Padma Purana — Uttara Khanda — Chapter 49
PdP 6 49.1
युधिष्ठिर उवाच- वैशाख शुक्लपक्षे तु किन्नामैकादशी भवेत् । किं फलं को विधिस्तत्र कथयस्व जनार्दन
yudhiṣṭhira uvāca- vaiśākha śuklapakṣe tu kinnāmaikādaśī bhavet | kiṃ phalaṃ ko vidhistatra kathayasva janārdana
Yudhiṣṭhira said: In the bright fortnight of Vaiśākha, what is the name of the eleventh day? What is its fruit, what the procedure there? Tell (me), Janārdana.
AI translation rendered from the Sanskrit, not a published edition
PdP 6 49.2
श्रीकृष्ण उवाच- इदमेव पुरा पृष्टं रामचंद्रेण धीमता । वसिष्ठं प्रति राजेंद्र यत्त्वं मामनुपृच्छसि
śrīkṛṣṇa uvāca- idameva purā pṛṣṭaṃ rāmacaṃdreṇa dhīmatā | vasiṣṭhaṃ prati rājeṃdra yattvaṃ māmanupṛcchasi
Śrī Kṛṣṇa said: This very thing that you ask me, O lord of kings, was formerly asked of Vasiṣṭha by the wise Rāmacandra.
AI translation rendered from the Sanskrit, not a published edition
PdP 6 49.3
राम उवाच- भगवञ्छ्रोतुमिच्छामि व्रतानामुत्तमं व्रतम् । सर्वपापक्षयकरं सर्वदुःखनिकृंतनम्
rāma uvāca- bhagavañchrotumicchāmi vratānāmuttamaṃ vratam | sarvapāpakṣayakaraṃ sarvaduḥkhanikṛṃtanam
Rāma said: Blessed one, I wish to hear the best of vows, which destroys all sins and cuts off all suffering.
AI translation rendered from the Sanskrit, not a published edition
PdP 6 49.4
मया दुःखानि भुक्तानि सीताविरहजानि तु । ततोऽहं भयभीतोऽस्मि पृच्छामि त्वां महामुने
mayā duḥkhāni bhuktāni sītāvirahajāni tu | tato'haṃ bhayabhīto'smi pṛcchāmi tvāṃ mahāmune
I have suffered sorrows born of separation from Sītā; therefore I am struck with fear, and I ask you, great sage.
AI translation rendered from the Sanskrit, not a published edition
PdP 6 49.5
वसिष्ठ उवाच- साधु पृष्टं त्वया राम तवैषा नैष्ठिकी मतिः । त्वन्नामग्रहणेनैव पूतो भवति मानवः
vasiṣṭha uvāca- sādhu pṛṣṭaṃ tvayā rāma tavaiṣā naiṣṭhikī matiḥ | tvannāmagrahaṇenaiva pūto bhavati mānavaḥ
Vasiṣṭha said: Well have you asked, Rāma; this resolve of yours is steadfast. Merely by uttering your name a man becomes purified.
AI translation rendered from the Sanskrit, not a published edition
PdP 6 49.6
तथापि कथयिष्यामि लोकानां हितकाम्यया । पवित्रं पावनानां च व्रतानामुत्तमं व्रतम्
tathāpi kathayiṣyāmi lokānāṃ hitakāmyayā | pavitraṃ pāvanānāṃ ca vratānāmuttamaṃ vratam
Nevertheless I shall tell (it), out of a wish for the welfare of the worlds — the pure (vow), purifying among purifiers, the best of vows.
AI translation rendered from the Sanskrit, not a published edition
PdP 6 49.7
वैशाखस्य सिते पक्षे राम चैकादशी भवेत् । मोहिनी नाम सा प्रोक्ता सर्वपापहरापराः
vaiśākhasya site pakṣe rāma caikādaśī bhavet | mohinī nāma sā proktā sarvapāpaharāparāḥ
In the bright fortnight of Vaiśākha, Rāma, comes the eleventh day; it is called Mohinī, supreme, remover of all sins.
AI translation rendered from the Sanskrit, not a published edition
PdP 6 49.8
मोहजालात्प्रमुच्यंते पातकानां समूहतः । अस्या व्रत प्रभावेन सत्यं सत्यं वदाम्यहम्
mohajālātpramucyaṃte pātakānāṃ samūhataḥ | asyā vrata prabhāvena satyaṃ satyaṃ vadāmyaham
By the power of this vow (people) are released from the net of delusion and from the mass of their sins — truly, truly I say this.
AI translation rendered from the Sanskrit, not a published edition
PdP 6 49.9
अतः कारणतो राम कर्तव्यैषा भवादृशैः । पातकानां क्षयकरी महादुःखविनाशिनी
ataḥ kāraṇato rāma kartavyaiṣā bhavādṛśaiḥ | pātakānāṃ kṣayakarī mahāduḥkhavināśinī
For this reason, Rāma, this (vow) should be performed by such as you: it wears away sins and destroys great suffering.
AI translation rendered from the Sanskrit, not a published edition
PdP 6 49.10
शृणुष्वैकमना राम कथां पापहरां पराम् । यस्याः श्रवणमात्रेण महापापं प्रणश्यति
śṛṇuṣvaikamanā rāma kathāṃ pāpaharāṃ parām | yasyāḥ śravaṇamātreṇa mahāpāpaṃ praṇaśyati
Listen with a single mind, Rāma, to the supreme, sin-removing story, by the mere hearing of which great sin perishes.
AI translation rendered from the Sanskrit, not a published edition
PdP 6 49.11
सरस्वत्यास्तटे रम्ये पुरी भद्रावती शुभा । द्युतिमान्नाम नृपतिस्तत्र राज्यं करोति वै
sarasvatyāstaṭe ramye purī bhadrāvatī śubhā | dyutimānnāma nṛpatistatra rājyaṃ karoti vai
On the lovely bank of the Sarasvatī there was the fair city Bhadrāvatī; there a king named Dyutimān indeed exercised rule.
AI translation rendered from the Sanskrit, not a published edition
PdP 6 49.12
चंद्रवंशोद्भवो नाम धृतिमान्सत्यसंगरः । तत्र वैश्यो निवसति धनधान्यसमृद्धिमान्
caṃdravaṃśodbhavo nāma dhṛtimānsatyasaṃgaraḥ | tatra vaiśyo nivasati dhanadhānyasamṛddhimān
(He was) named Candravaṃśodbhava, steadfast, true to his agreements. There lived a merchant, abounding in wealth and grain.
AI translation rendered from the Sanskrit, not a published edition
PdP 6 49.13
धनपाल इति ख्यातः पुण्यकर्मप्रवर्त्तकः । प्रपा कूप मठाराम तडाग गृहकारकः
dhanapāla iti khyātaḥ puṇyakarmapravarttakaḥ | prapā kūpa maṭhārāma taḍāga gṛhakārakaḥ
He was known as Dhanapāla, a promoter of meritorious deeds, a builder of water-booths, wells, monasteries, gardens, tanks, and houses.
AI translation rendered from the Sanskrit, not a published edition
PdP 6 49.14
विष्णुभक्तिरतः शांतस्तस्यासन्पंचपुत्रकाः । सुमना द्युतिमांश्चैव मेधावी सुकृतस्तथा
viṣṇubhaktirataḥ śāṃtastasyāsanpaṃcaputrakāḥ | sumanā dyutimāṃścaiva medhāvī sukṛtastathā
Devoted to the worship of Viṣṇu, calm — he had five sons: Sumanas, Dyutimān, Medhāvī, and Sukṛta,
AI translation rendered from the Sanskrit, not a published edition
PdP 6 49.15
पंचमो धृष्टबुद्धिश्च महापापरतः सदा । परस्त्रीसंगनिरतो विटगोष्ठी विशारदः
paṃcamo dhṛṣṭabuddhiśca mahāpāparataḥ sadā | parastrīsaṃganirato viṭagoṣṭhī viśāradaḥ
and the fifth was Dhṛṣṭabuddhi, always given to great sins, addicted to consorting with other men's wives, expert in the company of rakes.
AI translation rendered from the Sanskrit, not a published edition
PdP 6 49.16
द्यूतादि व्यसनासक्तः परस्त्री रतिलालसः । न च देवार्चने बुद्धिर्नपितॄन्न द्विजान्प्रति
dyūtādi vyasanāsaktaḥ parastrī ratilālasaḥ | na ca devārcane buddhirnapitṝnna dvijānprati
Attached to vices such as gambling, greedy for pleasure with others' wives; and he had no mind for worship of the gods, nor for the ancestors, nor toward brahmins.
AI translation rendered from the Sanskrit, not a published edition
PdP 6 49.17
अन्यायवर्ती दुष्टात्मा पितुर्द्रव्यक्षयंकरः । अभक्ष्यभक्षकः पापी सुरापाने रतः सदा
anyāyavartī duṣṭātmā piturdravyakṣayaṃkaraḥ | abhakṣyabhakṣakaḥ pāpī surāpāne rataḥ sadā
Acting unjustly, evil-souled, causing the loss of his father's property, an eater of forbidden food, a sinner, always given to drinking liquor.
AI translation rendered from the Sanskrit, not a published edition
PdP 6 49.18
वेश्याकंठे क्षिप्तबाहुर्भ्रमन्दुष्टश्चतुष्पथे । पित्रा निष्कासितो गेहात्परित्यक्तश्च बांधवैः
veśyākaṃṭhe kṣiptabāhurbhramanduṣṭaścatuṣpathe | pitrā niṣkāsito gehātparityaktaśca bāṃdhavaiḥ
With his arm thrown around a harlot's neck, the wicked man roamed at the crossroads; he was driven out of the house by his father and abandoned by his kinsmen.
AI translation rendered from the Sanskrit, not a published edition
PdP 6 49.19
स्वदेहभूषणान्येव क्षयं नीतानि तेन वै । गणिकाभिः परित्यक्तो निंदितश्च धनक्षयात्
svadehabhūṣaṇānyeva kṣayaṃ nītāni tena vai | gaṇikābhiḥ parityakto niṃditaśca dhanakṣayāt
Even the ornaments of his own body were brought to ruin by him; he was abandoned by the courtesans and reviled, because his wealth was gone.
AI translation rendered from the Sanskrit, not a published edition
PdP 6 49.20
ततश्चिंतापरो जातो वस्त्रहीनः क्षुधार्दितः । किं करोमि क्वगच्छामि केनोपायेन जीव्यते
tataściṃtāparo jāto vastrahīnaḥ kṣudhārditaḥ | kiṃ karomi kvagacchāmi kenopāyena jīvyate
Then he became full of anxiety, without clothes, tormented by hunger: "What shall I do? Where shall I go? By what means is one to live?"
AI translation rendered from the Sanskrit, not a published edition
PdP 6 49.21
तस्करत्वं समारब्धं तत्रैव नगरे पितुः । गृहीतो राजपुरुषैर्मुक्तश्च पितृगौरवात्
taskaratvaṃ samārabdhaṃ tatraiva nagare pituḥ | gṛhīto rājapuruṣairmuktaśca pitṛgauravāt
He took up thievery in that very city of his father's; he was seized by the king's men and released out of respect for his father.
AI translation rendered from the Sanskrit, not a published edition
PdP 6 49.22
पुनर्बद्धः पुनस्त्यक्तः पुनर्बद्धः ससंभ्रमैः । धृष्टबुद्धिर्दुराचारो निबध्य निगडै र्दृढैः
punarbaddhaḥ punastyaktaḥ punarbaddhaḥ sasaṃbhramaiḥ | dhṛṣṭabuddhirdurācāro nibadhya nigaḍai rdṛḍhaiḥ
Again bound, again released, again bound by the agitated (guards) — the ill-behaved Dhṛṣṭabuddhi, having been fettered with strong chains,
AI translation rendered from the Sanskrit, not a published edition
PdP 6 49.23
कशाघातैस्ताडितश्च पीडितश्च पुनः पुनः । न स्थातव्यं हि मंदात्मंस्त्वया मद्देशगोचरे
kaśāghātaistāḍitaśca pīḍitaśca punaḥ punaḥ | na sthātavyaṃ hi maṃdātmaṃstvayā maddeśagocare
was beaten with lashes of the whip and tormented again and again: "You must not stay, you dull-witted man, within the range of my realm."
AI translation rendered from the Sanskrit, not a published edition
PdP 6 49.24
एवमुक्त्वा ततो राज्ञा मोचितो दृढबंधनात् । निर्जगाम भयात्तस्य गतोऽसौ गहनं वनम्
evamuktvā tato rājñā mocito dṛḍhabaṃdhanāt | nirjagāma bhayāttasya gato'sau gahanaṃ vanam
Having spoken thus, he was then released by the king from the tight bonds; out of fear of him he went away, and he went to a dense forest.
AI translation rendered from the Sanskrit, not a published edition
PdP 6 49.25
क्षुत्तृषापीडितश्चायमितश्चेतश्च धावति । सिंहवन्निजघानासौ मृग शूकर चित्रलान्
kṣuttṛṣāpīḍitaścāyamitaścetaśca dhāvati | siṃhavannijaghānāsau mṛga śūkara citralān
Afflicted by hunger and thirst, he runs here and there; like a lion he killed deer, boars, and spotted beasts.
AI translation rendered from the Sanskrit, not a published edition
PdP 6 49.26
आमिषाहार निरतो वने तिष्ठति सर्वदा । करे शरासनं कृत्वा निषंगं पृष्ठ संगतम्
āmiṣāhāra nirato vane tiṣṭhati sarvadā | kare śarāsanaṃ kṛtvā niṣaṃgaṃ pṛṣṭha saṃgatam
Devoted to eating flesh, he dwells always in the forest, having taken a bow in his hand and a quiver slung on his back.
AI translation rendered from the Sanskrit, not a published edition
PdP 6 49.27
अरण्यचारिणो हंति पक्षिणश्च पदाचरन् । चकोरांश्च मयूरांश्च कंक तित्तिर मूषिकान्
araṇyacāriṇo haṃti pakṣiṇaśca padācaran | cakorāṃśca mayūrāṃśca kaṃka tittira mūṣikān
Going on foot he kills the forest-dwelling creatures and the birds — cakoras and peacocks, herons, partridges, and mice.
AI translation rendered from the Sanskrit, not a published edition
PdP 6 49.28
एतानन्यान्हिनस्त्यंधो धृष्टबुद्धिस्तु निर्घृणः । पूर्वजन्मकृतैः पापैर्निमग्नः पापकर्दमे
etānanyānhinastyaṃdho dhṛṣṭabuddhistu nirghṛṇaḥ | pūrvajanmakṛtaiḥ pāpairnimagnaḥ pāpakardame
These and others the blind, pitiless Dhṛṣṭabuddhi kills, sunk in the mire of sin through the sins committed in former births.
AI translation rendered from the Sanskrit, not a published edition
PdP 6 49.29
दुःखशोकसमाविष्टः पीड्यमानो दिवानिशम् । कौंडिन्यस्याश्रमपदं प्राप्तः पुण्यागमात्क्वचित्
duḥkhaśokasamāviṣṭaḥ pīḍyamāno divāniśam | kauṃḍinyasyāśramapadaṃ prāptaḥ puṇyāgamātkvacit
Overcome by pain and grief, tormented day and night, he came at some point, by the arrival of merit, to the hermitage of Kauṇḍinya.
AI translation rendered from the Sanskrit, not a published edition
PdP 6 49.30
माधवे मासि जाह्नव्याः कृतस्नानं तपोधनम् । आससाद धृष्टबुद्धिः शोकभारेण पीडितः
mādhave māsi jāhnavyāḥ kṛtasnānaṃ tapodhanam | āsasāda dhṛṣṭabuddhiḥ śokabhāreṇa pīḍitaḥ
In the month of Mādhava, Dhṛṣṭabuddhi, oppressed by the weight of grief, approached the ascetic who had bathed in the Ganges.
AI translation rendered from the Sanskrit, not a published edition
PdP 6 49.31
तद्वस्त्रबिंदुस्पर्शेन गतपापो हताशुभः । कौंडिन्यस्याग्रतः स्थित्वा प्रत्युवाच कृतांजलि
tadvastrabiṃdusparśena gatapāpo hatāśubhaḥ | kauṃḍinyasyāgrataḥ sthitvā pratyuvāca kṛtāṃjali
By the touch of a drop (of water) from his garment, his sin was gone and his evil destroyed; standing before Kauṇḍinya, with palms joined, he spoke in reply:
AI translation rendered from the Sanskrit, not a published edition
PdP 6 49.32
धृष्टबुद्धिरुवाच- भो भो ब्रह्मन्द्विजश्रेष्ठ दयां कृत्वा ममोपरि । येन पुण्यप्रभावेन मुक्तिर्भवति तद्वद
dhṛṣṭabuddhiruvāca- bho bho brahmandvijaśreṣṭha dayāṃ kṛtvā mamopari | yena puṇyaprabhāvena muktirbhavati tadvada
Dhṛṣṭabuddhi said: Ho, ho, brahmin, best of the twice-born, show mercy upon me: tell (me) by the power of what merit release comes about.
AI translation rendered from the Sanskrit, not a published edition
PdP 6 49.33
कौंडिन्य उवाच- शृणुष्वैकमनाभूत्वा येन पापक्षयस्तव । वैशाखस्य सिते पक्षे मोहिनी नाम विश्रुता
kauṃḍinya uvāca- śṛṇuṣvaikamanābhūtvā yena pāpakṣayastava | vaiśākhasya site pakṣe mohinī nāma viśrutā
Kauṇḍinya said: Listen with a single mind (to that) by which your sin will be destroyed. In the bright fortnight of Vaiśākha (the eleventh) is renowned by the name Mohinī.
AI translation rendered from the Sanskrit, not a published edition
PdP 6 49.34
एकादशीव्रतं तस्याः कुरु मद्वाक्यनोदितः । मेरुतुल्यानि पापानि क्षयं गच्छंति देहिनाम्
ekādaśīvrataṃ tasyāḥ kuru madvākyanoditaḥ | merutulyāni pāpāni kṣayaṃ gacchaṃti dehinām
Prompted by my word, perform the eleventh-day vow of that (fortnight). Sins equal to Meru go to destruction for embodied beings.
AI translation rendered from the Sanskrit, not a published edition
PdP 6 49.35
बहुजन्मार्जितान्येषा मोहिनी समुपोषिता । इति वाक्यं मुनेः श्रुत्वा धृष्टबुद्धिः प्रसन्नधीः
bahujanmārjitānyeṣā mohinī samupoṣitā | iti vākyaṃ muneḥ śrutvā dhṛṣṭabuddhiḥ prasannadhīḥ
When this Mohinī (eleventh) has been duly fasted upon, (sins) amassed over many births (are destroyed). Hearing this speech of the sage, Dhṛṣṭabuddhi, his mind grown clear,
AI translation rendered from the Sanskrit, not a published edition
PdP 6 49.36
व्रतं चकार विधिवत्कौंडिन्यस्योपदेशतः । कृते व्रते नृपश्रेष्ठ गतपापो बभूव सः
vrataṃ cakāra vidhivatkauṃḍinyasyopadeśataḥ | kṛte vrate nṛpaśreṣṭha gatapāpo babhūva saḥ
performed the vow according to rule, by Kauṇḍinya's instruction; and when the vow was done, O best of kings, he became free of sin.
AI translation rendered from the Sanskrit, not a published edition
PdP 6 49.37
दिव्यदेहस्ततो भूत्वा गरुडोपरिसंस्थितः । जगाम वैष्णवं लोकं सर्वोपद्रव वर्जितम्
divyadehastato bhūtvā garuḍoparisaṃsthitaḥ | jagāma vaiṣṇavaṃ lokaṃ sarvopadrava varjitam
Then, having become possessed of a divine body, seated upon Garuḍa, he went to the world of Viṣṇu, free from all afflictions.
AI translation rendered from the Sanskrit, not a published edition
PdP 6 49.38
इतीदृशं रामचंद्र उत्तमं मोहिनी व्रतम् । नातः परतरं किंचित्त्रैलोक्ये सचराचरे
itīdṛśaṃ rāmacaṃdra uttamaṃ mohinī vratam | nātaḥ parataraṃ kiṃcittrailokye sacarācare
Such, Rāmacandra, is the excellent Mohinī vow; there is nothing higher than this in the three worlds with their moving and unmoving (beings).
AI translation rendered from the Sanskrit, not a published edition
PdP 6 49.39
यज्ञादितीर्थदानानि कलां नार्हंति षोडशीम् । पठनाच्छ्रवणाद्राजन्गोसहस्र फलं लभेत्
yajñāditīrthadānāni kalāṃ nārhaṃti ṣoḍaśīm | paṭhanācchravaṇādrājangosahasra phalaṃ labhet
Sacrifices and the rest, and pilgrimages and gifts, do not amount to a sixteenth part (of it). By reciting or hearing (it), O king, one obtains the fruit of (giving) a thousand cows.
AI translation rendered from the Sanskrit, not a published edition