Padma Purana — Uttara Khanda — Chapter 62
PdP 6 62.1
युधिष्ठिर उवाच - भगवञ्छ्रोतुमिच्छामि व्रतानामुत्तमं व्रतम् । सर्वपापहरं विष्णोः फलदं व्रतिनां च यत्
yudhiṣṭhira uvāca - bhagavañchrotumicchāmi vratānāmuttamaṃ vratam | sarvapāpaharaṃ viṣṇoḥ phaladaṃ vratināṃ ca yat
Yudhiṣṭhira said: Lord, I wish to hear of the best of vows, which removes all sin and which gives to those who keep it the fruit of Viṣṇu.
AI translation rendered from the Sanskrit, not a published edition
PdP 6 62.2
पुरुषोत्तममासस्य कथां ब्रूहि जनार्दन । को विधिः किं फलं तस्य को देवस्तत्र पूज्यते
puruṣottamamāsasya kathāṃ brūhi janārdana | ko vidhiḥ kiṃ phalaṃ tasya ko devastatra pūjyate
Tell the account of the month Puruṣottama, O Janārdana: what is its procedure, what is its fruit, which deity is worshipped in it?
AI translation rendered from the Sanskrit, not a published edition
PdP 6 62.3
अधिमासे च संप्राप्ते व्रतं ब्रूहि जनार्दन । कस्य दानस्य किं पुण्यं किं कर्त्तव्यं नृभिः प्रभो
adhimāse ca saṃprāpte vrataṃ brūhi janārdana | kasya dānasya kiṃ puṇyaṃ kiṃ karttavyaṃ nṛbhiḥ prabho
And when the intercalary month has come, tell (me) the vow, O Janārdana: of which gift is there what merit, and what should men do, O master?
AI translation rendered from the Sanskrit, not a published edition
PdP 6 62.4
कथं स्नानं च किं जाप्यं कथं पूजाविधिः स्मृतः । किं भोज्यमुत्तमं चान्नं मासेऽस्मिन्पुरुषोत्तमे
kathaṃ snānaṃ ca kiṃ jāpyaṃ kathaṃ pūjāvidhiḥ smṛtaḥ | kiṃ bhojyamuttamaṃ cānnaṃ māse'sminpuruṣottame
How is the bathing done, what is to be muttered, how is the rule of worship handed down, and what food and what grain is best in this month of Puruṣottama?
AI translation rendered from the Sanskrit, not a published edition
PdP 6 62.5
श्रीकृष्ण उवाच- कथयिष्यामि राजेंद्र भवतः स्नेहकारणात् । पुरुषोत्तममासस्य माहात्म्यं पापनाशनम्
śrīkṛṣṇa uvāca- kathayiṣyāmi rājeṃdra bhavataḥ snehakāraṇāt | puruṣottamamāsasya māhātmyaṃ pāpanāśanam
Śrī Kṛṣṇa said: I shall tell (it), O lord of kings, out of affection for you — the greatness of the month Puruṣottama, which destroys sin.
AI translation rendered from the Sanskrit, not a published edition
PdP 6 62.6
अधिमासे तु संप्राप्ते भवेदेकादशी तु या । कमला नाम सा नाम्ना तिथीनामुत्तमा तिथिः
adhimāse tu saṃprāpte bhavedekādaśī tu yā | kamalā nāma sā nāmnā tithīnāmuttamā tithiḥ
When the intercalary month has come, whatever eleventh day falls in it is called Kamalā by name, the best of lunar days.
AI translation rendered from the Sanskrit, not a published edition
PdP 6 62.7
तस्या व्रतप्रभावेन कमलाभिमुखी भवेत् । ब्राह्मे मुहूर्त्ते चोत्थाय संस्मृत्य पुरुषोत्तमम्
tasyā vrataprabhāvena kamalābhimukhī bhavet | brāhme muhūrtte cotthāya saṃsmṛtya puruṣottamam
By the power of that vow, Kamalā (Lakṣmī) becomes favourably disposed. Rising in the hour of Brahmā and calling Puruṣottama to mind,
AI translation rendered from the Sanskrit, not a published edition
PdP 6 62.8
स्नात्वा चैव विधानेन नियमं कारयेद्व्रती । गृहे त्वेकगुणं जाप्यं नद्यां तु द्विगुणं स्मृतम्
snātvā caiva vidhānena niyamaṃ kārayedvratī | gṛhe tvekaguṇaṃ jāpyaṃ nadyāṃ tu dviguṇaṃ smṛtam
and having bathed according to rule, the vow-keeper should undertake the observance. At home the muttering (counts) single, but on a river it is held to be double.
AI translation rendered from the Sanskrit, not a published edition
PdP 6 62.9
गवां गोष्ठे सहस्रोर्ध्वमग्न्यागारे शतान्वितम् । शिवक्षेत्रेषु तीर्थेषु देवतानां च सन्निधौ
gavāṃ goṣṭhe sahasrordhvamagnyāgāre śatānvitam | śivakṣetreṣu tīrtheṣu devatānāṃ ca sannidhau
In a cow-pen more than a thousandfold; in a fire-hall, a hundredfold; in Śiva's holy places, at sacred fords, and in the presence of the deities —
AI translation rendered from the Sanskrit, not a published edition
PdP 6 62.10
लक्षं तुलस्याः सांनिध्ये ह्यनंतं विष्णुसन्निधौ । अवंत्यामभवत्कश्चिच्छिवशर्मा द्विजोत्तमः
lakṣaṃ tulasyāḥ sāṃnidhye hyanaṃtaṃ viṣṇusannidhau | avaṃtyāmabhavatkaścicchivaśarmā dvijottamaḥ
a hundred thousandfold in the presence of tulasī, and endless in the presence of Viṣṇu. In Avantī there was a certain foremost of brahmins, Śivaśarman.
AI translation rendered from the Sanskrit, not a published edition
PdP 6 62.11
तस्यात्मजास्तु पंचासन्कनिष्ठो दोषवानभूत् । तदा पित्रा परित्यक्तस्त्यक्तः स्वजनबांधवैः
tasyātmajāstu paṃcāsankaniṣṭho doṣavānabhūt | tadā pitrā parityaktastyaktaḥ svajanabāṃdhavaiḥ
He had five sons; the youngest was of bad character. He was then cast off by his father, and abandoned by his own people and kinsmen.
AI translation rendered from the Sanskrit, not a published edition
PdP 6 62.12
कुकर्मणः प्रभावेन गतो दूरतरं वनम् । एकदा दैवयोगेन तीर्थराजं समागतः
kukarmaṇaḥ prabhāvena gato dūrataraṃ vanam | ekadā daivayogena tīrtharājaṃ samāgataḥ
By the force of his evil deeds he went off to a very distant forest. Once, by the working of fate, he came to the king of sacred fords (Prayāga).
AI translation rendered from the Sanskrit, not a published edition
PdP 6 62.13
क्षुत्क्षामो दीनवदनस्त्रिवेण्यां स्नानमाचरत् । मुनीनामाश्रमांस्तत्र विचिन्वन्क्षुधयार्दितः
kṣutkṣāmo dīnavadanastriveṇyāṃ snānamācarat | munīnāmāśramāṃstatra vicinvankṣudhayārditaḥ
Emaciated with hunger, his face wretched, he bathed at the Triveṇī; tormented by hunger, he searched there among the hermitages of the sages.
AI translation rendered from the Sanskrit, not a published edition
PdP 6 62.14
हरिमित्रमुनेस्तत्र ददर्शाश्रममुत्तमम् । पुरुषोत्तममासे वै जनानां च समागमे
harimitramunestatra dadarśāśramamuttamam | puruṣottamamāse vai janānāṃ ca samāgame
There he saw the excellent hermitage of the sage Harimitra, in the month of Puruṣottama, at a gathering of people.
AI translation rendered from the Sanskrit, not a published edition
PdP 6 62.15
तत्राश्रमे कथयतां कथां कल्मषनाशिनीम् । ब्राह्मणानां मुखात्तेन श्रद्धया कमला श्रुता
tatrāśrame kathayatāṃ kathāṃ kalmaṣanāśinīm | brāhmaṇānāṃ mukhāttena śraddhayā kamalā śrutā
There in the hermitage, from the mouths of brahmins who were reciting a tale that destroys sin, he heard with faith of Kamalā (the eleventh day).
AI translation rendered from the Sanskrit, not a published edition
PdP 6 62.16
एकादशी पुण्यतमा भुक्तिमुक्तिप्रदायिनी । जयशर्मा विधानेन श्रुत्वेमां कमला तिथिम्
ekādaśī puṇyatamā bhuktimuktipradāyinī | jayaśarmā vidhānena śrutvemāṃ kamalā tithim
The eleventh day is most meritorious, granting both enjoyment and liberation. Jayaśarmā, having heard of this lunar day Kamalā, in accordance with the rule—
AI translation rendered from the Sanskrit, not a published edition
PdP 6 62.17
एकादशीपुण्यतमा भुक्तिमुक्तिप्रदायिनी । व्रतं कृतं च तैः सार्द्धं स्थित्वा शून्यालये तदा
ekādaśīpuṇyatamā bhuktimuktipradāyinī | vrataṃ kṛtaṃ ca taiḥ sārddhaṃ sthitvā śūnyālaye tadā
The eleventh day is most meritorious, granting both enjoyment and liberation. And the observance was performed by them together, dwelling then in an empty house.
AI translation rendered from the Sanskrit, not a published edition
PdP 6 62.18
निशीथे समनुप्राप्ते लक्ष्मीस्तत्र समागता । वरं ददामि भो विप्र कमलायाः प्रभावतः
niśīthe samanuprāpte lakṣmīstatra samāgatā | varaṃ dadāmi bho vipra kamalāyāḥ prabhāvataḥ
When midnight arrived, Lakṣmī came there: "I grant a boon, O brahmin, by the power of (the vow of) Kamalā."
AI translation rendered from the Sanskrit, not a published edition
PdP 6 62.19
जयशर्मोवाच - का त्वं कस्यासि रंभोरु प्रसन्ना च कथं मम । इंद्राणी सुरनाथस्य भवानी शंकरस्य वा
jayaśarmovāca - kā tvaṃ kasyāsi raṃbhoru prasannā ca kathaṃ mama | iṃdrāṇī suranāthasya bhavānī śaṃkarasya vā
Jayaśarmā said: Who are you, whose are you, O you with thighs like plantain stems, and how are you pleased with me? Are you Indrāṇī, wife of the lord of the gods, or Bhavānī, of Śaṅkara?
AI translation rendered from the Sanskrit, not a published edition
PdP 6 62.20
गंधर्वी किन्नरी वाथ वधूर्वा चंद्रसूर्ययोः । त्वत्सदृक्षा न दृष्टा च न श्रुता च शुभानने
gaṃdharvī kinnarī vātha vadhūrvā caṃdrasūryayoḥ | tvatsadṛkṣā na dṛṣṭā ca na śrutā ca śubhānane
Or a Gandharva woman, a Kinnara woman, or the wife of the Moon or the Sun? None like you has been seen, nor heard of, O fair-faced one.
AI translation rendered from the Sanskrit, not a published edition
PdP 6 62.21
लक्ष्मीरुवाच- प्रसन्ना सांप्रतं जाता वैकुंठादहमागता । प्रेरिता देवदेवेन कमलायाः प्रभावतः
lakṣmīruvāca- prasannā sāṃprataṃ jātā vaikuṃṭhādahamāgatā | preritā devadevena kamalāyāḥ prabhāvataḥ
Lakṣmī said: I have now become pleased; I have come from Vaikuṇṭha, sent by the God of gods, by the power of (the vow of) Kamalā.
AI translation rendered from the Sanskrit, not a published edition
PdP 6 62.22
पुरुषोत्तममासस्य या पक्षे प्रथमे भवेत् । तस्या व्रतं त्वया चीर्णं प्रयागे मुनिसंनिधौ
puruṣottamamāsasya yā pakṣe prathame bhavet | tasyā vrataṃ tvayā cīrṇaṃ prayāge munisaṃnidhau
That (eleventh day) which falls in the first fortnight of the month of Puruṣottama—its observance has been performed by you at Prayāga in the presence of sages.
AI translation rendered from the Sanskrit, not a published edition
PdP 6 62.23
व्रतस्यास्य प्रभावेन वशगाहं न संशयः । तववंशे भविष्यंति मानवा द्विजसत्तम
vratasyāsya prabhāvena vaśagāhaṃ na saṃśayaḥ | tavavaṃśe bhaviṣyaṃti mānavā dvijasattama
By the power of this vow I am subject (to you), there is no doubt. In your lineage, O best of the twice-born, there will be men (who)—
AI translation rendered from the Sanskrit, not a published edition
PdP 6 62.24
मत्प्रसादादवाप्स्यंति सत्यं ते व्याहृतं मया । ब्राह्मण उवाच- प्रसन्ना यदि मे पद्मे व्रतं विस्तरतो वद
matprasādādavāpsyaṃti satyaṃ te vyāhṛtaṃ mayā | brāhmaṇa uvāca- prasannā yadi me padme vrataṃ vistarato vada
—will obtain (it) by my favour; what I have declared to you is true. The brahmin said: If you are pleased with me, O Padmā, tell me the observance in detail.
AI translation rendered from the Sanskrit, not a published edition
PdP 6 62.25
यत्कथासु प्रवर्तंते साधवो ये जना द्विजाः । लक्ष्मीरुवाच- श्रोतॄणां परमं श्राव्यं पवित्राणामनुत्तमम्
yatkathāsu pravartaṃte sādhavo ye janā dvijāḥ | lakṣmīruvāca- śrotṝṇāṃ paramaṃ śrāvyaṃ pavitrāṇāmanuttamam
(...) in which tales the good people and the brahmins engage. Lakṣmī said: It is the supreme thing to be heard by hearers, unsurpassed among purifying things,
AI translation rendered from the Sanskrit, not a published edition — the model flagged this verse as uncertain
PdP 6 62.26
दुःस्वप्ननाशनं पुण्यं श्रोतव्यं यत्नतस्ततः । उत्तमः श्रद्धया युक्तः श्लोकं श्लोकार्द्धमेव वा
duḥsvapnanāśanaṃ puṇyaṃ śrotavyaṃ yatnatastataḥ | uttamaḥ śraddhayā yuktaḥ ślokaṃ ślokārddhameva vā
destroying bad dreams, meritorious; therefore it is to be heard with effort. The excellent man, endowed with faith, (reciting) a verse or even half a verse—
AI translation rendered from the Sanskrit, not a published edition
PdP 6 62.27
पठित्वा मुच्यते सद्यो महापातककोटिभिः । मासानां परमो मासः पक्षिणां गरुडो यथा
paṭhitvā mucyate sadyo mahāpātakakoṭibhiḥ | māsānāṃ paramo māsaḥ pakṣiṇāṃ garuḍo yathā
—having recited (it), is at once freed from tens of millions of great sins. As Garuḍa is (supreme) among birds, so this is the supreme month among months,
AI translation rendered from the Sanskrit, not a published edition
PdP 6 62.28
नदीनां च यथा गंगा तिथीनां द्वादशी तिथिः । अद्यापि निर्जराः सर्वे भारते जन्मलिप्सवः
nadīnāṃ ca yathā gaṃgā tithīnāṃ dvādaśī tithiḥ | adyāpi nirjarāḥ sarve bhārate janmalipsavaḥ
and as the Gaṅgā among rivers, (so) the twelfth is (supreme) among lunar days. Even today all the gods desire birth in Bhārata.
AI translation rendered from the Sanskrit, not a published edition
PdP 6 62.29
तमर्चयंति विविधा नारायणमनामयम् । ये यजंति सदा भक्त्या देवं नारायणं प्रभुम्
tamarcayaṃti vividhā nārāyaṇamanāmayam | ye yajaṃti sadā bhaktyā devaṃ nārāyaṇaṃ prabhum
Various (beings) worship him, Nārāyaṇa the free from ill. Those who always worship with devotion the god Nārāyaṇa, the Lord—
AI translation rendered from the Sanskrit, not a published edition
PdP 6 62.30
तानर्चयंति सततं ब्रह्माद्या देवतागणाः । येऽपि नामपरा ये च हरिकीर्त्तनतत्पराः
tānarcayaṃti satataṃ brahmādyā devatāgaṇāḥ | ye'pi nāmaparā ye ca harikīrttanatatparāḥ
—them the hosts of deities beginning with Brahmā constantly worship; and those too who are devoted to the Name, and those intent on singing Hari's praises,
AI translation rendered from the Sanskrit, not a published edition
PdP 6 62.31
हरिपूजापरा ये च ते कृतार्थाः कलौ युगेः । शुक्ले वा यदि वा कृष्णे भवेदेकादशी द्वयम्
haripūjāparā ye ca te kṛtārthāḥ kalau yugeḥ | śukle vā yadi vā kṛṣṇe bhavedekādaśī dvayam
and those devoted to Hari's worship—they have attained their aim in the Kali age. Whether in the bright or in the dark (fortnight), if the eleventh day be twofold,
AI translation rendered from the Sanskrit, not a published edition
PdP 6 62.32
गृहस्थानां भवेत्पूर्वा यतीनामुत्तरा स्मृता । एकादशी द्वादशी च रात्रिशेषे त्रयोदशी । तत्र क्रतुशतं पुण्यं त्रयोदश्यां तु पारणे
gṛhasthānāṃ bhavetpūrvā yatīnāmuttarā smṛtā | ekādaśī dvādaśī ca rātriśeṣe trayodaśī | tatra kratuśataṃ puṇyaṃ trayodaśyāṃ tu pāraṇe
the earlier should be for householders, the later is enjoined for ascetics. (When there are) the eleventh, the twelfth, and at the end of night the thirteenth, then, when breaking the fast on the thirteenth, there is the merit of a hundred sacrifices.
AI translation rendered from the Sanskrit, not a published edition
PdP 6 62.33
एकादश्यां निराहारः स्थित्वाहमपरेऽहंनि । भोक्ष्यामि पुंडरीकाक्ष शरणं मे भवाच्युत
ekādaśyāṃ nirāhāraḥ sthitvāhamapare'haṃni | bhokṣyāmi puṃḍarīkākṣa śaraṇaṃ me bhavācyuta
"Remaining without food on the eleventh, I shall eat on the following day; be my refuge, O lotus-eyed Acyuta."
AI translation rendered from the Sanskrit, not a published edition
PdP 6 62.34
अमुं मंत्रं समुच्चार्य देवदेवस्य चक्रिणः । भक्तिभावेन तुष्टात्मा उपवासं समाचरेत्
amuṃ maṃtraṃ samuccārya devadevasya cakriṇaḥ | bhaktibhāvena tuṣṭātmā upavāsaṃ samācaret
Having uttered this mantra of the god of gods, the bearer of the discus, with a heart made content through devotion, one should undertake the fast.
AI translation rendered from the Sanskrit, not a published edition
PdP 6 62.35
कुर्याद्देवस्य पुरतो जागरं नियतो व्रती । गीतैर्वाद्यैश्च नृत्यैश्च पुराणपठनादिभिः
kuryāddevasya purato jāgaraṃ niyato vratī | gītairvādyaiśca nṛtyaiśca purāṇapaṭhanādibhiḥ
The observer of the vow, self-restrained, should keep a night-vigil before the god, with songs and instrumental music and dances and with recitation of the Purāṇas and the like.
AI translation rendered from the Sanskrit, not a published edition
PdP 6 62.36
ततः प्रातः समुत्थाय द्वादशीदिवसे व्रती । स्नात्वा विष्णुं समभ्यर्च्य विधिवत्प्रयतेंद्रियः
tataḥ prātaḥ samutthāya dvādaśīdivase vratī | snātvā viṣṇuṃ samabhyarcya vidhivatprayateṃdriyaḥ
Then, rising at dawn on the day of the twelfth, the observer of the vow, having bathed and duly worshipped Viṣṇu, his senses restrained—
AI translation rendered from the Sanskrit, not a published edition
PdP 6 62.37
पंचामृतेन संस्नाप्य एकादश्यां जनार्दनः । द्वादश्यां च पयःस्नानाद्धरेः सारूप्यमश्नुते
paṃcāmṛtena saṃsnāpya ekādaśyāṃ janārdanaḥ | dvādaśyāṃ ca payaḥsnānāddhareḥ sārūpyamaśnute
Having bathed Janārdana with the five nectars on the eleventh, and by the milk-bath (of him) on the twelfth, one attains a form like Hari's.
AI translation rendered from the Sanskrit, not a published edition — the model flagged this verse as uncertain
PdP 6 62.38
अज्ञानतिमिरांधस्य व्रतेनानेन केशव । प्रसीद सन्मुखो भूत्वा ज्ञानदृष्टिप्रदो भव
ajñānatimirāṃdhasya vratenānena keśava | prasīda sanmukho bhūtvā jñānadṛṣṭiprado bhava
"By this vow, O Keśava, of one blinded by the darkness of ignorance—be gracious, turn your face toward (me), and become the giver of the eye of knowledge."
AI translation rendered from the Sanskrit, not a published edition
PdP 6 62.39
एवं विज्ञाप्य देवेशं देवदेवं गदाधरम् । ब्राह्मणान्भोजयेद्भक्त्या तेभ्यो दद्याच्च दक्षिणाम्
evaṃ vijñāpya deveśaṃ devadevaṃ gadādharam | brāhmaṇānbhojayedbhaktyā tebhyo dadyācca dakṣiṇām
Having thus made his request to the lord of gods, the god of gods, the wielder of the mace, he should feed brahmins with devotion and give them a gift.
AI translation rendered from the Sanskrit, not a published edition
PdP 6 62.40
ततः स्वबंधुभिः सार्द्धं नारायणपरायणः । कृत्वा पंचमहायज्ञान्स्वयं भुंजीत वाग्यतः
tataḥ svabaṃdhubhiḥ sārddhaṃ nārāyaṇaparāyaṇaḥ | kṛtvā paṃcamahāyajñānsvayaṃ bhuṃjīta vāgyataḥ
Then, together with his own kinsmen, devoted to Nārāyaṇa, having performed the five great sacrifices, he should himself eat, keeping silence.
AI translation rendered from the Sanskrit, not a published edition
PdP 6 62.41
एवं यः प्रयतः कुर्यात्पुण्यमेकादशीव्रतम् । स याति विष्णुभवनं पुनरावृत्तिदुर्ल्लभम्
evaṃ yaḥ prayataḥ kuryātpuṇyamekādaśīvratam | sa yāti viṣṇubhavanaṃ punarāvṛttidurllabham
He who, thus self-restrained, performs the meritorious vow of the eleventh goes to the dwelling of Viṣṇu, which is hard to attain (and) from which there is no return.
AI translation rendered from the Sanskrit, not a published edition
PdP 6 62.42
इत्युक्त्वा कमला तस्मै वरं दत्त्वा तिरोदधे । सोऽपि विप्रो धनी भूत्वा पितुर्गेहं समागतः
ityuktvā kamalā tasmai varaṃ dattvā tirodadhe | so'pi vipro dhanī bhūtvā piturgehaṃ samāgataḥ
Having said this and granted him a boon, Kamalā vanished; and that brahmin, having become wealthy, came to his father's house.
AI translation rendered from the Sanskrit, not a published edition
PdP 6 62.43
श्रीकृष्ण उवाच- एवं यः कुरुते राजन्कमलाव्रतमुत्तमम् । शृणुयाद्वासरे विष्णोः सर्वपापैः प्रमुच्यते
śrīkṛṣṇa uvāca- evaṃ yaḥ kurute rājankamalāvratamuttamam | śṛṇuyādvāsare viṣṇoḥ sarvapāpaiḥ pramucyate
Śrī Kṛṣṇa said: He who thus performs, O king, the excellent vow of Kamalā, (or) who hears (of it) on the day of Viṣṇu, is released from all sins.
AI translation rendered from the Sanskrit, not a published edition