Padma Purana — Uttara Khanda — Chapter 54
PdP 6 54.1
युधिष्ठिर उवाच- श्रावणस्य सिते पक्षे किंनामैकादशीभवेत् । तन्नः कथय गोविंद वासुदेव नमोऽस्तु ते
yudhiṣṭhira uvāca- śrāvaṇasya site pakṣe kiṃnāmaikādaśībhavet | tannaḥ kathaya goviṃda vāsudeva namo'stu te
Yudhiṣṭhira said: In the bright fortnight of Śrāvaṇa, what is the name of the Eleventh? Tell us that, Govinda; Vāsudeva, homage be to you.
AI translation rendered from the Sanskrit, not a published edition
PdP 6 54.2
श्रीकृष्ण उवाच- शृणु राजन्प्रवक्ष्यामि आख्यानं पापनाशनम् । यत्प्रोक्तं ब्रह्मणा पूर्वं पृच्छते नारदाय वै
śrīkṛṣṇa uvāca- śṛṇu rājanpravakṣyāmi ākhyānaṃ pāpanāśanam | yatproktaṃ brahmaṇā pūrvaṃ pṛcchate nāradāya vai
Śrī Kṛṣṇa said: Listen, O king; I shall relate the sin-destroying narrative which was told long ago by Brahmā to Nārada when he asked.
AI translation rendered from the Sanskrit, not a published edition
PdP 6 54.3
नारद उवाच- भगवन्श्रोतुमिच्छामि त्वत्तोऽहं कमलासन । श्रावणस्यासिते पक्षे किं नामैकादशी भवेत्
nārada uvāca- bhagavanśrotumicchāmi tvatto'haṃ kamalāsana | śrāvaṇasyāsite pakṣe kiṃ nāmaikādaśī bhavet
Nārada said: Lord, I wish to hear from you, O lotus-seated one: in the dark fortnight of Śrāvaṇa, what is the name of the Eleventh?
AI translation rendered from the Sanskrit, not a published edition
PdP 6 54.4
को देवः को विधिस्तस्याः किं पुण्यं कथय प्रभो । इति तस्य वचः श्रुत्वा ब्रह्मा वचनमब्रवीत्
ko devaḥ ko vidhistasyāḥ kiṃ puṇyaṃ kathaya prabho | iti tasya vacaḥ śrutvā brahmā vacanamabravīt
Which deity is its (deity), what is its procedure, what is its merit? Tell (me), O lord. Hearing his words, Brahmā spoke (these) words.
AI translation rendered from the Sanskrit, not a published edition
PdP 6 54.5
ब्रह्मोवाच- शृणु नारद ते वच्मि लोकानां हितकाम्यया । श्रावणैकादशी कृष्णा कामिका नाम नामतः
brahmovāca- śṛṇu nārada te vacmi lokānāṃ hitakāmyayā | śrāvaṇaikādaśī kṛṣṇā kāmikā nāma nāmataḥ
Brahmā said: Listen, Nārada, I tell you, out of a desire for the welfare of the worlds: the dark-fortnight Eleventh of Śrāvaṇa is Kāmikā by name.
AI translation rendered from the Sanskrit, not a published edition
PdP 6 54.6
अस्याः श्रवणमात्रेण वाजपेयफलं लभेत् । अस्यां यजति देवेशं शंखचक्रगदाधरम्
asyāḥ śravaṇamātreṇa vājapeyaphalaṃ labhet | asyāṃ yajati deveśaṃ śaṃkhacakragadādharam
Merely by hearing of it one would gain the fruit of the Vājapeya sacrifice. On this (day) one worships the lord of the gods, the bearer of conch, discus and mace,
AI translation rendered from the Sanskrit, not a published edition
PdP 6 54.7
श्रीधराख्यं हरिं विष्णुं माधवं मधुसूदनम् । पूजयेद्ध्यायते यो वै तस्य पुण्यंफलं शृणु
śrīdharākhyaṃ hariṃ viṣṇuṃ mādhavaṃ madhusūdanam | pūjayeddhyāyate yo vai tasya puṇyaṃphalaṃ śṛṇu
Hari, Viṣṇu, called Śrīdhara, Mādhava, Madhusūdana — whoever worships and meditates (on him), hear the fruit of his merit.
AI translation rendered from the Sanskrit, not a published edition
PdP 6 54.8
न गंगायां न काश्यां च नैमिषे न च पुष्करे । तत्फलं समवाप्नोति यत्फलं कृष्णपूजनात्
na gaṃgāyāṃ na kāśyāṃ ca naimiṣe na ca puṣkare | tatphalaṃ samavāpnoti yatphalaṃ kṛṣṇapūjanāt
Not at the Gaṅgā, nor at Kāśī, nor at Naimiṣa, nor at Puṣkara does one obtain that fruit which (comes) from the worship of Kṛṣṇa.
AI translation rendered from the Sanskrit, not a published edition
PdP 6 54.9
गोदावर्यां गुरौ सिंहे व्यतीपाते च दंडके । यत्फलं समवाप्नोति तत्फलं कृष्णपूजनात्
godāvaryāṃ gurau siṃhe vyatīpāte ca daṃḍake | yatphalaṃ samavāpnoti tatphalaṃ kṛṣṇapūjanāt
The fruit one obtains at the Godāvarī, when Jupiter is in Leo, and at a Vyatīpāta conjunction in the Daṇḍaka (region) — that fruit (comes) from the worship of Kṛṣṇa.
AI translation rendered from the Sanskrit, not a published edition
PdP 6 54.10
ससागरवनोपेतां यो ददाति वसुंधराम् । कामिकाव्रतकारी च ह्युभौ समफलौ स्मृतौ
sasāgaravanopetāṃ yo dadāti vasuṃdharām | kāmikāvratakārī ca hyubhau samaphalau smṛtau
One who gives away the earth together with its oceans and forests, and one who performs the Kāmikā observance — both are held to be of equal fruit.
AI translation rendered from the Sanskrit, not a published edition
PdP 6 54.11
प्रसूयमानां यो धेनुं दद्यात्सोपस्करां नरः । तत्फलं समवाप्नोति कामिकाव्रतकारकः
prasūyamānāṃ yo dhenuṃ dadyātsopaskarāṃ naraḥ | tatphalaṃ samavāpnoti kāmikāvratakārakaḥ
The fruit which a man obtains who gives a cow about to calve together with its accessories — that fruit the performer of the Kāmikā observance obtains.
AI translation rendered from the Sanskrit, not a published edition
PdP 6 54.12
श्रावणे श्रीधरं देवं पूजयेद्यो नरोत्तमः । तेनैव पूजिता देवा गंधर्वोरगपन्नगाः
śrāvaṇe śrīdharaṃ devaṃ pūjayedyo narottamaḥ | tenaiva pūjitā devā gaṃdharvoragapannagāḥ
Whichever best of men worships the god Śrīdhara in Śrāvaṇa, by him alone are the gods, the Gandharvas, the serpents and the snakes worshipped.
AI translation rendered from the Sanskrit, not a published edition
PdP 6 54.13
तस्मात्सर्वप्रयत्नेन कामिकादिवसे हरिः । पूजनीयो यथाशक्ति मानुषैः पापभीरुभिः
tasmātsarvaprayatnena kāmikādivase hariḥ | pūjanīyo yathāśakti mānuṣaiḥ pāpabhīrubhiḥ
Therefore, with every effort, Hari is to be worshipped to the best of their ability on the Kāmikā day by men who fear sin.
AI translation rendered from the Sanskrit, not a published edition
PdP 6 54.14
ये संसारार्णवे मग्नाः पापपंकसमाकुले । तेषामुद्धरणार्थाय कामिकाव्रतमुत्तमम्
ye saṃsārārṇave magnāḥ pāpapaṃkasamākule | teṣāmuddharaṇārthāya kāmikāvratamuttamam
For the rescue of those who are sunk in the ocean of saṃsāra, thick with the mire of sin, the Kāmikā observance is the highest (means).
AI translation rendered from the Sanskrit, not a published edition
PdP 6 54.15
नातः परतरा काचित्पवित्रा पापहारिणी । एवं नारद जानीहि स्वयमाह परो हरिः
nātaḥ paratarā kācitpavitrā pāpahāriṇī | evaṃ nārada jānīhi svayamāha paro hariḥ
There is nothing purer, more sin-removing, than this. Know it thus, Nārada; the supreme Hari himself has said so.
AI translation rendered from the Sanskrit, not a published edition
PdP 6 54.16
अध्यात्मविद्या निरतैर्यत्फलं प्राप्यते नरैः । ततो बहुतरं विद्धि कामिकाव्रतसेविनाम्
adhyātmavidyā niratairyatphalaṃ prāpyate naraiḥ | tato bahutaraṃ viddhi kāmikāvratasevinām
The fruit that is won by men devoted to the knowledge of the self — know (the fruit) of those who observe the Kāmikā vow to be far greater than that.
AI translation rendered from the Sanskrit, not a published edition
PdP 6 54.17
रात्रौ जागरणं कृत्वा कामिकाव्रतकृन्नरः । न पश्यति यमं रौद्रं नैव गच्छति दुर्गतिम्
rātrau jāgaraṇaṃ kṛtvā kāmikāvratakṛnnaraḥ | na paśyati yamaṃ raudraṃ naiva gacchati durgatim
The man who keeps the vigil at night and performs the Kāmikā observance does not see the terrible Yama, nor does he go to an evil destiny.
AI translation rendered from the Sanskrit, not a published edition
PdP 6 54.18
न पश्यति कुयोनिं च कामिकाव्रतसेवनात् । कामिकाया व्रते चीर्णे कैवल्यं योगिनो गताः
na paśyati kuyoniṃ ca kāmikāvratasevanāt | kāmikāyā vrate cīrṇe kaivalyaṃ yogino gatāḥ
Nor does he see an evil birth, through the observance of the Kāmikā vow; when the Kāmikā vow has been performed, yogins have attained absolute liberation.
AI translation rendered from the Sanskrit, not a published edition
PdP 6 54.19
तस्मात्सर्वप्रयत्नेन कर्तव्या नियतात्मभिः । तुलसीप्रभवैः पत्रैः यो नरः पूजयेद्धरिम्
tasmātsarvaprayatnena kartavyā niyatātmabhiḥ | tulasīprabhavaiḥ patraiḥ yo naraḥ pūjayeddharim
Therefore it should be performed with every effort by those of disciplined self. The man who worships Hari with leaves grown of the tulasī —
AI translation rendered from the Sanskrit, not a published edition
PdP 6 54.20
न लिप्यते स पापेन पद्मपत्रमिवांभसा । सुवर्णभारमेकं तु रजतं च चतुर्गुणम्
na lipyate sa pāpena padmapatramivāṃbhasā | suvarṇabhāramekaṃ tu rajataṃ ca caturguṇam
— he is not stained by sin, as a lotus leaf (is not) by water. One load of gold, and silver fourfold (of it) —
AI translation rendered from the Sanskrit, not a published edition
PdP 6 54.21
तत्फलं समवाप्नोति तुलसीदलपूजनात् । रत्न मौक्तिक वैडूर्य प्रवालादिभिरर्चितः
tatphalaṃ samavāpnoti tulasīdalapūjanāt | ratna mauktika vaiḍūrya pravālādibhirarcitaḥ
— that same fruit he obtains from worship with a tulasī leaf. Worshipped with gems, pearls, cat's-eye, coral and the rest,
AI translation rendered from the Sanskrit, not a published edition
PdP 6 54.22
न तुष्यति तथा विष्णुस्तुलसीदलतो यथा । तुलसीमंजरीभिश्च पूजितो येन केशवः
na tuṣyati tathā viṣṇustulasīdalato yathā | tulasīmaṃjarībhiśca pūjito yena keśavaḥ
Viṣṇu is not so pleased as (he is) by a tulasī leaf. And by whom Keśava has been worshipped with tulasī blossom-clusters —
AI translation rendered from the Sanskrit, not a published edition
PdP 6 54.23
या दृष्टा निखिलाघसंघशमनी स्पृष्टा वपुः पावनी। रोगाणामभिवंदितानि रसिनी सिक्तांतकत्रासिनी । प्रत्यासत्तिविधायिनी भगवतः कृष्णस्य संरोपिता। न्यस्ता तच्चरणे विमुक्तिफलदा तस्यै तुलस्यै नमः
yā dṛṣṭā nikhilāghasaṃghaśamanī spṛṣṭā vapuḥ pāvanī| rogāṇāmabhivaṃditāni rasinī siktāṃtakatrāsinī | pratyāsattividhāyinī bhagavataḥ kṛṣṇasya saṃropitā| nyastā taccaraṇe vimuktiphaladā tasyai tulasyai namaḥ
She who, when seen, quells the whole mass of sins; when touched, purifies the body; when bowed to, (destroys) diseases; when watered, terrifies Death; who brings about nearness to the Lord Kṛṣṇa when planted, and, laid at his foot, bestows the fruit of liberation — to that Tulasī, homage.
AI translation rendered from the Sanskrit, not a published edition — the model flagged this verse as uncertain
PdP 6 54.24
दीपं ददाति यो मर्त्यो दिवारात्रं हरेर्दिने । तस्य पुण्यस्य संख्यातुं चित्रगुप्तो न वेत्त्यलम्
dīpaṃ dadāti yo martyo divārātraṃ harerdine | tasya puṇyasya saṃkhyātuṃ citragupto na vettyalam
The mortal who offers a lamp by day and night on Hari's day — Citragupta is not able to count his merit.
AI translation rendered from the Sanskrit, not a published edition
PdP 6 54.25
कृष्णाग्रे दीपको यस्य ज्वलत्येकादशीदिने । पितरस्तस्य तृप्यंति अमृतेन दिवि स्थिताः
kṛṣṇāgre dīpako yasya jvalatyekādaśīdine | pitarastasya tṛpyaṃti amṛtena divi sthitāḥ
He whose lamp burns before Kṛṣṇa on the eleventh day — his ancestors, dwelling in heaven, are satisfied with nectar.
AI translation rendered from the Sanskrit, not a published edition
PdP 6 54.26
घृतेन दीपं प्रज्वाल्य तिलतैलेन वा पुनः । प्रयाति सूर्यलोकं च दीपकोटिशतार्चितः
ghṛtena dīpaṃ prajvālya tilatailena vā punaḥ | prayāti sūryalokaṃ ca dīpakoṭiśatārcitaḥ
Having kindled a lamp with ghee, or else with sesame oil, he goes to the world of the sun, honoured by hundreds of ten millions of lamps.
AI translation rendered from the Sanskrit, not a published edition
PdP 6 54.27
अयं तवाग्रे कथितः कामिकामहिमा मया । अतो नरैः प्रकर्त्तव्या सर्वपातकहारिणी
ayaṃ tavāgre kathitaḥ kāmikāmahimā mayā | ato naraiḥ prakarttavyā sarvapātakahāriṇī
This greatness of the Kāmikā (eleventh day) has been told by me before you; therefore it, the remover of all sins, should be observed by men.
AI translation rendered from the Sanskrit, not a published edition
PdP 6 54.28
ब्रह्महत्यापहरणी भ्रूणहत्याविनाशिनी । वैष्णवस्थानदात्री च महापुण्यफलप्रदा
brahmahatyāpaharaṇī bhrūṇahatyāvināśinī | vaiṣṇavasthānadātrī ca mahāpuṇyaphalapradā
It carries away the killing of a brahmin, it destroys the killing of an embryo, it grants the abode of Vaiṣṇavas, and bestows the fruit of great merit.
AI translation rendered from the Sanskrit, not a published edition
PdP 6 54.29
श्रुत्वा माहात्म्यमेतस्या नरः श्रद्धासमन्वितः । विष्णुलोकमवाप्नोति सर्वपापैः प्रमुच्यते
śrutvā māhātmyametasyā naraḥ śraddhāsamanvitaḥ | viṣṇulokamavāpnoti sarvapāpaiḥ pramucyate
A man who, filled with faith, hears the greatness of this (vow) attains the world of Viṣṇu and is released from all sins.
AI translation rendered from the Sanskrit, not a published edition