Padma Purana — Uttara Khanda — Chapter 60
PdP 6 60.1
युधिष्ठिर उवाच- कथयस्व प्रसादेन मयि स्नेहाज्जनार्दन । कार्त्तिकस्यासिते पक्षे किंनामैकादशी भवेत्
yudhiṣṭhira uvāca- kathayasva prasādena mayi snehājjanārdana | kārttikasyāsite pakṣe kiṃnāmaikādaśī bhavet
Yudhiṣṭhira said: Out of your grace, out of affection for me, tell (me), O Janārdana: in the dark fortnight of Kārttika, what is the name of the eleventh day?
AI translation rendered from the Sanskrit, not a published edition
PdP 6 60.2
श्रीकृष्ण उवाच- श्रूयतां राजशार्दूल कथयामि तवाग्रतः । कार्त्तिके कृष्णपक्षे तु रमा नाम सुशोभना
śrīkṛṣṇa uvāca- śrūyatāṃ rājaśārdūla kathayāmi tavāgrataḥ | kārttike kṛṣṇapakṣe tu ramā nāma suśobhanā
Śrī Kṛṣṇa said: Let it be heard, O tiger among kings; I shall tell it before you. In the dark fortnight of Kārttika (the eleventh day) is the very splendid one named Ramā.
AI translation rendered from the Sanskrit, not a published edition
PdP 6 60.3
एकादशी समाख्याता महापापहरा परा । अस्याः प्रसंगतो राजन्माहात्म्यं प्रवदामि ते
ekādaśī samākhyātā mahāpāpaharā parā | asyāḥ prasaṃgato rājanmāhātmyaṃ pravadāmi te
It is declared the supreme eleventh day, remover of great sins. In connection with it, O king, I shall recount its greatness to you.
AI translation rendered from the Sanskrit, not a published edition
PdP 6 60.4
मुचुकुंद इति ख्यातो बभूव नृपतिः पुरा । देवेंद्रेण समं तस्य मित्रत्वमभवन्नृप
mucukuṃda iti khyāto babhūva nṛpatiḥ purā | deveṃdreṇa samaṃ tasya mitratvamabhavannṛpa
Formerly there was a king known as Mucukunda; he had friendship with Indra, lord of the gods, O king.
AI translation rendered from the Sanskrit, not a published edition
PdP 6 60.5
यमेन वरुणेनैव कुबेरेणापि सर्वथा । विभीषणेन यस्यैव सखित्वमभवन्नृप
yamena varuṇenaiva kubereṇāpi sarvathā | vibhīṣaṇena yasyaiva sakhitvamabhavannṛpa
And in every way with Yama, with Varuṇa, and with Kubera too; and with Vibhīṣaṇa this very (king) had comradeship, O king.
AI translation rendered from the Sanskrit, not a published edition
PdP 6 60.6
विष्णुभक्तः सत्यसंधो बभूव नृपतिः परः । तस्यैवं शासतो राजन्राज्यं निहतकंटकम्
viṣṇubhaktaḥ satyasaṃdho babhūva nṛpatiḥ paraḥ | tasyaivaṃ śāsato rājanrājyaṃ nihatakaṃṭakam
That supreme king was a devotee of Viṣṇu and true to his word. While he was thus ruling the kingdom, O king, with its thorns destroyed,
AI translation rendered from the Sanskrit, not a published edition
PdP 6 60.7
बभूव दुहिता गेहे चंद्रभागा सरिद्वरा । शोभनाय च सा दत्ता चंद्रसेनसुताय वै
babhūva duhitā gehe caṃdrabhāgā saridvarā | śobhanāya ca sā dattā caṃdrasenasutāya vai
a daughter was born in his house, Candrabhāgā, best of rivers; and she was given to Śobhana, the son of Candrasena.
AI translation rendered from the Sanskrit, not a published edition
PdP 6 60.8
स कदाचित्समायातः श्वशुरस्य गृहे नृप । एकादशीव्रतदिनं समायातं सुपुण्यदम्
sa kadācitsamāyātaḥ śvaśurasya gṛhe nṛpa | ekādaśīvratadinaṃ samāyātaṃ supuṇyadam
Once, O king, he came to the house of his father-in-law; the day of the eleventh-day vow, giver of great merit, had arrived.
AI translation rendered from the Sanskrit, not a published edition
PdP 6 60.9
समागते व्रतदिने चंद्रभागा त्वचिंतयत् । किं भविष्यति देवेश मम भर्त्तातिदुर्बलः
samāgate vratadine caṃdrabhāgā tvaciṃtayat | kiṃ bhaviṣyati deveśa mama bharttātidurbalaḥ
When the day of the vow arrived, Candrabhāgā thought: "What will happen, O lord of gods? My husband is very weak;
AI translation rendered from the Sanskrit, not a published edition
PdP 6 60.10
क्षुधां न क्षमते सोढुं पिता चैवोग्रशासनः । पटहस्ताड्यते यस्य संप्राप्ते दशमीदिने
kṣudhāṃ na kṣamate soḍhuṃ pitā caivograśāsanaḥ | paṭahastāḍyate yasya saṃprāpte daśamīdine
he is not able to endure hunger, and my father is harsh in his commands — he by whom the drum is beaten when the tenth day arrives:
AI translation rendered from the Sanskrit, not a published edition
PdP 6 60.11
न भोक्तव्यं न भोक्तव्यं न भोक्तव्यं हरेर्दिने । श्रुत्वा पटहनिर्घोषं शोभनस्त्वब्रवीत्प्रियाम्
na bhoktavyaṃ na bhoktavyaṃ na bhoktavyaṃ harerdine | śrutvā paṭahanirghoṣaṃ śobhanastvabravītpriyām
'It is not to be eaten, not to be eaten, not to be eaten on Hari's day!'" Hearing the sound of the drum, Śobhana said to his beloved:
AI translation rendered from the Sanskrit, not a published edition
PdP 6 60.12
किं कर्त्तव्यं मया कांते देहि शिक्षां वरानने । चंद्रभागोवाच - मत्पितुर्वेश्मनि प्रभो भोक्तव्यं नाद्य केनचित्
kiṃ karttavyaṃ mayā kāṃte dehi śikṣāṃ varānane | caṃdrabhāgovāca - matpiturveśmani prabho bhoktavyaṃ nādya kenacit
"What am I to do, my dear? Give me instruction, O fair-faced one." Candrabhāgā said: "In my father's house, my lord, today nothing is to be eaten by anyone —
AI translation rendered from the Sanskrit, not a published edition
PdP 6 60.13
गजैरश्वैश्च कलभैरन्यैः पशुभिरेव च । तृणमन्नं तथा वारि न भोक्तव्यं हरेर्दिने
gajairaśvaiśca kalabhairanyaiḥ paśubhireva ca | tṛṇamannaṃ tathā vāri na bhoktavyaṃ harerdine
neither grass nor food nor water is to be consumed on Hari's day by elephants, horses, young elephants, or other animals either.
AI translation rendered from the Sanskrit, not a published edition
PdP 6 60.14
मानवैश्च कुतः कांत भुज्यते हरिवासरे । यदि त्वं भोक्ष्यसे कांत ततो गर्हां प्रयास्यसि
mānavaiśca kutaḥ kāṃta bhujyate harivāsare | yadi tvaṃ bhokṣyase kāṃta tato garhāṃ prayāsyasi
And how then, my dear, could it be eaten by human beings on Hari's day? If you eat, my beloved, you will then incur reproach.
AI translation rendered from the Sanskrit, not a published edition
PdP 6 60.15
एवं विचार्य मनसा सुदृढं मानसं कुरु । शोभन उवाच- सत्यमेतत्प्रिये वाक्यं करिष्येऽहमुपोषणम्
evaṃ vicārya manasā sudṛḍhaṃ mānasaṃ kuru | śobhana uvāca- satyametatpriye vākyaṃ kariṣye'hamupoṣaṇam
"Having reflected thus in your mind, make your resolve very firm." Śobhana said: "This word of yours is true, dear one; I will keep the fast."
AI translation rendered from the Sanskrit, not a published edition
PdP 6 60.16
दैवेन विहितं यद्धि तत्तथैव भविष्यति । इति दृढां मतिं कृत्वा चकार नियमं व्रते
daivena vihitaṃ yaddhi tattathaiva bhaviṣyati | iti dṛḍhāṃ matiṃ kṛtvā cakāra niyamaṃ vrate
"For whatever has been ordained by fate, that will come to pass just so." Having made his resolve firm in this way, he undertook the observance of the vow.
AI translation rendered from the Sanskrit, not a published edition
PdP 6 60.17
क्षुधया पीडिततनुः स बभूवातिदुःखितः । इति चिंतयतस्तस्य आदित्योऽस्तमगाद्गिरिम्
kṣudhayā pīḍitatanuḥ sa babhūvātiduḥkhitaḥ | iti ciṃtayatastasya ādityo'stamagādgirim
His body tormented by hunger, he became greatly distressed. As he was thinking thus, the sun went down behind the mountain.
AI translation rendered from the Sanskrit, not a published edition
PdP 6 60.18
वैष्णवानां नराणां सा निशा हर्षविवर्द्धनी । हरिपूजारतानां च जागरासक्तचेतसाम्
vaiṣṇavānāṃ narāṇāṃ sā niśā harṣavivarddhanī | haripūjāratānāṃ ca jāgarāsaktacetasām
That night was a bringer of increasing joy to Vaiṣṇava men, devoted to the worship of Hari, their minds intent on keeping the vigil,
AI translation rendered from the Sanskrit, not a published edition
PdP 6 60.19
बभूव नृपशार्दूल शोभनस्यातिदुःखदा । रवेरुदयवेलायां शोभनः पंचतां गतः
babhūva nṛpaśārdūla śobhanasyātiduḥkhadā | raverudayavelāyāṃ śobhanaḥ paṃcatāṃ gataḥ
but for Śobhana, O tiger among kings, it was a giver of great pain. At the hour of the sun's rising, Śobhana went to his death.
AI translation rendered from the Sanskrit, not a published edition
PdP 6 60.20
दाहयामास राजा तं राजयोग्यैश्च दारुभिः । चंद्रभागा नात्मदेहं ददाह पतिना सह
dāhayāmāsa rājā taṃ rājayogyaiśca dārubhiḥ | caṃdrabhāgā nātmadehaṃ dadāha patinā saha
The king had him cremated with logs befitting royalty; and Candrabhāgā did not burn her own body along with her husband.
AI translation rendered from the Sanskrit, not a published edition
PdP 6 60.21
कृत्वौर्द्ध्वदैहिकं तस्य तस्थौ जनकवेश्मनि । शोभनश्च नृपश्रेष्ठ रमाव्रतप्रभावतः
kṛtvaurddhvadaihikaṃ tasya tasthau janakaveśmani | śobhanaśca nṛpaśreṣṭha ramāvrataprabhāvataḥ
Having performed his funeral rites, she remained in her father's house. And Śobhana, O best of kings, by the power of the Ramā vow,
AI translation rendered from the Sanskrit, not a published edition
PdP 6 60.22
प्राप्तो देवपुरं रम्यं मंदराचलसानुनि । अनुत्तममनाधृष्यमसंख्येयगुणान्वितम्
prāpto devapuraṃ ramyaṃ maṃdarācalasānuni | anuttamamanādhṛṣyamasaṃkhyeyaguṇānvitam
attained a lovely city of the gods on a ridge of Mount Mandara — unsurpassed, unassailable, endowed with countless excellences,
AI translation rendered from the Sanskrit, not a published edition
PdP 6 60.23
हेमस्तंभमयैसौधै रत्नवैडूर्यमंडितैः । स्फाटिकैर्विविधाकारैर्विचित्रैरुपशोभितैः
hemastaṃbhamayaisaudhai ratnavaiḍūryamaṃḍitaiḥ | sphāṭikairvividhākārairvicitrairupaśobhitaiḥ
adorned with mansions made of golden pillars, decorated with jewels and beryl, made beautiful with crystal (halls) of various shapes and manifold designs.
AI translation rendered from the Sanskrit, not a published edition
PdP 6 60.24
सिंहासनसमारूढः सुश्वेतच्छत्रचामरः । किरीटकुंडलयुतो हारकेयूरभूषितः । स्तूयमानश्च गंधर्वैरप्सरोगणसेवितः
siṃhāsanasamārūḍhaḥ suśvetacchatracāmaraḥ | kirīṭakuṃḍalayuto hārakeyūrabhūṣitaḥ | stūyamānaśca gaṃdharvairapsarogaṇasevitaḥ
Seated upon a lion-throne, with a fine white parasol and yak-tail fan, wearing a diadem and earrings, adorned with necklaces and armlets, praised by Gandharvas and attended by throngs of Apsarases,
AI translation rendered from the Sanskrit, not a published edition
PdP 6 60.25
शोभनः शोभते यत्र राजराजोपरो यथा । सोमशर्मेति विख्यातो मुचुकुंदपुरेऽभवत्
śobhanaḥ śobhate yatra rājarājoparo yathā | somaśarmeti vikhyāto mucukuṃdapure'bhavat
there Śobhana shines like a second king of kings. In the city of Mucukunda there was (a brahmin) known as Somaśarman.
AI translation rendered from the Sanskrit, not a published edition
PdP 6 60.26
तीर्थयात्राप्रसंगेन भ्रमन्विप्रो ददर्श तम् । नृपजामातरं ज्ञात्वा तत्समीपं जगाम सः
tīrthayātrāprasaṃgena bhramanvipro dadarśa tam | nṛpajāmātaraṃ jñātvā tatsamīpaṃ jagāma saḥ
Wandering in the course of a pilgrimage to holy places, the brahmin saw him. Recognising him as the king's son-in-law, he approached him.
AI translation rendered from the Sanskrit, not a published edition
PdP 6 60.27
शोभनोऽपि तदा ज्ञात्वा सोमशर्माणमागतम् । आसनादुत्थितः शीघ्रं नमश्चक्रे द्विजोत्तमम्
śobhano'pi tadā jñātvā somaśarmāṇamāgatam | āsanādutthitaḥ śīghraṃ namaścakre dvijottamam
Śobhana too, then, recognising that Somaśarman had come, rose quickly from his seat and made obeisance to the excellent brahmin.
AI translation rendered from the Sanskrit, not a published edition
PdP 6 60.28
चकार कुशलप्रश्नं श्वशुरस्य नृपस्य च । कांतायाश्चंद्रभागायास्तथैव नगरस्य च
cakāra kuśalapraśnaṃ śvaśurasya nṛpasya ca | kāṃtāyāścaṃdrabhāgāyāstathaiva nagarasya ca
He asked after the welfare of his father-in-law the king, of his wife Candrabhāgā, and likewise of the city.
AI translation rendered from the Sanskrit, not a published edition
PdP 6 60.29
सोमशर्मोवाच- कुशलं वर्त्तते राजन्श्वशुरस्य गृहे तव । चंद्रभागा कुशलिनी सर्वतः कुशलं पुरे
somaśarmovāca- kuśalaṃ varttate rājanśvaśurasya gṛhe tava | caṃdrabhāgā kuśalinī sarvataḥ kuśalaṃ pure
Somaśarman said: "It is well, O king, in the house of your father-in-law; Candrabhāgā is well; all is well in the city.
AI translation rendered from the Sanskrit, not a published edition
PdP 6 60.30
स्ववृत्तं कथ्यतां राजन्नाश्चर्यं विद्यतेऽद्भुतम् । पुरं विचित्रं रुचिरं न दृष्टं केनचित्क्वचित्
svavṛttaṃ kathyatāṃ rājannāścaryaṃ vidyate'dbhutam | puraṃ vicitraṃ ruciraṃ na dṛṣṭaṃ kenacitkvacit
Tell (me) your own story, O king; a wondrous marvel is here. This city, so varied and delightful, has never been seen by anyone anywhere.
AI translation rendered from the Sanskrit, not a published edition
PdP 6 60.31
एतदाचक्ष्व नृपते कुतः प्राप्तमिदं त्वया । शोभन उवाच- कार्तिकस्यासिते पक्षे या नामैकादशी रमा
etadācakṣva nṛpate kutaḥ prāptamidaṃ tvayā | śobhana uvāca- kārtikasyāsite pakṣe yā nāmaikādaśī ramā
Explain this, O lord of kings: from what has this been obtained by you?" Śobhana said: "In the dark fortnight of Kārttika there is the eleventh day named Ramā;
AI translation rendered from the Sanskrit, not a published edition
PdP 6 60.32
तामुपोष्य मया प्राप्तं द्विजेंद्र पुरमध्रुवम् । ध्रुवं भवति येनैव तत्कुरुष्व द्विजोत्तमः
tāmupoṣya mayā prāptaṃ dvijeṃdra puramadhruvam | dhruvaṃ bhavati yenaiva tatkuruṣva dvijottamaḥ
by fasting on that (day) I obtained this city, O chief of brahmins — but it is not permanent. Do that by which it becomes permanent, O best of brahmins.
AI translation rendered from the Sanskrit, not a published edition
PdP 6 60.33
द्विज उवाच- कथमध्रुवमेतद्धि कथं हि भवति ध्रुवम् । तत्त्वं कथय राजेंद्र तत्करिष्यामि नान्यथा
dvija uvāca- kathamadhruvametaddhi kathaṃ hi bhavati dhruvam | tattvaṃ kathaya rājeṃdra tatkariṣyāmi nānyathā
The brahmin said: "How is this impermanent, and how does it become permanent? Tell me the truth of it, O lord of kings; I shall do that and nothing else."
AI translation rendered from the Sanskrit, not a published edition
PdP 6 60.34
शोभन उवाच- मयैतद्विहितं विप्र श्रद्धाहीनं व्रतोत्तमम् । तेनाहमध्रुवं मन्ये ध्रुवं भवति तच्छृणु
śobhana uvāca- mayaitadvihitaṃ vipra śraddhāhīnaṃ vratottamam | tenāhamadhruvaṃ manye dhruvaṃ bhavati tacchṛṇu
Śobhana said: "This best of vows was performed by me without faith, O brahmin; therefore I consider it impermanent. Hear how it becomes permanent.
AI translation rendered from the Sanskrit, not a published edition
PdP 6 60.35
मुचुकुंदस्य दुहिता चंद्रभागा सुशोभना । तस्यै कथय वृत्तांतं ध्रुवमेतद्भविष्यति
mucukuṃdasya duhitā caṃdrabhāgā suśobhanā | tasyai kathaya vṛttāṃtaṃ dhruvametadbhaviṣyati
"Mucukunda's daughter is Candrabhāgā, very lovely; tell her the story, and this will become fixed."
AI translation rendered from the Sanskrit, not a published edition
PdP 6 60.36
कृष्ण उवाच- स श्रुत्वा वचनं तस्य मुचुकुंदपुरं गतः । उवाच सर्वं वृत्तांत्तं चंद्रभागाग्रतो द्विजः
kṛṣṇa uvāca- sa śrutvā vacanaṃ tasya mucukuṃdapuraṃ gataḥ | uvāca sarvaṃ vṛttāṃttaṃ caṃdrabhāgāgrato dvijaḥ
Kṛṣṇa said: Having heard his words, he went to Mucukunda's city, and the brahmin recounted the whole account before Candrabhāgā.
AI translation rendered from the Sanskrit, not a published edition
PdP 6 60.37
सोमशर्मोवाच - प्रत्यक्षं दयितः कांतस्तव दृष्टो मया शुभे । इंद्रतुल्यमनाधृष्यं दृष्टं तस्य पुरं मया । अध्रुवं तेन तत्प्रोक्तं ध्रुवं भवति तत्कुरु
somaśarmovāca - pratyakṣaṃ dayitaḥ kāṃtastava dṛṣṭo mayā śubhe | iṃdratulyamanādhṛṣyaṃ dṛṣṭaṃ tasya puraṃ mayā | adhruvaṃ tena tatproktaṃ dhruvaṃ bhavati tatkuru
Somaśarman said: With my own eyes, fair lady, I have seen your beloved husband; I have seen his city, equal to Indra's, unassailable. He said that it is unstable — do that by which it becomes stable.
AI translation rendered from the Sanskrit, not a published edition
PdP 6 60.38
चंद्रभागोवाच- तत्र मां नय विप्रर्षे पतिदर्शनलालसाम् । आत्मनो व्रतपुण्येन करिष्यामि पुरं ध्रुवम्
caṃdrabhāgovāca- tatra māṃ naya viprarṣe patidarśanalālasām | ātmano vratapuṇyena kariṣyāmi puraṃ dhruvam
Candrabhāgā said: Lead me there, O brahmin sage, for I long to see my husband; by the merit of my own vow I shall make the city stable.
AI translation rendered from the Sanskrit, not a published edition
PdP 6 60.39
आवयोर्द्विजसंयोगो यथा भवति तत्कुरु । प्राप्यते हि महत्पुण्यं कृत्वा योगं वियुक्तयोः
āvayordvijasaṃyogo yathā bhavati tatkuru | prāpyate hi mahatpuṇyaṃ kṛtvā yogaṃ viyuktayoḥ
"Act so that the union of us two takes place; for great merit is gained by bringing together those who have been parted."
AI translation rendered from the Sanskrit, not a published edition
PdP 6 60.40
इति श्रुत्वा सह तया सोमशर्मा जगाम ह । आश्रमं वामदेवस्य मंदराचलसंनिधौ
iti śrutvā saha tayā somaśarmā jagāma ha | āśramaṃ vāmadevasya maṃdarācalasaṃnidhau
Having heard this, Somaśarman went together with her to the hermitage of Vāmadeva, near the Mandara mountain.
AI translation rendered from the Sanskrit, not a published edition
PdP 6 60.41
वामदेवोऽशृणोत्सर्वं वृत्तांतं कथितं तयोः । अभ्यषिञ्चच्चन्द्रभागां वेदमंत्रैरथोज्ज्वलाम्
vāmadevo'śṛṇotsarvaṃ vṛttāṃtaṃ kathitaṃ tayoḥ | abhyaṣiñcaccandrabhāgāṃ vedamaṃtrairathojjvalām
Vāmadeva heard the whole account as told by the two, and then consecrated the radiant Candrabhāgā with Vedic mantras.
AI translation rendered from the Sanskrit, not a published edition
PdP 6 60.42
ऋषिमंत्रप्रभावेन विष्णुवासरसेवनात् । दिव्यदेहा बभूवासौ दिव्यां गतिमवाप ह
ṛṣimaṃtraprabhāvena viṣṇuvāsarasevanāt | divyadehā babhūvāsau divyāṃ gatimavāpa ha
By the power of the sage's mantras and from her observance of Viṣṇu's day, she came to have a divine body and attained a divine course.
AI translation rendered from the Sanskrit, not a published edition
PdP 6 60.43
पत्युः समीपमगमत्प्रहर्षोत्फुल्ललोचना । जहर्ष शोभनोऽतीव दृष्ट्वा कांतां समागताम्
patyuḥ samīpamagamatpraharṣotphullalocanā | jaharṣa śobhano'tīva dṛṣṭvā kāṃtāṃ samāgatām
With eyes wide with delight she went into her husband's presence; Śobhana rejoiced exceedingly on seeing his wife arrived.
AI translation rendered from the Sanskrit, not a published edition
PdP 6 60.44
समाहूय स्वके वामे पार्श्वेतां संन्यवेशयत् । अथोवाच प्रियं हर्षाच्चंद्रभागा प्रियं वचः
samāhūya svake vāme pārśvetāṃ saṃnyaveśayat | athovāca priyaṃ harṣāccaṃdrabhāgā priyaṃ vacaḥ
Calling her, he seated her at his own left side; then Candrabhāgā out of joy spoke a fond, pleasing word.
AI translation rendered from the Sanskrit, not a published edition
PdP 6 60.45
शृणु कांत हितं वाक्यं यत्पुण्यं विद्यते मयि । अष्टवर्षाधिका जाता यदाहं पितृवेश्मनि
śṛṇu kāṃta hitaṃ vākyaṃ yatpuṇyaṃ vidyate mayi | aṣṭavarṣādhikā jātā yadāhaṃ pitṛveśmani
"Hear, beloved, a beneficial word, as to what merit exists in me: when I had passed eight years of age in my father's house—
AI translation rendered from the Sanskrit, not a published edition
PdP 6 60.46
ततः प्रभृति यच्चीर्णं मया चैकादशीव्रतम् । यथोक्तविधिसंयुक्तं श्रद्धायुक्तेन चेतसा । तेन पुण्यप्रभावेन भविष्यति पुरं ध्रुवम्
tataḥ prabhṛti yaccīrṇaṃ mayā caikādaśīvratam | yathoktavidhisaṃyuktaṃ śraddhāyuktena cetasā | tena puṇyaprabhāvena bhaviṣyati puraṃ dhruvam
"—from that time on the Ekādaśī vow was performed by me, joined with the prescribed rite and with a mind full of faith; by the power of that merit the city will become stable,
AI translation rendered from the Sanskrit, not a published edition
PdP 6 60.47
सर्वकामसमृद्धं च यावदाभूतसंप्लवम् । एवं सा नृपशार्दूल रमते पतिना सह
sarvakāmasamṛddhaṃ ca yāvadābhūtasaṃplavam | evaṃ sā nṛpaśārdūla ramate patinā saha
"—and abounding in all desired things, until the dissolution of beings." Thus, O tiger among kings, she takes her pleasure with her husband,
AI translation rendered from the Sanskrit, not a published edition
PdP 6 60.48
दिव्यभोगा दिव्यरूपा दिव्याभरणभूषिता । शोभनोऽपि तया सार्द्धं रमते दिव्यविग्रहः
divyabhogā divyarūpā divyābharaṇabhūṣitā | śobhano'pi tayā sārddhaṃ ramate divyavigrahaḥ
enjoying divine pleasures, of divine form, adorned with divine ornaments; and Śobhana too, of divine body, takes his pleasure with her,
AI translation rendered from the Sanskrit, not a published edition
PdP 6 60.49
रमाव्रतप्रभावेन मंदराचलसानुनि । चिंतामणिसमा ह्येषा कामधेनुसमाथ वा
ramāvrataprabhāvena maṃdarācalasānuni | ciṃtāmaṇisamā hyeṣā kāmadhenusamātha vā
by the power of the Ramā vow, on the slope of the Mandara mountain. Indeed she is like a wish-granting gem, or like the wish-granting cow.
AI translation rendered from the Sanskrit, not a published edition
PdP 6 60.50
रमाभिधाना नृपते तवाग्रे कथिता मया । तस्या माहात्म्यमनघ श्रुतं सर्वं त्वया नृप 6.60.
ramābhidhānā nṛpate tavāgre kathitā mayā | tasyā māhātmyamanagha śrutaṃ sarvaṃ tvayā nṛpa 6.60.
The (vow) named Ramā, O king, has been told by you—er, by me in your presence; its greatness, O sinless king, has all been heard by you.
AI translation rendered from the Sanskrit, not a published edition
PdP 6 60.51
मया तवाग्रे कथितं माहात्म्यं पापनाशनम् । एकादशीव्रतानां च पक्षयोरुभयोरपि
mayā tavāgre kathitaṃ māhātmyaṃ pāpanāśanam | ekādaśīvratānāṃ ca pakṣayorubhayorapi
By me the sin-destroying greatness of the Ekādaśī vows, of both fortnights, has been told in your presence.
AI translation rendered from the Sanskrit, not a published edition
PdP 6 60.52
यथा कृष्णा तथा शुक्ला विभेदं नैव कारयेत् । सेवितैकादशी नॄणां भुक्तिमुक्तिप्रदायिनी
yathā kṛṣṇā tathā śuklā vibhedaṃ naiva kārayet | sevitaikādaśī nṝṇāṃ bhuktimuktipradāyinī
As the dark (fortnight's Ekādaśī) is, so is the bright: one should make no distinction. Ekādaśī, when observed, grants men both enjoyment and liberation.
AI translation rendered from the Sanskrit, not a published edition
PdP 6 60.53
धेनुः श्वेता यथा कृष्णा उभयोः सदृशं पयः । तथैव तुल्यफलदं स्मृतमेकादशीद्वयम्
dhenuḥ śvetā yathā kṛṣṇā ubhayoḥ sadṛśaṃ payaḥ | tathaiva tulyaphaladaṃ smṛtamekādaśīdvayam
As a cow may be white or black, the milk of both is the same; just so the pair of Ekādaśīs is held to give equal fruit.
AI translation rendered from the Sanskrit, not a published edition
PdP 6 60.54
एकादशीव्रतानां यो माहात्म्यं शृणुते नरः । सर्वपापविनिर्मुक्तो विष्णुलोके महीयते
ekādaśīvratānāṃ yo māhātmyaṃ śṛṇute naraḥ | sarvapāpavinirmukto viṣṇuloke mahīyate
The man who hears the greatness of the Ekādaśī vows is freed from all sins and is honoured in Viṣṇu's world.
AI translation rendered from the Sanskrit, not a published edition