Padma Purana — Uttara Khanda — Chapter 235
PdP 6 235.1
श्रीपार्वत्युवाच- पाषंडानां च संवादं वर्जयेदिति यत्त्वया
śrīpārvatyuvāca- pāṣaṃḍānāṃ ca saṃvādaṃ varjayediti yattvayā
Śrī Pārvatī said: As for what you (said), that one should avoid conversation with heretics (pāṣaṇḍas) —
AI translation rendered from the Sanskrit, not a published edition
PdP 6 235.2
उक्तं ममेह भगवान्श्वपचादपि गर्हितम् । ते यादृशाः समाख्याताः कैर्लिंङ्गैश्चिह्निता भुवि । रुद्र उवाच- येऽन्यदेवं परत्वेन वदंत्यज्ञानमोहिताः
uktaṃ mameha bhagavānśvapacādapi garhitam | te yādṛśāḥ samākhyātāḥ kairliṃṅgaiścihnitā bhuvi | rudra uvāca- ye'nyadevaṃ paratvena vadaṃtyajñānamohitāḥ
— that was told to me here, O Lord, (saying that) it is blameworthy (to converse) even with a dog-cooker. Of what sort are those who have been so described? By what marks are they distinguished on earth? Rudra said: Those who, deluded by ignorance, declare another god to be supreme
AI translation rendered from the Sanskrit, not a published edition
PdP 6 235.3
नारायणाज्जगन्नाथात्ते वै पाषंडिनः स्मृताः । कपालभस्मास्थिधरा ये ह्यवैदिकलिङ्गिनः
nārāyaṇājjagannāthātte vai pāṣaṃḍinaḥ smṛtāḥ | kapālabhasmāsthidharā ye hyavaidikaliṅginaḥ
over Nārāyaṇa, the Lord of the world — they indeed are reckoned heretics; and those who carry skulls, ashes and bones, who bear non-Vedic marks,
AI translation rendered from the Sanskrit, not a published edition
PdP 6 235.4
ऋते वनस्थाश्रमाच्च जटावल्कलधारिणः । अवैदिकक्रियोपेतास्तै वै पाषंडिनस्तथा
ṛte vanasthāśramācca jaṭāvalkaladhāriṇaḥ | avaidikakriyopetāstai vai pāṣaṃḍinastathā
— apart from those in the forest-dwelling stage of life — who wear matted hair and bark garments, (and) who are engaged in non-Vedic practices: they too are indeed heretics.
AI translation rendered from the Sanskrit, not a published edition
PdP 6 235.5
शंखचक्रोर्ध्वपुंड्रादि चिह्नैः प्रियतमैर्हरेः । रहिता ये द्विजा देवि ते वै पाषंडिनः स्मृताः
śaṃkhacakrordhvapuṃḍrādi cihnaiḥ priyatamairhareḥ | rahitā ye dvijā devi te vai pāṣaṃḍinaḥ smṛtāḥ
Those twice-born who are devoid of the marks most dear to Hari — the conch, the discus, the upright mark (ūrdhvapuṇḍra) and the rest — they, O Goddess, are reckoned heretics.
AI translation rendered from the Sanskrit, not a published edition
PdP 6 235.6
श्रुतिस्मृत्युदिताचारं यस्तु नाचरति द्विजः । स पाषंडीति विज्ञेयः सर्वलोकेषु गर्हितः
śrutismṛtyuditācāraṃ yastu nācarati dvijaḥ | sa pāṣaṃḍīti vijñeyaḥ sarvalokeṣu garhitaḥ
And the twice-born who does not practise the conduct declared in śruti and smṛti is to be known as a heretic, blamed in all the worlds.
AI translation rendered from the Sanskrit, not a published edition
PdP 6 235.7
विना वै भगवत्प्रीत्या ते वै पाषंडिनः स्मृताः । समस्तयज्ञभोक्तारं विष्णुं वै ब्रह्मदैवतम्
vinā vai bhagavatprītyā te vai pāṣaṃḍinaḥ smṛtāḥ | samastayajñabhoktāraṃ viṣṇuṃ vai brahmadaivatam
Without (acting for) the Lord's pleasure, they indeed are reckoned heretics. Viṣṇu, the deity of Brahman, is the enjoyer of all sacrifices;
AI translation rendered from the Sanskrit, not a published edition
PdP 6 235.8
उदिश्य देवता एव जुहोति च ददाति च । स पाषण्डीति विज्ञेयः स्वतंत्रः सर्वकर्मसु
udiśya devatā eva juhoti ca dadāti ca | sa pāṣaṇḍīti vijñeyaḥ svataṃtraḥ sarvakarmasu
(yet he who) offers oblations and gives gifts intending only (other) deities is to be known as a heretic, (as is one who is) independent in all rites,
AI translation rendered from the Sanskrit, not a published edition
PdP 6 235.9
स्वातंत्र्यात्कुरुते यस्तु कर्म वेदोदितं महत् । यस्तु नारायणं देवं ब्रह्मरुद्रादिदैवतैः
svātaṃtryātkurute yastu karma vedoditaṃ mahat | yastu nārāyaṇaṃ devaṃ brahmarudrādidaivataiḥ
who out of independence performs the great rite declared by the Veda. And he who (regards) the god Nārāyaṇa
AI translation rendered from the Sanskrit, not a published edition
PdP 6 235.10
सममन्यैर्निरीक्षेत स पाषंडी भवेत्सदा । अवस्थात्रितये यस्तु मनोवाक्कायकर्म्मभिः
samamanyairnirīkṣeta sa pāṣaṃḍī bhavetsadā | avasthātritaye yastu manovākkāyakarmmabhiḥ
as equal with the other deities, Brahmā, Rudra and the rest, always becomes a heretic. And he who, in the three states, by the acts of mind, speech and body,
AI translation rendered from the Sanskrit, not a published edition
PdP 6 235.11
वासुदेवं न जानाति स पाषंडी भवेद्दिवजः । किमत्र बहुनोक्तेन ब्राह्मणा येप्यवैष्णवाः
vāsudevaṃ na jānāti sa pāṣaṃḍī bhaveddivajaḥ | kimatra bahunoktena brāhmaṇā yepyavaiṣṇavāḥ
does not know Vāsudeva — that twice-born becomes a heretic. What need of much speech here: even brahmins, if they are not Vaiṣṇavas,
AI translation rendered from the Sanskrit, not a published edition
PdP 6 235.12
न स्प्रष्टव्या न वक्तव्या न द्रष्टव्याः कदाचन । पार्वत्युवाच- भगवन्परमं गुह्यं पृच्छामि सुरसत्तम
na spraṣṭavyā na vaktavyā na draṣṭavyāḥ kadācana | pārvatyuvāca- bhagavanparamaṃ guhyaṃ pṛcchāmi surasattama
are not to be touched, not to be spoken with, never to be looked at. Pārvatī said: O Lord, best of the gods, I ask about a supreme secret;
AI translation rendered from the Sanskrit, not a published edition
PdP 6 235.13
मयि प्रीत्या समाचक्ष्व संशयो वर्त्तते भृशम् । कपालभस्मचर्म्मास्थि धारणं श्रुतिगर्हितम्
mayi prītyā samācakṣva saṃśayo varttate bhṛśam | kapālabhasmacarmmāsthi dhāraṇaṃ śrutigarhitam
out of affection for me, explain it fully; a doubt greatly persists (in me). The wearing of skull, ashes, hide and bone is censured by śruti;
AI translation rendered from the Sanskrit, not a published edition
PdP 6 235.14
तत्त्वया धार्य्यते देव गर्हितं केन हेतुना । स्त्रीचापल्येन देवेश पृच्छामि त्वां महामते
tattvayā dhāryyate deva garhitaṃ kena hetunā | strīcāpalyena deveśa pṛcchāmi tvāṃ mahāmate
yet that censured (practice) is worn by you, O God — for what reason? Out of a woman's fickleness, O lord of gods, I ask you, O great-minded one.
AI translation rendered from the Sanskrit, not a published edition
PdP 6 235.15
महाप्रभावात्कथितं न कर्त्तव्यं क्वचिद्भवेत् । त्वयेति न पुरा प्रोक्तं विस्तरेण महाप्रभो
mahāprabhāvātkathitaṃ na karttavyaṃ kvacidbhavet | tvayeti na purā proktaṃ vistareṇa mahāprabho
What is told (only) because of its great power should nowhere be done — and this was not formerly declared by you at length, O great Lord;
AI translation rendered from the Sanskrit, not a published edition — the model flagged this verse as uncertain
PdP 6 235.16
अकर्त्तव्यमिति प्रश्नं क्षंतुमर्हसि मे प्रभो । वसिष्ठ उवाच- इति देव्या हरः पृष्टो रहस्ये जनवर्जिते
akarttavyamiti praśnaṃ kṣaṃtumarhasi me prabho | vasiṣṭha uvāca- iti devyā haraḥ pṛṣṭo rahasye janavarjite
so you should forgive me, O Lord, this question that ought not to be asked. Vasiṣṭha said: Thus questioned by the Goddess, Hara, in a secret place free of people,
AI translation rendered from the Sanskrit, not a published edition
PdP 6 235.17
उवाच परमं गुह्यं यद्यदाचरितं स्वकम् । शिव उवाच- शृणु देवि प्रवक्ष्यामि यद्गुह्यं परमाद्भुतम्
uvāca paramaṃ guhyaṃ yadyadācaritaṃ svakam | śiva uvāca- śṛṇu devi pravakṣyāmi yadguhyaṃ paramādbhutam
spoke the supreme secret, whatever he himself had practised. Śiva said: Listen, Goddess, I shall declare that secret which is supremely wondrous.
AI translation rendered from the Sanskrit, not a published edition
PdP 6 235.18
न वक्तव्यं त्वया देवि जनेषु कथितं मया । अपृथक्त्वाच्छरीरस्य वक्ष्यामि तव सुव्रते
na vaktavyaṃ tvayā devi janeṣu kathitaṃ mayā | apṛthaktvāccharīrasya vakṣyāmi tava suvrate
What is told by me must not be spoken by you among people, O Goddess; because (your) body is not separate (from mine) I shall tell you, O you of good vows.
AI translation rendered from the Sanskrit, not a published edition
PdP 6 235.19
नमुच्याद्या महादैत्याः पुरा स्वायंभुवेंतरे । महाबला महावीर्या महावीरा महौजसः
namucyādyā mahādaityāḥ purā svāyaṃbhuveṃtare | mahābalā mahāvīryā mahāvīrā mahaujasaḥ
Formerly, in the Manu-period of Svāyambhuva, the great Daityas headed by Namuci — of great strength, great valour, great heroism, great vigour —
AI translation rendered from the Sanskrit, not a published edition
PdP 6 235.20
सर्वे विष्णुरताः शुद्धाः सर्वपापविवर्जिताः । त्रयीधर्मवृताः सर्वे भग्ना इंद्रपुरोगमाः
sarve viṣṇuratāḥ śuddhāḥ sarvapāpavivarjitāḥ | trayīdharmavṛtāḥ sarve bhagnā iṃdrapurogamāḥ
all devoted to Viṣṇu, pure, free from all sin, all observing the dharma of the three Vedas — (by them) those led by Indra were routed.
AI translation rendered from the Sanskrit, not a published edition
PdP 6 235.21
विष्णोः समीपमागम्य भयार्त्ताः शरणं गताः । देवा ऊचुः। अजेयान्सर्वदेवानां तपोनिर्द्धूतकल्मषान्
viṣṇoḥ samīpamāgamya bhayārttāḥ śaraṇaṃ gatāḥ | devā ūcuḥ| ajeyānsarvadevānāṃ taponirddhūtakalmaṣān
Having come into Viṣṇu's presence, tormented by fear, they went to (him for) refuge. The gods said: "(These demons are) unconquerable by all the gods, their impurity shaken off by austerity;
AI translation rendered from the Sanskrit, not a published edition
PdP 6 235.22
त्वमेवैतान्महादैत्याञ्जेतुमर्हसि केशव । महादेव उवाच-। इत्याकर्ण्य हरिर्वाक्यं देवानां च भयानकम्
tvamevaitānmahādaityāñjetumarhasi keśava | mahādeva uvāca-| ityākarṇya harirvākyaṃ devānāṃ ca bhayānakam
you alone are able to conquer these great demons, O Keśava." Mahādeva said: Having heard this speech of Hari and the fearful (speech) of the gods,
AI translation rendered from the Sanskrit, not a published edition
PdP 6 235.23
तान्समाश्वास्य दिक्पालान्मामाह पुरुषोत्तमः । श्रीभगवानुवाच- त्वं हि रुद्र महाबाहो मोहनार्थे सुरद्विषाम्
tānsamāśvāsya dikpālānmāmāha puruṣottamaḥ | śrībhagavānuvāca- tvaṃ hi rudra mahābāho mohanārthe suradviṣām
the Supreme Person, reassuring those guardians of the quarters, said to me: The Blessed Lord said: You indeed, O Rudra of mighty arms, for the deluding of the enemies of the gods,
AI translation rendered from the Sanskrit, not a published edition
PdP 6 235.24
पाषंडाचरणं धर्मं कुरुष्व सुरसत्तम । तामसानि पुराणानि कथयस्व च तान्प्रति
pāṣaṃḍācaraṇaṃ dharmaṃ kuruṣva surasattama | tāmasāni purāṇāni kathayasva ca tānprati
establish a heretical practice as (their) dharma, O best of gods, and recite to them the Purāṇas that are of darkness (tāmasa);
AI translation rendered from the Sanskrit, not a published edition
PdP 6 235.25
मोहनानि च शास्त्राणि कुरुष्व च महामते । मयि मुक्ताश्च विप्रश्च भविष्यंति महर्षयः
mohanāni ca śāstrāṇi kuruṣva ca mahāmate | mayi muktāśca vipraśca bhaviṣyaṃti maharṣayaḥ
and compose deluding treatises, O greatly wise one. And there will be brahmins and great seers devoted to me,
AI translation rendered from the Sanskrit, not a published edition
PdP 6 235.26
मद्भक्त्या तान्समाविश्य कथयस्व च तामसान् । काणादं गौतमं शक्तिमुपमन्युं च जैमिनिम्
madbhaktyā tānsamāviśya kathayasva ca tāmasān | kāṇādaṃ gautamaṃ śaktimupamanyuṃ ca jaiminim
and entering into them by devotion to me, recite the tāmasa (teachings): Kāṇāda, Gautama, Śakti, Upamanyu and Jaimini,
AI translation rendered from the Sanskrit, not a published edition
PdP 6 235.27
कपिलं चैव दुर्वासं मृकंडुं च बृहस्पतिम् । भार्गवं जामदग्न्यं च दशैतांस्तामसानृषीन्
kapilaṃ caiva durvāsaṃ mṛkaṃḍuṃ ca bṛhaspatim | bhārgavaṃ jāmadagnyaṃ ca daśaitāṃstāmasānṛṣīn
and Kapila, Durvāsas, Mṛkaṇḍu and Bṛhaspati, Bhārgava and Jāmadagnya — these ten seers of darkness,
AI translation rendered from the Sanskrit, not a published edition
PdP 6 235.28
भावशक्त्या समाविश्य कुर्वता जगतो शिवम् । त्वच्छक्त्या च निविष्टास्ते तमसोद्रिक्तया भृशम्
bhāvaśaktyā samāviśya kurvatā jagato śivam | tvacchaktyā ca niviṣṭāste tamasodriktayā bhṛśam
entering (them) by the power of (your) intent, working the welfare of the world; and they, entered by your power which is greatly overladen with darkness,
AI translation rendered from the Sanskrit, not a published edition — the model flagged this verse as uncertain
PdP 6 235.29
तामसास्ते भविष्यंति क्षणादेव न संशयः । कथयिष्यंति ते विप्रास्तामसानि जगत्त्रये
tāmasāste bhaviṣyaṃti kṣaṇādeva na saṃśayaḥ | kathayiṣyaṃti te viprāstāmasāni jagattraye
will become tāmasa in a single moment, there is no doubt; those brahmins will recite the tāmasa (works) in the three worlds —
AI translation rendered from the Sanskrit, not a published edition
PdP 6 235.30
पुराणानि च शास्त्रणि त्वया सत्वेन बृंहिताः । कपालचर्म्मभस्मास्थि चिह्नान्यमरसर्वशः
purāṇāni ca śāstraṇi tvayā satvena bṛṃhitāḥ | kapālacarmmabhasmāsthi cihnānyamarasarvaśaḥ
Purāṇas and treatises, swollen out by you in substance. Skull, hide, ashes, bone as marks, ...
AI translation rendered from the Sanskrit, not a published edition — the model flagged this verse as uncertain
PdP 6 235.31
त्वमेव धृतवान्लोकान्मोहयस्व जगत्त्रये । तथा पाशुपतं शास्त्रं त्वमेव कुरु सत्कृतः
tvameva dhṛtavānlokānmohayasva jagattraye | tathā pāśupataṃ śāstraṃ tvameva kuru satkṛtaḥ
you yourself, having worn (these), delude the people in the three worlds; likewise do you yourself, being honoured, compose the Pāśupata treatise,
AI translation rendered from the Sanskrit, not a published edition
PdP 6 235.32
कंकालशैवपाषंडमहाशैवादिभेदतः । अलक्ष्यं च मतं सम्यग्वेदबाह्यं नराधमाः
kaṃkālaśaivapāṣaṃḍamahāśaivādibhedataḥ | alakṣyaṃ ca mataṃ samyagvedabāhyaṃ narādhamāḥ
with divisions such as Kaṅkāla, Śaiva, Pāṣaṇḍa, Mahāśaiva and the rest — and (that) doctrine is quite unmarked (by authority) and outside the Veda; the lowest of men,
AI translation rendered from the Sanskrit, not a published edition — the model flagged this verse as uncertain
PdP 6 235.33
भस्मास्थिधारिणः सर्वे भविष्यंति ह्यचेतसः । त्वां परत्वेन वक्ष्यंति सर्वशास्त्रेषु तामसाः
bhasmāsthidhāriṇaḥ sarve bhaviṣyaṃti hyacetasaḥ | tvāṃ paratvena vakṣyaṃti sarvaśāstreṣu tāmasāḥ
all wearers of ashes and bones, will become mindless; the tāmasa (works) will declare you as the highest in all the treatises.
AI translation rendered from the Sanskrit, not a published edition
PdP 6 235.34
तेषां मतमधिष्ठाय सर्वे दैत्याः सनातनाः । भवेयुस्ते मद्विमुखाः क्षणादेव न संशयः
teṣāṃ matamadhiṣṭhāya sarve daityāḥ sanātanāḥ | bhaveyuste madvimukhāḥ kṣaṇādeva na saṃśayaḥ
Taking their stand upon that doctrine, all the ancient demons would become turned away from me in a single moment, there is no doubt.
AI translation rendered from the Sanskrit, not a published edition
PdP 6 235.35
अहमप्यवतारेषु त्वां च रुद्र महाबल । तामसानां मोहनार्थं पूजयामि युगे युगे
ahamapyavatāreṣu tvāṃ ca rudra mahābala | tāmasānāṃ mohanārthaṃ pūjayāmi yuge yuge
And I too, in (my) incarnations, worship you, O Rudra of great strength, age after age, for the deluding of the tāmasa ones.
AI translation rendered from the Sanskrit, not a published edition
PdP 6 235.36
मतमेतदवष्टभ्य पतंत्येव न संशयः । महादेव उवाच-। तच्छ्रुत्वाहं यथोक्तं तु वासुदेवेन भामिनि
matametadavaṣṭabhya pataṃtyeva na saṃśayaḥ | mahādeva uvāca-| tacchrutvāhaṃ yathoktaṃ tu vāsudevena bhāmini
Relying on this doctrine they simply fall, there is no doubt. Mahādeva said: Having heard that spoken thus by Vāsudeva, O radiant lady,
AI translation rendered from the Sanskrit, not a published edition
PdP 6 235.37
सुमहद्वदनो दीनो बभूवात्र वरानने । नमस्कृत्वाथ तं देवमब्रवं परमेश्वरम्
sumahadvadano dīno babhūvātra varānane | namaskṛtvātha taṃ devamabravaṃ parameśvaram
I became greatly downcast of face and dejected there, O fair-faced one; then, having bowed to that god, I said to the Supreme Lord:
AI translation rendered from the Sanskrit, not a published edition
PdP 6 235.38
त्वयोदितमिदं देव करोमि यदि भूतले । तस्मान्नाशाय मे नाथ भविष्यति न संशयः
tvayoditamidaṃ deva karomi yadi bhūtale | tasmānnāśāya me nātha bhaviṣyati na saṃśayaḥ
"If, O god, I do on earth this that has been said by you, then it will be for my destruction, O lord — there is no doubt.
AI translation rendered from the Sanskrit, not a published edition
PdP 6 235.39
तत्र शक्यं मया कर्तुमेतत्कृत्यं हरेऽधुना । त्वदाज्ञापि च नोल्लंघ्या एतद्दुःखतरं महत्
tatra śakyaṃ mayā kartumetatkṛtyaṃ hare'dhunā | tvadājñāpi ca nollaṃghyā etadduḥkhataraṃ mahat
In that case this deed can (indeed) be done by me now, O Hari, and yet your command is not to be transgressed: this is a very great sorrow."
AI translation rendered from the Sanskrit, not a published edition — the model flagged this verse as uncertain
PdP 6 235.40
एवमुक्ते ततो देवि समाश्वास्य च मां पुनः । आत्मनाशाय तेनात्र भवत्वित्याह मां हरिः
evamukte tato devi samāśvāsya ca māṃ punaḥ | ātmanāśāya tenātra bhavatvityāha māṃ hariḥ
When this had been said, then, O goddess, comforting me again, Hari said to me: "Let it be so here, even for (your) own destruction thereby."
AI translation rendered from the Sanskrit, not a published edition — the model flagged this verse as uncertain
PdP 6 235.41
देवतानां हितार्थाय कुरुष्व वचनं मम। तवापि जीवनोपायं कथयामि सुरोत्तम
devatānāṃ hitārthāya kuruṣva vacanaṃ mama| tavāpi jīvanopāyaṃ kathayāmi surottama
"For the benefit of the gods, carry out my word. And I shall tell you the means of your own survival too, best of gods."
AI translation rendered from the Sanskrit, not a published edition
PdP 6 235.42
दत्तवान्कृपया मह्यमात्मनाम सहस्रकम् । हृदये मां समाधाय जप मंत्रं ममाव्ययम्
dattavānkṛpayā mahyamātmanāma sahasrakam | hṛdaye māṃ samādhāya japa maṃtraṃ mamāvyayam
He graciously gave me the thousand names of himself: "Fixing me in your heart, recite my imperishable mantra."
AI translation rendered from the Sanskrit, not a published edition
PdP 6 235.43
षडक्षरं महामंत्रं तारकं ब्रह्म उच्यते । ये जपंति हि मां भक्त्या तेषां मुक्तिर्न संशयः
ṣaḍakṣaraṃ mahāmaṃtraṃ tārakaṃ brahma ucyate | ye japaṃti hi māṃ bhaktyā teṣāṃ muktirna saṃśayaḥ
"The great mantra of six syllables is called the Brahman that carries (one) across; those who recite it with devotion to me — their liberation is beyond doubt."
AI translation rendered from the Sanskrit, not a published edition
PdP 6 235.44
इंदीवरदलश्यामं पद्मपत्रविलोचनम् । शंखांगशार्ङ्गेषुधरं सर्वाभरणभूषितम्
iṃdīvaradalaśyāmaṃ padmapatravilocanam | śaṃkhāṃgaśārṅgeṣudharaṃ sarvābharaṇabhūṣitam
"(Meditating on him who is) dark as the petal of a blue lotus, with eyes like lotus petals, bearing conch, ring(?), bow and arrow, adorned with every ornament,"
AI translation rendered from the Sanskrit, not a published edition — the model flagged this verse as uncertain
PdP 6 235.45
पीतवस्त्रं चतुर्बाहुं जानकीप्रियवल्लभम् । श्रीरामाय नम इत्येवमुच्चार्य्यं मन्त्रमुत्तमम्
pītavastraṃ caturbāhuṃ jānakīpriyavallabham | śrīrāmāya nama ityevamuccāryyaṃ mantramuttamam
"clad in yellow, four-armed, the beloved husband of Jānakī — the supreme mantra 'homage to Śrī Rāma' is thus to be uttered."
AI translation rendered from the Sanskrit, not a published edition
PdP 6 235.46
सर्वदुःखहरं चैतत्पापिनामपि मुक्तिदम् । इमं मंत्रं जपन्नित्यममलस्त्वं भविष्यसि
sarvaduḥkhaharaṃ caitatpāpināmapi muktidam | imaṃ maṃtraṃ japannityamamalastvaṃ bhaviṣyasi
"And this (mantra) removes all suffering and grants liberation even to sinners; reciting this mantra constantly you will become stainless."
AI translation rendered from the Sanskrit, not a published edition
PdP 6 235.47
भस्मास्थिधारणाद्यत्तु संभूतं किल्बिषं त्वयि । मंगलं तदभूत्सर्वं मन्मंत्रोच्चारणाच्छुभात्
bhasmāsthidhāraṇādyattu saṃbhūtaṃ kilbiṣaṃ tvayi | maṃgalaṃ tadabhūtsarvaṃ manmaṃtroccāraṇācchubhāt
"Whatever defilement has arisen in you from wearing ashes and bones and the rest, all that has become auspicious through the holy uttering of my mantra."
AI translation rendered from the Sanskrit, not a published edition
PdP 6 235.48
तर्पितो नाशयिष्यामि पापं सर्वं सुरोत्तम । मदन्यदेवताभक्तिर्जायते न तु सुव्रत
tarpito nāśayiṣyāmi pāpaṃ sarvaṃ surottama | madanyadevatābhaktirjāyate na tu suvrata
"When propitiated I shall destroy all (your) sin, best of gods; but devotion to a deity other than me does not arise (in you), you of good vows."
AI translation rendered from the Sanskrit, not a published edition
PdP 6 235.49
मनसैवार्च्चय हृदि मां नाथं पुरुषोत्तमम् । मदाज्ञां कुरु मत्प्रीत्या सर्वमेतच्छुभं तव
manasaivārccaya hṛdi māṃ nāthaṃ puruṣottamam | madājñāṃ kuru matprītyā sarvametacchubhaṃ tava
"Worship me, the Lord, the Supreme Person, in your heart with the mind alone; carry out my command out of love for me — all this is for your good."
AI translation rendered from the Sanskrit, not a published edition
PdP 6 235.50
इति संदिश्य मां देवि विससर्ज मरुद्गणान् । विसृष्टास्ते ततो देवा निवृत्ताः स्वाश्रमं ययुः
iti saṃdiśya māṃ devi visasarja marudgaṇān | visṛṣṭāste tato devā nivṛttāḥ svāśramaṃ yayuḥ
Having thus instructed me, goddess, he dismissed the hosts of the Maruts; and those gods, dismissed, turned back and went to their own hermitages.
AI translation rendered from the Sanskrit, not a published edition
PdP 6 235.51
ततो मां प्रार्थयामासुर्देवा इंद्र पुरोगमाः । इन्द्रादय ऊचुः । शीघ्रं कुरु हितं देव यथोक्तं हरिणाधुना
tato māṃ prārthayāmāsurdevā iṃdra purogamāḥ | indrādaya ūcuḥ | śīghraṃ kuru hitaṃ deva yathoktaṃ hariṇādhunā
Then the gods, with Indra at their head, entreated me. Indra and the others said: "Quickly do the good (deed), O god, as it has just now been declared by Hari."
AI translation rendered from the Sanskrit, not a published edition
PdP 6 235.52
महादेव उवाच- देवतानां हितार्थाय वृत्तिं पाखंडिनां शुभे । कपालचर्मभस्मास्थिधारणं तत्कृतं मया
mahādeva uvāca- devatānāṃ hitārthāya vṛttiṃ pākhaṃḍināṃ śubhe | kapālacarmabhasmāsthidhāraṇaṃ tatkṛtaṃ mayā
Mahādeva said: For the benefit of the gods, O auspicious one, (I made) the way of life of the heretics: the wearing of skull, hide, ashes and bones — that was done by me.
AI translation rendered from the Sanskrit, not a published edition
PdP 6 235.53
तामसानि पुराणानि यथोक्तं विष्णुना शुभे । पाषंडशैवशास्त्राणि यथोक्तं कृतवानहम्
tāmasāni purāṇāni yathoktaṃ viṣṇunā śubhe | pāṣaṃḍaśaivaśāstrāṇi yathoktaṃ kṛtavānaham
The tāmasic Purāṇas, as Viṣṇu had said, O auspicious one, and the heretical Śaiva scriptures — as he had said, so I made them.
AI translation rendered from the Sanskrit, not a published edition
PdP 6 235.54
मच्छक्त्यापि समाविश्य गौतमादि द्विजानपि । वेदबाह्यानि शास्त्राणि सम्यगुक्तं मयानघे
macchaktyāpi samāviśya gautamādi dvijānapi | vedabāhyāni śāstrāṇi samyaguktaṃ mayānaghe
Entering even into Gautama and other brahmins by my power, I duly taught scriptures outside the Veda, O sinless one.
AI translation rendered from the Sanskrit, not a published edition
PdP 6 235.55
इमं मतमवष्टभ्य दुष्टाः सर्वे च राक्षसाः । भगवद्विमुखाः सर्वे बभूवुस्तामसावृताः
imaṃ matamavaṣṭabhya duṣṭāḥ sarve ca rākṣasāḥ | bhagavadvimukhāḥ sarve babhūvustāmasāvṛtāḥ
Clinging to this doctrine, all the wicked and the rākṣasas turned away from the Lord and became all enveloped in darkness.
AI translation rendered from the Sanskrit, not a published edition
PdP 6 235.56
भस्मादिधारणं कृत्वा महोग्रतपसावृताः । मामेव पूजयांचक्रुर्म्मांसासृक्चंदनादिभिः
bhasmādidhāraṇaṃ kṛtvā mahogratapasāvṛtāḥ | māmeva pūjayāṃcakrurmmāṃsāsṛkcaṃdanādibhiḥ
Wearing ashes and the rest, wrapped in terribly fierce austerity, they worshipped me alone with flesh, blood, sandal paste and the like.
AI translation rendered from the Sanskrit, not a published edition
PdP 6 235.57
मत्तो वरप्रदानानि लब्ध्वा मदबलोद्धताः । अत्यंतविषयासक्ताः कामक्रोधसमन्विताः
matto varapradānāni labdhvā madabaloddhatāḥ | atyaṃtaviṣayāsaktāḥ kāmakrodhasamanvitāḥ
Having obtained the granting of boons from me, puffed up with the strength of intoxication, utterly attached to sense objects, filled with desire and anger,
AI translation rendered from the Sanskrit, not a published edition
PdP 6 235.58
सत्वहीनास्तु निर्वीर्य्या जिता देवगणैस्तदा । सर्वधर्म्मपरिभ्रष्टाः काले यांत्यधमां गतिम्
satvahīnāstu nirvīryyā jitā devagaṇaistadā | sarvadharmmaparibhraṣṭāḥ kāle yāṃtyadhamāṃ gatim
bereft of goodness and without valour, they were then conquered by the hosts of gods; fallen away from every duty, in time they go to the lowest destination.
AI translation rendered from the Sanskrit, not a published edition
PdP 6 235.59
ये मे मतमवष्टभ्य चरंति पृथिवीतले । सर्वधर्मैश्च रहिताः पश्यंति निरयं सदा
ye me matamavaṣṭabhya caraṃti pṛthivītale | sarvadharmaiśca rahitāḥ paśyaṃti nirayaṃ sadā
Those who, clinging to my doctrine, wander on the face of the earth, devoid of all duties, behold hell forever.
AI translation rendered from the Sanskrit, not a published edition
PdP 6 235.60
एवं देवहितार्थाय वृत्तिर्मे देवि गर्हिता । विष्णोराज्ञां पुरस्कृत्य कृतं भस्मास्थिधारणम्
evaṃ devahitārthāya vṛttirme devi garhitā | viṣṇorājñāṃ puraskṛtya kṛtaṃ bhasmāsthidhāraṇam
Thus for the benefit of the gods my way of life is contemptible, goddess; putting Viṣṇu's command foremost, the wearing of ashes and bones was made (by me).
AI translation rendered from the Sanskrit, not a published edition
PdP 6 235.61
बाह्यचिह्नमिदं देवि मोहनार्थाय विद्विषाम् । अथांतर्हृदये नित्यं ध्यात्वा देवं जनार्दनम्
bāhyacihnamidaṃ devi mohanārthāya vidviṣām | athāṃtarhṛdaye nityaṃ dhyātvā devaṃ janārdanam
This is an outward mark, O goddess, meant to delude those who are hostile; but inwardly, in the heart, having always meditated upon the god Janārdana—
AI translation rendered from the Sanskrit, not a published edition
PdP 6 235.62
जपन्नेव च तन्मंत्रं तारकं ब्रह्मवाचकम् । सहस्रनामसदृशं विष्णोर्नारायणस्य तु
japanneva ca tanmaṃtraṃ tārakaṃ brahmavācakam | sahasranāmasadṛśaṃ viṣṇornārāyaṇasya tu
—and constantly reciting that mantra, the deliverer, which declares Brahman, equal to the thousand names of Viṣṇu Nārāyaṇa—
AI translation rendered from the Sanskrit, not a published edition
PdP 6 235.63
षडक्षरं महामंत्रं रघूणां कुलवर्द्धनम् । जपन्वै सततं देवि सदानंदसुधाप्लुतम् । सुखमात्यंतिकं ब्रह्म ह्यश्नाम सततं शुभे
ṣaḍakṣaraṃ mahāmaṃtraṃ raghūṇāṃ kulavarddhanam | japanvai satataṃ devi sadānaṃdasudhāplutam | sukhamātyaṃtikaṃ brahma hyaśnāma satataṃ śubhe
—the great six-syllable mantra, increaser of the lineage of the Raghus—reciting (it) continually, O goddess, I ever enjoy the final happiness, Brahman, flooded with the nectar of everlasting bliss, O auspicious one.
AI translation rendered from the Sanskrit, not a published edition
PdP 6 235.64
एतत्ते सर्वमाख्यातं त्वयापृष्टं शुभानने । किमन्यच्छ्रोतुकामासि प्रीत्या तत्परिपृच्छ माम्
etatte sarvamākhyātaṃ tvayāpṛṣṭaṃ śubhānane | kimanyacchrotukāmāsi prītyā tatparipṛccha mām
All this that was asked by you has been told to you, O fair-faced one. What else do you wish to hear? Ask me that with affection.
AI translation rendered from the Sanskrit, not a published edition