Padma Purana — Uttara Khanda — Chapter 25
PdP 6 25.1
नारदउवाच- एवं तुलस्या माहात्म्यं त्वत्प्रसादाच्छ्रुतं मया । सांप्रतं तु समाचक्ष्व त्रिरात्रं तुलसीव्रतम्
nāradauvāca- evaṃ tulasyā māhātmyaṃ tvatprasādācchrutaṃ mayā | sāṃprataṃ tu samācakṣva trirātraṃ tulasīvratam
Nārada said: Thus, by your grace, the greatness of Tulasī has been heard by me. But now relate the three-night Tulasī observance.
AI translation rendered from the Sanskrit, not a published edition
PdP 6 25.2
सदाशिव उवाच- शृणु विप्र महाबुद्धे व्रतमेतत्पुरातनम् । यच्छ्रुत्वा सर्वपापेभ्यो मुच्यते नात्र संशयः
sadāśiva uvāca- śṛṇu vipra mahābuddhe vratametatpurātanam | yacchrutvā sarvapāpebhyo mucyate nātra saṃśayaḥ
Sadāśiva said: Listen, brahmin of great intellect, to this ancient observance, hearing which one is freed from all sins — there is no doubt in this.
AI translation rendered from the Sanskrit, not a published edition
PdP 6 25.3
पुरा रैभ्यंतरे कल्पे राजा ह्यासीत्प्रजापतिः । तस्य भार्या च विख्याता चंद्ररूपा महासती
purā raibhyaṃtare kalpe rājā hyāsītprajāpatiḥ | tasya bhāryā ca vikhyātā caṃdrarūpā mahāsatī
Long ago, in the Raibhya interval-aeon, there was a king, a lord of creatures; and his wife was the renowned Candrarūpā, a great and faithful woman.
AI translation rendered from the Sanskrit, not a published edition
PdP 6 25.4
सा वै व्रतमिदं चक्रे सर्वकामफलप्रदम् । त्रिरात्रं तु व्रतं तस्या धर्मकामार्थ मोक्षदम्
sā vai vratamidaṃ cakre sarvakāmaphalapradam | trirātraṃ tu vrataṃ tasyā dharmakāmārtha mokṣadam
She indeed performed this observance, which bestows the fruit of every desire; her observance lasted three nights and granted dharma, pleasure, wealth and liberation.
AI translation rendered from the Sanskrit, not a published edition
PdP 6 25.5
सफलं जीवितं तेषां यैः श्रुतं तुलसीव्रतम् । कार्तिके शुक्लपक्षे तु नवम्यां चैव नारद
saphalaṃ jīvitaṃ teṣāṃ yaiḥ śrutaṃ tulasīvratam | kārtike śuklapakṣe tu navamyāṃ caiva nārada
Fruitful is the life of those by whom the Tulasī observance has been heard. In the bright fortnight of Kārtika, on the ninth day, O Nārada—
AI translation rendered from the Sanskrit, not a published edition
PdP 6 25.6
नियमस्थो व्रती तिष्ठेद्भूमिशायी जितेंद्रियः । व्रतं त्रिरात्रमुद्दिश्य शुचिः संयतमानसः
niyamastho vratī tiṣṭhedbhūmiśāyī jiteṃdriyaḥ | vrataṃ trirātramuddiśya śuciḥ saṃyatamānasaḥ
—the observer of the vow should remain fixed in the restraints, sleeping on the ground, his senses subdued; having resolved upon the three-night observance, pure and with mind controlled,
AI translation rendered from the Sanskrit, not a published edition
PdP 6 25.7
स्वपेन्नियमपूर्वं तु तुलसीवनसंनिधौ । ततो मध्याह्नसमये नद्यादौ विमले जले
svapenniyamapūrvaṃ tu tulasīvanasaṃnidhau | tato madhyāhnasamaye nadyādau vimale jale
he should sleep, keeping the restraints first, near the tulasī grove. Then, at midday, in a river or the like, in clear water,
AI translation rendered from the Sanskrit, not a published edition
PdP 6 25.8
स्नानं कृत्वा पितॄन्देवांस्तर्पयेद्विधिपूर्वकम् । सुवर्णं कारयेद्देवं लक्ष्म्या सह जनार्दनम्
snānaṃ kṛtvā pitṝndevāṃstarpayedvidhipūrvakam | suvarṇaṃ kārayeddevaṃ lakṣmyā saha janārdanam
having bathed, he should satisfy the ancestors and the gods according to rule. He should have (an image of) the god Janārdana made of gold, together with Lakṣmī.
AI translation rendered from the Sanskrit, not a published edition
PdP 6 25.9
वित्तशाठ्यं न कर्तव्यमात्मनः श्रेयमिच्छता । वस्त्रयुग्मं ततः कार्यं पीते शुक्लेऽपि वाससी । नवग्रहाणामारंभं शांतिकं विधिपूर्वकम्
vittaśāṭhyaṃ na kartavyamātmanaḥ śreyamicchatā | vastrayugmaṃ tataḥ kāryaṃ pīte śukle'pi vāsasī | navagrahāṇāmāraṃbhaṃ śāṃtikaṃ vidhipūrvakam
No stinginess with wealth should be practised by one who desires his own welfare. Then a pair of garments should be provided, two cloths, yellow and white; and the beginning (rite) of the nine planets, the propitiatory rite, according to rule.
AI translation rendered from the Sanskrit, not a published edition
PdP 6 25.10
श्रपयित्वा चरुं तत्र वैष्णवं होममाचरेत् । द्वादश्यां देवदेवेशं पूजयित्वा प्रयत्नतः
śrapayitvā caruṃ tatra vaiṣṇavaṃ homamācaret | dvādaśyāṃ devadeveśaṃ pūjayitvā prayatnataḥ
Having cooked the caru there, he should perform the Vaiṣṇava oblation; on the twelfth day, having worshipped the God of gods with care,
AI translation rendered from the Sanskrit, not a published edition
PdP 6 25.11
अव्रणं शुद्धकलशं स्थापयेद्विधिपूर्वकम् । पंचरत्नसमोपेतं पल्लवैश्चोषधीयुतम्
avraṇaṃ śuddhakalaśaṃ sthāpayedvidhipūrvakam | paṃcaratnasamopetaṃ pallavaiścoṣadhīyutam
he should set up, according to rule, a pure, unblemished water-jar, furnished with the five gems, with sprouts and with herbs,
AI translation rendered from the Sanskrit, not a published edition
PdP 6 25.12
तस्योपरिन्यसेत्पात्रे लक्ष्म्या सह जनार्दनम् । स्थापयेत्तुलसीमूले मंत्रैर्वेदपुराणकैः
tasyoparinyasetpātre lakṣmyā saha janārdanam | sthāpayettulasīmūle maṃtrairvedapurāṇakaiḥ
and upon it, in a vessel, he should place Janārdana together with Lakṣmī; he should establish (them) at the root of the tulasī with mantras from the Vedas and Purāṇas.
AI translation rendered from the Sanskrit, not a published edition
PdP 6 25.13
पयसा केवलेनैव सिंचयेत्तुलसीवनम् । पंचामृतेन संस्नाप्य देवदेवं जगद्गुरुम्
payasā kevalenaiva siṃcayettulasīvanam | paṃcāmṛtena saṃsnāpya devadevaṃ jagadgurum
With milk alone he should sprinkle the tulasī grove; having bathed the God of gods, the teacher of the world, with the five nectars—
AI translation rendered from the Sanskrit, not a published edition
PdP 6 25.14
योऽनंतरूपोऽखिलविश्वरूपो गर्भोदके लोकविधिं बिभर्त्ति । प्रसीदतामेष सदेव देवो यो मायया विश्वकृदेष देवी
yo'naṃtarūpo'khilaviśvarūpo garbhodake lokavidhiṃ bibhartti | prasīdatāmeṣa sadeva devo yo māyayā viśvakṛdeṣa devī
"He who is of endless form, who has the form of the whole universe, who in the waters of the (cosmic) womb upholds the ordering of the worlds—may this god, ever the God, be gracious; he who by māyā is the maker of the universe, he (is also) the Goddess."
AI translation rendered from the Sanskrit, not a published edition — the model flagged this verse as uncertain
PdP 6 25.15
प्रार्थनामंत्रः । आगच्छाच्युत देवेश तेजोराशे जगत्पते । सदैव तिमिरध्वंसी पाहि मां भवसागरात्
prārthanāmaṃtraḥ | āgacchācyuta deveśa tejorāśe jagatpate | sadaiva timiradhvaṃsī pāhi māṃ bhavasāgarāt
The prayer-mantra: "Come, O Acyuta, lord of gods, mass of splendour, lord of the world; ever the destroyer of darkness, protect me from the ocean of existence."
AI translation rendered from the Sanskrit, not a published edition
PdP 6 25.16
आवाहनमंत्रः । पंचामृतेन सुस्नानं तथा गंधोदकेन च । गंगादीनां च तोयेन स्नातोऽनंतःप्रसीदतु
āvāhanamaṃtraḥ | paṃcāmṛtena susnānaṃ tathā gaṃdhodakena ca | gaṃgādīnāṃ ca toyena snāto'naṃtaḥprasīdatu
The invocation-mantra: "A good bath with the five nectars, and likewise with scented water, and with the water of the Ganges and other (rivers)—may Ananta, thus bathed, be gracious."
AI translation rendered from the Sanskrit, not a published edition
PdP 6 25.17
स्नानमंत्रः । श्रीखंडागुरुकर्पूरं कुंकुमादिविलेपनम् । भक्त्या दत्तं मया देव लक्ष्म्या सह गृहाण वै
snānamaṃtraḥ | śrīkhaṃḍāgurukarpūraṃ kuṃkumādivilepanam | bhaktyā dattaṃ mayā deva lakṣmyā saha gṛhāṇa vai
The bathing-mantra: "Sandalwood, aloe-wood, camphor, an unguent of saffron and the rest—given by me with devotion, O God, receive it together with Lakṣmī."
AI translation rendered from the Sanskrit, not a published edition
PdP 6 25.18
विलेपनमंत्रः । नारायण नमस्तेऽस्तु नरकार्णवतारण । त्रैलोक्याधिपते तुभ्यं ददामि वसने शुभे
vilepanamaṃtraḥ | nārāyaṇa namaste'stu narakārṇavatāraṇa | trailokyādhipate tubhyaṃ dadāmi vasane śubhe
The anointing-mantra: "Homage to you, Nārāyaṇa, who carry (us) across the ocean of hell; to you, lord of the three worlds, I give these auspicious garments."
AI translation rendered from the Sanskrit, not a published edition
PdP 6 25.19
वस्त्रमंत्रः । दामोदर नमस्तेस्तु त्राहि मां भवसागरात् । ब्रह्मसूत्रं मया दत्तं गृहाण पुरुषोत्तम
vastramaṃtraḥ | dāmodara namastestu trāhi māṃ bhavasāgarāt | brahmasūtraṃ mayā dattaṃ gṛhāṇa puruṣottama
The garment-mantra: "Homage to you, Dāmodara; rescue me from the ocean of existence. The sacred thread is given by me—receive it, O Puruṣottama."
AI translation rendered from the Sanskrit, not a published edition
PdP 6 25.20
उपवीतमंत्रः । पुष्पाणि च सुगंधीनि मालत्यादीनि वै प्रभो । मया दत्तानि देवेश प्रीतितः प्रतिगृह्यताम्
upavītamaṃtraḥ | puṣpāṇi ca sugaṃdhīni mālatyādīni vai prabho | mayā dattāni deveśa prītitaḥ pratigṛhyatām
The sacred-thread mantra: "And fragrant flowers, jasmine and the rest, O Lord, are given by me, O lord of gods—let them be accepted with pleasure."
AI translation rendered from the Sanskrit, not a published edition
PdP 6 25.21
पुष्पमंत्रः । नैवेद्यं गृह्यतां नाथ भक्ष्यभोज्यैः समन्वितम् । सर्वै रसैः सुसंपन्नं गृहाण परमेश्वर
puṣpamaṃtraḥ | naivedyaṃ gṛhyatāṃ nātha bhakṣyabhojyaiḥ samanvitam | sarvai rasaiḥ susaṃpannaṃ gṛhāṇa parameśvara
The flower-mantra: "Let the food-offering be accepted, O Lord, provided with things to chew and things to eat; well furnished with all flavours—receive it, O Supreme Lord."
AI translation rendered from the Sanskrit, not a published edition
PdP 6 25.22
नैवेद्यमंत्रः । पूगानि नागपत्राणि कर्पूरसहितानि च । मया दत्तानि देवेश तांबूलं प्रतिगृह्यताम्
naivedyamaṃtraḥ | pūgāni nāgapatrāṇi karpūrasahitāni ca | mayā dattāni deveśa tāṃbūlaṃ pratigṛhyatām
The food-offering mantra: "Areca nuts, betel leaves, together with camphor, are given by me, O lord of gods—let the betel be accepted."
AI translation rendered from the Sanskrit, not a published edition
PdP 6 25.23
तांबूलमंत्रः । धूपं दत्वा गुरुं भक्त्या गुग्गुलं घृतमिश्रितम् । एवं पूजा प्रकर्त्तव्या घृतेन दीपमाचरेत्
tāṃbūlamaṃtraḥ | dhūpaṃ datvā guruṃ bhaktyā guggulaṃ ghṛtamiśritam | evaṃ pūjā prakarttavyā ghṛtena dīpamācaret
The betel mantra. Having offered incense to the guru with devotion — guggulu mixed with ghee — thus the worship is to be performed, and one should carry out the lamp(-offering) with ghee.
AI translation rendered from the Sanskrit, not a published edition — the model flagged this verse as uncertain
PdP 6 25.24
विविधं मुनिशार्दूल दीपं कृत्वा समाहितः । लक्ष्मीनारायणस्याग्रे तुलसीवनसन्निधौ
vividhaṃ muniśārdūla dīpaṃ kṛtvā samāhitaḥ | lakṣmīnārāyaṇasyāgre tulasīvanasannidhau
Having made a lamp of various kinds, O tiger among sages, with concentrated mind, before Lakṣmī-Nārāyaṇa, near the tulasī grove —
AI translation rendered from the Sanskrit, not a published edition
PdP 6 25.25
अर्घं तत्र प्रदातव्यं देवदेवाय चक्रिणे । नवम्यां नालिकेरेण पुत्रार्थमर्घमुत्तमम्
arghaṃ tatra pradātavyaṃ devadevāya cakriṇe | navamyāṃ nālikereṇa putrārthamarghamuttamam
there the argha (water-offering) is to be presented to the god of gods, the bearer of the discus; on the ninth day the best argha is with a coconut, for the sake of a son.
AI translation rendered from the Sanskrit, not a published edition
PdP 6 25.26
दशम्यां बीजपूरं तु धर्मकामार्थसिद्धये । एकादश्यां दाडिमेन दारिद्र्यं नाशयेत्सदा
daśamyāṃ bījapūraṃ tu dharmakāmārthasiddhaye | ekādaśyāṃ dāḍimena dāridryaṃ nāśayetsadā
But on the tenth, a citron, for the attainment of dharma, pleasure and wealth; on the eleventh, with a pomegranate, one should always destroy poverty.
AI translation rendered from the Sanskrit, not a published edition
PdP 6 25.27
सप्तधान्येन संयुक्तं वंशपात्रेण नारद । फलसप्तकसंयुक्तं पत्रं पूगसमन्वितम्
saptadhānyena saṃyuktaṃ vaṃśapātreṇa nārada | phalasaptakasaṃyuktaṃ patraṃ pūgasamanvitam
(An offering) joined with the seven grains, in a bamboo vessel, O Nārada, together with seven fruits, a (betel) leaf accompanied by areca nut —
AI translation rendered from the Sanskrit, not a published edition
PdP 6 25.28
वस्त्रेणाच्छादितं कृत्वा देवस्याग्रे निवेदयेत् । मंत्रेणानेन विपेंद्र शृणुष्वैकाग्रमानसः
vastreṇācchāditaṃ kṛtvā devasyāgre nivedayet | maṃtreṇānena vipeṃdra śṛṇuṣvaikāgramānasaḥ
having covered it with a cloth, one should present it before the god with this mantra, O best of brahmins; listen with a one-pointed mind.
AI translation rendered from the Sanskrit, not a published edition
PdP 6 25.29
तुलसीसहितो देव सदा शंखेन संयुतम् । गृहाणार्घं मया दत्तं देवदेव नमोस्तुते
tulasīsahito deva sadā śaṃkhena saṃyutam | gṛhāṇārghaṃ mayā dattaṃ devadeva namostute
"O god, accompanied by tulasī, always joined with a conch — receive the argha given by me, O god of gods; homage be to you."
AI translation rendered from the Sanskrit, not a published edition
PdP 6 25.30
अर्घमंत्रः । एवं संपूज्य देवेशं लक्ष्म्या सह जनार्दनम् । प्रार्थयेद्देवदेवेशं व्रतसंपूर्तिसिद्धये
arghamaṃtraḥ | evaṃ saṃpūjya deveśaṃ lakṣmyā saha janārdanam | prārthayeddevadeveśaṃ vratasaṃpūrtisiddhaye
The argha mantra. Having thus fully worshipped the lord of gods, Janārdana together with Lakṣmī, one should entreat the lord of the gods of gods for the successful completion of the vow:
AI translation rendered from the Sanskrit, not a published edition
PdP 6 25.31
उपोषितोऽहं देवेश कामक्रोधविवर्जितः । व्रतेनानेन देवेश त्वमेवशरणं मम
upoṣito'haṃ deveśa kāmakrodhavivarjitaḥ | vratenānena deveśa tvamevaśaraṇaṃ mama
"I have fasted, O lord of gods, freed from desire and anger; by this vow, O lord of gods, you alone are my refuge.
AI translation rendered from the Sanskrit, not a published edition
PdP 6 25.32
गृहीतेऽस्मिन्व्रते देव यदपूर्णं कृतं मया । सर्वं तदस्तु संपूर्णं त्वत्प्रसादाज्जनार्दन
gṛhīte'sminvrate deva yadapūrṇaṃ kṛtaṃ mayā | sarvaṃ tadastu saṃpūrṇaṃ tvatprasādājjanārdana
In this vow that I have undertaken, O god, whatever I have done incompletely, let all that become complete by your grace, O Janārdana.
AI translation rendered from the Sanskrit, not a published edition
PdP 6 25.33
नमः कमलपत्राक्ष नमस्ते जलशायिने । इदं व्रतं मयाचीर्णं प्रसादात्तव केशव
namaḥ kamalapatrākṣa namaste jalaśāyine | idaṃ vrataṃ mayācīrṇaṃ prasādāttava keśava
Homage, O lotus-petal-eyed one; homage to you who lie upon the water. This vow has been carried out by me by your grace, O Keśava.
AI translation rendered from the Sanskrit, not a published edition
PdP 6 25.34
अज्ञानतिमिरध्वंसिन्व्रतेनानेन केशव । प्रसादसुमुखो भूत्वा ज्ञानदृष्टिप्रदो भव
ajñānatimiradhvaṃsinvratenānena keśava | prasādasumukho bhūtvā jñānadṛṣṭiprado bhava
O destroyer of the darkness of ignorance, Keśava — by this vow, becoming favourable in grace, be the giver of the vision of knowledge."
AI translation rendered from the Sanskrit, not a published edition
PdP 6 25.35
ततो जागरणं रात्रौ गीतपुस्तकवाचनम् । नाद नृत्यकलाभिज्ञैः पुण्याख्यानैः सुभोभनैः
tato jāgaraṇaṃ rātrau gītapustakavācanam | nāda nṛtyakalābhijñaiḥ puṇyākhyānaiḥ subhobhanaiḥ
Then, at night, (there should be) keeping vigil, singing and the reading of books, with those skilled in the arts of sound and dance, with meritorious tales, splendid ones.
AI translation rendered from the Sanskrit, not a published edition — the model flagged this verse as uncertain
PdP 6 25.36
विभातायां तु शर्वर्यामुदिते विमले रवौ । निमंत्र्य ब्राह्मणान्भक्त्या श्राद्धं कुर्याच्च वैष्णवम्
vibhātāyāṃ tu śarvaryāmudite vimale ravau | nimaṃtrya brāhmaṇānbhaktyā śrāddhaṃ kuryācca vaiṣṇavam
But when the night has brightened and the spotless sun has risen, having invited brahmins with devotion, one should perform the Vaiṣṇava śrāddha.
AI translation rendered from the Sanskrit, not a published edition
PdP 6 25.37
भोजयित्वा यथाकामं पायसेन घृतेन च । तांबूलपुष्पगंधादि दक्षिणाभिः समन्वितम्
bhojayitvā yathākāmaṃ pāyasena ghṛtena ca | tāṃbūlapuṣpagaṃdhādi dakṣiṇābhiḥ samanvitam
Having fed (them) as much as they wish with milk-rice and ghee, (one should give) betel, flowers, perfumes and the rest, together with fees.
AI translation rendered from the Sanskrit, not a published edition
PdP 6 25.38
उपवीतानि वासांसि दत्वा मालां च चंदनम् । दांपत्यत्रितयं भोज्यं वस्त्रभूषण कुंकुमैः
upavītāni vāsāṃsi datvā mālāṃ ca caṃdanam | dāṃpatyatritayaṃ bhojyaṃ vastrabhūṣaṇa kuṃkumaiḥ
Having given sacred threads, garments, a garland and sandal-paste, three married couples are to be fed, with clothes, ornaments and kuṃkuma.
AI translation rendered from the Sanskrit, not a published edition
PdP 6 25.39
वंशपात्राणि शक्त्या च विरूढैः परिपूरयेत् । नालिकेरैश्च पक्वान्नैर्वस्त्रैश्च विविधैः फलैः
vaṃśapātrāṇi śaktyā ca virūḍhaiḥ paripūrayet | nālikeraiśca pakvānnairvastraiśca vividhaiḥ phalaiḥ
And according to one's ability one should fill bamboo vessels with sprouted grain, and with coconuts, cooked food, garments and various fruits.
AI translation rendered from the Sanskrit, not a published edition
PdP 6 25.40
सपत्नीकं गुरुं तत्र वस्त्राणि परिधापयेत् । विभूषणानि दिव्यानि गंधमाल्यैः प्रपूजयेत्
sapatnīkaṃ guruṃ tatra vastrāṇi paridhāpayet | vibhūṣaṇāni divyāni gaṃdhamālyaiḥ prapūjayet
There one should clothe the guru together with his wife in garments, and worship (him) with divine ornaments, perfumes and garlands.
AI translation rendered from the Sanskrit, not a published edition
PdP 6 25.41
सर्वोपस्करसंयुक्तां गां दद्याच्च पयस्विनीम् । सदक्षिणां सवस्त्रां च तन्मे निगदतः शृणु
sarvopaskarasaṃyuktāṃ gāṃ dadyācca payasvinīm | sadakṣiṇāṃ savastrāṃ ca tanme nigadataḥ śṛṇu
And one should give a milk-giving cow, furnished with all accessories, with a fee and with cloth; hear that from me as I declare it.
AI translation rendered from the Sanskrit, not a published edition
PdP 6 25.42
सर्वतीर्थेषु यत्पुण्यं स्नातानां जायते नृणाम् । तत्फलं स लभेत्सर्वं देवदेवप्रसादतः
sarvatīrtheṣu yatpuṇyaṃ snātānāṃ jāyate nṛṇām | tatphalaṃ sa labhetsarvaṃ devadevaprasādataḥ
Whatever merit arises for men who bathe at all the sacred fords, all that fruit he obtains by the grace of the god of gods.
AI translation rendered from the Sanskrit, not a published edition
PdP 6 25.43
भुक्त्वा च विपुलान्भोगान्सर्वकामान्मनोरमान् । वैष्णवं पदमाप्नोति अंते विष्णोः प्रसादतः
bhuktvā ca vipulānbhogānsarvakāmānmanoramān | vaiṣṇavaṃ padamāpnoti aṃte viṣṇoḥ prasādataḥ
And having enjoyed abundant pleasures, delightful and (fulfilling) all desires, at the end he attains the Vaiṣṇava station by Viṣṇu's grace.
AI translation rendered from the Sanskrit, not a published edition