Padma Purana — Uttara Khanda — Chapter 241
PdP 6 241.1
ईश्वर उवाच- भृगुपुत्रो महानासीज्जमदग्निर्द्विजोत्तमः । समस्तवेदवेदांगपारगश्च महातपाः
īśvara uvāca- bhṛguputro mahānāsījjamadagnirdvijottamaḥ | samastavedavedāṃgapāragaśca mahātapāḥ
Īśvara said: There was a great son of Bhṛgu, Jamadagni, best of twice-born, versed to the end in all the Vedas and the Vedic auxiliaries, and of great austerity.
AI translation rendered from the Sanskrit, not a published edition
PdP 6 241.2
तपस्तेपे सुधर्मात्मा महेंद्रं प्रति भामिनि । सहस्रवर्षपर्य्यंतं गंगायाः पुलिने शुभे
tapastepe sudharmātmā maheṃdraṃ prati bhāmini | sahasravarṣaparyyaṃtaṃ gaṃgāyāḥ puline śubhe
That man of excellent righteousness performed austerity directed toward great Indra, O lovely lady, for a full thousand years on the auspicious bank of the Gaṅgā.
AI translation rendered from the Sanskrit, not a published edition
PdP 6 241.3
ततः प्रसन्नः प्राहेदं भगवान्पाकशासनः । इंद्र उवाच- वरं वृणीष्व विप्रेंद्र यत्ते मनसि वर्त्तते
tataḥ prasannaḥ prāhedaṃ bhagavānpākaśāsanaḥ | iṃdra uvāca- varaṃ vṛṇīṣva vipreṃdra yatte manasi varttate
Then the Lord, the chastiser of Pāka, being pleased, said this: Indra said: Choose a boon, best of brahmins, whatever is in your mind.
AI translation rendered from the Sanskrit, not a published edition
PdP 6 241.4
ईश्वर उवाच- ततः प्रोवाच विप्रर्षिः परितुष्टं शतक्रतुम् । जमदग्निरुवाच- सुरभिं देहि मे देव सर्वकामदुघां सदा
īśvara uvāca- tataḥ provāca viprarṣiḥ parituṣṭaṃ śatakratum | jamadagniruvāca- surabhiṃ dehi me deva sarvakāmadughāṃ sadā
Īśvara said: Then the brahmin seer spoke to the well-pleased performer of a hundred sacrifices: Jamadagni said: Give me, O god, Surabhi, who ever yields all desires.
AI translation rendered from the Sanskrit, not a published edition
PdP 6 241.5
ईश्वर उवाच- ततः प्रसन्नो देवेशस्तस्मै विप्राय गोत्रभित् । प्रददौ सुरभिं देवीं सर्वकामदुघां तदा
īśvara uvāca- tataḥ prasanno deveśastasmai viprāya gotrabhit | pradadau surabhiṃ devīṃ sarvakāmadughāṃ tadā
Īśvara said: Then the lord of the gods, the splitter of mountains, being pleased, gave to that brahmin the goddess Surabhi, yielder of all desires.
AI translation rendered from the Sanskrit, not a published edition
PdP 6 241.6
स लब्ध्वा सुरभीं देवीं जमदग्निर्महातपाः । उवास महदैश्वर्यः शतक्रतुरिवापरः
sa labdhvā surabhīṃ devīṃ jamadagnirmahātapāḥ | uvāsa mahadaiśvaryaḥ śatakraturivāparaḥ
Having obtained the goddess Surabhi, Jamadagni of great austerity dwelt (there) with great lordship, like a second Śatakratu.
AI translation rendered from the Sanskrit, not a published edition
PdP 6 241.7
रेणुकस्य सुतां रम्यां रेणुकां नामनामतः । उपयेमे विधानेन जमदग्निर्महातपाः
reṇukasya sutāṃ ramyāṃ reṇukāṃ nāmanāmataḥ | upayeme vidhānena jamadagnirmahātapāḥ
Jamadagni of great austerity married, according to the rite, the lovely daughter of Reṇuka, Reṇukā by name.
AI translation rendered from the Sanskrit, not a published edition
PdP 6 241.8
तया सह स धर्मात्मा रेमे वर्षाण्यनेकशः । पौलोम्या शुभया देव्या यथा संक्रन्दनो विभुः
tayā saha sa dharmātmā reme varṣāṇyanekaśaḥ | paulomyā śubhayā devyā yathā saṃkrandano vibhuḥ
With her that righteous one took pleasure for many years, as the mighty Saṃkrandana (Indra) with the auspicious goddess Paulomī.
AI translation rendered from the Sanskrit, not a published edition
PdP 6 241.9
ततः स पुत्रकामत्वादिष्टिं चक्रे सुधार्म्मिकः । इष्ट्या संतोषयामास पाकशासनमीश्वरम्
tataḥ sa putrakāmatvādiṣṭiṃ cakre sudhārmmikaḥ | iṣṭyā saṃtoṣayāmāsa pākaśāsanamīśvaram
Then that very righteous one, from desire of a son, performed a sacrificial rite; by that rite he gratified the Lord, the chastiser of Pāka.
AI translation rendered from the Sanskrit, not a published edition
PdP 6 241.10
परितुष्टः शचीभर्त्ता तस्मै पुत्रं महाबलम् । महौजसं महाबाहुं सर्वशत्रुप्रतापनम्
parituṣṭaḥ śacībharttā tasmai putraṃ mahābalam | mahaujasaṃ mahābāhuṃ sarvaśatrupratāpanam
Well pleased, the husband of Śacī (granted) him a son of great strength, of great vigour, of mighty arms, scorching all enemies.
AI translation rendered from the Sanskrit, not a published edition
PdP 6 241.11
अथ कालेन विप्रेंद्रो रेणुकायां शुचिस्मिते । पुत्रमुत्पादयामास महावीर्य्यं बलान्वितम्
atha kālena vipreṃdro reṇukāyāṃ śucismite | putramutpādayāmāsa mahāvīryyaṃ balānvitam
Then in time the best of brahmins begot upon Reṇukā of the pure smile a son of great valour, endowed with strength,
AI translation rendered from the Sanskrit, not a published edition
PdP 6 241.12
विष्णोरंशांशभागेन सर्वलक्षणलक्षिणम् । तस्मिन्सुते महावीर्य्ये भृगुस्तस्य पितामहः
viṣṇoraṃśāṃśabhāgena sarvalakṣaṇalakṣiṇam | tasminsute mahāvīryye bhṛgustasya pitāmahaḥ
(born) through a portion of a portion of Viṣṇu's share, marked with all auspicious marks. Upon that son of great valour, Bhṛgu his grandfather
AI translation rendered from the Sanskrit, not a published edition
PdP 6 241.13
नाम चास्मै ददौ हर्षाद्विष्णोरंशोपलक्षितम् । चक्रेऽथ नामधेयं तु राम इत्यस्य शोभनम्
nāma cāsmai dadau harṣādviṣṇoraṃśopalakṣitam | cakre'tha nāmadheyaṃ tu rāma ityasya śobhanam
joyfully bestowed a name marked by Viṣṇu's portion; and he made his fine name-giving as 'Rāma'.
AI translation rendered from the Sanskrit, not a published edition
PdP 6 241.14
जमदग्नेः समुत्पन्नो जामदग्न्य इतीरितः । तद्भार्गवान्वयः सोऽपि ववृधे द्विजपुंगवः
jamadagneḥ samutpanno jāmadagnya itīritaḥ | tadbhārgavānvayaḥ so'pi vavṛdhe dvijapuṃgavaḥ
Born of Jamadagni, he was therefore called Jāmadagnya; and he too, that bull among brahmins of Bhṛgu's line, grew up.
AI translation rendered from the Sanskrit, not a published edition
PdP 6 241.15
उपनीतं स्तुतो येन सर्वविद्याविशारदः । तपस्तप्तुं जगामाथ शालग्रामाचलं प्रति
upanītaṃ stuto yena sarvavidyāviśāradaḥ | tapastaptuṃ jagāmātha śālagrāmācalaṃ prati
By whom, once invested (with the sacred thread) and praised, being skilled in all branches of knowledge — then he went to the mountain of Śālagrāma to perform austerity.
AI translation rendered from the Sanskrit, not a published edition — the model flagged this verse as uncertain
PdP 6 241.16
ददर्श कश्यपं तत्र ब्रह्मर्षिममितौजसम् । हर्षेण पूरितस्तस्मिन्मरीचितनयो द्विजः
dadarśa kaśyapaṃ tatra brahmarṣimamitaujasam | harṣeṇa pūritastasminmarīcitanayo dvijaḥ
There he saw Kaśyapa, the brahmin-seer of measureless might; and that brahmin, the son of Marīci, was filled with joy at (the sight of) him.
AI translation rendered from the Sanskrit, not a published edition
PdP 6 241.17
विधिना प्रददौ तस्मै मंत्रं वैष्णवमव्ययम् । लब्धमंत्रस्तदा रामं कश्यपात्तु महात्मनः
vidhinā pradadau tasmai maṃtraṃ vaiṣṇavamavyayam | labdhamaṃtrastadā rāmaṃ kaśyapāttu mahātmanaḥ
According to the rite he gave him the imperishable Vaiṣṇava mantra; and then Rāma, having received the mantra from great-souled Kaśyapa,
AI translation rendered from the Sanskrit, not a published edition
PdP 6 241.18
पूजयामास विधिना स तदा कमलापतिम् । षडक्षरं महामंत्रं जपन्नेव दिवानिशम्
pūjayāmāsa vidhinā sa tadā kamalāpatim | ṣaḍakṣaraṃ mahāmaṃtraṃ japanneva divāniśam
then worshipped, according to the rite, the Lord of Kamalā, muttering the great six-syllabled mantra day and night.
AI translation rendered from the Sanskrit, not a published edition
PdP 6 241.19
ध्यायन्कमलपत्राक्षं विष्णुं सर्वगतं हरिम् । तपस्तेपे स धर्मात्मा बहुवर्षाणि भार्गवः
dhyāyankamalapatrākṣaṃ viṣṇuṃ sarvagataṃ harim | tapastepe sa dharmātmā bahuvarṣāṇi bhārgavaḥ
Meditating on Viṣṇu, Hari, the all-pervading, whose eyes are lotus-petals, that righteous descendant of Bhṛgu performed austerity for many years.
AI translation rendered from the Sanskrit, not a published edition
PdP 6 241.20
जितेंद्रियस्तु यतवाक्तदा तस्थौ महातपाः । जमदग्निस्तु विप्रर्षिः स्थितो गंगातटे शुभे
jiteṃdriyastu yatavāktadā tasthau mahātapāḥ | jamadagnistu viprarṣiḥ sthito gaṃgātaṭe śubhe
With senses conquered and speech restrained, the great ascetic then remained (there). But Jamadagni, the brahmin-seer, stayed on the auspicious bank of the Gaṅgā,
AI translation rendered from the Sanskrit, not a published edition
PdP 6 241.21
चकार विधिवद्धर्म्यं यज्ञदानादिकं महत् । धेन्वाः प्रसादादिंद्रस्य संपूर्णास्तस्य सम्पदः
cakāra vidhivaddharmyaṃ yajñadānādikaṃ mahat | dhenvāḥ prasādādiṃdrasya saṃpūrṇāstasya sampadaḥ
and performed, according to the rules, great righteous works — sacrifices, gifts and the rest. By the grace of Indra's cow, his riches were complete.
AI translation rendered from the Sanskrit, not a published edition
PdP 6 241.22
कस्यचित्त्वथकालस्य हैहयाधिपतिः प्रभुः । विजित्वा सर्वराष्ट्राणि सर्वसैन्यसमावृतः
kasyacittvathakālasya haihayādhipatiḥ prabhuḥ | vijitvā sarvarāṣṭrāṇi sarvasainyasamāvṛtaḥ
Then after some time the mighty lord of the Haihayas, having conquered all the kingdoms, surrounded by all his army,
AI translation rendered from the Sanskrit, not a published edition
PdP 6 241.23
भार्गवस्याश्रमं प्राप्य जमदग्नेर्महीपतिः । समीक्ष्य तं महाभागं ववंदे मुनिसत्तमम्
bhārgavasyāśramaṃ prāpya jamadagnermahīpatiḥ | samīkṣya taṃ mahābhāgaṃ vavaṃde munisattamam
that king, having reached the hermitage of Jamadagni the Bhārgava, and beholding that greatly blessed one, saluted the best of sages.
AI translation rendered from the Sanskrit, not a published edition
PdP 6 241.24
पृष्ट्वा तु कुशलं तस्य महर्षेर्भावितात्मनः । प्रददौ नृपतिस्तस्मै वस्त्राण्याभरणानि च
pṛṣṭvā tu kuśalaṃ tasya maharṣerbhāvitātmanaḥ | pradadau nṛpatistasmai vastrāṇyābharaṇāni ca
And having asked after the welfare of that great seer of contemplative soul, the king gave him garments and ornaments.
AI translation rendered from the Sanskrit, not a published edition
PdP 6 241.25
स च संपूजयामास राजानं गृहमागतम् । मधुपर्केण विधिना पूजयित्वा नृपोत्तमम्
sa ca saṃpūjayāmāsa rājānaṃ gṛhamāgatam | madhuparkeṇa vidhinā pūjayitvā nṛpottamam
And he honoured the king who had come to his house; having worshipped that best of kings with the madhuparka according to the rite,
AI translation rendered from the Sanskrit, not a published edition
PdP 6 241.26
ससैन्याय नृपेंद्राय भोजनं प्रददौ मुनिः । प्रार्थिता सुरभिस्तेन भार्गवेण सुधीमता
sasainyāya nṛpeṃdrāya bhojanaṃ pradadau muniḥ | prārthitā surabhistena bhārgaveṇa sudhīmatā
the sage provided food for the lord of kings together with his army. Surabhi was entreated by that wise Bhārgava,
AI translation rendered from the Sanskrit, not a published edition
PdP 6 241.27
संपूर्णमन्नपानादि ससर्ज शबला तदा । अक्षय्यमन्नपानादि तया सृष्टं महातपाः
saṃpūrṇamannapānādi sasarja śabalā tadā | akṣayyamannapānādi tayā sṛṣṭaṃ mahātapāḥ
and then Śabalā produced food and drink and the rest in full measure; the inexhaustible food and drink and the rest created by her, the great ascetic
AI translation rendered from the Sanskrit, not a published edition
PdP 6 241.28
ससैन्याय नृपेंद्राय प्रददौ मुनिसत्तमः । तां दृष्ट्वा शबलां राजा कुतूहलसमन्वितः
sasainyāya nṛpeṃdrāya pradadau munisattamaḥ | tāṃ dṛṣṭvā śabalāṃ rājā kutūhalasamanvitaḥ
— that best of sages gave to the lord of kings together with his army. Seeing that Śabalā, the king was filled with curiosity,
AI translation rendered from the Sanskrit, not a published edition
PdP 6 241.29
स्पृहां चकारयामास तस्यां गवि सुदुर्म्मतिः । अयाचत्सुरभिं तत्र जमदग्निं नृपोत्तमः
spṛhāṃ cakārayāmāsa tasyāṃ gavi sudurmmatiḥ | ayācatsurabhiṃ tatra jamadagniṃ nṛpottamaḥ
and, very evil-minded, he conceived a longing for that cow; there that best of kings begged Surabhi from Jamadagni.
AI translation rendered from the Sanskrit, not a published edition
PdP 6 241.30
कार्त्तवीर्य उवाच- शबलां देहि मे विप्र कपिलां सर्वकामदाम् । अन्यधेनुसहस्राणि दास्यामि तव सुव्रत
kārttavīrya uvāca- śabalāṃ dehi me vipra kapilāṃ sarvakāmadām | anyadhenusahasrāṇi dāsyāmi tava suvrata
Kārtavīrya said: Give me Śabalā, brahmin, the tawny cow that grants every wish; I will give you thousands of other cows, O you of good vows.
AI translation rendered from the Sanskrit, not a published edition
PdP 6 241.31
ईश्वर उवाच- इत्युक्तस्तेन राज्ञाथ जमदग्निर्महातपाः । जमदग्निरुवाच-। न देया शबला राजन्मया तव महीपते
īśvara uvāca- ityuktastena rājñātha jamadagnirmahātapāḥ | jamadagniruvāca-| na deyā śabalā rājanmayā tava mahīpate
Īśvara said: Thus addressed by that king, Jamadagni of great austerity — Jamadagni said: Śabalā is not to be given by me to you, O king, O lord of the earth.
AI translation rendered from the Sanskrit, not a published edition
PdP 6 241.32
इयं च देवदेवेन शक्रेण परिपालिता । देवतानां धनं राजन्दातव्यं स्यात्कथं मया
iyaṃ ca devadevena śakreṇa paripālitā | devatānāṃ dhanaṃ rājandātavyaṃ syātkathaṃ mayā
And she is protected by Śakra, the god of gods; how, O king, should the wealth of the gods be given away by me?
AI translation rendered from the Sanskrit, not a published edition
PdP 6 241.33
ईश्वर उवाच- इत्युक्तः स तदा राजा क्रोधेन कलुषीकृतः । बलाज्जग्राह शबलां सर्वसैन्यसमावृतः
īśvara uvāca- ityuktaḥ sa tadā rājā krodhena kaluṣīkṛtaḥ | balājjagrāha śabalāṃ sarvasainyasamāvṛtaḥ
Īśvara said: Thus addressed, the king, then befouled by anger, seized Śabalā by force, surrounded by all his army.
AI translation rendered from the Sanskrit, not a published edition
PdP 6 241.34
ततः क्रुद्धा महाभागा शबला वरवर्णिनि । जघान तस्य सैन्यानि शृंगैः खुरतलैरपि
tataḥ kruddhā mahābhāgā śabalā varavarṇini | jaghāna tasya sainyāni śṛṃgaiḥ khuratalairapi
Then the greatly blessed Śabalā, enraged, O fair-complexioned one, slew his armies with her horns and with the soles of her hooves.
AI translation rendered from the Sanskrit, not a published edition
PdP 6 241.35
घातयित्वा मुहूर्त्तेन तत्सैन्यं शबला बलात् । अंतर्द्धानं गता देवी ययौ शक्रांतिकं क्षणात्
ghātayitvā muhūrttena tatsainyaṃ śabalā balāt | aṃtarddhānaṃ gatā devī yayau śakrāṃtikaṃ kṣaṇāt
Having forcibly destroyed that army in a moment, the goddess Śabalā vanished and in an instant went into Śakra's presence.
AI translation rendered from the Sanskrit, not a published edition
PdP 6 241.36
स्वसैन्यं निहतं दृष्ट्वा सोऽर्जुनः क्रोधमूर्च्छितः । मुष्टिना ताडयामास भार्गवं द्विजसत्तमम्
svasainyaṃ nihataṃ dṛṣṭvā so'rjunaḥ krodhamūrcchitaḥ | muṣṭinā tāḍayāmāsa bhārgavaṃ dvijasattamam
Seeing his own army slain, that Arjuna, stupefied with rage, struck the Bhārgava, the best of twice-born ones, with his fist.
AI translation rendered from the Sanskrit, not a published edition
PdP 6 241.37
ताडितस्तेन बहुशो विकलांगः प्रकल्पितः । पपात सहसा भूमौ ममार द्विजसत्तमः
tāḍitastena bahuśo vikalāṃgaḥ prakalpitaḥ | papāta sahasā bhūmau mamāra dvijasattamaḥ
Struck repeatedly by him, his limbs made crippled, he suddenly fell to the ground, and that best of the twice-born died.
AI translation rendered from the Sanskrit, not a published edition
PdP 6 241.38
हत्वा मुनिवरं तत्र पापत्मा हैहयाधिपः । महासैन्यपरीवारो विवेश नगरं स्वकम्
hatvā munivaraṃ tatra pāpatmā haihayādhipaḥ | mahāsainyaparīvāro viveśa nagaraṃ svakam
Having killed the best of sages there, the evil-souled lord of the Haihayas, surrounded by his great army, entered his own city.
AI translation rendered from the Sanskrit, not a published edition
PdP 6 241.39
रामस्तु देवदेवेशं पूजयामास भार्गवः । तेन संपूजितो देवः प्रसन्नः प्राह केशवः
rāmastu devadeveśaṃ pūjayāmāsa bhārgavaḥ | tena saṃpūjito devaḥ prasannaḥ prāha keśavaḥ
But Rāma the Bhārgava worshipped the Lord of the gods of gods; worshipped by him, the god Keśava, well pleased, spoke.
AI translation rendered from the Sanskrit, not a published edition
PdP 6 241.40
श्रीभगवानुवाच- प्रीतोस्मि तपसा वत्स भवतो नियतात्मनः । संप्रदास्यामि ते विप्र मच्छक्तिं परमां शुभाम्
śrībhagavānuvāca- prītosmi tapasā vatsa bhavato niyatātmanaḥ | saṃpradāsyāmi te vipra macchaktiṃ paramāṃ śubhām
The Blessed Lord said: I am pleased, child, with the austerity of you who are of controlled self; I shall bestow on you, brahmin, my supreme and auspicious power.
AI translation rendered from the Sanskrit, not a published edition
PdP 6 241.41
आवेशितोऽथ मच्छक्त्या जहि दुष्टान्नृपोत्तमान् । भूभारकविनाशाय देवतानां हिताय वै
āveśito'tha macchaktyā jahi duṣṭānnṛpottamān | bhūbhārakavināśāya devatānāṃ hitāya vai
Now, entered into by my power, slay the wicked foremost kings, for the destruction of the burden of the earth and indeed for the welfare of the gods.
AI translation rendered from the Sanskrit, not a published edition
PdP 6 241.42
ईश्वर उवाच- इत्युक्त्वा प्रददौ देवः परशुं शत्रुधर्षणम् । वैष्णवं च महच्चापं दिव्यान्यस्त्राण्यनेकशः । दत्वा प्रोवाच भगवाञ्जामदग्निं जनार्द्दनः
īśvara uvāca- ityuktvā pradadau devaḥ paraśuṃ śatrudharṣaṇam | vaiṣṇavaṃ ca mahaccāpaṃ divyānyastrāṇyanekaśaḥ | datvā provāca bhagavāñjāmadagniṃ janārddanaḥ
Īśvara said: Having said this, the god gave (him) the axe that crushes enemies, and the great Vaiṣṇava bow, and divine weapons of many kinds; and having given (them), the Blessed Janārdana spoke to the son of Jamadagni.
AI translation rendered from the Sanskrit, not a published edition
PdP 6 241.43
श्रीभगवानुवाच- मदोत्कटान्नृपान्हत्वा बहुशः परवीरहा । गृहाण पृथिवीं सर्वां सागरान्तां द्विजोत्तम
śrībhagavānuvāca- madotkaṭānnṛpānhatvā bahuśaḥ paravīrahā | gṛhāṇa pṛthivīṃ sarvāṃ sāgarāntāṃ dvijottama
The Blessed Lord said: Having slain many times over the kings intoxicated with pride, as slayer of enemy heroes, take the whole earth as far as the ocean, O best of the twice-born.
AI translation rendered from the Sanskrit, not a published edition
PdP 6 241.44
पालयस्व च धर्मेण वीर्य्येण महता वृतः । कालेन मत्पदं चापि मत्प्रसादाद्गमिष्यसि
pālayasva ca dharmeṇa vīryyeṇa mahatā vṛtaḥ | kālena matpadaṃ cāpi matprasādādgamiṣyasi
And protect (it) with righteousness, endowed with great valour; and in time, by my grace, you shall come to my abode.
AI translation rendered from the Sanskrit, not a published edition
PdP 6 241.45
ईश्वर उवाच- इत्युक्त्वांतर्हितो देवो वरं दत्वा द्विजन्मने । रामोऽपि चाथ सहसा प्रययौ पितुराश्रमम्
īśvara uvāca- ityuktvāṃtarhito devo varaṃ datvā dvijanmane | rāmo'pi cātha sahasā prayayau piturāśramam
Īśvara said: Having said this, the god, having given the boon to the twice-born one, vanished; and Rāma too then swiftly went to his father's hermitage.
AI translation rendered from the Sanskrit, not a published edition
PdP 6 241.46
पितरं निहतं दृष्ट्वा भार्गवः क्रोधमूर्च्छितः । निष्क्षत्रां कर्तुमन्विच्छन्महीं नृपसमाकुलाम्
pitaraṃ nihataṃ dṛṣṭvā bhārgavaḥ krodhamūrcchitaḥ | niṣkṣatrāṃ kartumanvicchanmahīṃ nṛpasamākulām
Seeing his father slain, the Bhārgava, stupefied with rage, sought to make the earth, crowded with kings, free of kṣatriyas.
AI translation rendered from the Sanskrit, not a published edition
PdP 6 241.47
जगाम हैहयपतेर्नगरं नृपसंवृतम् । क्रोधावेशज्वलद्गात्रो द्वार्य्यतिष्ठदुदायुधः
jagāma haihayapaternagaraṃ nṛpasaṃvṛtam | krodhāveśajvaladgātro dvāryyatiṣṭhadudāyudhaḥ
He went to the city of the lord of the Haihayas, thronged with kings; his body blazing with the onset of rage, he stood at the gate with weapon raised.
AI translation rendered from the Sanskrit, not a published edition
PdP 6 241.48
तं दृष्ट्वा तत्पुरजना जामदग्न्यं महौजसम् । जाज्वल्यमानं वपुषा कालाग्निमिव मेनिरे
taṃ dṛṣṭvā tatpurajanā jāmadagnyaṃ mahaujasam | jājvalyamānaṃ vapuṣā kālāgnimiva menire
Seeing him, the son of Jamadagni, of great vigour, blazing forth with his body, the people of that city thought (him) like the fire of time.
AI translation rendered from the Sanskrit, not a published edition
PdP 6 241.49
भयार्ता विद्रुताः सर्वे राजानं हैहयाधिपम् । शशंसुस्तं महासत्वं सर्वायुधसमन्वितम्
bhayārtā vidrutāḥ sarve rājānaṃ haihayādhipam | śaśaṃsustaṃ mahāsatvaṃ sarvāyudhasamanvitam
All of them, afflicted with fear, fled and reported to the king, the lord of the Haihayas, about that being of great strength, equipped with all weapons.
AI translation rendered from the Sanskrit, not a published edition
PdP 6 241.50
श्रुत्वा स राजा तद्वाक्यं प्राह विस्मितचेतसा । हैहयाधिप उवाच- कोऽसौ मम पुरद्वारि सायुधः संस्थितो बलात्
śrutvā sa rājā tadvākyaṃ prāha vismitacetasā | haihayādhipa uvāca- ko'sau mama puradvāri sāyudhaḥ saṃsthito balāt
Hearing that speech, the king spoke with astonished mind. The lord of the Haihayas said: Who is this who stands forcibly at my city's gate with weapons?
AI translation rendered from the Sanskrit, not a published edition
PdP 6 241.51
महेंद्रो वा यमो वापि रुद्रो वा धनदोऽपि वा । सायुधो मत्पुरद्वारि स्थातुं शक्तो न कर्हिचित्
maheṃdro vā yamo vāpi rudro vā dhanado'pi vā | sāyudho matpuradvāri sthātuṃ śakto na karhicit
Neither great Indra, nor Yama, nor Rudra, nor even the giver of wealth (Kubera) is ever able to stand armed at the gate of my city.
AI translation rendered from the Sanskrit, not a published edition
PdP 6 241.52
महादेव उवाच- इत्युक्त्वा पार्थिवेंद्रो ऽसौ किंकरान्सुमहाबलान् । प्रेरयामास तं द्रष्टुं गृह्णीतेत्याह दुर्मतिः
mahādeva uvāca- ityuktvā pārthiveṃdro 'sau kiṃkarānsumahābalān | prerayāmāsa taṃ draṣṭuṃ gṛhṇītetyāha durmatiḥ
Mahādeva said: Having said this, that lord of kings dispatched exceedingly mighty servants to look at him, and the evil-minded one said, "Seize (him)!"
AI translation rendered from the Sanskrit, not a published edition
PdP 6 241.53
ते गत्वा ददृशुर्वीरं पुरद्वारि महाबलम् । ज्वलंतमिव कालाग्निं दुर्निरीक्ष्यं स्वतेजसा
te gatvā dadṛśurvīraṃ puradvāri mahābalam | jvalaṃtamiva kālāgniṃ durnirīkṣyaṃ svatejasā
They went and saw the hero of great strength at the city gate, blazing like the fire of time, hard to look at because of his own splendour.
AI translation rendered from the Sanskrit, not a published edition
PdP 6 241.54
तस्य संदर्शनेऽप्यत्र न शक्तास्ते महाबलाः । ग्रहीतुकामस्तं वीरं समंतात्प्रययुर्भृशम्
tasya saṃdarśane'pyatra na śaktāste mahābalāḥ | grahītukāmastaṃ vīraṃ samaṃtātprayayurbhṛśam
Even at the mere sight of him those very strong men were unable (to stand) there; wishing to seize that hero, they advanced upon him from all sides in force.
AI translation rendered from the Sanskrit, not a published edition
PdP 6 241.55
तान्दृष्ट्वा सायुधान्सर्वान्पार्थिवेन्द्रस्य किंकरान् । प्रहसन्प्राह विप्रेन्द्रो जामदग्निर्महाबलः
tāndṛṣṭvā sāyudhānsarvānpārthivendrasya kiṃkarān | prahasanprāha viprendro jāmadagnirmahābalaḥ
Seeing them all, the servants of the lord of the earth, with weapons in hand, the chief of brahmins, the son of Jamadagni, of great strength, laughing, said:
AI translation rendered from the Sanskrit, not a published edition
PdP 6 241.56
परशुराम उवाच- भार्गवस्य सुतो रामः संप्राप्तोऽहं नराधमाः । स्वपितुर्निधनात्सर्वान्हनिष्यामि नृपोत्तमान्
paraśurāma uvāca- bhārgavasya suto rāmaḥ saṃprāpto'haṃ narādhamāḥ | svapiturnidhanātsarvānhaniṣyāmi nṛpottamān
Paraśurāma said: I am Rāma, the son of Bhṛgu's descendant, and I have come, O basest of men; because of the slaying of my own father I shall kill all the foremost kings.
AI translation rendered from the Sanskrit, not a published edition
PdP 6 241.57
कार्तवीर्यस्य रुधिरं मत्पित्रे तिलसंयुतम् । दास्यामि पिण्डदानं च तच्छिरः कमलेन वै
kārtavīryasya rudhiraṃ matpitre tilasaṃyutam | dāsyāmi piṇḍadānaṃ ca tacchiraḥ kamalena vai
I shall give Kārtavīrya's blood, mixed with sesame, to my father, and (I shall give) his head as the piṇḍa offering, together with a lotus.
AI translation rendered from the Sanskrit, not a published edition
PdP 6 241.58
महादेव उवाच- इत्युक्तास्ते महावीर्य्याः किंकरास्तस्य भूपतेः । शरैः स्म ताडयामासुः पलालैरिव पावकम्
mahādeva uvāca- ityuktāste mahāvīryyāḥ kiṃkarāstasya bhūpateḥ | śaraiḥ sma tāḍayāmāsuḥ palālairiva pāvakam
Mahādeva said: Thus addressed, those servants of that king, of great valour, struck him with arrows, as (one attacks) fire with straw.
AI translation rendered from the Sanskrit, not a published edition
PdP 6 241.59
ततः क्रुद्धो महावीर्यो रामस्सत्यपराक्रमः । वैष्णवं चापमाकृष्य ज्यानिनादमथाकरोत्
tataḥ kruddho mahāvīryo rāmassatyaparākramaḥ | vaiṣṇavaṃ cāpamākṛṣya jyāninādamathākarot
Then Rāma, enraged, of great valour, whose prowess is truth, drawing the Vaiṣṇava bow, made the twang of its string sound.
AI translation rendered from the Sanskrit, not a published edition
PdP 6 241.60
तेन नादेन महता पूरितं भुवनत्रयम् । देवानामपि संत्रासो बभूव महदद्भुतम्
tena nādena mahatā pūritaṃ bhuvanatrayam | devānāmapi saṃtrāso babhūva mahadadbhutam
By that mighty sound the three worlds were filled; there was terror even among the gods — a great marvel.
AI translation rendered from the Sanskrit, not a published edition
PdP 6 241.61
ततः पावकसंकाशैराशुगैः सुमहाबलः । ताडयामास तान्वीरान्किंकरान्वै महाबलान्
tataḥ pāvakasaṃkāśairāśugaiḥ sumahābalaḥ | tāḍayāmāsa tānvīrānkiṃkarānvai mahābalān
Then that exceedingly mighty one struck those heroes, the very strong servants, with swift arrows resembling fire.
AI translation rendered from the Sanskrit, not a published edition
PdP 6 241.62
हत्वा तु किंकरास्तस्य पार्थिवस्य महात्मनः । कालाग्निरिव संतस्थौ सर्वभूतभयंकरः
hatvā tu kiṃkarāstasya pārthivasya mahātmanaḥ | kālāgniriva saṃtasthau sarvabhūtabhayaṃkaraḥ
Having killed the servants of that great-souled king, he stood there like the fire of time, terrifying to all beings.
AI translation rendered from the Sanskrit, not a published edition
PdP 6 241.63
श्रुत्वा तु किंकरान्स्वस्य हतान्रामेण धीमता । हैहयाधिपतिर्वीरः क्रोधसंरक्तलोचनः
śrutvā tu kiṃkarānsvasya hatānrāmeṇa dhīmatā | haihayādhipatirvīraḥ krodhasaṃraktalocanaḥ
But hearing that his own servants had been slain by the wise Rāma, the heroic lord of the Haihayas, his eyes reddened with rage,
AI translation rendered from the Sanskrit, not a published edition
PdP 6 241.64
निर्य्ययौ सहसैन्येन यत्रास्ते भागवोऽव्ययः । तं दृष्ट्वा घोरसंकाशं ज्वलंतं स्वेन तेजसा
niryyayau sahasainyena yatrāste bhāgavo'vyayaḥ | taṃ dṛṣṭvā ghorasaṃkāśaṃ jvalaṃtaṃ svena tejasā
went forth with his army to where the imperishable descendant of Bhṛgu stood; seeing him, dreadful in appearance, blazing with his own splendour,
AI translation rendered from the Sanskrit, not a published edition
PdP 6 241.65
त्रस्ताः सर्वे जनास्तत्र शंकमाना जनक्षयम् । ततो युद्धं महाघोरं रामस्य नृपतेस्तदा
trastāḥ sarve janāstatra śaṃkamānā janakṣayam | tato yuddhaṃ mahāghoraṃ rāmasya nṛpatestadā
all the people there were frightened, suspecting the destruction of mankind. Then there was a most terrible battle between Rāma and the king,
AI translation rendered from the Sanskrit, not a published edition
PdP 6 241.66
शस्त्रास्त्रपातनैर्भीमैर्मेघयोरिव वर्षतोः । ततो रामो महातेजास्तत्सैन्यं नृपतेस्तदा
śastrāstrapātanairbhīmairmeghayoriva varṣatoḥ | tato rāmo mahātejāstatsainyaṃ nṛpatestadā
with fearsome discharges of weapons and missiles, as of two clouds raining down. Then Rāma of great splendour, (attacking) that army of the king,
AI translation rendered from the Sanskrit, not a published edition
PdP 6 241.67
निर्ददाह क्षणात्सर्वं वैष्णवास्त्रेण लीलया । ततः परशुना रामस्तीक्ष्णेनामितविक्रमः
nirdadāha kṣaṇātsarvaṃ vaiṣṇavāstreṇa līlayā | tataḥ paraśunā rāmastīkṣṇenāmitavikramaḥ
burned it all up in a moment, effortlessly, with the Vaiṣṇava missile. Then Rāma of measureless might, with his sharp axe,
AI translation rendered from the Sanskrit, not a published edition
PdP 6 241.68
चिच्छेद बाहुसाहस्रं कार्त्तवीर्यस्य दुर्मतेः । न शशाक महावीर्यो योद्धुं रामेण भूपतिः
ciccheda bāhusāhasraṃ kārttavīryasya durmateḥ | na śaśāka mahāvīryo yoddhuṃ rāmeṇa bhūpatiḥ
cut off the thousand arms of the evil-minded Kārtavīrya; the king, though of great valour, was unable to fight with Rāma.
AI translation rendered from the Sanskrit, not a published edition
PdP 6 241.69
नष्टवीर्य्यो बभूवात्र पापेन स्वेन दुर्म्मतिः । चिच्छेद तच्छिरः क्रुद्धो रेणुकातनयो बली
naṣṭavīryyo babhūvātra pāpena svena durmmatiḥ | ciccheda tacchiraḥ kruddho reṇukātanayo balī
There the evil-minded one became bereft of valour through his own sin; and the strong son of Reṇukā, enraged, cut off his head,
AI translation rendered from the Sanskrit, not a published edition
PdP 6 241.70
महाद्रिशृड्गंवज्रेण यथा देवपतिर्बली । हत्वा सहस्रबाहुं तं जामदग्न्यः प्रतापवान्
mahādriśṛḍgaṃvajreṇa yathā devapatirbalī | hatvā sahasrabāhuṃ taṃ jāmadagnyaḥ pratāpavān
as the mighty lord of the gods (cuts off) the peak of a great mountain with his thunderbolt. Having slain that thousand-armed one, the glorious son of Jamadagni
AI translation rendered from the Sanskrit, not a published edition
PdP 6 241.71
जघान पार्थिवान्सर्वान्क्रुद्धः परशुना मृधे । रामं दृष्ट्वा महारौद्रं पार्थिवाः पृथिवीतले
jaghāna pārthivānsarvānkruddhaḥ paraśunā mṛdhe | rāmaṃ dṛṣṭvā mahāraudraṃ pārthivāḥ pṛthivītale
in his rage slew all the kings with his axe in battle. Seeing Rāma most terrible, the kings upon the earth,
AI translation rendered from the Sanskrit, not a published edition
PdP 6 241.72
भयार्त्ता विद्रुताः सर्वे मातंगा इव केसरिम् । विद्रुतानपि भूपालान्पितुर्निधनमन्युना
bhayārttā vidrutāḥ sarve mātaṃgā iva kesarim | vidrutānapi bhūpālānpiturnidhanamanyunā
all stricken with fear, fled, like elephants from a lion; and even as the kings fled, out of wrath at his father's slaying
AI translation rendered from the Sanskrit, not a published edition
PdP 6 241.73
जघान भार्गवः क्रुद्धो नागानिव खगेश्वरः । निःक्षत्रं कृतवान्सर्वं जामदग्निः प्रतापवान्
jaghāna bhārgavaḥ kruddho nāgāniva khageśvaraḥ | niḥkṣatraṃ kṛtavānsarvaṃ jāmadagniḥ pratāpavān
the enraged descendant of Bhṛgu slew them, as the king of birds (slays) serpents; the glorious son of Jamadagni made the whole (earth) free of kṣatriyas.
AI translation rendered from the Sanskrit, not a published edition
PdP 6 241.74
ररक्ष भगवानेकमिक्ष्वाकोः सुमहत्कुलम् । मातामहस्यान्वयत्वाद्रेणुकावचनादथ
rarakṣa bhagavānekamikṣvākoḥ sumahatkulam | mātāmahasyānvayatvādreṇukāvacanādatha
The Lord alone spared one very great family, that of Ikṣvāku, since it was the lineage of his maternal grandfather, and because of Reṇukā's word.
AI translation rendered from the Sanskrit, not a published edition
PdP 6 241.75
तान्भ्रष्टराज्यान्कृत्वा वै मातामहकुलोद्भवान् । न हत्वा मनुवंशांस्तान्रामो नृपकुलांतकः
tānbhraṣṭarājyānkṛtvā vai mātāmahakulodbhavān | na hatvā manuvaṃśāṃstānrāmo nṛpakulāṃtakaḥ
Having only deprived of their kingdoms those born in his maternal grandfather's family, not killing those of Manu's lineage — Rāma, the ender of the royal houses —
AI translation rendered from the Sanskrit, not a published edition
PdP 6 241.76
सर्वं तु भूभृतां वंशं नाशयामास वीर्य्यवान् । कृत्वा चोर्वीं तु निःक्षत्रां जमदग्निसुतो बली
sarvaṃ tu bhūbhṛtāṃ vaṃśaṃ nāśayāmāsa vīryyavān | kṛtvā corvīṃ tu niḥkṣatrāṃ jamadagnisuto balī
— the valiant one destroyed the entire lineage of the rulers of the earth; and the mighty son of Jamadagni, having made the earth free of kṣatriyas,
AI translation rendered from the Sanskrit, not a published edition
PdP 6 241.77
अश्वमेधं महायज्ञं चकार विधिवद्द्विजः । प्रददौ विप्रमुख्येभ्यः सप्तद्वीपवतीं महीम्
aśvamedhaṃ mahāyajñaṃ cakāra vidhivaddvijaḥ | pradadau vipramukhyebhyaḥ saptadvīpavatīṃ mahīm
the twice-born one performed the great sacrifice, the horse-sacrifice, according to rule, and gave away the earth with its seven continents to the foremost of brahmins.
AI translation rendered from the Sanskrit, not a published edition
PdP 6 241.78
दत्वा महीं स विप्रेभ्यो जामदग्न्यः प्रतापवान् । तपस्तप्तुं ययौ सोऽथ नरनारायणाश्रमम्
datvā mahīṃ sa viprebhyo jāmadagnyaḥ pratāpavān | tapastaptuṃ yayau so'tha naranārāyaṇāśramam
Having given the earth to the brahmins, the majestic son of Jamadagni then went to the hermitage of Nara and Nārāyaṇa to perform austerity.
AI translation rendered from the Sanskrit, not a published edition
PdP 6 241.79
एतत्ते कथितं देवि जामदग्नेर्महात्मनः । शक्त्यावेशावतारस्य चरितं शार्ङ्गिणः प्रभोः
etatte kathitaṃ devi jāmadagnermahātmanaḥ | śaktyāveśāvatārasya caritaṃ śārṅgiṇaḥ prabhoḥ
This, O goddess, has been told to you: the deeds of the great-souled son of Jamadagni, of the Lord, the bearer of the bow (Śārṅgin), who was an avatāra by an infusion of power.
AI translation rendered from the Sanskrit, not a published edition
PdP 6 241.80
नोपास्यं हि भवेत्तस्य शक्त्यावेशान्महात्मनः । उपास्यौ भगवद्भक्तैर्विप्रमुख्यैर्महात्मभिः
nopāsyaṃ hi bhavettasya śaktyāveśānmahātmanaḥ | upāsyau bhagavadbhaktairvipramukhyairmahātmabhiḥ
For that great-souled one should not be an object of worship, since he was (only) an infusion of power; the two (avatāras) are to be worshipped by the devotees of the Lord, by the foremost great-souled brahmins.
AI translation rendered from the Sanskrit, not a published edition — the model flagged this verse as uncertain
PdP 6 241.81
रामकृष्णावतारौ तु परिपूर्णौ हि सद्गुणैः । उपास्यमानावृषिभिरपवर्गप्रदौ नृणाम्
rāmakṛṣṇāvatārau tu paripūrṇau hi sadguṇaiḥ | upāsyamānāvṛṣibhirapavargapradau nṛṇām
But the avatāras of Rāma and Kṛṣṇa are wholly complete with the good qualities; worshipped by the sages, they grant final release to men.
AI translation rendered from the Sanskrit, not a published edition