Padma Purana — Uttara Khanda — Chapter 33
PdP 6 33.1
नारद उवाच- शनिपीडा कथं याति तन्मे वद सुरोत्तम । त्वन्मुखाच्छ्रूयते यद्वै तेन जंतुः प्रमुच्यते
nārada uvāca- śanipīḍā kathaṃ yāti tanme vada surottama | tvanmukhācchrūyate yadvai tena jaṃtuḥ pramucyate
Nārada said: How does the affliction of Śani depart? Tell me that, O best of the gods; for whatever is heard from your mouth, by that a creature is set free.
AI translation rendered from the Sanskrit, not a published edition
PdP 6 33.2
महादेव उवाच- देवर्षे शृणु वृत्तांतं तेन मुच्येत बंधनात् । ग्रहाणां ग्रहराजोऽयं सौरिः सर्वमहेश्वरः
mahādeva uvāca- devarṣe śṛṇu vṛttāṃtaṃ tena mucyeta baṃdhanāt | grahāṇāṃ graharājo'yaṃ sauriḥ sarvamaheśvaraḥ
Mahādeva said: O divine seer, hear the account by which one may be freed from bondage. This son of the Sun is the king of the planets among the planets, the great lord of all.
AI translation rendered from the Sanskrit, not a published edition
PdP 6 33.3
अयं तु देवो विख्यातः कालरूपी महाग्रहः । जटिलो वज्ररोमा च दानवानां भयंकरः
ayaṃ tu devo vikhyātaḥ kālarūpī mahāgrahaḥ | jaṭilo vajraromā ca dānavānāṃ bhayaṃkaraḥ
This god is renowned as a great planet having the form of Time, matted-haired and with hair (hard) as adamant, a terror to the Dānavas.
AI translation rendered from the Sanskrit, not a published edition
PdP 6 33.4
तस्याख्यानं च लोकेऽस्मिन्प्रथितं नास्ति वै प्रभो । मया गुप्तं विशेषेण नोक्तं हि कस्यचित्कदा
tasyākhyānaṃ ca loke'sminprathitaṃ nāsti vai prabho | mayā guptaṃ viśeṣeṇa noktaṃ hi kasyacitkadā
And his story is not current in this world, O lord; it has been kept secret by me in particular, and never told to anyone at any time.
AI translation rendered from the Sanskrit, not a published edition
PdP 6 33.5
रघुवंशेऽति विख्यातो राजा दशरथः पुरा । चक्रवर्ती महावीरः सप्तद्वीपाधिपोऽभवत्
raghuvaṃśe'ti vikhyāto rājā daśarathaḥ purā | cakravartī mahāvīraḥ saptadvīpādhipo'bhavat
Formerly there was a king named Daśaratha, most renowned in the line of Raghu; he was a universal sovereign, a great hero, lord of the seven continents.
AI translation rendered from the Sanskrit, not a published edition
PdP 6 33.6
कृत्तिकांते शनिं ज्ञात्वा दैवज्ञैर्ज्ञापितो हि सः । रोहिणीं भेदयित्वा च शनिर्यास्यति सांप्रतम्
kṛttikāṃte śaniṃ jñātvā daivajñairjñāpito hi saḥ | rohiṇīṃ bhedayitvā ca śaniryāsyati sāṃpratam
Learning that Śani was at the end of Kṛttikā, he was indeed informed by the astrologers: "Śani will now pass on, splitting Rohiṇī.
AI translation rendered from the Sanskrit, not a published edition
PdP 6 33.7
शाकटं भेदमत्युग्रं सुरासुरभयंकरम् । द्वादशाब्दं तु दुर्भिक्षं भविष्यति सुदारुणम्
śākaṭaṃ bhedamatyugraṃ surāsurabhayaṃkaram | dvādaśābdaṃ tu durbhikṣaṃ bhaviṣyati sudāruṇam
(There will be) a splitting of the Wagon, most terrible, causing fear to gods and demons alike; and there will be a most dreadful famine for twelve years."
AI translation rendered from the Sanskrit, not a published edition
PdP 6 33.8
एतच्छ्रुत्वा ततो वाक्यं मंत्रिभिः सह पार्थिवः । मंत्रयामास किमिदं भयंकरमुपस्थितम्
etacchrutvā tato vākyaṃ maṃtribhiḥ saha pārthivaḥ | maṃtrayāmāsa kimidaṃ bhayaṃkaramupasthitam
Then, having heard this speech, the king took counsel together with his ministers: "What is this terrible thing that has come upon us?"
AI translation rendered from the Sanskrit, not a published edition
PdP 6 33.9
आकुलं च जगद्दृष्ट्वा पौरजानपदादिकम् । ब्रुवंति सर्वतो लोकाः क्षय एष समागतः
ākulaṃ ca jagaddṛṣṭvā paurajānapadādikam | bruvaṃti sarvato lokāḥ kṣaya eṣa samāgataḥ
And seeing the world agitated — the townsfolk, country people and the rest — the people were saying on every side, "This destruction has come!"
AI translation rendered from the Sanskrit, not a published edition
PdP 6 33.10
देशाः सनगरा ग्रामा भयभीताः समंततः । पप्रच्छ प्रयतो राजा वसिष्ठप्रमुखान्द्विजान्
deśāḥ sanagarā grāmā bhayabhītāḥ samaṃtataḥ | papraccha prayato rājā vasiṣṭhapramukhāndvijān
The lands with their cities and villages were stricken with fear on all sides; (so) the king, self-restrained, asked the brahmins headed by Vasiṣṭha:
AI translation rendered from the Sanskrit, not a published edition
PdP 6 33.11
संविधानं किमत्रास्ति ब्रूत मां हि द्विजोत्तमाः
saṃvidhānaṃ kimatrāsti brūta māṃ hi dvijottamāḥ
"What remedy is there in this case? Tell me, O best of the twice-born."
AI translation rendered from the Sanskrit, not a published edition
PdP 6 33.12
वसिष्ठ उवाच- प्राजापत्यमृक्षमिदं तस्मिन्भिन्ने कुतः प्रजाः । अयं योगोह्यसाध्यस्तु ब्रह्मशक्रादिभिस्तथा
vasiṣṭha uvāca- prājāpatyamṛkṣamidaṃ tasminbhinne kutaḥ prajāḥ | ayaṃ yogohyasādhyastu brahmaśakrādibhistathā
Vasiṣṭha said: This asterism belongs to Prajāpati; when it is split, whence are offspring (to come)? And this conjunction cannot be countered even by Brahmā, Śakra and the rest.
AI translation rendered from the Sanskrit, not a published edition
PdP 6 33.13
इति संचिंत्य मनसा साहसं परमं महत् । समादाय धनुर्दिव्यं दिव्यायुधसमन्वितम्
iti saṃciṃtya manasā sāhasaṃ paramaṃ mahat | samādāya dhanurdivyaṃ divyāyudhasamanvitam
Having pondered thus in his mind (upon) a supremely great act of daring, he took up his divine bow, together with his divine weapons,
AI translation rendered from the Sanskrit, not a published edition
PdP 6 33.14
रथमारुह्य वेगेन गतो नक्षत्रमंडलम् । सपादं योजनं लक्षं सूर्यस्योपरि संस्थितम्
rathamāruhya vegena gato nakṣatramaṃḍalam | sapādaṃ yojanaṃ lakṣaṃ sūryasyopari saṃsthitam
and mounting his chariot he swiftly went to the circle of the constellations, situated a hundred thousand and a quarter yojanas above the sun.
AI translation rendered from the Sanskrit, not a published edition
PdP 6 33.15
रोहिणीपृष्ठमास्थाय राजा दशरथः पुरा । रथे तु कांचने दिव्ये मणिरत्नविभूषिते
rohiṇīpṛṣṭhamāsthāya rājā daśarathaḥ purā | rathe tu kāṃcane divye maṇiratnavibhūṣite
Formerly king Daśaratha, taking his stand behind Rohiṇī, (mounted) upon a golden, divine chariot adorned with gems and jewels,
AI translation rendered from the Sanskrit, not a published edition
PdP 6 33.16
हंसवर्णहयैर्युक्ते महाकेतुसमुच्छ्रये । दीप्यमानो महारत्नैः किरीटमुकुटोज्ज्वलः
haṃsavarṇahayairyukte mahāketusamucchraye | dīpyamāno mahāratnaiḥ kirīṭamukuṭojjvalaḥ
yoked with horses of the colour of swans, with a great banner raised high, blazing with great jewels, resplendent with diadem and crown —
AI translation rendered from the Sanskrit, not a published edition
PdP 6 33.17
बभ्राज स तदाकाशे द्वितीय इव भास्करः । आकर्णपूर्णा चापे तु संहारास्त्रं न्ययोजयत्
babhrāja sa tadākāśe dvitīya iva bhāskaraḥ | ākarṇapūrṇā cāpe tu saṃhārāstraṃ nyayojayat
he shone then in the sky like a second sun; and drawing (the bowstring) full to his ear, he fitted the destroying weapon to his bow.
AI translation rendered from the Sanskrit, not a published edition
PdP 6 33.18
संहारास्त्रं शनिर्दृष्ट्वा सुरासुरभयंकरम् । हसित्वा तद्भयात्सौरिरिदं वचनमब्रवीत्
saṃhārāstraṃ śanirdṛṣṭvā surāsurabhayaṃkaram | hasitvā tadbhayātsauriridaṃ vacanamabravīt
Seeing the destroying weapon, terrifying to gods and demons alike, Śani (the son of the Sun), laughing out of fear of it, spoke these words:
AI translation rendered from the Sanskrit, not a published edition
PdP 6 33.19
शनिरुवाच - पौरुषं तव राजेंद्र परं रिपुभयंकरम् । देवासुरमनुष्याश्च सिद्धविद्याधरोरगाः
śaniruvāca - pauruṣaṃ tava rājeṃdra paraṃ ripubhayaṃkaram | devāsuramanuṣyāśca siddhavidyādharoragāḥ
Śani said: Your manly valour, O lord of kings, is supreme, striking fear into enemies. Gods, demons and men, siddhas, vidyādharas and serpents —
AI translation rendered from the Sanskrit, not a published edition
PdP 6 33.20
मया विलोकिता राजन्भस्मसाच्च भवंतिते । तुष्टोऽहं तव राजेंद्र तपसा पौरुषेण च । वरं ब्रूहि प्रदास्यामि मनसा यत्किमिच्छसि
mayā vilokitā rājanbhasmasācca bhavaṃtite | tuṣṭo'haṃ tava rājeṃdra tapasā pauruṣeṇa ca | varaṃ brūhi pradāsyāmi manasā yatkimicchasi
— when they are gazed upon by me, O king, they turn to ashes. (But) I am pleased with you, O lord of kings, by your austerity and your valour. Name a boon; I shall grant whatever you wish in your mind.
AI translation rendered from the Sanskrit, not a published edition
PdP 6 33.21
दशरथ उवाच- रोहिणीं भेदयित्वा तु न गंतव्यं कदाचन । सरितः सागरा यावत्यावच्चंद्रार्कमेदिनी
daśaratha uvāca- rohiṇīṃ bhedayitvā tu na gaṃtavyaṃ kadācana | saritaḥ sāgarā yāvatyāvaccaṃdrārkamedinī
Daśaratha said: You must never pass by, having split (the constellation) Rohiṇī — as long as the rivers and oceans last, as long as the moon, the sun and the earth (endure).
AI translation rendered from the Sanskrit, not a published edition
PdP 6 33.22
याचितं तु मया सौरे नान्यमिच्छामि ते वरम् । एवमस्तु शनिः प्राह वरं दत्त्वा तु शाश्वतम्
yācitaṃ tu mayā saure nānyamicchāmi te varam | evamastu śaniḥ prāha varaṃ dattvā tu śāśvatam
This alone have I asked of you, O son of the Sun; I wish no other boon from you. "So be it," said Śani, granting the boon in perpetuity.
AI translation rendered from the Sanskrit, not a published edition
PdP 6 33.23
पुनरेवाब्रवीत्तुष्टो वरं वरय सुव्रत । प्रार्थयामास हृष्टात्मा वरमन्यं शनेस्तदा
punarevābravīttuṣṭo varaṃ varaya suvrata | prārthayāmāsa hṛṣṭātmā varamanyaṃ śanestadā
Pleased, he spoke again: "Choose a boon, you of good vows." Then, with a delighted heart, (the king) requested another boon of Śani.
AI translation rendered from the Sanskrit, not a published edition
PdP 6 33.24
न भेत्तव्यं हि शकटं त्वया भास्करनंदन । द्वादशाब्दं तु दुर्भिक्षं न कर्तव्यं कदाचन
na bhettavyaṃ hi śakaṭaṃ tvayā bhāskaranaṃdana | dvādaśābdaṃ tu durbhikṣaṃ na kartavyaṃ kadācana
"You must not break the cart, O son of the Sun; and a twelve-year famine must never be brought about."
AI translation rendered from the Sanskrit, not a published edition
PdP 6 33.25
शनिरुवाच- द्वादशाब्दं तु दुर्भिक्षं न कदाचिद्भविष्यति । कीर्तिरेषा त्वदीया च त्रैलोक्ये विचरिष्यति
śaniruvāca- dvādaśābdaṃ tu durbhikṣaṃ na kadācidbhaviṣyati | kīrtireṣā tvadīyā ca trailokye vicariṣyati
Śani said: There shall never be a twelve-year famine. And this fame of yours shall range through the three worlds.
AI translation rendered from the Sanskrit, not a published edition
PdP 6 33.26
वरद्वयं तु संप्राप्य हृष्टरोमा च पार्थिवः । रथोपरि धनुर्मुक्त्वा भूत्वा चैव कृताञ्जलि
varadvayaṃ tu saṃprāpya hṛṣṭaromā ca pārthivaḥ | rathopari dhanurmuktvā bhūtvā caiva kṛtāñjali
Having obtained the two boons, the king, his hair bristling (with joy), laid down his bow upon the chariot and made the gesture of folded hands,
AI translation rendered from the Sanskrit, not a published edition
PdP 6 33.27
ध्यात्वा सरस्वतीं देवीं गणनाथं विनायकम् । राजा दशरथः स्तोत्रं सौरेरिदमथाब्रवीत्
dhyātvā sarasvatīṃ devīṃ gaṇanāthaṃ vināyakam | rājā daśarathaḥ stotraṃ saureridamathābravīt
and having meditated on the goddess Sarasvatī and on Vināyaka, the lord of the hosts, King Daśaratha then spoke this hymn to the son of the Sun:
AI translation rendered from the Sanskrit, not a published edition
PdP 6 33.28
दशरथ उवाच- नमः कृष्णाय नीलाय शितिकंठनिभाय च । नमः कालाग्निरूपाय कृतांताय च वै नमः
daśaratha uvāca- namaḥ kṛṣṇāya nīlāya śitikaṃṭhanibhāya ca | namaḥ kālāgnirūpāya kṛtāṃtāya ca vai namaḥ
Daśaratha said: Homage to the black one, the dark blue one, to him who resembles the blue-throated (Śiva); homage to him whose form is the fire of time, and homage indeed to him who is the End-maker.
AI translation rendered from the Sanskrit, not a published edition
PdP 6 33.29
नमो निर्मांसदेहाय दीर्घश्मश्रुजटाय च । नमो विशालनेत्राय शुष्कोदरभयाकृते
namo nirmāṃsadehāya dīrghaśmaśrujaṭāya ca | namo viśālanetrāya śuṣkodarabhayākṛte
Homage to him whose body is without flesh, and to him with long beard and matted hair; homage to the wide-eyed one, whose shape is fearsome with a shrivelled belly.
AI translation rendered from the Sanskrit, not a published edition
PdP 6 33.30
नमः पुष्कलगात्राय स्थूलरोम्णेऽथ वै नमः । नमो दीर्घाय शुष्काय कालदंष्ट्र नमोस्तु ते
namaḥ puṣkalagātrāya sthūlaromṇe'tha vai namaḥ | namo dīrghāya śuṣkāya kāladaṃṣṭra namostu te
Homage to him of ample limbs, and homage indeed to him of coarse hair; homage to the tall one, the dried-up one — O you whose fangs are Time, homage be to you.
AI translation rendered from the Sanskrit, not a published edition
PdP 6 33.31
नमस्ते कोटराक्षाय दुर्निरीक्ष्याय वै नमः । नमो घोराय रौद्राय भीषणाय कपालिने
namaste koṭarākṣāya durnirīkṣyāya vai namaḥ | namo ghorāya raudrāya bhīṣaṇāya kapāline
Homage to you, the hollow-eyed one; homage indeed to him who is hard to look upon; homage to the dreadful one, the fierce one, the terrifying one, the bearer of the skull.
AI translation rendered from the Sanskrit, not a published edition
PdP 6 33.32
नमस्ते सर्वभक्षाय वलीमुख नमोस्तु ते । सूर्यपुत्र नमस्तेस्तु भास्करे भयदाय च
namaste sarvabhakṣāya valīmukha namostu te | sūryaputra namastestu bhāskare bhayadāya ca
Homage to you, devourer of all; O wrinkle-faced one, homage be to you. O son of the Sun, homage be to you, and to the sun-born giver of fear.
AI translation rendered from the Sanskrit, not a published edition
PdP 6 33.33
अधोदृष्टे नमस्तेस्तु संवर्तक नमोस्तु ते । नमो मंदगते तुभ्यं निस्त्रिंशाय नमोस्तु ते
adhodṛṣṭe namastestu saṃvartaka namostu te | namo maṃdagate tubhyaṃ nistriṃśāya namostu te
Homage be to you, downward-gazing one; O bringer of dissolution, homage be to you; homage to you, slow-moving one; homage be to the merciless one.
AI translation rendered from the Sanskrit, not a published edition
PdP 6 33.34
तपसा दग्धदेहाय नित्यं योगरताय च । नमो नित्यं क्षुधार्ताय अतृप्ताय च वै नमः
tapasā dagdhadehāya nityaṃ yogaratāya ca | namo nityaṃ kṣudhārtāya atṛptāya ca vai namaḥ
(Homage) to him whose body is burnt by austerity and who is ever devoted to yoga; homage to him who is always afflicted with hunger, and homage indeed to him who is never sated.
AI translation rendered from the Sanskrit, not a published edition
PdP 6 33.35
ज्ञानचक्षुर्नमस्तेस्तु कश्यपात्मजसूनवे । तुष्टो ददासि वै राज्यं रुष्टो हरसि तत्क्षणात्
jñānacakṣurnamastestu kaśyapātmajasūnave | tuṣṭo dadāsi vai rājyaṃ ruṣṭo harasi tatkṣaṇāt
Homage be to you, whose eye is knowledge, to the son of Kaśyapa's son. Pleased, you grant a kingdom; angered, you take it away that very instant.
AI translation rendered from the Sanskrit, not a published edition
PdP 6 33.36
देवासुरमनुष्याश्च सिद्धविद्याधरोरगाः । त्वया विलोकिताः सर्वे नाशं यांति समूलतः
devāsuramanuṣyāśca siddhavidyādharoragāḥ | tvayā vilokitāḥ sarve nāśaṃ yāṃti samūlataḥ
Gods, demons and men, siddhas, vidyādharas and serpents — all of them, when gazed upon by you, go to destruction, root and all.
AI translation rendered from the Sanskrit, not a published edition
PdP 6 33.37
प्रसादं कुरु मे देव वरार्होऽहमुपागतः । एवं स्तुतस्तदा सौरिर्ग्रहराजो महाबलः
prasādaṃ kuru me deva varārho'hamupāgataḥ | evaṃ stutastadā saurirgraharājo mahābalaḥ
Show me your favour, O god; I have come as one worthy of a boon. Thus praised, the son of the Sun, the king of planets, of great power,
AI translation rendered from the Sanskrit, not a published edition
PdP 6 33.38
अब्रवीच्च पुनर्वाक्यं हृष्टरोमा तु भास्करिः । तुष्टोऽहं तव राजेंद्र स्तवेनानेन सुव्रत । वरं ब्रूहि प्रदास्यामि स्वेच्छया रघुनंदन
abravīcca punarvākyaṃ hṛṣṭaromā tu bhāskariḥ | tuṣṭo'haṃ tava rājeṃdra stavenānena suvrata | varaṃ brūhi pradāsyāmi svecchayā raghunaṃdana
And the son of the Sun (Bhāskari), his hair bristling (with delight), spoke a further word: "I am pleased with you, O lord of kings, by this praise, O firm in vows. Name a boon; I shall grant it as you wish, O delight of the Raghus."
AI translation rendered from the Sanskrit, not a published edition
PdP 6 33.39
दशरथ उवाच- अद्यप्रभृति ते सौरे पीडा कार्या न कस्यचित् । देवासुरमनुष्याणां पशुपक्षिसरीसृपाम्
daśaratha uvāca- adyaprabhṛti te saure pīḍā kāryā na kasyacit | devāsuramanuṣyāṇāṃ paśupakṣisarīsṛpām
Daśaratha said: From this day on, O son of the Sun, you are to inflict affliction on no one — neither on gods, asuras and men, nor on beasts, birds and creeping things.
AI translation rendered from the Sanskrit, not a published edition
PdP 6 33.40
शनिरुवाच- गृह्णंतीति ग्रहाः सर्वे ग्रहाः पीडाकराः स्मृताः । अदेयं याचितं राजन्किंचिद्युक्तं वदाम्यहम्
śaniruvāca- gṛhṇaṃtīti grahāḥ sarve grahāḥ pīḍākarāḥ smṛtāḥ | adeyaṃ yācitaṃ rājankiṃcidyuktaṃ vadāmyaham
Śani said: "They seize" — hence all are called grahas (seizers); the grahas are traditionally held to be inflicters of affliction. What you have asked, O king, cannot be granted; I shall say something that is fitting.
AI translation rendered from the Sanskrit, not a published edition
PdP 6 33.41
त्वया प्रोक्तमिदं स्तोत्रं यः पठिष्यति मानवः । एककालं द्विकालं वा पीडामुक्तो भवेत्क्षणात्
tvayā proktamidaṃ stotraṃ yaḥ paṭhiṣyati mānavaḥ | ekakālaṃ dvikālaṃ vā pīḍāmukto bhavetkṣaṇāt
Whatever man will recite this hymn spoken by you, once a day or twice a day, would be freed from affliction in an instant.
AI translation rendered from the Sanskrit, not a published edition
PdP 6 33.42
देवासुरमनुष्याणां सिद्धविद्याध्ररक्षसाम् । मृत्युं मृत्युगतो दद्यां जन्मन्यंते चतुर्थके
devāsuramanuṣyāṇāṃ siddhavidyādhrarakṣasām | mṛtyuṃ mṛtyugato dadyāṃ janmanyaṃte caturthake
To gods, asuras and men, to Siddhas, Vidyādharas and Rākṣasas, when death has come I would grant death, at the end of a birth, in the fourth (position/period).
AI translation rendered from the Sanskrit, not a published edition — the model flagged this verse as uncertain
PdP 6 33.43
यः पुनः श्रद्धया युक्तः शुचिर्भूत्वा समाहितः । शमीपत्रैः समभ्यर्च्य प्रतिमां लोहजां मम
yaḥ punaḥ śraddhayā yuktaḥ śucirbhūtvā samāhitaḥ | śamīpatraiḥ samabhyarcya pratimāṃ lohajāṃ mama
But he who, endowed with faith, having become pure and composed, worships an iron image of me with śamī leaves,
AI translation rendered from the Sanskrit, not a published edition
PdP 6 33.44
माषौदनतिलैर्मिश्रं दद्याल्लोहं च दक्षिणाम् । कृष्णां गां वृषभं वापि यो वै दद्याद्दिवजातये
māṣaudanatilairmiśraṃ dadyāllohaṃ ca dakṣiṇām | kṛṣṇāṃ gāṃ vṛṣabhaṃ vāpi yo vai dadyāddivajātaye
and who offers (food) mixed with bean-rice and sesame, and iron as the sacrificial fee, and who gives a black cow or a bull to a twice-born,
AI translation rendered from the Sanskrit, not a published edition
PdP 6 33.45
मद्दिने तु विशेषेण स्तोत्रेणानेन पूजयेत् । पूजयित्वा जपेत्स्तोत्रं भूत्वा चैव कृतांजलि
maddine tu viśeṣeṇa stotreṇānena pūjayet | pūjayitvā japetstotraṃ bhūtvā caiva kṛtāṃjali
and especially on my day should worship with this hymn — having worshipped, he should mutter the hymn, standing with palms joined —
AI translation rendered from the Sanskrit, not a published edition
PdP 6 33.46
तस्य पीडा न चैवाहं करिष्यामि कदाचन । गोचरे जन्मलग्ने वा दशास्वंतर्दशासु च
tasya pīḍā na caivāhaṃ kariṣyāmi kadācana | gocare janmalagne vā daśāsvaṃtardaśāsu ca
to him I shall never cause affliction, neither in transit, nor in the natal ascendant, nor in the major periods and sub-periods.
AI translation rendered from the Sanskrit, not a published edition
PdP 6 33.47
रक्षामि सततं तस्य पीडां चापि ग्रहस्य च । अनेनैव विधानेन पीडामुक्तं जगद्भवेत्
rakṣāmi satataṃ tasya pīḍāṃ cāpi grahasya ca | anenaiva vidhānena pīḍāmuktaṃ jagadbhavet
I constantly protect him, and (guard him) from the affliction of a planet too. By this very procedure the world would become free of affliction.
AI translation rendered from the Sanskrit, not a published edition
PdP 6 33.48
एवं युक्त्या मया दत्तो वरस्ते रघुनंदन । वरत्रयं तु संप्राप्य राजा दशरथस्तदा
evaṃ yuktyā mayā datto varaste raghunaṃdana | varatrayaṃ tu saṃprāpya rājā daśarathastadā
Thus, by (this) device, a boon has been given by me to you, O delight of the Raghus. Then King Daśaratha, having obtained the three boons,
AI translation rendered from the Sanskrit, not a published edition
PdP 6 33.49
मेने कृतार्थमात्मानं नमस्कृत्य शनैश्चरम् । शनिना चाभ्यनुज्ञातो रथमारुह्य वेगवान्
mene kṛtārthamātmānaṃ namaskṛtya śanaiścaram | śaninā cābhyanujñāto rathamāruhya vegavān
deemed himself to have gained his purpose, and bowed to Śanaiścara; and, permitted by Śani, he swiftly mounted his chariot.
AI translation rendered from the Sanskrit, not a published edition
PdP 6 33.50
स्वस्थानं गतवान्राजा प्राप्तः श्रेयोऽभवत्तदा । य इदं प्रातरुत्थाय शनिवारे स्तवं पठेत् 6.33.
svasthānaṃ gatavānrājā prāptaḥ śreyo'bhavattadā | ya idaṃ prātarutthāya śanivāre stavaṃ paṭhet 6.33.
The king went to his own abode, and then good fortune came to him. Whoever, rising at dawn on a Saturday, should recite this hymn of praise —
AI translation rendered from the Sanskrit, not a published edition
PdP 6 33.51
पठ्यमानमिदं स्तोत्रं श्रद्धया यः शृणोति च । नरः स मुच्यते पापात्स्वर्गलोके महीयते
paṭhyamānamidaṃ stotraṃ śraddhayā yaḥ śṛṇoti ca | naraḥ sa mucyate pāpātsvargaloke mahīyate
and whoever hears this hymn with faith as it is being recited — that man is freed from sin and is honoured in the world of heaven.
AI translation rendered from the Sanskrit, not a published edition