Padma Purana — Uttara Khanda — Chapter 3
PdP 6 3.1
सूत उवाच- एकदा नारदो द्रष्टुं पांडवान्दुःखकर्शितान् । ययौ काम्यवनं विप्रः सत्कृतस्तैर्यथाविधि
sūta uvāca- ekadā nārado draṣṭuṃ pāṃḍavānduḥkhakarśitān | yayau kāmyavanaṃ vipraḥ satkṛtastairyathāvidhi
Sūta said: Once the brahman Nārada went to the Kāmyaka forest to see the Pāṇḍavas, who were emaciated with sorrow, and was honoured by them according to rule.
AI translation rendered from the Sanskrit, not a published edition
PdP 6 3.2
अथ नत्वा मुनिश्रेष्ठं युधिष्ठिर उवाच ह । भगवन्कर्मणा केन दुःखाब्धौ पतिता वयम्
atha natvā muniśreṣṭhaṃ yudhiṣṭhira uvāca ha | bhagavankarmaṇā kena duḥkhābdhau patitā vayam
Then, bowing to the best of sages, Yudhiṣṭhira said: "Blessed one, by what deed have we fallen into an ocean of sorrow?"
AI translation rendered from the Sanskrit, not a published edition
PdP 6 3.3
तमुवाच ऋषिर्दुःखं त्यज त्वं पांडुनंदन । सुखदुःखसमाहारे संसारे कः सुखी नरः खंडे जालंधरोत्पत्ति ब्रह्मागमोनाम तृतीयोऽध्यायः
tamuvāca ṛṣirduḥkhaṃ tyaja tvaṃ pāṃḍunaṃdana | sukhaduḥkhasamāhāre saṃsāre kaḥ sukhī naraḥ khaṃḍe jālaṃdharotpatti brahmāgamonāma tṛtīyo'dhyāyaḥ
The seer said to him: "Give up your sorrow, son of Pāṇḍu; in the round of rebirth, where pleasure and pain are mixed together, what man is happy?" — [colophon:] In the section (on) the origin of Jālandhara, the third chapter, called "The Coming of Brahmā."
AI translation rendered from the Sanskrit, not a published edition
PdP 6 3.4
ईश्वरोपि हि न स्थायी पीड्यते देहसंचयैः । न दुःखरहितः कश्चिद्देही दुःखसहो यतः
īśvaropi hi na sthāyī pīḍyate dehasaṃcayaiḥ | na duḥkharahitaḥ kaściddehī duḥkhasaho yataḥ
For even a lord is not permanent; he is afflicted through the accumulation of bodies. No embodied being is free from sorrow, since (the body) is what bears sorrow.
AI translation rendered from the Sanskrit, not a published edition — the model flagged this verse as uncertain
PdP 6 3.5
शरीरं सवितुर्यस्माद्राहुस्तद्ग्रसते बली । राहोरपि शिरश्छिन्नं शौरिणामृतभोजने
śarīraṃ savituryasmādrāhustadgrasate balī | rāhorapi śiraśchinnaṃ śauriṇāmṛtabhojane
Since the mighty Rāhu devours the body of the sun; and Rāhu's head too was cut off by Śauri (Viṣṇu) at the drinking of the nectar.
AI translation rendered from the Sanskrit, not a published edition
PdP 6 3.6
सोऽपि शार्ङ्गधरो देवः क्षिप्तः सागरगह्वरे । जालंधरेण वीरेण निहतः सोऽपि शंभुना
so'pi śārṅgadharo devaḥ kṣiptaḥ sāgaragahvare | jālaṃdhareṇa vīreṇa nihataḥ so'pi śaṃbhunā
And that same god who bears the Śārṅga bow was hurled into the depths of the ocean by the hero Jālandhara; and he too was slain by Śambhu.
AI translation rendered from the Sanskrit, not a published edition
PdP 6 3.7
युधिष्ठिर उवाच-। कोऽसौ जालंधरो वीरः कस्य पुत्रः कुतो बली । कथं जालंधरं संख्ये हतवान्वृषभध्वजः
yudhiṣṭhira uvāca-| ko'sau jālaṃdharo vīraḥ kasya putraḥ kuto balī | kathaṃ jālaṃdharaṃ saṃkhye hatavānvṛṣabhadhvajaḥ
Yudhiṣṭhira said: Who was that hero Jālandhara? Whose son, and whence his strength? How did the bull-bannered god slay Jālandhara in battle?
AI translation rendered from the Sanskrit, not a published edition
PdP 6 3.8
एतत्सर्वं समाचक्ष्व विस्तरेण तपोधन । राज्ञा स एव मुक्तस्तु कथयामास नारदः
etatsarvaṃ samācakṣva vistareṇa tapodhana | rājñā sa eva muktastu kathayāmāsa nāradaḥ
Relate all this in full, O you rich in austerity. Thus prompted by the king, Nārada narrated (it).
AI translation rendered from the Sanskrit, not a published edition — the model flagged this verse as uncertain
PdP 6 3.9
नारद उवाच-। शृणु भूप कथां दिव्यामशेषाघौघनाशिनीम् । ईशानसिंधुसून्वोश्च संग्रामं परमाद्भुतम्
nārada uvāca-| śṛṇu bhūpa kathāṃ divyāmaśeṣāghaughanāśinīm | īśānasiṃdhusūnvośca saṃgrāmaṃ paramādbhutam
Nārada said: Hear, O king, a divine tale that destroys the whole flood of sins—the utterly marvellous battle of Īśāna and the son of the ocean.
AI translation rendered from the Sanskrit, not a published edition
PdP 6 3.10
एकदा गिरिशं स्तोतुं प्रययौ पाकशासनः । अप्सरोगणसंकीर्णो देवैर्बहुभिरावृतः
ekadā giriśaṃ stotuṃ prayayau pākaśāsanaḥ | apsarogaṇasaṃkīrṇo devairbahubhirāvṛtaḥ
Once the chastiser of Pāka (Indra) went to praise the mountain-dweller (Śiva), thronged with troops of apsarases and surrounded by many gods.
AI translation rendered from the Sanskrit, not a published edition
PdP 6 3.11
गंधर्वैरावृतो देवस्तंत्रीशिक्षासु कोविदैः । रंभा तिलोत्तमा रामा कर्पूराकदली तथा
gaṃdharvairāvṛto devastaṃtrīśikṣāsu kovidaiḥ | raṃbhā tilottamā rāmā karpūrākadalī tathā
The god was surrounded by gandharvas skilled in the lore of stringed instruments; and Rambhā, Tilottamā, Rāmā, Karpūrā and Kadalī likewise,
AI translation rendered from the Sanskrit, not a published edition
PdP 6 3.12
मदना भारती कामा सर्वाभरणभूषिताः । नर्तक्यश्च तथा चान्याः समाजग्मुः सुरांतिकम्
madanā bhāratī kāmā sarvābharaṇabhūṣitāḥ | nartakyaśca tathā cānyāḥ samājagmuḥ surāṃtikam
Madanā, Bhāratī, and Kāmā, adorned with every ornament, and the dancing-women, and others too, came together into the god's presence.
AI translation rendered from the Sanskrit, not a published edition
PdP 6 3.13
गंधर्वयक्षसिद्धास्तु नारदस्तुंबुरुस्तथा । किन्नरा मुहुराजग्मुस्तथा किंनरयोषितः
gaṃdharvayakṣasiddhāstu nāradastuṃburustathā | kinnarā muhurājagmustathā kiṃnarayoṣitaḥ
The Gandharvas, Yakṣas and Siddhas, and Nārada and Tumburu, and the Kinnaras came again and again, and likewise the Kinnara women.
AI translation rendered from the Sanskrit, not a published edition
PdP 6 3.14
वायुश्च वरुणश्चैव कुबेरो धनदस्तथा । यमश्चाग्निर्निर्ऋतिश्च ये चान्ये देवतागणाः
vāyuśca varuṇaścaiva kubero dhanadastathā | yamaścāgnirnirṛtiśca ye cānye devatāgaṇāḥ
And Vāyu and Varuṇa, and Kubera the giver of wealth, and Yama and Agni and Nirṛti, and whatever other hosts of deities there are—
AI translation rendered from the Sanskrit, not a published edition
PdP 6 3.15
विमानसंस्थो मघवा विमानस्थाः सुरांगनाः । स्ववाहनगतादेवाः कैलासं प्रययुर्जवात्
vimānasaṃstho maghavā vimānasthāḥ surāṃganāḥ | svavāhanagatādevāḥ kailāsaṃ prayayurjavāt
Maghavan (Indra) seated in his aerial car, the celestial women seated in their cars, and the gods riding their own mounts went swiftly to Kailāsa.
AI translation rendered from the Sanskrit, not a published edition
PdP 6 3.16
ददृशुस्ते ततो देवाः कैलासं पर्वतोत्तमम् । महीधराणां सर्वेषां पृथिव्या इव मंडनम्
dadṛśuste tato devāḥ kailāsaṃ parvatottamam | mahīdharāṇāṃ sarveṣāṃ pṛthivyā iva maṃḍanam
Then those gods saw Kailāsa, best of mountains, the ornament, as it were, of the earth among all mountains,
AI translation rendered from the Sanskrit, not a published edition
PdP 6 3.17
सर्वतः सुखदं शुद्धं सिद्धिराशिमिवस्थितम् । यत्र वृक्षाः कल्पवृक्षाः पाषाणाश्चिंतितप्रदाः
sarvataḥ sukhadaṃ śuddhaṃ siddhirāśimivasthitam | yatra vṛkṣāḥ kalpavṛkṣāḥ pāṣāṇāściṃtitapradāḥ
giving joy on every side, pure, standing as though a heap of perfections, where the trees are wish-granting trees and the stones grant what is thought of,
AI translation rendered from the Sanskrit, not a published edition
PdP 6 3.18
पुन्नागैर्नागचंपैश्च तिलकैर्देवदारुभिः । अशोकैः पाटलैश्चूतैर्मंदारैः शोभितो गिरिः
punnāgairnāgacaṃpaiśca tilakairdevadārubhiḥ | aśokaiḥ pāṭalaiścūtairmaṃdāraiḥ śobhito giriḥ
the mountain made beautiful with punnāgas and nāga-campakas, with tilakas and deodars, with aśokas, pāṭalas, mangoes and mandāras,
AI translation rendered from the Sanskrit, not a published edition
PdP 6 3.19
पर्यंतकवनामोदवाहका यत्र वायवः । पंगुत्वं बहुचारेण यांति ते मलयानिलाः
paryaṃtakavanāmodavāhakā yatra vāyavaḥ | paṃgutvaṃ bahucāreṇa yāṃti te malayānilāḥ
where the winds carry the fragrance of the surrounding groves—those Malaya breezes go lame, as it were, from much roaming.
AI translation rendered from the Sanskrit, not a published edition — the model flagged this verse as uncertain
PdP 6 3.20
वाप्यः स्फटिकसोपाना ह्यगाध विमलोदकाः । वैडूर्यनालसंसक्तसौवर्णनिभ पंकजाः
vāpyaḥ sphaṭikasopānā hyagādha vimalodakāḥ | vaiḍūryanālasaṃsaktasauvarṇanibha paṃkajāḥ
(There are) tanks with crystal steps, unfathomable, with clear water, with lotuses gold-like, joined to stalks of beryl,
AI translation rendered from the Sanskrit, not a published edition
PdP 6 3.21
कुमुदानां द्युतिर्यत्र राजते सर्वतोदिशम् । कह्लारैः शौभितावाप्यः पिनद्धाः पद्मरागवत्
kumudānāṃ dyutiryatra rājate sarvatodiśam | kahlāraiḥ śaubhitāvāpyaḥ pinaddhāḥ padmarāgavat
where the radiance of the white water-lilies shines in every direction; the tanks are made beautiful with kahlāra lilies, and are set as if with rubies,
AI translation rendered from the Sanskrit, not a published edition
PdP 6 3.22
हरिन्मणिनिबद्धाश्च गोमेदैः सर्वतो वृताः । पद्मरागशिलाबद्धा नानाधातुविचित्रिताः
harinmaṇinibaddhāśca gomedaiḥ sarvato vṛtāḥ | padmarāgaśilābaddhā nānādhātuvicitritāḥ
and inlaid with emeralds, surrounded on all sides with gomeda stones, built of ruby slabs, variegated with many minerals.
AI translation rendered from the Sanskrit, not a published edition
PdP 6 3.23
ददृशुः सुंदरतरं नाकाधिकविनिर्मितम् । कैलासं पर्वतश्रेष्ठं दृष्ट्वा ते विस्मयंगताः
dadṛśuḥ suṃdarataraṃ nākādhikavinirmitam | kailāsaṃ parvataśreṣṭhaṃ dṛṣṭvā te vismayaṃgatāḥ
They saw Kailāsa, the best of mountains, exceedingly beautiful, fashioned beyond heaven; and seeing it they were filled with wonder.
AI translation rendered from the Sanskrit, not a published edition
PdP 6 3.24
विमानादवतीर्णाश्च मघवा देवताश्च ताः । द्वारपालमथागम्य नंदिनं वाक्यमब्रुवन्
vimānādavatīrṇāśca maghavā devatāśca tāḥ | dvārapālamathāgamya naṃdinaṃ vākyamabruvan
And Maghavan and those deities descended from the aerial car, and then approaching the doorkeeper Nandin they spoke these words:
AI translation rendered from the Sanskrit, not a published edition
PdP 6 3.25
भो भो गणवरश्रेष्ठ शृणु मे वाक्यमुत्तमम् । समाज्ञापय शीघ्रं त्वं नृत्यार्थमिहमागतम्
bho bho gaṇavaraśreṣṭha śṛṇu me vākyamuttamam | samājñāpaya śīghraṃ tvaṃ nṛtyārthamihamāgatam
"Ho, ho, best of the chief attendants, hear this excellent word of mine: quickly announce that (we have) come here for the sake of dancing
AI translation rendered from the Sanskrit, not a published edition
PdP 6 3.26
ईश्वरं प्रतिदेवेशं सर्वदेवैः समावृतम् । इंद्रस्य वचनं श्रुत्वा गिरिशं नंदिरब्रवीत्
īśvaraṃ pratideveśaṃ sarvadevaiḥ samāvṛtam | iṃdrasya vacanaṃ śrutvā giriśaṃ naṃdirabravīt
to the Lord, the lord of the gods, surrounded by all the gods." Having heard Indra's words, Nandin spoke to Giriśa:
AI translation rendered from the Sanskrit, not a published edition
PdP 6 3.27
प्रभोऽयमागतः सर्वैर्देवराजः पुरंदरः । नृत्यार्थमथ तं प्राहानय शीघ्रं शचीपतिम्
prabho'yamāgataḥ sarvairdevarājaḥ puraṃdaraḥ | nṛtyārthamatha taṃ prāhānaya śīghraṃ śacīpatim
"Lord, this king of the gods, Puraṃdara, has come with all (of them) for the sake of dancing." Then he (Śiva) said, "Bring in quickly the husband of Śacī."
AI translation rendered from the Sanskrit, not a published edition
PdP 6 3.28
प्रवेशयामास तदा नंदी तैः सह वासवम् । स दृष्ट्वा गिरिशं देवं तुष्टाव वृषभध्वजम्
praveśayāmāsa tadā naṃdī taiḥ saha vāsavam | sa dṛṣṭvā giriśaṃ devaṃ tuṣṭāva vṛṣabhadhvajam
Then Nandin brought Vāsava in together with them; and he, seeing the god Giriśa, praised him whose banner is the bull.
AI translation rendered from the Sanskrit, not a published edition
PdP 6 3.29
रंभाद्यास्तास्तदा सर्वा नर्त्तक्यो हरसन्निधौ । मृदंगवीणावादित्रैः मुदा नाट्यं प्रचक्रिरे
raṃbhādyāstāstadā sarvā narttakyo harasannidhau | mṛdaṃgavīṇāvāditraiḥ mudā nāṭyaṃ pracakrire
Then all those dancing-women, Rambhā and the rest, in Hara's presence, with drums and lutes and (other) instruments, joyfully performed the dance.
AI translation rendered from the Sanskrit, not a published edition
PdP 6 3.30
कांस्यवाद्यान्प्रगृह्यान्या वंशतालान्सकाहलान् । चक्रुस्ता नृत्यसंरंभं स्वयंदेवः पुरंदरः
kāṃsyavādyānpragṛhyānyā vaṃśatālānsakāhalān | cakrustā nṛtyasaṃraṃbhaṃ svayaṃdevaḥ puraṃdaraḥ
Others, taking up bronze cymbals, flute-time-keepers and kāhala trumpets, made the excitement of the dance; and the god Puraṃdara himself
AI translation rendered from the Sanskrit, not a published edition — the model flagged this verse as uncertain
PdP 6 3.31
अतीवनर्तनं चक्रे सुंदरं देवदुर्ल्लभम् । ईश्वरस्तोषमापन्नो वासवं वाक्यमब्रवीत्
atīvanartanaṃ cakre suṃdaraṃ devadurllabham | īśvarastoṣamāpanno vāsavaṃ vākyamabravīt
performed an exceedingly beautiful dance, hard for the gods to attain. The Lord, having become pleased, spoke these words to Vāsava:
AI translation rendered from the Sanskrit, not a published edition
PdP 6 3.32
प्रसन्नोऽहं सुरश्रेष्ठ जातस्ते व्रियतां वरः । इत्युक्तवति देवेशे स्वबाहुबलगर्वितः
prasanno'haṃ suraśreṣṭha jātaste vriyatāṃ varaḥ | ityuktavati deveśe svabāhubalagarvitaḥ
"I am pleased, best of gods; a boon has arisen for you—choose it." When the lord of the gods had spoken thus, (Indra,) proud of the strength of his own arms,
AI translation rendered from the Sanskrit, not a published edition
PdP 6 3.33
प्रत्युवाच हरं वाक्यं संग्रामः सवृतो मया । यत्र त्वत्सदृशो योद्धा तद्युद्धं देहि मे प्रभो
pratyuvāca haraṃ vākyaṃ saṃgrāmaḥ savṛto mayā | yatra tvatsadṛśo yoddhā tadyuddhaṃ dehi me prabho
replied with these words to Hara: "Battle has been shunned by me. Where there is a warrior equal to you—give me that fight, O lord!"
AI translation rendered from the Sanskrit, not a published edition — the model flagged this verse as uncertain
PdP 6 3.34
इत्युक्त्वा निर्गतो जिष्णुर्लब्ध्वा शंभोर्वरं प्रभोः । तस्मिन्गते तदा शक्रे गिरिशो वाक्यमब्रवीत्
ityuktvā nirgato jiṣṇurlabdhvā śaṃbhorvaraṃ prabhoḥ | tasmingate tadā śakre giriśo vākyamabravīt
Having said this, the victorious one departed, having obtained the boon of Śambhu, the lord. Then, when Śakra had gone, the mountain-dweller spoke these words:
AI translation rendered from the Sanskrit, not a published edition
PdP 6 3.35
गणा मे श्रूयतां वाक्यं देवराजोऽतिगर्वितः । इत्युक्त्वा क्रोधसंयुक्तो बभूव च ततो हरः
gaṇā me śrūyatāṃ vākyaṃ devarājo'tigarvitaḥ | ityuktvā krodhasaṃyukto babhūva ca tato haraḥ
"Attendants, hear my words: the king of the gods is exceedingly proud." Having said this, Hara then became filled with wrath.
AI translation rendered from the Sanskrit, not a published edition
PdP 6 3.36
आविरासीत्ततः क्रोधो मूर्त्तिमान्पुरतः स्थितः । घनान्धकारसदृशो मृडं क्रोधस्ततोऽब्रवीत्
āvirāsīttataḥ krodho mūrttimānpurataḥ sthitaḥ | ghanāndhakārasadṛśo mṛḍaṃ krodhastato'bravīt
Then Wrath appeared, embodied, standing before (him), like dense darkness; and then Wrath said to Mṛḍa:
AI translation rendered from the Sanskrit, not a published edition
PdP 6 3.37
देहि मे त्वं हि सन्देशं किं करोमि तव प्रभो । उमापतिस्तदोवाच गच्छ त्वं वासवं जय
dehi me tvaṃ hi sandeśaṃ kiṃ karomi tava prabho | umāpatistadovāca gaccha tvaṃ vāsavaṃ jaya
"Give me your command—what shall I do for you, my lord?" Then the husband of Umā said: "Go and conquer Vāsava,
AI translation rendered from the Sanskrit, not a published edition
PdP 6 3.38
स्वर्गसिंधुं समासाद्य सागरस्य च वीर्यवान् । इत्युक्तोंतर्दधे क्रोधो गणास्ते विस्मयं ययुः
svargasiṃdhuṃ samāsādya sāgarasya ca vīryavān | ityuktoṃtardadhe krodho gaṇāste vismayaṃ yayuḥ
having reached the heavenly river and the ocean, O valiant one." Thus addressed, Wrath vanished, and those attendants were amazed.
AI translation rendered from the Sanskrit, not a published edition
PdP 6 3.39
ईशानकल्पे जाते तु कामेनार्णवसंगमे । नाकसिंधुस्तदा मत्ता स्वयौवनभरोष्मणा
īśānakalpe jāte tu kāmenārṇavasaṃgame | nākasiṃdhustadā mattā svayauvanabharoṣmaṇā
Now in the Īśāna kalpa, when a union with the ocean came about through desire, the river of heaven was then intoxicated with the heat of the fullness of her own youth.
AI translation rendered from the Sanskrit, not a published edition
PdP 6 3.40
तां दृष्ट्वा सिंधुराजश्च जलकल्लोलवानभूत् । तदा बभूव राजेंद्र गंगासागरसंगमः
tāṃ dṛṣṭvā siṃdhurājaśca jalakallolavānabhūt | tadā babhūva rājeṃdra gaṃgāsāgarasaṃgamaḥ
And seeing her, the king of the waters became surging with waves; then, O lord of kings, there came about the union of Gaṅgā and the ocean.
AI translation rendered from the Sanskrit, not a published edition
PdP 6 3.41
महानदी तदा प्राप्य रेमे चात्मबलेन च । अत्रांतरे समुद्रस्य बभूव सुभटस्ततः
mahānadī tadā prāpya reme cātmabalena ca | atrāṃtare samudrasya babhūva subhaṭastataḥ
Then the great river, having attained (him), took pleasure with her own force; and in the meantime a mighty warrior of the ocean came to be.
AI translation rendered from the Sanskrit, not a published edition
PdP 6 3.42
सूनुस्तस्यां महानद्यां समुद्रादभवद्बली । महार्णवतनूजेन जातमात्रेण पार्थिव
sūnustasyāṃ mahānadyāṃ samudrādabhavadbalī | mahārṇavatanūjena jātamātreṇa pārthiva
A powerful son was born from the ocean in that great river; and by the son of the great ocean, the moment he was born, O king,
AI translation rendered from the Sanskrit, not a published edition
PdP 6 3.43
रुदतोत्कंपिता पृथ्वी त्रिलोकी नादिताभवत् । समाधिबद्धमुद्रां च संतत्याज चतुर्मुखः
rudatotkaṃpitā pṛthvī trilokī nāditābhavat | samādhibaddhamudrāṃ ca saṃtatyāja caturmukhaḥ
the earth was shaken by his crying, and the three worlds were made to resound; and the four-faced one abandoned the posture fixed in meditation.
AI translation rendered from the Sanskrit, not a published edition
PdP 6 3.44
अत्रांतरे परित्रस्तां तां संवीक्ष्य जगत्त्रयीम् । धाता सुरेंद्रवाक्येन प्रजगाम महार्णवम्
atrāṃtare paritrastāṃ tāṃ saṃvīkṣya jagattrayīm | dhātā sureṃdravākyena prajagāma mahārṇavam
In the meantime, seeing the three worlds so terrified, the Creator, at the word of the lord of the gods, went to the great ocean.
AI translation rendered from the Sanskrit, not a published edition
PdP 6 3.45
आश्चर्यमिति संचिंत्य हंसारूढो जवाद्ययौ । ब्रह्माणमागतं वीक्ष्य सपर्यां विदधेऽर्णवः । तमुवाच ततो ब्रह्मा किं गर्जसि वृथांबुधे
āścaryamiti saṃciṃtya haṃsārūḍho javādyayau | brahmāṇamāgataṃ vīkṣya saparyāṃ vidadhe'rṇavaḥ | tamuvāca tato brahmā kiṃ garjasi vṛthāṃbudhe
Thinking "This is a marvel," mounted on his goose he went swiftly. Seeing Brahmā arrived, the ocean performed worship (of him). Then Brahmā said to him: "Why do you roar in vain, O sea?"
AI translation rendered from the Sanskrit, not a published edition
PdP 6 3.46
समुद्र उवाच-। नाहं गर्जामि देवेश मत्सुतो बलवान्प्रभो । शिशोर्वै कुरु रक्षां च दुर्ल्लभं तव दर्शनम्
samudra uvāca-| nāhaṃ garjāmi deveśa matsuto balavānprabho | śiśorvai kuru rakṣāṃ ca durllabhaṃ tava darśanam
The ocean said: "I am not roaring, lord of gods; my son is powerful, O lord. Protect the child—the sight of you is hard to obtain."
AI translation rendered from the Sanskrit, not a published edition
PdP 6 3.47
संदृश्यतां च तनयो भार्यां प्राहातिशोभनाम् । ययौ सा भर्तुरादेशात्सपुत्रा ब्रह्मणोंतिके
saṃdṛśyatāṃ ca tanayo bhāryāṃ prāhātiśobhanām | yayau sā bharturādeśātsaputrā brahmaṇoṃtike
"And let the son be shown (to me)." He spoke to his most beautiful wife; at her husband's command she went with the son into Brahmā's presence.
AI translation rendered from the Sanskrit, not a published edition
PdP 6 3.48
उत्संगदेशे चतुराननस्य विधाय पुत्रं चरणौ ननाम । तदा समुद्रात्मजमद्भुतं तं दृष्ट्वा विधातुः किल विस्मयोऽभूत्
utsaṃgadeśe caturānanasya vidhāya putraṃ caraṇau nanāma | tadā samudrātmajamadbhutaṃ taṃ dṛṣṭvā vidhātuḥ kila vismayo'bhūt
Having placed the son on the lap of the four-faced one, she bowed to his feet. Then, seeing that wondrous son of the ocean, the Creator was indeed astonished.
AI translation rendered from the Sanskrit, not a published edition
PdP 6 3.49
गृहीतकूर्चस्य शिशोः करं च यदा विरिंचिर्न शशाक मोचितुम् । तदा समुद्रः प्रहसन्प्रयातः कूर्चं प्रगृह्यार्भकरं विमोचयन्
gṛhītakūrcasya śiśoḥ karaṃ ca yadā viriṃcirna śaśāka mocitum | tadā samudraḥ prahasanprayātaḥ kūrcaṃ pragṛhyārbhakaraṃ vimocayan
And when Viriñci was unable to free the hand of the child, who had seized his beard, then the ocean, laughing, came forward and, taking hold of the beard, released the infant's hand.
AI translation rendered from the Sanskrit, not a published edition
PdP 6 3.50
तादृशं तस्य बालस्य दृष्ट्वा विक्रममात्मभूः । प्रीत्या जालंधरेत्याह नाम्ना जालंधरोऽभवत् 6.3.
tādṛśaṃ tasya bālasya dṛṣṭvā vikramamātmabhūḥ | prītyā jālaṃdharetyāha nāmnā jālaṃdharo'bhavat 6.3.
Seeing such prowess in that child, the self-born one out of affection said "Jālandhara!"—and by name he became Jālandhara.
AI translation rendered from the Sanskrit, not a published edition
PdP 6 3.51
वरं ददावथो तस्य प्रणयेन प्रजापतिः । अयं जालंधरो देवैरजेयश्च भविष्यति
varaṃ dadāvatho tasya praṇayena prajāpatiḥ | ayaṃ jālaṃdharo devairajeyaśca bhaviṣyati
Then out of affection Prajāpati granted him a boon: "This Jālandhara shall be unconquerable by the gods,
AI translation rendered from the Sanskrit, not a published edition
PdP 6 3.52
पातालसहितं नाकं मत्प्रसादेन भोक्ष्यति । इत्युक्त्वांतर्दधे ब्रह्मा हंसमारुह्य सत्वरः
pātālasahitaṃ nākaṃ matprasādena bhokṣyati | ityuktvāṃtardadhe brahmā haṃsamāruhya satvaraḥ
"By my favour he shall enjoy heaven together with the netherworld." Having said this, Brahmā mounted his goose and swiftly vanished.
AI translation rendered from the Sanskrit, not a published edition