Padma Purana — Uttara Khanda — Chapter 69
PdP 6 69.1
नारद उवाच- उपवासासमर्थानां सदैवामरसत्तम । एका या द्वादशी पुण्या तां वदस्व ममानघ
nārada uvāca- upavāsāsamarthānāṃ sadaivāmarasattama | ekā yā dvādaśī puṇyā tāṃ vadasva mamānagha
Nārada said: For those unable to fast always, O best of the immortals, tell me, O sinless one, that one Twelfth-day which is meritorious.
AI translation rendered from the Sanskrit, not a published edition
PdP 6 69.2
शिव उवाच- मासि भाद्रपदे शुक्ले द्वादशी श्रवणान्विता । सा वै सर्वप्रदा पुण्या ह्युपवासे महाफला
śiva uvāca- māsi bhādrapade śukle dvādaśī śravaṇānvitā | sā vai sarvapradā puṇyā hyupavāse mahāphalā
Śiva said: In the bright fortnight of the month Bhādrapada, the Twelfth joined with (the asterism) Śravaṇa — that indeed is meritorious, granting everything, and of great fruit when fasted upon.
AI translation rendered from the Sanskrit, not a published edition
PdP 6 69.3
संगमे सरितः स्नात्वा द्वादशीं तामुपोषितः । अयत्नात्समवाप्नोति द्वादश द्वादशीफलम्
saṃgame saritaḥ snātvā dvādaśīṃ tāmupoṣitaḥ | ayatnātsamavāpnoti dvādaśa dvādaśīphalam
Having bathed at the confluence of a river and fasted on that Twelfth, one obtains without effort the fruit of twelve Twelfth-days.
AI translation rendered from the Sanskrit, not a published edition
PdP 6 69.4
बुधश्रवणसंयुक्ता या च वै द्वादशी भवेत् । अतीव महती तस्यां कृतं सर्वमथाक्षयम्
budhaśravaṇasaṃyuktā yā ca vai dvādaśī bhavet | atīva mahatī tasyāṃ kṛtaṃ sarvamathākṣayam
And when a Twelfth occurs joined with a Wednesday and Śravaṇa, it is exceedingly great; everything done on it is imperishable.
AI translation rendered from the Sanskrit, not a published edition
PdP 6 69.5
द्वादशी श्रवणोपेता यदा भवति नारद । संगमे सरितां स्नात्वा लभेद्गोदानजं फलम्
dvādaśī śravaṇopetā yadā bhavati nārada | saṃgame saritāṃ snātvā labhedgodānajaṃ phalam
When the Twelfth comes with Śravaṇa, O Nārada, having bathed at the confluence of rivers one would obtain the fruit born of the gift of a cow.
AI translation rendered from the Sanskrit, not a published edition
PdP 6 69.6
जलपूर्णं तदा कुंभं स्थापयित्वा विचक्षणः । तस्योपरि न्यसेत्पात्रं स्थापयित्वा जनार्दनम्
jalapūrṇaṃ tadā kuṃbhaṃ sthāpayitvā vicakṣaṇaḥ | tasyopari nyasetpātraṃ sthāpayitvā janārdanam
Then the discerning man, having set down a jar filled with water, should place a dish upon it, having set (there an image of) Janārdana.
AI translation rendered from the Sanskrit, not a published edition
PdP 6 69.7
ततस्तस्याग्रतो देयं नैवेद्यं घृतपाचितम् । सोदकांश्च नवान्कुंभान्दद्याच्छक्त्या विचक्षणः
tatastasyāgrato deyaṃ naivedyaṃ ghṛtapācitam | sodakāṃśca navānkuṃbhāndadyācchaktyā vicakṣaṇaḥ
Then before him a food-offering cooked in ghee should be given; and the discerning man should give, according to his ability, nine jars along with water.
AI translation rendered from the Sanskrit, not a published edition
PdP 6 69.8
एवं संपूज्य गोविंदं जागरं तत्र कारयेत् । प्रभाते विमले स्नात्वा संपूज्य गरुडध्वजम्
evaṃ saṃpūjya goviṃdaṃ jāgaraṃ tatra kārayet | prabhāte vimale snātvā saṃpūjya garuḍadhvajam
Having thus worshipped Govinda, he should hold a night-vigil there; in the clear morning, having bathed and worshipped him whose banner is Garuḍa,
AI translation rendered from the Sanskrit, not a published edition
PdP 6 69.9
पुष्पधूपादि नैवेद्यैः फलैर्वस्त्रैः सुशोभनैः । पुष्पांजलिं ततो दद्यान्मंत्रमेनमुदीरयेत्
puṣpadhūpādi naivedyaiḥ phalairvastraiḥ suśobhanaiḥ | puṣpāṃjaliṃ tato dadyānmaṃtramenamudīrayet
With flowers, incense and the rest, with food-offerings, with fruits and with beautiful garments; then he should offer a handful of flowers and utter this mantra:
AI translation rendered from the Sanskrit, not a published edition
PdP 6 69.10
नमो नमस्ते गोविंद बुधश्रवणसंयुत । अघौघसंक्षयं कृत्वा सर्वसौख्यप्रदो भव
namo namaste goviṃda budhaśravaṇasaṃyuta | aghaughasaṃkṣayaṃ kṛtvā sarvasaukhyaprado bhava
"Homage, homage to you, Govinda, joined with Wednesday and (the asterism) Śravaṇa! Having destroyed the mass of (my) sins, become the giver of every happiness."
AI translation rendered from the Sanskrit, not a published edition
PdP 6 69.11
अन्नं तु ब्राह्मणे पूतं वेदवेदांगपारगे । पुराणज्ञे विशेषेण विधिवत्संप्रदापयेत्
annaṃ tu brāhmaṇe pūtaṃ vedavedāṃgapārage | purāṇajñe viśeṣeṇa vidhivatsaṃpradāpayet
And he should have pure food given, according to rule, to a brahmin who has gone to the far shore of the Vedas and Vedāṅgas, and especially to one who knows the Purāṇas.
AI translation rendered from the Sanskrit, not a published edition
PdP 6 69.12
अनेन विधिना चैव नद्यास्तीरे नरोत्तमः । सर्वं निर्वर्त्तयेत्सम्यगेकचित्तरतोऽपि सन्
anena vidhinā caiva nadyāstīre narottamaḥ | sarvaṃ nirvarttayetsamyagekacittarato'pi san
And by this rule the best of men, on the bank of a river, should carry out everything properly, remaining intent with a single mind.
AI translation rendered from the Sanskrit, not a published edition
PdP 6 69.13
अत्राप्युदाहरंतीममितिहासं पुरातनम् । महत्यरण्ये यद्वृतं भूमिदेव शृणुष्व तत्
atrāpyudāharaṃtīmamitihāsaṃ purātanam | mahatyaraṇye yadvṛtaṃ bhūmideva śṛṇuṣva tat
On this too they relate this ancient tale, of what happened in a great forest; hear it, O god-on-earth (brahmin).
AI translation rendered from the Sanskrit, not a published edition
PdP 6 69.14
यं श्रुत्वा मानवो लोके महादुःखात्प्रमुच्यते । देशो दासरको नाम तस्य भागे च पश्चिमे
yaṃ śrutvā mānavo loke mahāduḥkhātpramucyate | deśo dāsarako nāma tasya bhāge ca paścime
Hearing which a man in this world is released from great suffering. There is a country named Dāsaraka, and in its western part—
AI translation rendered from the Sanskrit, not a published edition
PdP 6 69.15
तत्र विद्वन्मरुर्देशः सर्वसत्वभयंकरः । सुतप्तसिकता भूमिर्यत्र दुष्टा महोरगाः
tatra vidvanmarurdeśaḥ sarvasatvabhayaṃkaraḥ | sutaptasikatā bhūmiryatra duṣṭā mahoragāḥ
—there, O learned one, is the desert country, terrifying to all creatures, where the ground is of scorching sand and there are vicious great serpents.
AI translation rendered from the Sanskrit, not a published edition
PdP 6 69.16
अल्पच्छायाद्रुमाकीर्णा मृतप्राणिसमाकुला । शमीखदिरपालाशकरीरैः पीलुभिः सह
alpacchāyādrumākīrṇā mṛtaprāṇisamākulā | śamīkhadirapālāśakarīraiḥ pīlubhiḥ saha
(It is) strewn with trees of little shade, crowded with dead creatures, together with śamī, khadira, palāśa, karīra and pīlu trees.
AI translation rendered from the Sanskrit, not a published edition
PdP 6 69.17
तत्र भीमा द्रुमगणाः कंटकैरचिता दृढैः । जग्धप्राणजनाकीर्णा यत्र भूर्दृश्यते क्वचित्
tatra bhīmā drumagaṇāḥ kaṃṭakairacitā dṛḍhaiḥ | jagdhaprāṇajanākīrṇā yatra bhūrdṛśyate kvacit
There the masses of trees are dreadful, thickset with hard thorns; (the land is) covered with people whose lives have been devoured, where the bare ground is seen only here and there.
AI translation rendered from the Sanskrit, not a published edition — the model flagged this verse as uncertain
PdP 6 69.18
तथापि जीवा जीवंति सर्वे कर्मनिबंधनात् । नोदकं नोदकाधारा विद्वंस्तत्र बलाहकाः
tathāpi jīvā jīvaṃti sarve karmanibaṃdhanāt | nodakaṃ nodakādhārā vidvaṃstatra balāhakāḥ
Even so all living beings live on, bound by their karma. There is no water there, no reservoirs of water, O learned one, no rain-clouds.
AI translation rendered from the Sanskrit, not a published edition
PdP 6 69.19
पक्षांतरगतैः कैश्चिच्छिशुभिस्तृषितैः समम् । उत्क्रांतजीविनो विप्र दृश्यंते नु खगोत्तमाः
pakṣāṃtaragataiḥ kaiścicchiśubhistṛṣitaiḥ samam | utkrāṃtajīvino vipra dṛśyaṃte nu khagottamāḥ
With some thirsting chicks tucked under their wings, the finest of birds are seen there, O brahmin, with their lives departed.
AI translation rendered from the Sanskrit, not a published edition
PdP 6 69.20
तस्मिंस्तथाविधे देशे कश्चिद्दैववशाद्वणिक् । निजसार्थपरिभ्रष्टः प्रविष्टो मरुजांगले
tasmiṃstathāvidhe deśe kaściddaivavaśādvaṇik | nijasārthaparibhraṣṭaḥ praviṣṭo marujāṃgale
In that country of such a kind, a certain merchant, by force of fate, having strayed from his own caravan, entered the desert waste.
AI translation rendered from the Sanskrit, not a published edition
PdP 6 69.21
बभ्रामोद्भ्रांतहृदयः क्षुत्तृट्भ्यां श्रमपीडितः । क्व ग्रामः क्व जलं क्वाहं यास्यामि न बुबोध ह
babhrāmodbhrāṃtahṛdayaḥ kṣuttṛṭbhyāṃ śramapīḍitaḥ | kva grāmaḥ kva jalaṃ kvāhaṃ yāsyāmi na bubodha ha
He wandered with a bewildered heart, afflicted by hunger, thirst and exhaustion: "Where is a village? where is water? where shall I go?"—he did not know at all.
AI translation rendered from the Sanskrit, not a published edition
PdP 6 69.22
अथ प्रेतान्ददर्शासौ क्षुत्तृषाव्याकुलेंद्रियान् । उत्कटान्खलिनो भीमान्निर्मांसान्रौद्रदर्शनान्
atha pretāndadarśāsau kṣuttṛṣāvyākuleṃdriyān | utkaṭānkhalino bhīmānnirmāṃsānraudradarśanān
Then he saw pretas, their senses distraught with hunger and thirst, huge, staggering, dreadful, fleshless, of frightful appearance.
AI translation rendered from the Sanskrit, not a published edition
PdP 6 69.23
प्रेतस्कंधसमारूढमेकं विकृतदर्शनम् । ददर्श बहुभिः प्रेतैः समंतात्परिवारितम्
pretaskaṃdhasamārūḍhamekaṃ vikṛtadarśanam | dadarśa bahubhiḥ pretaiḥ samaṃtātparivāritam
He saw one of misshapen appearance mounted on the shoulders of a preta, surrounded on all sides by many pretas,
AI translation rendered from the Sanskrit, not a published edition
PdP 6 69.24
अगच्छमानमत्युग्रं प्रेतशब्दपुरःसरम् । प्रेतोऽपि दृष्ट्वा तां घोरामटवीमागतं नरम्
agacchamānamatyugraṃ pretaśabdapuraḥsaram | preto'pi dṛṣṭvā tāṃ ghorāmaṭavīmāgataṃ naram
approaching, most fierce, preceded by the cries of the pretas. And the preta, seeing the man who had come into that dreadful forest,
AI translation rendered from the Sanskrit, not a published edition
PdP 6 69.25
प्रेतस्कंधान्महीं गत्वा तस्यांतिकमुपागमत् । प्रणिपत्य वणिक्श्रेष्ठमिदं वचनमब्रवीत्
pretaskaṃdhānmahīṃ gatvā tasyāṃtikamupāgamat | praṇipatya vaṇikśreṣṭhamidaṃ vacanamabravīt
went down from the preta's shoulders to the ground and came near to him; and bowing down, he spoke this word to the best of merchants:
AI translation rendered from the Sanskrit, not a published edition
PdP 6 69.26
अस्मिन्घोरतरे देशे प्रवेशो भवतः कथम् । तमुवाच वणिक्धीमान्सार्थभ्रष्टस्य मे वने
asminghoratare deśe praveśo bhavataḥ katham | tamuvāca vaṇikdhīmānsārthabhraṣṭasya me vane
"How did you enter this most dreadful country?" The wise merchant said to him: "I strayed from my caravan in the forest,
AI translation rendered from the Sanskrit, not a published edition
PdP 6 69.27
प्रवेशो दैवयोगेन पूर्वकर्मकृतेन च । तृषा मे बाधतेऽत्यर्थं क्षुधा चैव भृशं तथा
praveśo daivayogena pūrvakarmakṛtena ca | tṛṣā me bādhate'tyarthaṃ kṣudhā caiva bhṛśaṃ tathā
and my entry (here) was by the working of fate and by deeds done before. Thirst torments me exceedingly, and hunger likewise severely.
AI translation rendered from the Sanskrit, not a published edition
PdP 6 69.28
प्राणांतिकमनुप्राप्तं वचनं भ्रमतीव मे । अत्रोपायं न पश्यामि जीवेयं येन केनचित्
prāṇāṃtikamanuprāptaṃ vacanaṃ bhramatīva me | atropāyaṃ na paśyāmi jīveyaṃ yena kenacit
My speech, having reached its last breath, seems to wander. I see no means here by which I might somehow stay alive."
AI translation rendered from the Sanskrit, not a published edition
PdP 6 69.29
इत्येवमुक्ते प्रेतस्तं वणिजं वाक्यमब्रवीत् । फुल्लां शमीं समाश्रित्य प्रतीक्ष त्वं मुहूर्त्तकम्
ityevamukte pretastaṃ vaṇijaṃ vākyamabravīt | phullāṃ śamīṃ samāśritya pratīkṣa tvaṃ muhūrttakam
When this had been said, the preta spoke these words to that merchant: "Take shelter under a blossoming śamī tree and wait for a little while."
AI translation rendered from the Sanskrit, not a published edition
PdP 6 69.30
कृतातिथ्यो मया पश्चाद्गमिष्यसि यथासुखम् । एवमुक्तस्तथा चक्रे स वणिक्तृष्णयार्दितः
kṛtātithyo mayā paścādgamiṣyasi yathāsukham | evamuktastathā cakre sa vaṇiktṛṣṇayārditaḥ
"Once you have been given hospitality by me, you may go afterwards as you please." Addressed thus, that merchant, afflicted by thirst, did so.
AI translation rendered from the Sanskrit, not a published edition
PdP 6 69.31
मध्याह्नसमये प्राप्ते प्रेतस्तं देशमागतः । फुल्लां सवृक्षां शीतोदां वारिधानीं मनोरमाम्
madhyāhnasamaye prāpte pretastaṃ deśamāgataḥ | phullāṃ savṛkṣāṃ śītodāṃ vāridhānīṃ manoramām
When midday came, the preta arrived at that place (bringing) a delightful water-jar, flower-decked, with a tree, with cool water,
AI translation rendered from the Sanskrit, not a published edition — the model flagged this verse as uncertain
PdP 6 69.32
दध्योदनसमायुक्तां वर्द्धमानेन संयुताम् । अवतीर्य ततः स्वन्नं प्रादादतिथये तदा
dadhyodanasamāyuktāṃ varddhamānena saṃyutām | avatīrya tataḥ svannaṃ prādādatithaye tadā
provided with curd-rice, together with a full measure (varddhamāna); then, having taken it down, he gave the good food to his guest.
AI translation rendered from the Sanskrit, not a published edition
PdP 6 69.33
स तत्राशनमात्रेण परं तृप्तित्वमागतः । वितृष्णो विज्वरश्चैव क्षणेन समपद्यत
sa tatrāśanamātreṇa paraṃ tṛptitvamāgataḥ | vitṛṣṇo vijvaraścaiva kṣaṇena samapadyata
There, by that food alone, he attained the highest satisfaction; in a moment he became free of thirst and free of fever.
AI translation rendered from the Sanskrit, not a published edition
PdP 6 69.34
ततश्च प्रेताः संप्राप्ताः सोऽस्माद्भागं क्रमाद्ददौ । दध्योदनात्सपानीयात्प्रेतास्तृप्तिं परां गताः
tataśca pretāḥ saṃprāptāḥ so'smādbhāgaṃ kramāddadau | dadhyodanātsapānīyātpretāstṛptiṃ parāṃ gatāḥ
And then pretas arrived; he gave a share of it to them in turn; from the curd-rice together with the water the pretas attained the highest satisfaction.
AI translation rendered from the Sanskrit, not a published edition
PdP 6 69.35
अतिथिं तर्पयित्वा तु प्रेतलोकं च सर्वतः । ततः स्वयं स बुभुजे भुक्तशेषं यथासुखम्
atithiṃ tarpayitvā tu pretalokaṃ ca sarvataḥ | tataḥ svayaṃ sa bubhuje bhuktaśeṣaṃ yathāsukham
Having satisfied his guest and the world of pretas on all sides, he then himself ate what was left over of the food, as he pleased.
AI translation rendered from the Sanskrit, not a published edition
PdP 6 69.36
तस्य भुक्तवतः स्वन्नं पानीयं च क्षयं ययौ । प्रेताधिपं ततस्तं वै वणिग्वचनमब्रवीत्
tasya bhuktavataḥ svannaṃ pānīyaṃ ca kṣayaṃ yayau | pretādhipaṃ tatastaṃ vai vaṇigvacanamabravīt
When he had eaten, the good food and the water came to an end; then the merchant spoke these words to that lord of the pretas:
AI translation rendered from the Sanskrit, not a published edition
PdP 6 69.37
आश्चर्यमेतत्परमं वनेऽस्मिन्प्रतिभाति मे । अन्नं पानं च परमं संप्राप्तं च कुतस्तव
āścaryametatparamaṃ vane'sminpratibhāti me | annaṃ pānaṃ ca paramaṃ saṃprāptaṃ ca kutastava
"This seems to me a supreme wonder in this forest; and from where has this excellent food and drink come to you?
AI translation rendered from the Sanskrit, not a published edition
PdP 6 69.38
स्वल्पेनैव तथान्नेन त्वमेतांस्तु बहूनपि । अतर्पयः कथं त्वेते निर्मांसा भिन्नकुक्षयः
svalpenaiva tathānnena tvametāṃstu bahūnapi | atarpayaḥ kathaṃ tvete nirmāṃsā bhinnakukṣayaḥ
And how did you satisfy so many of these with just a little food—these fleshless ones with split-open bellies?
AI translation rendered from the Sanskrit, not a published edition
PdP 6 69.39
कथमस्यां सुघोरायामटव्यां च कृतालयाः । तदेतत्संशयं छिंधि परं कौतूहलं मम
kathamasyāṃ sughorāyāmaṭavyāṃ ca kṛtālayāḥ | tadetatsaṃśayaṃ chiṃdhi paraṃ kautūhalaṃ mama
And how is it that they have made their dwelling in this most dreadful wilderness? Cut off this doubt of mine—my curiosity is great."
AI translation rendered from the Sanskrit, not a published edition
PdP 6 69.40
एवमुक्तः स वणिजा प्रेतो वचनमब्रवीत् । वाणिज्यसक्तस्य पुरा जन्मातीते ममानघ
evamuktaḥ sa vaṇijā preto vacanamabravīt | vāṇijyasaktasya purā janmātīte mamānagha
Addressed thus by the merchant, the preta spoke these words: "In a past birth, O sinless one, when I was devoted to trade,
AI translation rendered from the Sanskrit, not a published edition
PdP 6 69.41
सकले नगरे नास्ति ममान्यो हि दुरात्मकः । धनलोभान्न कस्यापि दत्ता भिक्षा मया तदा
sakale nagare nāsti mamānyo hi durātmakaḥ | dhanalobhānna kasyāpi dattā bhikṣā mayā tadā
in the whole city there was no other so evil-natured as I; out of greed for wealth I then gave alms to no one.
AI translation rendered from the Sanskrit, not a published edition
PdP 6 69.42
सखा चैव ततश्चासीद्ब्राह्मणो गुणवान्मम । श्रावणद्वादशीयोगे मासि भाद्रपदे ततः
sakhā caiva tataścāsīdbrāhmaṇo guṇavānmama | śrāvaṇadvādaśīyoge māsi bhādrapade tataḥ
And then I had a friend, a virtuous brahmin; at the conjunction of the Śravaṇa twelfth, in the month of Bhādrapada,
AI translation rendered from the Sanskrit, not a published edition
PdP 6 69.43
स कदाचिन्मया सार्द्धं तापीं नाम नदीं ययौ । तस्याश्च संगमः पुण्यो यत्रासीच्चंद्रभागया
sa kadācinmayā sārddhaṃ tāpīṃ nāma nadīṃ yayau | tasyāśca saṃgamaḥ puṇyo yatrāsīccaṃdrabhāgayā
he once went with me to the river named Tāpī, where there was her holy confluence with the Candrabhāgā.
AI translation rendered from the Sanskrit, not a published edition
PdP 6 69.44
चंद्रभागा चंद्रसुता तापी चैवार्कनंदिनी । तयोः शीतोष्णसलिले प्रविवेश स ह द्विजः
caṃdrabhāgā caṃdrasutā tāpī caivārkanaṃdinī | tayoḥ śītoṣṇasalile praviveśa sa ha dvijaḥ
Candrabhāgā is the moon's daughter, and Tāpī the sun's daughter; into their cool and warm waters that brahmin entered.
AI translation rendered from the Sanskrit, not a published edition
PdP 6 69.45
श्रवणद्वादशीयोगे नराश्च समुपोषिताः । चंद्रभागा सुतो येन वारिधानीं ददुर्द्विजे
śravaṇadvādaśīyoge narāśca samupoṣitāḥ | caṃdrabhāgā suto yena vāridhānīṃ dadurdvije
At the conjunction of the Śravaṇa twelfth men too fasted; on account of which the sons of Candrabhāgā gave a water-jar to a brahmin,
AI translation rendered from the Sanskrit, not a published edition — the model flagged this verse as uncertain
PdP 6 69.46
दध्योदनयुतां सार्द्धं संपूर्णैर्वर्द्धमानकैः । छत्रोपानद्युगं वस्त्रं प्रतिमां च तथा हरेः
dadhyodanayutāṃ sārddhaṃ saṃpūrṇairvarddhamānakaiḥ | chatropānadyugaṃ vastraṃ pratimāṃ ca tathā hareḥ
(the jar) furnished with curd-rice, along with full measures (varddhamānas), together with a parasol, a pair of sandals, a garment, and likewise an image of Hari—
AI translation rendered from the Sanskrit, not a published edition
PdP 6 69.47
प्रददौ विप्रमुख्येभ्यो हरस्याग्रे महामते । वित्तसंरक्षणार्थाय तस्यास्तीरे व्रते मया
pradadau vipramukhyebhyo harasyāgre mahāmate | vittasaṃrakṣaṇārthāya tasyāstīre vrate mayā
these he gave to the foremost of brahmins in the presence of Hara, O great-minded one; and for the sake of protecting my wealth, on her bank, during the vow, by me
AI translation rendered from the Sanskrit, not a published edition — the model flagged this verse as uncertain
PdP 6 69.48
सोपवासेन दत्तैका वारिधानी मनोरमा । तत्कृत्वाहं गृहं प्राप्तः ततः कालेन केनचित्
sopavāsena dattaikā vāridhānī manoramā | tatkṛtvāhaṃ gṛhaṃ prāptaḥ tataḥ kālena kenacit
one delightful water-jar was given, together with fasting. Having done that, I reached home; then, after some time,
AI translation rendered from the Sanskrit, not a published edition
PdP 6 69.49
पंचत्त्वमहमासाद्य नास्तिक्यात्प्रेततां गतः । अस्यामटव्यां घोरायां यथा ह्यहिकुलं तथा
paṃcattvamahamāsādya nāstikyātpretatāṃ gataḥ | asyāmaṭavyāṃ ghorāyāṃ yathā hyahikulaṃ tathā
Having met with death, I went to the state of a preta because of my unbelief; (and so it is) in this dreadful forest, just as with a brood of snakes.
AI translation rendered from the Sanskrit, not a published edition — the model flagged this verse as uncertain
PdP 6 69.50
श्रवणद्वादशीयोगे वारिधान्यर्पिता मया । सेयं मध्याह्नसमये लभ्यते च दिनेदिने 6.69.
śravaṇadvādaśīyoge vāridhānyarpitā mayā | seyaṃ madhyāhnasamaye labhyate ca dinedine 6.69.
At the conjunction of the twelfth (lunar day) with (the asterism) Śravaṇa a water-jar was presented by me (as a gift); this very (jar) is obtained (by us) at midday, day after day.
AI translation rendered from the Sanskrit, not a published edition
PdP 6 69.51
ब्रह्मस्वरूपिणः सर्वे पापाः प्रेतत्वमागताः । परदारगताः केचित्स्वामिद्रोहरताश्च ये
brahmasvarūpiṇaḥ sarve pāpāḥ pretatvamāgatāḥ | paradāragatāḥ kecitsvāmidroharatāśca ye
All these sinners, (though) of the very form of Brahman, have come to the state of pretas: some went to others' wives, and those who delighted in betraying their master,
AI translation rendered from the Sanskrit, not a published edition — the model flagged this verse as uncertain
PdP 6 69.52
भूतप्रेतजरूपेण ते जाता ह्यत्र मानवाः । देशे मरुस्थले त्वस्मिन्ममैते मित्रतां गताः
bhūtapretajarūpeṇa te jātā hyatra mānavāḥ | deśe marusthale tvasminmamaite mitratāṃ gatāḥ
these men have here been born in the form of ghosts and pretas; and in this desert region they have become friends of mine.
AI translation rendered from the Sanskrit, not a published edition
PdP 6 69.53
अक्षयो भगवान्विष्णुः परमात्मा सनातनः । दीयते यत्समुद्दिश्य ह्यक्षयं तत्प्रकीर्तनम्
akṣayo bhagavānviṣṇuḥ paramātmā sanātanaḥ | dīyate yatsamuddiśya hyakṣayaṃ tatprakīrtanam
Imperishable is the Lord Viṣṇu, the eternal supreme Self; whatever is given with reference to him — that gift is proclaimed to be imperishable.
AI translation rendered from the Sanskrit, not a published edition
PdP 6 69.54
अक्षयेनापि चान्नेन तृप्ता एते पुनः पुनः । प्रेतत्वभावं दौर्बल्यं न विमुंचति कर्हिचित्
akṣayenāpi cānnena tṛptā ete punaḥ punaḥ | pretatvabhāvaṃ daurbalyaṃ na vimuṃcati karhicit
And though satisfied again and again by the imperishable food, the weakness that is the condition of pretahood never releases (them).
AI translation rendered from the Sanskrit, not a published edition — the model flagged this verse as uncertain
PdP 6 69.55
पूजयित्वाहमन्नैस्त्वामतिथिं समुपस्थितम् । प्रेतभावाद्विनिर्मुक्तो यास्यामि परमां गतिम्
pūjayitvāhamannaistvāmatithiṃ samupasthitam | pretabhāvādvinirmukto yāsyāmi paramāṃ gatim
Having honoured you, a guest arrived here, with food, I shall be wholly freed from the preta-state and go to the highest goal.
AI translation rendered from the Sanskrit, not a published edition
PdP 6 69.56
मया विहीनाः किंत्वेते वनेऽस्मिन्भृशदारुणे । पीडामनुभविष्यंति दारुणां कर्मयोनिजाम्
mayā vihīnāḥ kiṃtvete vane'sminbhṛśadāruṇe | pīḍāmanubhaviṣyaṃti dāruṇāṃ karmayonijām
But these, deprived of me in this exceedingly terrible forest, will undergo dreadful pain born of their own deeds.
AI translation rendered from the Sanskrit, not a published edition
PdP 6 69.57
एतेषां तु महाभाग ममानुग्रहकाम्यया । प्रत्येकं नामगोत्राणि गृह्णीष्व लिखितानि च
eteṣāṃ tu mahābhāga mamānugrahakāmyayā | pratyekaṃ nāmagotrāṇi gṛhṇīṣva likhitāni ca
But, greatly fortunate one, out of a wish to favour me, take down the names and gotras of these, each one, and written out too.
AI translation rendered from the Sanskrit, not a published edition
PdP 6 69.58
अस्ति कक्षागता चैव तव संपुटिका शुभा । हिमवंतमथासाद्य तत्र त्वं लप्स्यसे निधिम्
asti kakṣāgatā caiva tava saṃpuṭikā śubhā | himavaṃtamathāsādya tatra tvaṃ lapsyase nidhim
And there is a fine little box tucked under your arm; then, reaching the Himālaya, there you will obtain a treasure.
AI translation rendered from the Sanskrit, not a published edition
PdP 6 69.59
गयाशीर्षं ततो गत्वा श्राद्धं कुरु महामते । इत्याज्ञाप्य स वै प्रेतो वणिजं च यथासुखम्
gayāśīrṣaṃ tato gatvā śrāddhaṃ kuru mahāmate | ityājñāpya sa vai preto vaṇijaṃ ca yathāsukham
Then go to Gayāśīrṣa and perform the śrāddha, O greatly wise one. Having thus instructed (him), that preta (dismissed) the merchant at his ease—
AI translation rendered from the Sanskrit, not a published edition
PdP 6 69.60
विसर्जयामास तदा स वै प्रायात्समुत्सुकः । समासाद्य गृहं तत्र पश्चात्प्रायाद्धिमालयम्
visarjayāmāsa tadā sa vai prāyātsamutsukaḥ | samāsādya gṛhaṃ tatra paścātprāyāddhimālayam
—he then dismissed (him); and he set out full of eagerness, and having reached his home there he afterwards set out for the Himālaya.
AI translation rendered from the Sanskrit, not a published edition
PdP 6 69.61
ततो दृष्टं निधिं तत्र गृहीत्वा स समागतः । षष्ठांशं प्रतिगृह्याथ गयाशीर्षं ततोऽभ्यगात्
tato dṛṣṭaṃ nidhiṃ tatra gṛhītvā sa samāgataḥ | ṣaṣṭhāṃśaṃ pratigṛhyātha gayāśīrṣaṃ tato'bhyagāt
Then, having taken the treasure he saw there, he came back; and taking (only) a sixth part of it, he then went to Gayāśīrṣa.
AI translation rendered from the Sanskrit, not a published edition
PdP 6 69.62
तत्र गत्वा गयायां स श्राद्धं कृत्वा महामतिः । प्रेतानां तु यथोद्दिष्टं श्राद्धं सम्यग्विधानतः
tatra gatvā gayāyāṃ sa śrāddhaṃ kṛtvā mahāmatiḥ | pretānāṃ tu yathoddiṣṭaṃ śrāddhaṃ samyagvidhānataḥ
Going there, at Gayā that man of great mind performed the śrāddha, and the śrāddha of the pretas too, as had been indicated, duly according to the prescribed rule.
AI translation rendered from the Sanskrit, not a published edition
PdP 6 69.63
प्रत्येकं नामगोत्राणि गृहीत्वा पिंडमुत्सृजत् । यस्य यस्य भवेच्छ्राद्धं स करोति दिने वणिक्
pratyekaṃ nāmagotrāṇi gṛhītvā piṃḍamutsṛjat | yasya yasya bhavecchrāddhaṃ sa karoti dine vaṇik
Taking their names and gotras one by one, he offered a piṇḍa; on whatever day the śrāddha of any one of them fell due, the merchant performed it.
AI translation rendered from the Sanskrit, not a published edition
PdP 6 69.64
स स तस्य तदा स्वप्ने दर्शयत्यात्मनस्तनुम् । ब्रवीति च महाभाग प्रसादाद्भवतोऽनघ
sa sa tasya tadā svapne darśayatyātmanastanum | bravīti ca mahābhāga prasādādbhavato'nagha
And each one of them then showed him his own body in a dream, and said: "O greatly fortunate, sinless one, by your favour
AI translation rendered from the Sanskrit, not a published edition
PdP 6 69.65
प्रेतभावं मया त्यक्तं प्राप्तोऽस्मि परमां गतिम् । एवं कृत्वा विधानेन गयाशीर्षं महामनाः
pretabhāvaṃ mayā tyaktaṃ prāpto'smi paramāṃ gatim | evaṃ kṛtvā vidhānena gayāśīrṣaṃ mahāmanāḥ
the preta-state has been abandoned by me and I have attained the highest goal." Having thus performed (the rites) at Gayāśīrṣa according to the rule, that high-minded man
AI translation rendered from the Sanskrit, not a published edition
PdP 6 69.66
पश्चाज्जगाम स्वगृहं विष्णुं ध्यायन्पुनः पुनः । मासि भाद्रपदे प्राप्ते शुक्लपक्षे तथा सुधीः
paścājjagāma svagṛhaṃ viṣṇuṃ dhyāyanpunaḥ punaḥ | māsi bhādrapade prāpte śuklapakṣe tathā sudhīḥ
afterwards went to his own house, meditating on Viṣṇu again and again. And when the month of Bhādrapada came, in the bright fortnight, that wise man,
AI translation rendered from the Sanskrit, not a published edition
PdP 6 69.67
श्रवणद्वादशीयोगे संगमे सरितां पुनः । जगाम स महाबुद्धिः सर्वोपस्करसंयुतः
śravaṇadvādaśīyoge saṃgame saritāṃ punaḥ | jagāma sa mahābuddhiḥ sarvopaskarasaṃyutaḥ
at the conjunction of the twelfth (lunar day) with Śravaṇa, went again to the confluence of the rivers, that man of great intelligence, provided with all the requisites.
AI translation rendered from the Sanskrit, not a published edition
PdP 6 69.68
संगमे सरितां स्नात्वा द्वादशीं तामुपोषितः । तत्र स्नात्वापि दत्त्वा तु पूजयित्वा जनार्दनम्
saṃgame saritāṃ snātvā dvādaśīṃ tāmupoṣitaḥ | tatra snātvāpi dattvā tu pūjayitvā janārdanam
Bathing at the confluence of the rivers, he fasted on that twelfth day; and having bathed there and made gifts, and worshipped Janārdana,
AI translation rendered from the Sanskrit, not a published edition
PdP 6 69.69
अनंतरं ब्राह्मणस्य ह्युपहारांस्तदा ददौ । शास्त्रोक्तेनापि विधिना ह्येकचित्तरतोऽपि सः
anaṃtaraṃ brāhmaṇasya hyupahārāṃstadā dadau | śāstroktenāpi vidhinā hyekacittarato'pi saḥ
Thereafter he gave presents to a brahmin, and that too by the rule stated in scripture, being intent with a single mind.
AI translation rendered from the Sanskrit, not a published edition
PdP 6 69.70
निवर्त्तयामास तदा वणिजो बुद्धिमान्स वै । वर्षेवर्षे तु संप्राप्ते मासि भाद्रपदे तथा
nivarttayāmāsa tadā vaṇijo buddhimānsa vai | varṣevarṣe tu saṃprāpte māsi bhādrapade tathā
Then that wise merchant carried (the observance) through, year after year, when the month of Bhādrapada came round,
AI translation rendered from the Sanskrit, not a published edition — the model flagged this verse as uncertain
PdP 6 69.71
श्रवणद्वादशीयोगे संगमे सरितां पुनः । एवं वै कृतवान्सर्वं विष्णुमुद्दिश्य सत्वरम्
śravaṇadvādaśīyoge saṃgame saritāṃ punaḥ | evaṃ vai kṛtavānsarvaṃ viṣṇumuddiśya satvaram
at the conjunction of the Śravaṇa-dvādaśī, again at the confluence of the rivers. In this way he promptly did all this, dedicating it to Viṣṇu.
AI translation rendered from the Sanskrit, not a published edition
PdP 6 69.72
कालेन चातिमहता पंचत्वं समुपागतः । अवाप परमं स्थानं दुर्लभं सर्वमानवैः
kālena cātimahatā paṃcatvaṃ samupāgataḥ | avāpa paramaṃ sthānaṃ durlabhaṃ sarvamānavaiḥ
And after a very long time he met his death; he attained the highest abode, hard for all men to reach.
AI translation rendered from the Sanskrit, not a published edition
PdP 6 69.73
क्रीडतेऽद्यापि वैकुंठे विष्णुदूतैः स सेवितः । एवं कुरु त्वं भो ब्रह्मन्श्रवणद्वादशीव्रतम्
krīḍate'dyāpi vaikuṃṭhe viṣṇudūtaiḥ sa sevitaḥ | evaṃ kuru tvaṃ bho brahmanśravaṇadvādaśīvratam
Even today he sports in Vaikuṇṭha, attended by Viṣṇu's messengers. So do you too, O brahmin, perform the Śravaṇa-dvādaśī vow,
AI translation rendered from the Sanskrit, not a published edition
PdP 6 69.74
सर्वसौभाग्यदं चैव इह लोके परत्र च । सुबुद्धिजननं चैव सर्वपापहरं परम्
sarvasaubhāgyadaṃ caiva iha loke paratra ca | subuddhijananaṃ caiva sarvapāpaharaṃ param
which grants every good fortune, both in this world and the next, which produces sound understanding, and which is the supreme remover of all sins.
AI translation rendered from the Sanskrit, not a published edition
PdP 6 69.75
श्रवणद्वादशीयोगे यः कुर्याद्व्रतमीदृशम् । व्रतस्यास्य प्रभावेन विष्णुलोकं च गच्छति
śravaṇadvādaśīyoge yaḥ kuryādvratamīdṛśam | vratasyāsya prabhāvena viṣṇulokaṃ ca gacchati
Whoever performs such a vow at the conjunction of the Śravaṇa-dvādaśī goes, by the power of this vow, to Viṣṇu's world.
AI translation rendered from the Sanskrit, not a published edition