Padma Purana — Uttara Khanda — Chapter 48
PdP 6 48.1
युधिष्ठिर उवाच- वैशाखस्यासिते पक्षे किंनामैकादशी भवेत् । महिमानं कथय मे वासुदेव नमोऽस्तु ते
yudhiṣṭhira uvāca- vaiśākhasyāsite pakṣe kiṃnāmaikādaśī bhavet | mahimānaṃ kathaya me vāsudeva namo'stu te
Yudhiṣṭhira said: In the dark fortnight of Vaiśākha, what is the name of the eleventh day? Tell me its greatness, O Vāsudeva; homage be to you.
AI translation rendered from the Sanskrit, not a published edition
PdP 6 48.2
श्रीकृष्ण उवाच- सौभाग्यदायिनी राजन्निहलोके परत्र च । वैशाखकृष्णपक्षे तु नाम्ना चैव वरूथिनी
śrīkṛṣṇa uvāca- saubhāgyadāyinī rājannihaloke paratra ca | vaiśākhakṛṣṇapakṣe tu nāmnā caiva varūthinī
Śrī Kṛṣṇa said: O king, it is a giver of good fortune, in this world and in the next; in the dark fortnight of Vaiśākha it is called Varūthinī by name.
AI translation rendered from the Sanskrit, not a published edition
PdP 6 48.3
वरूथिन्या व्रतेनैव सौख्यं भवति सर्वदा । पापहानिश्च भवति सौभाग्यप्राप्तिरेव च
varūthinyā vratenaiva saukhyaṃ bhavati sarvadā | pāpahāniśca bhavati saubhāgyaprāptireva ca
By the observance of the Varūthinī alone happiness comes about always; and there is destruction of sin, and the gaining of good fortune as well.
AI translation rendered from the Sanskrit, not a published edition
PdP 6 48.4
दुर्भगा या करोत्येनां सा स्त्री सौभाग्यमाप्नुयात् । लोकानां चैव सर्वेषां भुक्तिमुक्तिप्रदायिनी
durbhagā yā karotyenāṃ sā strī saubhāgyamāpnuyāt | lokānāṃ caiva sarveṣāṃ bhuktimuktipradāyinī
An unfortunate woman who performs it—that woman would attain good fortune; and for all people it bestows enjoyment and liberation.
AI translation rendered from the Sanskrit, not a published edition
PdP 6 48.5
सर्वपापहरा नॄणां गर्भवासनिकृंतनी । वरूथिन्या व्रतेनैव मांधाता स्वर्गतिं गतः
sarvapāpaharā nṝṇāṃ garbhavāsanikṛṃtanī | varūthinyā vratenaiva māṃdhātā svargatiṃ gataḥ
It removes all the sins of men and cuts off dwelling in the womb; by the observance of the Varūthinī alone Māndhātā went to heaven.
AI translation rendered from the Sanskrit, not a published edition
PdP 6 48.6
धुंधुमारादयश्चान्ये राजानो बहवस्तथा । ब्रह्मकपालनिर्मुक्तो बभूव भगवान्भवः
dhuṃdhumārādayaścānye rājāno bahavastathā | brahmakapālanirmukto babhūva bhagavānbhavaḥ
And others too, Dhundhumāra and many other kings likewise; and the lord Bhava became freed from Brahmā's skull.
AI translation rendered from the Sanskrit, not a published edition
PdP 6 48.7
दशवर्षसहस्राणि तपस्तप्यति यो नरः । कुरुक्षेत्रे रविग्रहे स्वर्णभारं ददाति यः । तत्तुल्यंफलमाप्नोतिवरूथिन्याव्रतंचरन्
daśavarṣasahasrāṇi tapastapyati yo naraḥ | kurukṣetre ravigrahe svarṇabhāraṃ dadāti yaḥ | tattulyaṃphalamāpnotivarūthinyāvrataṃcaran
The man who practises austerity for ten thousand years, and he who gives a load of gold at Kurukṣetra during an eclipse of the sun—one who performs the Varūthinī observance obtains a fruit equal to that.
AI translation rendered from the Sanskrit, not a published edition
PdP 6 48.8
श्रद्धावान्यस्तु कुरुते वरूथिन्या व्रतं नरः । वांछितं लभते सोऽपि इहलोके परत्र च
śraddhāvānyastu kurute varūthinyā vrataṃ naraḥ | vāṃchitaṃ labhate so'pi ihaloke paratra ca
And the man who, full of faith, performs the observance of the Varūthinī, he too obtains what he desires, in this world and in the next.
AI translation rendered from the Sanskrit, not a published edition
PdP 6 48.9
पवित्रा पावनी ह्येषा महापातकनाशिनी । भुक्तिमुक्तिप्रदा चैव कर्तॄणां नृपसत्तम
pavitrā pāvanī hyeṣā mahāpātakanāśinī | bhuktimuktipradā caiva kartṝṇāṃ nṛpasattama
For this (eleventh day) is pure and purifying, destroying the great sins, and it bestows enjoyment and liberation on those who perform it, O best of kings.
AI translation rendered from the Sanskrit, not a published edition
PdP 6 48.10
अश्वदानान्नृपश्रेष्ठ गजदानं विशिष्यते । गजदानाद्भूमिदानं तिलदानं ततोऽधिकम्
aśvadānānnṛpaśreṣṭha gajadānaṃ viśiṣyate | gajadānādbhūmidānaṃ tiladānaṃ tato'dhikam
Better than the gift of a horse, O best of kings, is the gift of an elephant; higher than the gift of an elephant is the gift of land, and higher than that the gift of sesame.
AI translation rendered from the Sanskrit, not a published edition
PdP 6 48.11
तस्माच्च स्वर्णदानं वै अन्नदानं ततोऽधिकम् । अन्नदानात्परं दानं न भूतं न भविष्यति
tasmācca svarṇadānaṃ vai annadānaṃ tato'dhikam | annadānātparaṃ dānaṃ na bhūtaṃ na bhaviṣyati
And higher than that is the gift of gold; higher than that is the gift of food. Than the gift of food there has been and there will be no higher gift.
AI translation rendered from the Sanskrit, not a published edition
PdP 6 48.12
पितृदेवमनुष्याणां तृप्तिरन्नेन जायते । तत्समं कविभिः प्रोक्तं कन्यादानं नृपोत्तम
pitṛdevamanuṣyāṇāṃ tṛptirannena jāyate | tatsamaṃ kavibhiḥ proktaṃ kanyādānaṃ nṛpottama
By food satisfaction arises for the fathers, the gods, and men. Equal to that, O best of kings, the wise have declared the giving of a daughter (in marriage) to be.
AI translation rendered from the Sanskrit, not a published edition
PdP 6 48.13
धेनुदानं च तत्तुल्यमित्याह भगवान्स्वयम् । प्रोक्तेभ्यः सर्वदानेभ्यो विद्यादानं विशिष्यते
dhenudānaṃ ca tattulyamityāha bhagavānsvayam | proktebhyaḥ sarvadānebhyo vidyādānaṃ viśiṣyate
And the Lord himself has said that the gift of a cow is equal to that. Among all the gifts mentioned, the gift of knowledge is the highest.
AI translation rendered from the Sanskrit, not a published edition
PdP 6 48.14
तत्फलं समवाप्नोति नरः कृत्वा वरूथिनीम् । कन्यावित्तेन जीवंति ये नराः पापमोहिताः
tatphalaṃ samavāpnoti naraḥ kṛtvā varūthinīm | kanyāvittena jīvaṃti ye narāḥ pāpamohitāḥ
A man obtains that fruit by performing the Varūthinī. Those men, deluded by sin, who live off money got for a daughter—
AI translation rendered from the Sanskrit, not a published edition
PdP 6 48.15
पुण्यक्षयं ते गच्छंति निरयं यातनामयम् । तस्मात्सर्वप्रयत्नेन न ग्राह्यं कन्यकाधनम्
puṇyakṣayaṃ te gacchaṃti nirayaṃ yātanāmayam | tasmātsarvaprayatnena na grāhyaṃ kanyakādhanam
—they go to the loss of their merit, and to a hell full of torments. Therefore by every effort money for a girl is not to be taken.
AI translation rendered from the Sanskrit, not a published edition
PdP 6 48.16
यश्च गृह्णाति लोभेन कन्यां क्रीत्वा च तद्धनम् । सोऽन्यजन्मनि राजेंद्र ओतुर्भवति निश्चितम्
yaśca gṛhṇāti lobhena kanyāṃ krītvā ca taddhanam | so'nyajanmani rājeṃdra oturbhavati niścitam
And he who out of greed takes that money, selling a girl—he, O lord of kings, becomes in another birth a cat, assuredly.
AI translation rendered from the Sanskrit, not a published edition — the model flagged this verse as uncertain
PdP 6 48.17
कन्यां पुण्येन यो दद्याद्यथाशक्ति स्वलंकृताम् । तत्पुण्यसंख्यां नृपते चित्रगुप्तो न शक्नुयात्
kanyāṃ puṇyena yo dadyādyathāśakti svalaṃkṛtām | tatpuṇyasaṃkhyāṃ nṛpate citragupto na śaknuyāt
But whoever, out of merit, gives away a maiden well adorned according to his means — the measure of that merit, O king, not even Citragupta could reckon.
AI translation rendered from the Sanskrit, not a published edition
PdP 6 48.18
तत्तुल्यं फलमाप्नोति नरः कृत्वा वरूथिनीम् । कांस्यं मांसं मसूरांश्च चणकान्कोद्रवांस्तथा
tattulyaṃ phalamāpnoti naraḥ kṛtvā varūthinīm | kāṃsyaṃ māṃsaṃ masūrāṃśca caṇakānkodravāṃstathā
A man obtains a reward equal to that by performing the Varūthinī (fast). Bronze vessels, meat, lentils, chickpeas, and kodrava grain,
AI translation rendered from the Sanskrit, not a published edition
PdP 6 48.19
शाकं मधु परान्नं च पुनर्भोजन मैथुने । वैष्णवो व्रतकर्ता च दशम्यां दश वर्जयेत्
śākaṃ madhu parānnaṃ ca punarbhojana maithune | vaiṣṇavo vratakartā ca daśamyāṃ daśa varjayet
greens, honey, another's food, eating a second time, and sexual intercourse — a Vaiṣṇava who undertakes the vow should avoid these ten on the tenth (day).
AI translation rendered from the Sanskrit, not a published edition
PdP 6 48.20
द्यूतं क्रीडां च निद्रां च तांबूलं दंतधावनम् । परापवादं पैशुन्यं स्तेयं हिंसां तथा रतिम्
dyūtaṃ krīḍāṃ ca nidrāṃ ca tāṃbūlaṃ daṃtadhāvanam | parāpavādaṃ paiśunyaṃ steyaṃ hiṃsāṃ tathā ratim
Gambling, play, sleep, betel, cleaning the teeth, slandering others, malicious talk, theft, injury, and likewise sexual pleasure,
AI translation rendered from the Sanskrit, not a published edition
PdP 6 48.21
क्रोधं चैवानृतं वाक्यमेकादश्यां विवर्जयेत् । कांस्यं मांसं सुरां क्षौद्रं तैलं पतितभाषणम्
krodhaṃ caivānṛtaṃ vākyamekādaśyāṃ vivarjayet | kāṃsyaṃ māṃsaṃ surāṃ kṣaudraṃ tailaṃ patitabhāṣaṇam
anger, and false speech — these he should avoid on the eleventh. Bronze vessels, meat, liquor, honey, oil, conversation with an outcaste,
AI translation rendered from the Sanskrit, not a published edition
PdP 6 48.22
व्यायामं च प्रवासं च पुनर्भोजनमैथुनम् । वृषपृष्ठं मसूरान्नं द्वादश्यां परिवर्जयेत्
vyāyāmaṃ ca pravāsaṃ ca punarbhojanamaithunam | vṛṣapṛṣṭhaṃ masūrānnaṃ dvādaśyāṃ parivarjayet
exercise, travel, eating a second time and intercourse, riding on the back of a bull, and food of lentils — these he should avoid on the twelfth.
AI translation rendered from the Sanskrit, not a published edition
PdP 6 48.23
अनेन विधिना राजन्विहिता यैर्वरूथिनी । सर्वपापक्षयं कृत्वा दद्यात्प्रांतेऽक्षयां गतिम् । रात्रौ जागरणं कृत्वा पूजितो मधुसूदनः
anena vidhinā rājanvihitā yairvarūthinī | sarvapāpakṣayaṃ kṛtvā dadyātprāṃte'kṣayāṃ gatim | rātrau jāgaraṇaṃ kṛtvā pūjito madhusūdanaḥ
By those who have performed the Varūthinī by this rule, O king, it destroys all sins and at the end grants an imperishable state; and by keeping the night-vigil at night, Madhusūdana is worshipped.
AI translation rendered from the Sanskrit, not a published edition
PdP 6 48.24
सर्वपापविनिर्मुक्तास्ते यांति परमां गतिम् । तस्मात्सर्वप्रयत्नेन कर्तव्या पापभीरुभिः
sarvapāpavinirmuktāste yāṃti paramāṃ gatim | tasmātsarvaprayatnena kartavyā pāpabhīrubhiḥ
Freed from all sins, they go to the highest state. Therefore it should be performed with every effort by those who fear sin.
AI translation rendered from the Sanskrit, not a published edition
PdP 6 48.25
क्षपारितनयाद्भीतो नरः कुर्याद्वरूथिनीम् । पठनाच्छ्रवणाद्राजन्गोसहस्रफलं लभेत् । सर्वपापविनिर्मुक्तो विष्णुलोके महीयते
kṣapāritanayādbhīto naraḥ kuryādvarūthinīm | paṭhanācchravaṇādrājangosahasraphalaṃ labhet | sarvapāpavinirmukto viṣṇuloke mahīyate
A man who fears the son of Kṣapā (Yama?) should perform the Varūthinī; from reciting or hearing (of it), O king, he obtains the fruit of (giving) a thousand cows; freed from all sins he is honoured in Viṣṇu's world.
AI translation rendered from the Sanskrit, not a published edition — the model flagged this verse as uncertain