendered from the Sanskrit, not a published edition
PdP 6 7.58
तवाहमभवं दासो रक्ष मां शरणागतम् । रसातलं महाबाहो यास्यामि तव शासनात्
tavāhamabhavaṃ dāso rakṣa māṃ śaraṇāgatam | rasātalaṃ mahābāho yāsyāmi tava śāsanāt
"I have become your servant; protect me, who have come for refuge. O mighty-armed one, at your command I shall go to Rasātala.
AI translation rendered from the Sanskrit, not a published edition
PdP 6 7.59
यावत्त्वं कुरुषे राज्यं तावत्स्थास्याम्यहं प्रभो । ओषधीनां विरावेण सिद्धानां रोदनेन च
yāvattvaṃ kuruṣe rājyaṃ tāvatsthāsyāmyahaṃ prabho | oṣadhīnāṃ virāveṇa siddhānāṃ rodanena ca
As long as you exercise kingship, so long, O lord, shall I remain (there)." With the wailing of the herbs and the weeping of the Siddhas,
AI translation rendered from the Sanskrit, not a published edition
PdP 6 7.60
रसातलं जगामाद्रिः सिंधुसूनोः प्रपश्यतः । ततो जालंधरो वीर आजगाम महारणम्
rasātalaṃ jagāmādriḥ siṃdhusūnoḥ prapaśyataḥ | tato jālaṃdharo vīra ājagāma mahāraṇam
the mountain went to Rasātala while the son of the ocean looked on. Then Jālandhara, the hero, came to the great battle.
AI translation rendered from the Sanskrit, not a published edition
PdP 6 7.61
पूर्वकल्पितमारुह्य रथस्थं केशवं ययौ । रथस्थं माधवं दृष्ट्वा जहासोच्चैर्नदीसुतः
pūrvakalpitamāruhya rathasthaṃ keśavaṃ yayau | rathasthaṃ mādhavaṃ dṛṣṭvā jahāsoccairnadīsutaḥ
Mounting the chariot prepared earlier, he went toward Keśava, who stood on his chariot. Seeing Mādhava standing on the chariot, the son of the river laughed loudly.
AI translation rendered from the Sanskrit, not a published edition
PdP 6 7.62
तावत्त्वं तिष्ठ शकटे यावद्धन्यामरीनहम् । एवमुक्त्वा जघानाशु शरैस्तां देववाहिनीम्
tāvattvaṃ tiṣṭha śakaṭe yāvaddhanyāmarīnaham | evamuktvā jaghānāśu śaraistāṃ devavāhinīm
"You stay in your cart just so long as I slay the enemies!" Having spoken thus, he swiftly struck down that army of the gods with arrows.
AI translation rendered from the Sanskrit, not a published edition
PdP 6 7.63
बाणैर्विदारिता देवास्त्राहीत्यूचुर्बृहस्पतिम् । ततो बृहस्पतिः शीघ्रमगमत्क्षीरसागरम्
bāṇairvidāritā devāstrāhītyūcurbṛhaspatim | tato bṛhaspatiḥ śīghramagamatkṣīrasāgaram
The gods, torn apart by the arrows, cried "Save us!" to Bṛhaspati. Then Bṛhaspati quickly went to the ocean of milk.
AI translation rendered from the Sanskrit, not a published edition
PdP 6 7.64
अदृष्ट्वा तं ततो द्रोणमभूच्चिन्तापरो नृप । अथागत्य रणं तूर्णममरान्प्राह गीष्पतिः
adṛṣṭvā taṃ tato droṇamabhūccintāparo nṛpa | athāgatya raṇaṃ tūrṇamamarānprāha gīṣpatiḥ
Then, not seeing Mount Droṇa there, he became absorbed in worry, O king. Then the lord of speech, coming quickly to the battle, said to the immortals:
AI translation rendered from the Sanskrit, not a published edition
PdP 6 7.65
पलायध्वं सुराः सर्वे द्रोणाद्रिः क्षयमागतः । एवमुक्तवतस्तस्य गुरोश्चिच्छेद सिंधुजः
palāyadhvaṃ surāḥ sarve droṇādriḥ kṣayamāgataḥ | evamuktavatastasya gurościccheda siṃdhujaḥ
"Flee, all you gods! Mount Droṇa has come to destruction!" As the preceptor was speaking thus, the son of the ocean cut off
AI translation rendered from the Sanskrit, not a published edition
PdP 6 7.66
यज्ञोपवीतं केशांश्च बाणैस्तीक्ष्णैर्हसन्सुरान् । ततो दुद्राव वेगेन गुरुः प्राणभयार्दितः
yajñopavītaṃ keśāṃśca bāṇaistīkṣṇairhasansurān | tato dudrāva vegena guruḥ prāṇabhayārditaḥ
his sacred thread and his hair with sharp arrows, laughing at the gods. Then the preceptor fled swiftly, tormented by fear for his life.
AI translation rendered from the Sanskrit, not a published edition
PdP 6 7.67
देवाः सर्वे रणं हित्वा पलायांचक्रिरे नृप । एवं विद्राव्य देवान्वै जनार्द्दनमधावत
devāḥ sarve raṇaṃ hitvā palāyāṃcakrire nṛpa | evaṃ vidrāvya devānvai janārddanamadhāvata
All the gods, abandoning the battle, took to flight, O king. Having thus routed the gods, he rushed at Janārdana.
AI translation rendered from the Sanskrit, not a published edition
PdP 6 7.68
हृषीकेशोऽपि दैत्येशमन्वधावद्रणोत्सुकः । ततो युद्धमभूद्धोरं विष्णोर्जालंधरस्य च
hṛṣīkeśo'pi daityeśamanvadhāvadraṇotsukaḥ | tato yuddhamabhūddhoraṃ viṣṇorjālaṃdharasya ca
Hṛṣīkeśa too, eager for battle, ran after the lord of the demons. Then there was a dreadful fight between Viṣṇu and Jālandhara.
AI translation rendered from the Sanskrit, not a published edition
PdP 6 7.69
दुर्द्धर्षणो बाणजालैः प्लावयामास केशवम् । तान्बाणान्खंडशः कृत्वा पूरयित्वा शरैर्महान्
durddharṣaṇo bāṇajālaiḥ plāvayāmāsa keśavam | tānbāṇānkhaṃḍaśaḥ kṛtvā pūrayitvā śarairmahān
The one hard to assail flooded Keśava with nets of arrows. Making those arrows into pieces and filling (the sky) with his own great arrows,
AI translation rendered from the Sanskrit, not a published edition
PdP 6 7.70
वासुदेवोसुरं बाणैर्जालंधरमपीडयत् । जालंधरो रथं त्यक्त्वा शरपीडितविग्रहः
vāsudevosuraṃ bāṇairjālaṃdharamapīḍayat | jālaṃdharo rathaṃ tyaktvā śarapīḍitavigrahaḥ
Vāsudeva tormented the demon Jālandhara with arrows. Jālandhara, his body tormented by the arrows, abandoned his chariot
AI translation rendered from the Sanskrit, not a published edition
PdP 6 7.71
विष्णुं विजेतुं दुद्राव संयतिस्थमथ द्रुतम् । तमायांतं रणे दृष्ट्वा हरिर्विव्याध सायकैः
viṣṇuṃ vijetuṃ dudrāva saṃyatisthamatha drutam | tamāyāṃtaṃ raṇe dṛṣṭvā harirvivyādha sāyakaiḥ
and ran swiftly to conquer Viṣṇu, who stood in the fight. Seeing him coming on in the battle, Hari pierced (him) with arrows.
AI translation rendered from the Sanskrit, not a published edition
PdP 6 7.72
बाणानंगेसहद्विष्णोः प्राप्तोऽसौ रथसंनिधौ । हस्तेनैकेन गरुडं द्वितीयेन रथं हरेः
bāṇānaṃgesahadviṣṇoḥ prāpto'sau rathasaṃnidhau | hastenaikena garuḍaṃ dvitīyena rathaṃ hareḥ
Bearing Viṣṇu's arrows on his body, he reached the vicinity of the chariot. With one hand (he seized) Garuḍa, with the second Hari's chariot,
AI translation rendered from the Sanskrit, not a published edition
PdP 6 7.73
भ्रामयित्वांबरे शश्वत्श्वेतद्वीपे न्यपातयत् । जालंधरकरक्षिप्तो गरुडोऽपि पपात ह
bhrāmayitvāṃbare śaśvatśvetadvīpe nyapātayat | jālaṃdharakarakṣipto garuḍo'pi papāta ha
and, whirling (them) about in the sky again and again, he cast (the chariot) down on Śvetadvīpa; and Garuḍa too, hurled by Jālandhara's hand, fell.
AI translation rendered from the Sanskrit, not a published edition
PdP 6 7.74
क्रौंचद्वीपे स तत्रैव विश्राममकरोच्चिरम् । अच्युतः प्रच्युतस्तस्माद्भ्रमतो रथमंडलात्
krauṃcadvīpe sa tatraiva viśrāmamakarocciram | acyutaḥ pracyutastasmādbhramato rathamaṃḍalāt
On Krauñcadvīpa he (Garuḍa) took a long rest right there; and Acyuta, fallen from that whirling circle of the chariot,
AI translation rendered from the Sanskrit, not a published edition — the model flagged this verse as uncertain
PdP 6 7.75
रणमागत्य दैत्येशं तिष्ठतिष्ठेत्यभाषत । दृष्ट्वा तमागतं भूयः केशवं समरप्रियः
raṇamāgatya daityeśaṃ tiṣṭhatiṣṭhetyabhāṣata | dṛṣṭvā tamāgataṃ bhūyaḥ keśavaṃ samarapriyaḥ
came (back) to the battle and said to the lord of the demons, "Stand, stand!" And seeing Keśava come again, he who delighted in battle,
AI translation rendered from the Sanskrit, not a published edition
PdP 6 7.76
पूरयन्मार्गणैर्भूमिं जगर्जार्णवनंदनः
pūrayanmārgaṇairbhūmiṃ jagarjārṇavanaṃdanaḥ
filling the ground with arrows, the son of the ocean roared.
AI translation rendered from the Sanskrit, not a published edition
PdP 6 7.77
विव्याध दैत्यं हरिराशु शक्त्या हृदि स्फुरंत्या स ततः पपात । सूतो न यत्तं समरान्निवासं तं प्राह रे केन कृतोस्म्यलज्जः
vivyādha daityaṃ harirāśu śaktyā hṛdi sphuraṃtyā sa tataḥ papāta | sūto na yattaṃ samarānnivāsaṃ taṃ prāha re kena kṛtosmyalajjaḥ
Hari swiftly pierced the demon in the heart with a flashing spear, and thereupon he fell. His charioteer led him away from the battle to (his) dwelling; (regaining himself) he said to him: "Hey! By whom have I been made shameless?"
AI translation rendered from the Sanskrit, not a published edition — the model flagged this verse as uncertain
PdP 6 7.78
दैत्यारि जालंधरयोर्महत्तदा बभूव युद्धं धरणीतलस्थयोः । प्रेम्णा श्रियस्तं न जघान दानवं स्वयं हरिस्तस्य शरैः पपात
daityāri jālaṃdharayormahattadā babhūva yuddhaṃ dharaṇītalasthayoḥ | premṇā śriyastaṃ na jaghāna dānavaṃ svayaṃ haristasya śaraiḥ papāta
Then there was a great fight between the demons' foe and Jālandhara, both standing on the surface of the earth. Out of love for Śrī, Hari did not kill that dānava; he himself fell by his (Jālandhara's) arrows.
AI translation rendered from the Sanskrit, not a published edition
PdP 6 7.79
ततो निरीक्ष्य गोविंदं पतितं धरणीतले । प्रगृह्यार्णवजो दैत्य आरुरोह निजं रथम् । ततस्तमिंदिरा प्राप्ता रुदंती विष्णुवल्लभा
tato nirīkṣya goviṃdaṃ patitaṃ dharaṇītale | pragṛhyārṇavajo daitya āruroha nijaṃ ratham | tatastamiṃdirā prāptā rudaṃtī viṣṇuvallabhā
Then, seeing Govinda fallen on the surface of the earth, the demon born of the ocean seized (him) and mounted his own chariot. Then Indirā, Viṣṇu's beloved, came to him weeping,
AI translation rendered from the Sanskrit, not a published edition
PdP 6 7.80
संस्थिता कमला तत्र पतिं कमललोचनम् । पतितं तु पतिं वीक्ष्य लक्ष्मीः प्राहार्णवात्मजम्
saṃsthitā kamalā tatra patiṃ kamalalocanam | patitaṃ tu patiṃ vīkṣya lakṣmīḥ prāhārṇavātmajam
and Kamalā stood there (beside) her lotus-eyed husband; and seeing her husband fallen, Lakṣmī spoke to the son of the ocean:
AI translation rendered from the Sanskrit, not a published edition
PdP 6 7.81
शृणुष्व वचनं भ्रातर्जितो विष्णुर्धृतस्त्वया । भगिन्या न च वैधव्यं दातुं युक्तं महाबल
śṛṇuṣva vacanaṃ bhrātarjito viṣṇurdhṛtastvayā | bhaginyā na ca vaidhavyaṃ dātuṃ yuktaṃ mahābala
"Hear my words, brother: Viṣṇu has been conquered and seized by you; but it is not right, O mighty one, to give widowhood to a sister."
AI translation rendered from the Sanskrit, not a published edition
PdP 6 7.82
श्रुत्वा तु वचनं तस्या मुमोच जगतः पतिम् । जालंधरो महाबाहुः स्वस्रे भक्त्या ननाम च
śrutvā tu vacanaṃ tasyā mumoca jagataḥ patim | jālaṃdharo mahābāhuḥ svasre bhaktyā nanāma ca
On hearing her words, the mighty-armed Jālandhara released the lord of the world, and bowed to his sister with devotion.
AI translation rendered from the Sanskrit, not a published edition
PdP 6 7.83
ववंदे चरणौ विष्णोः स्वसुः स्नेहात्तदांजसा । विष्णुर्जालंधरं प्राह तुष्टोऽस्मि तव कर्मणा । वरं वरय दैत्येश किं प्रयच्छामि ते वरम्
vavaṃde caraṇau viṣṇoḥ svasuḥ snehāttadāṃjasā | viṣṇurjālaṃdharaṃ prāha tuṣṭo'smi tava karmaṇā | varaṃ varaya daityeśa kiṃ prayacchāmi te varam
And out of affection for (his) sister he then at once reverenced Viṣṇu's feet. Viṣṇu said to Jālandhara: "I am pleased with your deed; choose a boon, O lord of the demons — what boon shall I grant you?"
AI translation rendered from the Sanskrit, not a published edition
PdP 6 7.84
जालंधर उवाच-। यदि त्वं मम तुष्टोऽसि शौर्येणानेन केशव । स्थातव्यं मत्पितुः स्थाने त्वया कमलया सह
jālaṃdhara uvāca-| yadi tvaṃ mama tuṣṭo'si śauryeṇānena keśava | sthātavyaṃ matpituḥ sthāne tvayā kamalayā saha
Jālandhara said: "If you are pleased with me for this valour of mine, Keśava, then you must stay in my father's abode together with Kamalā."
AI translation rendered from the Sanskrit, not a published edition
PdP 6 7.85
तथेत्युक्त्वा च संस्मृत्य गरुडं धरणीधरः । आरुह्य च जगन्नाथः क्षीराब्धिं प्रियया सह
tathetyuktvā ca saṃsmṛtya garuḍaṃ dharaṇīdharaḥ | āruhya ca jagannāthaḥ kṣīrābdhiṃ priyayā saha
Saying "So be it," the upholder of the earth called Garuḍa to mind, and the Lord of the world, mounting (him), (went) with his beloved to the ocean of milk.
AI translation rendered from the Sanskrit, not a published edition
PdP 6 7.86
तदाप्रभृति कृष्णस्य वासः श्वशुरमंदिरे । अब्धौ वसति देवेशो लक्ष्म्याः प्रियचिकीर्षया
tadāprabhṛti kṛṣṇasya vāsaḥ śvaśuramaṃdire | abdhau vasati deveśo lakṣmyāḥ priyacikīrṣayā
From that time on, Kṛṣṇa's dwelling is in his father-in-law's house; the lord of the gods dwells in the ocean out of a wish to please Lakṣmī.
AI translation rendered from the Sanskrit, not a published edition