Padma Purana — Uttara Khanda — Chapter 23
PdP 6 23.1
महादेवउवाच- शृणु नारद वक्ष्यामि माहात्म्यं तुलसीभवम् । यच्छ्रुत्वा मुच्यते पापादाजन्ममरणांतिकात्
mahādevauvāca- śṛṇu nārada vakṣyāmi māhātmyaṃ tulasībhavam | yacchrutvā mucyate pāpādājanmamaraṇāṃtikāt
Mahādeva said: Listen, Nārada; I shall tell the greatness of what arises from the tulasī, hearing which one is freed from sin, right up to (freedom from) birth and death.
AI translation rendered from the Sanskrit, not a published edition
PdP 6 23.2
पत्रं पुष्पं फलं मूलं शाखा त्वक्स्कंधसंज्ञितम् । तुलसी संभवं सर्वं पावनं मृत्तिकादिकम्
patraṃ puṣpaṃ phalaṃ mūlaṃ śākhā tvakskaṃdhasaṃjñitam | tulasī saṃbhavaṃ sarvaṃ pāvanaṃ mṛttikādikam
Leaf, flower, fruit, root, branch, what is called bark and trunk — everything sprung from the tulasī is purifying, and the earth (at its base) too.
AI translation rendered from the Sanskrit, not a published edition
PdP 6 23.3
शरीरं दह्यते येषां तुलसीकाष्ठवह्निना । दत्वा च तुलसीकाष्ठं सर्वांगेषु मृतस्य वै
śarīraṃ dahyate yeṣāṃ tulasīkāṣṭhavahninā | datvā ca tulasīkāṣṭhaṃ sarvāṃgeṣu mṛtasya vai
Those whose body is burned with a fire of tulasī wood — and (he who), having placed tulasī wood on all the limbs of the dead man,
AI translation rendered from the Sanskrit, not a published edition
PdP 6 23.4
पश्चाद्यः कुरुते दाहं सोऽपि पापात्प्रमुच्यते । मरणे यस्य संप्राप्तं कीर्तनं स्मरणं हरेः
paścādyaḥ kurute dāhaṃ so'pi pāpātpramucyate | maraṇe yasya saṃprāptaṃ kīrtanaṃ smaraṇaṃ hareḥ
afterwards performs the cremation — he too is released from sin. He at whose death the chanting and remembrance of Hari have come about,
AI translation rendered from the Sanskrit, not a published edition
PdP 6 23.5
तुलसीदारुणा दाहो न तस्य पुनरावृतिः । यद्येकं तुलसीकाष्ठं मध्ये काष्ठशतस्य हि
tulasīdāruṇā dāho na tasya punarāvṛtiḥ | yadyekaṃ tulasīkāṣṭhaṃ madhye kāṣṭhaśatasya hi
and (whose) cremation is with tulasī wood — for him there is no returning again. If a single piece of tulasī wood (is placed) in the midst of a hundred pieces of wood,
AI translation rendered from the Sanskrit, not a published edition
PdP 6 23.6
दाहकाले भवेन्मुक्तिः कोटिपापायुतस्य च । गंगांभसाभिषेकेण यांति पुण्यानि पुण्यताम्
dāhakāle bhavenmuktiḥ koṭipāpāyutasya ca | gaṃgāṃbhasābhiṣekeṇa yāṃti puṇyāni puṇyatām
at the time of cremation there would be release even for one with ten thousand crores of sins. As by sprinkling with Gaṅgā water merits attain (greater) purity,
AI translation rendered from the Sanskrit, not a published edition
PdP 6 23.7
तुलसीकाष्ठमिश्राणि यांति दारूणि पुण्यताम् । तुलसीकाष्ठसंमिश्रा यावत्प्रज्वलते चिता
tulasīkāṣṭhamiśrāṇi yāṃti dārūṇi puṇyatām | tulasīkāṣṭhasaṃmiśrā yāvatprajvalate citā
so pieces of wood mixed with tulasī wood attain purity. As long as the pyre mixed with tulasī wood blazes,
AI translation rendered from the Sanskrit, not a published edition
PdP 6 23.8
दह्यंति तस्य पापानि कल्पकोटिकृतानि वै । दह्यमानं नरं दृष्ट्वा तुलसीकाष्ठवह्निना
dahyaṃti tasya pāpāni kalpakoṭikṛtāni vai | dahyamānaṃ naraṃ dṛṣṭvā tulasīkāṣṭhavahninā
his sins committed through a crore of aeons are burnt away. Seeing a man being burnt with a fire of tulasī wood,
AI translation rendered from the Sanskrit, not a published edition
PdP 6 23.9
नयंति तं विष्णुदूता न च वै यमकिंकराः । जन्मकोटिसहस्रैस्तु मुक्तो याति जनार्दनम्
nayaṃti taṃ viṣṇudūtā na ca vai yamakiṃkarāḥ | janmakoṭisahasraistu mukto yāti janārdanam
Viṣṇu's messengers lead him away, and not Yama's servants; released after thousands of crores of births, he goes to Janārdana.
AI translation rendered from the Sanskrit, not a published edition
PdP 6 23.10
दह्यंते ये नरा लोके तुलसीकाष्ठवह्निना । तान्विमानस्थितान्देवाः क्षिपंति कुसुमांजलिम्
dahyaṃte ye narā loke tulasīkāṣṭhavahninā | tānvimānasthitāndevāḥ kṣipaṃti kusumāṃjalim
Those men in the world who are burnt with a fire of tulasī wood — the gods, standing in their celestial cars, cast handfuls of flowers upon them.
AI translation rendered from the Sanskrit, not a published edition
PdP 6 23.11
नृत्यंत्यप्सरसः सर्वा गीतं गायंति गायकाः । जायंते वीक्ष्य तं विष्णुः संतुष्टः शंभुना सह
nṛtyaṃtyapsarasaḥ sarvā gītaṃ gāyaṃti gāyakāḥ | jāyaṃte vīkṣya taṃ viṣṇuḥ saṃtuṣṭaḥ śaṃbhunā saha
All the apsarases dance, the singers sing songs; seeing him, Viṣṇu together with Śambhu becomes pleased.
AI translation rendered from the Sanskrit, not a published edition — the model flagged this verse as uncertain
PdP 6 23.12
गृहीत्वा तं करे शौरिर्गृहं नीत्वास्य चांगतः । मार्जयेत्सर्वपापानि पश्यतां त्रिदिवौकसाम्
gṛhītvā taṃ kare śaurirgṛhaṃ nītvāsya cāṃgataḥ | mārjayetsarvapāpāni paśyatāṃ tridivaukasām
Taking him by the hand, Śauri (Viṣṇu), leading (him) to (his own) abode, wipes away all (his) sins from his body, while the dwellers of the three heavens look on.
AI translation rendered from the Sanskrit, not a published edition — the model flagged this verse as uncertain
PdP 6 23.13
महोत्सवं कारयित्वा जयशब्दपुरःसरम् । ज्वलते यत्र चाज्येन तुलसीकाष्ठपावकः
mahotsavaṃ kārayitvā jayaśabdapuraḥsaram | jvalate yatra cājyena tulasīkāṣṭhapāvakaḥ
Having had a great festival held, preceded by shouts of victory — (there) where the fire of tulasī wood blazes with ghee...
AI translation rendered from the Sanskrit, not a published edition
PdP 6 23.14
अग्न्यगारे श्मशाने वा दह्यते पातकं नृणाम् । होमं कुर्वंति ये विप्रास्तुलसीकाष्ठवह्निना । सिक्ते सिक्ते तिले वापि अग्निष्टोमफलं लभेत्
agnyagāre śmaśāne vā dahyate pātakaṃ nṛṇām | homaṃ kurvaṃti ye viprāstulasīkāṣṭhavahninā | sikte sikte tile vāpi agniṣṭomaphalaṃ labhet
Whether in the fire-hall or in the cremation ground, the sin of men is burnt away. Those brahmins who perform the fire-oblation with a fire of tulasī wood — for each and every sesame seed sprinkled (with ghee) one gains the fruit of an Agniṣṭoma sacrifice.
AI translation rendered from the Sanskrit, not a published edition
PdP 6 23.15
यो ददाति हरेर्धूपं तुलसीकाष्ठसंभवम् । शतक्रतुसमं पुण्यं लभते गोशतं फलम्
yo dadāti harerdhūpaṃ tulasīkāṣṭhasaṃbhavam | śatakratusamaṃ puṇyaṃ labhate gośataṃ phalam
He who offers Hari incense produced from tulasī wood gains merit equal to a hundred sacrifices and the fruit of (giving) a hundred cows.
AI translation rendered from the Sanskrit, not a published edition
PdP 6 23.16
नैवेद्यं पच्यते यस्तु तुलसीकाष्ठवह्निना । मेरुतुल्यं भवेद्दत्तं तदन्नं केशवस्य हि
naivedyaṃ pacyate yastu tulasīkāṣṭhavahninā | merutulyaṃ bhaveddattaṃ tadannaṃ keśavasya hi
He who cooks food-offering with a fire of tulasī wood — that food, when given to Keśava, becomes equal to Meru.
AI translation rendered from the Sanskrit, not a published edition
PdP 6 23.17
तुलसीपावकेनाथ यो दीपं कुरुते हरेः । दीपलक्षसहस्राणां पुण्यं स लभते फलम्
tulasīpāvakenātha yo dīpaṃ kurute hareḥ | dīpalakṣasahasrāṇāṃ puṇyaṃ sa labhate phalam
And he who makes a lamp for Hari with a tulasī(-wood) fire gains the merit and fruit of a hundred thousand thousand lamps.
AI translation rendered from the Sanskrit, not a published edition
PdP 6 23.18
न तेन सदृशो लोके वैष्णवो भुवि दृश्यते । यः प्रयच्छति कृष्णस्य तुलसीकाष्ठचंदनम्
na tena sadṛśo loke vaiṣṇavo bhuvi dṛśyate | yaḥ prayacchati kṛṣṇasya tulasīkāṣṭhacaṃdanam
No Vaiṣṇava on earth is seen in the world to equal him who presents to Kṛṣṇa sandal-paste of tulasī wood.
AI translation rendered from the Sanskrit, not a published edition
PdP 6 23.19
स जायते कृपापात्रं विष्णोर्वाडवसत्तम
sa jāyate kṛpāpātraṃ viṣṇorvāḍavasattama
He becomes a vessel of Viṣṇu's grace, O best of brahmins.
AI translation rendered from the Sanskrit, not a published edition
PdP 6 23.20
तुलसीदारुजातेन चंदनेन कलौ हरिम् । विलिप्य भक्तितो नित्यं रमते हरिसन्निधौ
tulasīdārujātena caṃdanena kalau harim | vilipya bhaktito nityaṃ ramate harisannidhau
Having smeared Hari, in the Kali age, with sandal-paste produced from tulasī wood, out of devotion, he rejoices forever in Hari's presence.
AI translation rendered from the Sanskrit, not a published edition
PdP 6 23.21
तुलसीपंकलिप्तांगः कुरुते विष्णुपूजनम् । पूजाशतदिनैकाह्ना लभ्यते गोशतं फलम्
tulasīpaṃkaliptāṃgaḥ kurute viṣṇupūjanam | pūjāśatadinaikāhnā labhyate gośataṃ phalam
He whose body is smeared with tulasī paste performs the worship of Viṣṇu: by a single day (of such worship) the (merit of) a hundred days of worship is gained, and the fruit of (giving) a hundred cows.
AI translation rendered from the Sanskrit, not a published edition — the model flagged this verse as uncertain
PdP 6 23.22
विलेपार्थे तु कृष्णस्य तुलसीकाष्ठचंदनम् । मंदिरे तिष्ठते यावत्तावत्पुण्यफलं शृणु
vilepārthe tu kṛṣṇasya tulasīkāṣṭhacaṃdanam | maṃdire tiṣṭhate yāvattāvatpuṇyaphalaṃ śṛṇu
As long as sandal-paste of tulasī wood, meant for anointing Kṛṣṇa, remains in the temple — hear the fruit of merit for that long.
AI translation rendered from the Sanskrit, not a published edition
PdP 6 23.23
तिलप्रस्थाष्टकं दत्वा यत्पुण्यं प्राप्नुयान्नरः । तत्फलं जायते पुंसां प्रसादाच्चक्रपाणिनः
tilaprasthāṣṭakaṃ datvā yatpuṇyaṃ prāpnuyānnaraḥ | tatphalaṃ jāyate puṃsāṃ prasādāccakrapāṇinaḥ
Whatever merit a man would obtain by giving eight prasthas of sesame, that same fruit accrues to men by the grace of the Discus-bearer.
AI translation rendered from the Sanskrit, not a published edition
PdP 6 23.24
यो ददाति पितॄणां तु पिंडे तुलसिसंभवम् । दलं संजायते तृप्तिः पत्रे पत्रे शताब्दिका
yo dadāti pitṝṇāṃ tu piṃḍe tulasisaṃbhavam | dalaṃ saṃjāyate tṛptiḥ patre patre śatābdikā
He who offers to the ancestors, on the rice-ball, a leaf grown from tulasī — with each leaf a hundred years' satisfaction arises (for them).
AI translation rendered from the Sanskrit, not a published edition
PdP 6 23.25
तुलसीमूलमृत्स्नैव स्नानं कुर्याद्विशेषतः । तेन तीर्थे कृतं स्नानं यावच्चांगे च मृत्तिका
tulasīmūlamṛtsnaiva snānaṃ kuryādviśeṣataḥ | tena tīrthe kṛtaṃ snānaṃ yāvaccāṃge ca mṛttikā
One should especially bathe with the earth from the root of the tulasī: by that, a bath is (as good as) taken at a sacred ford, for as long as the earth remains on the body.
AI translation rendered from the Sanskrit, not a published edition
PdP 6 23.26
तदीय यातु मंजर्या पूजनं च करोति यः । नानापुष्पैः कृता पूजा यावच्चंद्रदिवाकरौ
tadīya yātu maṃjaryā pūjanaṃ ca karoti yaḥ | nānāpuṣpaiḥ kṛtā pūjā yāvaccaṃdradivākarau
And he who performs worship with its blossom-cluster — (that is as if) worship were done with manifold flowers for as long as the moon and the sun (endure).
AI translation rendered from the Sanskrit, not a published edition — the model flagged this verse as uncertain
PdP 6 23.27
यस्मिन्गृहेऽवतिष्ठेत तुलसी वृक्षवाटिका । दर्शनात्स्पर्शनाच्चैव ब्रह्महत्यादिपातकम् । तत्सर्वं विलयं याति दर्शनेनैव नारद
yasmingṛhe'vatiṣṭheta tulasī vṛkṣavāṭikā | darśanātsparśanāccaiva brahmahatyādipātakam | tatsarvaṃ vilayaṃ yāti darśanenaiva nārada
In whatever house a tulasī plot of shrubs stands, by seeing and by touching (it) the sin of brahmin-murder and the rest — all that goes to dissolution merely by the sight (of it), O Nārada.
AI translation rendered from the Sanskrit, not a published edition
PdP 6 23.28
महादेव उवाच- अथान्यत्ते प्रवक्ष्यामि शृणुष्वैकाग्रमानसः । न कस्यापि च कथितं शृणु देवर्षिसत्तम
mahādeva uvāca- athānyatte pravakṣyāmi śṛṇuṣvaikāgramānasaḥ | na kasyāpi ca kathitaṃ śṛṇu devarṣisattama
Mahādeva said: Now I shall declare to you another matter; listen with a one-pointed mind. It has been told to no one; listen, O best of divine sages.
AI translation rendered from the Sanskrit, not a published edition
PdP 6 23.29
यत्र यत्र गृहे ग्रामे वने वा तुलसी भवेत् । तत्र तत्र जगत्स्वामी प्रीतात्मा च वसेद्धरिः
yatra yatra gṛhe grāme vane vā tulasī bhavet | tatra tatra jagatsvāmī prītātmā ca vaseddhariḥ
Wherever tulasī grows, in house, village, or forest, there the Lord of the world, Hari, dwells with a pleased heart.
AI translation rendered from the Sanskrit, not a published edition
PdP 6 23.30
गृहे तस्मिन्न दारिद्र्यं नायोगो बंधुसंभवः । न दुःखं न भयं रोगस्तुलसी यत्र तिष्ठति
gṛhe tasminna dāridryaṃ nāyogo baṃdhusaṃbhavaḥ | na duḥkhaṃ na bhayaṃ rogastulasī yatra tiṣṭhati
In that house there is no poverty, no misfortune arising from kinsmen, no sorrow, no fear, no disease — where tulasī stands.
AI translation rendered from the Sanskrit, not a published edition
PdP 6 23.31
सर्वत्र तुलसी पुण्या पुण्यक्षेत्रे विशेषतः । संनिधौ तस्य देवस्य रोपणात्पृथिवीतले
sarvatra tulasī puṇyā puṇyakṣetre viśeṣataḥ | saṃnidhau tasya devasya ropaṇātpṛthivītale
Everywhere tulasī is holy, and especially in a holy place; (so too) from planting (it) on the earth in the presence of that god...
AI translation rendered from the Sanskrit, not a published edition
PdP 6 23.32
तेषां विष्णुपदं नित्यं तुलस्यारोपणे कृते । उत्पादान्दारुणान्रोगान्दुर्निमित्तान्यनेकशः । तुलस्याभ्यर्चिते भक्त्या हंत शांतिकरो हरिः
teṣāṃ viṣṇupadaṃ nityaṃ tulasyāropaṇe kṛte | utpādāndāruṇānrogāndurnimittānyanekaśaḥ | tulasyābhyarcite bhaktyā haṃta śāṃtikaro hariḥ
For such men Viṣṇu's abode is theirs forever, when the planting of tulasī has been performed. Grievous ailments that have arisen and ill omens of many kinds — when (Hari) has been worshipped with tulasī in devotion, then indeed Hari puts them to rest.
AI translation rendered from the Sanskrit, not a published edition — the model flagged this verse as uncertain
PdP 6 23.33
तुलसीगंधमाघ्राय यत्र गच्छति मारुतः । दिशो दश च ताः पूता भूतग्रामश्चतुर्विधः
tulasīgaṃdhamāghrāya yatra gacchati mārutaḥ | diśo daśa ca tāḥ pūtā bhūtagrāmaścaturvidhaḥ
Wherever the wind goes after taking up the scent of tulasī, those ten directions are purified, and the fourfold host of beings (as well).
AI translation rendered from the Sanskrit, not a published edition
PdP 6 23.34
यस्मिन्गृहे मुनिश्रेष्ठ तुलसीमूलमृत्तिका । सर्वदा तत्र तिष्ठंति देवताश्च शिवो हरिः
yasmingṛhe muniśreṣṭha tulasīmūlamṛttikā | sarvadā tatra tiṣṭhaṃti devatāśca śivo hariḥ
In whatever house, O best of sages, there is earth from the root of a tulasī, there the gods, and Śiva and Hari, dwell at all times.
AI translation rendered from the Sanskrit, not a published edition
PdP 6 23.35
तुलसीवनजा छाया यत्र यत्र भवेद्दिवज । तर्पणं कुरुते तत्र पितॄणां दत्तमक्षयम्
tulasīvanajā chāyā yatra yatra bhaveddivaja | tarpaṇaṃ kurute tatra pitṝṇāṃ dattamakṣayam
Wherever, O twice-born, there is shade cast by a grove of tulasī, if one performs the offering of water to the ancestors there, what is given becomes imperishable.
AI translation rendered from the Sanskrit, not a published edition
PdP 6 23.36
तस्य मूले स्थितो ब्रह्मा मध्ये देवो जनार्दनः । मंजर्यां वसते रुद्रः तुलसी तेन पावनी
tasya mūle sthito brahmā madhye devo janārdanaḥ | maṃjaryāṃ vasate rudraḥ tulasī tena pāvanī
At its root stands Brahmā, in its middle the god Janārdana, and in its flower-cluster dwells Rudra; by that the tulasī is purifying.
AI translation rendered from the Sanskrit, not a published edition
PdP 6 23.37
विना यस्तुलसीं कुर्यात्संध्याकाले तु मार्जनम् । तत्सर्वं राक्षसहृतं नरकं च प्रयच्छति
vinā yastulasīṃ kuryātsaṃdhyākāle tu mārjanam | tatsarvaṃ rākṣasahṛtaṃ narakaṃ ca prayacchati
But whoever does the sweeping at the twilight hour without tulasī — all that is seized by demons, and it brings hell as well.
AI translation rendered from the Sanskrit, not a published edition
PdP 6 23.38
तुलसीपत्रगलितं तोयं यः शिरसावहेत् । गंगाफलमवाप्नोति शतधेनुफलं लभेत्
tulasīpatragalitaṃ toyaṃ yaḥ śirasāvahet | gaṃgāphalamavāpnoti śatadhenuphalaṃ labhet
Whoever should bear on his head water that has dripped from a tulasī leaf obtains the fruit of (bathing in) the Gaṅgā, and gains the fruit of (giving) a hundred cows.
AI translation rendered from the Sanskrit, not a published edition
PdP 6 23.39
शिवालये विशेषेण रोपयेत्तुलसीं यदि । बीजसंख्या वसेत्स्वर्गे प्रत्येकं युगसंख्यया
śivālaye viśeṣeṇa ropayettulasīṃ yadi | bījasaṃkhyā vasetsvarge pratyekaṃ yugasaṃkhyayā
If one plants tulasī, especially in a temple of Śiva, he dwells in heaven for as many ages as there are seeds, an age for each one.
AI translation rendered from the Sanskrit, not a published edition
PdP 6 23.40
उमया तु पुरा देवि शंकरार्थं हिमालये । रोपिताः शतवृक्षास्तु तुलस्याः प्रणतोऽस्म्यहम्
umayā tu purā devi śaṃkarārthaṃ himālaye | ropitāḥ śatavṛkṣāstu tulasyāḥ praṇato'smyaham
Long ago, O goddess, a hundred tulasī plants were planted by Umā in the Himālaya for Śaṅkara's sake; to the tulasī I make my obeisance.
AI translation rendered from the Sanskrit, not a published edition
PdP 6 23.41
पर्वण्यवसरे यस्तु श्रावणे चाथ रोपयेत् । संक्रांतिदिवसे चैव तुलसी चातिपुण्यदा
parvaṇyavasare yastu śrāvaṇe cātha ropayet | saṃkrāṃtidivase caiva tulasī cātipuṇyadā
But whoever plants (it) on the occasion of a festival day, or in (the month of) Śrāvaṇa, or on the day of the sun's passage into a new sign — the tulasī then bestows exceeding merit.
AI translation rendered from the Sanskrit, not a published edition
PdP 6 23.42
तुलसीं पूजयेन्नित्यं दरिद्र ईश्वरो भवेत् । सर्वसिद्धिकरामूर्तिः कृष्णः कीर्तिं ददाति च
tulasīṃ pūjayennityaṃ daridra īśvaro bhavet | sarvasiddhikarāmūrtiḥ kṛṣṇaḥ kīrtiṃ dadāti ca
Let one worship the tulasī daily: a poor man will become a lord. (Her) form grants every attainment, and Kṛṣṇa bestows renown.
AI translation rendered from the Sanskrit, not a published edition — the model flagged this verse as uncertain
PdP 6 23.43
शालग्रामशिला यत्र तत्र संनिहितो हरिः । तत्र स्नानं च दानं च वाराणस्यां शताधिकम्
śālagrāmaśilā yatra tatra saṃnihito hariḥ | tatra snānaṃ ca dānaṃ ca vārāṇasyāṃ śatādhikam
Wherever there is a śālagrāma stone, there Hari is present; bathing and giving there is more than a hundredfold (of that done) at Vārāṇasī.
AI translation rendered from the Sanskrit, not a published edition
PdP 6 23.44
कुरुक्षेत्रं प्रयागं च नैमिषारण्यमेव च । तस्य कोटिगुणं पुण्यं शालग्रामशिलार्चनात्
kurukṣetraṃ prayāgaṃ ca naimiṣāraṇyameva ca | tasya koṭiguṇaṃ puṇyaṃ śālagrāmaśilārcanāt
Kurukṣetra, Prayāga, and the Naimiṣa forest — merit ten million times theirs comes from the worship of a śālagrāma stone.
AI translation rendered from the Sanskrit, not a published edition
PdP 6 23.45
शालग्राममयी मुद्रा संस्थिता यत्र हि क्वचित् । वाराणस्यां च यत्पुण्यं सर्वं तत्रैव तद्भवेत्
śālagrāmamayī mudrā saṃsthitā yatra hi kvacit | vārāṇasyāṃ ca yatpuṇyaṃ sarvaṃ tatraiva tadbhavet
Wherever a mark made of śālagrāma stone is set up, whatever merit there is at Vārāṇasī, all of it comes to be right there.
AI translation rendered from the Sanskrit, not a published edition
PdP 6 23.46
ब्रह्महत्यादिकं पापं यत्किंचित्कुरुते नरः । तत्सर्वं नाशयेदाशु शालग्रामशिलार्चनात्
brahmahatyādikaṃ pāpaṃ yatkiṃcitkurute naraḥ | tatsarvaṃ nāśayedāśu śālagrāmaśilārcanāt
Whatever sin a man commits, beginning with the killing of a brahmin, all of it is swiftly destroyed by the worship of a śālagrāma stone.
AI translation rendered from the Sanskrit, not a published edition