Padma Purana — Uttara Khanda — Chapter 46
PdP 6 46.1
युधिष्ठिर उवाच- फाल्गुनस्य सिते पक्षे श्रुता चामलकी तथा । चैत्रस्य कृष्णपक्षे तु किं नामैकादशी भवेत्
yudhiṣṭhira uvāca- phālgunasya site pakṣe śrutā cāmalakī tathā | caitrasya kṛṣṇapakṣe tu kiṃ nāmaikādaśī bhavet
Yudhiṣṭhira said: In the bright fortnight of Phālguna, the Āmalakī (eleventh) has (now) been heard of; but in the dark fortnight of Caitra, what is the eleventh called?
AI translation rendered from the Sanskrit, not a published edition
PdP 6 46.2
श्रीकृष्ण उवाच- शृणु राजेंद्र वक्ष्यामि आख्यानं पापनाशनम् । यल्लोमशोऽब्रवीत्पृष्टो मांधात्रा चक्रवर्तिना
śrīkṛṣṇa uvāca- śṛṇu rājeṃdra vakṣyāmi ākhyānaṃ pāpanāśanam | yallomaśo'bravītpṛṣṭo māṃdhātrā cakravartinā
Śrī Kṛṣṇa said: Listen, best of kings, I shall tell the tale that destroys sin, which Lomaśa spoke when asked by the universal emperor Māndhātā.
AI translation rendered from the Sanskrit, not a published edition
PdP 6 46.3
मांधातोवाच - भगवन्श्रोतुमिच्छामि लोकानां हितकाम्यया । चैत्रस्य प्रथमे पक्षे का नामैकादशी भवेत् । को विधिः किं फलं तस्याः कथयस्व प्रसादतः
māṃdhātovāca - bhagavanśrotumicchāmi lokānāṃ hitakāmyayā | caitrasya prathame pakṣe kā nāmaikādaśī bhavet | ko vidhiḥ kiṃ phalaṃ tasyāḥ kathayasva prasādataḥ
Māndhātā said: Reverend one, I wish to hear, out of a desire for the welfare of the worlds: in the first fortnight of Caitra, what is the eleventh called? What is its procedure, what its fruit? Tell (me), of your grace.
AI translation rendered from the Sanskrit, not a published edition
PdP 6 46.4
लोमश उवाच- चैत्रमास्यसिते पक्षे नाम्ना वै पापमोचनी । एकादशी समाख्याता पिशाचत्वविनाशिनी
lomaśa uvāca- caitramāsyasite pakṣe nāmnā vai pāpamocanī | ekādaśī samākhyātā piśācatvavināśinī
Lomaśa said: In the bright fortnight of the month of Caitra the eleventh is declared, by name, Pāpamocanī ("sin-releasing"), destroying the state of being a piśāca.
AI translation rendered from the Sanskrit, not a published edition
PdP 6 46.5
शृणु तस्याः प्रवक्ष्यामि कामदां सिद्धिदां नृप । कथां विचित्रां शुभदां पापघ्नीं धर्मदायिनीम्
śṛṇu tasyāḥ pravakṣyāmi kāmadāṃ siddhidāṃ nṛpa | kathāṃ vicitrāṃ śubhadāṃ pāpaghnīṃ dharmadāyinīm
Listen, O king, I will proclaim of that (day) the wish-granting, success-granting, wondrous story, which bestows welfare, destroys sin and confers merit.
AI translation rendered from the Sanskrit, not a published edition
PdP 6 46.6
पुरा चैत्ररथोद्देशे अप्सरोगणसेविते । वसंतसमये प्राप्ते षट्पदाकुलिते वने
purā caitrarathoddeśe apsarogaṇasevite | vasaṃtasamaye prāpte ṣaṭpadākulite vane
Long ago, in the region of Caitraratha, frequented by hosts of apsarases, when springtime had come, in the wood thronged with bees—
AI translation rendered from the Sanskrit, not a published edition
PdP 6 46.7
गंधर्वकन्यावादित्रै रमंति सह किंनरैः । पाकशासनमुख्याश्च क्रीडांते त्रिदिवौकसः
gaṃdharvakanyāvāditrai ramaṃti saha kiṃnaraiḥ | pākaśāsanamukhyāśca krīḍāṃte tridivaukasaḥ
gandharva maidens with their instruments take pleasure together with kinnaras, and the dwellers of heaven, headed by the chastiser of Pāka (Indra), play there.
AI translation rendered from the Sanskrit, not a published edition
PdP 6 46.8
नापरं सुखदं किंचिद्विना चैत्ररथाद्वनम् । तस्मिन्वने तु मुनयस्तपंति बहुलं तपः
nāparaṃ sukhadaṃ kiṃcidvinā caitrarathādvanam | tasminvane tu munayastapaṃti bahulaṃ tapaḥ
There is nothing else that gives such delight as the Caitraratha wood; and in that wood sages perform abundant austerity.
AI translation rendered from the Sanskrit, not a published edition
PdP 6 46.9
मेधावि नामानमृषिं तत्रस्थं ब्रह्मचारिणम् । अप्सरास्तं मुनिवरं मोहनायोपचक्रमे
medhāvi nāmānamṛṣiṃ tatrasthaṃ brahmacāriṇam | apsarāstaṃ munivaraṃ mohanāyopacakrame
A sage named Medhāvī, a celibate, was staying there; an apsaras set about deluding that best of sages.
AI translation rendered from the Sanskrit, not a published edition
PdP 6 46.10
मंजुघोषेति विख्याता भावं तस्य वितन्वती । क्रोशमात्रं स्थिता तस्य भयादाश्रमसन्निधौ
maṃjughoṣeti vikhyātā bhāvaṃ tasya vitanvatī | krośamātraṃ sthitā tasya bhayādāśramasannidhau
She, renowned as Mañjughoṣā, spreading out (her) desire for him, stood at a distance of only a krośa from the vicinity of his hermitage, out of fear.
AI translation rendered from the Sanskrit, not a published edition
PdP 6 46.11
गायंती मधुरं साधु पीडयंती विपंचिकाम् । गायंतीं तामथालोक्य पुष्पचंदनसेविताम्
gāyaṃtī madhuraṃ sādhu pīḍayaṃtī vipaṃcikām | gāyaṃtīṃ tāmathālokya puṣpacaṃdanasevitām
singing sweetly and well, plucking her lute. Then, seeing her singing, anointed with flowers and sandal—
AI translation rendered from the Sanskrit, not a published edition
PdP 6 46.12
कामोऽपि विजयाकांक्षी शिवभक्तान्मुनीश्वरान् । तस्याः शरीरे संवासमकरोन्मनसः सुतः
kāmo'pi vijayākāṃkṣī śivabhaktānmunīśvarān | tasyāḥ śarīre saṃvāsamakaronmanasaḥ sutaḥ
Kāma too, the son of the mind, wishing for victory over the lords of sages who are devotees of Śiva, took up his dwelling in her body.
AI translation rendered from the Sanskrit, not a published edition
PdP 6 46.13
कृत्वा भ्रुवौ धनुष्कोटिं गुणं कृत्वा कटाक्षकम् । मार्गणौ नयने कृत्वा पक्ष्मयुक्ते यथाक्रमम्
kṛtvā bhruvau dhanuṣkoṭiṃ guṇaṃ kṛtvā kaṭākṣakam | mārgaṇau nayane kṛtvā pakṣmayukte yathākramam
making her two brows the tip of a bow, making her sidelong glance the bowstring, and making her two lash-fringed eyes the arrows, in order,
AI translation rendered from the Sanskrit, not a published edition
PdP 6 46.14
कुचौ कृत्वा पटकुटीं विजयायोपचक्रमे । मंजुघोषाभवत्तस्य कामस्यैव वरूथिनी
kucau kṛtvā paṭakuṭīṃ vijayāyopacakrame | maṃjughoṣābhavattasya kāmasyaiva varūthinī
and making her breasts the cloth tent, he set about (his) conquest; Mañjughoṣā became the very army of that Kāma.
AI translation rendered from the Sanskrit, not a published edition
PdP 6 46.15
मेधाविनं मुनिं दृष्ट्वा सापि कामेन पीडिता । यौवनोद्भिन्नदेहोऽसौ मेधाव्यपि विराजते
medhāvinaṃ muniṃ dṛṣṭvā sāpi kāmena pīḍitā | yauvanodbhinnadeho'sau medhāvyapi virājate
She too, on seeing the sage Medhāvī, was afflicted by desire; and Medhāvī also shone forth, his body burst into full youth.
AI translation rendered from the Sanskrit, not a published edition
PdP 6 46.16
सितोपवीतसहितो दृष्टः स्मर इवापरः । मेधावी वसते चासौ च्यवनस्याश्रमे शुभे
sitopavītasahito dṛṣṭaḥ smara ivāparaḥ | medhāvī vasate cāsau cyavanasyāśrame śubhe
Wearing a white sacred thread, he looked like a second Kāma; and this Medhāvī dwelt in the auspicious hermitage of Cyavana.
AI translation rendered from the Sanskrit, not a published edition
PdP 6 46.17
मंजुघोषा स्थितं तत्र दृष्ट्वा सा मुनिपुंगवम् । मदनस्य वशं प्राप्ता मंदं मंदमगायत
maṃjughoṣā sthitaṃ tatra dṛṣṭvā sā munipuṃgavam | madanasya vaśaṃ prāptā maṃdaṃ maṃdamagāyata
Mañjughoṣā, seeing that bull among sages standing there, fell under the sway of Madana and sang ever so softly.
AI translation rendered from the Sanskrit, not a published edition
PdP 6 46.18
रणद्वलयसंयुक्तां शिंजन्नूपुरमेखलाम् । गायंतीं तां तथाभूतां विलोक्य मुनिपुंगवः
raṇadvalayasaṃyuktāṃ śiṃjannūpuramekhalām | gāyaṃtīṃ tāṃ tathābhūtāṃ vilokya munipuṃgavaḥ
Seeing her thus—joined with jingling bracelets, her anklets and girdle tinkling, singing—that bull among sages
AI translation rendered from the Sanskrit, not a published edition
PdP 6 46.19
मदनेन ससैन्येन नीतो मोहवशं बलात् । मंजुघोषा समागम्य मुनिं दृष्ट्वा तथाविधम्
madanena sasainyena nīto mohavaśaṃ balāt | maṃjughoṣā samāgamya muniṃ dṛṣṭvā tathāvidham
was forcibly brought under the sway of infatuation by Madana with his army. Mañjughoṣā, having approached and seeing the sage in such a state,
AI translation rendered from the Sanskrit, not a published edition
PdP 6 46.20
हावभावकटाक्षैस्तं मोहयामास चांगना । अधः संस्थाप्य वीणां सा सस्वजे तं मुनीश्वरम्
hāvabhāvakaṭākṣaistaṃ mohayāmāsa cāṃganā | adhaḥ saṃsthāpya vīṇāṃ sā sasvaje taṃ munīśvaram
the woman bewildered him with amorous gestures, moods and sidelong glances; setting her lute down below, she embraced that lord of sages,
AI translation rendered from the Sanskrit, not a published edition
PdP 6 46.21
वलितेव लता वृक्षं वातवेगेन कंपितम् । सोऽपि रेमे तया सार्द्धं मेधावी मुनिपुंगवः
valiteva latā vṛkṣaṃ vātavegena kaṃpitam | so'pi reme tayā sārddhaṃ medhāvī munipuṃgavaḥ
as a creeper, shaken by the force of the wind, twines about a tree. And he too, Medhāvī, the bull among sages, took pleasure with her.
AI translation rendered from the Sanskrit, not a published edition
PdP 6 46.22
तस्मिन्नेव ततो दृष्ट्वा तस्यास्तं देहमुत्तमम् । शिवतत्वं गतं तस्य कामतत्त्ववशं गतः
tasminneva tato dṛṣṭvā tasyāstaṃ dehamuttamam | śivatatvaṃ gataṃ tasya kāmatattvavaśaṃ gataḥ
Then, seeing there her excellent body, his (state of) Śiva-reality departed, and he came under the sway of the reality of desire.
AI translation rendered from the Sanskrit, not a published edition — the model flagged this verse as uncertain
PdP 6 46.23
न निशां न दिनं सोऽपि रमन्जानाति कामुकः । बहुवर्षं गतः कालो मुनेराचारलोपतः
na niśāṃ na dinaṃ so'pi ramanjānāti kāmukaḥ | bahuvarṣaṃ gataḥ kālo munerācāralopataḥ
That lustful one, while enjoying, knew neither night nor day; much time, many years, passed by, with the sage's observances lapsed.
AI translation rendered from the Sanskrit, not a published edition
PdP 6 46.24
मंजुघोषा देवलोकगमनायोपचक्रमे । गच्छंती तं प्रत्युवाच रमंतं मुनिसत्तमम् । आदेशो दीयतां ब्रह्मन्स्वदेशगमनाय मे
maṃjughoṣā devalokagamanāyopacakrame | gacchaṃtī taṃ pratyuvāca ramaṃtaṃ munisattamam | ādeśo dīyatāṃ brahmansvadeśagamanāya me
Mañjughoṣā set about going to the world of the gods; as she was going she said in reply to that best of sages who was still enjoying: "Let leave be given, O brahmin, for my going to my own country."
AI translation rendered from the Sanskrit, not a published edition
PdP 6 46.25
मेधाव्युवाच- अद्यैव त्वं समायाता प्रदोषादौ वरानने । यावत्प्रभातसंध्या स्यात्तावत्तिष्ठ ममांतिके । इति श्रुत्वा मुनेर्वाक्यं भयभीता बभूव सा
medhāvyuvāca- adyaiva tvaṃ samāyātā pradoṣādau varānane | yāvatprabhātasaṃdhyā syāttāvattiṣṭha mamāṃtike | iti śrutvā munervākyaṃ bhayabhītā babhūva sā
Medhāvin said: You came only today, fair-faced one, at the beginning of the evening; stay beside me until the dawn twilight comes. Hearing the sage's words, she became stricken with fear.
AI translation rendered from the Sanskrit, not a published edition
PdP 6 46.26
पुनर्वै रमयामास तमृषिं नृपसत्तम । मुनेः शापभयाद्भीता बहुलान्परिवत्सरान्
punarvai ramayāmāsa tamṛṣiṃ nṛpasattama | muneḥ śāpabhayādbhītā bahulānparivatsarān
Once more she gave pleasure to that seer, O best of kings, frightened by fear of the sage's curse, for very many years.
AI translation rendered from the Sanskrit, not a published edition
PdP 6 46.27
वर्षाणां पंचपंचाशन्नवमासदिनत्रयम् । सा रेमे मुनिना तस्य निशार्द्धमिव चाभवत्
varṣāṇāṃ paṃcapaṃcāśannavamāsadinatrayam | sā reme muninā tasya niśārddhamiva cābhavat
For fifty-five years, nine months and three days she took her pleasure with the sage, and to him it was as though (only) half a night.
AI translation rendered from the Sanskrit, not a published edition
PdP 6 46.28
सा तं पुनरुवाचाथ तस्मिन्काले गते मुनिम् । आदेशो दीयतां ब्रह्मन्गंतव्यं स्वगृहे मया
sā taṃ punaruvācātha tasminkāle gate munim | ādeśo dīyatāṃ brahmangaṃtavyaṃ svagṛhe mayā
Then, when that time had passed, she spoke to the sage again: "Give me leave, brahmin; I must go to my own home."
AI translation rendered from the Sanskrit, not a published edition
PdP 6 46.29
मेधाव्युवाच- प्रभातमधुना चास्ते श्रूयतां वचनं मम । संध्या यावच्च कुर्वेऽहं तावत्त्वं वै स्थिरा भव
medhāvyuvāca- prabhātamadhunā cāste śrūyatāṃ vacanaṃ mama | saṃdhyā yāvacca kurve'haṃ tāvattvaṃ vai sthirā bhava
Medhāvin said: It is now dawn; hear my words. Stay firm just so long as I perform the twilight rite.
AI translation rendered from the Sanskrit, not a published edition
PdP 6 46.30
इति वाक्यं मुनेः श्रुत्वा जातानंदसमाकुला । स्मितं कृत्वा तु सा किंचित्प्रत्युवाच शुचिस्मिता
iti vākyaṃ muneḥ śrutvā jātānaṃdasamākulā | smitaṃ kṛtvā tu sā kiṃcitpratyuvāca śucismitā
Hearing these words of the sage she was filled with arisen delight, and smiling a little, she of the bright smile answered him.
AI translation rendered from the Sanskrit, not a published edition
PdP 6 46.31
अप्सरा उवाच-। कियत्प्रमाणा विप्रेंद्र तव संध्या गतानघ । मयि प्रसादं कृत्वा तु गतकालो विचार्यताम्
apsarā uvāca-| kiyatpramāṇā vipreṃdra tava saṃdhyā gatānagha | mayi prasādaṃ kṛtvā tu gatakālo vicāryatām
The apsaras said: How long, best of brahmins, is that twilight of yours that has passed, O sinless one? Being gracious to me, consider the time that has gone by.
AI translation rendered from the Sanskrit, not a published edition
PdP 6 46.32
इति तस्या वचः श्रुत्वा विस्मयोत्फुल्ललोचनः । गतकालस्य विप्रेंद्र प्रमाणमकरोत्तदा
iti tasyā vacaḥ śrutvā vismayotphullalocanaḥ | gatakālasya vipreṃdra pramāṇamakarottadā
Hearing these words of hers, his eyes wide with astonishment, that best of brahmins then reckoned the measure of the time gone by.
AI translation rendered from the Sanskrit, not a published edition
PdP 6 46.33
समाश्च सप्तपंचाशद्गतास्तस्य तया सह । चुक्रोध सततस्तस्यै ज्वालामाली बभूव ह
samāśca saptapaṃcāśadgatāstasya tayā saha | cukrodha satatastasyai jvālāmālī babhūva ha
Fifty-seven years of his had passed with her; he grew constantly enraged at her and became wreathed in flames.
AI translation rendered from the Sanskrit, not a published edition
PdP 6 46.34
नेत्राभ्यां विस्फुलिंगान्स मुंचमानोऽतिकोपनः । कालरूपां तु तां दृष्ट्वा तपसः क्षयकारिणीम्
netrābhyāṃ visphuliṃgānsa muṃcamāno'tikopanaḥ | kālarūpāṃ tu tāṃ dṛṣṭvā tapasaḥ kṣayakāriṇīm
Releasing sparks from his two eyes, exceedingly wrathful, seeing her as Time itself, the destroyer of his austerity —
AI translation rendered from the Sanskrit, not a published edition
PdP 6 46.35
दुःखार्जितं क्षयं नीतं तपोदृष्ट्वातयासह । सकंपोष्ठो मुनिस्तत्रप्रत्युवाचाकुलेंद्रियः
duḥkhārjitaṃ kṣayaṃ nītaṃ tapodṛṣṭvātayāsaha | sakaṃpoṣṭho munistatrapratyuvācākuleṃdriyaḥ
— seeing his austerity, won with hardship, brought to ruin by her, the sage there, his lip trembling and his senses distraught, replied:
AI translation rendered from the Sanskrit, not a published edition
PdP 6 46.36
तां शशापाथमेधावी त्वं पिशाची भवेति च । धिक्त्वां पापे दुराचारे कुलटे पातकप्रिये
tāṃ śaśāpāthamedhāvī tvaṃ piśācī bhaveti ca | dhiktvāṃ pāpe durācāre kulaṭe pātakapriye
Then Medhāvin cursed her: "Become a piśācī! Shame on you, wicked one, of evil conduct, unchaste woman, lover of sin!"
AI translation rendered from the Sanskrit, not a published edition
PdP 6 46.37
तस्य शापेन सा दग्धा विनयावनता स्थिता । उवाच वचनं सुभ्रूः प्रसादं वांछती मुनिम् । प्रसादं कुरु विप्रेंद्र शापस्यानुग्रहं कुरु
tasya śāpena sā dagdhā vinayāvanatā sthitā | uvāca vacanaṃ subhrūḥ prasādaṃ vāṃchatī munim | prasādaṃ kuru vipreṃdra śāpasyānugrahaṃ kuru
Burnt by his curse she stood bowed down in humility, and the fair-browed one spoke words, seeking the sage's favour: "Be gracious, best of brahmins; grant a mitigation of the curse.
AI translation rendered from the Sanskrit, not a published edition
PdP 6 46.38
सतां संगो हि भवति वचोभिः सप्तभिः पदैः । त्वया सह मम ब्रह्मन्नीता वै बहुवत्सराः । एतस्मात्कारणात्स्वामिन्प्रसादं कुरु सुव्रत
satāṃ saṃgo hi bhavati vacobhiḥ saptabhiḥ padaiḥ | tvayā saha mama brahmannītā vai bahuvatsarāḥ | etasmātkāraṇātsvāminprasādaṃ kuru suvrata
For friendship with the good comes about through seven words, seven steps; and with you, brahmin, I have passed many years. For this reason, lord, be gracious, you of good vows."
AI translation rendered from the Sanskrit, not a published edition
PdP 6 46.39
मुनिरुवाच- शृणु मे वचनं भद्रे शापानुग्रहकारकम् । किं करोमि त्वया पापे क्षयं नीतं महत्तपः
muniruvāca- śṛṇu me vacanaṃ bhadre śāpānugrahakārakam | kiṃ karomi tvayā pāpe kṣayaṃ nītaṃ mahattapaḥ
The sage said: Hear my word, good lady, which grants mitigation of the curse. What can I do, sinful one — my great austerity has been brought to ruin by you.
AI translation rendered from the Sanskrit, not a published edition
PdP 6 46.40
चैत्रस्य कृष्णपक्षे तु भवेदेकादशी शुभा । पापमोचनिका नाम सर्वपापक्षयंकरी
caitrasya kṛṣṇapakṣe tu bhavedekādaśī śubhā | pāpamocanikā nāma sarvapāpakṣayaṃkarī
In the dark fortnight of Caitra there falls the auspicious eleventh day, named Pāpamocanī, which destroys all sins.
AI translation rendered from the Sanskrit, not a published edition
PdP 6 46.41
तस्या व्रते कृते शुभ्रे पिशाचत्वं प्रयास्यति । इत्युक्त्वा सोऽपि मेधावी जगाम पितुराश्रमम्
tasyā vrate kṛte śubhre piśācatvaṃ prayāsyati | ityuktvā so'pi medhāvī jagāma piturāśramam
When its pure observance has been performed, your piśāca-nature will depart. Having said this, Medhāvin too went to his father's hermitage.
AI translation rendered from the Sanskrit, not a published edition
PdP 6 46.42
तमागतं समालोक्य च्यवनः प्रत्युवाचतम् । किमेतद्विहितं पुत्र त्वया पुण्यं क्षयं कृतम्
tamāgataṃ samālokya cyavanaḥ pratyuvācatam | kimetadvihitaṃ putra tvayā puṇyaṃ kṣayaṃ kṛtam
Seeing him arrived, Cyavana said to him: "What is this you have done, son? Your merit has been destroyed."
AI translation rendered from the Sanskrit, not a published edition
PdP 6 46.43
मेधाव्युवाच- पातकं वै कृतं तात रमिता चाप्सरा मया । प्रायश्चित्तं ब्रूहि तात येन पापक्षयो भवेत्
medhāvyuvāca- pātakaṃ vai kṛtaṃ tāta ramitā cāpsarā mayā | prāyaścittaṃ brūhi tāta yena pāpakṣayo bhavet
Medhāvin said: A sin has indeed been committed, father; I took pleasure with an apsaras. Tell me, father, the expiation by which the destruction of the sin may come about.
AI translation rendered from the Sanskrit, not a published edition
PdP 6 46.44
च्यवन उवाच- चैत्रस्य चासिते पक्षे नाम्ना वै पापमोचनी । अस्या व्रते कृते पुत्र पापराशिः क्षयं व्रजेत्
cyavana uvāca- caitrasya cāsite pakṣe nāmnā vai pāpamocanī | asyā vrate kṛte putra pāparāśiḥ kṣayaṃ vrajet
Cyavana said: In the dark fortnight of Caitra (there is the eleventh) called Pāpamocanī; when its observance is performed, son, the whole heap of sin goes to destruction.
AI translation rendered from the Sanskrit, not a published edition
PdP 6 46.45
इति श्रुत्वा पितुर्वाक्यं कृतं तेन व्रतोत्तमम् । गतं पापं क्षयं तस्य तपोयुक्तो बभूव सः
iti śrutvā piturvākyaṃ kṛtaṃ tena vratottamam | gataṃ pāpaṃ kṣayaṃ tasya tapoyukto babhūva saḥ
Having heard his father's words, he performed that best of vows; his sin came to destruction, and he became endowed with ascetic power.
AI translation rendered from the Sanskrit, not a published edition
PdP 6 46.46
साप्येवं मंजुघोषा च कृत्वैतद्व्रतमुत्तमम् । पिशाचत्वाद्विनिर्मुक्ता पापमोचनिकाव्रतात् । दिव्यरूपधरा सा वै गता नाके वराप्सराः
sāpyevaṃ maṃjughoṣā ca kṛtvaitadvratamuttamam | piśācatvādvinirmuktā pāpamocanikāvratāt | divyarūpadharā sā vai gatā nāke varāpsarāḥ
And Mañjughoṣā too, having likewise performed this excellent vow, was released from her state of a piśāca by the Pāpamocanī vow; bearing a divine form, she went to heaven as a foremost apsaras.
AI translation rendered from the Sanskrit, not a published edition
PdP 6 46.47
लोमश उवाच- पापमोचनिकां राजन्ये कुर्वंति नरोत्तमाः । तेषां पापं च यत्किंचित्तत्सर्वं च क्षयं व्रजेत्
lomaśa uvāca- pāpamocanikāṃ rājanye kurvaṃti narottamāḥ | teṣāṃ pāpaṃ ca yatkiṃcittatsarvaṃ ca kṣayaṃ vrajet
Lomaśa said: O king, those best of men who observe the Pāpamocanī (vow) — whatever sin is theirs, all of it comes to destruction.
AI translation rendered from the Sanskrit, not a published edition
PdP 6 46.48
पठनाच्छ्रवणाद्राजन्गोसहस्रफलं लभेत् । ब्रह्महा हेमहारी च सुरापो गुरुतल्पगः
paṭhanācchravaṇādrājangosahasraphalaṃ labhet | brahmahā hemahārī ca surāpo gurutalpagaḥ
By reciting and by hearing (it), O king, one obtains the fruit of a thousand cows. A slayer of a brahmin, a stealer of gold, a drinker of liquor, one who violates his teacher's bed—
AI translation rendered from the Sanskrit, not a published edition
PdP 6 46.49
व्रतस्य चास्य करणात्पापमुक्ता भवंति ते । बहुपुण्यप्रदं ह्येतत्करणाद्व्रतमुत्तमम्
vratasya cāsya karaṇātpāpamuktā bhavaṃti te | bahupuṇyapradaṃ hyetatkaraṇādvratamuttamam
—by the performance of this vow they become freed from sin; for this best of vows, when performed, bestows abundant merit.
AI translation rendered from the Sanskrit, not a published edition