Padma Purana — Uttara Khanda — Chapter 56
PdP 6 56.1
युधिष्ठिर उवाच- भाद्रस्य कृष्णपक्षे तु किंनामैकादशीभवेत् । एतदिच्छाम्यहं श्रोतुं कथयस्व जनार्दन
yudhiṣṭhira uvāca- bhādrasya kṛṣṇapakṣe tu kiṃnāmaikādaśībhavet | etadicchāmyahaṃ śrotuṃ kathayasva janārdana
Yudhiṣṭhira said: In the dark fortnight of Bhādra, what is the eleventh day called? This I wish to hear; tell (me), Janārdana.
AI translation rendered from the Sanskrit, not a published edition
PdP 6 56.2
श्रीकृष्ण उवाच- शृणुष्वैकमना राजन्कथयिष्यामि विस्तरात् । अजेति नामतः प्रोक्ता सर्वपापप्रणाशिनी
śrīkṛṣṇa uvāca- śṛṇuṣvaikamanā rājankathayiṣyāmi vistarāt | ajeti nāmataḥ proktā sarvapāpapraṇāśinī
Śrī Kṛṣṇa said: Listen with a single mind, O king; I shall tell (it) in full. By name it is called Ajā, the destroyer of all sins.
AI translation rendered from the Sanskrit, not a published edition
PdP 6 56.3
पूजयित्वा हृषीकेशं व्रतमस्यां करोति यः । पापानि तस्य नश्यंति व्रतस्य श्रवणादपि
pūjayitvā hṛṣīkeśaṃ vratamasyāṃ karoti yaḥ | pāpāni tasya naśyaṃti vratasya śravaṇādapi
Whoever, having worshipped Hṛṣīkeśa, performs the vow on that (day)—his sins perish, even from the mere hearing of the vow.
AI translation rendered from the Sanskrit, not a published edition
PdP 6 56.4
नातः परतरा राजन्लोकद्वयहिताय वै । सत्यमुक्तं मया ह्येतन्नासत्यं मम भाषितम्
nātaḥ paratarā rājanlokadvayahitāya vai | satyamuktaṃ mayā hyetannāsatyaṃ mama bhāṣitam
There is nothing higher than this, O king, for the benefit of both worlds; this has been spoken by me truly — no untruth is uttered by me.
AI translation rendered from the Sanskrit, not a published edition
PdP 6 56.5
हरिश्चन्द्र इति ख्यातो बभूव नृपतिः पुरा । चक्रवर्ती सत्यसंधः समस्ताया भुवः पतिः
hariścandra iti khyāto babhūva nṛpatiḥ purā | cakravartī satyasaṃdhaḥ samastāyā bhuvaḥ patiḥ
Formerly there was a king renowned as Hariścandra, an emperor true to his word, lord of the whole earth.
AI translation rendered from the Sanskrit, not a published edition
PdP 6 56.6
कस्यापि कर्मणः प्राप्तौ राज्यभ्रष्टो बभूव सः । विक्रीतौ वनितापुत्रौ स चकारात्मविक्रयम्
kasyāpi karmaṇaḥ prāptau rājyabhraṣṭo babhūva saḥ | vikrītau vanitāputrau sa cakārātmavikrayam
Through the coming to fruition of some deed (of his), he was cast out from his kingdom; his wife and son were sold, and he made a sale of himself.
AI translation rendered from the Sanskrit, not a published edition
PdP 6 56.7
पुल्कसस्य च दासत्वं गतो राजा स पुण्यकृत् । सत्यमालंब्य राजेंद्र मृतचैलापहारकः
pulkasasya ca dāsatvaṃ gato rājā sa puṇyakṛt | satyamālaṃbya rājeṃdra mṛtacailāpahārakaḥ
And that merit-making king went into the servitude of a Pulkasa, O best of kings, holding fast to truth, becoming a taker of the garments of the dead.
AI translation rendered from the Sanskrit, not a published edition
PdP 6 56.8
सोऽभवन्नृपतिश्रेष्ठो न सत्याच्चलितस्तथा । एवं च तस्य नृपतेर्बहवो वत्सरा गताः
so'bhavannṛpatiśreṣṭho na satyāccalitastathā | evaṃ ca tasya nṛpaterbahavo vatsarā gatāḥ
He became the foremost of kings, and thus he did not swerve from truth; and in this way many years of that king passed by.
AI translation rendered from the Sanskrit, not a published edition
PdP 6 56.9
ततश्चिंतापरो राजा स बभूवातिदुःखितः । किं करोमि क्व गच्छामि निष्कृतिर्मे कथं भवेत्
tataściṃtāparo rājā sa babhūvātiduḥkhitaḥ | kiṃ karomi kva gacchāmi niṣkṛtirme kathaṃ bhavet
Then the king became full of anxiety and exceedingly sorrowful: "What shall I do? Where shall I go? How shall there be release for me?"
AI translation rendered from the Sanskrit, not a published edition
PdP 6 56.10
इति चिंतयतस्तस्य मग्नस्य वृजिनार्णवे । आजगाम मुनिः कश्चिज्ज्ञात्वा राजानमातुरम्
iti ciṃtayatastasya magnasya vṛjinārṇave | ājagāma muniḥ kaścijjñātvā rājānamāturam
While he was thinking thus, sunk in an ocean of misery, a certain sage came, knowing the king to be distressed.
AI translation rendered from the Sanskrit, not a published edition
PdP 6 56.11
परोपकारणार्थाय निर्मिता ब्रह्मणा द्विजाः । स तं दृष्ट्वा द्विजवरं ननाम नृपसत्तमः
paropakāraṇārthāya nirmitā brahmaṇā dvijāḥ | sa taṃ dṛṣṭvā dvijavaraṃ nanāma nṛpasattamaḥ
Brahmins were created by Brahmā for the purpose of doing good to others. Seeing that best of brahmins, the most excellent of kings bowed down.
AI translation rendered from the Sanskrit, not a published edition
PdP 6 56.12
कृतांजलिपुटो भूत्वा गौतमस्याग्रतः स्थितः । कथयामास वृत्तांतमात्मनो दुःखसंयुतम्
kṛtāṃjalipuṭo bhūtvā gautamasyāgrataḥ sthitaḥ | kathayāmāsa vṛttāṃtamātmano duḥkhasaṃyutam
With his palms joined, standing before Gautama, he related his own story, filled with sorrow.
AI translation rendered from the Sanskrit, not a published edition
PdP 6 56.13
श्रुत्वा नृपतिवाक्यानि गौतमो विस्मयान्वितः । उपदेशं नृपतये व्रतस्यास्य ददौ मुनिः
śrutvā nṛpativākyāni gautamo vismayānvitaḥ | upadeśaṃ nṛpataye vratasyāsya dadau muniḥ
Hearing the king's words, Gautama was filled with amazement, and the sage gave the king instruction in this observance.
AI translation rendered from the Sanskrit, not a published edition
PdP 6 56.14
मासि भाद्रपदे राजन्कृष्णपक्षेति शोभना । एकादशी समायाता अजा नामेति पुण्यदा
māsi bhādrapade rājankṛṣṇapakṣeti śobhanā | ekādaśī samāyātā ajā nāmeti puṇyadā
In the month of Bhādrapada, O king, in the dark fortnight, an auspicious eleventh day has come, called Ajā, the giver of merit.
AI translation rendered from the Sanskrit, not a published edition
PdP 6 56.15
अस्याः कुरु व्रतं राजन्पापस्यांतो भविष्यति । तव भाग्यवशादेषा सप्तमेऽह्नि समागता
asyāḥ kuru vrataṃ rājanpāpasyāṃto bhaviṣyati | tava bhāgyavaśādeṣā saptame'hni samāgatā
Perform the observance of this (day), O king; there will be an end to your sin. By the power of your good fortune it has arrived on the seventh day (from now).
AI translation rendered from the Sanskrit, not a published edition
PdP 6 56.16
उपवासपरो भूत्वा रात्रौ जागरणं कुरु । एवमस्या व्रते चीर्णे तव पापक्षयो ध्रुवम्
upavāsaparo bhūtvā rātrau jāgaraṇaṃ kuru | evamasyā vrate cīrṇe tava pāpakṣayo dhruvam
Being devoted to fasting, keep vigil at night; when her observance is thus performed, the destruction of your sin is certain.
AI translation rendered from the Sanskrit, not a published edition
PdP 6 56.17
तव पुण्यप्रभावेण चागतोऽहं नृपोत्तम । इत्येवं कथयित्वा च मुनिरंतरधीयत
tava puṇyaprabhāveṇa cāgato'haṃ nṛpottama | ityevaṃ kathayitvā ca muniraṃtaradhīyata
And I have come by the power of your merit, O best of kings. Having spoken thus, the sage vanished.
AI translation rendered from the Sanskrit, not a published edition
PdP 6 56.18
मुनिवाक्यं नृपः श्रुत्वा चकार व्रतमुत्तमम् । कृते तस्मिन्व्रते राज्ञः पापस्यांतोऽभवत्क्षणात्
munivākyaṃ nṛpaḥ śrutvā cakāra vratamuttamam | kṛte tasminvrate rājñaḥ pāpasyāṃto'bhavatkṣaṇāt
Hearing the sage's words, the king performed the excellent observance; when that observance was performed, the king's sin came to an end in an instant.
AI translation rendered from the Sanskrit, not a published edition
PdP 6 56.19
श्रूयतां राजशार्दूल प्रभावोऽस्य व्रतस्य च । यद्दुःखंबहुभिर्वर्षैर्भोक्तव्यंतत्क्षयोभवेत्
śrūyatāṃ rājaśārdūla prabhāvo'sya vratasya ca | yadduḥkhaṃbahubhirvarṣairbhoktavyaṃtatkṣayobhavet
Let it be heard, O tiger among kings, the power of this observance: the suffering that would have to be borne over many years — its destruction comes about (at once).
AI translation rendered from the Sanskrit, not a published edition
PdP 6 56.20
निस्तीर्णदुःखो राजासीद्व्रतस्यास्य प्रभावतः । पत्न्या सह समायोगं पुत्रजीवनमाप सः
nistīrṇaduḥkho rājāsīdvratasyāsya prabhāvataḥ | patnyā saha samāyogaṃ putrajīvanamāpa saḥ
The king had his suffering crossed over by the power of this observance; he obtained reunion with his wife and the coming to life of his son.
AI translation rendered from the Sanskrit, not a published edition
PdP 6 56.21
दिवि दुंदुभयो नेदुः पुष्पवर्षमभूद्दिवः । एकादश्याः प्रभावेन प्राप्यराज्यमकंटकम्
divi duṃdubhayo neduḥ puṣpavarṣamabhūddivaḥ | ekādaśyāḥ prabhāvena prāpyarājyamakaṃṭakam
In heaven the drums sounded, and there was a rain of flowers from the sky; by the power of the eleventh day the kingdom was obtained free of thorns.
AI translation rendered from the Sanskrit, not a published edition
PdP 6 56.22
स्वर्गं लेभे हरिश्चंद्रः सपुरः सपरिच्छदः । ईदृग्विधं व्रतंराजन्ये कुर्वंति च मानवाः
svargaṃ lebhe hariścaṃdraḥ sapuraḥ saparicchadaḥ | īdṛgvidhaṃ vrataṃrājanye kurvaṃti ca mānavāḥ
Hariścandra attained heaven together with his city and his retinue. Whatever men perform such an observance, O king —
AI translation rendered from the Sanskrit, not a published edition
PdP 6 56.23
सर्वपापविनिर्मुक्तास्त्रिदिवं यांति ते नृप । पठनाच्छ्रवणाद्वापि अश्वमेधफलं लभेत्
sarvapāpavinirmuktāstridivaṃ yāṃti te nṛpa | paṭhanācchravaṇādvāpi aśvamedhaphalaṃ labhet
they, freed from all sins, go to the triple heaven, O king; and by reciting or even by hearing (this), one would gain the fruit of a horse-sacrifice.
AI translation rendered from the Sanskrit, not a published edition