Padma Purana — Uttara Khanda — Chapter 249
PdP 6 249.1
श्रीरुद्र उवाच- सत्राजितस्य तनया नाम्ना सत्या यशस्विनी । पृथिव्यंशेन संभूता भार्यां कृष्णस्य वा परा
śrīrudra uvāca- satrājitasya tanayā nāmnā satyā yaśasvinī | pṛthivyaṃśena saṃbhūtā bhāryāṃ kṛṣṇasya vā parā
Śrī Rudra said: Satrājit's daughter, Satyā by name, illustrious, born from a portion of the Earth, was another wife of Kṛṣṇa.
AI translation rendered from the Sanskrit, not a published edition
PdP 6 249.2
वैवस्वती महाभागा कालिंदी नाम नामतः । तृतीया तस्य भार्या सा लीलांशा समुपस्थिता
vaivasvatī mahābhāgā kāliṃdī nāma nāmataḥ | tṛtīyā tasya bhāryā sā līlāṃśā samupasthitā
The greatly fortunate daughter of Vivasvat, Kālindī by name, was his third wife; she came forth as a portion of (his) play.
AI translation rendered from the Sanskrit, not a published edition
PdP 6 249.3
विंदानुविंदस्य सुतां मित्रविंदां शुचिस्मिताम् । स्वयंवरस्थितां कन्यामुपयेमे जनार्दनः
viṃdānuviṃdasya sutāṃ mitraviṃdāṃ śucismitām | svayaṃvarasthitāṃ kanyāmupayeme janārdanaḥ
Janārdana married the sweetly smiling Mitravindā, daughter of Vinda and Anuvinda, a maiden standing at her own choosing (svayaṃvara).
AI translation rendered from the Sanskrit, not a published edition
PdP 6 249.4
पाशेनैकेन बद्ध्वा तान् वृषभान्सप्तदुर्मदान् । तां वीर्यशुल्कां जग्राह पद्मपत्रायतेक्षणः
pāśenaikena baddhvā tān vṛṣabhānsaptadurmadān | tāṃ vīryaśulkāṃ jagrāha padmapatrāyatekṣaṇaḥ
Having bound with a single rope those seven fiercely intoxicated bulls, the lotus-petal-eyed one took her, whose bride-price was valor.
AI translation rendered from the Sanskrit, not a published edition
PdP 6 249.5
सत्राजितो महारत्नं स्यमंताख्यं महीपतिः । अनुजाय ददौ सोऽयं प्रसेनाय महात्मने
satrājito mahāratnaṃ syamaṃtākhyaṃ mahīpatiḥ | anujāya dadau so'yaṃ prasenāya mahātmane
Satrājit, lord of the earth, gave the great jewel called Syamantaka to his younger brother, the great-souled Prasena.
AI translation rendered from the Sanskrit, not a published edition
PdP 6 249.6
ययाचे तं मणिवरं कदाचिन्मधुसूदनः । उवाच वासुदेवं तं प्रसेनः प्रसभं तदा
yayāce taṃ maṇivaraṃ kadācinmadhusūdanaḥ | uvāca vāsudevaṃ taṃ prasenaḥ prasabhaṃ tadā
Once Madhusūdana asked him for that best of gems; then Prasena said to Vāsudeva, harshly:
AI translation rendered from the Sanskrit, not a published edition
PdP 6 249.7
प्रसेन उवाच- भारानष्टसुवर्णानि नित्यं प्रसवते मणिः । तस्मात्कस्य न दातव्यं स्यमंताख्यमिदं मया
prasena uvāca- bhārānaṣṭasuvarṇāni nityaṃ prasavate maṇiḥ | tasmātkasya na dātavyaṃ syamaṃtākhyamidaṃ mayā
Prasena said: The gem daily produces eight loads of gold; therefore this Syamantaka is not to be given by me to anyone.
AI translation rendered from the Sanskrit, not a published edition
PdP 6 249.8
महादेव उवाच- कृष्णस्तु तदभिप्रायं ज्ञात्वा तूष्णीमुवास ह । कदाचिन्मृगयां कर्त्तुं कृष्णः सर्वैर्यदूत्तमैः
mahādeva uvāca- kṛṣṇastu tadabhiprāyaṃ jñātvā tūṣṇīmuvāsa ha | kadācinmṛgayāṃ karttuṃ kṛṣṇaḥ sarvairyadūttamaiḥ
Mahādeva said: But Kṛṣṇa, knowing his intent, remained silent. Once, to go hunting, Kṛṣṇa with all the best of the Yadus
AI translation rendered from the Sanskrit, not a published edition
PdP 6 249.9
प्रविवेश महारण्यं प्रसेनाद्यैर्महाबलैः । प्रत्येकं वै मृगान्हंतुमनुयाताः सहस्रशः
praviveśa mahāraṇyaṃ prasenādyairmahābalaiḥ | pratyekaṃ vai mṛgānhaṃtumanuyātāḥ sahasraśaḥ
entered a great forest with Prasena and the other mighty ones; each one was followed by thousands (of men) to kill game.
AI translation rendered from the Sanskrit, not a published edition
PdP 6 249.10
एक एव महारण्ये प्रसेनो दूरमागतः । तं सिंहो दृष्टमासाद्य हत्वा रत्नं जहार सः
eka eva mahāraṇye praseno dūramāgataḥ | taṃ siṃho dṛṣṭamāsādya hatvā ratnaṃ jahāra saḥ
All alone in the great forest Prasena went far off; a lion, coming upon him when he was seen, killed him and carried off the jewel.
AI translation rendered from the Sanskrit, not a published edition
PdP 6 249.11
तं सिंहं जांबबान्हत्वा मणिं गृह्य महाबलः । प्रविवेश बिलं तूर्णं दिव्यस्त्रीभिर्निषेवितम्
taṃ siṃhaṃ jāṃbabānhatvā maṇiṃ gṛhya mahābalaḥ | praviveśa bilaṃ tūrṇaṃ divyastrībhirniṣevitam
The mighty Jāmbavān, having killed that lion and taken the jewel, quickly entered a cave frequented by celestial women.
AI translation rendered from the Sanskrit, not a published edition
PdP 6 249.12
तस्मिन्नस्तंगते सूर्ये वासुदेवं सहानुगः । चतुर्थ्यामुदितं चंद्रं दृष्ट्वा स्वं पुरमाविशत्
tasminnastaṃgate sūrye vāsudevaṃ sahānugaḥ | caturthyāmuditaṃ caṃdraṃ dṛṣṭvā svaṃ puramāviśat
When the sun had set there, Vāsudeva with his followers, seeing the moon risen on the fourth (day of the fortnight), entered his own city.
AI translation rendered from the Sanskrit, not a published edition
PdP 6 249.13
ततः सर्वे पुरजनाः कृष्णं प्रोचुः परस्परम् । हत्वा प्रसेनं गोविंदो मृगव्याजेन कानने
tataḥ sarve purajanāḥ kṛṣṇaṃ procuḥ parasparam | hatvā prasenaṃ goviṃdo mṛgavyājena kānane
Then all the townsfolk spoke to one another about Kṛṣṇa: "Govinda, having killed Prasena in the forest on the pretext of hunting,
AI translation rendered from the Sanskrit, not a published edition
PdP 6 249.14
स्यमंतकं मणिवरमग्रहीदविशंकया । तदाकर्ण्य हरिस्तस्मिन्द्वारकाजनभाषितम्
syamaṃtakaṃ maṇivaramagrahīdaviśaṃkayā | tadākarṇya haristasmindvārakājanabhāṣitam
"...and he took the excellent jewel Syamantaka without any hesitation." Hearing that talk of the people of Dvaraka about him, Hari,
AI translation rendered from the Sanskrit, not a published edition
PdP 6 249.15
अज्ञलोकभयात्सर्वैर्यदुभिर्गहनं ययौ । दर्शयामास तान्सर्वान्सिंहेन निहतं वने
ajñalokabhayātsarvairyadubhirgahanaṃ yayau | darśayāmāsa tānsarvānsiṃhena nihataṃ vane
out of fear of the ignorant people, went with all the Yadus into the thicket; and he showed them all (Prasena) slain in the forest by a lion.
AI translation rendered from the Sanskrit, not a published edition
PdP 6 249.16
लब्धात्मशुद्धिस्तत्रैव संस्थाप्य महतीं चमूम् । एकः शार्ङ्गगदापाणिर्जगाम गहनं वनम्
labdhātmaśuddhistatraiva saṃsthāpya mahatīṃ camūm | ekaḥ śārṅgagadāpāṇirjagāma gahanaṃ vanam
Having obtained the clearing of his own name, he stationed the great army right there, and alone, with the Sharnga bow and the mace in his hands, he went into the dense forest.
AI translation rendered from the Sanskrit, not a published edition
PdP 6 249.17
दृष्ट्वा महाबिलं कृष्णः प्रविवेश विशंकितः । तत्र नाना मणिवरद्योतिते विमले गृहे
dṛṣṭvā mahābilaṃ kṛṣṇaḥ praviveśa viśaṃkitaḥ | tatra nānā maṇivaradyotite vimale gṛhe
Seeing a great cave, Krishna entered it warily. There, in a spotless dwelling lit up by many excellent jewels,
AI translation rendered from the Sanskrit, not a published edition
PdP 6 249.18
सुतं जांबवतो धात्री दोलामारोप्य लीलया । दोलामुखे मणिं धृत्वा दोलयन्गायती मुदा
sutaṃ jāṃbavato dhātrī dolāmāropya līlayā | dolāmukhe maṇiṃ dhṛtvā dolayangāyatī mudā
a nurse, having playfully set Jambavan's son upon a swing, and having fastened the jewel at the front of the swing, was rocking (him) and singing joyfully:
AI translation rendered from the Sanskrit, not a published edition
PdP 6 249.19
सिंहः प्रसेनमवधीत्सिंहो जांबवता हतः । सुकुमारक मा रोदीस्तव ह्येष स्यमंतकः
siṃhaḥ prasenamavadhītsiṃho jāṃbavatā hataḥ | sukumāraka mā rodīstava hyeṣa syamaṃtakaḥ
"A lion killed Prasena; the lion was killed by Jambavan. Do not cry, little child — this Syamantaka is yours!"
AI translation rendered from the Sanskrit, not a published edition
PdP 6 249.20
तच्छ्रुत्वा वासुदेवोऽथ शंखं दध्मौ प्रतापवान् । तेन नादेन महता निर्जगामात्र जांबवान्
tacchrutvā vāsudevo'tha śaṃkhaṃ dadhmau pratāpavān | tena nādena mahatā nirjagāmātra jāṃbavān
Then, hearing that, the mighty Vasudeva blew his conch; at that great blast Jambavan came out there.
AI translation rendered from the Sanskrit, not a published edition
PdP 6 249.21
तयोर्युद्धमभूद्घोरं दशरात्रं निरंतरम् । मुष्टिभिर्वज्रकल्पैश्च सर्वभूतभयावहम्
tayoryuddhamabhūdghoraṃ daśarātraṃ niraṃtaram | muṣṭibhirvajrakalpaiśca sarvabhūtabhayāvaham
A terrible fight took place between those two, unceasing for ten nights, with fists like thunderbolts, bringing terror to all beings.
AI translation rendered from the Sanskrit, not a published edition
PdP 6 249.22
कृष्णस्य बलवृद्धिं च तथात्मबलसंक्षयम् । अवेक्ष्य पूर्ववचनं बुबुधे परमात्मनः
kṛṣṇasya balavṛddhiṃ ca tathātmabalasaṃkṣayam | avekṣya pūrvavacanaṃ bubudhe paramātmanaḥ
Observing the increase of Krishna's strength and likewise the wasting away of his own strength, he recalled the former words of the Supreme Self.
AI translation rendered from the Sanskrit, not a published edition
PdP 6 249.23
सोऽयं रामोऽवतीर्णोऽत्र धर्मत्राणाय वै पुनः । स आगतो मम स्वामी दातुं मम मनोरथम्
so'yaṃ rāmo'vatīrṇo'tra dharmatrāṇāya vai punaḥ | sa āgato mama svāmī dātuṃ mama manoratham
"This is that very Rama, descended here again for the protection of dharma; he, my master, has come to grant me my heart's wish."
AI translation rendered from the Sanskrit, not a published edition
PdP 6 249.24
एवं ज्ञात्वाथ ऋक्षेशो निर्वर्त्य रणकर्म तत् । प्रांजलि प्राह गोविंदं को भवानिति विस्मयात्
evaṃ jñātvātha ṛkṣeśo nirvartya raṇakarma tat | prāṃjali prāha goviṃdaṃ ko bhavāniti vismayāt
Knowing this, the lord of bears then broke off that work of battle and, with palms joined, said to Govinda in amazement, "Who are you?"
AI translation rendered from the Sanskrit, not a published edition
PdP 6 249.25
निवर्त्य कदनं शौरिः प्रोचे गंभीरया गिरा । श्रीकृष्ण उवाच- पुत्रोऽहं वसुदेवस्य वासुदेव इतीरितः
nivartya kadanaṃ śauriḥ proce gaṃbhīrayā girā | śrīkṛṣṇa uvāca- putro'haṃ vasudevasya vāsudeva itīritaḥ
Ceasing the combat, Shauri spoke in a deep voice. Shri Krishna said: I am the son of Vasudeva, called Vasudeva by name.
AI translation rendered from the Sanskrit, not a published edition
PdP 6 249.26
ममरत्नं स्यमंताख्यं हृतवांस्त्वं सुनिर्भयः । तद्दीयतां च शीघ्रं मे अन्यथा वधमेष्यसि
mamaratnaṃ syamaṃtākhyaṃ hṛtavāṃstvaṃ sunirbhayaḥ | taddīyatāṃ ca śīghraṃ me anyathā vadhameṣyasi
You quite fearlessly carried off my jewel named Syamanta. Let it be given to me quickly — otherwise you will meet your death.
AI translation rendered from the Sanskrit, not a published edition
PdP 6 249.27
महादेव उवाच- तच्छ्रुत्वा जांबवान्हृष्टः प्रणनामाथ दंडवत् । परिणीय नमस्कृत्य विनयात्प्राह केशवम्
mahādeva uvāca- tacchrutvā jāṃbavānhṛṣṭaḥ praṇanāmātha daṃḍavat | pariṇīya namaskṛtya vinayātprāha keśavam
Mahadeva said: Hearing that, Jambavan, delighted, then bowed down like a rod, and circling and saluting (him), spoke to Keshava with humility.
AI translation rendered from the Sanskrit, not a published edition
PdP 6 249.28
जांबवानुवाच- धन्योस्मि कृतकृत्योस्मि तव संदर्शनात्प्रभो । दासोऽहं पूर्वभावेन तव देवकिनंदन
jāṃbavānuvāca- dhanyosmi kṛtakṛtyosmi tava saṃdarśanātprabho | dāso'haṃ pūrvabhāvena tava devakinaṃdana
Jambavan said: I am blessed, I have attained my purpose, by the sight of you, Lord. I am your servant by a former disposition, O son of Devaki.
AI translation rendered from the Sanskrit, not a published edition
PdP 6 249.29
दत्तवानसि गोविंद कदनं पूर्वकांक्षितम् । मयेदं कदनं मोहाद्यत्कृतं स्वामिना त्वया । तत्क्षम्यतां जगन्नाथ करुणाकर शाश्वत
dattavānasi goviṃda kadanaṃ pūrvakāṃkṣitam | mayedaṃ kadanaṃ mohādyatkṛtaṃ svāminā tvayā | tatkṣamyatāṃ jagannātha karuṇākara śāśvata
You have granted, Govinda, the battle I formerly longed for. As for this battle that was waged by me out of delusion against you, my master — let that be forgiven, O Lord of the world, O source of compassion, O eternal one.
AI translation rendered from the Sanskrit, not a published edition
PdP 6 249.30
महादेव उवाच- इत्युक्त्वा प्रणतो भूत्वा नमस्कृत्य पुनः पुनः । नानारत्नमये पीठे निवेश्य विनयात्प्रभुम्
mahādeva uvāca- ityuktvā praṇato bhūtvā namaskṛtya punaḥ punaḥ | nānāratnamaye pīṭhe niveśya vinayātprabhum
Mahadeva said: Having said this, becoming prostrate and saluting (him) again and again, seating the Lord respectfully on a seat made of many jewels,
AI translation rendered from the Sanskrit, not a published edition
PdP 6 249.31
शारदाब्जनिभौ पादौ प्रक्षाल्य शुभवारिणा । मधुपर्कविधानेन पूजयित्वा यदूद्वहम्
śāradābjanibhau pādau prakṣālya śubhavāriṇā | madhuparkavidhānena pūjayitvā yadūdvaham
washing with auspicious water his two feet, which resembled autumn lotuses, and worshipping the foremost of the Yadus with the rite of the honey-mixture,
AI translation rendered from the Sanskrit, not a published edition
PdP 6 249.32
वस्त्रैराभरणैर्दिव्यैः पूजयित्वा विधानतः । पुत्रीं जांबवतीं नाम कन्यां लावण्यसंयुताम्
vastrairābharaṇairdivyaiḥ pūjayitvā vidhānataḥ | putrīṃ jāṃbavatīṃ nāma kanyāṃ lāvaṇyasaṃyutām
having worshipped (him) duly with garments and divine ornaments, (he took) his daughter, a maiden named Jambavati, endowed with beauty,
AI translation rendered from the Sanskrit, not a published edition
PdP 6 249.33
कन्यारत्नं ददौ तस्मै भार्यार्थममितौजसे । अन्यैश्च मणिमुख्यैश्च स्यमंताख्यं ददौ मणिम्
kanyāratnaṃ dadau tasmai bhāryārthamamitaujase | anyaiśca maṇimukhyaiśca syamaṃtākhyaṃ dadau maṇim
and gave that jewel of a maiden to him of measureless might, to be his wife; and along with other chief gems he gave the jewel named Syamanta.
AI translation rendered from the Sanskrit, not a published edition
PdP 6 249.34
तत्रैवोद्वाह्य तां कन्यां प्रहृष्टपरवीरहा । ददौ तस्मै परां मुक्तिं प्रीत्या जांबवते हरिः
tatraivodvāhya tāṃ kanyāṃ prahṛṣṭaparavīrahā | dadau tasmai parāṃ muktiṃ prītyā jāṃbavate hariḥ
Having married that maiden right there, the delighted slayer of enemy heroes, Hari, out of affection granted supreme liberation to Jāmbavat.
AI translation rendered from the Sanskrit, not a published edition
PdP 6 249.35
गृहीत्वा तनयां तस्य कन्यां जांबवतीं मुदा । विनिर्गत्य बिलात्तस्मात्प्रययौ द्वारकां पुरीम्
gṛhītvā tanayāṃ tasya kanyāṃ jāṃbavatīṃ mudā | vinirgatya bilāttasmātprayayau dvārakāṃ purīm
Taking his daughter, the maiden Jāmbavatī, with joy, he came out of that cave and went to the city of Dvārakā.
AI translation rendered from the Sanskrit, not a published edition
PdP 6 249.36
सत्राजिते ददौ रत्नं स्यमंताख्यं यदूत्तमः । दुहित्रे प्रददौसोऽपि कन्यायै मणिमुत्तमम्
satrājite dadau ratnaṃ syamaṃtākhyaṃ yadūttamaḥ | duhitre pradadauso'pi kanyāyai maṇimuttamam
The best of the Yadus gave the jewel called Syamantaka to Satrājit; and he too gave that excellent gem to his daughter, the maiden.
AI translation rendered from the Sanskrit, not a published edition
PdP 6 249.37
मासि भाद्रपदे शुक्ले चतुर्थ्यां चंद्रदर्शनम् । मिथ्याभिदूषणं प्राहुस्तस्मात्तत्परिवर्जयेत्
māsi bhādrapade śukle caturthyāṃ caṃdradarśanam | mithyābhidūṣaṇaṃ prāhustasmāttatparivarjayet
In the month of Bhādrapada, on the fourth day of the bright fortnight, they say that the sight of the moon brings false accusation; therefore one should avoid it.
AI translation rendered from the Sanskrit, not a published edition
PdP 6 249.38
प्राप्यते दर्शनं तत्र चतुर्थ्यां शीतगोर्नरः । स्यमंतस्य कथां श्रुत्वा मिथ्यावादात्प्रमुच्यते
prāpyate darśanaṃ tatra caturthyāṃ śītagornaraḥ | syamaṃtasya kathāṃ śrutvā mithyāvādātpramucyate
If a man does happen to see the cool-rayed one on that fourth day, he is freed from false accusation by hearing the story of Syamantaka.
AI translation rendered from the Sanskrit, not a published edition
PdP 6 249.39
सुलक्ष्मणां नाग्नजितीं सुशीलां च यशस्विनीम् । मद्रराजसुतास्तिस्रः कन्यकास्ताः शुभाननाः
sulakṣmaṇāṃ nāgnajitīṃ suśīlāṃ ca yaśasvinīm | madrarājasutāstisraḥ kanyakāstāḥ śubhānanāḥ
Sulakṣmaṇā, Nāgnajitī, and the illustrious Suśīlā — these three daughters of the king of Madra were maidens of lovely faces.
AI translation rendered from the Sanskrit, not a published edition
PdP 6 249.40
स्वयंवरस्थास्ताः कृष्णं वरयामासुरुज्ज्वलाः । एकस्मिन्दिवसे तास्तु उपयेमे यदूद्वहः
svayaṃvarasthāstāḥ kṛṣṇaṃ varayāmāsurujjvalāḥ | ekasmindivase tāstu upayeme yadūdvahaḥ
Radiant, standing at their own choice-ceremony, they chose Kṛṣṇa; and the foremost of the Yadus wedded them on a single day.
AI translation rendered from the Sanskrit, not a published edition
PdP 6 249.41
अष्टौ महिष्यस्ताः सर्वा रुक्मिण्याद्या महात्मनः । रुक्मिणी सत्यभामा च कालिंदी च शुचिस्मिता
aṣṭau mahiṣyastāḥ sarvā rukmiṇyādyā mahātmanaḥ | rukmiṇī satyabhāmā ca kāliṃdī ca śucismitā
These eight, beginning with Rukmiṇī, were all the queens of the great one: Rukmiṇī, and Satyabhāmā, and Kālindī of the bright smile,
AI translation rendered from the Sanskrit, not a published edition
PdP 6 249.42
मित्रविंदा जांबवती नाग्नजित्यः सुलक्ष्मणा । सुशीला नाम तन्वंगी महिषी चाष्टमी स्मृता
mitraviṃdā jāṃbavatī nāgnajityaḥ sulakṣmaṇā | suśīlā nāma tanvaṃgī mahiṣī cāṣṭamī smṛtā
Mitravindā, Jāmbavatī, Nāgnajitī, Sulakṣmaṇā; and the slender-limbed one named Suśīlā is remembered as the eighth queen.
AI translation rendered from the Sanskrit, not a published edition
PdP 6 249.43
भूमिपुत्रो महावीर्यो नरको नाम राक्षसः । जित्वा देवपतिं शक्रं सर्वांश्चैव सुरान्रणे
bhūmiputro mahāvīryo narako nāma rākṣasaḥ | jitvā devapatiṃ śakraṃ sarvāṃścaiva surānraṇe
There was a rākṣasa of great might named Naraka, the son of Earth, who, having conquered Śakra the lord of the gods and all the gods in battle,
AI translation rendered from the Sanskrit, not a published edition
PdP 6 249.44
अदित्या देवमातुश्च कुंडले च सुवर्चसी । बलाज्जग्राह देवानां रत्नानि विविधानि च
adityā devamātuśca kuṃḍale ca suvarcasī | balājjagrāha devānāṃ ratnāni vividhāni ca
took by force the two brilliant earrings of Aditi, mother of the gods, and the various jewels of the gods,
AI translation rendered from the Sanskrit, not a published edition
PdP 6 249.45
ऐरावतं महेंद्रस्य तथैवोच्चैःश्रवं हयम् । माणिक्यादि धनेशस्य शंखपद्मनिधिं तथा
airāvataṃ maheṃdrasya tathaivoccaiḥśravaṃ hayam | māṇikyādi dhaneśasya śaṃkhapadmanidhiṃ tathā
Great Indra's Airāvata, and likewise the horse Uccaiḥśravas, the rubies and the rest belonging to the lord of wealth, and also the Śaṅkha and Padma treasures,
AI translation rendered from the Sanskrit, not a published edition
PdP 6 249.46
स्त्रियश्चाप्सरसश्चैव हृतवान्क्षितिनंदनः । वज्रादिहेतीस्तेषां च बलाद्धृत्वा दिवौकसाम्
striyaścāpsarasaścaiva hṛtavānkṣitinaṃdanaḥ | vajrādihetīsteṣāṃ ca balāddhṛtvā divaukasām
and women, and apsarases too, the son of Earth carried off; and having forcibly taken from those dwellers in heaven their weapons, the thunderbolt and the rest,
AI translation rendered from the Sanskrit, not a published edition
PdP 6 249.47
तैरेव स सुरान्हत्वा सभां मयविनिर्मिताम् । उवास व्योमगो दिव्यो नगर्यां विमलेंबरे
taireva sa surānhatvā sabhāṃ mayavinirmitām | uvāsa vyomago divyo nagaryāṃ vimaleṃbare
with those very weapons he slew the gods, and dwelt in a hall built by Maya — divine, sky-going — in his city in the cloudless sky.
AI translation rendered from the Sanskrit, not a published edition
PdP 6 249.48
ततो देवगणाः सर्वे पुरस्कृत्य शचीपतिम् । भयार्ताः शरणं जग्मुः कृष्णमक्लिष्टकारिणम्
tato devagaṇāḥ sarve puraskṛtya śacīpatim | bhayārtāḥ śaraṇaṃ jagmuḥ kṛṣṇamakliṣṭakāriṇam
Then all the hosts of gods, putting Śacī's husband in front, tormented by fear, went for refuge to Kṛṣṇa, whose deeds are effortless.
AI translation rendered from the Sanskrit, not a published edition
PdP 6 249.49
कृष्णोऽपि तदुपश्रुत्य सर्वं नरकचेष्टितम् । देवानामभयं दत्वा वैनतेयं व्यचिंतयत्
kṛṣṇo'pi tadupaśrutya sarvaṃ narakaceṣṭitam | devānāmabhayaṃ datvā vainateyaṃ vyaciṃtayat
And Kṛṣṇa, having heard all that doing of Naraka, granted the gods freedom from fear and thought of Vinatā's son.
AI translation rendered from the Sanskrit, not a published edition
PdP 6 249.50
तस्मिन्क्षणे हरेस्तस्य वैनतेयो महाबलः । प्रांजलिः पुरतस्तस्थौ सर्वदेवनमस्कृतः ५० 6.249.
tasminkṣaṇe harestasya vainateyo mahābalaḥ | prāṃjaliḥ puratastasthau sarvadevanamaskṛtaḥ 50 6.249.
At that very moment, mighty Vinatā's son, honored by all the gods, stood before that Hari with palms joined.
AI translation rendered from the Sanskrit, not a published edition
PdP 6 249.51
तमारुह्य द्विजश्रेष्ठं सत्यया सह केशवः । संस्तूयमानो मुनिभिः प्रययौ राक्षसालयम्
tamāruhya dvijaśreṣṭhaṃ satyayā saha keśavaḥ | saṃstūyamāno munibhiḥ prayayau rākṣasālayam
Mounting that best of the twice-born, Keśava, together with Satyā, praised by the sages, went to the dwelling of the rākṣasa —
AI translation rendered from the Sanskrit, not a published edition
PdP 6 249.52
प्रदीप्यमानमाकाशे यथा सूर्यस्य मंडलम् । राक्षसैर्बहुभिर्युक्तं दिव्यैराभरणैर्युतम्
pradīpyamānamākāśe yathā sūryasya maṃḍalam | rākṣasairbahubhiryuktaṃ divyairābharaṇairyutam
blazing in the sky like the orb of the sun, crowded with many rākṣasas, furnished with divine ornaments.
AI translation rendered from the Sanskrit, not a published edition
PdP 6 249.53
ददर्श तत्पुरं कृष्णो दुर्भेद्यं त्रिदशैरपि । तदावरणानि भगवान्वीक्ष्य चक्रेण वीर्यवान्
dadarśa tatpuraṃ kṛṣṇo durbhedyaṃ tridaśairapi | tadāvaraṇāni bhagavānvīkṣya cakreṇa vīryavān
Kṛṣṇa saw that city, impenetrable even by the gods; and the mighty Lord, seeing its enclosing walls, with his discus
AI translation rendered from the Sanskrit, not a published edition
PdP 6 249.54
चिच्छेद तेजसा दीप्त्या तमांसि च दिवाकरः । ततस्ते राक्षसाः सर्वे शतशोऽथ सहस्रशः
ciccheda tejasā dīptyā tamāṃsi ca divākaraḥ | tataste rākṣasāḥ sarve śataśo'tha sahasraśaḥ
(He) cut (them) apart with his blazing energy, as the maker of day cuts the darknesses. Then all those rākṣasas, by hundreds and by thousands,
AI translation rendered from the Sanskrit, not a published edition
PdP 6 249.55
उद्यम्य शूलानि तदा युद्धायाभिमुखं ययुः । ततस्तु तोमरैर्दिव्यैर्भिण्डिपालैः सुपट्टिशैः
udyamya śūlāni tadā yuddhāyābhimukhaṃ yayuḥ | tatastu tomarairdivyairbhiṇḍipālaiḥ supaṭṭiśaiḥ
raising up their spears, went forth then to face (him) for battle; and then with divine lances, with bhiṇḍipālas and with fine spiked clubs
AI translation rendered from the Sanskrit, not a published edition
PdP 6 249.56
केशवं ताडयामासुः पलालैरिव पावकम् । ततस्तु शार्ङ्गमादाय भगवान्गरुडध्वजः
keśavaṃ tāḍayāmāsuḥ palālairiva pāvakam | tatastu śārṅgamādāya bhagavāngaruḍadhvajaḥ
they struck Keśava, as (one strikes) fire with straw. Then the Lord whose banner is Garuḍa, taking up the Śārṅga bow,
AI translation rendered from the Sanskrit, not a published edition
PdP 6 249.57
दिव्यशस्त्राणि चिच्छेद बाणैरग्निशिखोपमैः । तेषां शिरोधरा नागानश्वांश्चैव तरस्विनः
divyaśastrāṇi ciccheda bāṇairagniśikhopamaiḥ | teṣāṃ śirodharā nāgānaśvāṃścaiva tarasvinaḥ
cut apart their divine weapons with arrows like tongues of flame; (and) their heads and necks, and their swift elephants and horses,
AI translation rendered from the Sanskrit, not a published edition
PdP 6 249.58
चक्रेणैव प्रचिच्छेद वीर्यवान्पुरुषोत्तमः । केचिच्चक्रेण संछिन्नास्तथान्ये शरताडिताः
cakreṇaiva praciccheda vīryavānpuruṣottamaḥ | keciccakreṇa saṃchinnāstathānye śaratāḍitāḥ
the valiant Best of Men cut to pieces with the discus itself. Some were cut through by the discus, others likewise struck down by arrows,
AI translation rendered from the Sanskrit, not a published edition
PdP 6 249.59
गदया निहताः केचिद्राक्षसास्तद्रणाजिरे । एवं ते राक्षसाः सर्वे पातिता धरणीतले
gadayā nihatāḥ kecidrākṣasāstadraṇājire | evaṃ te rākṣasāḥ sarve pātitā dharaṇītale
and some of the rākṣasas were slain by the mace on that field of battle. Thus all those rākṣasas were laid low on the surface of the earth,
AI translation rendered from the Sanskrit, not a published edition
PdP 6 249.60
शक्रोत्सृष्टेन वज्रेण निर्भिन्ना इव भूधराः । निहत्य दानवान्सर्वान्पुंडरीकायतेक्षणः
śakrotsṛṣṭena vajreṇa nirbhinnā iva bhūdharāḥ | nihatya dānavānsarvānpuṃḍarīkāyatekṣaṇaḥ
like mountains split open by the thunderbolt hurled by Śakra. Having slain all the dānavas, he whose eyes are wide as lotuses,
AI translation rendered from the Sanskrit, not a published edition
PdP 6 249.61
पाञ्चजन्यं महाशंखं प्रदध्मौ पुरुषोत्तमः । ततः स नरको दैत्यो धनुरादाय वीर्यवान्
pāñcajanyaṃ mahāśaṃkhaṃ pradadhmau puruṣottamaḥ | tataḥ sa narako daityo dhanurādāya vīryavān
the Best of Men, blew the great conch Pāñcajanya. Then that Daitya Naraka, valiant, taking up his bow
AI translation rendered from the Sanskrit, not a published edition
PdP 6 249.62
दिव्यं स्यंदनमारुह्य ययौ युद्धाय केशवम् । तयोर्युद्धमभूद्घोरं तुमुलं लोमहर्षणम्
divyaṃ syaṃdanamāruhya yayau yuddhāya keśavam | tayoryuddhamabhūdghoraṃ tumulaṃ lomaharṣaṇam
and mounting his divine chariot, went to fight Keśava. The battle between the two was dreadful, tumultuous, making the hair stand up,
AI translation rendered from the Sanskrit, not a published edition
PdP 6 249.63
बहुभिर्बाणसाहस्रैर्मेघयोरिव वर्षतोः । ततोऽर्द्धचंद्र बाणेन वासुदेवः सनातनः
bahubhirbāṇasāhasrairmeghayoriva varṣatoḥ | tato'rddhacaṃdra bāṇena vāsudevaḥ sanātanaḥ
with many thousands of arrows, as of two clouds raining down. Then, with a half-moon arrow, the eternal Vāsudeva,
AI translation rendered from the Sanskrit, not a published edition
PdP 6 249.64
तस्य राक्षसमुख्यस्य धनुश्चिच्छेद वीर्यवान् । ससर्जास्त्रं महादिव्यं नरकस्य महोरसि
tasya rākṣasamukhyasya dhanuściccheda vīryavān | sasarjāstraṃ mahādivyaṃ narakasya mahorasi
the valiant one, cut the bow of that chief of rākṣasas, and loosed a great divine missile at Naraka's broad chest.
AI translation rendered from the Sanskrit, not a published edition
PdP 6 249.65
स तेन भिन्नहृदयः पपातोर्व्यां महासुरः । शक्रवज्रेण निर्भिन्नो महाचल इवोन्नदन्
sa tena bhinnahṛdayaḥ papātorvyāṃ mahāsuraḥ | śakravajreṇa nirbhinno mahācala ivonnadan
With his heart pierced by it, that great asura fell to the earth, roaring, like a great mountain split open by Śakra's thunderbolt.
AI translation rendered from the Sanskrit, not a published edition
PdP 6 249.66
उपगम्य ततः कृष्णः समीपं तस्य रक्षसः । भूम्या संप्रार्थितः प्राह वरं वृण्विति राक्षसम् । स चाह राक्षसः कृष्णं गरुडोपरि संस्थितम्
upagamya tataḥ kṛṣṇaḥ samīpaṃ tasya rakṣasaḥ | bhūmyā saṃprārthitaḥ prāha varaṃ vṛṇviti rākṣasam | sa cāha rākṣasaḥ kṛṣṇaṃ garuḍopari saṃsthitam
Then Kṛṣṇa, approaching close to that rākṣasa, entreated by Earth, said to the rākṣasa, "Choose a boon." And that rākṣasa said to Kṛṣṇa, who was seated upon Garuḍa:
AI translation rendered from the Sanskrit, not a published edition
PdP 6 249.67
न मे कृत्यं वरेणास्ति नरकोऽहं तथापि च । अन्यलोकहितार्थाय वृणेऽहं वरमुत्तमम्
na me kṛtyaṃ vareṇāsti narako'haṃ tathāpi ca | anyalokahitārthāya vṛṇe'haṃ varamuttamam
"I have no need of a boon—I am Naraka; still, for the welfare of other people I do choose an excellent boon:
AI translation rendered from the Sanskrit, not a published edition
PdP 6 249.68
मृताहनि तु मे कृष्ण सर्वभूतेश्वरेश्वर । ये नरा मंगलस्नानं कुर्वंति मधुसूदन । न तेषां निरयप्राप्तिर्भवत्वेवं भयापह
mṛtāhani tu me kṛṣṇa sarvabhūteśvareśvara | ye narā maṃgalasnānaṃ kurvaṃti madhusūdana | na teṣāṃ nirayaprāptirbhavatvevaṃ bhayāpaha
on the day of my death, O Kṛṣṇa, lord of the lords of all beings, those men who perform the auspicious bath, O Madhusūdana—let there be no attaining of hell for them; so may it be, O remover of fear."
AI translation rendered from the Sanskrit, not a published edition
PdP 6 249.69
महादेव उवाच- एवमस्त्विति गोविंदो ददौ तस्मै वरं प्रभुः । ततः पश्यन्हरेः साक्षाच्छरदंबुज सन्निभौ
mahādeva uvāca- evamastviti goviṃdo dadau tasmai varaṃ prabhuḥ | tataḥ paśyanhareḥ sākṣāccharadaṃbuja sannibhau
Mahādeva said: "So be it," said Govinda, and the Lord granted him that boon. Then, gazing directly upon Hari's two (feet), like autumn lotuses,
AI translation rendered from the Sanskrit, not a published edition
PdP 6 249.70
चरणौ वज्रवैडूर्य्यनूपुराभ्यां विराजितौ । अर्चितौ विधिरुद्राद्यैस्त्रिदशैर्मुनिभिस्तथा
caraṇau vajravaiḍūryyanūpurābhyāṃ virājitau | arcitau vidhirudrādyaistridaśairmunibhistathā
the two feet resplendent with anklets of diamond and beryl, worshipped by Vidhi (Brahmā), Rudra and the rest, by the thirty gods and by the sages,
AI translation rendered from the Sanskrit, not a published edition
PdP 6 249.71
त्यक्त्वा प्राणान्महीपुत्रः सारूप्यमगमद्धरेः । ततो देवगणाः सर्वे हर्षनिर्भरमानसाः
tyaktvā prāṇānmahīputraḥ sārūpyamagamaddhareḥ | tato devagaṇāḥ sarve harṣanirbharamānasāḥ
the son of Earth, giving up his life-breaths, attained the same form as Hari. Then all the hosts of gods, their minds filled to overflowing with joy,
AI translation rendered from the Sanskrit, not a published edition
PdP 6 249.72
ववृषुः पुष्पवर्षाणि तुष्टुवुश्च महर्षयः । प्रविश्य नगरं तस्य कृष्णः कमललोचनः
vavṛṣuḥ puṣpavarṣāṇi tuṣṭuvuśca maharṣayaḥ | praviśya nagaraṃ tasya kṛṣṇaḥ kamalalocanaḥ
rained down showers of flowers, and the great sages sang praises. Entering his city, lotus-eyed Kṛṣṇa (took)
AI translation rendered from the Sanskrit, not a published edition
PdP 6 249.73
बलात्तेन गृहीतानि रत्नानि त्रिदिवौकसाम् । कुंडले देवमातुश्च तथैवोच्चैःश्रवो हयम्
balāttena gṛhītāni ratnāni tridivaukasām | kuṃḍale devamātuśca tathaivoccaiḥśravo hayam
the jewels of the dwellers in heaven that had been seized by him by force, and the earrings of the mother of the gods, and likewise the horse Uccaiḥśravas,
AI translation rendered from the Sanskrit, not a published edition
PdP 6 249.74
ऐरावतं गजश्रेष्ठं प्रदीप्तं मणिपर्वतम् । सर्वमेतद्यदुश्रेष्ठो ददौ शक्राय वज्रिणे
airāvataṃ gajaśreṣṭhaṃ pradīptaṃ maṇiparvatam | sarvametadyaduśreṣṭho dadau śakrāya vajriṇe
Airāvata, the best of elephants, and the blazing jewel-mountain — all this the best of the Yadus gave to Śakra, the wielder of the thunderbolt.
AI translation rendered from the Sanskrit, not a published edition
PdP 6 249.75
पार्थिवान्सर्वराष्ट्रेभ्यो जित्वाऽसौ नरको बली । कन्याषोडशसाहस्रं हृतवान्नरकस्तदा
pārthivānsarvarāṣṭrebhyo jitvā'sau narako balī | kanyāṣoḍaśasāhasraṃ hṛtavānnarakastadā
That mighty Naraka, having conquered the kings of all the realms, then carried off sixteen thousand maidens.
AI translation rendered from the Sanskrit, not a published edition
PdP 6 249.76
सन्निरुद्धास्तु ताः सर्वा नरकांतःपुरे तदा । दृष्ट्वा कृष्णं महावीर्यं कंदर्पशतसंनिभम्
sanniruddhāstu tāḥ sarvā narakāṃtaḥpure tadā | dṛṣṭvā kṛṣṇaṃ mahāvīryaṃ kaṃdarpaśatasaṃnibham
But all those (women), confined then in Naraka's inner apartments, seeing Kṛṣṇa of great might, resembling a hundred Kāmadevas—
AI translation rendered from the Sanskrit, not a published edition
PdP 6 249.77
भर्तारं वव्रिरे सर्वाः पतिं विश्वस्य सर्वगम् । एतस्मिन्नेव काले तु गोविंदोऽनंतरूपवान्
bhartāraṃ vavrire sarvāḥ patiṃ viśvasya sarvagam | etasminneva kāle tu goviṃdo'naṃtarūpavān
—all chose (him) as husband, as the lord of the universe who goes everywhere; and at that very time Govinda of endless forms
AI translation rendered from the Sanskrit, not a published edition
PdP 6 249.78
तासां करग्रहं चक्रे विधिना पुरुषोत्तमः । नरकस्य सुताः सर्वे पुरस्कृत्य महीं तदा
tāsāṃ karagrahaṃ cakre vidhinā puruṣottamaḥ | narakasya sutāḥ sarve puraskṛtya mahīṃ tadā
—the supreme Person took their hands (in marriage) according to the rite. Then all the sons of Naraka, putting the Earth in front,
AI translation rendered from the Sanskrit, not a published edition
PdP 6 249.79
गोविंदं शरणं जग्मुस्तानरक्षद्घृणानिधिः । तद्राज्ये स्थाप्य तान्सर्वान्पृथिव्या वाक्य गौरवात्
goviṃdaṃ śaraṇaṃ jagmustānarakṣadghṛṇānidhiḥ | tadrājye sthāpya tānsarvānpṛthivyā vākya gauravāt
went to Govinda for refuge; the treasury of compassion protected them. Establishing them all in his (Naraka's) kingdom out of regard for the Earth's words,
AI translation rendered from the Sanskrit, not a published edition
PdP 6 249.80
ऐन्द्रं विमानमारोप्य ताश्च सर्वा वरस्त्रियः । देवदूतैर्महाभागैर्द्वारवत्यां न्यवेशयत्
aindraṃ vimānamāropya tāśca sarvā varastriyaḥ | devadūtairmahābhāgairdvāravatyāṃ nyaveśayat
and having placed all those excellent women aboard Indra's aerial chariot, he had them settled in Dvāravatī by the greatly fortunate messengers of the gods.
AI translation rendered from the Sanskrit, not a published edition
PdP 6 249.81
वैनतेयं समारुह्य सत्यया सह केशवः । स्वर्लोकं प्रययौ तूर्णं द्रष्टुं तां देवमातरम्
vainateyaṃ samāruhya satyayā saha keśavaḥ | svarlokaṃ prayayau tūrṇaṃ draṣṭuṃ tāṃ devamātaram
Mounting Garuḍa, son of Vinatā, together with Satyā, Keśava went swiftly to the heavenly world to see that mother of the gods.
AI translation rendered from the Sanskrit, not a published edition
PdP 6 249.82
प्रविश्य नगरीं तत्र देवराज्ञो जनार्दनः । अवरुह्य द्विजश्रेष्ठात्पत्न्या सह महाबलः
praviśya nagarīṃ tatra devarājño janārdanaḥ | avaruhya dvijaśreṣṭhātpatnyā saha mahābalaḥ
Entering the city of the king of the gods there, Janārdana of great strength descended from the best of the twice-born, together with his wife,
AI translation rendered from the Sanskrit, not a published edition
PdP 6 249.83
ववंदे मातरं तत्र वंद्यां तां त्रिदिवौकसाम् । संपरिष्वज्य बाहुभ्यामदितिः पुत्रवत्सला
vavaṃde mātaraṃ tatra vaṃdyāṃ tāṃ tridivaukasām | saṃpariṣvajya bāhubhyāmaditiḥ putravatsalā
and there he saluted the mother, she who is to be revered by the dwellers of the triple heaven. Aditi, fond of her son, embracing (him) with both arms,
AI translation rendered from the Sanskrit, not a published edition
PdP 6 249.84
निवेश्यासनमुख्ये तु पूजयामास भक्तितः । आदित्या वसवो रुद्राः शतक्रतुपुरोगमाः
niveśyāsanamukhye tu pūjayāmāsa bhaktitaḥ | ādityā vasavo rudrāḥ śatakratupurogamāḥ
and seating (him) on the foremost seat, worshipped (him) with devotion. The Ādityas, Vasus, Rudras, with the performer of a hundred sacrifices at their head,
AI translation rendered from the Sanskrit, not a published edition
PdP 6 249.85
तत्र संपूजयामासुर्यथार्हं परमेश्वरम् । शचीगृहं समागम्य सत्यभामा यशस्विनी
tatra saṃpūjayāmāsuryathārhaṃ parameśvaram | śacīgṛhaṃ samāgamya satyabhāmā yaśasvinī
there duly worshipped the supreme Lord as was fitting. The illustrious Satyabhāmā, having come to Śacī's house,
AI translation rendered from the Sanskrit, not a published edition
PdP 6 249.86
तया समर्चिता देव्या समासीना सुखासने । तस्मिन्काले सुपुष्पाणि पारिजातस्य किंकराः
tayā samarcitā devyā samāsīnā sukhāsane | tasminkāle supuṣpāṇi pārijātasya kiṃkarāḥ
honoured by that goddess, was seated on a comfortable seat. At that moment the attendants (brought) fine flowers of the pārijāta
AI translation rendered from the Sanskrit, not a published edition
PdP 6 249.87
शच्यै देव्यै ददुः प्रीत्या सहस्राक्षेण चोदिताः । प्रगृह्य तानि पुष्पाणि शचीदेवी सुमध्यमा
śacyai devyai daduḥ prītyā sahasrākṣeṇa coditāḥ | pragṛhya tāni puṣpāṇi śacīdevī sumadhyamā
and gave them with delight to the goddess Śacī, urged on by the thousand-eyed one. Taking those flowers, the fair-waisted goddess Śacī
AI translation rendered from the Sanskrit, not a published edition
PdP 6 249.88
नीलनिर्मलकेशे च बबंध स्वस्य मूर्धनि । अवमान्य शची तत्र सत्यभामां यशस्विनीम्
nīlanirmalakeśe ca babaṃdha svasya mūrdhani | avamānya śacī tatra satyabhāmāṃ yaśasvinīm
bound them on her own head, in her dark spotless hair. Slighting the illustrious Satyabhāmā there, Śacī
AI translation rendered from the Sanskrit, not a published edition
PdP 6 249.89
अनर्हा मानुषी चेयं देवार्हं कुसुमं शुभम् । इति कृत्वा मतिं तस्यै न ददौ कुसुमानि सा
anarhā mānuṣī ceyaṃ devārhaṃ kusumaṃ śubham | iti kṛtvā matiṃ tasyai na dadau kusumāni sā
—thinking, "This mortal woman is unworthy; the beautiful flower is fit for gods"—did not give the flowers to her.
AI translation rendered from the Sanskrit, not a published edition
PdP 6 249.90
विनिष्क्रम्य पुरात्तस्मात्सत्या कोपसमन्विता । समेत्य कृष्णं भर्त्तारमुवाच कमलेक्षणा
viniṣkramya purāttasmātsatyā kopasamanvitā | sametya kṛṣṇaṃ bharttāramuvāca kamalekṣaṇā
Going out from that city, Satyā, filled with anger, the lotus-eyed one, came to her husband Kṛṣṇa and said:
AI translation rendered from the Sanskrit, not a published edition
PdP 6 249.91
सत्योवाच- एषा शची यदुश्रेष्ठ पारिजातेन गर्विता । अदत्त्वा मम गोविंद बबंध स्वस्य मूर्द्धनि
satyovāca- eṣā śacī yaduśreṣṭha pārijātena garvitā | adattvā mama goviṃda babaṃdha svasya mūrddhani
Satyā said: "This Śacī, O best of the Yadus, is proud of the pārijāta; without giving (it) to me, O Govinda, she bound it on her own head."
AI translation rendered from the Sanskrit, not a published edition
PdP 6 249.92
महादेव उवाच-। सत्यया भाषितं श्रुत्वा वासुदेवो महाबलः । उत्पाट्य पारिजातं तु निवेश्य गरुडोपरि
mahādeva uvāca-| satyayā bhāṣitaṃ śrutvā vāsudevo mahābalaḥ | utpāṭya pārijātaṃ tu niveśya garuḍopari
Mahādeva said: Hearing what Satyā said, Vāsudeva of great strength uprooted the pārijāta and placed it upon Garuḍa,
AI translation rendered from the Sanskrit, not a published edition
PdP 6 249.93
आरुह्य सत्यया तूर्णं वैनतेयं महाबलम् । प्रययौ द्वारकां रम्यां नगरीं देवकीसुतः
āruhya satyayā tūrṇaṃ vainateyaṃ mahābalam | prayayau dvārakāṃ ramyāṃ nagarīṃ devakīsutaḥ
and mounting with Satyā the mighty son of Vinatā, the son of Devakī went swiftly to the lovely city of Dvārakā.
AI translation rendered from the Sanskrit, not a published edition
PdP 6 249.94
ततः कोपसमाविष्टो देवराजः शतक्रतुः । रुद्रैर्वसुभिरादित्यैः साध्यैश्च मरुतां गणैः
tataḥ kopasamāviṣṭo devarājaḥ śatakratuḥ | rudrairvasubhirādityaiḥ sādhyaiśca marutāṃ gaṇaiḥ
Then the king of the gods, Śatakratu (Indra), filled with rage, together with the Rudras, the Vasus, the Ādityas, the Sādhyas and the hosts of Maruts—
AI translation rendered from the Sanskrit, not a published edition
PdP 6 249.95
ऐरावतं समारुह्य ययौ युद्धाय केशवम् । ततो देवगणाः सर्वे परिवार्य्य जनार्दनम्
airāvataṃ samāruhya yayau yuddhāya keśavam | tato devagaṇāḥ sarve parivāryya janārdanam
—mounting Airāvata, went to fight Keśava. Then all the throngs of gods, surrounding Janārdana,
AI translation rendered from the Sanskrit, not a published edition
PdP 6 249.96
ववृषुः शस्त्रवर्षाणि मेघा इव महाचलम् । कृष्णश्चिच्छेद चक्रेण तान्यस्त्राणि दिवौकसाम्
vavṛṣuḥ śastravarṣāṇi meghā iva mahācalam | kṛṣṇaściccheda cakreṇa tānyastrāṇi divaukasām
rained down showers of weapons, as clouds (rain) upon a great mountain; but Kṛṣṇa cut those missiles of the sky-dwellers apart with his discus.
AI translation rendered from the Sanskrit, not a published edition
PdP 6 249.97
वैनतयस्तु संक्रुद्धः पक्षपातेन वीर्यवान् । पातयामास तान्देवान्पलालानीव मारुतः
vainatayastu saṃkruddhaḥ pakṣapātena vīryavān | pātayāmāsa tāndevānpalālānīva mārutaḥ
And the son of Vinatā (Garuḍa), enraged and mighty, felled those gods with the beating of his wings, as the wind (scatters) straw.
AI translation rendered from the Sanskrit, not a published edition
PdP 6 249.98
ततः क्रुद्धः सहस्राक्षो देवानामीश्वरः प्रभुः । मुमोच सहसा दीप्तं वज्रं कृष्णजिघांसया
tataḥ kruddhaḥ sahasrākṣo devānāmīśvaraḥ prabhuḥ | mumoca sahasā dīptaṃ vajraṃ kṛṣṇajighāṃsayā
Then the thousand-eyed one, the lord and master of the gods, angered, suddenly loosed his blazing thunderbolt, wishing to slay Kṛṣṇa.
AI translation rendered from the Sanskrit, not a published edition
PdP 6 249.99
जग्राह कृष्णस्तं वज्रं हस्तेनैकेन लीलया । ततो भीतः सहस्राक्षो नागेंद्रादवरुह्य सः
jagrāha kṛṣṇastaṃ vajraṃ hastenaikena līlayā | tato bhītaḥ sahasrākṣo nāgeṃdrādavaruhya saḥ
Kṛṣṇa caught that thunderbolt playfully with a single hand. Then the thousand-eyed one, afraid, descending from the lord of elephants,
AI translation rendered from the Sanskrit, not a published edition
PdP 6 249.100
प्रांजलिः पुरतः स्थित्वा नमस्कृत्वा जनार्दनम् । प्राह गद्गदया वाचा स्तुत्वा स्तुतिभिरेव च १०० 6.249.
prāṃjaliḥ purataḥ sthitvā namaskṛtvā janārdanam | prāha gadgadayā vācā stutvā stutibhireva ca 100 6.249.
standing before (him) with palms joined, and bowing to Janārdana, praising (him) with hymns, spoke with a voice choked (with emotion):
AI translation rendered from the Sanskrit, not a published edition
PdP 6 249.101
इंद्र उवाच- देवयोग्यमिदं कृष्ण पारिजातं त्वया पुरा । दत्तो मम सुराणां च कथं स्थास्यति मानुषे
iṃdra uvāca- devayogyamidaṃ kṛṣṇa pārijātaṃ tvayā purā | datto mama surāṇāṃ ca kathaṃ sthāsyati mānuṣe
Indra said: This pārijāta, Kṛṣṇa, is fit for the gods; it was formerly given by you to me and to the gods. How shall it remain in the world of men?
AI translation rendered from the Sanskrit, not a published edition
PdP 6 249.102
महादेव उवाच- ततः प्रोवाच भगवान्सहस्राक्षमुपस्थितम् । शच्यावमानिता सत्या तव गेहे सुरेश्वर
mahādeva uvāca- tataḥ provāca bhagavānsahasrākṣamupasthitam | śacyāvamānitā satyā tava gehe sureśvara
Mahādeva said: Then the Lord spoke to the thousand-eyed one who stood there: "Satyā was slighted in your house, O lord of the gods.
AI translation rendered from the Sanskrit, not a published edition
PdP 6 249.103
अदत्त्वा पारिजातानि सत्यायै सा पुलोमजा । स्वयमेव स्वशिरसि धारयामास ते प्रिया
adattvā pārijātāni satyāyai sā pulomajā | svayameva svaśirasi dhārayāmāsa te priyā
Not giving the pārijāta flowers to Satyā, that daughter of Puloman, your beloved, set them on her own head herself.
AI translation rendered from the Sanskrit, not a published edition
PdP 6 249.104
अस्या निमित्तं देवेंद्र पारिजातो हृतो मया । अस्यै प्रतिश्रुतं दातुं मया सुरगणेश्वर
asyā nimittaṃ deveṃdra pārijāto hṛto mayā | asyai pratiśrutaṃ dātuṃ mayā suragaṇeśvara
For her sake, O Indra of the gods, the pārijāta was carried off by me; it was promised by me to give (it) to her, O lord of the hosts of gods—
AI translation rendered from the Sanskrit, not a published edition
PdP 6 249.105
तव गेहे पारिजातं स्थापयामीति वासव । तस्मादद्य न दातव्यः पारिजातः सुरेश्वर
tava gehe pārijātaṃ sthāpayāmīti vāsava | tasmādadya na dātavyaḥ pārijātaḥ sureśvara
(saying) 'I shall set the pārijāta in your house,' O Vāsava. Therefore today the pārijāta must not be given (back), O lord of the gods.
AI translation rendered from the Sanskrit, not a published edition
PdP 6 249.106
देवतानां हितार्थाय प्रापयिष्यामि भूतले । तावत्तिष्ठतु देवेंद्र पारिजातो ममालये
devatānāṃ hitārthāya prāpayiṣyāmi bhūtale | tāvattiṣṭhatu deveṃdra pārijāto mamālaye
For the benefit of the gods I shall bring (it) to the earth. So long, O Indra of the gods, let the pārijāta stay in my dwelling.
AI translation rendered from the Sanskrit, not a published edition
PdP 6 249.107
मयि स्वर्गं गते शक्र गृहाण त्वं यथेच्छया । महादेव उवाच- एवमुक्त्वा यदुश्रेष्ठस्तस्मै वज्रं ददौ स्वयम्
mayi svargaṃ gate śakra gṛhāṇa tvaṃ yathecchayā | mahādeva uvāca- evamuktvā yaduśreṣṭhastasmai vajraṃ dadau svayam
When I have gone to heaven, Śakra, take it as you wish." Mahādeva said: Having spoken thus, the best of the Yadus himself gave him back the thunderbolt.
AI translation rendered from the Sanskrit, not a published edition
PdP 6 249.108
एवमस्त्विति गोविंदं नमस्कृत्य स वज्रभृत् । प्रययौ स्वपुरं दिव्यं सह देवगणैर्वृतः
evamastviti goviṃdaṃ namaskṛtya sa vajrabhṛt | prayayau svapuraṃ divyaṃ saha devagaṇairvṛtaḥ
Saying "So be it," and bowing to Govinda, that bearer of the thunderbolt went to his own divine city, surrounded by the hosts of gods.
AI translation rendered from the Sanskrit, not a published edition
PdP 6 249.109
कृष्णोऽपि सत्यया देव्या गरुडोपरि संस्थितः । संस्तूयमानो मुनिभिर्द्वारवत्यां विवेश ह
kṛṣṇo'pi satyayā devyā garuḍopari saṃsthitaḥ | saṃstūyamāno munibhirdvāravatyāṃ viveśa ha
And Kṛṣṇa too, seated upon Garuḍa with the goddess Satyā, praised by the sages, entered Dvāravatī.
AI translation rendered from the Sanskrit, not a published edition
PdP 6 249.110
सत्यया निकटे स्थाप्य पारिजातं सुरद्रुमम् । रमयामास भार्याभिः सर्वाभिः सर्वगो हरिः
satyayā nikaṭe sthāpya pārijātaṃ suradrumam | ramayāmāsa bhāryābhiḥ sarvābhiḥ sarvago hariḥ
Having planted the pārijāta, the tree of the gods, near Satyā, Hari, who is everywhere, took his pleasure with all his wives.
AI translation rendered from the Sanskrit, not a published edition
PdP 6 249.111
निशासु तासां सर्वासां गृहेषु मधुसूदनः । विश्वरूपधरः श्रीमानुवास स सुखप्रदः
niśāsu tāsāṃ sarvāsāṃ gṛheṣu madhusūdanaḥ | viśvarūpadharaḥ śrīmānuvāsa sa sukhapradaḥ
By night the slayer of Madhu, the glorious giver of happiness, assuming all forms, dwelt in the houses of all of them.
AI translation rendered from the Sanskrit, not a published edition
PdP 6 249.249
उमामहेश्वरसंवादे श्रीकृष्णचरिते श्रीवासुदेवविवाहकथनं नामैकोनपंचाशदधिकद्विशततमोऽध्यायः
umāmaheśvarasaṃvāde śrīkṛṣṇacarite śrīvāsudevavivāhakathanaṃ nāmaikonapaṃcāśadadhikadviśatatamo'dhyāyaḥ
(colophon) In the dialogue of Umā and Maheśvara, in the deeds of Śrī Kṛṣṇa, the two hundred forty-ninth chapter, named "The Telling of the Marriage of Śrī Vāsudeva."
AI translation rendered from the Sanskrit, not a published edition