Padma Purana — Uttara Khanda — Chapter 53
PdP 6 53.1
युधिष्ठिर उवाच- आषाढस्य सिते पक्षे का च एकादशी भवेत् । किं नाम को विधिस्तस्या एतद्विस्तरतो वद
yudhiṣṭhira uvāca- āṣāḍhasya site pakṣe kā ca ekādaśī bhavet | kiṃ nāma ko vidhistasyā etadvistarato vada
Yudhiṣṭhira said: And in the bright fortnight of Āṣāḍha, which is the eleventh (day)? What is its name, what its observance? Tell this in detail.
AI translation rendered from the Sanskrit, not a published edition
PdP 6 53.2
श्रीकृष्ण उवाच- कथयामि महापुण्यां स्वर्गमोक्षप्रदायिनीम् । शयनीं नामनामेति सर्वपापहरां पराम्
śrīkṛṣṇa uvāca- kathayāmi mahāpuṇyāṃ svargamokṣapradāyinīm | śayanīṃ nāmanāmeti sarvapāpaharāṃ parām
Śrī Kṛṣṇa said: I shall tell of that greatly meritorious (eleventh) which bestows heaven and liberation, called by the name Śayanī, the supreme remover of all sins.
AI translation rendered from the Sanskrit, not a published edition
PdP 6 53.3
यस्याः श्रवणमात्रेण वाजपेयफलं लभेत् । सत्यं सत्यं मया प्रोक्तं नातः परतरं नृणाम्
yasyāḥ śravaṇamātreṇa vājapeyaphalaṃ labhet | satyaṃ satyaṃ mayā proktaṃ nātaḥ parataraṃ nṛṇām
By merely hearing of it one would gain the fruit of a Vājapeya sacrifice. Truly, truly it has been declared by me: there is nothing higher than this for men.
AI translation rendered from the Sanskrit, not a published edition
PdP 6 53.4
पापिनां पापनाशाय सृष्टा धात्रा महोत्तमा । अतः परा न राजेंद्र वर्त्तते मोक्षदायिनी
pāpināṃ pāpanāśāya sṛṣṭā dhātrā mahottamā | ataḥ parā na rājeṃdra varttate mokṣadāyinī
It was created by the Creator, most excellent, for the destruction of the sins of sinners. There exists nothing higher than this, O lord of kings, that bestows liberation.
AI translation rendered from the Sanskrit, not a published edition
PdP 6 53.5
एतस्मात्कारणाद्राजन्श्रूयतां गतिरुत्तमा । भवेन्नराणां श्रोतॄणां कथायाः श्रवणादपि
etasmātkāraṇādrājanśrūyatāṃ gatiruttamā | bhavennarāṇāṃ śrotṝṇāṃ kathāyāḥ śravaṇādapi
For this reason, O king, let it be heard — the highest course; it comes about for the men who listen, even from the (mere) hearing of the story.
AI translation rendered from the Sanskrit, not a published edition
PdP 6 53.6
ते सदा वैष्णवा राजन्मम भक्तिपरायणाः । आषाढे वामनश्चैव पूज्यते परमेश्वरः
te sadā vaiṣṇavā rājanmama bhaktiparāyaṇāḥ | āṣāḍhe vāmanaścaiva pūjyate parameśvaraḥ
They are ever Vaiṣṇavas, O king, wholly devoted to me in bhakti. And in Āṣāḍha, Vāmana, the Supreme Lord, is worshipped.
AI translation rendered from the Sanskrit, not a published edition
PdP 6 53.7
वामनः पूजितो येन कमलैः कमलेक्षणः । आषाढस्य सिते पक्षे कामिकाया दिने तथा
vāmanaḥ pūjito yena kamalaiḥ kamalekṣaṇaḥ | āṣāḍhasya site pakṣe kāmikāyā dine tathā
By whom the lotus-eyed Vāmana has been worshipped with lotuses in the bright fortnight of Āṣāḍha, on the day of Kāmikā —
AI translation rendered from the Sanskrit, not a published edition
PdP 6 53.8
तेनार्चितं जगत्सर्वं त्रयो देवाः सनातनाः । कृता चैकादशी येन हरिवासरमुत्तमम्
tenārcitaṃ jagatsarvaṃ trayo devāḥ sanātanāḥ | kṛtā caikādaśī yena harivāsaramuttamam
— by him the whole world has been worshipped, and the three eternal gods; and by whom the eleventh, the excellent Hari-day, has been observed.
AI translation rendered from the Sanskrit, not a published edition
PdP 6 53.9
युधिष्ठिर उवाच- संशयोऽस्ति महान्मेऽत्र श्रूयतां पुरुषोत्तम । कथं सुप्तोऽसि देवेश कथं च बलिमाश्रितः
yudhiṣṭhira uvāca- saṃśayo'sti mahānme'tra śrūyatāṃ puruṣottama | kathaṃ supto'si deveśa kathaṃ ca balimāśritaḥ
Yudhiṣṭhira said: I have a great doubt here — let it be heard, O best of men. How is it that you sleep, O lord of gods, and how did you resort to Bali?
AI translation rendered from the Sanskrit, not a published edition
PdP 6 53.10
कथं च भूमौ संवेशः किं कुर्वंति जनाः परे । एतद्वद महाप्राज्ञ संशयोऽस्ति महान्मम
kathaṃ ca bhūmau saṃveśaḥ kiṃ kurvaṃti janāḥ pare | etadvada mahāprājña saṃśayo'sti mahānmama
And how (comes about) the lying down upon the ground? What do other people do? Tell this, O greatly wise one; my doubt is great.
AI translation rendered from the Sanskrit, not a published edition
PdP 6 53.11
श्रीकृष्ण उवाच - श्रूयतां राजशार्दूल कथां पापहरां पराम् । यस्याः श्रवणमात्रेण सर्वपापक्षयो भवेत्
śrīkṛṣṇa uvāca - śrūyatāṃ rājaśārdūla kathāṃ pāpaharāṃ parām | yasyāḥ śravaṇamātreṇa sarvapāpakṣayo bhavet
Śrī Kṛṣṇa said: Let the supreme, sin-removing story be heard, O tiger among kings, by the mere hearing of which there comes about the destruction of all sins.
AI translation rendered from the Sanskrit, not a published edition
PdP 6 53.12
बलिनामा पूर्वमासीद्दैत्यस्त्रेतायुगे नृप । पूजयंश्चैव मां नित्यं मद्भक्तो मत्परायणः
balināmā pūrvamāsīddaityastretāyuge nṛpa | pūjayaṃścaiva māṃ nityaṃ madbhakto matparāyaṇaḥ
Formerly, in the Tretā age, O king, there was a demon named Bali, who worshipped me constantly, devoted to me, having me as his highest aim.
AI translation rendered from the Sanskrit, not a published edition
PdP 6 53.13
यज्ञैस्तु विधिवद्दैत्यो यजते मां सनातनम् । भक्त्या च परया राजन्यज्ञकृद्व्रतकृत्तथा
yajñaistu vidhivaddaityo yajate māṃ sanātanam | bhaktyā ca parayā rājanyajñakṛdvratakṛttathā
With sacrifices, according to rule, the demon sacrificed to me, the eternal one, and with supreme devotion, O king, performing sacrifices and performing vows.
AI translation rendered from the Sanskrit, not a published edition
PdP 6 53.14
परं विचार्य बहुधा मघोना चैव सूक्तिभिः । गुरुणा दैवतैः सार्द्धं बहुधा पूजितोऽप्यहम्
paraṃ vicārya bahudhā maghonā caiva sūktibhiḥ | guruṇā daivataiḥ sārddhaṃ bahudhā pūjito'pyaham
But having deliberated much, and with fine words by Maghavan (Indra), along with the preceptor and the gods, I too was much entreated.
AI translation rendered from the Sanskrit, not a published edition — the model flagged this verse as uncertain
PdP 6 53.15
ततो वामनरूपेण अवतारे च पंचमे । अत्युग्ररूपेण तदा सर्वब्रह्मांडरूपिणा
tato vāmanarūpeṇa avatāre ca paṃcame | atyugrarūpeṇa tadā sarvabrahmāṃḍarūpiṇā
Then, in the fifth incarnation, in the form of the Dwarf — and then (I assumed) an exceedingly terrible form, having the form of the entire universe.
AI translation rendered from the Sanskrit, not a published edition
PdP 6 53.16
वाक्छलेन जिता दैत्याः सत्यमाश्रित्य संस्थितः । शुक्रस्तं वारयामास यन्नारायण इत्ययम्
vākchalena jitā daityāḥ satyamāśritya saṃsthitaḥ | śukrastaṃ vārayāmāsa yannārāyaṇa ityayam
By a trick of words the demons were conquered; (Bali) stood firm, holding to truth. Śukra tried to restrain him (saying), "This one is Nārāyaṇa!"
AI translation rendered from the Sanskrit, not a published edition
PdP 6 53.17
याचिता वसुधा राजन्सार्द्धत्रयपदी मया । संकल्पोदकमात्रे तु करे तेनैव चार्पिते
yācitā vasudhā rājansārddhatrayapadī mayā | saṃkalpodakamātre tu kare tenaiva cārpite
The earth, (measured) by three and a half steps, was requested by me, O king; and when the water of resolve alone had been placed by him into (my) hand,
AI translation rendered from the Sanskrit, not a published edition
PdP 6 53.18
रूपमीदृग्विधं राजंस्तदा शृणु मया कृतम् । भूर्लोके चरणौ न्यस्य भुवर्लोके तु जानुनी
rūpamīdṛgvidhaṃ rājaṃstadā śṛṇu mayā kṛtam | bhūrloke caraṇau nyasya bhuvarloke tu jānunī
hear, O king, what a form of this kind was then made by me: placing my feet on the earth-world and my knees on the Bhuvarloka,
AI translation rendered from the Sanskrit, not a published edition
PdP 6 53.19
स्वर्लोके च कटिं न्यस्य महर्लोके तथोदरम् । जनलोके च हृदयं तपोलोके तु कंठकम्
svarloke ca kaṭiṃ nyasya maharloke tathodaram | janaloke ca hṛdayaṃ tapoloke tu kaṃṭhakam
placing my hips on the Svarloka and my belly on the Maharloka, my heart on the Janaloka and my throat on the Tapoloka,
AI translation rendered from the Sanskrit, not a published edition
PdP 6 53.20
सत्यलोके मुखं स्थाप्य मस्तकं च तदूर्द्ध्वकम् । चंद्रसूर्यग्रहाश्चैव नक्षत्राणि तथैव च
satyaloke mukhaṃ sthāpya mastakaṃ ca tadūrddhvakam | caṃdrasūryagrahāścaiva nakṣatrāṇi tathaiva ca
setting my face on the Satyaloka and my head above that — and the moon, the sun, the planets, and likewise the constellations,
AI translation rendered from the Sanskrit, not a published edition
PdP 6 53.21
देवाः सेंद्राश्च नागाश्च यक्षगंधर्वकिन्नराः । स्तुवंतो वेदसंभूतैः सूक्तैश्च विविधैस्तथा
devāḥ seṃdrāśca nāgāśca yakṣagaṃdharvakinnarāḥ | stuvaṃto vedasaṃbhūtaiḥ sūktaiśca vividhaistathā
the gods together with Indra, the nāgas, the yakṣas, gandharvas and kinnaras, praising (me) with hymns arisen from the Vedas and with various eulogies —
AI translation rendered from the Sanskrit, not a published edition
PdP 6 53.22
करे गृहीत्वा च बलिं त्रिपदैः पूरिता मही । अर्द्धं च तस्य पृष्ठे च पदं न्यस्तं मया तदा
kare gṛhītvā ca baliṃ tripadaiḥ pūritā mahī | arddhaṃ ca tasya pṛṣṭhe ca padaṃ nyastaṃ mayā tadā
and taking Bali by the hand, the earth was filled up by (my) three steps; and the (remaining) half step was then set by me upon his back.
AI translation rendered from the Sanskrit, not a published edition
PdP 6 53.23
गतो रसातलं राजन्दानवो मम पूजकः । क्षिप्तोऽधो दानवश्चैव किमकुर्वं ततः परम्
gato rasātalaṃ rājandānavo mama pūjakaḥ | kṣipto'dho dānavaścaiva kimakurvaṃ tataḥ param
The demon, my worshipper, went to Rasātala, O king; the demon was cast down below. What did I do after that?
AI translation rendered from the Sanskrit, not a published edition
PdP 6 53.24
विनयेनानतोसौ वै सुप्रसन्नो जनार्दनः । आषाढशुक्लपक्षे तु कामिका हरिवासरः
vinayenānatosau vai suprasanno janārdanaḥ | āṣāḍhaśuklapakṣe tu kāmikā harivāsaraḥ
He bowed low with humility, and Janārdana became well pleased. In the bright fortnight of Āṣāḍha falls the Kāmikā, the day of Hari.
AI translation rendered from the Sanskrit, not a published edition
PdP 6 53.25
तस्यामेका च मूर्तिर्मे बलिमाश्रित्य तिष्ठति । द्वितीया शेषपृष्ठे वै क्षीरसागरमध्यतः
tasyāmekā ca mūrtirme balimāśritya tiṣṭhati | dvitīyā śeṣapṛṣṭhe vai kṣīrasāgaramadhyataḥ
On that (day) one form of mine remains attending upon Bali; the second (rests) on the back of Śeṣa in the midst of the ocean of milk.
AI translation rendered from the Sanskrit, not a published edition
PdP 6 53.26
स्वपित्येव महाराज यावदागामि कार्तिकी । तावद्भवेत्सुधर्मात्मा सर्वधर्मोत्तमोत्तमः
svapityeva mahārāja yāvadāgāmi kārtikī | tāvadbhavetsudharmātmā sarvadharmottamottamaḥ
(There) he sleeps, great king, until the coming Kārtika (full moon); (and) so long (as one observes it) one becomes a man of true righteousness, the best of the best in all duty.
AI translation rendered from the Sanskrit, not a published edition — the model flagged this verse as uncertain
PdP 6 53.27
व्रतं च कुरुते मर्त्यः स याति परमां गतिम् । एतस्मात्कारणाद्राजन्कर्त्तव्या च प्रयत्नतः
vrataṃ ca kurute martyaḥ sa yāti paramāṃ gatim | etasmātkāraṇādrājankarttavyā ca prayatnataḥ
And the mortal who performs the vow goes to the highest goal. For this reason, O king, it should be performed with effort.
AI translation rendered from the Sanskrit, not a published edition
PdP 6 53.28
नातः परतरा काचित्पवित्रा पापनाशिनी । यस्यां स्वपिति देवेशः शंखचक्रगदाधरः
nātaḥ paratarā kācitpavitrā pāpanāśinī | yasyāṃ svapiti deveśaḥ śaṃkhacakragadādharaḥ
There is no (eleventh day) higher than this, none so pure and destructive of sin, on which the lord of gods, bearer of conch, discus and mace, sleeps.
AI translation rendered from the Sanskrit, not a published edition
PdP 6 53.29
तस्यां च पूजयेद्देवं शंखचक्रगदाधरम् । रात्रौ जागरणं कृत्वा भक्त्या चैव विशेषतः
tasyāṃ ca pūjayeddevaṃ śaṃkhacakragadādharam | rātrau jāgaraṇaṃ kṛtvā bhaktyā caiva viśeṣataḥ
And on that (day) one should worship the god who bears the conch, discus and mace, keeping vigil at night, and (doing so) with devotion especially.
AI translation rendered from the Sanskrit, not a published edition
PdP 6 53.30
नास्याः पुण्यस्य संख्यानं कर्तुं शक्तश्चतुर्मुखः । एवं यः कुरुते राजन्नेकादश्या व्रतोत्तमम्
nāsyāḥ puṇyasya saṃkhyānaṃ kartuṃ śaktaścaturmukhaḥ | evaṃ yaḥ kurute rājannekādaśyā vratottamam
The four-faced one is not able to make a reckoning of its merit. Thus, O king, whoever performs the excellent vow of the eleventh day —
AI translation rendered from the Sanskrit, not a published edition
PdP 6 53.31
सर्वपापहरं चैव भुक्तिमुक्तिप्रदायकम् । स च लोके मम सदा श्वपचोऽपि प्रियंकरः
sarvapāpaharaṃ caiva bhuktimuktipradāyakam | sa ca loke mama sadā śvapaco'pi priyaṃkaraḥ
(the vow) which removes all sins and bestows enjoyment and liberation — he, even a dog-cooker, is always one who does what is dear to me in the world.
AI translation rendered from the Sanskrit, not a published edition
PdP 6 53.32
दीपदानेन पालाशपत्रे भुक्त्या व्रतेन च । चातुर्मास्यं नयंतीह ते नरा मम वल्लभाः
dīpadānena pālāśapatre bhuktyā vratena ca | cāturmāsyaṃ nayaṃtīha te narā mama vallabhāḥ
By the gift of a lamp, by eating on a palāśa leaf, and by the vow, those men who pass the four months (thus) here are dear to me.
AI translation rendered from the Sanskrit, not a published edition
PdP 6 53.33
चातुर्मास्ये हरौ सुप्ते भूमिशायी भवेन्नरः । श्रावणे वर्जयेच्छाकं दधि भाद्रपदे तथा
cāturmāsye harau supte bhūmiśāyī bhavennaraḥ | śrāvaṇe varjayecchākaṃ dadhi bhādrapade tathā
During the four months, while Hari sleeps, a man should sleep on the ground; in Śrāvaṇa he should give up greens, and curds in Bhādrapada;
AI translation rendered from the Sanskrit, not a published edition
PdP 6 53.34
दुग्धमाश्वयुजि त्याज्यं कार्तिके द्विदलं त्यजेत् । अथवा ब्रह्मचर्यस्थः स याति परमां गतिम्
dugdhamāśvayuji tyājyaṃ kārtike dvidalaṃ tyajet | athavā brahmacaryasthaḥ sa yāti paramāṃ gatim
in Āśvayuja milk is to be given up; in Kārtika he should give up pulses. Or else, remaining in chastity, he goes to the highest goal.
AI translation rendered from the Sanskrit, not a published edition
PdP 6 53.35
एकादश्या व्रतेनैव पुमान्पापैर्विमुच्यते । कर्तव्या सर्वदा राजन्विस्मर्तव्या न कर्हिचित्
ekādaśyā vratenaiva pumānpāpairvimucyate | kartavyā sarvadā rājanvismartavyā na karhicit
By the observance of the Eleventh alone a man is freed from his sins. It is always to be performed, O king; it must never be forgotten.
AI translation rendered from the Sanskrit, not a published edition
PdP 6 53.36
शयनी बोधिनी मध्ये या कृष्णैकादशीभवेत् । सैवोपोष्या गृहस्थस्य नान्या कृष्णा कदाचन
śayanī bodhinī madhye yā kṛṣṇaikādaśībhavet | saivopoṣyā gṛhasthasya nānyā kṛṣṇā kadācana
Whatever dark-fortnight Eleventh falls between the Śayanī and the Bodhinī — that one alone is to be fasted on by a householder, no other dark(-fortnight) Eleventh ever.
AI translation rendered from the Sanskrit, not a published edition
PdP 6 53.37
शृणुयाच्चैव यो राजन्कथां पापहरां पराम् । अश्वमेधस्य यज्ञस्य फलं प्राप्नोति मानवः
śṛṇuyāccaiva yo rājankathāṃ pāpaharāṃ parām | aśvamedhasya yajñasya phalaṃ prāpnoti mānavaḥ
And whoever, O king, should hear this supreme, sin-removing account — that man obtains the fruit of the horse sacrifice.
AI translation rendered from the Sanskrit, not a published edition