Padma Purana — Uttara Khanda — Chapter 232
PdP 6 232.1
शंकर उवाच- ततः सुरगणाः सर्वे दानवाद्या महाबलाः । उत्पाट्य मंदरं शैलं चिक्षिपुः पयसांनिधौ
śaṃkara uvāca- tataḥ suragaṇāḥ sarve dānavādyā mahābalāḥ | utpāṭya maṃdaraṃ śailaṃ cikṣipuḥ payasāṃnidhau
Śaṃkara said: Then all the hosts of gods, and the Dānavas and others, of great strength, tore up Mount Mandara and cast it into the ocean of milk.
AI translation rendered from the Sanskrit, not a published edition
PdP 6 232.2
ततो नारायणः श्रीमान्भगवान्भूतभावनः । कूर्मरूपेण तं शैलं दधारामितविक्रमः
tato nārāyaṇaḥ śrīmānbhagavānbhūtabhāvanaḥ | kūrmarūpeṇa taṃ śailaṃ dadhārāmitavikramaḥ
Then the glorious Nārāyaṇa, the Lord, the source of beings, of measureless valour, supported that mountain in the form of a tortoise.
AI translation rendered from the Sanskrit, not a published edition
PdP 6 232.3
अनादिमध्यांतवपुर्विश्वरूपः सनातनः । अधारयद्गिरिवरं संपूज्यो जगदीश्वरः
anādimadhyāṃtavapurviśvarūpaḥ sanātanaḥ | adhārayadgirivaraṃ saṃpūjyo jagadīśvaraḥ
He whose body has no beginning, middle, or end, whose form is the universe, the eternal one, worthy of worship, the lord of the world, held up that best of mountains.
AI translation rendered from the Sanskrit, not a published edition
PdP 6 232.4
तथैकेन भुजेनैव ईश्वरः सर्वगोऽव्ययः । ततो देवासुराः सर्वे ममंथुः क्षीरसागरम्
tathaikena bhujenaiva īśvaraḥ sarvago'vyayaḥ | tato devāsurāḥ sarve mamaṃthuḥ kṣīrasāgaram
So too, with but a single arm, (did) the Lord, who goes everywhere and is unchanging. Then all the gods and demons churned the ocean of milk,
AI translation rendered from the Sanskrit, not a published edition
PdP 6 232.5
सर्प्पराजेन संवेष्ट्य घर्घरं मंदराचलम् । मथ्यमानेऽथ दुग्धाब्धौ दैवतैः सुमहाबलैः
sarpparājena saṃveṣṭya ghargharaṃ maṃdarācalam | mathyamāne'tha dugdhābdhau daivataiḥ sumahābalaiḥ
having wrapped the churning-rod Mount Mandara about with the king of serpents. Now, while the milk-ocean was being churned by the exceedingly mighty gods,
AI translation rendered from the Sanskrit, not a published edition
PdP 6 232.6
उत्पादनार्थं लक्ष्म्याश्च सर्व एव महर्षयः । उपोष्य नियमं कृत्वा जेपुः श्रीसूक्तमेव च
utpādanārthaṃ lakṣmyāśca sarva eva maharṣayaḥ | upoṣya niyamaṃ kṛtvā jepuḥ śrīsūktameva ca
for the sake of producing Lakṣmī all the great seers, fasting and undertaking observance, recited the Śrī-sūkta.
AI translation rendered from the Sanskrit, not a published edition
PdP 6 232.7
सहस्रनामपठनं चक्रुर्दिव्या द्विजोत्तमाः । एकादश्यां तु शुद्धायां मथ्यमाने महांबुधौ
sahasranāmapaṭhanaṃ cakrurdivyā dvijottamāḥ | ekādaśyāṃ tu śuddhāyāṃ mathyamāne mahāṃbudhau
The divine best of twice-born ones performed the recitation of the thousand names; and on a pure eleventh day, while the great ocean was being churned,
AI translation rendered from the Sanskrit, not a published edition
PdP 6 232.8
उपोष्य ऋषयः सर्वे जप्तं श्रीमंत्रमुत्तमम् । कांक्षमाणाश्च ये जप्तुं लक्ष्मीनारायणं हरिम्
upoṣya ṛṣayaḥ sarve japtaṃ śrīmaṃtramuttamam | kāṃkṣamāṇāśca ye japtuṃ lakṣmīnārāyaṇaṃ harim
all the seers, fasting, recited the excellent Śrī-mantra; and those who desired to recite (it) — Hari, Lakṣmī-Nārāyaṇa —
AI translation rendered from the Sanskrit, not a published edition — the model flagged this verse as uncertain
PdP 6 232.9
ध्यात्वा समर्च्चयामासुर्द्विजाग्र्या मुनिसत्तमाः । ततस्तस्मिन्मुहूर्ते तु मथ्यमाने महांबुधौ
dhyātvā samarccayāmāsurdvijāgryā munisattamāḥ | tatastasminmuhūrte tu mathyamāne mahāṃbudhau
Having meditated (thus), those foremost of twice-born, the best of sages, performed worship. Then, at that very moment, while the great ocean was being churned,
AI translation rendered from the Sanskrit, not a published edition
PdP 6 232.10
समभूत्तत्र प्रथमं कालकूटं महाविषम् । महापीडं महाघोरं संवर्ताग्निसमप्रभम्
samabhūttatra prathamaṃ kālakūṭaṃ mahāviṣam | mahāpīḍaṃ mahāghoraṃ saṃvartāgnisamaprabham
there arose there first the Kālakūṭa, the great poison, causing great agony, exceedingly terrible, blazing like the fire of universal destruction.
AI translation rendered from the Sanskrit, not a published edition
PdP 6 232.11
दृष्ट्वा प्रदुद्रुवुः सर्वे भयार्ता देवदानवाः । ततस्तान्विद्रुतान्दृष्ट्वा भयार्त्तान्सुरसत्तमान्
dṛṣṭvā pradudruvuḥ sarve bhayārtā devadānavāḥ | tatastānvidrutāndṛṣṭvā bhayārttānsurasattamān
Seeing (it), all the gods and demons, afflicted with fear, fled. Then, seeing those best of gods scattered and stricken with fear,
AI translation rendered from the Sanskrit, not a published edition
PdP 6 232.12
ततस्तानब्रुवं वाक्यमहं तत्र शुभेक्षणे । भोभो देवगणाः सर्वैर्न भेतव्यं विषं प्रति
tatastānabruvaṃ vākyamahaṃ tatra śubhekṣaṇe | bhobho devagaṇāḥ sarvairna bhetavyaṃ viṣaṃ prati
then I spoke these words to them there, O fair-eyed one: "Ho, ho, hosts of gods! None of you should fear the poison.
AI translation rendered from the Sanskrit, not a published edition
PdP 6 232.13
अहमाहारयिष्यामि कालकूटं महाविषम् । इत्युक्तास्ते मया सर्वे देवा इंद्र पुरोगमाः
ahamāhārayiṣyāmi kālakūṭaṃ mahāviṣam | ityuktāste mayā sarve devā iṃdra purogamāḥ
I shall consume the Kālakūṭa, the great poison." Thus addressed by me, all those gods, with Indra at their head,
AI translation rendered from the Sanskrit, not a published edition
PdP 6 232.14
साधुसाध्विति वाक्यैर्मां तुष्टुवुः प्रणता भृशम् । तद्दृष्ट्वा मेघसंकाशं प्रादुर्भूतं महाविषम्
sādhusādhviti vākyairmāṃ tuṣṭuvuḥ praṇatā bhṛśam | taddṛṣṭvā meghasaṃkāśaṃ prādurbhūtaṃ mahāviṣam
praised me deeply with the words "Well done, well done!", bowing low. Seeing that great poison, resembling a cloud, which had appeared,
AI translation rendered from the Sanskrit, not a published edition
PdP 6 232.15
ध्यात्वा नारायणं देवं हृदये गरुडध्वजम् । उदयादित्यसंकाशं शंखचक्रगदाधरम्
dhyātvā nārāyaṇaṃ devaṃ hṛdaye garuḍadhvajam | udayādityasaṃkāśaṃ śaṃkhacakragadādharam
having meditated in (my) heart on the god Nārāyaṇa, whose banner is Garuḍa, resembling the rising sun, bearing conch, discus and mace,
AI translation rendered from the Sanskrit, not a published edition
PdP 6 232.16
श्रीभूमिसहितं देवं तप्तकांचनकुण्डलम् । एकाग्रमनसा ध्यात्वा सर्वदुःखहरं प्रभुम्
śrībhūmisahitaṃ devaṃ taptakāṃcanakuṇḍalam | ekāgramanasā dhyātvā sarvaduḥkhaharaṃ prabhum
the god accompanied by Śrī and Bhūmi, wearing earrings of refined gold — having meditated with single-pointed mind on the Lord who removes all suffering,
AI translation rendered from the Sanskrit, not a published edition
PdP 6 232.17
नामरूपं महामंत्रं जप्त्वा लक्ष्म्यासमन्वितम् । तद्विषं तु महाघोरमाद्यं सर्वभयंकरम्
nāmarūpaṃ mahāmaṃtraṃ japtvā lakṣmyāsamanvitam | tadviṣaṃ tu mahāghoramādyaṃ sarvabhayaṃkaram
and having recited the great mantra which is (his) name-form, together with Lakṣmī — that poison, most terrible, primordial, terrifying to all,
AI translation rendered from the Sanskrit, not a published edition
PdP 6 232.18
नामत्रयप्रभावाच्च विष्णोः सर्वगतस्य वै । विषं तदभवज्जीर्णं लोकसंहारकारकम्
nāmatrayaprabhāvācca viṣṇoḥ sarvagatasya vai | viṣaṃ tadabhavajjīrṇaṃ lokasaṃhārakārakam
and by the power of the three names of Viṣṇu, who is present everywhere — that poison, the destroyer of the worlds, became digested.
AI translation rendered from the Sanskrit, not a published edition
PdP 6 232.19
अच्युतानंत गोविन्द इति नामत्रयं हरेः । यो जपेत्प्रयतोभक्त्या प्रणवाद्यं नमोंतकम्
acyutānaṃta govinda iti nāmatrayaṃ hareḥ | yo japetprayatobhaktyā praṇavādyaṃ namoṃtakam
"Acyuta, Ananta, Govinda" — this triad of names of Hari: whoever, restrained, recites it with devotion, preceded by the praṇava (oṃ) and ending with "namaḥ",
AI translation rendered from the Sanskrit, not a published edition
PdP 6 232.20
तस्य मृत्युभयं नास्ति विषरोगाग्निजं महत् । नामत्रयं महामंत्रं जपेद्यः प्रयतात्मवान्
tasya mṛtyubhayaṃ nāsti viṣarogāgnijaṃ mahat | nāmatrayaṃ mahāmaṃtraṃ japedyaḥ prayatātmavān
he has no fear of death, nor the great (fear) born of poison, disease, or fire. Whoever, self-restrained, should recite the three names, the great mantra —
AI translation rendered from the Sanskrit, not a published edition
PdP 6 232.21
कालमृत्युभयं चापि तस्य नास्ति किमन्यतः । इति नामत्रयेणैव पीतं देवि मया विषम्
kālamṛtyubhayaṃ cāpi tasya nāsti kimanyataḥ | iti nāmatrayeṇaiva pītaṃ devi mayā viṣam
he has not even the fear of Time and Death, so what of anything else? Thus, by that very triad of names, O goddess, the poison was drunk by me.
AI translation rendered from the Sanskrit, not a published edition
PdP 6 232.22
ततः प्रहृष्टास्त्रिदशास्तुष्टुवुर्मां सुविस्मिताः । मां प्रणम्य पुनर्देवा ममंथुः क्षीरसागरम् । तस्मिन्प्रमथ्यमाने तु मया देवैश्च भामिनि
tataḥ prahṛṣṭāstridaśāstuṣṭuvurmāṃ suvismitāḥ | māṃ praṇamya punardevā mamaṃthuḥ kṣīrasāgaram | tasminpramathyamāne tu mayā devaiśca bhāmini
Then the thirty (gods), greatly delighted and amazed, praised me; and having bowed to me, the gods again churned the ocean of milk. And while it was being churned by me and by the gods, O radiant lady,
AI translation rendered from the Sanskrit, not a published edition
PdP 6 232.23
ज्येष्ठा देवी समुत्पन्ना रत्नस्रग्वाससा वृता । उत्पन्ना साऽब्रवीद्देवान्किंकर्त्तव्यं मयेति वै
jyeṣṭhā devī samutpannā ratnasragvāsasā vṛtā | utpannā sā'bravīddevānkiṃkarttavyaṃ mayeti vai
the goddess Jyeṣṭhā arose, adorned with a garland of jewels and with garments. Having arisen, she said to the gods, "What is to be done by me?"
AI translation rendered from the Sanskrit, not a published edition
PdP 6 232.24
तामब्रुवंस्तु ते देवीं सर्वदेवगणा भृशम् । देवा ऊचुः । येषां गृहांतरे रम्ये कलहः संप्रवर्त्तते
tāmabruvaṃstu te devīṃ sarvadevagaṇā bhṛśam | devā ūcuḥ | yeṣāṃ gṛhāṃtare ramye kalahaḥ saṃpravarttate
Then all the hosts of gods spoke earnestly to that goddess. The gods said: "Those in whose pleasant house quarrelling arises —
AI translation rendered from the Sanskrit, not a published edition
PdP 6 232.25
तत्ते स्थानं प्रयच्छामो वस तत्राशुभान्विता । परुषं भाषणं नित्यं वदंत्यनृतवादिनः
tatte sthānaṃ prayacchāmo vasa tatrāśubhānvitā | paruṣaṃ bhāṣaṇaṃ nityaṃ vadaṃtyanṛtavādinaḥ
that place we assign to you; dwell there, attended by inauspiciousness. (Those) speakers of untruth who constantly utter harsh speech,
AI translation rendered from the Sanskrit, not a published edition
PdP 6 232.26
संध्याकाले तु ये पापाः स्वपंति मलचेतसः । तेषां वेश्मनि संतिष्ठ दुःखदारिद्र्यदायिनी
saṃdhyākāle tu ye pāpāḥ svapaṃti malacetasaḥ | teṣāṃ veśmani saṃtiṣṭha duḥkhadāridryadāyinī
and those sinners of foul mind who sleep at the twilight hour — stay in their dwellings, giving sorrow and poverty.
AI translation rendered from the Sanskrit, not a published edition
PdP 6 232.27
कपालकेशभस्मास्थि तुषांगारानि यत्र तु । तत्र ते सततं स्थानं भविष्यति न संशयः
kapālakeśabhasmāsthi tuṣāṃgārāni yatra tu | tatra te satataṃ sthānaṃ bhaviṣyati na saṃśayaḥ
Where there are skulls, hair, ashes, bones, husks and charcoal — there your abode shall be permanently, without doubt.
AI translation rendered from the Sanskrit, not a published edition
PdP 6 232.28
यस्यवेश्म कपालास्थि भस्मकेशादि चिह्नितम् । तत्र वसाशुभे नित्यं कलिना सह नित्यशः
yasyaveśma kapālāsthi bhasmakeśādi cihnitam | tatra vasāśubhe nityaṃ kalinā saha nityaśaḥ
He whose house is marked with skull, bone, ash, hair and the like — dwell there always, O inauspicious one, together with Kali, perpetually.
AI translation rendered from the Sanskrit, not a published edition
PdP 6 232.29
अकृत्वा पादयोः शौचं यस्त्वाचामति दुर्म्मतिः । तं भजस्व महादेवि कलुषेण भृशं वृतम्
akṛtvā pādayoḥ śaucaṃ yastvācāmati durmmatiḥ | taṃ bhajasva mahādevi kaluṣeṇa bhṛśaṃ vṛtam
Whoever, being evil-minded, sips the ritual water without having washed his feet — dwell with him, O great Goddess, (for he is) thoroughly wrapped in defilement.
AI translation rendered from the Sanskrit, not a published edition
PdP 6 232.30
तुषांगारकपालाश्मवालुका वस्त्र चर्म्मभिः । दंतधावनकर्तारो भविष्यंति नराधमाः
tuṣāṃgārakapālāśmavālukā vastra carmmabhiḥ | daṃtadhāvanakartāro bhaviṣyaṃti narādhamāḥ
With husks, charcoal, a skull-fragment, stone, sand, cloth and hides, the basest of men will be cleaners of their teeth.
AI translation rendered from the Sanskrit, not a published edition
PdP 6 232.31
रमस्व कलिना देवि तेषां वेश्मसु नित्यशः । तिलपिष्टं कलंजं च कलिगं शिग्रु गृंजनम्
ramasva kalinā devi teṣāṃ veśmasu nityaśaḥ | tilapiṣṭaṃ kalaṃjaṃ ca kaligaṃ śigru gṛṃjanam
Take your pleasure with Kali, O goddess, always in their houses — (those who eat) sesame paste, kalañja, kaliṅga, drumstick and gṛñjana,
AI translation rendered from the Sanskrit, not a published edition
PdP 6 232.32
छत्राकं विड्वराहं च बिल्वं कोशातकीफलम् । अलाबुं च पलांडुं च ये खादंति नराधमाः । तेषां गेहे ह्यवस्थानं देवी दारिद्र्यदे सदा
chatrākaṃ viḍvarāhaṃ ca bilvaṃ kośātakīphalam | alābuṃ ca palāṃḍuṃ ca ye khādaṃti narādhamāḥ | teṣāṃ gehe hyavasthānaṃ devī dāridryade sadā
mushrooms, the dung-pig, bilva, the fruit of the kośātakī, bottle-gourd and onion — those basest of men who eat (these): in their house is your abode always, O goddess, giver of poverty.
AI translation rendered from the Sanskrit, not a published edition
PdP 6 232.33
रुद्र उवाच- इत्यादिश्य सुराः सर्वे ज्येष्ठां च कलिवल्लभाम् । पुनश्च मंथनं चक्रुः क्षीराब्धिं सुसमाहिताः
rudra uvāca- ityādiśya surāḥ sarve jyeṣṭhāṃ ca kalivallabhām | punaśca maṃthanaṃ cakruḥ kṣīrābdhiṃ susamāhitāḥ
Rudra said: Having thus instructed Jyeṣṭhā, the beloved of Kali, all the gods, well concentrated, again churned the ocean of milk.
AI translation rendered from the Sanskrit, not a published edition
PdP 6 232.34
ततश्च वारुणी देवी समुत्पन्ना शुभानने । अनंतो नागराजोऽथ तां जग्राह सुलोचनाम्
tataśca vāruṇī devī samutpannā śubhānane | anaṃto nāgarājo'tha tāṃ jagrāha sulocanām
And thereupon the goddess Vāruṇī arose, O fair-faced one; then Ananta, king of the serpents, took her, the lovely-eyed one.
AI translation rendered from the Sanskrit, not a published edition
PdP 6 232.35
ततः सुरा समुत्पन्ना सर्वाभरणभूषिता । वैनतेयस्य भार्याभूत्सर्वलक्षणशोभिता
tataḥ surā samutpannā sarvābharaṇabhūṣitā | vainateyasya bhāryābhūtsarvalakṣaṇaśobhitā
Then Surā arose, adorned with every ornament; graced with all auspicious marks, she became the wife of Vinatā's son.
AI translation rendered from the Sanskrit, not a published edition
PdP 6 232.36
ततोऽप्सरोगणा दिव्या गंधर्वाश्च महौजसः । जज्ञिरे रूपसंपन्ना मधुगायनतत्पराः
tato'psarogaṇā divyā gaṃdharvāśca mahaujasaḥ | jajñire rūpasaṃpannā madhugāyanatatparāḥ
Then the divine hosts of apsarases and the gandharvas of great vigour were born, endowed with beauty, devoted to sweet singing.
AI translation rendered from the Sanskrit, not a published edition
PdP 6 232.37
ऐरावतस्ततो जज्ञे तथैवोच्चैःश्रवा हयः । धन्वंतरिः पारिजातं सुरभिः सर्वकामधुक्
airāvatastato jajñe tathaivoccaiḥśravā hayaḥ | dhanvaṃtariḥ pārijātaṃ surabhiḥ sarvakāmadhuk
Then Airāvata was born, and likewise the horse Uccaiḥśravas, Dhanvantari, the Pārijāta (tree), and Surabhi who yields all desires.
AI translation rendered from the Sanskrit, not a published edition
PdP 6 232.38
एतान्सर्वान्सहस्राक्षो जग्राह प्रीतमानसः । ततः प्रभातसमये द्वादश्यामुदिते रवौ
etānsarvānsahasrākṣo jagrāha prītamānasaḥ | tataḥ prabhātasamaye dvādaśyāmudite ravau
All these the thousand-eyed one took with a pleased mind. Then at daybreak, on the twelfth day, when the sun had risen,
AI translation rendered from the Sanskrit, not a published edition
PdP 6 232.39
मथ्यमाने पुनस्तस्मिन्देवैरिंद्र पुरोगमैः । ततः प्रहृष्टवदनैस्तूयमाना महर्षिभिः
mathyamāne punastasmindevairiṃdra purogamaiḥ | tataḥ prahṛṣṭavadanaistūyamānā maharṣibhiḥ
as that (ocean) was being churned again by the gods with Indra at their head, then, praised by the great seers with delighted faces,
AI translation rendered from the Sanskrit, not a published edition
PdP 6 232.40
उत्पन्ना श्रीर्महालक्ष्मी सर्वलोकेश्वरी शुभा । बालार्ककोटिसंकाशा कनकांगदभूषिता
utpannā śrīrmahālakṣmī sarvalokeśvarī śubhā | bālārkakoṭisaṃkāśā kanakāṃgadabhūṣitā
there arose Śrī Mahālakṣmī, mistress of all the worlds, auspicious, resembling ten million young suns, adorned with golden armlets,
AI translation rendered from the Sanskrit, not a published edition
PdP 6 232.41
हेमांबुजसमासीना सर्वलक्षणशोभिता । पद्मपत्त्रविशालाक्षी नीलकुंचितमूर्द्धजा
hemāṃbujasamāsīnā sarvalakṣaṇaśobhitā | padmapattraviśālākṣī nīlakuṃcitamūrddhajā
seated on a golden lotus, graced with all auspicious marks, wide-eyed as lotus petals, with dark curling hair,
AI translation rendered from the Sanskrit, not a published edition
PdP 6 232.42
दिव्यचंदनलिप्तांगी दित्यपुष्पैरलंकृता । नानारत्नमयैर्दिव्यैः सर्वैराभरणैर्युता
divyacaṃdanaliptāṃgī dityapuṣpairalaṃkṛtā | nānāratnamayairdivyaiḥ sarvairābharaṇairyutā
her limbs anointed with divine sandal paste, decked with heavenly flowers, furnished with all manner of divine ornaments made of many jewels,
AI translation rendered from the Sanskrit, not a published edition
PdP 6 232.43
तनुमध्या जगद्धात्री पीनोन्नतपयोधरा । चतुर्हस्ता विशालाक्षी पूर्णेंदुसदृशानना
tanumadhyā jagaddhātrī pīnonnatapayodharā | caturhastā viśālākṣī pūrṇeṃdusadṛśānanā
slender-waisted, upholder of the world, with full high breasts, four-armed, wide-eyed, her face like the full moon,
AI translation rendered from the Sanskrit, not a published edition
PdP 6 232.44
वसुपात्रं मातुलुंगं स्वर्णपद्मयुगं शुभम् । विभ्राणा हस्तकमलैः सर्वाभरणभूषितैः
vasupātraṃ mātuluṃgaṃ svarṇapadmayugaṃ śubham | vibhrāṇā hastakamalaiḥ sarvābharaṇabhūṣitaiḥ
bearing in her lotus-hands, which were adorned with every ornament, a vessel of gold, a citron, and a lovely pair of golden lotuses,
AI translation rendered from the Sanskrit, not a published edition
PdP 6 232.45
अम्लानपंकजां मालां धारयंती ह्युरः स्थले । ददृशुस्तां महादेवीं सर्वलोकहितैषिणीम्
amlānapaṃkajāṃ mālāṃ dhārayaṃtī hyuraḥ sthale | dadṛśustāṃ mahādevīṃ sarvalokahitaiṣiṇīm
and wearing on her breast a garland of unwithered lotuses — (thus) they beheld that great Goddess who seeks the welfare of all the worlds,
AI translation rendered from the Sanskrit, not a published edition
PdP 6 232.46
ईश्वरीं सर्वभूतानां मातरं पद्ममालिनीम् । नारायणीं जगद्धात्रीं नारायणहृदालयाम्
īśvarīṃ sarvabhūtānāṃ mātaraṃ padmamālinīm | nārāyaṇīṃ jagaddhātrīṃ nārāyaṇahṛdālayām
the mistress of all beings, the mother, lotus-garlanded, Nārāyaṇī, upholder of the world, dwelling in Nārāyaṇa's heart.
AI translation rendered from the Sanskrit, not a published edition
PdP 6 232.47
तां विलोक्य महालक्ष्मीं प्रहृष्टाः सर्वदेवताः । अवादयंतः पटहान् दिविदेवगणा भृशम्
tāṃ vilokya mahālakṣmīṃ prahṛṣṭāḥ sarvadevatāḥ | avādayaṃtaḥ paṭahān dividevagaṇā bhṛśam
Seeing that Mahālakṣmī, all the deities were delighted, and the hosts of gods in heaven sounded their drums loudly.
AI translation rendered from the Sanskrit, not a published edition
PdP 6 232.48
ववर्षुः पुष्पवर्षाणि वनदेव्यो निरंतरम् । जगुर्गंधर्वपतयो ननृतुश्चाप्सरोगणाः
vavarṣuḥ puṣpavarṣāṇi vanadevyo niraṃtaram | jagurgaṃdharvapatayo nanṛtuścāpsarogaṇāḥ
The forest goddesses rained down showers of flowers without ceasing; the lords of the gandharvas sang and the hosts of apsarases danced.
AI translation rendered from the Sanskrit, not a published edition
PdP 6 232.49
ववुः पुण्यास्तथावाताः सुप्रभोऽभूद्दिवाकरः । जज्वलुश्चाग्नयः शांताः प्रसन्नाश्च दिशो दश
vavuḥ puṇyāstathāvātāḥ suprabho'bhūddivākaraḥ | jajvaluścāgnayaḥ śāṃtāḥ prasannāśca diśo daśa
Holy winds blew likewise, and the sun became bright with splendour; the fires blazed up, and the ten directions grew calm and clear.
AI translation rendered from the Sanskrit, not a published edition
PdP 6 232.50
अनंतरं शीतरश्मिरुदभूत्क्षीरसागरे । सुधामयूखवान्सोमो मातुर्भ्राता सुखावहः
anaṃtaraṃ śītaraśmirudabhūtkṣīrasāgare | sudhāmayūkhavānsomo māturbhrātā sukhāvahaḥ
Next, in the ocean of milk there arose the cool-rayed one, the moon, having nectar-beams, the mother's brother, bringer of comfort.
AI translation rendered from the Sanskrit, not a published edition
PdP 6 232.51
नक्षत्राधिपतिश्चाभूच्चंद्रो वै लोकमातुलः । ततो जाया हरेः पुण्या तुलसी लोकपावनी
nakṣatrādhipatiścābhūccaṃdro vai lokamātulaḥ | tato jāyā hareḥ puṇyā tulasī lokapāvanī
And the moon became lord of the constellations, the maternal uncle of the world; then (arose) Hari's holy wife, Tulasī, purifier of the world,
AI translation rendered from the Sanskrit, not a published edition
PdP 6 232.52
समुत्पन्ना जगद्धात्री पूजार्थं शार्ङ्गिणो हरेः । ततः प्रहृष्टमनसः सर्वे देवा दिवौकसः
samutpannā jagaddhātrī pūjārthaṃ śārṅgiṇo hareḥ | tataḥ prahṛṣṭamanasaḥ sarve devā divaukasaḥ
the sustainer of the world, arisen for the worship of Hari the bearer of the bow. Then all the gods, dwellers in heaven, with delighted minds,
AI translation rendered from the Sanskrit, not a published edition
PdP 6 232.53
तं शैलं पूर्ववत्स्थाप्य परिपूर्णमनोरथाः । समेत्य मातरं सर्वे शिवब्रह्मपुरोगमाः
taṃ śailaṃ pūrvavatsthāpya paripūrṇamanorathāḥ | sametya mātaraṃ sarve śivabrahmapurogamāḥ
having set that mountain (back) as before, their wishes fully accomplished, all of them, with Śiva and Brahmā at their head, having come together (before) the Mother,
AI translation rendered from the Sanskrit, not a published edition
PdP 6 232.54
स्तुत्वा नामसहस्रेण जेपुः श्रीसूक्तसंहिताः । ततः प्रसन्ना सा देवि सर्वान्देवानुवाच ह
stutvā nāmasahasreṇa jepuḥ śrīsūktasaṃhitāḥ | tataḥ prasannā sā devi sarvāndevānuvāca ha
having praised (her) with the thousand names, recited the collected verses of the Śrīsūkta. Then that goddess, well pleased, spoke to all the gods.
AI translation rendered from the Sanskrit, not a published edition
PdP 6 232.55
श्रीरुवाच- वरं वृणीध्वं भद्रं वो वरदाहं सुरोत्तमाः । रुद्र उवाच- ऊचुः प्रांजलयो देवाः श्रियं नम्रात्ममूर्तयः
śrīruvāca- varaṃ vṛṇīdhvaṃ bhadraṃ vo varadāhaṃ surottamāḥ | rudra uvāca- ūcuḥ prāṃjalayo devāḥ śriyaṃ namrātmamūrtayaḥ
Śrī said: Choose a boon; good fortune to you — I am a granter of boons, O best of gods. Rudra said: The gods, with palms joined and their forms bowed low, spoke to Śrī.
AI translation rendered from the Sanskrit, not a published edition
PdP 6 232.56
देवा ऊचुः - प्रसीद कमले देवि सर्वलोकेश्वरप्रिये । विष्णोर्वक्षस्थले देवि भव नित्यानपायिनी
devā ūcuḥ - prasīda kamale devi sarvalokeśvarapriye | viṣṇorvakṣasthale devi bhava nityānapāyinī
The gods said: Be gracious, O lotus goddess, beloved of the lord of all worlds; O goddess, dwell on Viṣṇu's breast, never departing.
AI translation rendered from the Sanskrit, not a published edition
PdP 6 232.57
त्रैलोक्यं पालया देवी नित्या त्वं परमेश्वरी । यदपांगाश्रितं सर्वं जगत्स्थावरजंगमम्
trailokyaṃ pālayā devī nityā tvaṃ parameśvarī | yadapāṃgāśritaṃ sarvaṃ jagatsthāvarajaṃgamam
Protect the three worlds, O goddess; you are the eternal supreme sovereign — you on whose sidelong glance all this world, moving and unmoving, depends.
AI translation rendered from the Sanskrit, not a published edition
PdP 6 232.58
त्वया विलोकिताः सर्वे प्रभवंति दिवौकसः । माता रुद्रादिदेवानामैश्वर्यं त्वत्कटाक्षतः
tvayā vilokitāḥ sarve prabhavaṃti divaukasaḥ | mātā rudrādidevānāmaiśvaryaṃ tvatkaṭākṣataḥ
Looked upon by you, all the dwellers in heaven come to be. (You are the) mother of Rudra and the other gods; lordship (comes) from your sidelong glance.
AI translation rendered from the Sanskrit, not a published edition
PdP 6 232.59
एतदिच्छामहे देवि जगन्मातर्नमोस्तु ते । रुद्र उवाच- इत्युक्ता दैवतैः सर्वैर्लोकमाता महेश्वरी
etadicchāmahe devi jaganmātarnamostu te | rudra uvāca- ityuktā daivataiḥ sarvairlokamātā maheśvarī
This we desire, O goddess; O mother of the world, homage be to you. Rudra said: Thus addressed by all the gods, the mother of the world, the great sovereign,
AI translation rendered from the Sanskrit, not a published edition
PdP 6 232.60
एवमस्त्विति तान्देवान्प्राह नारायणप्रिया । ततो नारायणः श्रीशः शंखचक्रगदाधरः
evamastviti tāndevānprāha nārāyaṇapriyā | tato nārāyaṇaḥ śrīśaḥ śaṃkhacakragadādharaḥ
the beloved of Nārāyaṇa, said to those gods, "So be it." Then Nārāyaṇa, the lord of Śrī, bearing conch, discus and mace,
AI translation rendered from the Sanskrit, not a published edition
PdP 6 232.61
तथैवाविरभूद्ब्रह्मा पूर्ववत्क्षीरसागरे । ततः प्रतुष्टुवुर्देवा नमस्कृत्वा जनार्दनम्
tathaivāvirabhūdbrahmā pūrvavatkṣīrasāgare | tataḥ pratuṣṭuvurdevā namaskṛtvā janārdanam
and likewise Brahmā, appeared in the ocean of milk as before. Then the gods, having made obeisance to Janārdana, praised him.
AI translation rendered from the Sanskrit, not a published edition
PdP 6 232.62
ऊचुः प्रांजलयः सर्वे प्रहृष्टवदनाः शुभाः । देवा ऊचुः- गृहाण देवीं सर्व्वेश महिषीं तव वल्लभाम्
ūcuḥ prāṃjalayaḥ sarve prahṛṣṭavadanāḥ śubhāḥ | devā ūcuḥ- gṛhāṇa devīṃ sarvveśa mahiṣīṃ tava vallabhām
All the auspicious ones, with palms joined and faces delighted, spoke. The gods said: Take the goddess, O lord of all, as your queen and beloved,
AI translation rendered from the Sanskrit, not a published edition
PdP 6 232.63
जगत्संरक्षणार्थाय लक्ष्मीमनपगामिनीम् । रुद्र उवाच- इत्युक्त्वा मुनिभिः सर्वे देवा ब्रह्मपुरोगमाः
jagatsaṃrakṣaṇārthāya lakṣmīmanapagāminīm | rudra uvāca- ityuktvā munibhiḥ sarve devā brahmapurogamāḥ
take Lakṣmī, who does not depart, for the protection of the world. Rudra said: Having said this, all the gods together with the sages, with Brahmā at their head,
AI translation rendered from the Sanskrit, not a published edition
PdP 6 232.64
नानारत्नमये दिव्ये पीठे बालार्कसंनिभे । निवेश्य देवीं देवं च आनंदाश्रुपरिप्लुताः
nānāratnamaye divye pīṭhe bālārkasaṃnibhe | niveśya devīṃ devaṃ ca ānaṃdāśrupariplutāḥ
having seated the goddess and the god upon a divine seat made of various jewels, resembling the newly risen sun, overflowing with tears of joy,
AI translation rendered from the Sanskrit, not a published edition
PdP 6 232.65
दिव्याम्बरैर्दिव्यमाल्यैर्नानारत्नविभूषितैः । लक्ष्म्या सह समासीनमर्चयामासुरच्युतम्
divyāmbarairdivyamālyairnānāratnavibhūṣitaiḥ | lakṣmyā saha samāsīnamarcayāmāsuracyutam
worshipped Acyuta, seated together with Lakṣmī, with divine garments and divine garlands adorned with various jewels.
AI translation rendered from the Sanskrit, not a published edition
PdP 6 232.66
गंधैर्धूपैश्च दीपैश्च नैवेद्यैश्च सुधामयैः । अप्राकृतैः फलैर्दिव्यैरर्चयामासुरीश्वरीम्
gaṃdhairdhūpaiśca dīpaiśca naivedyaiśca sudhāmayaiḥ | aprākṛtaiḥ phalairdivyairarcayāmāsurīśvarīm
With perfumes, incense and lamps, and with food-offerings made of nectar, with divine, unearthly fruits, they worshipped the sovereign goddess.
AI translation rendered from the Sanskrit, not a published edition
PdP 6 232.67
अमृतादुत्थिता देवी तुलसी कोमला शुभा । तया श्रीपादयुगलमर्च्चयामासुरंजसा
amṛtādutthitā devī tulasī komalā śubhā | tayā śrīpādayugalamarccayāmāsuraṃjasā
The goddess Tulasī, tender and auspicious, had risen from the nectar; with her they at once worshipped the pair of Śrī's feet.
AI translation rendered from the Sanskrit, not a published edition
PdP 6 232.68
प्रदक्षिणत्रयं कृत्वा नमस्कृत्वा मुहुर्मुहुः । तष्टुवुस्तुतिभिर्द्देवा हर्षपूर्णाश्रुविक्लवाः
pradakṣiṇatrayaṃ kṛtvā namaskṛtvā muhurmuhuḥ | taṣṭuvustutibhirddevā harṣapūrṇāśruviklavāḥ
Having made three circumambulations and bowed again and again, the gods, overcome and full of tears of joy, praised (him) with hymns.
AI translation rendered from the Sanskrit, not a published edition
PdP 6 232.69
ततः प्रसन्नो भगवान्सर्वदेवेश्वरो हरिः । अभीष्टान्प्रददौ तेभ्यो वरान्देव्या सह प्रभुः
tataḥ prasanno bhagavānsarvadeveśvaro hariḥ | abhīṣṭānpradadau tebhyo varāndevyā saha prabhuḥ
Then the Lord Hari, sovereign of all the gods, being pleased, the mighty one, together with the Goddess granted them the desired boons.
AI translation rendered from the Sanskrit, not a published edition
PdP 6 232.70
ततः सुहृष्टाः सुरमानुषाद्या लक्ष्मीकटाक्षार्प्पित दृष्टिपूताः । प्रभूतधान्यार्थयुता निरंतरं सुखं परं प्रापुरनामया भृशम्
tataḥ suhṛṣṭāḥ suramānuṣādyā lakṣmīkaṭākṣārppita dṛṣṭipūtāḥ | prabhūtadhānyārthayutā niraṃtaraṃ sukhaṃ paraṃ prāpuranāmayā bhṛśam
Then the gods, men and the rest, greatly delighted, purified in sight by the sidelong glance bestowed by Lakṣmī, provided with abundant grain and wealth, attained continually the highest happiness, being wholly free of disease.
AI translation rendered from the Sanskrit, not a published edition