Padma Purana — Uttara Khanda — Chapter 37
PdP 6 37.1
महादेव उवाच- शृणु नारद वक्ष्यामि माहात्म्यं जागरस्य च । यच्छ्रुत्वा मुक्तिमाप्नोति महापापी न संशयः
mahādeva uvāca- śṛṇu nārada vakṣyāmi māhātmyaṃ jāgarasya ca | yacchrutvā muktimāpnoti mahāpāpī na saṃśayaḥ
Mahādeva said: Listen, Nārada, I shall tell the greatness of the vigil, on hearing which even a great sinner attains liberation — there is no doubt.
AI translation rendered from the Sanskrit, not a published edition
PdP 6 37.2
नारद उवाच- अहो विश्वेश्वरो विष्णुः पवित्रीकरणः सदा । तस्योपवासमाहात्म्यं श्रुतं हि त्वन्मुखाच्छिव
nārada uvāca- aho viśveśvaro viṣṇuḥ pavitrīkaraṇaḥ sadā | tasyopavāsamāhātmyaṃ śrutaṃ hi tvanmukhācchiva
Nārada said: Ah, Viṣṇu, the Lord of the universe, is ever purifying. The greatness of fasting for him has indeed been heard from your mouth, O Śiva.
AI translation rendered from the Sanskrit, not a published edition
PdP 6 37.3
तथापि श्रोतुमिच्छामि माहात्म्यं जागरस्य तु । कीदृक्जागरमाहात्म्यं रात्रो भक्तिस्तु कीदृशी
tathāpi śrotumicchāmi māhātmyaṃ jāgarasya tu | kīdṛkjāgaramāhātmyaṃ rātro bhaktistu kīdṛśī
Still I wish to hear the greatness of the vigil: of what sort is the greatness of the vigil, and of what sort is devotion at night?
AI translation rendered from the Sanskrit, not a published edition
PdP 6 37.4
प्रहरेषु च या पूजा वद विश्वेश्वर प्रभो । त्वं लोकेषु सदा पूज्यस्त्वं हि देवो जनार्दनः । त्वं हि विश्वेश्वरो देवो यतो भक्तिर्जनार्दने
prahareṣu ca yā pūjā vada viśveśvara prabho | tvaṃ lokeṣu sadā pūjyastvaṃ hi devo janārdanaḥ | tvaṃ hi viśveśvaro devo yato bhaktirjanārdane
And tell, O Lord, Viśveśvara, what worship (is to be done) in the watches (of the night). You are ever to be worshipped in the worlds; you indeed are the god Janārdana; you indeed are the god Viśveśvara, since your devotion is in Janārdana.
AI translation rendered from the Sanskrit, not a published edition
PdP 6 37.5
सर्वेषां चैव भक्तानां त्वं च श्रेष्ठ उमापतिः । लोकेस्मिन्सर्वदा भक्त्या तवाख्या वर्त्तते सदा
sarveṣāṃ caiva bhaktānāṃ tvaṃ ca śreṣṭha umāpatiḥ | lokesminsarvadā bhaktyā tavākhyā varttate sadā
And of all devotees you, O best one, are the Lord of Umā; in this world your name always continues, through devotion.
AI translation rendered from the Sanskrit, not a published edition — the model flagged this verse as uncertain
PdP 6 37.6
अतो येन प्रकारेण लोकानां मुक्तिरेव च । विश्वेश्वर वद त्वं तु माहात्म्यं जागरस्य तु
ato yena prakāreṇa lokānāṃ muktireva ca | viśveśvara vada tvaṃ tu māhātmyaṃ jāgarasya tu
Therefore, Viśveśvara, tell in what manner liberation comes to people, and tell the greatness of the vigil.
AI translation rendered from the Sanskrit, not a published edition
PdP 6 37.7
महादेव उवाच-। एकादश्यां जनो विष्णुं रात्रौ संपूज्य भक्तितः । कुर्याज्जागरणं विष्णोः पुरतो वैष्णवैः सह
mahādeva uvāca-| ekādaśyāṃ jano viṣṇuṃ rātrau saṃpūjya bhaktitaḥ | kuryājjāgaraṇaṃ viṣṇoḥ purato vaiṣṇavaiḥ saha
Mahādeva said: On the eleventh (day), having worshipped Viṣṇu at night with devotion, a person should keep the vigil before Viṣṇu together with Vaiṣṇavas.
AI translation rendered from the Sanskrit, not a published edition
PdP 6 37.8
गीतं वाद्यं तथा नृत्यं पुराणपठनं तथा । धूपं दीपं च नैवेद्यं पुष्पं गंधानुलेपनम्
gītaṃ vādyaṃ tathā nṛtyaṃ purāṇapaṭhanaṃ tathā | dhūpaṃ dīpaṃ ca naivedyaṃ puṣpaṃ gaṃdhānulepanam
Song, instrumental music, and dance, and the recitation of Purāṇas, incense, lamp, and food-offering, flowers, fragrant unguent,
AI translation rendered from the Sanskrit, not a published edition
PdP 6 37.9
फलमर्घं तथा श्रद्धा दानमिंद्रियसंयमम् । सत्यान्वितं च विप्रेंद्र वचोयुक्तं क्रियान्वितम्
phalamarghaṃ tathā śraddhā dānamiṃdriyasaṃyamam | satyānvitaṃ ca vipreṃdra vacoyuktaṃ kriyānvitam
fruit, and the arghya offering, and faith, giving, restraint of the senses, and, O best of brāhmaṇas, (all) joined with truth, accompanied by (proper) speech and by (proper) rites —
AI translation rendered from the Sanskrit, not a published edition
PdP 6 37.10
विनिद्रं च मुदायुक्तो यः करोति नरः सदा । सर्वपापविनिर्मुक्तो जायते विष्णुवल्लभः
vinidraṃ ca mudāyukto yaḥ karoti naraḥ sadā | sarvapāpavinirmukto jāyate viṣṇuvallabhaḥ
the man who, filled with joy, always performs (this) without sleep becomes freed from all sins and dear to Viṣṇu.
AI translation rendered from the Sanskrit, not a published edition
PdP 6 37.11
रात्रौ जागरणे प्राप्ते निद्रां कुर्वंति वैष्णवाः । हारितं चोपवासं तैर्व्रतं वै विष्णुसंज्ञकम्
rātrau jāgaraṇe prāpte nidrāṃ kurvaṃti vaiṣṇavāḥ | hāritaṃ copavāsaṃ tairvrataṃ vai viṣṇusaṃjñakam
When the night's vigil has come, (if) Vaiṣṇavas fall asleep, by them the fast is lost, and (also) the vow that bears Viṣṇu's name.
AI translation rendered from the Sanskrit, not a published edition
PdP 6 37.12
ये कुर्वंति नराः प्राज्ञ जागरे विष्णुसंज्ञके । जागरं कृष्णभावेन न स्वपंति कदाचन
ye kurvaṃti narāḥ prājña jāgare viṣṇusaṃjñake | jāgaraṃ kṛṣṇabhāvena na svapaṃti kadācana
Those men, O wise one, who keep the vigil named after Viṣṇu, staying awake with their thought on Kṛṣṇa and never sleeping at all —
AI translation rendered from the Sanskrit, not a published edition
PdP 6 37.13
कृष्णस्य नाम मनसा वदंति च पुनः पुनः । ते तु धन्यतमा ज्ञेया अस्यां रात्रौ विशेषतः
kṛṣṇasya nāma manasā vadaṃti ca punaḥ punaḥ | te tu dhanyatamā jñeyā asyāṃ rātrau viśeṣataḥ
and who utter Kṛṣṇa's name with the mind again and again — they are to be known as the most blessed, especially on this night.
AI translation rendered from the Sanskrit, not a published edition
PdP 6 37.14
क्षणेक्षणे तु गोदानं घट्यां चैव चतुर्गुणम् । प्रहरे कोटिगुणितं चतुर्यामेष्वसंख्यकम्
kṣaṇekṣaṇe tu godānaṃ ghaṭyāṃ caiva caturguṇam | prahare koṭiguṇitaṃ caturyāmeṣvasaṃkhyakam
For each and every moment (of the vigil the merit is that) of the gift of a cow, in an hour fourfold, in a watch multiplied by ten million, and in the four watches beyond counting.
AI translation rendered from the Sanskrit, not a published edition
PdP 6 37.15
जागरे निमिषार्द्धे तु केशवाग्रे विशेषतः । तत्फलं कोटिगुणितं तस्य संख्या न विद्यते
jāgare nimiṣārddhe tu keśavāgre viśeṣataḥ | tatphalaṃ koṭiguṇitaṃ tasya saṃkhyā na vidyate
But for half an instant of keeping vigil, especially in the presence of Keśava, that fruit is multiplied by ten million; there is no reckoning of it.
AI translation rendered from the Sanskrit, not a published edition
PdP 6 37.16
नर्त्तनं कुरुते यस्तु केशवाग्रे नरोत्तमः । न फलं हीयते तस्य आजन्ममरणांतिकम्
narttanaṃ kurute yastu keśavāgre narottamaḥ | na phalaṃ hīyate tasya ājanmamaraṇāṃtikam
And that best of men who performs dancing before Keśava — his fruit is not diminished from birth to the end at death.
AI translation rendered from the Sanskrit, not a published edition
PdP 6 37.17
साश्चर्यं चैव सोत्साहं पापालापादिवर्जितम् । प्रदक्षिणसमायुक्तं नमस्कारपुरःसरम्
sāścaryaṃ caiva sotsāhaṃ pāpālāpādivarjitam | pradakṣiṇasamāyuktaṃ namaskārapuraḥsaram
(It should be) full of wonder and full of eagerness, free of sinful talk and the like, joined with circumambulation and preceded by obeisance,
AI translation rendered from the Sanskrit, not a published edition
PdP 6 37.18
नीराजनसमायुक्तमनिर्विण्णेन चेतसा । यामेयामे महाभाग कुर्यादारार्तिकं हरेः
nīrājanasamāyuktamanirviṇṇena cetasā | yāmeyāme mahābhāga kuryādārārtikaṃ hareḥ
accompanied by the waving of lights, with an unwearied mind; in each and every watch, O greatly fortunate one, one should perform the ārati of Hari.
AI translation rendered from the Sanskrit, not a published edition
PdP 6 37.19
षड्विंशगुणसंयुक्तमेकादश्यां च जागरम् । यः करोति नरो भक्त्या न पुनर्जायते भुवि
ṣaḍviṃśaguṇasaṃyuktamekādaśyāṃ ca jāgaram | yaḥ karoti naro bhaktyā na punarjāyate bhuvi
The man who with devotion performs on the eleventh day the vigil endowed with the twenty-six qualities is not born again on earth.
AI translation rendered from the Sanskrit, not a published edition
PdP 6 37.20
य एवं कुरुते भक्त्या वित्तशाठ्यविवर्जितः । जागरं वासरे विष्णोर्लीयते परमात्मनि
ya evaṃ kurute bhaktyā vittaśāṭhyavivarjitaḥ | jāgaraṃ vāsare viṣṇorlīyate paramātmani
He who thus performs with devotion, free of stinginess with his wealth, the vigil on Viṣṇu's day, dissolves into the Supreme Self.
AI translation rendered from the Sanskrit, not a published edition
PdP 6 37.21
धनवान्वित्तशाठ्येन यः करोति प्रजागरम् । तेनात्माहारितो नूनं कितवेन दुरात्मना
dhanavānvittaśāṭhyena yaḥ karoti prajāgaram | tenātmāhārito nūnaṃ kitavena durātmanā
The rich man who performs the vigil with stinginess about money — by him, a cheat and an evil soul, his own self has surely been thrown away.
AI translation rendered from the Sanskrit, not a published edition
PdP 6 37.22
विष्णुजागरणे प्राप्ते उपहासं करोति यः । षष्टिवर्षसहस्राणि विष्ठायां जायते कृमिः
viṣṇujāgaraṇe prāpte upahāsaṃ karoti yaḥ | ṣaṣṭivarṣasahasrāṇi viṣṭhāyāṃ jāyate kṛmiḥ
He who, when Viṣṇu's vigil has come, makes mockery of it, is born as a worm in excrement for sixty thousand years.
AI translation rendered from the Sanskrit, not a published edition
PdP 6 37.23
वेदविद्ब्राह्मणो यस्तु नर्त्तनेन विशेषतः । उपहासपरः प्राप्तः स वै चांडाल उच्यते
vedavidbrāhmaṇo yastu narttanena viśeṣataḥ | upahāsaparaḥ prāptaḥ sa vai cāṃḍāla ucyate
And that Veda-knowing brahmin who is given over to mockery, especially of the dancing, is indeed called a caṇḍāla.
AI translation rendered from the Sanskrit, not a published edition
PdP 6 37.24
निमिषं निमिषार्द्धं वा यः करोति प्रजागरम् । धर्मार्थकाममोक्षाणां प्राप्नोति पदमव्ययम्
nimiṣaṃ nimiṣārddhaṃ vā yaḥ karoti prajāgaram | dharmārthakāmamokṣāṇāṃ prāpnoti padamavyayam
He who keeps the vigil for an instant or even half an instant attains the imperishable station of dharma, wealth, pleasure and liberation.
AI translation rendered from the Sanskrit, not a published edition
PdP 6 37.25
वेदशास्त्ररतो नित्यं नित्यं वै यज्ञयाजकः । रात्रौ जागरणे प्राप्ते निंदां कुर्वन्व्रजत्यधः
vedaśāstrarato nityaṃ nityaṃ vai yajñayājakaḥ | rātrau jāgaraṇe prāpte niṃdāṃ kurvanvrajatyadhaḥ
One constantly devoted to the Veda and the scriptures, constantly a performer of sacrifices, if when the night vigil has come he speaks blame of it, goes downward.
AI translation rendered from the Sanskrit, not a published edition
PdP 6 37.26
मम पूजां प्रकुर्वाणो विष्णुनिंदासु तत्परः । एकविंशत्कुलेनैव नरकं प्रतिपद्यते
mama pūjāṃ prakurvāṇo viṣṇuniṃdāsu tatparaḥ | ekaviṃśatkulenaiva narakaṃ pratipadyate
One who performs worship of me but is bent on reviling Viṣṇu goes to hell together with twenty-one generations of his family.
AI translation rendered from the Sanskrit, not a published edition
PdP 6 37.27
विष्णुः शिवः शिवो विष्णुरेकमूर्तिर्द्विधा स्थिताः । तस्मात्सर्वप्रकारेण नैव निंदां प्रकारयेत् । दष्टाः कलिभुजंगेन स्वपंति मधुहाहनि
viṣṇuḥ śivaḥ śivo viṣṇurekamūrtirdvidhā sthitāḥ | tasmātsarvaprakāreṇa naiva niṃdāṃ prakārayet | daṣṭāḥ kalibhujaṃgena svapaṃti madhuhāhani
Viṣṇu is Śiva, Śiva is Viṣṇu; they are one form abiding in two ways. Therefore in no manner whatever should one cause blame (of either) to be uttered. Bitten by the serpent Kali, (men) sleep on the day of the slayer of Madhu.
AI translation rendered from the Sanskrit, not a published edition
PdP 6 37.28
कुर्वंति जागरं नैव मायया ते च मोहिताः । प्राप्ता एकादशी येषां कलौ जागरणं विना
kurvaṃti jāgaraṃ naiva māyayā te ca mohitāḥ | prāptā ekādaśī yeṣāṃ kalau jāgaraṇaṃ vinā
They do not keep the vigil at all, deluded as they are by illusion. Those for whom, in the Kali age, the eleventh day has come and gone without a vigil —
AI translation rendered from the Sanskrit, not a published edition
PdP 6 37.29
ते विनष्टा न संदेहो यस्माज्जीवितमध्रुवम् । उद्धृतं नेत्रयुग्मं तु दत्त्वा वै वैष्णवं पदम्
te vinaṣṭā na saṃdeho yasmājjīvitamadhruvam | uddhṛtaṃ netrayugmaṃ tu dattvā vai vaiṣṇavaṃ padam
they are destroyed, there is no doubt, since life is unstable. Having given the Vaiṣṇava state (to others), (as it were) their pair of eyes has been torn out —
AI translation rendered from the Sanskrit, not a published edition — the model flagged this verse as uncertain
PdP 6 37.30
कृतं ये नैव पश्यंति पापिनो हरिजागरम् । अभावे वाचकस्याथ गीतं नृत्यं तु कारयेत्
kṛtaṃ ye naiva paśyaṃti pāpino harijāgaram | abhāve vācakasyātha gītaṃ nṛtyaṃ tu kārayet
those sinners who do not look upon the vigil of Hari when it is being held. In the absence of a reciter, one should have singing and dancing performed.
AI translation rendered from the Sanskrit, not a published edition
PdP 6 37.31
वाचके सति देवर्षे पुराणं प्रथमं पठेत् । अश्वमेधसहस्रस्य वाजपेयायुतस्य च
vācake sati devarṣe purāṇaṃ prathamaṃ paṭhet | aśvamedhasahasrasya vājapeyāyutasya ca
If a reciter is present, O sage of the gods, he should first read the Purāṇa. Of a thousand horse-sacrifices and of ten thousand vājapeya rites —
AI translation rendered from the Sanskrit, not a published edition
PdP 6 37.32
पुण्यं कोटिगुणं वत्स विष्णोर्जागरणे कृते । पितृपक्षे मातृपक्षे भार्यापक्षे तु वाडव
puṇyaṃ koṭiguṇaṃ vatsa viṣṇorjāgaraṇe kṛte | pitṛpakṣe mātṛpakṣe bhāryāpakṣe tu vāḍava
The merit is a crore times greater, child, when the night-vigil of Viṣṇu is kept — for the father's line, the mother's line, and the wife's line too, O brahmin,
AI translation rendered from the Sanskrit, not a published edition
PdP 6 37.33
कुलानुद्धरते चैतान्कृत्वा जागरणं हरेः । उपोषणदिने विद्धे जागरं पूजनं हरेः
kulānuddharate caitānkṛtvā jāgaraṇaṃ hareḥ | upoṣaṇadine viddhe jāgaraṃ pūjanaṃ hareḥ
he raises up these families by performing the vigil of Hari. But when the fast-day is overlapped (by another lunar day), the vigil and the worship of Hari —
AI translation rendered from the Sanskrit, not a published edition — the model flagged this verse as uncertain
PdP 6 37.34
वृथादानादिकं सर्वं कृतघ्नेषु कृतं यथा । उपोषणदिने विद्धे प्रारब्धे जागरे स्थितिम्
vṛthādānādikaṃ sarvaṃ kṛtaghneṣu kṛtaṃ yathā | upoṣaṇadine viddhe prārabdhe jāgare sthitim
it is all fruitless, like a gift and the like made to the ungrateful. When, on an overlapped fast-day, the vigil has been begun, (Viṣṇu's) staying
AI translation rendered from the Sanskrit, not a published edition — the model flagged this verse as uncertain
PdP 6 37.35
विहाय स्थानं तद्विष्णुः शापं दत्वा प्रगच्छति । अविद्धे वासरे विष्णोर्ये कुर्वंति प्रजागरम्
vihāya sthānaṃ tadviṣṇuḥ śāpaṃ datvā pragacchati | aviddhe vāsare viṣṇorye kurvaṃti prajāgaram
— Viṣṇu abandons that place and departs, after pronouncing a curse. But those who keep the night-vigil on a day of Viṣṇu that is not overlapped,
AI translation rendered from the Sanskrit, not a published edition
PdP 6 37.36
तेषां मध्ये तु तुष्टः सन्नृत्यं तु कुरुते हरिः । यावद्दिनानि कुरुते जागरं केशवाग्रतः
teṣāṃ madhye tu tuṣṭaḥ sannṛtyaṃ tu kurute hariḥ | yāvaddināni kurute jāgaraṃ keśavāgrataḥ
in their midst Hari, being pleased, performs a dance. For as many days as one keeps the vigil before Keśava,
AI translation rendered from the Sanskrit, not a published edition
PdP 6 37.37
युगानि तानि तावंति विष्णुलोके महीयते । यावद्दिनानि वसते विना जागरणं हरेः
yugāni tāni tāvaṃti viṣṇuloke mahīyate | yāvaddināni vasate vinā jāgaraṇaṃ hareḥ
for that many ages is one honoured in Viṣṇu's world. For as many days as one dwells without the vigil of Hari,
AI translation rendered from the Sanskrit, not a published edition
PdP 6 37.38
तावद्वर्षसहस्राणि रौरवान्न निवर्तते । एकदश्यां शयानस्तु विना जागरणं हरेः
tāvadvarṣasahasrāṇi rauravānna nivartate | ekadaśyāṃ śayānastu vinā jāgaraṇaṃ hareḥ
for that many thousands of years he does not come back out of the Raurava hell. He who lies asleep on the eleventh day without keeping Hari's vigil,
AI translation rendered from the Sanskrit, not a published edition
PdP 6 37.39
मूकवत्तिष्ठते यो वै गानं पाठं न वाचरेत् । सप्तजन्मानि मूकत्वं जायतेऽजागरे हरेः
mūkavattiṣṭhate yo vai gānaṃ pāṭhaṃ na vācaret | saptajanmāni mūkatvaṃ jāyate'jāgare hareḥ
who stays like a mute and does not utter song or recitation — muteness for seven births arises from not keeping Hari's vigil.
AI translation rendered from the Sanskrit, not a published edition
PdP 6 37.40
यो न नृत्यति मूढात्मा पुरतो जागरे हरेः । पंगुत्वं तस्य जानीयात्सप्तजन्मानि वाडव
yo na nṛtyati mūḍhātmā purato jāgare hareḥ | paṃgutvaṃ tasya jānīyātsaptajanmāni vāḍava
The fool who does not dance before (the Lord) at Hari's vigil — know that he is lame for seven births, O brahmin.
AI translation rendered from the Sanskrit, not a published edition
PdP 6 37.41
यः पुनः कुरुते गीतं नृत्यं जागरणं हरेः । ब्राह्मं पदं मदीयं च सत्यं वै तस्य वैष्णवम्
yaḥ punaḥ kurute gītaṃ nṛtyaṃ jāgaraṇaṃ hareḥ | brāhmaṃ padaṃ madīyaṃ ca satyaṃ vai tasya vaiṣṇavam
But he who makes song and dance at Hari's night-vigil — Brahmā's station, and mine, and Viṣṇu's too, truly belongs to him.
AI translation rendered from the Sanskrit, not a published edition
PdP 6 37.42
यः प्रबोधयते लोकान्विष्णोर्जागरणे रतः । वसेच्चिरं तु वैकुंठे पितृभिः सह वैष्णवः
yaḥ prabodhayate lokānviṣṇorjāgaraṇe rataḥ | vasecciraṃ tu vaikuṃṭhe pitṛbhiḥ saha vaiṣṇavaḥ
He who, devoted to the night-vigil of Viṣṇu, rouses people (to it) — that Vaiṣṇava dwells long in Vaikuṇṭha together with his forefathers.
AI translation rendered from the Sanskrit, not a published edition
PdP 6 37.43
मतिं प्रयच्छते यस्तु हरेर्जागरणं प्रति । षष्टिवर्षसहस्राणि श्वेतद्वीपे वसेन्नरः
matiṃ prayacchate yastu harerjāgaraṇaṃ prati | ṣaṣṭivarṣasahasrāṇi śvetadvīpe vasennaraḥ
And the man who gives (another) the thought of keeping Hari's vigil dwells sixty thousand years in Śvetadvīpa.
AI translation rendered from the Sanskrit, not a published edition
PdP 6 37.44
यत्किंचित्क्रियते पापं कोटिजन्मनि मानवैः । श्रीकृष्णजागरे सर्वं रात्रौ नश्यति वाडव
yatkiṃcitkriyate pāpaṃ koṭijanmani mānavaiḥ | śrīkṛṣṇajāgare sarvaṃ rātrau naśyati vāḍava
Whatever sin is committed by men in a crore of births, all of it perishes in a single night at the vigil of Śrī Kṛṣṇa, O brahmin.
AI translation rendered from the Sanskrit, not a published edition
PdP 6 37.45
शालग्रामशिलाग्रे ये कुर्वंति प्रतिजागरम् । यामेयामे फलं प्रोक्तं कोट्यैंदवसमुद्भवम्
śālagrāmaśilāgre ye kurvaṃti pratijāgaram | yāmeyāme phalaṃ proktaṃ koṭyaiṃdavasamudbhavam
For those who keep the vigil before a śālagrāma stone, the fruit is declared, watch by watch, to be that produced by a crore of lunar (observances).
AI translation rendered from the Sanskrit, not a published edition — the model flagged this verse as uncertain
PdP 6 37.46
संप्राप्ते वासरे विष्णोर्ये न कुर्वंति जागरम् । वृथा स्यात्तत्कृतं तेषां वैष्णवानां च निंदया
saṃprāpte vāsare viṣṇorye na kurvaṃti jāgaram | vṛthā syāttatkṛtaṃ teṣāṃ vaiṣṇavānāṃ ca niṃdayā
Those who, when Viṣṇu's day has come, do not keep the vigil — what they have done becomes fruitless, and so too by the reviling of Vaiṣṇavas.
AI translation rendered from the Sanskrit, not a published edition
PdP 6 37.47
कामार्थौ संपदः पुत्राः कीर्तिर्लोकाश्च शाश्वताः । यज्ञायुतैर्न लभ्यंते द्वादशीजागरं विना
kāmārthau saṃpadaḥ putrāḥ kīrtirlokāśca śāśvatāḥ | yajñāyutairna labhyaṃte dvādaśījāgaraṃ vinā
Pleasure and wealth, riches, sons, fame, and everlasting worlds are not gained even by ten thousand sacrifices, without the vigil of the twelfth day.
AI translation rendered from the Sanskrit, not a published edition
PdP 6 37.48
मतिर्न जायते यस्य द्वादश्यां जागरं प्रति । न हि तस्याधिकारोऽस्ति पूजने केशवस्य हि
matirna jāyate yasya dvādaśyāṃ jāgaraṃ prati | na hi tasyādhikāro'sti pūjane keśavasya hi
He in whom no inclination arises toward the vigil on the twelfth has indeed no entitlement to the worship of Keśava.
AI translation rendered from the Sanskrit, not a published edition
PdP 6 37.49
यावत्पदानि चलति केशवायतनं प्रति । अश्वमेधसमानि स्युः जागरार्थं प्रगच्छतः
yāvatpadāni calati keśavāyatanaṃ prati | aśvamedhasamāni syuḥ jāgarārthaṃ pragacchataḥ
However many steps a man walks toward Keśava's temple, going there for the sake of the vigil, they are equal to horse-sacrifices.
AI translation rendered from the Sanskrit, not a published edition
PdP 6 37.50
पादयोः पतितं यावद्धरण्यां पांशु गच्छताम् । तावद्वर्षसहस्राणि जागरो वसते दिवि 6.37.
pādayoḥ patitaṃ yāvaddharaṇyāṃ pāṃśu gacchatām | tāvadvarṣasahasrāṇi jāgaro vasate divi 6.37.
As much dust settles on the two feet of those walking upon the earth, for that many thousands of years the vigil-keeper dwells in heaven.
AI translation rendered from the Sanskrit, not a published edition
PdP 6 37.51
तस्माद्गृहात्प्रगंतव्यं जागरे केशवालये । कलौ मलविनाशाय द्वादशीद्वादशीषु च
tasmādgṛhātpragaṃtavyaṃ jāgare keśavālaye | kalau malavināśāya dvādaśīdvādaśīṣu ca
Therefore one should go forth from the house to Keśava's abode for the vigil, on every twelfth day, for the destruction of the taint of the Kali age.
AI translation rendered from the Sanskrit, not a published edition
PdP 6 37.52
परापवादसंयुक्तं मनः प्रासाद वर्जितम् । शास्त्रहीनमगांधर्वं तथा दीपविवर्जितम्
parāpavādasaṃyuktaṃ manaḥ prāsāda varjitam | śāstrahīnamagāṃdharvaṃ tathā dīpavivarjitam
(A vigil) joined with slander of others, devoid of gladness of mind, without scripture-recitation, without music, and likewise without lamps —
AI translation rendered from the Sanskrit, not a published edition — the model flagged this verse as uncertain
PdP 6 37.53
शक्त्योपचाररहितमुदासीनं सनिंदनम् । कलियुक्तं विशेषेण जागरं नवधा मतम्
śaktyopacārarahitamudāsīnaṃ saniṃdanam | kaliyuktaṃ viśeṣeṇa jāgaraṃ navadhā matam
lacking the attendance-services according to one's means, (performed) listlessly, accompanied by fault-finding, and especially joined with quarrelling — such a vigil is held to be of nine (defective) kinds.
AI translation rendered from the Sanskrit, not a published edition — the model flagged this verse as uncertain
PdP 6 37.54
सशास्त्रं जागरं यच्च नृत्यगांधर्वसंयुतम् । सवाद्यं तालासंयुक्तं सदीपं मधुभिर्युतम्
saśāstraṃ jāgaraṃ yacca nṛtyagāṃdharvasaṃyutam | savādyaṃ tālāsaṃyuktaṃ sadīpaṃ madhubhiryutam
But the vigil that is with scripture-recitation, joined with dance and music, with instruments, joined with rhythmic beats, with lamps, and provided with honey (offerings),
AI translation rendered from the Sanskrit, not a published edition
PdP 6 37.55
उच्चारैस्तु समायुक्तं यथोक्तैर्भक्तिभावितैः । प्रसन्नं तुष्टिजननं संमूढं लोकरंजनम्
uccāraistu samāyuktaṃ yathoktairbhaktibhāvitaiḥ | prasannaṃ tuṣṭijananaṃ saṃmūḍhaṃ lokaraṃjanam
joined with utterances as prescribed, pervaded by devotion, serene, producing satisfaction, rapt, delighting the people —
AI translation rendered from the Sanskrit, not a published edition — the model flagged this verse as uncertain
PdP 6 37.56
गुणैर्द्वादशभिर्युक्तं जागरं माधवप्रियम् । कर्त्तव्यं तत्प्रयत्नेन पक्षयोः शुक्लकृष्णयोः
guṇairdvādaśabhiryuktaṃ jāgaraṃ mādhavapriyam | karttavyaṃ tatprayatnena pakṣayoḥ śuklakṛṣṇayoḥ
the vigil endowed with (these) twelve qualities is dear to Mādhava; it should be performed with effort in both the bright and the dark fortnights.
AI translation rendered from the Sanskrit, not a published edition
PdP 6 37.57
किं व्रतैर्बहुभिश्चीर्णैस्तीर्थवासेन तस्य किम् । द्वादशीवासरे प्राप्ते न कुर्याज्जागरं हरेः
kiṃ vratairbahubhiścīrṇaistīrthavāsena tasya kim | dvādaśīvāsare prāpte na kuryājjāgaraṃ hareḥ
What use are many observances performed, what use to him is dwelling at holy fords, if, when the day of the twelfth has come, he does not keep the vigil of Hari?
AI translation rendered from the Sanskrit, not a published edition
PdP 6 37.58
प्रवासेन त्यजेद्यस्तु पथिस्विन्नोऽपि वाडव । जागरं वासुदेवस्य द्वादश्यां तु समे प्रियः
pravāsena tyajedyastu pathisvinno'pi vāḍava | jāgaraṃ vāsudevasya dvādaśyāṃ tu same priyaḥ
But whoever, on account of being away from home, gives up the vigil of Vāsudeva on the twelfth, even though wearied on the road — O Brahmin, he is (still) equally dear (to Him)?
AI translation rendered from the Sanskrit, not a published edition — the model flagged this verse as uncertain
PdP 6 37.59
मद्भक्तो न हरेः कुर्याज्जागरं पापमोहितः । व्यर्थं मत्पूजनं तस्य मत्पूज्यं यो न पूजयेत्
madbhakto na hareḥ kuryājjāgaraṃ pāpamohitaḥ | vyarthaṃ matpūjanaṃ tasya matpūjyaṃ yo na pūjayet
(If) my devotee, deluded by sin, does not keep the vigil of Hari, his worship of me is fruitless, since he does not worship one who is to be worshipped by me.
AI translation rendered from the Sanskrit, not a published edition
PdP 6 37.60
न शैवो न च सौरोऽसौ न शाक्तो गणसेवकः । यो भुंक्ते वासरे विष्णोर्ज्ञेयः पश्वधिको हि सः
na śaivo na ca sauro'sau na śākto gaṇasevakaḥ | yo bhuṃkte vāsare viṣṇorjñeyaḥ paśvadhiko hi saḥ
He is no Śaiva, no worshipper of the Sun, no Śākta, no servant of Gaṇeśa: whoever eats on the day of Viṣṇu is to be known as lower than a beast.
AI translation rendered from the Sanskrit, not a published edition
PdP 6 37.61
विप्रियं च कृतं तेन दुष्टेनैव च पापिना । मद्भक्तिबलमाश्रित्य यो भुंक्ते वै हरेर्दिने
vipriyaṃ ca kṛtaṃ tena duṣṭenaiva ca pāpinā | madbhaktibalamāśritya yo bhuṃkte vai harerdine
And by that wicked sinner a thing displeasing (to me) has been done — he who, relying on the strength of devotion to me, yet eats on Hari's day.
AI translation rendered from the Sanskrit, not a published edition
PdP 6 37.62
सबाह्याभ्यंतरं देहं वेष्टितं पापकोटिभिः । मुच्यंते वासरे विष्णोर्ये कुर्वंति प्रजागरम्
sabāhyābhyaṃtaraṃ dehaṃ veṣṭitaṃ pāpakoṭibhiḥ | mucyaṃte vāsare viṣṇorye kurvaṃti prajāgaram
The body, outside and within, is wrapped in tens of millions of sins; (yet) those who keep the vigil on Viṣṇu's day are freed.
AI translation rendered from the Sanskrit, not a published edition
PdP 6 37.63
कूर्परं यमदूतानां दत्तं तेन यमस्य च । कृत्वा जागरणं विष्णोरविद्धं द्वादशीव्रतम्
kūrparaṃ yamadūtānāṃ dattaṃ tena yamasya ca | kṛtvā jāgaraṇaṃ viṣṇoraviddhaṃ dvādaśīvratam
By him an elbow (a shove) has been dealt to Yama's messengers and to Yama himself, who, having kept the vigil of Viṣṇu, (observes) the twelfth-day vow unmixed (with the eleventh).
AI translation rendered from the Sanskrit, not a published edition — the model flagged this verse as uncertain
PdP 6 37.64
स्वर्गापेक्षा मुनिश्रेष्ठ मुक्ता ते नैव संशयः । वांछितं नारकं सौख्यं विद्धं कृत्वा हरेर्दिनम्
svargāpekṣā muniśreṣṭha muktā te naiva saṃśayaḥ | vāṃchitaṃ nārakaṃ saukhyaṃ viddhaṃ kṛtvā harerdinam
O best of sages, for them expectation of heaven is dropped — there is no doubt of it; (but) by keeping Hari's day when it is 'pierced', hellish 'comfort' is what one has desired.
AI translation rendered from the Sanskrit, not a published edition — the model flagged this verse as uncertain
PdP 6 37.65
निहताः पितरस्तेन देवानां वै वधः कृतः । दत्तं राज्यं तु दैत्यानां कृत्वा विद्धं हरेर्दिनम्
nihatāḥ pitarastena devānāṃ vai vadhaḥ kṛtaḥ | dattaṃ rājyaṃ tu daityānāṃ kṛtvā viddhaṃ harerdinam
By him the forefathers have been slain, indeed the slaughter of the gods has been committed, and the kingdom has been handed to the demons, who keeps Hari's day when it is 'pierced'.
AI translation rendered from the Sanskrit, not a published edition
PdP 6 37.66
यो नृत्यति प्रहृष्टात्मा कृत्वा वै करताडनम् । गीतं कुर्वन्मुखेनापि दर्शयन्कौतुकान्बहून्
yo nṛtyati prahṛṣṭātmā kṛtvā vai karatāḍanam | gītaṃ kurvanmukhenāpi darśayankautukānbahūn
He who, with delighted heart, dances, clapping his hands, making song too with his mouth, displaying many amusements,
AI translation rendered from the Sanskrit, not a published edition
PdP 6 37.67
पुरतो वासुदेवस्य रात्रौ जागरणे स्थितः । पठन्कृष्णचरित्राणि रंजयन्वैष्णवान्गणान्
purato vāsudevasya rātrau jāgaraṇe sthitaḥ | paṭhankṛṣṇacaritrāṇi raṃjayanvaiṣṇavāngaṇān
standing before Vāsudeva at night in the vigil, reciting the deeds of Kṛṣṇa, delighting the troops of Vaiṣṇavas,
AI translation rendered from the Sanskrit, not a published edition
PdP 6 37.68
मुखेन कुरुते वाद्यं संप्रहृष्टतनूरुहः । दर्शयन्विविधान्भृत्यान्स्वेच्छालापान्प्रकारयन्
mukhena kurute vādyaṃ saṃprahṛṣṭatanūruhaḥ | darśayanvividhānbhṛtyānsvecchālāpānprakārayan
makes instrumental music with his mouth, his body-hair bristling with joy, showing forth the various servants (of the Lord), causing talk at will to go on —
AI translation rendered from the Sanskrit, not a published edition — the model flagged this verse as uncertain
PdP 6 37.69
भावैरेतैर्नरो यस्तु कुरुते जागरे हरेः । निमिषेनिमिषे पुण्यं तीर्थकोटिफलं स्मृतम्
bhāvairetairnaro yastu kurute jāgare hareḥ | nimiṣenimiṣe puṇyaṃ tīrthakoṭiphalaṃ smṛtam
the man who, with these attitudes, acts in the vigil of Hari — at every instant his merit is declared to be the fruit of ten million holy fords.
AI translation rendered from the Sanskrit, not a published edition
PdP 6 37.70
अनुद्विग्नमना यस्तु धूपनीराजनं हरेः । कुरुते जागरे रात्रौ सप्तद्वीपाधिपो भवेत्
anudvignamanā yastu dhūpanīrājanaṃ hareḥ | kurute jāgare rātrau saptadvīpādhipo bhavet
And he who, with untroubled mind, performs for Hari the incense-offering and the waving of lights at night in the vigil, becomes lord of the seven continents.
AI translation rendered from the Sanskrit, not a published edition
PdP 6 37.71
यानि कानि च पापानि ब्रह्महत्यासमानि च । कृष्णा ह जागरात्तानि विलयं यांति खंडशः
yāni kāni ca pāpāni brahmahatyāsamāni ca | kṛṣṇā ha jāgarāttāni vilayaṃ yāṃti khaṃḍaśaḥ
Whatever sins there are, even those equal to the killing of a Brahmin, they go to dissolution piece by piece through the vigil (on the day) of Kṛṣṇa.
AI translation rendered from the Sanskrit, not a published edition — the model flagged this verse as uncertain
PdP 6 37.72
एकतो देवदेवस्य जागरः कृष्णवल्लभः
ekato devadevasya jāgaraḥ kṛṣṇavallabhaḥ
On the one side (alone) stands the vigil of the God of gods, dear to Kṛṣṇa.
AI translation rendered from the Sanskrit, not a published edition — the model flagged this verse as uncertain
PdP 6 37.73
तत्र काशी पुष्करं च प्रयागं नैमिषं गया । शालग्राममहाक्षेत्रमर्बुदारण्यमेव च
tatra kāśī puṣkaraṃ ca prayāgaṃ naimiṣaṃ gayā | śālagrāmamahākṣetramarbudāraṇyameva ca
There (are) Kāśī and Puṣkara, Prayāga, Naimiṣa, Gayā, the great sacred field of Śālagrāma, and the Arbuda forest as well.
AI translation rendered from the Sanskrit, not a published edition
PdP 6 37.74
पौष्करं मथुरा तत्र सर्वतीर्थानि चैव हि । यज्ञा वेदाश्च चत्वारो व्रजंति हरिजागरम्
pauṣkaraṃ mathurā tatra sarvatīrthāni caiva hi | yajñā vedāśca catvāro vrajaṃti harijāgaram
The Pauṣkara (rite), Mathurā, and indeed all the sacred fords are there; the sacrifices and the four Vedas go to Hari's vigil.
AI translation rendered from the Sanskrit, not a published edition
PdP 6 37.75
गंगा सरस्वती तापी यमुना च शतद्रुका । चंद्रभागा वितस्ता च नद्यः सर्वास्तु तत्र वै
gaṃgā sarasvatī tāpī yamunā ca śatadrukā | caṃdrabhāgā vitastā ca nadyaḥ sarvāstu tatra vai
The Gaṅgā, Sarasvatī, Tāpī, Yamunā, and Śatadru, the Candrabhāgā and the Vitastā — all the rivers are indeed there.
AI translation rendered from the Sanskrit, not a published edition
PdP 6 37.76
सरांसि च ह्रदाः सर्वे समुद्राः सर्व एव हि । एकादश्यां द्विजश्रेष्ठ गच्छंति कृष्णजागरम्
sarāṃsi ca hradāḥ sarve samudrāḥ sarva eva hi | ekādaśyāṃ dvijaśreṣṭha gacchaṃti kṛṣṇajāgaram
And the lakes and all the pools, and all the oceans too — on the eleventh day, O best of the twice-born, they go to Kṛṣṇa's vigil.
AI translation rendered from the Sanskrit, not a published edition
PdP 6 37.77
स्पृहणीया हि देवानां ये नराः कृष्णजागरे । नृत्यंति गीतं कुर्वंति वीणावाद्यप्रहर्षिताः
spṛhaṇīyā hi devānāṃ ye narāḥ kṛṣṇajāgare | nṛtyaṃti gītaṃ kurvaṃti vīṇāvādyapraharṣitāḥ
Those men are truly to be envied by the gods who at Kṛṣṇa's vigil dance and sing, delighted by the playing of lutes.
AI translation rendered from the Sanskrit, not a published edition
PdP 6 37.78
एवं जागरणं कृत्वा संपूज्य च महाहरिम् । द्वादश्यां पारणं कृत्वा स्वशक्त्या वैष्णवैः सह
evaṃ jāgaraṇaṃ kṛtvā saṃpūjya ca mahāharim | dvādaśyāṃ pāraṇaṃ kṛtvā svaśaktyā vaiṣṇavaiḥ saha
Having thus kept the vigil and fully worshipped the great Hari, and having broken the fast on the twelfth day according to one's means, together with the Vaiṣṇavas...
AI translation rendered from the Sanskrit, not a published edition
PdP 6 37.79
महादेव उवाच- शृणु ब्रह्मन्प्रवक्ष्यामि द्वादशीमाहात्म्यमुत्तमम् । द्वादशी तु सदा ज्ञेया पुत्रदा मोक्षदायिनी
mahādeva uvāca- śṛṇu brahmanpravakṣyāmi dvādaśīmāhātmyamuttamam | dvādaśī tu sadā jñeyā putradā mokṣadāyinī
Mahādeva said: Listen, Brahman, I shall declare the excellent greatness of the twelfth day. The twelfth is always to be known as the giver of sons and the bestower of liberation.
AI translation rendered from the Sanskrit, not a published edition
PdP 6 37.80
प्रातः स्नात्वा हरिं पूज्य उपवासं समर्पयेत् । अज्ञानतिमिरांधस्य व्रतेनानेन केशव
prātaḥ snātvā hariṃ pūjya upavāsaṃ samarpayet | ajñānatimirāṃdhasya vratenānena keśava
Having bathed in the morning and worshipped Hari, one should present (the merit of) the fast (saying): "For me, blind with the darkness of ignorance, by this observance, O Keśava,
AI translation rendered from the Sanskrit, not a published edition
PdP 6 37.81
प्रसीद सुमुखो भूत्वा ज्ञानदृष्टिप्रदो भव । पारणं च ततः कुर्याद्यथासंभवमग्रतः
prasīda sumukho bhūtvā jñānadṛṣṭiprado bhava | pāraṇaṃ ca tataḥ kuryādyathāsaṃbhavamagrataḥ
be gracious, become kindly-faced, be the giver of the eye of knowledge." And then one should break the fast, as is possible, first (of all).
AI translation rendered from the Sanskrit, not a published edition
PdP 6 37.82
अत ऊर्ध्वं यथेष्टं तु कारयेच्च यथाविधि । यदा तु द्वादशी स्वल्पा पारणेन भवेद्दिवज
ata ūrdhvaṃ yatheṣṭaṃ tu kārayecca yathāvidhi | yadā tu dvādaśī svalpā pāraṇena bhaveddivaja
Beyond this one may have (things) done as one wishes, according to rule. But when, O twice-born, the twelfth is too short for the breaking of the fast,
AI translation rendered from the Sanskrit, not a published edition
PdP 6 37.83
तदा रात्रौ तु कर्त्तव्यं पारणं मुक्तिमिच्छता । तदा न रात्रिदोषः स्यान्निषिद्धं न भवेत्क्वचित्
tadā rātrau tu karttavyaṃ pāraṇaṃ muktimicchatā | tadā na rātridoṣaḥ syānniṣiddhaṃ na bhavetkvacit
then the breaking of the fast should be done at night by one who desires liberation; then there would be no fault of nighttime, nor would it be anywhere forbidden.
AI translation rendered from the Sanskrit, not a published edition
PdP 6 37.84
यदुक्तं निशि न स्नायान्महानिशि न भोजयेत् । तत्पूर्वपरयामाभ्यां दिनवत्कर्म कारयेत्
yaduktaṃ niśi na snāyānmahāniśi na bhojayet | tatpūrvaparayāmābhyāṃ dinavatkarma kārayet
As for what is said, "one should not bathe at night, one should not eat at deep night" — in the watches before and after that (deep night) one should have the rites performed as by day.
AI translation rendered from the Sanskrit, not a published edition
PdP 6 37.85
यदा भवति स्वल्पा तु द्वादशी पारणे दिने । उषःकाले द्वयं कुर्यात्प्रातर्मध्याह्निकं तथा
yadā bhavati svalpā tu dvādaśī pāraṇe dine | uṣaḥkāle dvayaṃ kuryātprātarmadhyāhnikaṃ tathā
But when the twelfth is short on the day of breaking the fast, one should perform the two (rites) at dawn, that is, the morning and the midday (ones).
AI translation rendered from the Sanskrit, not a published edition
PdP 6 37.86
द्वादशी साधिता येन नरेण भुवि सर्वदा । तस्य पुण्यमहं वक्तुं न समर्थो विशेषतः
dvādaśī sādhitā yena nareṇa bhuvi sarvadā | tasya puṇyamahaṃ vaktuṃ na samartho viśeṣataḥ
The merit of that man by whom the twelfth is always observed on earth I am not able to tell in detail.
AI translation rendered from the Sanskrit, not a published edition
PdP 6 37.87
साधयित्वाखिलान्कामान्प्राप्नुयुश्च महाजनाः । अंबरीषादयः सर्वे ये भक्ता भुवि विश्रुताः
sādhayitvākhilānkāmānprāpnuyuśca mahājanāḥ | aṃbarīṣādayaḥ sarve ye bhaktā bhuvi viśrutāḥ
And the great men obtained all their desires by accomplishing (it) — Ambarīṣa and the rest, all those devotees renowned on earth.
AI translation rendered from the Sanskrit, not a published edition
PdP 6 37.88
द्वादशीं साधयित्वा तु ते गता विष्णुसद्मनि । सत्यं सत्यं पुनः सत्यं यदुक्तं तु मया तव
dvādaśīṃ sādhayitvā tu te gatā viṣṇusadmani | satyaṃ satyaṃ punaḥ satyaṃ yaduktaṃ tu mayā tava
Having accomplished the twelfth, they went to Viṣṇu's abode. True, true, again true is what has been said by me to you.
AI translation rendered from the Sanskrit, not a published edition
PdP 6 37.89
नास्ति विष्णुसमो देवो न तिथिर्द्वादशीसमा । अत्र दत्तं च भुक्तं च तथा पूजादिकं च यत्
nāsti viṣṇusamo devo na tithirdvādaśīsamā | atra dattaṃ ca bhuktaṃ ca tathā pūjādikaṃ ca yat
There is no god equal to Viṣṇu, no lunar day equal to the twelfth. Whatever is given here, and eaten, and likewise whatever worship and the rest (is done),
AI translation rendered from the Sanskrit, not a published edition
PdP 6 37.90
तत्सर्वं पूर्णतां याति पूजिते माधवे सति । किं पुनर्बहुनोक्तेन भक्तानां वल्लभो हरिः
tatsarvaṃ pūrṇatāṃ yāti pūjite mādhave sati | kiṃ punarbahunoktena bhaktānāṃ vallabho hariḥ
all that attains fullness when Mādhava has been worshipped. What need of much speaking? Hari is dear to his devotees.
AI translation rendered from the Sanskrit, not a published edition
PdP 6 37.91
प्रददात्यखिलान्कामान्यावदाभूतसंप्लवम् । द्वादश्यां चैव यद्दत्तं तत्सर्वं सफलं भवेत्
pradadātyakhilānkāmānyāvadābhūtasaṃplavam | dvādaśyāṃ caiva yaddattaṃ tatsarvaṃ saphalaṃ bhavet
He grants all desires until the dissolution of beings. And whatever is given on the twelfth, all that becomes fruitful.
AI translation rendered from the Sanskrit, not a published edition
PdP 6 37.92
कुरुक्षेत्रेषु यद्दत्तं निष्फलं नैव जायते । तद्वच्च द्वादशीदत्तं भवेद्देवर्षिसत्तम
kurukṣetreṣu yaddattaṃ niṣphalaṃ naiva jāyate | tadvacca dvādaśīdattaṃ bhaveddevarṣisattama
What is given at the Kurukṣetra (sites) never becomes fruitless; just so is what is given on the twelfth, O best of divine seers.
AI translation rendered from the Sanskrit, not a published edition