Padma Purana — Uttara Khanda — Chapter 64
PdP 6 64.1
नारद उवाच- चातुर्मास्यां तु नियमा ये केचिद्भुवि विश्रुताः । तानहं श्रोतुमिच्छामि कथयस्व महेश्वर
nārada uvāca- cāturmāsyāṃ tu niyamā ye kecidbhuvi viśrutāḥ | tānahaṃ śrotumicchāmi kathayasva maheśvara
Nārada said: The observances during the four months, whichever are renowned on earth — those I wish to hear; tell them, O Great Lord.
AI translation rendered from the Sanskrit, not a published edition
PdP 6 64.2
चातुर्मास्ये हरौ सुप्ते कर्त्तव्यं किं जनार्दने । षड्रसानां परित्यागे नखकेशविधारणे । अन्यैश्च नियमैः स्वामिन्यत्फलं तद् ब्रवीहि मे
cāturmāsye harau supte karttavyaṃ kiṃ janārdane | ṣaḍrasānāṃ parityāge nakhakeśavidhāraṇe | anyaiśca niyamaiḥ svāminyatphalaṃ tad bravīhi me
What is to be done in the four months, when Hari, Janārdana, is asleep? In the giving up of the six flavours, in the restraining of nails and hair, and by the other observances — what fruit there is in that, O Lord, tell me.
AI translation rendered from the Sanskrit, not a published edition
PdP 6 64.3
सूत उवाच- एतच्छ्रुत्वा त्वसौ देवः प्रहस्योत्फुल्ललोचनः । प्रोवाच तं द्विजवरं नारदं तपसान्निधिम्
sūta uvāca- etacchrutvā tvasau devaḥ prahasyotphullalocanaḥ | provāca taṃ dvijavaraṃ nāradaṃ tapasānnidhim
Sūta said: Having heard this, that god, laughing, with his eyes wide open, spoke to that best of twice-born, Nārada, the treasury of austerity.
AI translation rendered from the Sanskrit, not a published edition
PdP 6 64.4
महादेव उवाच- शृणु त्वमिह देवर्षे कथयामि सविस्तरम् । आषाढस्य सिते पक्षे एकादश्यामुपोषितः
mahādeva uvāca- śṛṇu tvamiha devarṣe kathayāmi savistaram | āṣāḍhasya site pakṣe ekādaśyāmupoṣitaḥ
Mahādeva said: Listen here, O divine seer; I shall tell (it) in full detail. In the bright fortnight of Āṣāḍha, having fasted on the eleventh day,
AI translation rendered from the Sanskrit, not a published edition
PdP 6 64.5
चातुर्मास्यव्रतानीह गृह्णीयाद्भक्तिपूर्वकम् । भूमिशय्यासमारूढो योगनिद्रां गते हरौ
cāturmāsyavratānīha gṛhṇīyādbhaktipūrvakam | bhūmiśayyāsamārūḍho yoganidrāṃ gate harau
one should here undertake the vows of the four months, with devotion foremost. Lying upon a bed on the ground, when Hari has gone to his yogic sleep,
AI translation rendered from the Sanskrit, not a published edition
PdP 6 64.6
नयेत चतुरो मासान्यावद्भवति कार्तिकी । प्रतिष्ठा न प्रवर्त्तंते तथा यज्ञादिकाः क्रियाः
nayeta caturo māsānyāvadbhavati kārtikī | pratiṣṭhā na pravarttaṃte tathā yajñādikāḥ kriyāḥ
one should pass the four months until the Kārttika (full moon) comes. Installations (of images) are not undertaken, nor rites such as sacrifices,
AI translation rendered from the Sanskrit, not a published edition
PdP 6 64.7
विवाहव्रतसंबंध अन्यन्माङ्गल्यकर्म च । भूपयानं तथा यात्रा अन्याश्च विविधाः क्रियाः
vivāhavratasaṃbaṃdha anyanmāṅgalyakarma ca | bhūpayānaṃ tathā yātrā anyāśca vividhāḥ kriyāḥ
marriage, the undertaking of vows, and other auspicious rites, and travel by a king, likewise pilgrimage, and various other rites —
AI translation rendered from the Sanskrit, not a published edition — the model flagged this verse as uncertain
PdP 6 64.8
प्रसुप्ते च जगन्नाथे अच्युते गरुडध्वजे । व्रतक्रियां चरेद्यस्तु तस्य व्रतफलं शृणु
prasupte ca jagannāthe acyute garuḍadhvaje | vratakriyāṃ caredyastu tasya vrataphalaṃ śṛṇu
When the Lord of the world, Acyuta whose banner is Garuḍa, has fallen asleep — hear the fruit of the vow for whoever performs the observance of the vow (then).
AI translation rendered from the Sanskrit, not a published edition
PdP 6 64.9
अश्वमेधसहस्रैस्तु यत्फलं प्राप्नुयान्नरः । चातुर्मास्यव्रतैश्चीर्णैस्तत्फलं समवाप्नुयात्
aśvamedhasahasraistu yatphalaṃ prāpnuyānnaraḥ | cāturmāsyavrataiścīrṇaistatphalaṃ samavāpnuyāt
Whatever fruit a man would obtain by a thousand horse-sacrifices, that same fruit he obtains by the four-month vows duly carried out.
AI translation rendered from the Sanskrit, not a published edition
PdP 6 64.10
मिथुनस्थे सहस्रांशौ स्वापयेन्मधुसूदनम् । तुलाराशौ गते सूर्ये पुनरुत्थापयेद्धरिम्
mithunasthe sahasrāṃśau svāpayenmadhusūdanam | tulārāśau gate sūrye punarutthāpayeddharim
When the thousand-rayed (sun) stands in Gemini, one should lay Madhusūdana down to sleep; when the sun has gone to the sign of Libra, one should raise Hari up again.
AI translation rendered from the Sanskrit, not a published edition
PdP 6 64.11
अधिमासे तु पतिते तदा चैष विधिक्रमः । स्थापयेत्प्रतिमां विष्णोः शंखचक्रगदाधरीम्
adhimāse tu patite tadā caiṣa vidhikramaḥ | sthāpayetpratimāṃ viṣṇoḥ śaṃkhacakragadādharīm
But when an intercalary month falls, then this is the sequence of the rule: one should set up an image of Viṣṇu bearing conch, discus and mace.
AI translation rendered from the Sanskrit, not a published edition
PdP 6 64.12
पीतांबरधरां सौम्यां पर्यंके स्थापयेत्शुचौ । श्वेतवस्त्रसमाच्छन्ने सोपधाने तु नारद
pītāṃbaradharāṃ saumyāṃ paryaṃke sthāpayetśucau | śvetavastrasamācchanne sopadhāne tu nārada
(The image), clothed in yellow garments and gentle (of aspect), one should place upon a clean couch covered with white cloth and provided with a pillow, O Nārada.
AI translation rendered from the Sanskrit, not a published edition
PdP 6 64.13
इतिहासपुराणज्ञो विष्णुभक्तोऽथवा पुनः । स्नापयित्वा दधिक्षीरमधुलाजघृतस्तथा
itihāsapurāṇajño viṣṇubhakto'thavā punaḥ | snāpayitvā dadhikṣīramadhulājaghṛtastathā
Or again, one who knows the epics and Purāṇas, or a devotee of Viṣṇu, having bathed (the image) with curds, milk, honey, parched grain and ghee —
AI translation rendered from the Sanskrit, not a published edition
PdP 6 64.14
समालभ्य शुभैर्गंधैर्धूपैः पुष्पैर्मनोरमैः । पूजितां कुसुमैः शुभ्रैर्मंत्रेणानेन वाडव
samālabhya śubhairgaṃdhairdhūpaiḥ puṣpairmanoramaiḥ | pūjitāṃ kusumaiḥ śubhrairmaṃtreṇānena vāḍava
having anointed (it) and (worshipped it) with auspicious perfumes, incense and pleasing flowers — (the image thus) worshipped with white blossoms, with this mantra, O brahmin:
AI translation rendered from the Sanskrit, not a published edition
PdP 6 64.15
सुप्ते त्वयि जगन्नाथे जगत्सुप्तं भवेदिदम् । विबुद्धे त्वयि बुध्येत जगत्सर्वं चराचरम्
supte tvayi jagannāthe jagatsuptaṃ bhavedidam | vibuddhe tvayi budhyeta jagatsarvaṃ carācaram
"When You, Lord of the world, sleep, this world becomes asleep; when You awaken, the whole world, moving and unmoving, awakens."
AI translation rendered from the Sanskrit, not a published edition
PdP 6 64.16
एवं तां प्रतिमां विष्णोः स्थापयित्वा तु नारद । तस्यैवाग्रे स्वयं वाचा गृह्णीयान्नियमं ततः
evaṃ tāṃ pratimāṃ viṣṇoḥ sthāpayitvā tu nārada | tasyaivāgre svayaṃ vācā gṛhṇīyānniyamaṃ tataḥ
Having thus set up that image of Viṣṇu, O Nārada, then in its very presence one should take upon oneself the observance with one's own voice.
AI translation rendered from the Sanskrit, not a published edition
PdP 6 64.17
स्त्री वा नरो वा तद्भक्तो धर्माधर्मविभागतः । चतुरो वार्षिकान्मासान्देवस्योत्थापनावधि
strī vā naro vā tadbhakto dharmādharmavibhāgataḥ | caturo vārṣikānmāsāndevasyotthāpanāvadhi
Whether woman or man, being devoted to Him, according to the division of what is right and not right, for the four months of the rainy season, up to the raising up of the god —
AI translation rendered from the Sanskrit, not a published edition
PdP 6 64.18
गृह्णीयान्नियमानेतान्दंतधावनपूर्वकम् । उपवासं ततः कृत्वा प्रभाते विमले सति
gṛhṇīyānniyamānetāndaṃtadhāvanapūrvakam | upavāsaṃ tataḥ kṛtvā prabhāte vimale sati
— one should take on these observances, beginning with the cleaning of the teeth; then, having kept the fast, when the morning is clear and bright,
AI translation rendered from the Sanskrit, not a published edition
PdP 6 64.19
नित्यं कर्म चरित्वा तु विष्णोरग्रे जितात्मवान् । तेषां फलानि वक्ष्यामि तत्कर्तॄणां पृथक्पृथक्
nityaṃ karma caritvā tu viṣṇoragre jitātmavān | teṣāṃ phalāni vakṣyāmi tatkartṝṇāṃ pṛthakpṛthak
having performed the daily rites before Viṣṇu, self-controlled — I shall declare the fruits of those (observances) for those who perform them, one by one.
AI translation rendered from the Sanskrit, not a published edition
PdP 6 64.20
मधुरत्वं लभेद्विद्वान्पुरुषो गुडवर्जनात् । तथैव संततिं दीर्घां तैलस्य वर्जनाद्यतः
madhuratvaṃ labhedvidvānpuruṣo guḍavarjanāt | tathaiva saṃtatiṃ dīrghāṃ tailasya varjanādyataḥ
A learned man obtains sweetness by giving up molasses; and likewise long-lasting offspring by the giving up of oil.
AI translation rendered from the Sanskrit, not a published edition
PdP 6 64.21
घृतस्य वर्जनाद्विप्र सुंदरांगः प्रजायते । कटुतैलपरित्यागी शत्रुनाशमवाप्नुयात्
ghṛtasya varjanādvipra suṃdarāṃgaḥ prajāyate | kaṭutailaparityāgī śatrunāśamavāpnuyāt
By the giving up of ghee, O brahmin, one is born with beautiful limbs; one who wholly renounces pungent oil obtains the destruction of his enemies.
AI translation rendered from the Sanskrit, not a published edition
PdP 6 64.22
सुगंधतैलत्यागेन सौभाग्यमतुलं लभेत् । पुष्पभोगपरित्यागी स्वर्गे विद्याधरो भवेत्
sugaṃdhatailatyāgena saubhāgyamatulaṃ labhet | puṣpabhogaparityāgī svarge vidyādharo bhavet
By giving up perfumed oil one gains incomparable good fortune; one who wholly renounces the enjoyment of flowers becomes a Vidyādhara in heaven.
AI translation rendered from the Sanskrit, not a published edition
PdP 6 64.23
योगाभ्यासी नरो यस्तु स ब्रह्मपदमाप्नुयात् । कट्वम्लमधुरक्षारतीक्ष्णकाषाय षड्रसान्
yogābhyāsī naro yastu sa brahmapadamāpnuyāt | kaṭvamlamadhurakṣāratīkṣṇakāṣāya ṣaḍrasān
And the man who practises yoga attains the station of Brahmā. The six tastes — pungent, sour, sweet, salty, sharp and astringent —
AI translation rendered from the Sanskrit, not a published edition
PdP 6 64.24
वर्जयेद्यस्तु वैरूप्यं दौर्गंध्यं नाप्नुयान्नरः । तांबूलवर्जनाद्भोगी रक्तकंठस्तु जायते
varjayedyastu vairūpyaṃ daurgaṃdhyaṃ nāpnuyānnaraḥ | tāṃbūlavarjanādbhogī raktakaṃṭhastu jāyate
— whoever gives (them) up, that man does not meet with ugliness or bad odour; by giving up betel one becomes an enjoyer and is born with a red throat.
AI translation rendered from the Sanskrit, not a published edition
PdP 6 64.25
घृतत्यागाच्च लावण्यं सदा स्निग्धतनुर्भवेत् । फलत्यागाच्च विपेंद्र बहुपुत्रश्च जायते
ghṛtatyāgācca lāvaṇyaṃ sadā snigdhatanurbhavet | phalatyāgācca vipeṃdra bahuputraśca jāyate
And by giving up ghee (one gains) beauty and becomes ever of glossy body; and by giving up fruit, O best of brahmins, one is born with many sons.
AI translation rendered from the Sanskrit, not a published edition
PdP 6 64.26
पलाशपत्राशनकृद्रूपवान्भोगवान्भवेत् । दीप्तिमान्दीप्तिकरणः साक्षाद्द्रव्यपतिर्भवेत्
palāśapatrāśanakṛdrūpavānbhogavānbhavet | dīptimāndīptikaraṇaḥ sākṣāddravyapatirbhavet
One who eats from palāśa leaves becomes handsome and rich in enjoyments; one who makes lights becomes radiant and becomes verily a master of wealth.
AI translation rendered from the Sanskrit, not a published edition
PdP 6 64.27
दधिदुग्धपरित्यागी गोलोकं लभते नरः । मौनव्रती भवेद्यस्तु तस्याज्ञाऽस्खलिता भवेत्
dadhidugdhaparityāgī golokaṃ labhate naraḥ | maunavratī bhavedyastu tasyājñā'skhalitā bhavet
A man who wholly renounces curds and milk gains Goloka; and whoever keeps the vow of silence — his command becomes unfailing.
AI translation rendered from the Sanskrit, not a published edition
PdP 6 64.28
इंद्रासनमवाप्नोति स्थालीपाकस्य वर्जनात् । एवमादि परित्यागाद्धर्मस्थो धर्मनंदनः
iṃdrāsanamavāpnoti sthālīpākasya varjanāt | evamādi parityāgāddharmastho dharmanaṃdanaḥ
By giving up food cooked in a pot (sthālīpāka) one obtains the seat of Indra. By such renunciations, O son of Dharma, one stands firm in dharma.
AI translation rendered from the Sanskrit, not a published edition — the model flagged this verse as uncertain
PdP 6 64.29
नमोनारायणायेति जप्त्वा शतगुणं फलम् । एक एव स वै स्वर्गे विद्याधरपतिर्भवेत्
namonārāyaṇāyeti japtvā śataguṇaṃ phalam | eka eva sa vai svarge vidyādharapatirbhavet
Having muttered "Homage to Nārāyaṇa," the fruit is a hundredfold; he alone becomes lord of the Vidyādharas in heaven.
AI translation rendered from the Sanskrit, not a published edition
PdP 6 64.30
पुष्करस्नानमात्रेण गंगायाः स्नानजं फलम्
puṣkarasnānamātreṇa gaṃgāyāḥ snānajaṃ phalam
By merely bathing in Puṣkara (one gains) the fruit that arises from bathing in the Gaṅgā.
AI translation rendered from the Sanskrit, not a published edition
PdP 6 64.31
भूमौ भुंक्ते सदा यस्तु स पृथिव्यधिपो भवेत् । विष्णोश्चैव गृहे कुर्यादुपलेपनमार्जनम्
bhūmau bhuṃkte sadā yastu sa pṛthivyadhipo bhavet | viṣṇoścaiva gṛhe kuryādupalepanamārjanam
He who always eats on the ground becomes lord of the earth; and (he) who performs the smearing and sweeping (of the floor) in Viṣṇu's house—
AI translation rendered from the Sanskrit, not a published edition
PdP 6 64.32
कल्पस्थायी भवेद्विद्वन्वैकुंठे नात्र संशयः । प्रदक्षिणं च यः कुर्याच्छतमष्टोत्तरं नरः
kalpasthāyī bhavedvidvanvaikuṃṭhe nātra saṃśayaḥ | pradakṣiṇaṃ ca yaḥ kuryācchatamaṣṭottaraṃ naraḥ
—he abides for a kalpa in Vaikuṇṭha, O learned one; there is no doubt in this. And the man who performs a hundred and eight circumambulations
AI translation rendered from the Sanskrit, not a published edition
PdP 6 64.33
हंसयुक्तविमानेन दिव्येन सह गच्छति । गीतवाद्यकरो विष्णोर्गांधर्वं लोकमाप्नुयात्
haṃsayuktavimānena divyena saha gacchati | gītavādyakaro viṣṇorgāṃdharvaṃ lokamāpnuyāt
goes (there) together with a divine chariot yoked to swans. He who makes song and music for Viṣṇu attains the world of the Gandharvas.
AI translation rendered from the Sanskrit, not a published edition
PdP 6 64.34
पंचगव्याशनो विद्वन्चांद्रायणफलं लभेत् । नित्यं शास्त्रविनोदेन लोकान्यस्तु प्रबोधयेत्
paṃcagavyāśano vidvancāṃdrāyaṇaphalaṃ labhet | nityaṃ śāstravinodena lokānyastu prabodhayet
One who eats the five products of the cow, O learned one, gains the fruit of the cāndrāyaṇa (fast). But he who constantly awakens people with the delight of scripture—
AI translation rendered from the Sanskrit, not a published edition
PdP 6 64.35
स व्यासरूपी विष्ण्वग्रे ततो विष्णुपदं लभेत् । तुलसीदलपूजां तु कृत्वा विष्णुपुरं व्रजेत्
sa vyāsarūpī viṣṇvagre tato viṣṇupadaṃ labhet | tulasīdalapūjāṃ tu kṛtvā viṣṇupuraṃ vrajet
—he, in the form of Vyāsa, (stands) before Viṣṇu, and thereafter attains Viṣṇu's state. And having performed worship with a tulasī leaf, one goes to Viṣṇu's city.
AI translation rendered from the Sanskrit, not a published edition
PdP 6 64.36
कृत्वा प्रोक्षणकं दिव्यं स्थानमप्सरसां लभेत् । शीतांबुना गृहे स्नानात्निर्मलं देहमाप्नुयात्
kṛtvā prokṣaṇakaṃ divyaṃ sthānamapsarasāṃ labhet | śītāṃbunā gṛhe snānātnirmalaṃ dehamāpnuyāt
Having performed the sprinkling rite, one obtains the divine station of the apsarases. By bathing at home with cool water one obtains a stainless body.
AI translation rendered from the Sanskrit, not a published edition
PdP 6 64.37
उष्णोदकं परित्यज्य स्नानं वै पौष्करं लभेत् । पत्रेषु यो नरो भुंक्ते कुरुक्षेत्रफलं लभेत्
uṣṇodakaṃ parityajya snānaṃ vai pauṣkaraṃ labhet | patreṣu yo naro bhuṃkte kurukṣetraphalaṃ labhet
By giving up hot water (for bathing) one gains the bath at Puṣkara. The man who eats on leaves gains the fruit of Kurukṣetra.
AI translation rendered from the Sanskrit, not a published edition
PdP 6 64.38
भुंक्ते शिलायां यो नित्यं तस्य पुण्यं प्रयागजम् । धर्मोदयजलत्यागी न रोगैः परिभूयते
bhuṃkte śilāyāṃ yo nityaṃ tasya puṇyaṃ prayāgajam | dharmodayajalatyāgī na rogaiḥ paribhūyate
He who always eats on stone—his merit is that arising from Prayāga. One who gives up water in which dharma arises is not overcome by diseases.
AI translation rendered from the Sanskrit, not a published edition — the model flagged this verse as uncertain
PdP 6 64.39
ताम्रपात्रेषु भुंजानो नैमिषं फलमाप्रुयात् । कांस्यपात्रं परित्यज्य शेषपात्रमुपाचरेत्
tāmrapātreṣu bhuṃjāno naimiṣaṃ phalamāpruyāt | kāṃsyapātraṃ parityajya śeṣapātramupācaret
One eating in copper vessels would attain the fruit of Naimiṣa. Having given up the bell-metal vessel, one should make use of the remaining vessels.
AI translation rendered from the Sanskrit, not a published edition
PdP 6 64.40
अलाभे सर्वपात्राणां मृन्मयं पात्रमुत्तमम् । स्वगृहीतैः कृतैर्वापि पात्रैः पालाशसंभवैः
alābhe sarvapātrāṇāṃ mṛnmayaṃ pātramuttamam | svagṛhītaiḥ kṛtairvāpi pātraiḥ pālāśasaṃbhavaiḥ
In the absence of all (other) vessels, an earthen vessel is best—or else with vessels made from what one has gathered oneself, vessels formed of palāśa (leaves).
AI translation rendered from the Sanskrit, not a published edition — the model flagged this verse as uncertain
PdP 6 64.41
यस्तु संवत्सरं पूर्ण अग्निहोत्रमुपासते । पात्रैर्वा भोजनं विद्वान्सेवते तत्समं स्मृतम्
yastu saṃvatsaraṃ pūrṇa agnihotramupāsate | pātrairvā bhojanaṃ vidvānsevate tatsamaṃ smṛtam
He who for a full year attends upon the agnihotra—or the wise man who takes his meal from such (leaf) vessels: that is held to be equal (to it).
AI translation rendered from the Sanskrit, not a published edition — the model flagged this verse as uncertain
PdP 6 64.42
चांद्रायणसमं प्रोक्तं ब्रह्मपात्रेषु भोजने । एकैकं भोजनं विद्वन्ब्रह्मपत्रेषु भुंजतः
cāṃdrāyaṇasamaṃ proktaṃ brahmapātreṣu bhojane | ekaikaṃ bhojanaṃ vidvanbrahmapatreṣu bhuṃjataḥ
Eating in brahma-vessels (palāśa leaf-plates) is said to be equal to the cāndrāyaṇa; each single meal, O learned one, of one who eats on brahma-leaves
AI translation rendered from the Sanskrit, not a published edition — the model flagged this verse as uncertain
PdP 6 64.43
त्रिरात्रेण समं प्रोक्तं महापातकनाशनम् । एकादश्युपवासेन यत्पुण्यं परिकीर्तितम्
trirātreṇa samaṃ proktaṃ mahāpātakanāśanam | ekādaśyupavāsena yatpuṇyaṃ parikīrtitam
is declared equal to a three-night fast, destroying the great sins. Whatever merit is proclaimed for fasting on the eleventh day,
AI translation rendered from the Sanskrit, not a published edition
PdP 6 64.44
सर्वदानफलं चैव सर्वतीर्थफलं लभेत् । न चापि नरकं पश्येत्पद्मपत्रेषु भोजनात्
sarvadānaphalaṃ caiva sarvatīrthaphalaṃ labhet | na cāpi narakaṃ paśyetpadmapatreṣu bhojanāt
and the fruit of all gifts and the fruit of all sacred fords—that one gains; nor does one see hell, from eating on lotus leaves.
AI translation rendered from the Sanskrit, not a published edition
PdP 6 64.45
ब्राह्मणो याति वैकुंठेऽन्यो जनः स्वर्गमाप्नुयात् । एष ब्रह्म महावृक्षः पापहा सर्वकामदः
brāhmaṇo yāti vaikuṃṭhe'nyo janaḥ svargamāpnuyāt | eṣa brahma mahāvṛkṣaḥ pāpahā sarvakāmadaḥ
A brahmin goes to Vaikuṇṭha, another person would attain heaven. This is the great tree of brahman, destroyer of sin, granting all desires.
AI translation rendered from the Sanskrit, not a published edition
PdP 6 64.46
मध्यमं वर्जितं पत्रं शूद्रजातेर्नृपोत्तम । भुंजन्नरकमाप्नोति यावदिंद्राश्चतुर्दश
madhyamaṃ varjitaṃ patraṃ śūdrajāternṛpottama | bhuṃjannarakamāpnoti yāvadiṃdrāścaturdaśa
The middle leaf is forbidden to one of śūdra birth, O best of kings; eating (on it) he attains hell for as long as fourteen Indras (endure).
AI translation rendered from the Sanskrit, not a published edition
PdP 6 64.47
वर्जयेन्मध्यमं पत्रं शेषपत्रेषु भोजनम् । मध्यपत्रे च यः शूद्रो भोजनं कुरुते द्विज
varjayenmadhyamaṃ patraṃ śeṣapatreṣu bhojanam | madhyapatre ca yaḥ śūdro bhojanaṃ kurute dvija
One should avoid the middle leaf; the meal (may be taken) on the remaining leaves. And the śūdra who takes his meal on the middle leaf, O twice-born—
AI translation rendered from the Sanskrit, not a published edition
PdP 6 64.48
कपिलां ब्रह्मणे दत्त्वा शुद्धिर्भवति नान्यथा । कपिलां दोहयेद्यस्तु शूद्रो भुंक्ते निजे गृहे
kapilāṃ brahmaṇe dattvā śuddhirbhavati nānyathā | kapilāṃ dohayedyastu śūdro bhuṃkte nije gṛhe
By giving a tawny (kapilā) cow to a brahmin purification comes about, not otherwise. But the śūdra who has a tawny cow milked and eats (its milk) in his own house —
AI translation rendered from the Sanskrit, not a published edition
PdP 6 64.49
दशवर्षसहस्राणि विष्ठायां जायते कृमिः । कृमियोनिविनिर्मुक्तः पशुयोनिमवाप्नुयात्
daśavarṣasahasrāṇi viṣṭhāyāṃ jāyate kṛmiḥ | kṛmiyonivinirmuktaḥ paśuyonimavāpnuyāt
for ten thousand years he is born as a worm in excrement; released from the worm-birth, he would attain the birth of a beast.
AI translation rendered from the Sanskrit, not a published edition
PdP 6 64.50
कपिलं योह्यनड्वाहं शूद्रो भूत्वात्र वाहयेत् । यावंति तस्य रोमाणि तावद्वर्षाणि नारद 6.64.
kapilaṃ yohyanaḍvāhaṃ śūdro bhūtvātra vāhayet | yāvaṃti tasya romāṇi tāvadvarṣāṇi nārada 6.64.
Whoever, having become a śūdra here, makes a tawny ox draw (a cart or plough) — as many hairs as it has, so many years, Nārada,
AI translation rendered from the Sanskrit, not a published edition
PdP 6 64.51
कुंभीपाकेषु पच्येत स नरो नात्र संशयः । अजा चैव गृहे तस्य शूद्रस्य च विशेषतः
kuṃbhīpākeṣu pacyeta sa naro nātra saṃśayaḥ | ajā caiva gṛhe tasya śūdrasya ca viśeṣataḥ
that man is cooked in the Kumbhīpāka hells; there is no doubt of it. And especially (if) there is a she-goat in the house of that śūdra,
AI translation rendered from the Sanskrit, not a published edition
PdP 6 64.52
तस्या वै दुग्धपानेन शूद्रो यातीह रौरवम् । ब्राह्मणैः सह व्यापारो यस्य शूद्रस्य दृश्यते
tasyā vai dugdhapānena śūdro yātīha rauravam | brāhmaṇaiḥ saha vyāpāro yasya śūdrasya dṛśyate
by drinking her milk the śūdra goes here to the Raurava (hell). The śūdra in whom trade together with brahmins is seen —
AI translation rendered from the Sanskrit, not a published edition
PdP 6 64.53
स विप्रो वेदबाह्यः स्याच्छूद्रः कौलिक उच्यते । व्यापारे प्रेरितो विप्रः शूद्राज्ञां च करोति यः
sa vipro vedabāhyaḥ syācchūdraḥ kaulika ucyate | vyāpāre prerito vipraḥ śūdrājñāṃ ca karoti yaḥ
that brahmin would become an outcast from the Veda, (and) the śūdra is called a weaver. The brahmin who is sent (on errands) in trade and who carries out a śūdra's command —
AI translation rendered from the Sanskrit, not a published edition — the model flagged this verse as uncertain
PdP 6 64.54
यावत्पदानि चलते तावद्भवति नारकी । उदकार्थं तु यो विप्रः शूद्रेण प्रेषितो गृहे
yāvatpadāni calate tāvadbhavati nārakī | udakārthaṃ tu yo vipraḥ śūdreṇa preṣito gṛhe
for as many steps as he walks, for that long he becomes a dweller in hell. And the brahmin who is sent by a śūdra in the house for the sake of water —
AI translation rendered from the Sanskrit, not a published edition
PdP 6 64.55
तदुदकं मद्यतुल्यं पीत्वा वै नरकं व्रजेत् । शूद्रेण सर्वदा नित्यं दानं देयं द्विजन्मने
tadudakaṃ madyatulyaṃ pītvā vai narakaṃ vrajet | śūdreṇa sarvadā nityaṃ dānaṃ deyaṃ dvijanmane
that water is equal to liquor; having drunk it he goes to hell. By a śūdra a gift should always, constantly, be given to a twice-born,
AI translation rendered from the Sanskrit, not a published edition
PdP 6 64.56
तेषां चैव तु वै भक्तिः कर्त्तव्या च विशेषतः । इहलोके सुखं भुक्त्वा परलोकं च गच्छति
teṣāṃ caiva tu vai bhaktiḥ karttavyā ca viśeṣataḥ | ihaloke sukhaṃ bhuktvā paralokaṃ ca gacchati
and devotion to them should especially be practised; (thus) having enjoyed happiness in this world he goes also to the other world.
AI translation rendered from the Sanskrit, not a published edition
PdP 6 64.57
पांचभौतिकमेतद्धि अनर्थकमुदाहृतम् । अतो देयं हि गुरवे यतोऽनंतफलं लभेत्
pāṃcabhautikametaddhi anarthakamudāhṛtam | ato deyaṃ hi gurave yato'naṃtaphalaṃ labhet
For this (body), made of the five elements, has been declared to be worthless; therefore (wealth) should be given to the teacher, whereby one would obtain endless fruit.
AI translation rendered from the Sanskrit, not a published edition
PdP 6 64.58
अस्मिन्कलियुगे घोरे पापाचारे दुरात्मनः । निंदां कुर्वंति विप्रेंद्र जनानां पुण्यकर्मणाम्
asminkaliyuge ghore pāpācāre durātmanaḥ | niṃdāṃ kurvaṃti vipreṃdra janānāṃ puṇyakarmaṇām
In this terrible Kali age, of evil conduct, the wicked-souled ones, O best of brahmins, make censure of people of meritorious deeds.
AI translation rendered from the Sanskrit, not a published edition
PdP 6 64.59
निंदया लभते दुःखं यावदाभूतसंप्लवम् । नानाधर्माः प्रवर्त्तंते कलौ चैव महामते
niṃdayā labhate duḥkhaṃ yāvadābhūtasaṃplavam | nānādharmāḥ pravarttaṃte kalau caiva mahāmate
Through censure one obtains suffering until the dissolution of beings. Many (kinds of) dharmas come into practice in the Kali age, O great-minded one.
AI translation rendered from the Sanskrit, not a published edition
PdP 6 64.60
धर्मोऽयं दुर्ल्लभो लोके धर्मकामार्थमोक्षदः । भूमिशायी भवेद्यस्तु नरः कोऽपि महीतले
dharmo'yaṃ durllabho loke dharmakāmārthamokṣadaḥ | bhūmiśāyī bhavedyastu naraḥ ko'pi mahītale
This dharma, hard to obtain in the world, gives dharma, pleasure, wealth, and liberation. Whatever man on earth becomes a sleeper on the ground,
AI translation rendered from the Sanskrit, not a published edition
PdP 6 64.61
दशवर्षसहस्राणि न रोगैः परिपीड्यते । बहुपुत्रो धनैर्युक्तो ह्यकुष्ठी जायते नरः
daśavarṣasahasrāṇi na rogaiḥ paripīḍyate | bahuputro dhanairyukto hyakuṣṭhī jāyate naraḥ
for ten thousand years he is not afflicted by diseases; the man is born with many sons, endowed with wealth, and free from leprosy.
AI translation rendered from the Sanskrit, not a published edition
PdP 6 64.62
नक्तभोजी नरो यस्तु तीर्थयात्राफलं लभेत् । अयाचितेन चाप्नोति वापीकूपक्रिंया फलम्
naktabhojī naro yastu tīrthayātrāphalaṃ labhet | ayācitena cāpnoti vāpīkūpakriṃyā phalam
The man who eats (only) at night would obtain the fruit of a pilgrimage to holy places; and by what is unasked-for he obtains the fruit of making tanks and wells.
AI translation rendered from the Sanskrit, not a published edition
PdP 6 64.63
वर्जयेद्यस्तु वै द्रोहं प्राणहिंसापराङ्मुखः । अहिंसा परमो धर्म इति वेदेषु गीयते
varjayedyastu vai drohaṃ prāṇahiṃsāparāṅmukhaḥ | ahiṃsā paramo dharma iti vedeṣu gīyate
And whoever avoids malice, turning away from injury to living beings — "non-injury is the highest dharma" is sung in the Vedas.
AI translation rendered from the Sanskrit, not a published edition
PdP 6 64.64
दानं दया दम इति सर्वत्र हि श्रुतं मया । तस्मात्सर्वप्रयत्नेन कार्यं वै महतामपि
dānaṃ dayā dama iti sarvatra hi śrutaṃ mayā | tasmātsarvaprayatnena kāryaṃ vai mahatāmapi
"Giving, compassion, self-restraint" — thus have I heard everywhere; therefore it should be practised with every effort, even by the great.
AI translation rendered from the Sanskrit, not a published edition
PdP 6 64.65
गुरवे ये प्रयच्छंति शरीरं पुत्रपौत्रकम् । तत्र दानप्रभावेन विष्णोर्वल्लभतामियात्
gurave ye prayacchaṃti śarīraṃ putrapautrakam | tatra dānaprabhāvena viṣṇorvallabhatāmiyāt
Those who offer to the teacher their body, sons, and grandsons — thereby, by the power of that gift, one would attain the state of being dear to Viṣṇu.
AI translation rendered from the Sanskrit, not a published edition
PdP 6 64.66
शूद्रेण दीक्षितो यस्तु शूद्रः शूद्रेण दीक्षितः । उभौ तौ पापिनौ प्रोक्तौ यावदाभूतसंप्लवम्
śūdreṇa dīkṣito yastu śūdraḥ śūdreṇa dīkṣitaḥ | ubhau tau pāpinau proktau yāvadābhūtasaṃplavam
A śūdra who is initiated by a śūdra, (and the śūdra) by whom he is initiated — both of these are declared sinners until the dissolution of beings.
AI translation rendered from the Sanskrit, not a published edition
PdP 6 64.67
हिंसामतिं यदादत्ते शूद्रो वै पापसत्तमः । एकविंशतिकुलं तेन नरकं प्रतिपात्यते
hiṃsāmatiṃ yadādatte śūdro vai pāpasattamaḥ | ekaviṃśatikulaṃ tena narakaṃ pratipātyate
When the śūdra, the worst of sinners, takes up a mind bent on injury, by that he causes twenty-one generations (of his line) to fall into hell.
AI translation rendered from the Sanskrit, not a published edition
PdP 6 64.68
कलौ पाखंडिनः शूद्रा दृश्यंते बहवो भुवि । तेषां संभाषणादेव नरको भवति द्विज
kalau pākhaṃḍinaḥ śūdrā dṛśyaṃte bahavo bhuvi | teṣāṃ saṃbhāṣaṇādeva narako bhavati dvija
In the Kali (age) many heretical śūdras are seen on the earth; merely from conversing with them there comes hell, O twice-born.
AI translation rendered from the Sanskrit, not a published edition
PdP 6 64.69
ब्रह्मज्ञानरता ये च गायत्रीजापिनो द्विज । तेषां दर्शनमात्रेण ब्रह्महत्या दिने दिने
brahmajñānaratā ye ca gāyatrījāpino dvija | teṣāṃ darśanamātreṇa brahmahatyā dine dine
And those, O twice-born, who are devoted to the knowledge of Brahman and are reciters of the Gāyatrī — by the mere sight of them the killing of a brahmin (is destroyed), day after day.
AI translation rendered from the Sanskrit, not a published edition — the model flagged this verse as uncertain
PdP 6 64.70
शंखचक्रधरा विप्रा विष्णुधर्मेषु संमताः । वेदधर्मरता नित्यं पंक्तिपावनपावनाः
śaṃkhacakradharā viprā viṣṇudharmeṣu saṃmatāḥ | vedadharmaratā nityaṃ paṃktipāvanapāvanāḥ
Brahmins who bear the conch and discus, who are esteemed in the observances of Viṣṇu, ever devoted to the dharma of the Vedas, are purifiers of the purifiers of the (dining) row.
AI translation rendered from the Sanskrit, not a published edition
PdP 6 64.71
चातुर्मास्यमिदं कर्म कर्त्तव्यं तैः सदा नरैः । किमन्यद्बहुनोक्तेन भूयोभूयश्च वाडव
cāturmāsyamidaṃ karma karttavyaṃ taiḥ sadā naraiḥ | kimanyadbahunoktena bhūyobhūyaśca vāḍava
This four-month observance is always to be performed by those men. What more (need be said) by speaking much and again and again, O brahmin?
AI translation rendered from the Sanskrit, not a published edition
PdP 6 64.72
ते धन्याः पृथिवी मध्ये नरा ये वैष्णवा भुवि । तेषां कुलं धन्यतमं जातिर्धन्यतमा स्मृता
te dhanyāḥ pṛthivī madhye narā ye vaiṣṇavā bhuvi | teṣāṃ kulaṃ dhanyatamaṃ jātirdhanyatamā smṛtā
Blessed are they in the midst of the earth, those men on earth who are Vaiṣṇavas; their family is most blessed, their birth is held most blessed.
AI translation rendered from the Sanskrit, not a published edition
PdP 6 64.73
मधु भक्षयते यस्तु सुप्ते देवे जनार्दने । महत्पापं भवेत्तस्य वर्जने यच्छृणुष्व तत्
madhu bhakṣayate yastu supte deve janārdane | mahatpāpaṃ bhavettasya varjane yacchṛṇuṣva tat
But whoever eats honey while the god Janārdana sleeps — great sin comes to him; hear that (fruit) which lies in abstaining.
AI translation rendered from the Sanskrit, not a published edition
PdP 6 64.74
सर्वयज्ञैश्च विविधैर्यत्फलं तदवाप्नुयात् । दाडिमं मातुलिगं च नालिकेरं च वर्जयेत्
sarvayajñaiśca vividhairyatphalaṃ tadavāpnuyāt | dāḍimaṃ mātuligaṃ ca nālikeraṃ ca varjayet
He would obtain that fruit which (comes) from all the various sacrifices. And he should avoid the pomegranate, the citron, and the coconut.
AI translation rendered from the Sanskrit, not a published edition
PdP 6 64.75
देवो वैमानिको भूत्वा ह्यंते विष्णुपदं व्रजेत् । वित्तवान्सुभगश्चैव कुले श्रीमति जायते
devo vaimāniko bhūtvā hyaṃte viṣṇupadaṃ vrajet | vittavānsubhagaścaiva kule śrīmati jāyate
Having become a god travelling in a celestial chariot, at the end he would go to Viṣṇu's abode; and he is born wealthy and fortunate in a prosperous family.
AI translation rendered from the Sanskrit, not a published edition
PdP 6 64.76
यः क्षिपेदेकभक्तेन नरो मासचतुष्टयम् । यावंति च मुहूर्तानि उदितोदितभास्करे
yaḥ kṣipedekabhaktena naro māsacatuṣṭayam | yāvaṃti ca muhūrtāni uditoditabhāskare
The man who passes the four months on a single meal (a day) — for as many muhūrtas as (there are) while the sun has risen high,
AI translation rendered from the Sanskrit, not a published edition — the model flagged this verse as uncertain
PdP 6 64.77
ताद्वर्षसहस्राणि विष्णुलोके महीयते । व्रीहींश्च यवगोधूमान्वर्जयेद्यस्तु मानवः
tādvarṣasahasrāṇi viṣṇuloke mahīyate | vrīhīṃśca yavagodhūmānvarjayedyastu mānavaḥ
for that many thousands of years he is honoured in Viṣṇu's world. And the man who avoids rice, barley and wheat —
AI translation rendered from the Sanskrit, not a published edition
PdP 6 64.78
अश्वमेधादिके कृते विधिवद्वै सदक्षिणे । यत्फलं मुनिभिः प्रोक्तं तत्फलं लभते नरः
aśvamedhādike kṛte vidhivadvai sadakṣiṇe | yatphalaṃ munibhiḥ proktaṃ tatphalaṃ labhate naraḥ
the fruit which the sages have declared for the horse-sacrifice and the rest, performed according to rule and with its priestly fees — that fruit the man obtains.
AI translation rendered from the Sanskrit, not a published edition
PdP 6 64.79
धनधान्यसमायुक्तो बहुपुत्रश्च जायते । तुलसीतिलदर्भैश्च ये कुर्वंति च तर्पणम्
dhanadhānyasamāyukto bahuputraśca jāyate | tulasītiladarbhaiśca ye kurvaṃti ca tarpaṇam
And he is born endowed with wealth and grain and with many sons. And those who perform the water-offering with tulasī, sesame and darbha grass —
AI translation rendered from the Sanskrit, not a published edition
PdP 6 64.80
तत्फलं कोटिगुणितं चातुर्मास्ये विशेषतः । यदा सुप्ते हृषीकेशे कुर्याच्चैतत्त्रयान्वितम्
tatphalaṃ koṭiguṇitaṃ cāturmāsye viśeṣataḥ | yadā supte hṛṣīkeśe kuryāccaitattrayānvitam
that fruit is multiplied ten-millionfold, especially in the four-month season, when one performs it together with these three while Hṛṣīkeśa sleeps.
AI translation rendered from the Sanskrit, not a published edition
PdP 6 64.81
तेऽपि युगसहस्राणि मोदंते विष्णुसंनिधौ । पदं वा पदमर्द्धं वा ऋचां चार्द्धऋचां तथा
te'pi yugasahasrāṇi modaṃte viṣṇusaṃnidhau | padaṃ vā padamarddhaṃ vā ṛcāṃ cārddhaṛcāṃ tathā
They too rejoice for thousands of ages in Viṣṇu's presence. And those who chant before Viṣṇu a verse-line, or half a line, of the ṛcs, or half a ṛc —
AI translation rendered from the Sanskrit, not a published edition
PdP 6 64.82
विष्ण्वग्रे ये प्रगायंति मुक्तास्ते वै न संशयः । मैथुनं वर्जयेद्यस्तु सुप्ते देवे जनार्दने
viṣṇvagre ye pragāyaṃti muktāste vai na saṃśayaḥ | maithunaṃ varjayedyastu supte deve janārdane
they are liberated, without doubt. And whoever avoids sexual intercourse while the god Janārdana sleeps,
AI translation rendered from the Sanskrit, not a published edition
PdP 6 64.83
एकमन्वंतरं सोऽपि विष्णुलोके महीयते । दधिदुग्धं तथा तक्रं गुडं शाकं तथैव च
ekamanvaṃtaraṃ so'pi viṣṇuloke mahīyate | dadhidugdhaṃ tathā takraṃ guḍaṃ śākaṃ tathaiva ca
he too is honoured in Viṣṇu's world for one manvantara. Curds, milk, and buttermilk, molasses, and likewise vegetables —
AI translation rendered from the Sanskrit, not a published edition
PdP 6 64.84
वर्जनादेव भो विप्र मुक्तिभागी न संशयः । स्नानमामलकेनैव ये कुर्वंति च मानवाः
varjanādeva bho vipra muktibhāgī na saṃśayaḥ | snānamāmalakenaiva ye kurvaṃti ca mānavāḥ
merely by abstaining (from these), O brahmin, one has a share in liberation, without doubt. And those men who bathe with āmalaka —
AI translation rendered from the Sanskrit, not a published edition
PdP 6 64.85
दिनेदिने महत्पुण्यं प्राप्नुवंति च ते मुने । धात्रीफलं पापहरं प्रवदंति मनीषिणः
dinedine mahatpuṇyaṃ prāpnuvaṃti ca te mune | dhātrīphalaṃ pāpaharaṃ pravadaṃti manīṣiṇaḥ
day after day they obtain great merit, O sage. The wise declare that the dhātrī fruit removes sin.
AI translation rendered from the Sanskrit, not a published edition
PdP 6 64.86
त्रैलोक्यतारणार्थाय निर्मिता ब्राह्मणा पुरा । संध्यामौनं चरेद्यस्तु भुंक्ते मासचतुष्टयम्
trailokyatāraṇārthāya nirmitā brāhmaṇā purā | saṃdhyāmaunaṃ caredyastu bhuṃkte māsacatuṣṭayam
For the sake of ferrying the three worlds across, brahmins were fashioned of old. And whoever keeps silence at the twilight (worship) and eats (thus) for the four months,
AI translation rendered from the Sanskrit, not a published edition
PdP 6 64.87
मन्वंतराणि चत्वारि वैकुंठे मोदते पुनः । स्वयंपाकी नरो यस्तु भुंक्ते मासचतुष्टयम्
manvaṃtarāṇi catvāri vaikuṃṭhe modate punaḥ | svayaṃpākī naro yastu bhuṃkte māsacatuṣṭayam
he rejoices for four manvantaras in Vaikuṇṭha. And the man who cooks for himself and eats (so) for the four months,
AI translation rendered from the Sanskrit, not a published edition
PdP 6 64.88
दशवर्षसहस्राणि इंद्रलोके महीयते । चतुरो वार्षिकान्मासान्मौनं चैव समाचरेत्
daśavarṣasahasrāṇi iṃdraloke mahīyate | caturo vārṣikānmāsānmaunaṃ caiva samācaret
(He) is honoured in Indra's world for ten thousand years. And (if) one should observe silence for the four months of the rainy season—
AI translation rendered from the Sanskrit, not a published edition
PdP 6 64.89
स च विष्णुपुरं गच्छेद्ब्राह्मं च तदनंतरम् । मौनभोजी नरो यस्तु कदाचिन्नावसीदति
sa ca viṣṇupuraṃ gacchedbrāhmaṃ ca tadanaṃtaram | maunabhojī naro yastu kadācinnāvasīdati
he would go to Viṣṇu's city, and thereafter to Brahmā's; the man who eats in silence never sinks down at any time.
AI translation rendered from the Sanskrit, not a published edition
PdP 6 64.90
मौनेन भुंजमानास्तु राक्षसास्त्रिदिवं गताः । कृमिकीटसमायुक्तं पक्वान्नमशुची भवेत्
maunena bhuṃjamānāstu rākṣasāstridivaṃ gatāḥ | kṛmikīṭasamāyuktaṃ pakvānnamaśucī bhavet
Even rākṣasas, eating in silence, have gone to heaven; cooked food joined with worms and insects becomes impure.
AI translation rendered from the Sanskrit, not a published edition
PdP 6 64.91
गवां मांससमं ज्ञेयमन्नं चापि द्विजोत्तम । तदन्नमशुचि ज्ञेयं ग्रसते मानुषो यदि
gavāṃ māṃsasamaṃ jñeyamannaṃ cāpi dvijottama | tadannamaśuci jñeyaṃ grasate mānuṣo yadi
Such food too is to be regarded as equal to the flesh of cows, O best of the twice-born; that food is to be known as impure, if a man swallows (it).
AI translation rendered from the Sanskrit, not a published edition
PdP 6 64.92
एतद्वै भोजनं प्रोक्तं राक्षसानां प्रियं सदा । तोषितो हि पुरा ब्रह्मा तेन दत्तं महात्मना
etadvai bhojanaṃ proktaṃ rākṣasānāṃ priyaṃ sadā | toṣito hi purā brahmā tena dattaṃ mahātmanā
This indeed is declared to be food ever dear to the rākṣasas; for formerly Brahmā, being pleased, was given (it) by that great-souled one.
AI translation rendered from the Sanskrit, not a published edition — the model flagged this verse as uncertain
PdP 6 64.93
मौनेन भोजयित्वा तु स्वर्गं प्राप्ता न संशयः । संजल्पन्भुंजते यस्तु तेनान्नमशुची भवेत्
maunena bhojayitvā tu svargaṃ prāptā na saṃśayaḥ | saṃjalpanbhuṃjate yastu tenānnamaśucī bhavet
But by feeding (others) in silence they have attained heaven, no doubt of it; whoever eats while chattering, by that his food becomes impure.
AI translation rendered from the Sanskrit, not a published edition
PdP 6 64.94
पापं स केवलं भुंक्ते तस्मान्मौनं समाचरेत् । उपवाससमं भोज्यं ज्ञेयं मौनेन नारद
pāpaṃ sa kevalaṃ bhuṃkte tasmānmaunaṃ samācaret | upavāsasamaṃ bhojyaṃ jñeyaṃ maunena nārada
He eats nothing but sin; therefore one should observe silence. Food eaten in silence is to be known as equal to a fast, O Nārada.
AI translation rendered from the Sanskrit, not a published edition
PdP 6 64.95
पंचप्राणाहुतीर्यस्तु मौनभोजी नरोत्तमः । पंच वै पातकान्यस्य नश्यंति नात्र संशयः
paṃcaprāṇāhutīryastu maunabhojī narottamaḥ | paṃca vai pātakānyasya naśyaṃti nātra saṃśayaḥ
The best of men who eats in silence, (offering) the five oblations to the breaths—his five great sins perish, there is no doubt here.
AI translation rendered from the Sanskrit, not a published edition
PdP 6 64.96
न कुर्यात्संधितं वस्त्रं पितृकर्मणि वाडव । अशुच्यंगे स्थितं चैव वस्त्रं तदशुची भवेत्
na kuryātsaṃdhitaṃ vastraṃ pitṛkarmaṇi vāḍava | aśucyaṃge sthitaṃ caiva vastraṃ tadaśucī bhavet
One should not use a stitched garment in the rite for the fathers, O brahmin; and a garment that has rested on an impure part of the body becomes impure.
AI translation rendered from the Sanskrit, not a published edition
PdP 6 64.97
कटिपृष्ठस्थिते वस्त्रे पुरीषं कुरुते तु यः । मूत्रं वा मैथुनं वापि तद्वस्त्रं परिवर्जयेत्
kaṭipṛṣṭhasthite vastre purīṣaṃ kurute tu yaḥ | mūtraṃ vā maithunaṃ vāpi tadvastraṃ parivarjayet
When the garment is placed on the hips or the back, whoever passes excrement or urine, or has intercourse (in it)—that garment he should discard.
AI translation rendered from the Sanskrit, not a published edition
PdP 6 64.98
पितृकर्मविशेषेण वर्जनीयं च वाडव । सर्वदा च मुने प्राज्ञैर्देवार्चा चक्रपाणिनः
pitṛkarmaviśeṣeṇa varjanīyaṃ ca vāḍava | sarvadā ca mune prājñairdevārcā cakrapāṇinaḥ
And it is especially to be avoided in the rite for the fathers, O brahmin; and always, O sage, the worship of the god who bears the discus (is to be performed) by the wise,
AI translation rendered from the Sanskrit, not a published edition
PdP 6 64.99
कर्त्तव्या च विशेषेण शुचिभिर्विजितेंद्रियैः । संप्रसुप्ते हृषीकेशे तृणशाककुसुंभिकाः
karttavyā ca viśeṣeṇa śucibhirvijiteṃdriyaiḥ | saṃprasupte hṛṣīkeśe tṛṇaśākakusuṃbhikāḥ
and it is to be performed especially by the pure, whose senses are subdued. When Hṛṣīkeśa is asleep, grasses, greens, and safflower(-plants),
AI translation rendered from the Sanskrit, not a published edition
PdP 6 64.100
संधितानि च वस्त्राणि वर्जितानि प्रयत्नतः । चातुर्मास्ये हरौ सुप्ते यस्तु एतानि वर्जयेत् 6.64.
saṃdhitāni ca vastrāṇi varjitāni prayatnataḥ | cāturmāsye harau supte yastu etāni varjayet 6.64.
and stitched garments, are carefully avoided. Whoever, during the four months when Hari sleeps, avoids these—
AI translation rendered from the Sanskrit, not a published edition
PdP 6 64.101
नरकं न तु संगच्छेत्यावदाभूतसंप्लवम् । मद्यं मांसं न भक्षेत शाशकं सौकरं तथा
narakaṃ na tu saṃgacchetyāvadābhūtasaṃplavam | madyaṃ māṃsaṃ na bhakṣeta śāśakaṃ saukaraṃ tathā
he does not go to hell, so long as the dissolution of beings (endures). One should not eat liquor and meat, nor that of hare or of boar,
AI translation rendered from the Sanskrit, not a published edition
PdP 6 64.102
चातुर्मास्ये विशेषेण सुप्ते देवे जनार्दने । सोऽपि देवत्वमाप्नोति अहिंसानिरतो नरः
cāturmāsye viśeṣeṇa supte deve janārdane | so'pi devatvamāpnoti ahiṃsānirato naraḥ
especially during the four months, when the god Janārdana is asleep; that man too, intent on non-injury, attains godhood.
AI translation rendered from the Sanskrit, not a published edition
PdP 6 64.103
मिथ्याक्रोधं तथा रौक्ष्यं तथा पर्वसु मैथुनम् । वर्जितं येन विप्रेंद्र सोऽश्वमेधफलं लभेत्
mithyākrodhaṃ tathā raukṣyaṃ tathā parvasu maithunam | varjitaṃ yena vipreṃdra so'śvamedhaphalaṃ labhet
By whom false anger, and harshness, and intercourse on the sacred days (of the moon's changes) are avoided, O chief of brahmins, he obtains the fruit of a horse-sacrifice.
AI translation rendered from the Sanskrit, not a published edition
PdP 6 64.104
ब्रह्मचर्ये प्रजावृद्धिरायुर्वृद्धिस्तथैव च । पुष्पं पत्रं फलं शय्या अभ्यंगं च विलेपनम्
brahmacarye prajāvṛddhirāyurvṛddhistathaiva ca | puṣpaṃ patraṃ phalaṃ śayyā abhyaṃgaṃ ca vilepanam
In chastity there is increase of offspring and likewise increase of lifespan. Flower, leaf, fruit, a bed, oil-massage and unguent,
AI translation rendered from the Sanskrit, not a published edition
PdP 6 64.105
वृथादुग्धानि मांसं च मद्यं च परिवर्जयेत् । चातुर्मास्ये हरौ सुप्ते नियतं यद्विवर्जितम्
vṛthādugdhāni māṃsaṃ ca madyaṃ ca parivarjayet | cāturmāsye harau supte niyataṃ yadvivarjitam
milk-products in vain, and meat, and liquor—these one should avoid. Whatever is regularly avoided during the four months when Hari sleeps,
AI translation rendered from the Sanskrit, not a published edition
PdP 6 64.106
प्रथमं तत्तु दातव्यं ब्राह्मणाय न संशयः । तद्धनं चाक्षयं विद्वन्प्रदत्तं यद्दिवजातये
prathamaṃ tattu dātavyaṃ brāhmaṇāya na saṃśayaḥ | taddhanaṃ cākṣayaṃ vidvanpradattaṃ yaddivajātaye
that should first be given to a brahmin, no doubt of it; and that wealth is imperishable, O learned one, which is given to a twice-born.
AI translation rendered from the Sanskrit, not a published edition
PdP 6 64.107
कोटिकोटिगुणं विप्र लभते नात्र संशयः । येनकेनापि विप्रेंद्र नियमेनार्चितो हरिः
koṭikoṭiguṇaṃ vipra labhate nātra saṃśayaḥ | yenakenāpi vipreṃdra niyamenārcito hariḥ
He obtains it multiplied ten million times ten million, O brahmin, no doubt of it. By whatever observance Hari is worshipped, O chief of brahmins,
AI translation rendered from the Sanskrit, not a published edition
PdP 6 64.108
ददाति विष्णुभवनं नात्र कार्या विचारणा । चातुर्मास्ये हरौ सुप्ते नियमं यो न कारयेत्
dadāti viṣṇubhavanaṃ nātra kāryā vicāraṇā | cāturmāsye harau supte niyamaṃ yo na kārayet
(Hari) grants the abode of Viṣṇu — no doubt need be entertained here. But he who does not keep an observance during the four months, while Hari sleeps,
AI translation rendered from the Sanskrit, not a published edition
PdP 6 64.109
सोऽपि नरकमाप्नोति तस्य जन्म वृथागतम् । यत्पुमान्कारयेन्नित्यं द्विजोक्तं विधिमुत्तमम्
so'pi narakamāpnoti tasya janma vṛthāgatam | yatpumānkārayennityaṃ dvijoktaṃ vidhimuttamam
he too attains hell, and his birth has been passed in vain. Whatever man constantly carries out the excellent rule declared by the twice-born,
AI translation rendered from the Sanskrit, not a published edition
PdP 6 64.110
तथोक्तान्नियमांश्चैव स याति परमं पदम् । त्रिवर्गरहितं दानं दत्तं भवति निष्फलम्
tathoktānniyamāṃścaiva sa yāti paramaṃ padam | trivargarahitaṃ dānaṃ dattaṃ bhavati niṣphalam
and (keeps) the observances thus prescribed, he goes to the supreme state. A gift given without the three aims (of life) becomes fruitless.
AI translation rendered from the Sanskrit, not a published edition — the model flagged this verse as uncertain
PdP 6 64.111
तस्मात्सर्वप्रयत्नेन देवदेवं जनार्दनम् । तोषयेन्नियमैर्दानैर्यथाशक्त्या नरोत्तमः
tasmātsarvaprayatnena devadevaṃ janārdanam | toṣayenniyamairdānairyathāśaktyā narottamaḥ
Therefore with every effort the best of men should please Janārdana, the god of gods, with observances and with gifts, according to his ability.
AI translation rendered from the Sanskrit, not a published edition
PdP 6 64.112
अकृतस्नानदानं च ब्राह्मणानां च पूजनम् । वृथागतं तु तत्सर्वं यावदिंद्राश्चतुर्दश
akṛtasnānadānaṃ ca brāhmaṇānāṃ ca pūjanam | vṛthāgataṃ tu tatsarvaṃ yāvadiṃdrāścaturdaśa
And where bathing and giving and the honouring of brahmins have not been done, all that (life) has gone in vain, for as long as fourteen Indras (endure).
AI translation rendered from the Sanskrit, not a published edition — the model flagged this verse as uncertain
PdP 6 64.113
नारद उवाच- कीदृशं ब्रह्मचर्यं च वद विश्वेश्वर प्रभो । येन चीर्णेन गोविंदः परितुष्टो भवेन्नृणाम्
nārada uvāca- kīdṛśaṃ brahmacaryaṃ ca vada viśveśvara prabho | yena cīrṇena goviṃdaḥ parituṣṭo bhavennṛṇām
Nārada said: And what sort of chastity is it — tell me, lord of the universe, master — by the practice of which Govinda becomes well pleased with men?
AI translation rendered from the Sanskrit, not a published edition
PdP 6 64.114
महादेव उवाच- स्वदारनिरतश्चैव ब्रह्मचारी स्मृतो बुधैः । चांडालादधिको विद्वन्यः स्वभार्यां परित्यजेत्
mahādeva uvāca- svadāranirataścaiva brahmacārī smṛto budhaiḥ | cāṃḍālādadhiko vidvanyaḥ svabhāryāṃ parityajet
Mahādeva said: One devoted to his own wife alone is held by the wise to be a celibate; but, O learned one, he who abandons his own wife is worse than a caṇḍāla.
AI translation rendered from the Sanskrit, not a published edition
PdP 6 64.115
ऋतावभिगमं कृत्वा ब्रह्मचर्यं विधीयते । परित्यजति यो भार्यां भक्तां दोषविवर्जिताम्
ṛtāvabhigamaṃ kṛtvā brahmacaryaṃ vidhīyate | parityajati yo bhāryāṃ bhaktāṃ doṣavivarjitām
Chastity is enjoined after approaching (one's wife) at her fertile season. He who abandons a devoted and faultless wife —
AI translation rendered from the Sanskrit, not a published edition
PdP 6 64.116
पापकर्मा नरो लोके भ्रूणहत्यामवाप्नुयात् । अश्वमेधसहस्राणि वाजपेयशतानि च
pāpakarmā naro loke bhrūṇahatyāmavāpnuyāt | aśvamedhasahasrāṇi vājapeyaśatāni ca
— that man, a doer of evil in the world, incurs the guilt of killing an embryo. Thousands of horse-sacrifices and hundreds of vājapeya rites
AI translation rendered from the Sanskrit, not a published edition
PdP 6 64.117
एकादश्युपवासस्य कलां नार्हंति षोडशीम् । स्नानं दानं जपो होमः स्वाध्यायं देवतार्चनम्
ekādaśyupavāsasya kalāṃ nārhaṃti ṣoḍaśīm | snānaṃ dānaṃ japo homaḥ svādhyāyaṃ devatārcanam
do not equal a sixteenth part of a fast on the eleventh day. Bathing, giving, muttered prayer, oblation, private recitation, worship of the deity —
AI translation rendered from the Sanskrit, not a published edition
PdP 6 64.118
चातुर्मास्यकृतं यच्च सर्वं हि चाक्षयं भवेत् । एककालं द्विकालं वा पुराणं शृणुते तु यः
cāturmāsyakṛtaṃ yacca sarvaṃ hi cākṣayaṃ bhavet | ekakālaṃ dvikālaṃ vā purāṇaṃ śṛṇute tu yaḥ
and whatever is done during the four months, all of it indeed becomes imperishable. And he who listens to the Purāṇa once a day or twice a day,
AI translation rendered from the Sanskrit, not a published edition
PdP 6 64.119
सर्वपापविनिर्मुक्तो विष्णुलोकं स गच्छति । हरौ सुप्ते विशेषेण हरेर्नामपठन्जपन्
sarvapāpavinirmukto viṣṇulokaṃ sa gacchati | harau supte viśeṣeṇa harernāmapaṭhanjapan
he, freed from all sins, goes to the world of Viṣṇu. Especially while Hari sleeps, one who recites and mutters the name of Hari
AI translation rendered from the Sanskrit, not a published edition
PdP 6 64.120
तत्फलं कोटिगुणितं लभते द्विजसत्तम । वैष्णवो ब्राह्मणो यस्तु पूजनं यः करोति हि
tatphalaṃ koṭiguṇitaṃ labhate dvijasattama | vaiṣṇavo brāhmaṇo yastu pūjanaṃ yaḥ karoti hi
obtains that fruit multiplied ten-millionfold, O best of the twice-born. And the brahmin who is a Vaiṣṇava, who indeed performs the worship,
AI translation rendered from the Sanskrit, not a published edition
PdP 6 64.121
स एव सर्वधर्मात्मा पूज्य एव न संशयः । चातुर्मास्यमिदं पुण्यं पवित्रं पापनाशनम् । श्रुत्वा तु लभते पुण्यं गंगास्नानफलं लभेत्
sa eva sarvadharmātmā pūjya eva na saṃśayaḥ | cāturmāsyamidaṃ puṇyaṃ pavitraṃ pāpanāśanam | śrutvā tu labhate puṇyaṃ gaṃgāsnānaphalaṃ labhet
he alone, whose very self is all dharma, is truly worthy of worship — there is no doubt. This (account of) the four-month rite is meritorious, purifying, destroyer of sin; merely by hearing it one gains merit, and would obtain the fruit of a bath in the Gaṅgā.
AI translation rendered from the Sanskrit, not a published edition