Padma Purana — Uttara Khanda — Chapter 231
PdP 6 231.1
श्रीरुद्र उवाच- यत्कौर्म्यवैभवं विष्णोः सर्वलोकनमस्कृतम् । तद्वक्ष्यामि प्रिये सम्यक्शृणुष्वेकाग्रचेतसा
śrīrudra uvāca- yatkaurmyavaibhavaṃ viṣṇoḥ sarvalokanamaskṛtam | tadvakṣyāmi priye samyakśṛṇuṣvekāgracetasā
Śrī Rudra said: That tortoise-manifestation of Viṣṇu's power, which is saluted by all the worlds—that I shall tell, my dear; listen well with a mind focused on one point.
AI translation rendered from the Sanskrit, not a published edition
PdP 6 231.2
अत्रिपुत्रो महातेजा दुर्वासा इति विश्रुतः । प्रचण्डः सर्वलोकानां क्षोभकारी महातपाः
atriputro mahātejā durvāsā iti viśrutaḥ | pracaṇḍaḥ sarvalokānāṃ kṣobhakārī mahātapāḥ
The son of Atri, of great fiery energy, renowned as Durvāsas, fierce, a disturber of all the worlds, of great austerity—
AI translation rendered from the Sanskrit, not a published edition
PdP 6 231.3
स ययौ हिमवत्पृष्ठं ब्रह्मर्षिस्तपसो निधिः । ममांशभूतो ब्रह्मर्षिः सर्वेषां भयदस्सदा
sa yayau himavatpṛṣṭhaṃ brahmarṣistapaso nidhiḥ | mamāṃśabhūto brahmarṣiḥ sarveṣāṃ bhayadassadā
he went to the ridge of the Himālaya, that brahmin sage, a treasury of austerity—a brahmin sage born of a portion of me, always a cause of fear to all.
AI translation rendered from the Sanskrit, not a published edition
PdP 6 231.4
उषितस्तत्र वर्षं तु किन्नरीभिः स पूजितः । महेंद्रं द्रष्टुकामोऽसौ स्वर्लोकं प्रययौ मुनिः
uṣitastatra varṣaṃ tu kinnarībhiḥ sa pūjitaḥ | maheṃdraṃ draṣṭukāmo'sau svarlokaṃ prayayau muniḥ
Having dwelt there for a year, honoured by the kinnara women, that sage, wishing to see great Indra, went to the world of heaven.
AI translation rendered from the Sanskrit, not a published edition
PdP 6 231.5
तस्मिन्काले महातेजा गजारूढं महेश्वरम् । ददर्श सर्वदेवैस्तं पूज्यमानं शचीपतिम्
tasminkāle mahātejā gajārūḍhaṃ maheśvaram | dadarśa sarvadevaistaṃ pūjyamānaṃ śacīpatim
At that time the one of great fiery energy saw the great lord (Indra), mounted on an elephant, that husband of Śacī being worshipped by all the gods.
AI translation rendered from the Sanskrit, not a published edition
PdP 6 231.6
तच्च दृष्ट्वा स हृष्टात्मा दुर्वासा सुमहातपाः । पारिजातस्रजं तस्मै प्रददौ विनयान्वितः
tacca dṛṣṭvā sa hṛṣṭātmā durvāsā sumahātapāḥ | pārijātasrajaṃ tasmai pradadau vinayānvitaḥ
And seeing that, Durvāsas of very great austerity, glad at heart, respectfully gave him a garland of pārijāta flowers.
AI translation rendered from the Sanskrit, not a published edition
PdP 6 231.7
आदाय देवताधीशस्तां स्रजं गजमूर्द्धनि । विन्यस्य तत्र देवेशः प्रययौ नंदनं प्रति
ādāya devatādhīśastāṃ srajaṃ gajamūrddhani | vinyasya tatra deveśaḥ prayayau naṃdanaṃ prati
The overlord of the gods took that garland and, placing it there on the elephant's head, the lord of gods went off toward the Nandana grove.
AI translation rendered from the Sanskrit, not a published edition
PdP 6 231.8
करेणादाय तां मालां मदोद्रिक्तस्ततो गजः । पीडयित्वाथ चिक्षेप संस्थितां धरणीतले
kareṇādāya tāṃ mālāṃ madodriktastato gajaḥ | pīḍayitvātha cikṣepa saṃsthitāṃ dharaṇītale
Then the elephant, excited with rut, took that garland with its trunk and, having crushed it, flung it, and it lay on the surface of the earth.
AI translation rendered from the Sanskrit, not a published edition
PdP 6 231.9
ततः क्रुद्धो महातेजा दुर्वासा रक्तलोचनः । प्रशप्तवान्महेंद्रं तं संतप्तक्रोधवह्निना
tataḥ kruddho mahātejā durvāsā raktalocanaḥ | praśaptavānmaheṃdraṃ taṃ saṃtaptakrodhavahninā
Then Durvāsas of great fiery energy, angered, his eyes red, burning with the fire of wrath, cursed that great Indra.
AI translation rendered from the Sanskrit, not a published edition
PdP 6 231.10
दुर्वासा उवाच- त्रैलोक्यैकश्रियायुक्तो यस्मान्मामवमन्यते । तस्मात्त्रैलोक्यश्रीर्नष्टा भवत्वेव न संशयः
durvāsā uvāca- trailokyaikaśriyāyukto yasmānmāmavamanyate | tasmāttrailokyaśrīrnaṣṭā bhavatveva na saṃśayaḥ
Durvāsas said: Since he, endowed with the sole splendour of the three worlds, slights me, therefore let the splendour of the three worlds be destroyed—there is no doubt of it.
AI translation rendered from the Sanskrit, not a published edition
PdP 6 231.11
रुद्र उवाच- इति शप्तस्ततः शक्रो जगाम स्वपुरं पुनः । ततः श्रीर्जगतां धात्री क्षणादंतर्दधे स्वयम्
rudra uvāca- iti śaptastataḥ śakro jagāma svapuraṃ punaḥ | tataḥ śrīrjagatāṃ dhātrī kṣaṇādaṃtardadhe svayam
Rudra said: Cursed thus, Śakra then went back to his own city. Thereupon Śrī, the sustainer of the worlds, herself vanished in an instant.
AI translation rendered from the Sanskrit, not a published edition
PdP 6 231.12
अंतर्द्धानं गता लक्ष्मीस्तदा नष्टं जगत्त्रयम् । यदपांगाश्रितं सर्वं जगत्स्थावरजंगमम्
aṃtarddhānaṃ gatā lakṣmīstadā naṣṭaṃ jagattrayam | yadapāṃgāśritaṃ sarvaṃ jagatsthāvarajaṃgamam
When Lakṣmī had gone into disappearance, the three worlds were then ruined—(she) upon whose sidelong glance all this world, moving and unmoving, depends.
AI translation rendered from the Sanskrit, not a published edition
PdP 6 231.13
तस्यामंतर्द्धानवत्यां सर्वं नष्टतरं भवत् । ब्रह्मादि त्रिदशाः सर्वे गंधर्वा यक्ष किन्नराः
tasyāmaṃtarddhānavatyāṃ sarvaṃ naṣṭataraṃ bhavat | brahmādi tridaśāḥ sarve gaṃdharvā yakṣa kinnarāḥ
When she had vanished, everything became utterly ruined: Brahmā and the rest, all the thirty (gods), the gandharvas, yakṣas, kinnaras,
AI translation rendered from the Sanskrit, not a published edition
PdP 6 231.14
दैत्याश्च दानावा नागा मनुष्या राक्षसास्तथा । पशवः पक्षिणः कीटाः सर्वे स्थावरजंगमाः
daityāśca dānāvā nāgā manuṣyā rākṣasāstathā | paśavaḥ pakṣiṇaḥ kīṭāḥ sarve sthāvarajaṃgamāḥ
and the daityas, dānavas, nāgas, men, and likewise rākṣasas, beasts, birds, worms—all the unmoving and moving beings—
AI translation rendered from the Sanskrit, not a published edition
PdP 6 231.15
तया लक्ष्म्या जगन्मात्रा ते सर्वे नावलोकिताः । दारिद्र्येनैव विहितास्ते सर्वे दुःखभागिनः
tayā lakṣmyā jaganmātrā te sarve nāvalokitāḥ | dāridryenaiva vihitāste sarve duḥkhabhāginaḥ
all these were not looked upon by that Lakṣmī, the mother of the world; ordained with poverty alone, they all became sharers in sorrow.
AI translation rendered from the Sanskrit, not a published edition
PdP 6 231.16
क्षुत्पिपासार्दिता देवाश्चुक्रुशुर्गतचेतसः । न ववर्ष जलधरः सर्वे शुष्का जलाशयाः
kṣutpipāsārditā devāścukruśurgatacetasaḥ | na vavarṣa jaladharaḥ sarve śuṣkā jalāśayāḥ
The gods, afflicted by hunger and thirst, cried out, their senses gone; the cloud did not rain, all the reservoirs of water dried up.
AI translation rendered from the Sanskrit, not a published edition
PdP 6 231.17
सर्वे ते पादपा शुष्काः फलपुष्पविवर्जिताः । तदा देवाः सगंधर्वा दैत्यदानवराक्षसाः
sarve te pādapā śuṣkāḥ phalapuṣpavivarjitāḥ | tadā devāḥ sagaṃdharvā daityadānavarākṣasāḥ
All those trees were dry, deprived of fruit and flowers. Then the gods with the gandharvas, the daityas, dānavas, and rākṣasas—
AI translation rendered from the Sanskrit, not a published edition
PdP 6 231.18
क्षुत्पिपासार्द्दिता जग्मुः ब्रह्माणममितौजसम् । ऊचुस्तं देवदेवेशमब्जयोनिं पितामहम्
kṣutpipāsārdditā jagmuḥ brahmāṇamamitaujasam | ūcustaṃ devadeveśamabjayoniṃ pitāmaham
Afflicted by hunger and thirst, they went to Brahmā of measureless might; they spoke to him, the lord of the gods of gods, the lotus-born grandfather.
AI translation rendered from the Sanskrit, not a published edition
PdP 6 231.19
देवा ऊचुः - भगवन्क्षुत्पिपासाभ्यां पीडितं हि जगत्त्रयम् । न हुतं न वषट्कारः सर्वधर्म्मविवर्जितम्
devā ūcuḥ - bhagavankṣutpipāsābhyāṃ pīḍitaṃ hi jagattrayam | na hutaṃ na vaṣaṭkāraḥ sarvadharmmavivarjitam
The gods said: "Lord, the three worlds are indeed tormented by hunger and thirst; there is no oblation, no utterance of 'vaṣaṭ' — (all) is bereft of every duty.
AI translation rendered from the Sanskrit, not a published edition
PdP 6 231.20
क्षुत्पिपासार्द्दिताः सर्वे देवदानवमानवाः । त्रातारं सर्वलोकेशं भवंतं शरणं गताः
kṣutpipāsārdditāḥ sarve devadānavamānavāḥ | trātāraṃ sarvalokeśaṃ bhavaṃtaṃ śaraṇaṃ gatāḥ
All the gods, dānavas and men, afflicted by hunger and thirst, have come for refuge to you, the protector, the lord of all the worlds.
AI translation rendered from the Sanskrit, not a published edition
PdP 6 231.21
त्रातुमर्हसि देवेश क्षुत्पिपासार्दिताञ्जनान् । रुद्र उवाच- इति तेषां वचः श्रुत्वा सर्वलोकपितामहः
trātumarhasi deveśa kṣutpipāsārditāñjanān | rudra uvāca- iti teṣāṃ vacaḥ śrutvā sarvalokapitāmahaḥ
You ought to protect, O lord of gods, the people afflicted by hunger and thirst." Rudra said: Having heard that speech of theirs, the grandfather of all the worlds,
AI translation rendered from the Sanskrit, not a published edition
PdP 6 231.22
उवाच परमप्रीतस्तान्सर्वान्प्रति मानदः । ब्रह्मोवाच- शृणुध्वं देवताः सर्वे दैत्यगंधर्वमानवाः
uvāca paramaprītastānsarvānprati mānadaḥ | brahmovāca- śṛṇudhvaṃ devatāḥ sarve daityagaṃdharvamānavāḥ
greatly pleased, the giver of honour, spoke to all of them. Brahmā said: Hear, all you gods, daityas, gandharvas and men!
AI translation rendered from the Sanskrit, not a published edition
PdP 6 231.23
महेंद्रस्यापचारेण सर्वमेतदुपस्थितम् । समुद्भूतमिदं घोरं जगत्संवर्त्तकं महत्
maheṃdrasyāpacāreṇa sarvametadupasthitam | samudbhūtamidaṃ ghoraṃ jagatsaṃvarttakaṃ mahat
All this has come about through the offence of great Indra; this dreadful, great (calamity) that dissolves the world has arisen (from it).
AI translation rendered from the Sanskrit, not a published edition
PdP 6 231.24
दुर्वासाः सुमहात्मातु यतः क्रोधमवाप्तवान् । तस्मात्क्रोधेन तेनेदं नष्टं लोकत्रयं सुराः
durvāsāḥ sumahātmātu yataḥ krodhamavāptavān | tasmātkrodhena tenedaṃ naṣṭaṃ lokatrayaṃ surāḥ
Since Durvāsas, the very great soul, fell into anger, therefore by that anger these three worlds are ruined, O gods.
AI translation rendered from the Sanskrit, not a published edition
PdP 6 231.25
असौ रोषपरीतात्मा क्रोधेन कलुषीकृतः । जगत्त्रयं च श्रीनष्टं भवत्वित्याह दुर्मतिः
asau roṣaparītātmā krodhena kaluṣīkṛtaḥ | jagattrayaṃ ca śrīnaṣṭaṃ bhavatvityāha durmatiḥ
He, his self overcome with rage, made foul by anger, that ill-minded one said: "Let the three worlds be deprived of Śrī!"
AI translation rendered from the Sanskrit, not a published edition
PdP 6 231.26
तच्छापाज्जगतां धात्री लक्ष्मीर्न्नारायणप्रिया । अंतर्द्धानं गता देवी जगन्माता महेश्वरी
tacchāpājjagatāṃ dhātrī lakṣmīrnnārāyaṇapriyā | aṃtarddhānaṃ gatā devī jaganmātā maheśvarī
By his curse Lakṣmī, the sustainer of the worlds, the beloved of Nārāyaṇa, the goddess, mother of the world, the great sovereign lady, has gone into hiding.
AI translation rendered from the Sanskrit, not a published edition
PdP 6 231.27
यदपाङ्गे क्षिता लोका भवंति सुखितास्तथा । नालोकिता जगन्मात्रा दुःखभागिन एव हि
yadapāṅge kṣitā lokā bhavaṃti sukhitāstathā | nālokitā jaganmātrā duḥkhabhāgina eva hi
Those worlds that are looked upon by her sidelong glance become happy; those not looked upon by the mother of the world are indeed partakers of nothing but sorrow.
AI translation rendered from the Sanskrit, not a published edition — the model flagged this verse as uncertain
PdP 6 231.28
तस्मात्सर्वे वयं गत्वा दुग्धाब्धौ स्थितमुत्तमम् । तत्र नारायणं देवमर्च्चयामः सनातनम्
tasmātsarve vayaṃ gatvā dugdhābdhau sthitamuttamam | tatra nārāyaṇaṃ devamarccayāmaḥ sanātanam
Therefore let us all go and worship there the eternal god Nārāyaṇa, the highest one, who dwells in the ocean of milk.
AI translation rendered from the Sanskrit, not a published edition
PdP 6 231.29
तस्मिन्प्रसन्ने देवेशे शिवमेतद्भवेज्जगत् । इति निश्चित्य मनसा ब्रह्मा देवगणैर्युतः
tasminprasanne deveśe śivametadbhavejjagat | iti niścitya manasā brahmā devagaṇairyutaḥ
When that lord of gods is pleased, this world will become auspicious. Having thus resolved in his mind, Brahmā, together with the hosts of gods
AI translation rendered from the Sanskrit, not a published edition
PdP 6 231.30
भृग्वादिमुनिभिः सार्द्धं प्रययौ क्षीरसागरम् । क्षीराब्धावुत्तरतटे ब्रह्मरुद्रादिदेवताः
bhṛgvādimunibhiḥ sārddhaṃ prayayau kṣīrasāgaram | kṣīrābdhāvuttarataṭe brahmarudrādidevatāḥ
and with the sages beginning with Bhṛgu, went to the milk ocean. On the northern shore of the milk ocean the deities headed by Brahmā and Rudra
AI translation rendered from the Sanskrit, not a published edition
PdP 6 231.31
विष्णुं समर्च्चयामासुः पौरुषेण विधानतः । जपन्नष्टाक्षरं मंत्रं पौरुषं सूक्तमेव च
viṣṇuṃ samarccayāmāsuḥ pauruṣeṇa vidhānataḥ | japannaṣṭākṣaraṃ maṃtraṃ pauruṣaṃ sūktameva ca
worshipped Viṣṇu with the Puruṣa (hymn) according to the rule, reciting the eight-syllabled mantra and the Puruṣa hymn as well,
AI translation rendered from the Sanskrit, not a published edition
PdP 6 231.32
ध्यायंतोऽनन्यमनसो जुहुवुः परमेश्वरम् । तुष्टुवुः स्तवनैर्दिव्यैर्नमश्चक्रुर्विचित्रधा
dhyāyaṃto'nanyamanaso juhuvuḥ parameśvaram | tuṣṭuvuḥ stavanairdivyairnamaścakrurvicitradhā
and meditating with undistracted minds they made offerings to the supreme lord; they praised him with divine hymns and made obeisance in various ways.
AI translation rendered from the Sanskrit, not a published edition
PdP 6 231.33
ततः प्रसन्नो भगवान्सर्वेषां च दिवौकसाम् । तेषां संदर्शने तस्थौ स्तूयमानो महर्षिभिः
tataḥ prasanno bhagavānsarveṣāṃ ca divaukasām | teṣāṃ saṃdarśane tasthau stūyamāno maharṣibhiḥ
Then the Lord, pleased with all the dwellers of heaven, stood within their sight, being praised by the great sages,
AI translation rendered from the Sanskrit, not a published edition
PdP 6 231.34
वैनतेयं समारुह्य सर्वदेवमयं विभुम् । तं दृष्ट्वा जगतामीशं शंखचक्रगदाधरम्
vainateyaṃ samāruhya sarvadevamayaṃ vibhum | taṃ dṛṣṭvā jagatāmīśaṃ śaṃkhacakragadādharam
having mounted the son of Vinatā (Garuḍa) — the mighty one who comprises all the gods. Seeing him, the lord of the worlds, bearer of conch, discus and mace,
AI translation rendered from the Sanskrit, not a published edition
PdP 6 231.35
पीतवस्त्रं चतुर्बाहुं पुंडरीकनिभेक्षणम् । श्रीवत्सकौस्तुभोरस्कं वनमालाविभूषितम्
pītavastraṃ caturbāhuṃ puṃḍarīkanibhekṣaṇam | śrīvatsakaustubhoraskaṃ vanamālāvibhūṣitam
clad in yellow, four-armed, with eyes like a white lotus, his chest marked with the Śrīvatsa and the Kaustubha (Kaustubha gem), adorned with a forest garland,
AI translation rendered from the Sanskrit, not a published edition
PdP 6 231.36
किरीटहारकेयूरनूपुरैरुपशोभितम् । तुष्टुवुर्जयशब्देन नमश्चक्रुर्निरंतरम्
kirīṭahārakeyūranūpurairupaśobhitam | tuṣṭuvurjayaśabdena namaścakrurniraṃtaram
resplendent with diadem, necklace, armlets and anklets — they praised him with cries of "Victory!" and made obeisance without ceasing.
AI translation rendered from the Sanskrit, not a published edition
PdP 6 231.37
ततः प्रोवाच भगवान्कृपया सर्वदेवताः । वरदोस्मि वरं देवा वृणीध्वमिति चाब्रवीत्
tataḥ provāca bhagavānkṛpayā sarvadevatāḥ | varadosmi varaṃ devā vṛṇīdhvamiti cābravīt
Then the Lord out of compassion spoke to all the deities, and said: "I am a granter of boons; choose a boon, O gods."
AI translation rendered from the Sanskrit, not a published edition
PdP 6 231.38
इति श्रुत्वा तदा सर्वे देवा ब्रह्मपुरोगमाः । ऊचुः प्रांजलयो देवमिदं वचनमीश्वरम्
iti śrutvā tadā sarve devā brahmapurogamāḥ | ūcuḥ prāṃjalayo devamidaṃ vacanamīśvaram
Having heard this, all the gods, with Brahmā at their head, with palms joined, spoke this word to the Lord, the sovereign God:
AI translation rendered from the Sanskrit, not a published edition
PdP 6 231.39
देवा ऊचुः। भगवन्मुनिशापेन संप्रतीदं जगत्त्रयम् । क्षुत्पिपासार्दितं सर्वं सदेवासुरमानुषम्
devā ūcuḥ| bhagavanmuniśāpena saṃpratīdaṃ jagattrayam | kṣutpipāsārditaṃ sarvaṃ sadevāsuramānuṣam
The gods said: Lord, by the sage's curse these three worlds are now afflicted with hunger and thirst — all of them, together with gods, demons and men.
AI translation rendered from the Sanskrit, not a published edition
PdP 6 231.40
तस्माद्भवंतं शरणं याताः स्म पुरुषोत्तम । त्राहि सर्वमिमं लोकं नान्यः शक्तो भवेत्क्वचित्
tasmādbhavaṃtaṃ śaraṇaṃ yātāḥ sma puruṣottama | trāhi sarvamimaṃ lokaṃ nānyaḥ śakto bhavetkvacit
Therefore we have come to you for refuge, O highest of persons. Save this whole world; no other could ever be able (to do it).
AI translation rendered from the Sanskrit, not a published edition
PdP 6 231.41
रुद्र उवाच- इत्युक्तो देवतैः सर्वैरच्युतः परमेश्वरः । विचार्य्यैतदुवाचैतान्देवान्ब्रह्मपुरोगमान्
rudra uvāca- ityukto devataiḥ sarvairacyutaḥ parameśvaraḥ | vicāryyaitaduvācaitāndevānbrahmapurogamān
Rudra said: Thus addressed by all the deities, Acyuta, the supreme Lord, reflected and said this to those gods led by Brahmā:
AI translation rendered from the Sanskrit, not a published edition
PdP 6 231.42
श्रीभगवानुवाच- अत्रिसूनोर्मुनेः शापादंतर्द्धानं गता रमा । कटाक्षदर्शनात्तस्या जगदैश्वर्य्यसंयुतम्
śrībhagavānuvāca- atrisūnormuneḥ śāpādaṃtarddhānaṃ gatā ramā | kaṭākṣadarśanāttasyā jagadaiśvaryyasaṃyutam
The Blessed Lord said: Through the curse of the sage, the son of Atri, Ramā (Lakṣmī) has vanished; from the glance of her eyes the world is endowed with sovereign splendour.
AI translation rendered from the Sanskrit, not a published edition
PdP 6 231.43
तस्माद्यूयं सुराः सर्वे शिवब्रह्मपुरोगमाः । उत्पाट्य मंदरं शैलं निधाय क्षीरसागरम्
tasmādyūyaṃ surāḥ sarve śivabrahmapurogamāḥ | utpāṭya maṃdaraṃ śailaṃ nidhāya kṣīrasāgaram
Therefore all of you gods, led by Śiva and Brahmā, having torn up Mount Mandara and placed it in the milk-ocean —
AI translation rendered from the Sanskrit, not a published edition
PdP 6 231.44
मंदरं घर्घरं कृत्वा सर्प्पराजेन वेष्टितम् । कुरुध्वं मथनं देवा दैत्यगंधर्वदानवैः
maṃdaraṃ ghargharaṃ kṛtvā sarpparājena veṣṭitam | kurudhvaṃ mathanaṃ devā daityagaṃdharvadānavaiḥ
— having made Mandara a churning-rod, encircled by the king of serpents, carry out the churning, O gods, together with the Daityas, Gandharvas and Dānavas.
AI translation rendered from the Sanskrit, not a published edition
PdP 6 231.45
उत्पद्यते च सा लक्ष्मीर्जगत्संरक्षणाय वै । तया हृष्टा महाभागा भविष्यथ न संशयः
utpadyate ca sā lakṣmīrjagatsaṃrakṣaṇāya vai | tayā hṛṣṭā mahābhāgā bhaviṣyatha na saṃśayaḥ
And that Lakṣmī will arise for the protection of the world; delighted by her you will become greatly fortunate — there is no doubt.
AI translation rendered from the Sanskrit, not a published edition
PdP 6 231.46
धारयाम्यहमेवाद्रिं कूर्मरूपेण संवृतः । मम शक्त्या सुरान्सर्वान्प्रविश्य च बलीयसः
dhārayāmyahamevādriṃ kūrmarūpeṇa saṃvṛtaḥ | mama śaktyā surānsarvānpraviśya ca balīyasaḥ
I myself will hold up the mountain, assuming the form of a tortoise, and by my power entering into all the gods, (making them) stronger.
AI translation rendered from the Sanskrit, not a published edition
PdP 6 231.47
रुद्र उवाच- इत्युक्ता देवताः सर्वा हरिणा कामलक्षणे । साधुसाध्विति देवेशमूचुर्ब्रह्मपुरोगमाः
rudra uvāca- ityuktā devatāḥ sarvā hariṇā kāmalakṣaṇe | sādhusādhviti deveśamūcurbrahmapurogamāḥ
Rudra said: Thus addressed by Hari, all the deities, O lovely-featured one, led by Brahmā, said to the lord of gods, "Well done, well done!"
AI translation rendered from the Sanskrit, not a published edition
PdP 6 231.48
संस्तूयमानो भगवानच्युतः सुरसत्तमैः । अंतर्दधे ततः श्रीमान्सर्वलोकनमस्कृतः । सर्वाधारः सर्वदेवः सर्वत्र समदर्शनः
saṃstūyamāno bhagavānacyutaḥ surasattamaiḥ | aṃtardadhe tataḥ śrīmānsarvalokanamaskṛtaḥ | sarvādhāraḥ sarvadevaḥ sarvatra samadarśanaḥ
While being praised by the best of the gods, the Blessed, imperishable, glorious one then vanished — he who is saluted by all the worlds, the support of all, the god of all, seeing all things equally.
AI translation rendered from the Sanskrit, not a published edition
PdP 6 231.231
उमामहेश्वरसंवादे दुर्वाससःशापकथनंनाम एकत्रिंशदधिकद्विशततमोऽध्यायः
umāmaheśvarasaṃvāde durvāsasaḥśāpakathanaṃnāma ekatriṃśadadhikadviśatatamo'dhyāyaḥ
Thus the two hundred and thirty-first chapter, called "The telling of Durvāsas's curse," in the dialogue of Umā and Maheśvara.
AI translation rendered from the Sanskrit, not a published edition