Padma Purana — Uttara Khanda — Chapter 39
PdP 6 39.1
युधिष्ठिर उवाच- वंदे विष्णुं विभुं साक्षाल्लोकत्रयसुखावहम् । विश्वेशं विश्वकर्तारं पुराणं पुरुषोत्तमम्
yudhiṣṭhira uvāca- vaṃde viṣṇuṃ vibhuṃ sākṣāllokatrayasukhāvaham | viśveśaṃ viśvakartāraṃ purāṇaṃ puruṣottamam
Yudhiṣṭhira said: I praise Viṣṇu, the all-pervading, who directly brings happiness to the three worlds, the Lord of the universe, the maker of the universe, the ancient one, the highest Person.
AI translation rendered from the Sanskrit, not a published edition
PdP 6 39.2
पृच्छामि देवदेवेश संशयोऽस्ति महान्मम । लोकानां च हितार्थाय पापानां क्षयहेतवे
pṛcchāmi devadeveśa saṃśayo'sti mahānmama | lokānāṃ ca hitārthāya pāpānāṃ kṣayahetave
"I ask (you), O lord of the gods of gods; a great doubt is mine—(I ask) for the benefit of the worlds and for the destruction of sins.
AI translation rendered from the Sanskrit, not a published edition
PdP 6 39.3
मार्गशीर्षेसिते पक्षे भवेदेकादशी तु या । किं नाम को विधिस्तस्याः को देवस्तत्र पूज्यते । एतदाचक्ष्व मे स्वामिन्विस्तरेण यथातथम्
mārgaśīrṣesite pakṣe bhavedekādaśī tu yā | kiṃ nāma ko vidhistasyāḥ ko devastatra pūjyate | etadācakṣva me svāminvistareṇa yathātatham
"That eleventh day which falls in the bright fortnight of Mārgaśīrṣa—what is its name, what is its observance, which deity is worshipped therein? Tell me this, O master, in detail and just as it is."
AI translation rendered from the Sanskrit, not a published edition
PdP 6 39.4
श्रीकृष्ण उवाच- साधु पृष्टं त्वया राजन्साधु ते विमलं यशः । कथयिष्यामि राजेंद्र हरिवासरमुत्तमम्
śrīkṛṣṇa uvāca- sādhu pṛṣṭaṃ tvayā rājansādhu te vimalaṃ yaśaḥ | kathayiṣyāmi rājeṃdra harivāsaramuttamam
Śrī Kṛṣṇa said: Well have you asked, O king; fair is your spotless fame. I shall relate, O lord of kings, the excellent day of Hari.
AI translation rendered from the Sanskrit, not a published edition
PdP 6 39.5
उत्पन्ना चासिते पक्षे द्वादशी मम वल्लभा । मार्गशीर्षोत्पत्तिरिति मम देह समुद्भवा
utpannā cāsite pakṣe dvādaśī mama vallabhā | mārgaśīrṣotpattiriti mama deha samudbhavā
The twelfth, dear to me, arose in the dark fortnight; (it is called) "Mārgaśīrṣa-arising," born from my own body.
AI translation rendered from the Sanskrit, not a published edition — the model flagged this verse as uncertain
PdP 6 39.6
सुरासुरवधार्थाय ह्युत्पन्ना भरतर्षभ । कथिता च मया सा वै तवाग्रे राजसत्तम
surāsuravadhārthāya hyutpannā bharatarṣabha | kathitā ca mayā sā vai tavāgre rājasattama
It arose for the slaying of gods and demons, O bull of the Bharatas, and that (day) has indeed been told by me in your presence, O best of kings.
AI translation rendered from the Sanskrit, not a published edition
PdP 6 39.7
पूर्वा चैकादशी राजंस्त्रैलोक्ये सचराचरे । मार्गशीर्षे सिते पक्षे उत्पत्तिरिति नामतः
pūrvā caikādaśī rājaṃstrailokye sacarācare | mārgaśīrṣe site pakṣe utpattiriti nāmataḥ
And the former eleventh, O king, in the three worlds with all that moves and moves not, in the bright fortnight of Mārgaśīrṣa, is named "Utpatti" (Arising).
AI translation rendered from the Sanskrit, not a published edition
PdP 6 39.8
अतः परं प्रवक्ष्यामि मार्गशीर्षे सिता तु या । यस्याः श्रवणमात्रेण वाजपेयफलं लभेत्
ataḥ paraṃ pravakṣyāmi mārgaśīrṣe sitā tu yā | yasyāḥ śravaṇamātreṇa vājapeyaphalaṃ labhet
Next I shall declare that (eleventh) which is in the bright (fortnight) of Mārgaśīrṣa, by the mere hearing of which one obtains the fruit of the Vājapeya sacrifice.
AI translation rendered from the Sanskrit, not a published edition
PdP 6 39.9
मोक्षा नामेति सा प्रोक्ता सर्वपापहरा परा । देवं दामोदरं राजन्पूजयेच्च प्रयत्नतः
mokṣā nāmeti sā proktā sarvapāpaharā parā | devaṃ dāmodaraṃ rājanpūjayecca prayatnataḥ
It is called Mokṣā by name, supreme, remover of all sins; and, O king, one should worship the god Dāmodara with diligence—
AI translation rendered from the Sanskrit, not a published edition
PdP 6 39.10
तुलस्या मंजरीभिश्च धूपैर्दीपैः प्रयत्नतः । पूर्वेण विधिना चैव दशम्येकादशी तथा
tulasyā maṃjarībhiśca dhūpairdīpaiḥ prayatnataḥ | pūrveṇa vidhinā caiva daśamyekādaśī tathā
—with clusters of tulasī blossoms, with incense and lamps, diligently, and by the rule (stated) before, (on) the tenth and likewise the eleventh.
AI translation rendered from the Sanskrit, not a published edition
PdP 6 39.11
मोक्षा चैकादशी नाम्ना महापातकनाशिनी । रात्रौ जागरणं कार्यं नृत्यगीतस्तवैर्मम
mokṣā caikādaśī nāmnā mahāpātakanāśinī | rātrau jāgaraṇaṃ kāryaṃ nṛtyagītastavairmama
And the eleventh, Mokṣā by name, destroys great sins; at night a vigil is to be kept with dancing, songs, and hymns to me.
AI translation rendered from the Sanskrit, not a published edition
PdP 6 39.12
शृणु राजन्प्रवक्ष्यामि दिव्यां पौराणिकीकथाम् । यस्याः श्रवणमात्रेण सर्वपापक्षयो भवेत्
śṛṇu rājanpravakṣyāmi divyāṃ paurāṇikīkathām | yasyāḥ śravaṇamātreṇa sarvapāpakṣayo bhavet
Listen, O king, I shall tell a divine tale of the ancient lore, by the mere hearing of which the destruction of all sins comes about.
AI translation rendered from the Sanskrit, not a published edition
PdP 6 39.13
अधोयोनिगतश्चैव पितरो यस्य पापतः । अस्याश्च पुण्यदानेन मोक्षं यांति न संशयः
adhoyonigataścaiva pitaro yasya pāpataḥ | asyāśca puṇyadānena mokṣaṃ yāṃti na saṃśayaḥ
Even he whose forefathers have gone to a low birth through sin—by the gift of the merit of this (observance) they go to release, (there is) no doubt.
AI translation rendered from the Sanskrit, not a published edition
PdP 6 39.14
चंपके नगरे रम्ये वैष्णवैश्च विभूषिते । वैखानसो नाम नृपः पुत्रवत्पालयेत्प्रजाः
caṃpake nagare ramye vaiṣṇavaiśca vibhūṣite | vaikhānaso nāma nṛpaḥ putravatpālayetprajāḥ
In the delightful city of Campaka, adorned with Vaiṣṇavas, a king named Vaikhānasa used to protect his subjects like his own sons.
AI translation rendered from the Sanskrit, not a published edition
PdP 6 39.15
वसंति बहवो विप्रा वेदवेदांगपारगाः । ऋद्धिमत्यः प्रजास्तस्य राज्ञो वैखानसस्य हि
vasaṃti bahavo viprā vedavedāṃgapāragāḥ | ṛddhimatyaḥ prajāstasya rājño vaikhānasasya hi
Many brahmins dwelt (there), masters of the Vedas and the Vedic auxiliaries; prosperous were the subjects of that king Vaikhānasa.
AI translation rendered from the Sanskrit, not a published edition
PdP 6 39.16
एवं राज्यं प्रकुर्वाणो रात्रौ स्वप्नस्य मध्यतः । स्वकीयपितरो दृष्ट्वा अधोयोनिगता नृप
evaṃ rājyaṃ prakurvāṇo rātrau svapnasya madhyataḥ | svakīyapitaro dṛṣṭvā adhoyonigatā nṛpa
While thus ruling the kingdom, at night in the midst of a dream the king saw his own forefathers fallen into a low birth.
AI translation rendered from the Sanskrit, not a published edition
PdP 6 39.17
एवं दृष्ट्वा च तान्सर्वान्विस्मयाविष्टमानसः । कथयामास वृत्तांतं स्वप्नजातं द्विजान्प्रति
evaṃ dṛṣṭvā ca tānsarvānvismayāviṣṭamānasaḥ | kathayāmāsa vṛttāṃtaṃ svapnajātaṃ dvijānprati
Having thus seen them all, his mind filled with amazement, he related the matter that had arisen in the dream to the brahmins.
AI translation rendered from the Sanskrit, not a published edition
PdP 6 39.18
राजोवाच- मया स्वपितरो दृष्ट्वा नरकोपगता द्विजाः । तारयेति तनूजत्वमस्मान्निरयसागरात्
rājovāca- mayā svapitaro dṛṣṭvā narakopagatā dvijāḥ | tārayeti tanūjatvamasmānnirayasāgarāt
The king said: I saw my own fathers, O brahmins, gone to hell; (they said) "Being our son, deliver us from the ocean of hell."
AI translation rendered from the Sanskrit, not a published edition
PdP 6 39.19
एवं ब्रुवाणास्ते नूनं रोदमाना मुहुर्मुहुः । मया दृष्टा द्विजश्रेष्ठा एतस्माच्च न मे सुखम्
evaṃ bruvāṇāste nūnaṃ rodamānā muhurmuhuḥ | mayā dṛṣṭā dvijaśreṣṭhā etasmācca na me sukham
Speaking thus, weeping again and again, they were indeed seen by me, O best of brahmins, and because of this I have no happiness.
AI translation rendered from the Sanskrit, not a published edition
PdP 6 39.20
एतद्राज्यं मम महत्सुखदायि न विद्यते । अश्वा गजास्तथा सर्वे रोचंते मे न भो द्विजाः
etadrājyaṃ mama mahatsukhadāyi na vidyate | aśvā gajāstathā sarve rocaṃte me na bho dvijāḥ
This great kingdom of mine gives me no pleasure; horses, elephants and all the rest do not please me, O brahmins.
AI translation rendered from the Sanskrit, not a published edition
PdP 6 39.21
न दारा न सुता मह्यं रोचंते द्विजसत्तमाः । किं करोमि क्व गच्छामि हृदयं मेऽवरुध्यते
na dārā na sutā mahyaṃ rocaṃte dvijasattamāḥ | kiṃ karomi kva gacchāmi hṛdayaṃ me'varudhyate
Neither wives nor sons please me, O best of brahmins. What shall I do, where shall I go? My heart is choked.
AI translation rendered from the Sanskrit, not a published edition
PdP 6 39.22
तद्व्रतं तं तपोयोगं येनैव मम पूर्वजाः । मोक्षं प्रयांति सद्यो वै कथ्यतां च द्विजोत्तमाः
tadvrataṃ taṃ tapoyogaṃ yenaiva mama pūrvajāḥ | mokṣaṃ prayāṃti sadyo vai kathyatāṃ ca dvijottamāḥ
"That vow, that practice of austerity by which my ancestors may go at once to release — let it be told, O best of the twice-born."
AI translation rendered from the Sanskrit, not a published edition
PdP 6 39.23
पुत्रे तु जीवितप्राये बलीयसि महात्मनि । पितास्ति नरके घोरे तस्य पुत्रस्य किं फलम्
putre tu jīvitaprāye balīyasi mahātmani | pitāsti narake ghore tasya putrasya kiṃ phalam
"When the son is (still) alive, strong and great-souled, and the father is in a dreadful hell — what is the use of such a son?"
AI translation rendered from the Sanskrit, not a published edition
PdP 6 39.24
ब्राह्मणा ऊचुः - पर्वतस्य मुने राजन्निकटे चाश्रमो महान् । गम्यतां राजशार्दूल भूतं भव्यं विजानतः
brāhmaṇā ūcuḥ - parvatasya mune rājannikaṭe cāśramo mahān | gamyatāṃ rājaśārdūla bhūtaṃ bhavyaṃ vijānataḥ
The brahmins said: "O king, near (here) is the great hermitage of the sage Parvata; let it be gone to, O tiger among kings — of one who knows what has been and what will be."
AI translation rendered from the Sanskrit, not a published edition
PdP 6 39.25
तेषां श्रुत्वा ततो वाक्यं राजा वैखानसो महान् । जगाम चाशु तत्रैव चाश्रमं पर्वतस्य च
teṣāṃ śrutvā tato vākyaṃ rājā vaikhānaso mahān | jagāma cāśu tatraiva cāśramaṃ parvatasya ca
Then, having heard their speech, the great king Vaikhānasa went swiftly to that very place, to the hermitage of Parvata.
AI translation rendered from the Sanskrit, not a published edition
PdP 6 39.26
ब्राह्मणैर्वेष्टितो राजा राजभिश्च समन्वितः । आश्रमं विपुलं तस्य संप्राप्तो राजसत्तमः
brāhmaṇairveṣṭito rājā rājabhiśca samanvitaḥ | āśramaṃ vipulaṃ tasya saṃprāpto rājasattamaḥ
Surrounded by brahmins and accompanied by kings, that best of kings reached his vast hermitage.
AI translation rendered from the Sanskrit, not a published edition
PdP 6 39.27
तत्रर्ग्वेद यजुर्वेद सामाध्ययनकोविदैः । वेष्टितं मुनिभिश्चैव द्वितीयं ब्रह्मणो यथा
tatrargveda yajurveda sāmādhyayanakovidaiḥ | veṣṭitaṃ munibhiścaiva dvitīyaṃ brahmaṇo yathā
There (he saw him) surrounded by sages skilled in the recitation of the Ṛgveda, the Yajurveda and the Sāman, like a second Brahmā.
AI translation rendered from the Sanskrit, not a published edition
PdP 6 39.28
दृष्ट्वा तं मुनिशार्दूलं राजा वैखानसस्तथा । दंडवत्प्रणतिं कृत्वा पस्पर्श चरणौ मुनेः
dṛṣṭvā taṃ muniśārdūlaṃ rājā vaikhānasastathā | daṃḍavatpraṇatiṃ kṛtvā pasparśa caraṇau muneḥ
Seeing that tiger among sages, king Vaikhānasa then made a prostration like a staff (falling) and touched the sage's feet.
AI translation rendered from the Sanskrit, not a published edition
PdP 6 39.29
पप्रच्छ कुशलं तस्य सप्तस्वंगेष्वसौ मुनिः । राज्ये निष्कंटकत्वं च राज्ञः सौख्यसमन्वितम्
papraccha kuśalaṃ tasya saptasvaṃgeṣvasau muniḥ | rājye niṣkaṃṭakatvaṃ ca rājñaḥ saukhyasamanvitam
That sage asked after his welfare in the seven limbs (of the kingdom), and whether the king's realm was free of thorns and endowed with ease.
AI translation rendered from the Sanskrit, not a published edition
PdP 6 39.30
राजोवाच - तव प्रसादाद्भो स्वामिन्कुशलं मेऽङ्गसप्तसु । भक्ता ये विष्णुविप्रेषु कथं तेषां च विघ्नता
rājovāca - tava prasādādbho svāminkuśalaṃ me'ṅgasaptasu | bhaktā ye viṣṇuvipreṣu kathaṃ teṣāṃ ca vighnatā
The king said: "By your grace, O lord, my welfare is (secure) in the seven limbs. For those who are devoted to Viṣṇu and the brahmins, how could there be obstruction?"
AI translation rendered from the Sanskrit, not a published edition
PdP 6 39.31
मया स्वपितरो दृष्टाः स्वप्ने च नरके स्थिताः । कस्य पुण्यस्य सामर्थ्यान्मोक्षं यांति द्विजोत्तम
mayā svapitaro dṛṣṭāḥ svapne ca narake sthitāḥ | kasya puṇyasya sāmarthyānmokṣaṃ yāṃti dvijottama
"My own fathers were seen by me in a dream, situated in hell. By the power of what merit do they go to release, O best of the twice-born?"
AI translation rendered from the Sanskrit, not a published edition
PdP 6 39.32
अयं मे संशयः स्वामिन्प्रष्टुं तं त्वामुपागतः । उपायः कश्चिदेवात्र कर्तव्यो मुनिसत्तम
ayaṃ me saṃśayaḥ svāminpraṣṭuṃ taṃ tvāmupāgataḥ | upāyaḥ kaścidevātra kartavyo munisattama
"This is my doubt, O lord; I have come to you to ask it. Some means must be devised here, O best of sages."
AI translation rendered from the Sanskrit, not a published edition
PdP 6 39.33
एतद्वाक्यं ततः श्रुत्वा पर्वतो मुनिसत्तमः । ध्यानस्तिमितनेत्रोऽभूत्तपस्वी ब्रह्मसंनिभः
etadvākyaṃ tataḥ śrutvā parvato munisattamaḥ | dhyānastimitanetro'bhūttapasvī brahmasaṃnibhaḥ
Then, hearing this speech, Parvata, the best of sages, the ascetic like unto Brahmā, became one whose eyes were motionless in meditation.
AI translation rendered from the Sanskrit, not a published edition
PdP 6 39.34
मुहूर्तमेकं ध्यानस्थो भूपतिं प्रत्युवाच ह । ज्ञातं हि तव राजेंद्र पितॄणां पूर्वचेष्टितम्
muhūrtamekaṃ dhyānastho bhūpatiṃ pratyuvāca ha | jñātaṃ hi tava rājeṃdra pitṝṇāṃ pūrvaceṣṭitam
Remaining in meditation for a single moment, he replied to the king: "Indeed, O lord of kings, the former deed of your fathers is known (to me)."
AI translation rendered from the Sanskrit, not a published edition
PdP 6 39.35
पूर्वजन्मनि तातस्ते क्षत्रियो राज्यगर्वितः । सपत्न्या ऋतुकाले तु राजधर्मप्रवर्तितः
pūrvajanmani tātaste kṣatriyo rājyagarvitaḥ | sapatnyā ṛtukāle tu rājadharmapravartitaḥ
"In a former birth your father was a kṣatriya, proud of his kingship; (being) with his wife at her fertile season, he was engaged in the duty of a king,"
AI translation rendered from the Sanskrit, not a published edition
PdP 6 39.36
गतो ग्रामे तु तां त्यक्त्वा कार्यार्थी निजयोषितम् । तव पित्रा तु तस्याश्च न दत्तमृतुदानकम्
gato grāme tu tāṃ tyaktvā kāryārthī nijayoṣitam | tava pitrā tu tasyāśca na dattamṛtudānakam
"and, seeking his business, he abandoned her, his own wife, and went to a village; and so by your father the gift due at her fertile season was not given to her."
AI translation rendered from the Sanskrit, not a published edition
PdP 6 39.37
तेन पापप्रभावेन नरके पितृभिः सह । पतितो राजशार्दूल तव तातः सुदारुणे
tena pāpaprabhāvena narake pitṛbhiḥ saha | patito rājaśārdūla tava tātaḥ sudāruṇe
"By the force of that sin, O tiger among kings, your father fell, together with the fathers, into a most terrible hell."
AI translation rendered from the Sanskrit, not a published edition
PdP 6 39.38
ततः पुनरुवाचेदं राजा वैखानसो मुनिम् । केन व्रतप्रभावेन मोक्षस्तेषां भवेन्मुने
tataḥ punaruvācedaṃ rājā vaikhānaso munim | kena vrataprabhāvena mokṣasteṣāṃ bhavenmune
Then king Vaikhānasa said this again to the sage: "By the power of what vow, O sage, would release come about for them?"
AI translation rendered from the Sanskrit, not a published edition
PdP 6 39.39
मुनिरुवाच- मार्गशीर्षे सिते पक्षे मोक्षा नामेति नामतः । सर्वैश्चेतद्व्रतं कार्यं पित्रे पुण्यं प्रदीयताम्
muniruvāca- mārgaśīrṣe site pakṣe mokṣā nāmeti nāmataḥ | sarvaiścetadvrataṃ kāryaṃ pitre puṇyaṃ pradīyatām
The sage said: "In the bright fortnight of Mārgaśīrṣa there is (an eleventh day) called by the name Mokṣā; this vow should be performed by all, and the merit given over to the father."
AI translation rendered from the Sanskrit, not a published edition
PdP 6 39.40
तेन पुण्यप्रभावेन मोक्षस्तेषां भविष्यति । सत्यमेतन्महाभाग ब्रह्मणो वचनं यथा
tena puṇyaprabhāvena mokṣasteṣāṃ bhaviṣyati | satyametanmahābhāga brahmaṇo vacanaṃ yathā
"By the power of that merit, release will come to them. This is true, O greatly fortunate one, as (true as) the word of Brahmā."
AI translation rendered from the Sanskrit, not a published edition
PdP 6 39.41
मुनेर्वाक्यं ततः श्रुत्वा स्वगृहं पुनरागतः । मार्गशीर्षस्तथा मासः प्राप्तः कष्टेन तेन वै
munervākyaṃ tataḥ śrutvā svagṛhaṃ punarāgataḥ | mārgaśīrṣastathā māsaḥ prāptaḥ kaṣṭena tena vai
Then, having heard the sage's word, he came back to his own house; and the month of Mārgaśīrṣa arrived — with difficulty, for him.
AI translation rendered from the Sanskrit, not a published edition
PdP 6 39.42
मुनेर्वाक्येन तत्कृत्वा व्रतं वैखानसो नृपः । अददत्पुण्यमखिलैः सार्द्धं पित्रे स भूमिपः
munervākyena tatkṛtvā vrataṃ vaikhānaso nṛpaḥ | adadatpuṇyamakhilaiḥ sārddhaṃ pitre sa bhūmipaḥ
Having performed that vow according to the sage's word, King Vaikhānasa, that lord of the earth, gave the merit, all of it together, to his father.
AI translation rendered from the Sanskrit, not a published edition
PdP 6 39.43
दत्ते पुण्यक्षणेनैव पुष्पवृष्टिरभूद्दिवि । वैखानसस्य तातो वै पितृभिर्मोक्षमाविशत्
datte puṇyakṣaṇenaiva puṣpavṛṣṭirabhūddivi | vaikhānasasya tāto vai pitṛbhirmokṣamāviśat
The moment the merit was given, at that very instant a rain of flowers occurred in the sky; and Vaikhānasa's father, together with the (other) forefathers, entered liberation.
AI translation rendered from the Sanskrit, not a published edition
PdP 6 39.44
राजानं चांतरिक्षे स गिरं पुण्यामुवाच ह । स्वस्तिस्वस्तीति ते पुत्र प्रोच्य चैवं दिवं गतः
rājānaṃ cāṃtarikṣe sa giraṃ puṇyāmuvāca ha | svastisvastīti te putra procya caivaṃ divaṃ gataḥ
And in mid-air he spoke an auspicious word to the king: "Blessing, blessing be to you, son!" — having said this, he went to heaven.
AI translation rendered from the Sanskrit, not a published edition
PdP 6 39.45
एवं यः कुरुते राजन्मोक्षामेकादशीं शुभाम् । तस्य पापानि नश्यंति मृतो मोक्षमवाप्नुयात्
evaṃ yaḥ kurute rājanmokṣāmekādaśīṃ śubhām | tasya pāpāni naśyaṃti mṛto mokṣamavāpnuyāt
Thus, O king, whoever observes the auspicious liberating eleventh (day) — his sins perish, and when dead he attains liberation.
AI translation rendered from the Sanskrit, not a published edition
PdP 6 39.46
नातः परतरा काचित्मोक्षदैकादशी भवेत् । पुण्यसंख्यां न जानामि राजन्मे प्रियकृद्व्रतम्
nātaḥ paratarā kācitmokṣadaikādaśī bhavet | puṇyasaṃkhyāṃ na jānāmi rājanme priyakṛdvratam
There is no other eleventh (day) higher than this that bestows liberation; I do not know the measure of its merit, O king — this vow of mine that does what is dear (to me).
AI translation rendered from the Sanskrit, not a published edition
PdP 6 39.47
चिंतामणिसमा ह्येषा नृणां मोक्षप्रदायिनी । पठनाच्छ्रवणादस्या वाजपेयफलं लभेत्
ciṃtāmaṇisamā hyeṣā nṛṇāṃ mokṣapradāyinī | paṭhanācchravaṇādasyā vājapeyaphalaṃ labhet
For this (day) is like a wish-granting jewel, bestowing liberation on men; by reciting or hearing of it one obtains the fruit of a vājapeya sacrifice.
AI translation rendered from the Sanskrit, not a published edition