Padma Purana — Uttara Khanda — Chapter 223
PdP 6 223.1
शौनक उवाच- सूतसूत महाभाग धन्योसि त्वं भवांबुधौ । यन्नोऽत्यर्थं निमग्नानां पाययस्वमृतोत्करम्
śaunaka uvāca- sūtasūta mahābhāga dhanyosi tvaṃ bhavāṃbudhau | yanno'tyarthaṃ nimagnānāṃ pāyayasvamṛtotkaram
Śaunaka said: O Sūta, Sūta, greatly fortunate one, you are blessed, in that you make us, who are deeply sunk in the ocean of worldly existence, drink an abundance of nectar.
AI translation rendered from the Sanskrit, not a published edition
PdP 6 223.2
साधोऽत्र भवनिस्तार वांछतां नः समादिश । मंत्ररत्नं भावशुद्धं यन्मयं सचराचरम्
sādho'tra bhavanistāra vāṃchatāṃ naḥ samādiśa | maṃtraratnaṃ bhāvaśuddhaṃ yanmayaṃ sacarācaram
O good one, teach us here, who desire deliverance from existence, the jewel of a mantra, pure in its import, of which (all) this with its moving and unmoving (beings) consists.
AI translation rendered from the Sanskrit, not a published edition — the model flagged this verse as uncertain
PdP 6 223.3
सूत उवाच- शृणु शौनक वक्ष्यामि मंत्ररत्नं महाद्भुतम् । यद्दिलीपाय गदितं वसिष्ठेन महात्मना
sūta uvāca- śṛṇu śaunaka vakṣyāmi maṃtraratnaṃ mahādbhutam | yaddilīpāya gaditaṃ vasiṣṭhena mahātmanā
Sūta said: Listen, Śaunaka, I shall tell the greatly wondrous jewel of a mantra, which was declared to Dilīpa by the great-souled Vasiṣṭha.
AI translation rendered from the Sanskrit, not a published edition
PdP 6 223.4
एकदा तु दिलीपेन पृष्टमेतद्गुरुं प्रति । वसिष्ठं द्विजशार्दूलं प्रणिपत्य यथा त्वया
ekadā tu dilīpena pṛṣṭametadguruṃ prati | vasiṣṭhaṃ dvijaśārdūlaṃ praṇipatya yathā tvayā
Once this was asked by Dilīpa of his teacher, Vasiṣṭha, the tiger among twice-born, having bowed down — just as (it is asked) by you.
AI translation rendered from the Sanskrit, not a published edition
PdP 6 223.5
दिलीप उवाच- भगवन्भवता प्रोक्तास्सर्वधर्माविशेषतः । वर्णाश्रमयुता धर्मा नित्यनैमित्तिकाः क्रियाः
dilīpa uvāca- bhagavanbhavatā proktāssarvadharmāviśeṣataḥ | varṇāśramayutā dharmā nityanaimittikāḥ kriyāḥ
Dilīpa said: Reverend sir, all the duties have been declared by you in detail: the duties connected with class and stage of life, the regular and occasional rites.
AI translation rendered from the Sanskrit, not a published edition
PdP 6 223.6
राजधर्म्माश्च यज्ञाश्च तीर्थदानव्रतादिकम् । श्रुता मया मुनिःश्रेष्ठ अक्षय्य स्वर्गभोगदाः
rājadharmmāśca yajñāśca tīrthadānavratādikam | śrutā mayā muniḥśreṣṭha akṣayya svargabhogadāḥ
And the duties of kings, and sacrifices, and pilgrimage, gift, vows and the rest — these I have heard, O best of sages, which give imperishable enjoyment of heaven.
AI translation rendered from the Sanskrit, not a published edition
PdP 6 223.7
अधुना श्रोतुमिच्छामि मोक्षमार्गं सनातनम् । दिष्ट्याहं येन गच्छामि तद्ब्रह्मन्वक्तुमर्हसि
adhunā śrotumicchāmi mokṣamārgaṃ sanātanam | diṣṭyāhaṃ yena gacchāmi tadbrahmanvaktumarhasi
Now I wish to hear the eternal path to liberation, by which I may fortunately go (there); that, O brahmin, you ought to tell.
AI translation rendered from the Sanskrit, not a published edition
PdP 6 223.8
को मंत्रं सर्वमंत्राणां भवरोगैकभेषजम् । सर्वेषामेव देहीनां को हि मोक्षप्रदः परः
ko maṃtraṃ sarvamaṃtrāṇāṃ bhavarogaikabheṣajam | sarveṣāmeva dehīnāṃ ko hi mokṣapradaḥ paraḥ
Which mantra, among all mantras, is the one medicine for the disease of worldly existence? And which is the supreme bestower of liberation for all embodied beings?
AI translation rendered from the Sanskrit, not a published edition
PdP 6 223.9
तत्समाख्याहि तत्त्वेन मयि वात्सल्यगौरवात्
tatsamākhyāhi tattvena mayi vātsalyagauravāt
Declare that truly, out of the weight of your affection for me.
AI translation rendered from the Sanskrit, not a published edition
PdP 6 223.10
वसिष्ठ उवाच- साधुपृष्टं त्वया राजन्सर्वलोकहितैषिणा । वक्ष्यामि परमं गुह्यमेकं संसारतारकम्
vasiṣṭha uvāca- sādhupṛṣṭaṃ tvayā rājansarvalokahitaiṣiṇā | vakṣyāmi paramaṃ guhyamekaṃ saṃsāratārakam
Vasiṣṭha said: Well have you asked, O king, you who desire the welfare of all the world. I shall tell (you) the one supreme secret that carries (one) across worldly existence.
AI translation rendered from the Sanskrit, not a published edition
PdP 6 223.11
पुरा महर्षयः सर्वे यज्ञदानपराः शुभाः । पप्रच्छुर्ब्रह्मणः पुत्रं नारदं मुनिसत्तमम्
purā maharṣayaḥ sarve yajñadānaparāḥ śubhāḥ | papracchurbrahmaṇaḥ putraṃ nāradaṃ munisattamam
Formerly all the great seers, auspicious ones devoted to sacrifice and giving, asked Brahmā's son Nārada, the best of sages.
AI translation rendered from the Sanskrit, not a published edition
PdP 6 223.12
महर्षय ऊचुः - भगवन्केन मंत्रेण गच्छामः परमं पदम् । तन्नो ब्रूहि महाभाग प्रसादं कर्तुमर्हसि
maharṣaya ūcuḥ - bhagavankena maṃtreṇa gacchāmaḥ paramaṃ padam | tanno brūhi mahābhāga prasādaṃ kartumarhasi
The great seers said: Lord, by what mantra do we go to the highest state? Tell us that, greatly blessed one; be pleased to show (us) favour.
AI translation rendered from the Sanskrit, not a published edition
PdP 6 223.13
नारद उवाच-। पितामहं पुरा सर्वे योगिनः सनकादयः । पप्रच्छुरेकमेकांते मोक्षमार्गं सुदुर्ल्लभम्
nārada uvāca-| pitāmahaṃ purā sarve yoginaḥ sanakādayaḥ | papracchurekamekāṃte mokṣamārgaṃ sudurllabham
Nārada said: Formerly all the yogins, Sanaka and the others, asked the Grandfather in private about the one, very hard-to-obtain path of liberation.
AI translation rendered from the Sanskrit, not a published edition
PdP 6 223.14
ब्रह्मोवाच-। शृणुध्वं योगिनः सर्वे रहस्यमिदमद्भुतम्
brahmovāca-| śṛṇudhvaṃ yoginaḥ sarve rahasyamidamadbhutam
Brahmā said: Hear, all you yogins, this wondrous secret.
AI translation rendered from the Sanskrit, not a published edition
PdP 6 223.15
न जानंति सुराः सर्वे ऋषयश्च तपोधनाः । सर्गादौ प्रोक्तवान्देवो मह्यं नारायणोऽव्ययः
na jānaṃti surāḥ sarve ṛṣayaśca tapodhanāḥ | sargādau proktavāndevo mahyaṃ nārāyaṇo'vyayaḥ
All the gods do not know it, nor the seers whose wealth is austerity; at the beginning of creation the god, the imperishable Nārāyaṇa, declared it to me.
AI translation rendered from the Sanskrit, not a published edition
PdP 6 223.16
ईश्वर्या सह देव्या च सम्यक्संपूजितो मया । ततः प्रसन्नो भगवान्मम नारायणोऽव्ययः
īśvaryā saha devyā ca samyaksaṃpūjito mayā | tataḥ prasanno bhagavānmama nārāyaṇo'vyayaḥ
He was duly worshipped by me together with the sovereign Goddess; then the Lord, the imperishable Nārāyaṇa, was pleased with me.
AI translation rendered from the Sanskrit, not a published edition
PdP 6 223.17
प्राजापत्यं ददौ मह्यं श्रुतिजं सर्ववाङ्मयम् । प्रकाशकानि मंत्राणि व्यापकाव्यापकानि च
prājāpatyaṃ dadau mahyaṃ śrutijaṃ sarvavāṅmayam | prakāśakāni maṃtrāṇi vyāpakāvyāpakāni ca
He gave me the office of Prajāpati, born of scripture, consisting of all speech, and the illuminating mantras, both the pervasive and the non-pervasive.
AI translation rendered from the Sanskrit, not a published edition — the model flagged this verse as uncertain
PdP 6 223.18
ततस्तमब्रुवं देवं पुराणपुरुषोत्तमम् । भगवन्केन मंत्रेण संसारोत्तारणं नृणाम्
tatastamabruvaṃ devaṃ purāṇapuruṣottamam | bhagavankena maṃtreṇa saṃsārottāraṇaṃ nṛṇām
Then I said to that god, the ancient Supreme Person: "Lord, by what mantra is there deliverance of men from worldly existence?"
AI translation rendered from the Sanskrit, not a published edition
PdP 6 223.19
तन्ममाचक्ष्व तत्त्वेन सर्वलोकहिताय वै । को मन्त्रः सर्वमन्त्राणां पुरश्चरणवर्जितः
tanmamācakṣva tattvena sarvalokahitāya vai | ko mantraḥ sarvamantrāṇāṃ puraścaraṇavarjitaḥ
"Tell me that truly, for the welfare of all the world: which mantra, among all mantras, is free of preliminary rites,
AI translation rendered from the Sanskrit, not a published edition
PdP 6 223.20
सकृदुच्चारणान्नृणां ददाति परमं पदम् । श्रीभगवानुवाच- साधुपृष्टं महाभाग सर्वलोकहितैषिणा
sakṛduccāraṇānnṛṇāṃ dadāti paramaṃ padam | śrībhagavānuvāca- sādhupṛṣṭaṃ mahābhāga sarvalokahitaiṣiṇā
and by a single utterance grants men the highest state?" The Blessed Lord said: Well have you asked, greatly blessed one, you who desire the welfare of all the world.
AI translation rendered from the Sanskrit, not a published edition
PdP 6 223.21
तस्माद्वक्ष्यामि ते गुह्यं येन मामाप्नुयुर्नराः
tasmādvakṣyāmi te guhyaṃ yena māmāpnuyurnarāḥ
Therefore I shall tell you the secret by which men may attain me.
AI translation rendered from the Sanskrit, not a published edition
PdP 6 223.22
सर्वेषामेव मंत्राणां मंत्ररत्नं शुभावहम् । सकृत्स्मरणमात्रेण ददाति परमं पदम्
sarveṣāmeva maṃtrāṇāṃ maṃtraratnaṃ śubhāvaham | sakṛtsmaraṇamātreṇa dadāti paramaṃ padam
Of all mantras (this is) the jewel of mantras, bringing what is auspicious; by mere remembrance of it once it grants the highest state.
AI translation rendered from the Sanskrit, not a published edition
PdP 6 223.23
मंत्ररत्नद्वयं न्यासं प्रयतिः शरणागतिः । लक्ष्मीनारायणमिति मन्त्रः सर्वफलप्रदः
maṃtraratnadvayaṃ nyāsaṃ prayatiḥ śaraṇāgatiḥ | lakṣmīnārāyaṇamiti mantraḥ sarvaphalapradaḥ
The pair of mantra-jewels is (called) consignment, effort, and taking refuge; the mantra "Lakṣmī-Nārāyaṇa" bestows every fruit.
AI translation rendered from the Sanskrit, not a published edition — the model flagged this verse as uncertain
PdP 6 223.24
नामानि मंत्ररत्नस्य पर्य्यायेण निबोधत । तस्योच्चारणमात्रेण परितुष्टोस्मि नित्यशः
nāmāni maṃtraratnasya paryyāyeṇa nibodhata | tasyoccāraṇamātreṇa parituṣṭosmi nityaśaḥ
Learn the names of the mantra-jewel in their order; by the mere utterance of it I am ever wholly pleased.
AI translation rendered from the Sanskrit, not a published edition
PdP 6 223.25
कुलजो वा तपस्वी वा वेदवेदांगपारगः । यज्ञदानपरो वापि सर्वतीर्थोपसेवकः
kulajo vā tapasvī vā vedavedāṃgapāragaḥ | yajñadānaparo vāpi sarvatīrthopasevakaḥ
Whether one born in a (good) family, or an ascetic, or one who has mastered the Vedas and their auxiliaries, or one devoted to sacrifice and giving, or a frequenter of all the sacred fords,
AI translation rendered from the Sanskrit, not a published edition
PdP 6 223.26
व्रती वा सत्यवादी वा यतिर्वा ज्ञानवानपि । मन्त्राधिकारी न भवेत्तं प्रयत्नेन वर्जयेत्
vratī vā satyavādī vā yatirvā jñānavānapi | mantrādhikārī na bhavettaṃ prayatnena varjayet
or an observer of vows, or a speaker of truth, or a renouncer, or even one possessed of knowledge — (such a one) may not be entitled to the mantra; one should carefully exclude him.
AI translation rendered from the Sanskrit, not a published edition
PdP 6 223.27
ब्राह्मणाः क्षत्रिया वैश्या स्त्रियः शूद्रास्तथेतराः । तस्याधिकारिणः सर्वे मम भक्तास्तु ते यदि
brāhmaṇāḥ kṣatriyā vaiśyā striyaḥ śūdrāstathetarāḥ | tasyādhikāriṇaḥ sarve mama bhaktāstu te yadi
Brahmins, Kshatriyas, Vaishyas, women, Shudras, and likewise others — all these are entitled to it, if they are devoted to me.
AI translation rendered from the Sanskrit, not a published edition
PdP 6 223.28
अनन्यशरणानां च तथैवानन्यसेविनाम् । अनन्यसाधकानां च वक्तव्यो मन्त्र उत्तमः
ananyaśaraṇānāṃ ca tathaivānanyasevinām | ananyasādhakānāṃ ca vaktavyo mantra uttamaḥ
And to those who have no other refuge, and likewise to those who serve no other, and to those who practice toward no other, the supreme mantra is to be spoken.
AI translation rendered from the Sanskrit, not a published edition
PdP 6 223.29
आर्तानामाशु फलदस्सकृदेव कृतो ह्यसौ । दृप्तानामपि जन्तूनां देहान्तरनिवारणः
ārtānāmāśu phaladassakṛdeva kṛto hyasau | dṛptānāmapi jantūnāṃ dehāntaranivāraṇaḥ
For to the afflicted it swiftly gives fruit, even when performed but once; and even for arrogant creatures it prevents (their taking) another body.
AI translation rendered from the Sanskrit, not a published edition
PdP 6 223.30
आर्त्तो जिज्ञासुरर्थार्थी ज्ञानी वापि प्रजापतिः । सकृन्मां शरणं याति ततः कामानवाप्नुयात्
ārtto jijñāsurarthārthī jñānī vāpi prajāpatiḥ | sakṛnmāṃ śaraṇaṃ yāti tataḥ kāmānavāpnuyāt
The afflicted one, the seeker of knowledge, the seeker of wealth, or even the wise one, O Prajāpati — if he once comes to me for refuge, he thereby obtains his desires.
AI translation rendered from the Sanskrit, not a published edition
PdP 6 223.31
नादीक्षिताय वक्तव्यं नाभक्ताय च मानिने । नास्तिकाय न लुब्धाय न श्रद्धाविमुखाय च
nādīkṣitāya vaktavyaṃ nābhaktāya ca mānine | nāstikāya na lubdhāya na śraddhāvimukhāya ca
It is not to be spoken to one uninitiated, nor to one without devotion, nor to one full of pride, nor to a denier (of God), nor to a greedy man, nor to one averse to faith.
AI translation rendered from the Sanskrit, not a published edition
PdP 6 223.32
न चाशुश्रूषवे वाच्यं नासंवत्सरवासिने । कामक्रोधविमुक्तस्तु दंभलोभविवर्जितः
na cāśuśrūṣave vācyaṃ nāsaṃvatsaravāsine | kāmakrodhavimuktastu daṃbhalobhavivarjitaḥ
Nor is it to be told to one who does not wish to hear, nor to one who has not lived (with the teacher) for a year; but one freed from desire and anger, devoid of hypocrisy and greed —
AI translation rendered from the Sanskrit, not a published edition
PdP 6 223.33
मां च यो व्यभिचारेण भक्तियोगेन सेवते । वक्तव्य तस्य विधिवन्मंत्ररत्नमनुत्तमम्
māṃ ca yo vyabhicāreṇa bhaktiyogena sevate | vaktavya tasya vidhivanmaṃtraratnamanuttamam
and who serves me with unswerving devotion — to him the unsurpassed jewel of mantras is to be spoken, according to rule.
AI translation rendered from the Sanskrit, not a published edition
PdP 6 223.34
देशकालादिनियमानरिमित्रादि शोधनम् । न्यासमुद्रादिकं तस्य पुरश्चरणसंयुतम्
deśakālādiniyamānarimitrādi śodhanam | nyāsamudrādikaṃ tasya puraścaraṇasaṃyutam
The rules concerning place, time and the rest, the purification of enemy, friend and so on, the placings (nyāsa), the hand-gestures and the rest, together with the preliminary observance (puraścaraṇa) — these are his.
AI translation rendered from the Sanskrit, not a published edition — the model flagged this verse as uncertain
PdP 6 223.35
मच्चक्रांकितदेहत्वं मदीयाराधनं तथा । मयि सन्यस्तकर्मत्वं मदनन्यशरण्यतता
maccakrāṃkitadehatvaṃ madīyārādhanaṃ tathā | mayi sanyastakarmatvaṃ madananyaśaraṇyatatā
Having the body marked with my discus, likewise the worship of what is mine, the surrendering of one's acts to me, the state of having no refuge but me,
AI translation rendered from the Sanskrit, not a published edition
PdP 6 223.36
मयि सर्वफलन्यासो महाविश्वासपूर्वकम् । अनन्यसाधनो यत्नस्त्वकिंचनत्वमात्मनः
mayi sarvaphalanyāso mahāviśvāsapūrvakam | ananyasādhano yatnastvakiṃcanatvamātmanaḥ
the depositing of all fruits (of action) in me, preceded by great trust, effort with no other means, one's own state of possessing nothing,
AI translation rendered from the Sanskrit, not a published edition
PdP 6 223.37
अवैष्णवानां संभाषा वंदनादि विवर्जनम् । अनन्यदेवतानां च वन्दनं पूजनं तथा
avaiṣṇavānāṃ saṃbhāṣā vaṃdanādi vivarjanam | ananyadevatānāṃ ca vandanaṃ pūjanaṃ tathā
the avoidance of conversing with, saluting and so forth, non-Vaishnavas, and likewise the saluting and worship of no other deities —
AI translation rendered from the Sanskrit, not a published edition
PdP 6 223.38
एवमाद्यादि नियमां प्रपन्नस्य प्रकीर्तिताः । इत्यादिगुणयुक्तस्य वक्तव्यं मंत्रमुत्तमम्
evamādyādi niyamāṃ prapannasya prakīrtitāḥ | ityādiguṇayuktasya vaktavyaṃ maṃtramuttamam
These and such-like are declared to be the observances of one who has taken refuge. To one endowed with these and the like qualities the supreme mantra is to be spoken.
AI translation rendered from the Sanskrit, not a published edition
PdP 6 223.39
तस्य नारायणश्चाहमृषिर्विष्णुः सनातनः । देवता च श्रिया सार्द्धमहं वात्सल्यसागरः
tasya nārāyaṇaścāhamṛṣirviṣṇuḥ sanātanaḥ | devatā ca śriyā sārddhamahaṃ vātsalyasāgaraḥ
Its seer is I, Nārāyaṇa, the eternal Viṣṇu; and its deity is I, together with Śrī, an ocean of tender affection,
AI translation rendered from the Sanskrit, not a published edition
PdP 6 223.40
सर्वलोकेश्वरः श्रीमान्सुशीलः सुभगस्तथा । सर्वज्ञः सर्वशक्तिश्च सदापूर्णमनोरथः
sarvalokeśvaraḥ śrīmānsuśīlaḥ subhagastathā | sarvajñaḥ sarvaśaktiśca sadāpūrṇamanorathaḥ
lord of all worlds, possessor of Śrī, of good character and likewise blessed, all-knowing and all-powerful, whose wishes are ever fulfilled,
AI translation rendered from the Sanskrit, not a published edition
PdP 6 223.41
सर्वगः सर्वबंधुश्च कृपापीयूषसागरः । श्रीमन्नारायणश्चाहं देवता समुदाहृतः
sarvagaḥ sarvabaṃdhuśca kṛpāpīyūṣasāgaraḥ | śrīmannārāyaṇaścāhaṃ devatā samudāhṛtaḥ
all-pervading and kinsman of all, an ocean of the nectar of compassion — I, Śrīman Nārāyaṇa, am declared to be the deity.
AI translation rendered from the Sanskrit, not a published edition
PdP 6 223.42
छंदस्तु देवी गायत्री पंचविंशाक्षरात्मिका । द्विस्सप्तषट्त्रिपंचद्विषडंगानि नियोजयेत्
chaṃdastu devī gāyatrī paṃcaviṃśākṣarātmikā | dvissaptaṣaṭtripaṃcadviṣaḍaṃgāni niyojayet
But the metre is the goddess Gāyatrī, consisting of twenty-five syllables. One should assign the six limbs (of the mantra) as two, seven, six, three, five, two — six (parts).
AI translation rendered from the Sanskrit, not a published edition — the model flagged this verse as uncertain
PdP 6 223.43
लक्ष्म्या मदनपायिन्या मां ध्यायेद्विश्वरूपिणम् । चक्रशंखगदापद्मपाणिनं दिव्यरूपिणम्
lakṣmyā madanapāyinyā māṃ dhyāyedviśvarūpiṇam | cakraśaṃkhagadāpadmapāṇinaṃ divyarūpiṇam
One should meditate on me, whose form is the universe, together with Lakṣmī who drinks in (the sight of) me, bearing discus, conch, mace and lotus in (my) hands, of divine form,
AI translation rendered from the Sanskrit, not a published edition
PdP 6 223.44
वामांकस्थश्रिया सार्द्धं पूजयेत्प्रयतं शुचिः । अनेन मंत्ररत्नेन गंधपुष्पनिवेदनैः । सकृत्संपूज्यमानोऽपि संतुष्टोस्मि प्रजापते
vāmāṃkasthaśriyā sārddhaṃ pūjayetprayataṃ śuciḥ | anena maṃtraratnena gaṃdhapuṣpanivedanaiḥ | sakṛtsaṃpūjyamāno'pi saṃtuṣṭosmi prajāpate
together with Śrī seated on (my) left lap. Pure and self-controlled, one should worship (me) with this jewel of mantras, with offerings of perfume and flowers; even when worshipped but once (in this way), I am satisfied, O Prajāpati.
AI translation rendered from the Sanskrit, not a published edition
PdP 6 223.45
ब्रह्मोवाच- सम्यगुक्तं त्वया नाथ रहस्यमिदमुत्तमम् । मंत्ररत्नप्रभावश्च सर्वसिद्धिप्रदो नृणाम्
brahmovāca- samyaguktaṃ tvayā nātha rahasyamidamuttamam | maṃtraratnaprabhāvaśca sarvasiddhiprado nṛṇām
Brahmā said: Well have you spoken, O Lord, this supreme secret, and the power of the jewel of mantras, which grants men every attainment.
AI translation rendered from the Sanskrit, not a published edition
PdP 6 223.46
पिता त्वं सर्वलोकानां माता त्वं गुरुरेव च । त्वं च स्वामी सखा भ्राता गतिस्त्वं शरणं सुहृत्
pitā tvaṃ sarvalokānāṃ mātā tvaṃ gurureva ca | tvaṃ ca svāmī sakhā bhrātā gatistvaṃ śaraṇaṃ suhṛt
You are the father of all worlds, you are the mother and the teacher too; you are master, friend, brother; you are the goal, the refuge, the well-wisher.
AI translation rendered from the Sanskrit, not a published edition
PdP 6 223.47
अहं तु तव देवेश दासश्शिष्यस्तथा सुहृत् । तस्मान्मम दयासिंधो प्रोक्तवानिदमुत्तमम्
ahaṃ tu tava deveśa dāsaśśiṣyastathā suhṛt | tasmānmama dayāsiṃdho proktavānidamuttamam
But I, O lord of gods, am your servant, your disciple, and your friend; therefore, O ocean of compassion, you have declared to me this highest (mantra).
AI translation rendered from the Sanskrit, not a published edition
PdP 6 223.48
अधुना मंत्ररत्नस्य दीक्षां सम्यग्विधानतः । ब्रूहि सर्वत्र तत्वेन लोकानां हितकाम्यया
adhunā maṃtraratnasya dīkṣāṃ samyagvidhānataḥ | brūhi sarvatra tatvena lokānāṃ hitakāmyayā
Now tell, in full accord with the rule, the initiation into the jewel of mantras, in its truth and in every respect, out of desire for the welfare of the worlds.
AI translation rendered from the Sanskrit, not a published edition
PdP 6 223.49
श्रीभगवानुवाच - शणु वत्स प्रवक्ष्यामि मंत्र दीक्षाविधिं परम् । आचार्यं संश्रयेत्पूर्वं मदाश्रयणसिद्धये
śrībhagavānuvāca - śaṇu vatsa pravakṣyāmi maṃtra dīkṣāvidhiṃ param | ācāryaṃ saṃśrayetpūrvaṃ madāśrayaṇasiddhaye
The Blessed Lord said: Listen, my child; I shall declare the supreme procedure for mantra-initiation. First one should take refuge with a teacher, for the accomplishment of taking refuge in me.
AI translation rendered from the Sanskrit, not a published edition
PdP 6 223.50
आचार्यो वेदसंपन्नो विष्णुभक्तो विमत्सरः । मंत्रज्ञो मन्त्रभक्तश्च सदा मंत्राश्रयः शुचिः
ācāryo vedasaṃpanno viṣṇubhakto vimatsaraḥ | maṃtrajño mantrabhaktaśca sadā maṃtrāśrayaḥ śuciḥ
The teacher (should be) accomplished in the Veda, devoted to Viṣṇu, free of envy, knowing the mantra and devoted to the mantra, always resorting to the mantra, and pure.
AI translation rendered from the Sanskrit, not a published edition
PdP 6 223.51
सत्संप्रदायसंयुक्तो ब्रह्मविद्याविशारदः । अनन्यसाधनश्चैव तथानन्यप्रयोजनः
satsaṃpradāyasaṃyukto brahmavidyāviśāradaḥ | ananyasādhanaścaiva tathānanyaprayojanaḥ
Joined to a good line of transmission, skilled in the knowledge of brahman, having no other means (than the Lord) and likewise no other aim.
AI translation rendered from the Sanskrit, not a published edition
PdP 6 223.52
ब्राह्मणो वीतरागश्च क्रोधलोभविवर्जितः । सद्वृत्तौ शासिता चैव मुमुक्षुः परमात्मवित्
brāhmaṇo vītarāgaśca krodhalobhavivarjitaḥ | sadvṛttau śāsitā caiva mumukṣuḥ paramātmavit
A brahmin, free of passion, devoid of anger and greed, one who instructs (others) in good conduct, one who desires liberation, a knower of the supreme Self.
AI translation rendered from the Sanskrit, not a published edition
PdP 6 223.53
एवमादिगुणेपेत आचार्यः स मुदा सुहृत् । आचाराञ्शासयेद्यस्तु स आचार्य इतीरितः
evamādiguṇepeta ācāryaḥ sa mudā suhṛt | ācārāñśāsayedyastu sa ācārya itīritaḥ
Endowed with such qualities and the rest, he is a teacher, gladly a friend; and whoever instructs (others) in the proper practices is called an ācārya.
AI translation rendered from the Sanskrit, not a published edition
PdP 6 223.54
यस्त्वाचार्यपराधीनस्सद्वृत्तौ शास्यते यदि । शासने स्थिरवृत्तश्च शिष्यः सद्भिरुदाहृतः
yastvācāryaparādhīnassadvṛttau śāsyate yadi | śāsane sthiravṛttaśca śiṣyaḥ sadbhirudāhṛtaḥ
But he who is wholly dependent on the teacher, if he is instructed in good conduct, and is steadfast in conduct under (that) instruction, he is called a disciple by the good.
AI translation rendered from the Sanskrit, not a published edition
PdP 6 223.55
एवं लक्षणसंयुक्तं शिष्यं सर्वगुणान्वितम् । अध्यापयेद्विधानेन मन्त्ररत्ननुत्तमम्
evaṃ lakṣaṇasaṃyuktaṃ śiṣyaṃ sarvaguṇānvitam | adhyāpayedvidhānena mantraratnanuttamam
A disciple thus endowed with (these) marks and possessed of all good qualities he should teach, according to the rule, the supreme jewel of mantras.
AI translation rendered from the Sanskrit, not a published edition
PdP 6 223.56
द्वादश्यां श्रवणे वापि कर्हिचिद्वैष्णवे दिने । सदाचार्योपसंप्रीतौ तत्र दीक्षां समाचेत्
dvādaśyāṃ śravaṇe vāpi karhicidvaiṣṇave dine | sadācāryopasaṃprītau tatra dīkṣāṃ samācet
On a twelfth day, or on (the asterism) Śravaṇa, or on some day sacred to Viṣṇu, when the good teacher is well pleased, there one should perform the initiation.
AI translation rendered from the Sanskrit, not a published edition
PdP 6 223.57
सुदर्शनं पांचजन्यं सुवर्णेन प्रकारयेत् । रौप्येण वापि ताम्रेण कांस्येनापि प्रकारयेत्
sudarśanaṃ pāṃcajanyaṃ suvarṇena prakārayet | raupyeṇa vāpi tāmreṇa kāṃsyenāpi prakārayet
He should have the discus Sudarśana and the conch Pāñcajanya made of gold; or he may have them made of silver, of copper, or even of bell-metal.
AI translation rendered from the Sanskrit, not a published edition
PdP 6 223.58
स्नाप्य पंचामृतैः शुद्धैरर्चयेत्पुरतो मम । अर्च्चयेद्गंधपुष्पाद्यैस्तन्मंत्रेण विधानतः
snāpya paṃcāmṛtaiḥ śuddhairarcayetpurato mama | arccayedgaṃdhapuṣpādyaistanmaṃtreṇa vidhānataḥ
Having bathed (them) with the pure five nectars, he should worship (them) before me; he should worship (them) with sandal, flowers and the rest, with that mantra, according to the rule.
AI translation rendered from the Sanskrit, not a published edition
PdP 6 223.59
तत्र संस्थापयेदग्नि स्वगृह्योक्त विधानतः । आचार्यो जुहुयादाज्यं मंत्रेणाथ द्विजोत्तमः
tatra saṃsthāpayedagni svagṛhyokta vidhānataḥ | ācāryo juhuyādājyaṃ maṃtreṇātha dvijottamaḥ
There he should install the fire according to the rule stated in his own domestic manual; then the teacher, best of the twice-born, should offer clarified butter with the mantra.
AI translation rendered from the Sanskrit, not a published edition
PdP 6 223.60
अष्टोत्तरसहस्रं वा शतमष्टोत्तरं तु वा । जुहुयान्मंत्ररत्नेन तथान्यैर्वैष्णवैः शुभैः
aṣṭottarasahasraṃ vā śatamaṣṭottaraṃ tu vā | juhuyānmaṃtraratnena tathānyairvaiṣṇavaiḥ śubhaiḥ
He should make a thousand and eight offerings, or a hundred and eight, with the jewel of mantras and likewise with other auspicious Vaiṣṇava (mantras).
AI translation rendered from the Sanskrit, not a published edition
PdP 6 223.61
मंत्रैः पुरुषसूक्ताद्यैर्जुहुयाघृतपायसम् । तस्मिन्नग्नौ क्षिपेच्चक्रं शंखं च द्विजत्तमः
maṃtraiḥ puruṣasūktādyairjuhuyāghṛtapāyasam | tasminnagnau kṣipeccakraṃ śaṃkhaṃ ca dvijattamaḥ
With mantras such as the Puruṣasūkta he should offer milk-rice with ghee; into that fire the best of the twice-born should place the discus and the conch.
AI translation rendered from the Sanskrit, not a published edition
PdP 6 223.62
षडक्षरेण जुहुयादाज्यं विंशतिसंख्यया । प्रतप्तं चक्रमादाय मंत्रैणैव तथा गुरुः
ṣaḍakṣareṇa juhuyādājyaṃ viṃśatisaṃkhyayā | prataptaṃ cakramādāya maṃtraiṇaiva tathā guruḥ
With the six-syllable (mantra) he should offer ghee twenty times; then the teacher, taking up the heated discus with that very mantra (marks the disciple).
AI translation rendered from the Sanskrit, not a published edition
PdP 6 223.63
शंखेनैवांकनं कुर्याद्बाह्वोर्दक्षिणसव्ययोः । होमशेषं समाप्याथ पुनः पूजां समाचरेत्
śaṃkhenaivāṃkanaṃ kuryādbāhvordakṣiṇasavyayoḥ | homaśeṣaṃ samāpyātha punaḥ pūjāṃ samācaret
With the conch he should make the mark on the arms, right and left; then, having completed the remainder of the oblation, he should again perform the worship.
AI translation rendered from the Sanskrit, not a published edition
PdP 6 223.64
ततः कलशमादाय पवित्रोदकपूरितम् । मंत्रेणैवाभिमंत्र्याथ तस्य मूर्ध्न्यभिषेचयेत्
tataḥ kalaśamādāya pavitrodakapūritam | maṃtreṇaivābhimaṃtryātha tasya mūrdhnyabhiṣecayet
Then, taking a jar filled with purified water, and consecrating it with the mantra, he should sprinkle it on his (the disciple's) head.
AI translation rendered from the Sanskrit, not a published edition
PdP 6 223.65
सितवस्त्रधरं सम्यगाचांतं विनयान्वितम् । ऊर्द्ध्वपुण्ड्रधरं शिष्यं मंत्रमध्यापयेद्गुरुः
sitavastradharaṃ samyagācāṃtaṃ vinayānvitam | ūrddhvapuṇḍradharaṃ śiṣyaṃ maṃtramadhyāpayedguruḥ
The teacher should teach the mantra to the disciple, who wears white cloth, has duly rinsed his mouth, is endowed with humility, and bears the upright (sectarian) mark.
AI translation rendered from the Sanskrit, not a published edition
PdP 6 223.66
मंत्रार्थश्च प्रवक्तव्यो वृत्तिश्चैव विशेषतः । लब्धमंत्रस्तदाचार्यं पूजयेद्भूषणादिभिः
maṃtrārthaśca pravaktavyo vṛttiścaiva viśeṣataḥ | labdhamaṃtrastadācāryaṃ pūjayedbhūṣaṇādibhiḥ
And the meaning of the mantra is to be expounded, and especially its application; and having received the mantra, he should then honour the teacher with ornaments and the rest.
AI translation rendered from the Sanskrit, not a published edition
PdP 6 223.67
अनेन विधिना मंत्रं योऽधीते वैष्णवाद्गुरोः । ततः स वैष्णवं याति नान्यथा सुरसत्तम
anena vidhinā maṃtraṃ yo'dhīte vaiṣṇavādguroḥ | tataḥ sa vaiṣṇavaṃ yāti nānyathā surasattama
Whoever learns the mantra by this rule from a Vaiṣṇava teacher, by that he goes to the Vaiṣṇava (world), and not otherwise, O best of the gods.
AI translation rendered from the Sanskrit, not a published edition
PdP 6 223.68
नारद उवाच- एवमुक्त्त्वा विधातारं देवदेवो हरिः पिता । स्वचक्रेणांकयित्वा तु तस्मै मंत्रं ददौ स्वयम्
nārada uvāca- evamukttvā vidhātāraṃ devadevo hariḥ pitā | svacakreṇāṃkayitvā tu tasmai maṃtraṃ dadau svayam
Nārada said: Having spoken thus to the Creator, Hari, the god of gods, the father, having marked him with his own discus, himself gave him the mantra.
AI translation rendered from the Sanskrit, not a published edition
PdP 6 223.69
सर्वलोकेश्वरो देवो ब्रह्मा मम पिता प्रभुः । ममापि विधिवन्मंत्रं स ददौ मुनिसत्तमाः
sarvalokeśvaro devo brahmā mama pitā prabhuḥ | mamāpi vidhivanmaṃtraṃ sa dadau munisattamāḥ
That god, lord of all worlds, gave the mantra according to the rule also to me, Brahmā, my father, the lord, O best of sages.
AI translation rendered from the Sanskrit, not a published edition
PdP 6 223.70
तस्माद्यूयं मुनिश्रेष्ठा धारयित्वा सुदर्शनम् । नारायणपदं द्वंद्वं गच्छध्वं शरणं द्विजाः
tasmādyūyaṃ muniśreṣṭhā dhārayitvā sudarśanam | nārāyaṇapadaṃ dvaṃdvaṃ gacchadhvaṃ śaraṇaṃ dvijāḥ
Therefore, O best of sages, having borne the discus (Sudarśana), go for refuge to the pair of Nārāyaṇa's feet, O twice-born ones.
AI translation rendered from the Sanskrit, not a published edition
PdP 6 223.71
वसिष्ठ उवाच- इत्युक्त्वा मुनयः सर्वे नारदेन सुरर्षिणा । द्वयाधिकारिणः सर्वे याता विष्णोः परं पदम्
vasiṣṭha uvāca- ityuktvā munayaḥ sarve nāradena surarṣiṇā | dvayādhikāriṇaḥ sarve yātā viṣṇoḥ paraṃ padam
Vasiṣṭha said: When this had been said by Nārada, the sage of the gods, all the sages, being all qualified for the Dvaya (mantra), went to the supreme abode of Viṣṇu.
AI translation rendered from the Sanskrit, not a published edition
PdP 6 223.72
तस्मात्त्वमपि राजर्षे विष्णुसायुज्यमिच्छसि । दीक्षामार्गविधानेन धारयित्वा सुदर्शनम्
tasmāttvamapi rājarṣe viṣṇusāyujyamicchasi | dīkṣāmārgavidhānena dhārayitvā sudarśanam
Therefore you too, O royal sage, if you desire union with Viṣṇu, having borne the discus by the procedure of the path of initiation,
AI translation rendered from the Sanskrit, not a published edition
PdP 6 223.73
नारायणपदद्वंद्वं तदेकं शरणं व्रज । सर्वलोकेश्वरः साक्षाद्ब्रह्मा त्रिभुवनेश्वरः
nārāyaṇapadadvaṃdvaṃ tadekaṃ śaraṇaṃ vraja | sarvalokeśvaraḥ sākṣādbrahmā tribhuvaneśvaraḥ
go to that one refuge, the pair of Nārāyaṇa's feet. The lord of all worlds is verily Brahmā, the lord of the three worlds;
AI translation rendered from the Sanskrit, not a published edition
PdP 6 223.74
ममापि नारदस्यापि प्रोक्तवान्मंत्रमुत्तमम् । शौनकादि महर्षीणां नैमिषारण्यवासिनाम्
mamāpi nāradasyāpi proktavānmaṃtramuttamam | śaunakādi maharṣīṇāṃ naimiṣāraṇyavāsinām
to me too, and to Nārada, he declared the supreme mantra; and to the great sages beginning with Śaunaka, dwellers in the Naimiṣa forest,
AI translation rendered from the Sanskrit, not a published edition
PdP 6 223.75
नारदः प्रददौ मंत्रं प्रपत्तिं शरणागतिम् । एतद्गुह्यतमं राजन्न जानंति महर्षयः
nāradaḥ pradadau maṃtraṃ prapattiṃ śaraṇāgatim | etadguhyatamaṃ rājanna jānaṃti maharṣayaḥ
Nārada gave the mantra, the resort, the going-for-refuge. This, O king, is most secret; the great sages do not know it,
AI translation rendered from the Sanskrit, not a published edition
PdP 6 223.76
देवाताश्च न जानंति सिद्धा साध्याश्च दानवाः । मयापि प्रापितो मंत्रं शक्तिपुत्रः पराशरः
devātāśca na jānaṃti siddhā sādhyāśca dānavāḥ | mayāpi prāpito maṃtraṃ śaktiputraḥ parāśaraḥ
and the gods do not know it, nor the Siddhas, the Sādhyas, and the Dānavas. By me too Parāśara, the son of Śakti, was made to obtain the mantra.
AI translation rendered from the Sanskrit, not a published edition
PdP 6 223.77
इदं रहस्यं परमं लक्ष्मीनारायणं द्वयम् । राजंस्तवापि वक्ष्यामि प्रपत्ति शरणागतिम्
idaṃ rahasyaṃ paramaṃ lakṣmīnārāyaṇaṃ dvayam | rājaṃstavāpi vakṣyāmi prapatti śaraṇāgatim
This is the supreme secret, the Dvaya of Lakṣmī and Nārāyaṇa; to you too, O king, I shall declare it — the resort, the going-for-refuge.
AI translation rendered from the Sanskrit, not a published edition
PdP 6 223.78
द्वयात्परतरं मन्त्रं नास्ति सत्यं ब्रवीमि ते । अस्मात्परतरं धर्म्मं नास्ति लोकेषु किंचन
dvayātparataraṃ mantraṃ nāsti satyaṃ bravīmi te | asmātparataraṃ dharmmaṃ nāsti lokeṣu kiṃcana
There is no mantra higher than the Dvaya — I tell you the truth; there is no dharma in the worlds higher than this, none whatever.
AI translation rendered from the Sanskrit, not a published edition
PdP 6 223.79
सत्यं सत्यं पुनः सत्यं ब्रह्मणा कथितं पुरा । नारायणात्परो देवो नास्ति मुक्तिप्रदो नृणाम्
satyaṃ satyaṃ punaḥ satyaṃ brahmaṇā kathitaṃ purā | nārāyaṇātparo devo nāsti muktiprado nṛṇām
True, true, again true — it was declared of old by Brahmā: there is no god higher than Nārāyaṇa, giver of liberation to men.
AI translation rendered from the Sanskrit, not a published edition
PdP 6 223.80
तत्सेवैव भवेन्मोक्षः सर्वकर्म निकृंतनः
tatsevaiva bhavenmokṣaḥ sarvakarma nikṛṃtanaḥ
Service of him alone is liberation, the cutting away of all karma.
AI translation rendered from the Sanskrit, not a published edition