Padma Purana — Uttara Khanda — Chapter 250
PdP 6 250.1
श्रीरुद्र उवाच- रुक्मिण्यां कृष्णस्य प्रद्युम्नो मदनांशेन जज्ञे
śrīrudra uvāca- rukmiṇyāṃ kṛṣṇasya pradyumno madanāṃśena jajñe
Śrī Rudra said: To Kṛṣṇa, of Rukmiṇī, Pradyumna was born, from a portion of Madana (the god of love).
AI translation rendered from the Sanskrit, not a published edition
PdP 6 250.2
असौ मदनसंभूतो महाबलः शंबरं जघ्निवान्
asau madanasaṃbhūto mahābalaḥ śaṃbaraṃ jaghnivān
This one, born from Madana (Kāma), of great strength, slew Śambara.
AI translation rendered from the Sanskrit, not a published edition
PdP 6 250.3
तस्य रुक्मिणः सुतायामनिरुद्धो जज्ञे
tasya rukmiṇaḥ sutāyāmaniruddho jajñe
To him, by the daughter of that Rukmin, Aniruddha was born.
AI translation rendered from the Sanskrit, not a published edition
PdP 6 250.4
सोऽपि बाणपुत्रीमुषां नाम कन्यामुपयेमे
so'pi bāṇaputrīmuṣāṃ nāma kanyāmupayeme
He too married a maiden named Uṣā, the daughter of Bāṇa.
AI translation rendered from the Sanskrit, not a published edition
PdP 6 250.5
सा तु स्वप्ने नीलोत्पलदलश्यामं पुंडरीकनिभेक्षणं महाबाहुं विचित्राभरणोपेतं षोडशसमायथावदुपभुज्य प्रबुध्य तं पुरतो न दृष्ट्वा मदनेनपीडिता भ्रांतचित्ता मां तु त्यक्त्वा वयस्कं रक्तारविंदवक्त्रं क्वासि क्व यासीति बहुधा विललाप
sā tu svapne nīlotpaladalaśyāmaṃ puṃḍarīkanibhekṣaṇaṃ mahābāhuṃ vicitrābharaṇopetaṃ ṣoḍaśasamāyathāvadupabhujya prabudhya taṃ purato na dṛṣṭvā madanenapīḍitā bhrāṃtacittā māṃ tu tyaktvā vayaskaṃ raktāraviṃdavaktraṃ kvāsi kva yāsīti bahudhā vilalāpa
But she, in a dream, having duly enjoyed (a youth) dark as the petal of a blue lotus, with eyes like a white lotus, great-armed, furnished with varied ornaments, sixteen years of age — and on waking, not seeing him before her, tormented by love, her mind bewildered, she lamented in many ways: "Having abandoned me, where are you, where do you go, O youth with a face like a red lotus?"
AI translation rendered from the Sanskrit, not a published edition
PdP 6 250.6
ततस्तस्याः सखी चित्रलेखेति नाम कन्यां तादृशीमवस्थां गतां विलोक्य किंनिमित्त विभ्रांतचित्तासीति पप्रच्छ
tatastasyāḥ sakhī citralekheti nāma kanyāṃ tādṛśīmavasthāṃ gatāṃ vilokya kiṃnimitta vibhrāṃtacittāsīti papraccha
Then her friend, a girl named Citralekhā, seeing (her) come to such a state, asked: "On what account is your mind bewildered?"
AI translation rendered from the Sanskrit, not a published edition
PdP 6 250.7
सापि स्वप्नलब्धं पतिं यथावदाचष्ट
sāpi svapnalabdhaṃ patiṃ yathāvadācaṣṭa
And she told, just as it was, of the husband obtained in the dream.
AI translation rendered from the Sanskrit, not a published edition
PdP 6 250.8
सापि सकलदेवमानुषादिश्रेष्ठान्पटे विलिख्य तस्यै दर्शयामास
sāpi sakaladevamānuṣādiśreṣṭhānpaṭe vilikhya tasyai darśayāmāsa
And she (Citralekhā), having drawn on a cloth the foremost among all the gods, men and the rest, showed it to her.
AI translation rendered from the Sanskrit, not a published edition
PdP 6 250.9
यदुवंशसंभूतान्कृष्णसंकर्षणप्रद्युम्नानिरुद्धादीनपि सम्यङिनवेदयामास
yaduvaṃśasaṃbhūtānkṛṣṇasaṃkarṣaṇapradyumnāniruddhādīnapi samyaṅinavedayāmāsa
She duly pointed out also those born in the Yadu lineage — Kṛṣṇa, Saṃkarṣaṇa, Pradyumna, Aniruddha and the others.
AI translation rendered from the Sanskrit, not a published edition
PdP 6 250.10
सा तेषां कृष्णमनुमान्य प्रद्युम्नानंतरमनिरुद्धं दृष्ट्वा स इत्येष इत्यालिलिंग
sā teṣāṃ kṛṣṇamanumānya pradyumnānaṃtaramaniruddhaṃ dṛṣṭvā sa ityeṣa ityāliliṃga
Among them she, having respectfully passed over Kṛṣṇa, and seeing Aniruddha next after Pradyumna, embraced (the picture, saying) "He — this is he!"
AI translation rendered from the Sanskrit, not a published edition
PdP 6 250.11
अथ चित्रलेखा बह्वीभिर्मायावतीभिर्दैत्यस्त्रीभिर्द्वारवतीं गत्वा रात्रावंतःपुरे सुप्तमनिरुद्धं। दृष्ट्वा गृहीत्वा मोहयित्वा माहिष्मत्यां बाणस्यांतःपुरे चैत्यप्रासादादियुक्ते तस्या बाणपुत्र्याः शय्यायां चिक्षेप
atha citralekhā bahvībhirmāyāvatībhirdaityastrībhirdvāravatīṃ gatvā rātrāvaṃtaḥpure suptamaniruddhaṃ| dṛṣṭvā gṛhītvā mohayitvā māhiṣmatyāṃ bāṇasyāṃtaḥpure caityaprāsādādiyukte tasyā bāṇaputryāḥ śayyāyāṃ cikṣepa
Then Citralekhā, going to Dvāravatī with many magic-wielding demon women, saw Aniruddha asleep at night in the inner apartments, seized him, stupefied him, and cast him upon the bed of that daughter of Bāṇa, in Bāṇa's inner apartments in Māhiṣmatī, furnished with shrines, palaces and the rest.
AI translation rendered from the Sanskrit, not a published edition
PdP 6 250.12
सोऽपि प्रबुद्धोतिरम्येऽनंगपावके संस्थितामुषां सर्वलक्षणलक्षितां विचित्राभरणवसनगंधमाल्यालंकृतां कांचनवर्णां सुकेशीं सुजातस्तनीं दृष्ट्वा गाढमालिंग्य करिण्या गंधहस्तीव तयातिप्रीतिसंयुक्तया यथासुखं रमयामास
so'pi prabuddhotiramye'naṃgapāvake saṃsthitāmuṣāṃ sarvalakṣaṇalakṣitāṃ vicitrābharaṇavasanagaṃdhamālyālaṃkṛtāṃ kāṃcanavarṇāṃ sukeśīṃ sujātastanīṃ dṛṣṭvā gāḍhamāliṃgya kariṇyā gaṃdhahastīva tayātiprītisaṃyuktayā yathāsukhaṃ ramayāmāsa
And he, awakened, seeing Uṣā seated in the exceedingly lovely fire of Anaṅga (love), marked with all auspicious marks, adorned with varied ornaments, garments, perfumes and garlands, golden in colour, with beautiful hair and well-formed breasts, embraced her tightly and, like a scent-elephant with a she-elephant, took his pleasure with her at will, she being filled with the utmost delight.
AI translation rendered from the Sanskrit, not a published edition
PdP 6 250.13
एवं मासमात्रं निरंतरतयानिरुद्धं रममाणं कदाचिदंतःपुरनिवासिन्यो वृद्धा दैत्यस्त्रियो ज्ञात्वा राज्ञे निवेदयामासुः
evaṃ māsamātraṃ niraṃtaratayāniruddhaṃ ramamāṇaṃ kadācidaṃtaḥpuranivāsinyo vṛddhā daityastriyo jñātvā rājñe nivedayāmāsuḥ
Thus, when Aniruddha had been taking his pleasure continuously for a full month, at some time the aged demon women dwelling in the inner apartments came to know of it and reported it to the king.
AI translation rendered from the Sanskrit, not a published edition
PdP 6 250.14
स राजा क्रोधताम्राक्षः परं विस्मयं गत्वा तमिहानयतेति पुरः किंकरान्प्रेषयामास
sa rājā krodhatāmrākṣaḥ paraṃ vismayaṃ gatvā tamihānayateti puraḥ kiṃkarānpreṣayāmāsa
That king, his eyes coppery with rage, being greatly astonished, sent servants ahead (saying), "Bring him here."
AI translation rendered from the Sanskrit, not a published edition
PdP 6 250.15
तेऽपि तूर्णं नृपप्रासादमारुह्य राजपुत्र्याः शयने संस्थितमनिरुद्धं ग्रहीतुमाजग्मुः
te'pi tūrṇaṃ nṛpaprāsādamāruhya rājaputryāḥ śayane saṃsthitamaniruddhaṃ grahītumājagmuḥ
And they, swiftly climbing the king's palace, came to seize Aniruddha, who was stationed on the princess's bed.
AI translation rendered from the Sanskrit, not a published edition
PdP 6 250.16
स तान्समारब्धान्दृष्ट्वा प्रासादस्तंभमेकं हेलयोत्पाट्य नियुतसंख्याकान् किंकरान्मुहूर्तमात्रणैव स्तंभेन चूर्णितमात्रं चकार
sa tānsamārabdhāndṛṣṭvā prāsādastaṃbhamekaṃ helayotpāṭya niyutasaṃkhyākān kiṃkarānmuhūrtamātraṇaiva staṃbhena cūrṇitamātraṃ cakāra
Seeing them set upon (him), he tore up one pillar of the palace with ease and, in a mere moment, with that pillar reduced the servants, a hundred thousand in number, to mere powder.
AI translation rendered from the Sanskrit, not a published edition
PdP 6 250.17
अथ दैत्यपतिर्निहतान्किंकरान्दृष्ट्वा कौतूहलं गत्वा असौ श्रीकृष्णपौत्र इति देवर्षिणा प्रोक्तो धनुरादाय स्वयमेवानिरुद्धं ग्रहीतुं तत्समीपमाजगाम
atha daityapatirnihatānkiṃkarāndṛṣṭvā kautūhalaṃ gatvā asau śrīkṛṣṇapautra iti devarṣiṇā prokto dhanurādāya svayamevāniruddhaṃ grahītuṃ tatsamīpamājagāma
Then the lord of the demons, seeing his servants slain, becoming curious — and told by the divine sage, "This one is Śrī Kṛṣṇa's grandson" — took up his bow and came near him to seize Aniruddha himself.
AI translation rendered from the Sanskrit, not a published edition
PdP 6 250.18
अनिरुद्धोऽपि योद्भुमायांतं सहस्रबाहुं राजानं दृष्ट्वा तत्परिघं भ्रामयित्वा बाणस्योपरि चिक्षेप
aniruddho'pi yodbhumāyāṃtaṃ sahasrabāhuṃ rājānaṃ dṛṣṭvā tatparighaṃ bhrāmayitvā bāṇasyopari cikṣepa
And Aniruddha, seeing the thousand-armed king coming to fight, whirled that iron club and hurled it upon Bāṇa.
AI translation rendered from the Sanskrit, not a published edition
PdP 6 250.19
स्वचापनिर्मुक्तेन बाणेन तं परिघं चिच्छेद
svacāpanirmuktena bāṇena taṃ parighaṃ ciccheda
With an arrow released from his own bow he cut that club apart.
AI translation rendered from the Sanskrit, not a published edition
PdP 6 250.20
अनंतरमुरगास्त्रेण अनिरुद्धं निबिडं बद्ध्वा स्वांतःपुरे निवेशयामास
anaṃtaramuragāstreṇa aniruddhaṃ nibiḍaṃ baddhvā svāṃtaḥpure niveśayāmāsa
Thereupon, having bound Aniruddha tightly with the serpent-weapon, he lodged him in his own inner apartments.
AI translation rendered from the Sanskrit, not a published edition
PdP 6 250.21
अथ कृष्णोप्येवंविधमेव देवर्षिणा ज्ञात्वा बलदेवप्रद्युम्नसहितः स्वसेनया विहंगमेंद्रमारुह्य तस्यबाणस्य भुजवनं छेत्तुमाजगाम
atha kṛṣṇopyevaṃvidhameva devarṣiṇā jñātvā baladevapradyumnasahitaḥ svasenayā vihaṃgameṃdramāruhya tasyabāṇasya bhujavanaṃ chettumājagāma
Then Kṛṣṇa too, learning of just this state of affairs from the divine sage, together with Baladeva and Pradyumna, mounting the king of birds with his army, came to cut down that Bāṇa's forest of arms.
AI translation rendered from the Sanskrit, not a published edition
PdP 6 250.22
बलिपुत्रेण पुरा शंकरोऽर्चितः प्रसन्नो वरं वृणीष्वेत्युवाच
baliputreṇa purā śaṃkaro'rcitaḥ prasanno varaṃ vṛṇīṣvetyuvāca
Formerly Śaṃkara had been worshipped by Bali's son (Bāṇa); pleased, he said, "Choose a boon."
AI translation rendered from the Sanskrit, not a published edition
PdP 6 250.23
तमीश्वरं बाणो मम पुरद्वारिरक्षार्थं सर्वदोपविश्य समागतं परसैन्यं जहीत्येवं वरमयाचत
tamīśvaraṃ bāṇo mama puradvārirakṣārthaṃ sarvadopaviśya samāgataṃ parasainyaṃ jahītyevaṃ varamayācata
Bāṇa asked that lord for this boon: "Sitting always at the gate of my city to guard it, destroy any enemy army that comes."
AI translation rendered from the Sanskrit, not a published edition
PdP 6 250.24
तं तथेत्युक्त्वा शंकरोऽपि तस्य पुरद्वारि सायुधः सपुत्रः सगणः समासीनस्तस्मिन्नेव काले रुषा स्वसेनया समागतं वासुदेवं दृष्ट्वा वृषमारुह्य सर्वायुधोपेतः स्वपुत्रगणसंवृतो योद्धुं निश्चक्राम
taṃ tathetyuktvā śaṃkaro'pi tasya puradvāri sāyudhaḥ saputraḥ sagaṇaḥ samāsīnastasminneva kāle ruṣā svasenayā samāgataṃ vāsudevaṃ dṛṣṭvā vṛṣamāruhya sarvāyudhopetaḥ svaputragaṇasaṃvṛto yoddhuṃ niścakrāma
Saying "So be it" to him, Śaṃkara too sat at the gate of his city, with his weapons, with his sons, with his troops (gaṇas); and at that very moment, seeing Vāsudeva arrived in anger with his own army, he mounted his bull and, equipped with all weapons, surrounded by the host of his sons, marched out to fight.
AI translation rendered from the Sanskrit, not a published edition
PdP 6 250.25
कृष्णोऽपि तं भूतपतिं गजचर्मकपालभस्मधरं ज्वलितोरगाकल्पं पिंगलं त्रिलोचनं त्रिशूलधरं सर्वभूतगणसंहृतिकर्त्तारं सर्वभूतभयावहं संवर्त्ताग्निप्रभं पुत्रद्वयसमन्वितं समस्तगणावृतं त्रिपुरांतकं दृष्ट्वा सेनां सुदूरे पृष्ठतो निवेश्य बलभद्र प्रद्युम्नसहितस्तेन रुद्रे ण सह प्रहसन्निव योद्धुमारेभे
kṛṣṇo'pi taṃ bhūtapatiṃ gajacarmakapālabhasmadharaṃ jvalitoragākalpaṃ piṃgalaṃ trilocanaṃ triśūladharaṃ sarvabhūtagaṇasaṃhṛtikarttāraṃ sarvabhūtabhayāvahaṃ saṃvarttāgniprabhaṃ putradvayasamanvitaṃ samastagaṇāvṛtaṃ tripurāṃtakaṃ dṛṣṭvā senāṃ sudūre pṛṣṭhato niveśya balabhadra pradyumnasahitastena rudre ṇa saha prahasanniva yoddhumārebhe
And Kṛṣṇa too, seeing that lord of beings — wearing elephant hide, a skull, and ashes, adorned with blazing serpents, tawny, three-eyed, bearing the trident, the destroyer of all hosts of beings, terrifying to all beings, radiant like the fire of the world's dissolution, accompanied by his two sons, encircled by all his gaṇas, the ender of Tripura — stationed his army far behind and, together with Balabhadra and Pradyumna, began to fight with that Rudra, laughing as it were.
AI translation rendered from the Sanskrit, not a published edition
PdP 6 250.26
प्रथमं तदभूद्घोरं कृष्णशंकरयोस्तदा । पिनाकशार्ङ्गनिर्मुक्तैर्बाणैः संवर्त्तकोपमैः
prathamaṃ tadabhūdghoraṃ kṛṣṇaśaṃkarayostadā | pinākaśārṅganirmuktairbāṇaiḥ saṃvarttakopamaiḥ
First there was that dreadful (battle) then between Kṛṣṇa and Śaṃkara, with arrows loosed from the Pināka and the Śārṅga bows, like the fire of dissolution.
AI translation rendered from the Sanskrit, not a published edition
PdP 6 250.27
रामोऽपि चक्रे बाणेन प्रद्युम्नः षण्मुखेन च । युयुधाते महावीर्यौ सिंहाविव बलोत्कटौ
rāmo'pi cakre bāṇena pradyumnaḥ ṣaṇmukhena ca | yuyudhāte mahāvīryau siṃhāviva balotkaṭau
Rāma too (fought) with Bāṇa, and Pradyumna with the six-faced one; the two of great valour fought like two lions swollen with strength.
AI translation rendered from the Sanskrit, not a published edition
PdP 6 250.28
विनायकः स्वदंतेन जघानोरसि यादवम् । रामो मुशलमादाय तस्य दंतमताडयत्
vināyakaḥ svadaṃtena jaghānorasi yādavam | rāmo muśalamādāya tasya daṃtamatāḍayat
Vināyaka struck the Yādava on the chest with his own tusk; Rāma, taking up his pestle, smote his tusk.
AI translation rendered from the Sanskrit, not a published edition
PdP 6 250.29
निर्भिन्नदंतः सहसा प्रदुद्रावाखुवाहनः । तदाप्रभृति लोकेऽस्मिन्हतदंतो गणेश्वरः
nirbhinnadaṃtaḥ sahasā pradudrāvākhuvāhanaḥ | tadāprabhṛti loke'sminhatadaṃto gaṇeśvaraḥ
With his tusk split, the one whose vehicle is the mouse suddenly fled; from that time on in this world the lord of the gaṇas has a broken tusk,
AI translation rendered from the Sanskrit, not a published edition
PdP 6 250.30
देवदानवगंधर्वैरेकदंतइतीरितः । प्रद्युम्नेन समं युद्धं चकार शिखिवाहनः
devadānavagaṃdharvairekadaṃtaitīritaḥ | pradyumnena samaṃ yuddhaṃ cakāra śikhivāhanaḥ
and is called "One-Tusked" by gods, dānavas, and gandharvas. The peacock-borne one made battle with Pradyumna.
AI translation rendered from the Sanskrit, not a published edition
PdP 6 250.31
गणान्विद्रावयामास मुशलेन हलायुधः । कृष्णेन सुचिरं कालं युद्धासौ नीललोहितः
gaṇānvidrāvayāmāsa muśalena halāyudhaḥ | kṛṣṇena suciraṃ kālaṃ yuddhāsau nīlalohitaḥ
Halāyudha (Balarāma) put the gaṇas to flight with his pestle; that blue-and-red one (Śiva) fought with Kṛṣṇa for a very long time.
AI translation rendered from the Sanskrit, not a published edition
PdP 6 250.32
तापज्वरं महादीप्तमस्मिन्संयोज्य सायके । कोपान्मुमोच तदसौ भृशं संरक्तलोचनः
tāpajvaraṃ mahādīptamasminsaṃyojya sāyake | kopānmumoca tadasau bhṛśaṃ saṃraktalocanaḥ
Joining the greatly blazing burning-fever to this arrow, he, his eyes very red, released it in anger.
AI translation rendered from the Sanskrit, not a published edition
PdP 6 250.33
तदस्त्रं वारयामास कृष्णः शीतज्वरेण तु । ताभ्यां हरिहराभ्यां तु विसृष्टौ ताविमौ ज्वरौ
tadastraṃ vārayāmāsa kṛṣṇaḥ śītajvareṇa tu | tābhyāṃ hariharābhyāṃ tu visṛṣṭau tāvimau jvarau
Kṛṣṇa warded off that missile with the cold-fever; these two fevers, discharged by those two, Hari and Hara,
AI translation rendered from the Sanskrit, not a published edition
PdP 6 250.34
विशतुर्मानुषे लोके तयोरेवाज्ञया भृशम् । हरिशंकरयोर्युद्धं ये तु शृण्वंति मानवाः
viśaturmānuṣe loke tayorevājñayā bhṛśam | hariśaṃkarayoryuddhaṃ ye tu śṛṇvaṃti mānavāḥ
entered forcefully into the human world by the command of those two. But those people who hear of the battle of Hari and Śaṃkara —
AI translation rendered from the Sanskrit, not a published edition
PdP 6 250.35
ते सर्वे ज्वरनिर्मुक्ताः प्राप्नुवंति निरामयम् । ततः स तु हृषीकेशो मोहनास्त्रं दुरासदम्
te sarve jvaranirmuktāḥ prāpnuvaṃti nirāmayam | tataḥ sa tu hṛṣīkeśo mohanāstraṃ durāsadam
all of them, freed from fever, attain freedom from disease. Then Hṛṣīkeśa, fixing the unassailable bewildering weapon
AI translation rendered from the Sanskrit, not a published edition
PdP 6 250.36
नियुज्य बाणं भूतेशे मुमोच मधुसूदनः । मुहुर्मुहुर्व्यजृंभद्वै तेनास्त्रेण विमोहितः
niyujya bāṇaṃ bhūteśe mumoca madhusūdanaḥ | muhurmuhurvyajṛṃbhadvai tenāstreṇa vimohitaḥ
to an arrow, Madhusūdana released it at the lord of beings; bewildered by that weapon he gaped again and again,
AI translation rendered from the Sanskrit, not a published edition
PdP 6 250.37
पपात मूर्च्छितो भूमौ शंकरस्त्रिदशेश्वरः । पितरं मोहितं दृष्ट्वा शक्तिमुद्यम्य वीर्यवान्
papāta mūrcchito bhūmau śaṃkarastridaśeśvaraḥ | pitaraṃ mohitaṃ dṛṣṭvā śaktimudyamya vīryavān
and Śaṃkara, lord of the thirty (gods), fell to the ground in a swoon. Seeing his father bewildered, the valiant one raised his spear
AI translation rendered from the Sanskrit, not a published edition
PdP 6 250.38
योद्धुमभ्याययौ कृष्णं षण्मुखः शिखिवाहनः । हुंकारेणैव तं कृष्णश्चकारात्र पराङ्मुखम्
yoddhumabhyāyayau kṛṣṇaṃ ṣaṇmukhaḥ śikhivāhanaḥ | huṃkāreṇaiva taṃ kṛṣṇaścakārātra parāṅmukham
and the six-faced peacock-rider came on to fight Kṛṣṇa; but Kṛṣṇa, with a mere roar, made him turn away there.
AI translation rendered from the Sanskrit, not a published edition
PdP 6 250.39
एवं जित्वा यदुश्रेष्ठः शूलपाणिं त्रिलोचनम् । महास्वनं पांचजन्यं शंखं दध्मौ प्रतापवान्
evaṃ jitvā yaduśreṣṭhaḥ śūlapāṇiṃ trilocanam | mahāsvanaṃ pāṃcajanyaṃ śaṃkhaṃ dadhmau pratāpavān
Having thus conquered the three-eyed one who holds the trident, the best of the Yadus, majestic, blew the loud-sounding conch Pāñcajanya.
AI translation rendered from the Sanskrit, not a published edition
PdP 6 250.40
कृष्णेन निर्जितं श्रुत्वा सात्मजं शंकरं तदा । बाणः स्यंदनमास्थाय ययौ युद्धाय केशवम्
kṛṣṇena nirjitaṃ śrutvā sātmajaṃ śaṃkaraṃ tadā | bāṇaḥ syaṃdanamāsthāya yayau yuddhāya keśavam
Hearing then that Śaṃkara with his son had been vanquished by Kṛṣṇa, Bāṇa mounted his chariot and went to fight Keśava.
AI translation rendered from the Sanskrit, not a published edition
PdP 6 250.41
स दृष्ट्वा सहसा कृष्णं गरुडोपरिसंस्थितम् । छादयामास गोविंदं बहुशस्त्रास्त्रवृष्टिभिः
sa dṛṣṭvā sahasā kṛṣṇaṃ garuḍoparisaṃsthitam | chādayāmāsa goviṃdaṃ bahuśastrāstravṛṣṭibhiḥ
Seeing Kṛṣṇa seated upon Garuḍa, he at once covered Govinda with showers of many weapons and missiles,
AI translation rendered from the Sanskrit, not a published edition
PdP 6 250.42
गदाभिः परिघैः शूलैः शक्तिभिस्तोमरैरपि । भिंडिपालैश्च खङ्गैश्च चक्रैर्बाणैर्निरंतरम्
gadābhiḥ parighaiḥ śūlaiḥ śaktibhistomarairapi | bhiṃḍipālaiśca khaṅgaiśca cakrairbāṇairniraṃtaram
With maces, iron clubs, spears, lances, and javelins too, with slings and swords and discuses and arrows, unceasingly.
AI translation rendered from the Sanskrit, not a published edition
PdP 6 250.43
तानि सर्वाणि चिच्छेद चक्रेणैव जनार्दनः । ससर्ज तस्य बाहूनां छेदनार्थं सुदर्शनम्
tāni sarvāṇi ciccheda cakreṇaiva janārdanaḥ | sasarja tasya bāhūnāṃ chedanārthaṃ sudarśanam
Janārdana cut all those apart with his discus alone, and hurled the Sudarśana to sever that one's arms.
AI translation rendered from the Sanskrit, not a published edition
PdP 6 250.44
मुक्तं दनुजराजस्य सहस्रारं सुदर्शनम् । तद्बाहुकाननं तूर्णं छिन्नं चक्रे सहस्रधा
muktaṃ danujarājasya sahasrāraṃ sudarśanam | tadbāhukānanaṃ tūrṇaṃ chinnaṃ cakre sahasradhā
The thousand-spoked Sudarśana, released (at) the king of the Danujas, quickly cut that forest of his arms into a thousand pieces.
AI translation rendered from the Sanskrit, not a published edition
PdP 6 250.45
एतस्मिन्नंतरे देवि पार्वती संशितव्रता । हरेः समीपमागत्य कृतांजलिरभाषत
etasminnaṃtare devi pārvatī saṃśitavratā | hareḥ samīpamāgatya kṛtāṃjalirabhāṣata
Meanwhile, O goddess, Pārvatī of strict vows came near to Hari and, with palms joined, spoke.
AI translation rendered from the Sanskrit, not a published edition
PdP 6 250.46
पार्वत्युवाच- कृष्णकृष्ण जगन्नाथ नारायण दयानिधे । दास्यस्मि तव देवेश पूर्वभावे यदूत्तम
pārvatyuvāca- kṛṣṇakṛṣṇa jagannātha nārāyaṇa dayānidhe | dāsyasmi tava deveśa pūrvabhāve yadūttama
Pārvatī said: Kṛṣṇa, Kṛṣṇa, lord of the world, Nārāyaṇa, treasury of compassion! I am your servant, O lord of gods, in a former existence, O best of the Yadus.
AI translation rendered from the Sanskrit, not a published edition
PdP 6 250.47
त्वया दत्तं वरं मह्यं तदा कौशलपर्वते । सौभाग्यं शाश्वतं सौम्य प्रसन्नेन महात्मना
tvayā dattaṃ varaṃ mahyaṃ tadā kauśalaparvate | saubhāgyaṃ śāśvataṃ saumya prasannena mahātmanā
A boon was given by you to me then on Mount Kauśala—everlasting marital good fortune, O gentle one, by you, the great-souled, being pleased.
AI translation rendered from the Sanskrit, not a published edition
PdP 6 250.48
तव मुख्यं सहस्रस्य नाम्नामन्यतमं विभो । गौरीसौभाग्यदातेति मुनिभिः परिकीर्तितम्
tava mukhyaṃ sahasrasya nāmnāmanyatamaṃ vibho | gaurīsaubhāgyadāteti munibhiḥ parikīrtitam
One of your thousand names, the chief one, O pervading lord, is proclaimed by the sages as "Giver of Gaurī's marital good fortune."
AI translation rendered from the Sanskrit, not a published edition
PdP 6 250.49
तत्सत्यं कुरु गोविंद गरुडारूढ शाश्वत । तस्मान्मम पतिं देव त्वं जीवयितुमर्हसि
tatsatyaṃ kuru goviṃda garuḍārūḍha śāśvata | tasmānmama patiṃ deva tvaṃ jīvayitumarhasi
Make that true, Govinda, eternal one mounted on Garuḍa; therefore, O god, you ought to bring my husband to life.
AI translation rendered from the Sanskrit, not a published edition
PdP 6 250.50
रुद्र उवाच- एवमुक्तस्ततो देव्या कृष्णः कमललोचनः । अस्त्रं संहारयामास येनासौ मोहितः पतिः ५० 6.250.
rudra uvāca- evamuktastato devyā kṛṣṇaḥ kamalalocanaḥ | astraṃ saṃhārayāmāsa yenāsau mohitaḥ patiḥ 50 6.250.
Rudra said: Thus addressed by the Goddess, lotus-eyed Kṛṣṇa withdrew the weapon by which her husband had been stupefied.
AI translation rendered from the Sanskrit, not a published edition
PdP 6 250.51
कृष्णास्त्रेण विनिर्मुक्तः सर्वभूतपतिः शिवः । उत्थाय प्रांजलिर्भूत्वा तुष्टाव जगतां पतिम्
kṛṣṇāstreṇa vinirmuktaḥ sarvabhūtapatiḥ śivaḥ | utthāya prāṃjalirbhūtvā tuṣṭāva jagatāṃ patim
Released from Kṛṣṇa's weapon, Śiva, lord of all beings, rose up and, with palms joined, praised the lord of the worlds.
AI translation rendered from the Sanskrit, not a published edition
PdP 6 250.52
शंकर उवाच- कृष्णकृष्ण जगन्नाथ भगवन्पुरुषोत्तम । परेश परमेशान अनादिनिधनाव्यय
śaṃkara uvāca- kṛṣṇakṛṣṇa jagannātha bhagavanpuruṣottama | pareśa parameśāna anādinidhanāvyaya
Śaṃkara said: Kṛṣṇa, Kṛṣṇa, Lord of the world, Bhagavan, highest of persons, supreme ruler, supreme sovereign, you who are without beginning, without end, without decay!
AI translation rendered from the Sanskrit, not a published edition
PdP 6 250.53
तीव्रवीर्यं मनुष्येषु शरीरग्रहणात्मिका । सर्वस्य तव चेष्टेयं मानलक्षणमेव तत्
tīvravīryaṃ manuṣyeṣu śarīragrahaṇātmikā | sarvasya tava ceṣṭeyaṃ mānalakṣaṇameva tat
Fierce is (your) power among men, (yet your manifestation) consists in the taking on of a body; this activity of yours toward everyone is nothing but a mark of (your) regard.
AI translation rendered from the Sanskrit, not a published edition — the model flagged this verse as uncertain
PdP 6 250.54
प्रसीद मे नमस्तुभ्यं प्रसीद मम शाश्वत । प्रसीद मे जगत्स्वामिन्प्रसीदाच्युत केशव
prasīda me namastubhyaṃ prasīda mama śāśvata | prasīda me jagatsvāminprasīdācyuta keśava
Be gracious to me, homage to you; be gracious to me, eternal one; be gracious to me, master of the world; be gracious, Acyuta, Keśava!
AI translation rendered from the Sanskrit, not a published edition
PdP 6 250.55
त्वमेव जगतां स्रष्टा धाता हर्त्ता जगद्गुरुः । त्वमेव चिदचिद्वस्तुरूपं ब्रह्म सुरेश्वर
tvameva jagatāṃ sraṣṭā dhātā harttā jagadguruḥ | tvameva cidacidvasturūpaṃ brahma sureśvara
You alone are the creator of the worlds, their upholder and their destroyer, the teacher of the world; you alone are brahman, whose form is (both) conscious and unconscious being, O lord of the gods.
AI translation rendered from the Sanskrit, not a published edition
PdP 6 250.56
त्वमादिस्त्वमनादिस्त्वमीश्वरः शेष एव च । त्वं महत्त्वं परं ब्रह्म प्रत्यगात्मा त्वमेव हि
tvamādistvamanādistvamīśvaraḥ śeṣa eva ca | tvaṃ mahattvaṃ paraṃ brahma pratyagātmā tvameva hi
You are the beginning, you are without beginning, you are the Lord and (you are) Śeṣa too; you are the Great (Principle), you are the supreme brahman, and you indeed are the inner self.
AI translation rendered from the Sanskrit, not a published edition
PdP 6 250.57
समस्तामरवर्य्यस्त्वममर्त्यस्त्वं सुरेश्वर । त्वं मर्त्त्येशः सयोनिस्त्वं सौशील्येन तव प्रभो
samastāmaravaryyastvamamartyastvaṃ sureśvara | tvaṃ marttyeśaḥ sayonistvaṃ sauśīlyena tava prabho
You are the foremost of all the immortals, you are the deathless one, O lord of gods; you are the lord of mortals, and you are (one) possessed of a birth—through your own graciousness of character, O master.
AI translation rendered from the Sanskrit, not a published edition — the model flagged this verse as uncertain
PdP 6 250.58
तव श्वाससमुत्पन्नौ परजीवौ सनातनौ । ततश्च पाल्यते चैव तव वात्सल्यगौरवात्
tava śvāsasamutpannau parajīvau sanātanau | tataśca pālyate caiva tava vātsalyagauravāt
The two eternal supreme living beings arose from your breath; and thence (the world) is protected, out of the weight of your fatherly love.
AI translation rendered from the Sanskrit, not a published edition — the model flagged this verse as uncertain
PdP 6 250.59
क्षराक्षरे परे धाम्नि रुचो नित्यं सुराश्रये । अधि विश्वे निधेषि त्वां दास्यकर्मणि नान्यथा
kṣarākṣare pare dhāmni ruco nityaṃ surāśraye | adhi viśve nidheṣi tvāṃ dāsyakarmaṇi nānyathā
In the perishable and the imperishable, in the supreme abode, the eternal refuge of the gods, (there are) splendours; over the whole universe you set yourself in the work of service, not otherwise.
AI translation rendered from the Sanskrit, not a published edition — the model flagged this verse as uncertain
PdP 6 250.60
यस्त्वां न वेदलोकेऽस्मिन्स मूढः सर्वभावनः । परावरेश्वरं धाम विदुर्दास्ये मनीषिणः
yastvāṃ na vedaloke'sminsa mūḍhaḥ sarvabhāvanaḥ | parāvareśvaraṃ dhāma vidurdāsye manīṣiṇaḥ
He who does not know you in this world is a fool, (though he be) the imaginer of everything; the thoughtful know (you) as the abode, the lord of the higher and the lower, (and they abide) in servitude.
AI translation rendered from the Sanskrit, not a published edition — the model flagged this verse as uncertain
PdP 6 250.61
ते वै समासते युक्तास्तत्पदं त्रिदशैः समम् । सामान्यो भजते दूरेनंतुं नित्यं पदं तव
te vai samāsate yuktāstatpadaṃ tridaśaiḥ samam | sāmānyo bhajate dūrenaṃtuṃ nityaṃ padaṃ tava
They indeed sit joined (to you), (attaining) that station equal to the thirty gods; the ordinary man worships from afar—your station is eternal.
AI translation rendered from the Sanskrit, not a published edition — the model flagged this verse as uncertain
PdP 6 250.62
तस्य तुर्या चारुकेशी चावस्था घटते तव । मिथुनानि तवाध्यक्ष ब्रुवते यदुशाश्वत
tasya turyā cārukeśī cāvasthā ghaṭate tava | mithunāni tavādhyakṣa bruvate yaduśāśvata
That fourth state of yours, O fair-haired one, is fitting; they speak of the pairs, O overseer, O eternal one of the Yadus.
AI translation rendered from the Sanskrit, not a published edition — the model flagged this verse as uncertain
PdP 6 250.63
तव नामानि कर्माणि गुणानि शाश्वतानि च । ऐश्वर्याणि गुणातीत ब्रुवते चोत्तमे इमे
tava nāmāni karmāṇi guṇāni śāśvatāni ca | aiśvaryāṇi guṇātīta bruvate cottame ime
Your names, your deeds, your qualities and eternal (attributes), and your sovereign powers — these supreme (things), O you who are beyond the qualities, they proclaim.
AI translation rendered from the Sanskrit, not a published edition
PdP 6 250.64
कर्मज्ञानमये रूपे इमे पूर्वोत्तरे श्रुते । ससुतौ युवतीशस्य स्तोतारौ तव केशव
karmajñānamaye rūpe ime pūrvottare śrute | sasutau yuvatīśasya stotārau tava keśava
These two forms, consisting of action and of knowledge, are heard of as the prior and the latter; together with the son, (they are) of the lord of the young woman, praisers of you, O Keśava.
AI translation rendered from the Sanskrit, not a published edition — the model flagged this verse as uncertain
PdP 6 250.65
त्वं प्रज्ञानं परं ब्रह्म त्वया प्राज्ञेन शाश्वत । जीवयैतेन प्रज्ञेन परेणैवात्मना त्वया
tvaṃ prajñānaṃ paraṃ brahma tvayā prājñena śāśvata | jīvayaitena prajñena pareṇaivātmanā tvayā
You are consciousness, the supreme Brahman; by you the wise one, O eternal one — by this wisdom, by you the supreme Self, make (him) live.
AI translation rendered from the Sanskrit, not a published edition — the model flagged this verse as uncertain
PdP 6 250.66
तस्माच्छरीरादुत्क्रम्य कृपया तव केवलम् । आमुष्मिके परे स्वर्गे त्वया दत्तात्मबोधवान्
tasmāccharīrādutkramya kṛpayā tava kevalam | āmuṣmike pare svarge tvayā dattātmabodhavān
Having departed from that body solely by your compassion, in that other world, in the highest heaven, he becomes possessed of self-knowledge given by you.
AI translation rendered from the Sanskrit, not a published edition — the model flagged this verse as uncertain
PdP 6 250.67
प्रज्ञानं चैव विज्ञानं मेधां दृष्टिं तथा धृतिम् । सर्वान्कामानवाप्नोति अमृतं स भवेत्तदा
prajñānaṃ caiva vijñānaṃ medhāṃ dṛṣṭiṃ tathā dhṛtim | sarvānkāmānavāpnoti amṛtaṃ sa bhavettadā
He obtains consciousness and discernment, intelligence, vision, and likewise steadfastness, and all desires; then he becomes immortal.
AI translation rendered from the Sanskrit, not a published edition
PdP 6 250.68
एतत्संज्ञानमात्मानं यदेतद्धृदि यन्मनः । मनीषा चैव युक्तिश्च स्मृतिः संकल्प एव च
etatsaṃjñānamātmānaṃ yadetaddhṛdi yanmanaḥ | manīṣā caiva yuktiśca smṛtiḥ saṃkalpa eva ca
This awareness, the self — that which is in the heart, that which is mind, and reflection, and reasoning, memory and intention,
AI translation rendered from the Sanskrit, not a published edition — the model flagged this verse as uncertain
PdP 6 250.69
तपश्च क्रतवः कामो दश इत्यादि ते प्रभो । भवंति नामधेयानि प्रज्ञानस्य घृणानिधेः
tapaśca kratavaḥ kāmo daśa ityādi te prabho | bhavaṃti nāmadheyāni prajñānasya ghṛṇānidheḥ
and austerity, ritual acts, desire — such are the ten and so on, O lord: these become the names of consciousness, of you the treasury of compassion.
AI translation rendered from the Sanskrit, not a published edition — the model flagged this verse as uncertain
PdP 6 250.70
एष त्वं परमं ब्रह्म एष त्वं वै प्रजापतिः । एष त्वमिंद्रो रुद्रश्च एष त्वं सर्वदेवताः
eṣa tvaṃ paramaṃ brahma eṣa tvaṃ vai prajāpatiḥ | eṣa tvamiṃdro rudraśca eṣa tvaṃ sarvadevatāḥ
This you are, the supreme Brahman; this you are, indeed, Prajāpati; this you are, Indra and Rudra; this you are, all the gods.
AI translation rendered from the Sanskrit, not a published edition
PdP 6 250.71
एतानि सर्वभूतानि त्वमेव परमेश्वर । सुत मित्राणि जीवायुस्तथान्यानि सनातन
etāni sarvabhūtāni tvameva parameśvara | suta mitrāṇi jīvāyustathānyāni sanātana
All these beings are you alone, O supreme Lord: son, friends, living breath, and the others too, O everlasting one.
AI translation rendered from the Sanskrit, not a published edition — the model flagged this verse as uncertain
PdP 6 250.72
जरायुजाण्डजातानि स्वेदजोद्भिद्यजानि च । अश्वा गावश्च पुरुषा हस्तिनश्चेतराणि च
jarāyujāṇḍajātāni svedajodbhidyajāni ca | aśvā gāvaśca puruṣā hastinaścetarāṇi ca
Those born from the womb, those born from eggs, those born of sweat and those sprouting forth, horses and cows and men and elephants and the rest,
AI translation rendered from the Sanskrit, not a published edition
PdP 6 250.73
यत्किंचित्प्राणिजातं च जंगमाश्चैव जंतवः । स्थावरा ये च वै नाथ सर्वे त्वत्तो भवंति च
yatkiṃcitprāṇijātaṃ ca jaṃgamāścaiva jaṃtavaḥ | sthāvarā ye ca vai nātha sarve tvatto bhavaṃti ca
whatever class of living things there is, and the moving creatures, and those that are stationary, O Lord — all of them come to be from you.
AI translation rendered from the Sanskrit, not a published edition
PdP 6 250.74
त्वां हि सर्वं गतं चेत्थं वदंति श्रुतयो हरिम् । त्वयैव प्रेरिता लोकाश्चेष्टंते साध्वसाधुषु
tvāṃ hi sarvaṃ gataṃ cetthaṃ vadaṃti śrutayo harim | tvayaiva preritā lokāśceṣṭaṃte sādhvasādhuṣu
For the scriptures declare that everything has thus gone to you, Hari; impelled by you alone the worlds move among good and evil (courses).
AI translation rendered from the Sanskrit, not a published edition — the model flagged this verse as uncertain
PdP 6 250.75
तस्मान्मया कृतं यच्च अपराधमिदं प्रभो । क्षमस्व करुणासिंधो गुणैः शुभतमैस्तव
tasmānmayā kṛtaṃ yacca aparādhamidaṃ prabho | kṣamasva karuṇāsiṃdho guṇaiḥ śubhatamaistava
Therefore this offence which has been committed by me, O Lord, forgive, O ocean of compassion, by your most auspicious qualities.
AI translation rendered from the Sanskrit, not a published edition
PdP 6 250.76
नमस्ते पुंडरीकाक्ष गोविंदाच्युत माधव । वासुदेव जगद्वंद्य नारायण नमोस्तु ते
namaste puṃḍarīkākṣa goviṃdācyuta mādhava | vāsudeva jagadvaṃdya nārāyaṇa namostu te
Homage to you, lotus-eyed one, Govinda, Acyuta, Mādhava; Vāsudeva, to be revered by the world, Nārāyaṇa, homage be to you.
AI translation rendered from the Sanskrit, not a published edition
PdP 6 250.77
नमस्यामि जगत्स्वामिन्नृसिंहकरुणाकर । श्रीश सर्वगत श्रीमन्परमात्मन्नमोस्तु ते
namasyāmi jagatsvāminnṛsiṃhakaruṇākara | śrīśa sarvagata śrīmanparamātmannamostu te
I pay homage, O Lord of the world, O Nṛsiṃha, O source of compassion; O lord of Śrī, all-pervading, glorious one, supreme Self, homage be to you.
AI translation rendered from the Sanskrit, not a published edition
PdP 6 250.78
निजावसथवैकुंठ नित्यमुक्तार्चितप्रभो । त्रयीनाथ नमस्तुभ्यं रामराजीवलोचन
nijāvasathavaikuṃṭha nityamuktārcitaprabho | trayīnātha namastubhyaṃ rāmarājīvalocana
O Vaikuṇṭha whose abode is your own, O lord worshipped by the ever-liberated, O master of the three Vedas, homage to you, O Rāma, lotus-eyed one.
AI translation rendered from the Sanskrit, not a published edition
PdP 6 250.79
भूभारकविनाशाय कृष्णानंदस्वरूपिणे । विष्णवे जिष्णवे तुभ्यं नमस्ते यदुनंदन
bhūbhārakavināśāya kṛṣṇānaṃdasvarūpiṇe | viṣṇave jiṣṇave tubhyaṃ namaste yadunaṃdana
To him who destroys the burdeners of the earth, to Kṛṣṇa whose form is bliss, to Viṣṇu, to the victorious one — homage to you, O delight of the Yadus.
AI translation rendered from the Sanskrit, not a published edition
PdP 6 250.80
एवं स्तुत्वाथ गोविंदं प्रणिपत्य उमापतिः । प्रांजलिः प्राह भूतेशो वाक्यं गंभीरया गिरा
evaṃ stutvātha goviṃdaṃ praṇipatya umāpatiḥ | prāṃjaliḥ prāha bhūteśo vākyaṃ gaṃbhīrayā girā
Having thus praised Govinda and bowed down, the husband of Umā, the lord of beings, with joined palms spoke these words in a deep voice.
AI translation rendered from the Sanskrit, not a published edition
PdP 6 250.81
रुद्र उवाच- मया दत्तवरो ह्येष बाणो बलिसुतः प्रभो । अहं च दत्तवांस्तस्मै पुरानेनार्थितो वरम्
rudra uvāca- mayā dattavaro hyeṣa bāṇo balisutaḥ prabho | ahaṃ ca dattavāṃstasmai purānenārthito varam
Rudra said: Indeed a boon was granted by me to this Bāṇa, the son of Bali, O Lord; and I gave him a boon formerly, when he asked for it.
AI translation rendered from the Sanskrit, not a published edition
PdP 6 250.82
अमरत्वं यदुश्रेष्ठ सर्वं कर्तुं त्वमर्हसि । तस्मादेनं बलिसुतं त्रातुमर्हसि मे प्रियम्
amaratvaṃ yaduśreṣṭha sarvaṃ kartuṃ tvamarhasi | tasmādenaṃ balisutaṃ trātumarhasi me priyam
(He has been granted) immortality, O best of the Yadus; you are able to do anything. Therefore you ought to save this son of Bali, who is dear to me.
AI translation rendered from the Sanskrit, not a published edition
PdP 6 250.83
तथेत्युक्त्वा च भगवान्बाणं बलिसुतं तदा । प्राणसंशयमापन्नं च्छिन्नबाहुमसृक्चितम्
tathetyuktvā ca bhagavānbāṇaṃ balisutaṃ tadā | prāṇasaṃśayamāpannaṃ cchinnabāhumasṛkcitam
And the Lord, saying "So be it," then (released) Bāṇa, the son of Bali, who had come into peril of his life, his arms severed, smeared with blood —
AI translation rendered from the Sanskrit, not a published edition
PdP 6 250.84
संहृत्य चक्रं गोविंदो मुमोच करुणानिधिः । मोचयित्वा बलिसुतं शंकरः संशितव्रतः
saṃhṛtya cakraṃ goviṃdo mumoca karuṇānidhiḥ | mocayitvā balisutaṃ śaṃkaraḥ saṃśitavrataḥ
Govinda, the treasury of compassion, withdrawing his discus, released (him). Having got the son of Bali released, Śaṃkara, of firm vows,
AI translation rendered from the Sanskrit, not a published edition
PdP 6 250.85
वृषभेंद्रं समारुह्य पार्वत्यासहितः प्रभुः । ययौ च वसतिस्थानं कैलासं धरणीधरम्
vṛṣabheṃdraṃ samāruhya pārvatyāsahitaḥ prabhuḥ | yayau ca vasatisthānaṃ kailāsaṃ dharaṇīdharam
the Lord, mounting the best of bulls, accompanied by Pārvatī, went to his dwelling place, Kailāsa, the upholder of the earth.
AI translation rendered from the Sanskrit, not a published edition
PdP 6 250.86
स तु बाणो नमस्कृत्य रामकृष्णौ महाबलौ । ताभ्यां वै नगरीं गत्वा मुमोच मदनात्मजम्
sa tu bāṇo namaskṛtya rāmakṛṣṇau mahābalau | tābhyāṃ vai nagarīṃ gatvā mumoca madanātmajam
But that Bāṇa, having bowed to Rāma and Kṛṣṇa, the mighty ones, went with the two of them into the city and released the son of Madana (Aniruddha).
AI translation rendered from the Sanskrit, not a published edition
PdP 6 250.87
वस्त्रैराभरणैर्दिव्यैः पूजयित्वा यथार्हतः । उषां संप्रददौ तस्मै कृष्णपौत्राय शौरये
vastrairābharaṇairdivyaiḥ pūjayitvā yathārhataḥ | uṣāṃ saṃpradadau tasmai kṛṣṇapautrāya śauraye
Having honoured (him) fittingly with garments and divine ornaments, he gave Uṣā to him, to Kṛṣṇa's grandson, the descendant of Śūra.
AI translation rendered from the Sanskrit, not a published edition
PdP 6 250.88
उद्वाह्य रामकृष्णौ तमनिरुद्धं यथाविधि । बाणेन पूजितौ तत्र प्रद्युम्नसहितौ तदा
udvāhya rāmakṛṣṇau tamaniruddhaṃ yathāvidhi | bāṇena pūjitau tatra pradyumnasahitau tadā
Rāma and Kṛṣṇa, having had that Aniruddha married according to the rule, were there honoured by Bāṇa, together with Pradyumna.
AI translation rendered from the Sanskrit, not a published edition
PdP 6 250.89
उषयासहितं तत्रानिरुद्धं वै जनार्दनः । आरोप्य स्यंदने दिव्ये ययौ द्वारवतीं तदा
uṣayāsahitaṃ tatrāniruddhaṃ vai janārdanaḥ | āropya syaṃdane divye yayau dvāravatīṃ tadā
Then Janārdana, having set Aniruddha there together with Uṣā upon a divine chariot, went to Dvāravatī.
AI translation rendered from the Sanskrit, not a published edition
PdP 6 250.90
रामप्रद्युम्नसहितः सेनया सहितो हरिः । प्रविवेश पुरीं रम्यां त्रिदशैर्मघवानिव
rāmapradyumnasahitaḥ senayā sahito hariḥ | praviveśa purīṃ ramyāṃ tridaśairmaghavāniva
Hari, together with Rāma and Pradyumna, together with his army, entered the delightful city, like Maghavan with the thirty (gods).
AI translation rendered from the Sanskrit, not a published edition
PdP 6 250.91
अनिरुद्धो बाणपुत्र्या नानारत्नमये गृहे । अनिशं रमयामास नानाभोगैर्मुदान्वितः
aniruddho bāṇaputryā nānāratnamaye gṛhe | aniśaṃ ramayāmāsa nānābhogairmudānvitaḥ
Aniruddha, filled with joy, continually took pleasure with Bāṇa's daughter in a house made of many jewels, with many enjoyments.
AI translation rendered from the Sanskrit, not a published edition