Padma Purana — Uttara Khanda — Chapter 222
PdP 6 222.1
नारद उवाच- आकर्णय शिबे राजन्वर्णयामि तवाग्रतः । पुण्यं यशस्यमायुष्यं काश्या माहात्म्यमुत्तमम्
nārada uvāca- ākarṇaya śibe rājanvarṇayāmi tavāgrataḥ | puṇyaṃ yaśasyamāyuṣyaṃ kāśyā māhātmyamuttamam
Nārada said: Listen, Śibi, O king; I shall describe before you the supreme glory of Kāśī, which is meritorious, fame-giving and life-giving.
AI translation rendered from the Sanskrit, not a published edition
PdP 6 222.2
इंद्रप्रस्थतटस्थायां काश्यामेकस्तु पादपः । शिंशपाख्योभवेद्राजन् पुरा पुण्ययुगे कृते
iṃdraprasthataṭasthāyāṃ kāśyāmekastu pādapaḥ | śiṃśapākhyobhavedrājan purā puṇyayuge kṛte
In Kāśī, standing on the bank at Indraprastha, there was a single tree named śiṃśapā, O king, long ago in the meritorious Kṛta age.
AI translation rendered from the Sanskrit, not a published edition — the model flagged this verse as uncertain
PdP 6 222.3
तत्रैको वायसो ह्यासीत्कृतनीडो वनस्पतौ । तस्याधस्तान्महासर्पं कोटरेव सति स्म ह
tatraiko vāyaso hyāsītkṛtanīḍo vanaspatau | tasyādhastānmahāsarpaṃ koṭareva sati sma ha
There in that tree there was a crow that had built a nest; and below it, in the hollow, there lived a great serpent.
AI translation rendered from the Sanskrit, not a published edition
PdP 6 222.4
एकदा तस्य काकस्य भार्यांडद्वयमालये । प्रतिमुच्य गता क्वापि न नीडे स्वे समागता
ekadā tasya kākasya bhāryāṃḍadvayamālaye | pratimucya gatā kvāpi na nīḍe sve samāgatā
Once the wife of that crow, having left two eggs behind in the dwelling, went off somewhere and did not come back to her own nest.
AI translation rendered from the Sanskrit, not a published edition
PdP 6 222.5
स्वयमेव स काकस्तु पालयन्नंडकद्वयम् । तामेव शिंशपामुच्चैरध्यतिष्ठन्महीपते
svayameva sa kākastu pālayannaṃḍakadvayam | tāmeva śiṃśapāmuccairadhyatiṣṭhanmahīpate
So the crow himself, guarding the two eggs, sat high up on that very śiṃśapā, O lord of the earth.
AI translation rendered from the Sanskrit, not a published edition
PdP 6 222.6
अथैकदा निशीधे तु महावात्या समागता । अभनक्शिंशपां राजन्मूलादपि दृढादपि
athaikadā niśīdhe tu mahāvātyā samāgatā | abhanakśiṃśapāṃ rājanmūlādapi dṛḍhādapi
Then one day at midnight a great gale came on, and it broke the śiṃśapā, O king, even at the root, firm though it was.
AI translation rendered from the Sanskrit, not a published edition
PdP 6 222.7
वात्यया पात्यमानाया शिंशपायास्तदा तले । चूर्णितौ काकसर्पौ तौ गतप्राणौ बभूवतुः
vātyayā pātyamānāyā śiṃśapāyāstadā tale | cūrṇitau kākasarpau tau gataprāṇau babhūvatuḥ
When the śiṃśapā was being felled by the gale, the crow and the serpent were then crushed beneath it and both lost their lives.
AI translation rendered from the Sanskrit, not a published edition
PdP 6 222.8
दिव्यांगास्ते त्रयो भूत्वा शिंशपा वायसादयः । विमानत्रयमारूढा जग्मुः श्रीपतिकेतनम्
divyāṃgāste trayo bhūtvā śiṃśapā vāyasādayaḥ | vimānatrayamārūḍhā jagmuḥ śrīpatiketanam
Those three—the śiṃśapā, the crow, and (the serpent)—having become divine-bodied, mounted three aerial cars and went to the abode of Śrī's lord.
AI translation rendered from the Sanskrit, not a published edition
PdP 6 222.9
शिबिरुवाच- देवर्षे केन पुण्येन प्राप्ता तैर्मुक्तिदा पुरी । आसंस्ते के त्रयः पूर्वं सर्वं कथय नारद
śibiruvāca- devarṣe kena puṇyena prāptā tairmuktidā purī | āsaṃste ke trayaḥ pūrvaṃ sarvaṃ kathaya nārada
Śibi said: O divine sage, by what merit did they attain the city that grants liberation? Who were those three before? Tell it all, Nārada.
AI translation rendered from the Sanskrit, not a published edition
PdP 6 222.10
नारद उवाच-। कुरुजांगलदेशीयो ब्राह्मणः श्रवणाभिधः । तस्य भार्या कुडा नाम भ्राताभूच्च कुरंटकः
nārada uvāca-| kurujāṃgaladeśīyo brāhmaṇaḥ śravaṇābhidhaḥ | tasya bhāryā kuḍā nāma bhrātābhūcca kuraṃṭakaḥ
Nārada said: There was a brahmin of the Kurujāṅgala country named Śravaṇa; his wife was called Kuḍā, and he had a brother, Kuraṇṭaka.
AI translation rendered from the Sanskrit, not a published edition
PdP 6 222.11
अस्नातभोक्ता नित्यं स कवलो मिष्टभुग्रहः । श्रवणस्तेन दोषेण बभूव ग्रामवायसः
asnātabhoktā nityaṃ sa kavalo miṣṭabhugrahaḥ | śravaṇastena doṣeṇa babhūva grāmavāyasaḥ
He always ate without having bathed, gulping his food, greedy for sweet fare; by that fault Śravaṇa became a village crow.
AI translation rendered from the Sanskrit, not a published edition — the model flagged this verse as uncertain
PdP 6 222.12
कुरंटकस्तु तद्भ्राता नास्तिकोऽभवदुल्बणः । श्रुतिस्मृतिपथोच्छेत्ता देवतानां च निंदकः
kuraṃṭakastu tadbhrātā nāstiko'bhavadulbaṇaḥ | śrutismṛtipathocchettā devatānāṃ ca niṃdakaḥ
But his brother Kuraṇṭaka became a rank unbeliever, a destroyer of the path of śruti and smṛti, and a reviler of the gods.
AI translation rendered from the Sanskrit, not a published edition
PdP 6 222.13
तेन दोषेण स मृतो ह्यभवत्कालकुंडली । सा कुंडा श्रवणस्य स्त्री बभूवोभयदोषभाक्
tena doṣeṇa sa mṛto hyabhavatkālakuṃḍalī | sā kuṃḍā śravaṇasya strī babhūvobhayadoṣabhāk
By that fault, when he died he became a black coiled snake. And that Kuṇḍā, Śravaṇa's wife, came to share in both faults.
AI translation rendered from the Sanskrit, not a published edition
PdP 6 222.14
अतः सा स्थावरत्वं हि लब्ध्वासीदुभयाश्रया । एतत्ते कथितं भूप तद्वृत्तं पूर्वजन्मनि
ataḥ sā sthāvaratvaṃ hi labdhvāsīdubhayāśrayā | etatte kathitaṃ bhūpa tadvṛttaṃ pūrvajanmani
Therefore she, obtaining the immobile (plant) condition, became the support of them both. This, O king, has been told to you—what happened to them in their former birth.
AI translation rendered from the Sanskrit, not a published edition
PdP 6 222.15
अतः परं प्रवक्ष्यामि तेषां पुण्यं यतस्त्रयः । प्रापुस्तेन पुरीं रम्यां काशीं वैश्वेश्वरीं नृप
ataḥ paraṃ pravakṣyāmi teṣāṃ puṇyaṃ yatastrayaḥ | prāpustena purīṃ ramyāṃ kāśīṃ vaiśveśvarīṃ nṛpa
Next I shall tell the merit by which those three attained the lovely city Kāśī, that of Viśveśvara, O king.
AI translation rendered from the Sanskrit, not a published edition
PdP 6 222.16
ग्रामांतरादेकदा तौ प्रत्यायातौ निजालयम् । कस्यचित्पथिकस्याथ कूपमग्नां पयस्विनीम्
grāmāṃtarādekadā tau pratyāyātau nijālayam | kasyacitpathikasyātha kūpamagnāṃ payasvinīm
Once the two of them were returning home from another village, when (they saw) some traveller's milch cow that had fallen into a well—
AI translation rendered from the Sanskrit, not a published edition
PdP 6 222.17
अवलोक्य तदुद्धारं चक्रतुस्तेन नोदितौ । ताभ्यांगदितमाकर्ण्य कुंडा साध्वित्यभाषत
avalokya taduddhāraṃ cakratustena noditau | tābhyāṃgaditamākarṇya kuṃḍā sādhvityabhāṣata
Seeing (it), the two, urged by him, pulled her out. Hearing what was said by those two, Kuṇḍā said, "Well done!"
AI translation rendered from the Sanskrit, not a published edition
PdP 6 222.18
ते त्रयस्तेनपुण्येन मरणं प्राप्य दुर्लभम् । इंद्रप्रस्थतटस्थायां काश्यां वैकुंठमारुहन्
te trayastenapuṇyena maraṇaṃ prāpya durlabham | iṃdraprasthataṭasthāyāṃ kāśyāṃ vaikuṃṭhamāruhan
Those three, by that merit, obtained a death hard to get, and in Kāśī, which stands on the bank at Indraprastha, they ascended to Vaikuṇṭha.
AI translation rendered from the Sanskrit, not a published edition
PdP 6 222.19
इयं काशी महेशस्य पुरी यद्यपि भूपते । तथाप्यस्यां मृतं जंतुर्वैकुंठे स्यात्सुखी हरेः
iyaṃ kāśī maheśasya purī yadyapi bhūpate | tathāpyasyāṃ mṛtaṃ jaṃturvaikuṃṭhe syātsukhī hareḥ
Although this Kāśī is the city of Maheśa, O king, still a creature that dies in it becomes happy in Hari's Vaikuṇṭha.
AI translation rendered from the Sanskrit, not a published edition
PdP 6 222.20
एतत्ते कथितं राजन्काश्या माहात्म्यमुत्तमम् । किमन्यच्छ्रोतुमिच्छा ते विद्यते तद्वदस्व मे
etatte kathitaṃ rājankāśyā māhātmyamuttamam | kimanyacchrotumicchā te vidyate tadvadasva me
This excellent greatness of Kāśī has been told to you, O king. What else do you wish to hear? Tell me that.
AI translation rendered from the Sanskrit, not a published edition
PdP 6 222.21
शिबिरुवाच- मुने त्वया महेशस्य क्षेत्रत्रयमुदीरितम् । काशी च शिवकांची च गोकर्णं च तथापरम्
śibiruvāca- mune tvayā maheśasya kṣetratrayamudīritam | kāśī ca śivakāṃcī ca gokarṇaṃ ca tathāparam
Śibi said: O sage, three sacred fields of Maheśa have been mentioned by you — Kāśī, and Śivakāñcī, and Gokarṇa as the other.
AI translation rendered from the Sanskrit, not a published edition
PdP 6 222.22
एकस्य महिमा प्रोक्तो त्वया काश्या महामुने । गोकर्णशिवकांच्योश्च कथ्यतां यदि विद्यते
ekasya mahimā prokto tvayā kāśyā mahāmune | gokarṇaśivakāṃcyośca kathyatāṃ yadi vidyate
The greatness of one, of Kāśī, has been declared by you, O great sage; let that of Gokarṇa and Śivakāñcī be told, if there is (such).
AI translation rendered from the Sanskrit, not a published edition
PdP 6 222.23
नारद उवाच-। गोकर्णं केवलं शैवं क्षेत्रं परमपावनम् । तस्मिन्मृतो नरो राजन्शिवः स्यान्नात्र संशयः
nārada uvāca-| gokarṇaṃ kevalaṃ śaivaṃ kṣetraṃ paramapāvanam | tasminmṛto naro rājanśivaḥ syānnātra saṃśayaḥ
Nārada said: Gokarṇa is a field belonging to Śiva alone, supremely purifying; a man who dies there, O king, becomes Śiva — there is no doubt of this.
AI translation rendered from the Sanskrit, not a published edition
PdP 6 222.24
स्थले जलेंतरिक्षे च जंतुस्तत्र मृयेत चेत् । तदा कैलासशिखरो शिवः संभूय दीव्यति
sthale jaleṃtarikṣe ca jaṃtustatra mṛyeta cet | tadā kailāsaśikharo śivaḥ saṃbhūya dīvyati
If a creature dies there, on land, in water, or in the air, then, becoming Śiva, it shines on the peak of Kailāsa.
AI translation rendered from the Sanskrit, not a published edition
PdP 6 222.25
अत्र गोकर्णतीर्थे स्यान्मृतस्य न पुनर्भवः । शिवेन स समं राजन्मुक्तिं यास्यति कर्हिचित्
atra gokarṇatīrthe syānmṛtasya na punarbhavaḥ | śivena sa samaṃ rājanmuktiṃ yāsyati karhicit
For one who dies here at the Gokarṇa ford there is no rebirth; he, O king, together with Śiva, will at some time attain liberation.
AI translation rendered from the Sanskrit, not a published edition
PdP 6 222.26
अस्यापि तव माहात्म्यं गोकर्णस्य महामते । वर्णयामि यदाकर्णि मया ब्रह्ममुखात्प्रभो
asyāpi tava māhātmyaṃ gokarṇasya mahāmate | varṇayāmi yadākarṇi mayā brahmamukhātprabho
I shall recount for you the greatness of this Gokarṇa too, O great-minded one, as it was heard by me from the mouth of Brahmā, O lord.
AI translation rendered from the Sanskrit, not a published edition
PdP 6 222.27
प्रयागादेकगव्यूतौ गुरुतीर्थसमीपगः । मर्यादापर्वतो योऽयं दृश्यते पुण्यदर्शनः
prayāgādekagavyūtau gurutīrthasamīpagaḥ | maryādāparvato yo'yaṃ dṛśyate puṇyadarśanaḥ
At one gavyūti from Prayāga, lying near the Guru ford, is this Maryādā mountain that is seen, the sight of which is meritorious.
AI translation rendered from the Sanskrit, not a published edition
PdP 6 222.28
तत्रैकः कर्कटो नाम भिल्ल आसीत्सुदारुणः । तस्य भार्या जरा नाम सा जघ्ने पतिपंचकम्
tatraikaḥ karkaṭo nāma bhilla āsītsudāruṇaḥ | tasya bhāryā jarā nāma sā jaghne patipaṃcakam
There was there a certain Bhilla named Karkaṭa, very cruel. His wife was named Jarā; she had killed five husbands.
AI translation rendered from the Sanskrit, not a published edition
PdP 6 222.29
सा जरा विषसंयुक्तं षष्ठं कर्कटकं तदा । अकरोन्मोदकं हंतुं तदा तेन स्वसुः श्रुतम्
sā jarā viṣasaṃyuktaṃ ṣaṣṭhaṃ karkaṭakaṃ tadā | akaronmodakaṃ haṃtuṃ tadā tena svasuḥ śrutam
Then that Jarā made a sweetmeat mixed with poison, in order to kill the sixth, Karkaṭaka; then it was heard by him from his sister.
AI translation rendered from the Sanskrit, not a published edition
PdP 6 222.30
निजाया मुखतो राजन्भिल्लेन च महात्मना । बालां तां हंतुमारेभे कर्कटो भृशदारुणः
nijāyā mukhato rājanbhillena ca mahātmanā | bālāṃ tāṃ haṃtumārebhe karkaṭo bhṛśadāruṇaḥ
From the mouth of his own (sister), O king, and by the great-souled Bhilla — Karkaṭa, exceedingly cruel, set about killing that woman.
AI translation rendered from the Sanskrit, not a published edition — the model flagged this verse as uncertain
PdP 6 222.31
खङ्गपाणिर्यदा याति तद्वधाय स भिल्लपः । यावत्तावत्तु सा यायाज्ज्ञात्वा निजवधोद्यमम्
khaṅgapāṇiryadā yāti tadvadhāya sa bhillapaḥ | yāvattāvattu sā yāyājjñātvā nijavadhodyamam
When that Bhilla chief goes, sword in hand, to kill her, just then she, knowing the attempt on her own life, would flee.
AI translation rendered from the Sanskrit, not a published edition
PdP 6 222.32
वनमभ्यद्रवद्भीता निजप्राणपरीप्सया । तामनुद्रवता तेन कर्कटेन महीपते
vanamabhyadravadbhītā nijaprāṇaparīpsayā | tāmanudravatā tena karkaṭena mahīpate
Frightened, she ran to the forest out of the desire to save her own life; and by that Karkaṭa running after her, O lord of the earth —
AI translation rendered from the Sanskrit, not a published edition
PdP 6 222.33
अत्र गोकर्णतीर्थे तु गृहीता खङ्गपाणिना । शिरश्छित्वा तु खङ्गेन पातयित्वा जले वपुः
atra gokarṇatīrthe tu gṛhītā khaṅgapāṇinā | śiraśchitvā tu khaṅgena pātayitvā jale vapuḥ
— here at the Gokarṇa ford she was seized by him, sword in hand; and having cut off her head with the sword and thrown her body into the water,
AI translation rendered from the Sanskrit, not a published edition
PdP 6 222.34
तस्य गोकर्णतीर्थस्य निजस्थानमगाच्च सः । सा जरा तत्र गोकर्णे पापापि निधनं गता
tasya gokarṇatīrthasya nijasthānamagācca saḥ | sā jarā tatra gokarṇe pāpāpi nidhanaṃ gatā
he went to his own place from that Gokarṇa ford. That Jarā, though sinful, having met her death there at Gokarṇa,
AI translation rendered from the Sanskrit, not a published edition
PdP 6 222.35
कैलासशिखरे राजन्पार्वत्या अभवत्सखी । अहं कथितवानेतत्तव गोकर्णवैभवम्
kailāsaśikhare rājanpārvatyā abhavatsakhī | ahaṃ kathitavānetattava gokarṇavaibhavam
became a companion of Pārvatī on the peak of Kailāsa, O king. I have told you this glory of Gokarṇa.
AI translation rendered from the Sanskrit, not a published edition
PdP 6 222.36
शिवकांच्याश्च माहात्म्यं पवित्रं वर्णयामि ते । इंद्रप्रस्थतटस्थायां शिवकांच्यामपि प्रभो
śivakāṃcyāśca māhātmyaṃ pavitraṃ varṇayāmi te | iṃdraprasthataṭasthāyāṃ śivakāṃcyāmapi prabho
And I shall describe for you the holy greatness of Śivakāñcī: in Śivakāñcī too, which stands on the bank at Indraprastha, O lord,
AI translation rendered from the Sanskrit, not a published edition
PdP 6 222.37
गतिः सा परमा पुंसां गोकर्णे या मयोदिता । अत्र श्रीमन्महादेवो विष्णुं सर्वसुरेश्वरम्
gatiḥ sā paramā puṃsāṃ gokarṇe yā mayoditā | atra śrīmanmahādevo viṣṇuṃ sarvasureśvaram
That supreme goal of men which I declared (as attainable) at Gokarṇa (is here too). Here the glorious Mahādeva, having worshipped Viṣṇu, the lord of all the gods,
AI translation rendered from the Sanskrit, not a published edition
PdP 6 222.38
आराध्य भक्तराजत्वं लेभे ज्ञानं च तात्विकम् । अतः सर्वे वयं पुत्रा ब्रह्मणस्तं महेश्वरम्
ārādhya bhaktarājatvaṃ lebhe jñānaṃ ca tātvikam | ataḥ sarve vayaṃ putrā brahmaṇastaṃ maheśvaram
attained the state of foremost among devotees, and knowledge of the truth. Therefore all of us, the sons of Brahmā, (worship) that Maheśvara
AI translation rendered from the Sanskrit, not a published edition
PdP 6 222.39
आराधयामः सततं सद्भक्तिज्ञानलिप्सया । अत्र बाणासुरो राजन्नारराध महेश्वरम्
ārādhayāmaḥ satataṃ sadbhaktijñānalipsayā | atra bāṇāsuro rājannārarādha maheśvaram
— we worship (him) constantly out of a longing for true devotion and knowledge. Here, O king, the demon Bāṇa worshipped Maheśvara,
AI translation rendered from the Sanskrit, not a published edition
PdP 6 222.40
निराहारो वर्षशतं तद्गुणत्वबुभूषया । तस्मै प्रसन्नो भगवान्गणत्वं दत्तवान्निजम्
nirāhāro varṣaśataṃ tadguṇatvabubhūṣayā | tasmai prasanno bhagavāngaṇatvaṃ dattavānnijam
without food for a hundred years, wishing to become one of his attendants. Pleased with him, the Lord granted him (the status of) being one of his own hosts,
AI translation rendered from the Sanskrit, not a published edition
PdP 6 222.41
स्वयं च सर्वदा तस्य पुरपालो बभूवह । इयं पुरी पुरा राजन्नासीद्विष्णोर्महात्मनः
svayaṃ ca sarvadā tasya purapālo babhūvaha | iyaṃ purī purā rājannāsīdviṣṇormahātmanaḥ
and he himself became forever the guardian of his city. This city, O king, formerly belonged to the great-souled Viṣṇu;
AI translation rendered from the Sanskrit, not a published edition
PdP 6 222.42
दत्ता शिवाय तुष्टेन तपसा तस्य विष्णुना । अस्यामेकं पुरावृत्तं महदाश्चर्यकारकम्
dattā śivāya tuṣṭena tapasā tasya viṣṇunā | asyāmekaṃ purāvṛttaṃ mahadāścaryakārakam
it was given to Śiva by Viṣṇu, who was pleased by his austerity. In this (city) there once occurred an event that causes great wonder:
AI translation rendered from the Sanskrit, not a published edition
PdP 6 222.43
विप्रस्य शिवभक्तस्य वैकुंठाप्तिर्यथाभवत् । एकस्तु ब्राह्मणो राजन् हेरंबो नाम धार्मिकः
viprasya śivabhaktasya vaikuṃṭhāptiryathābhavat | ekastu brāhmaṇo rājan heraṃbo nāma dhārmikaḥ
how a brahmin who was a devotee of Śiva obtained Vaikuṇṭha. There was a certain brahmin, O king, named Heramba, righteous,
AI translation rendered from the Sanskrit, not a published edition
PdP 6 222.44
कायेन मनसा वाचा शिवपूजारतः सदा । एकदा स महाभागः शिवतीर्थानि पर्यटन्
kāyena manasā vācā śivapūjārataḥ sadā | ekadā sa mahābhāgaḥ śivatīrthāni paryaṭan
always devoted with body, mind and speech to the worship of Śiva. Once that greatly blessed one, while wandering among the holy places of Śiva,
AI translation rendered from the Sanskrit, not a published edition
PdP 6 222.45
शिवभक्तः शिवे राजन्शिवकांच्यामिहागतः । एनां मनोहरां चैव न तत्याज स बुद्धिमान्
śivabhaktaḥ śive rājanśivakāṃcyāmihāgataḥ | enāṃ manoharāṃ caiva na tatyāja sa buddhimān
a devotee of Śiva, O king, came here to Śivakāñcī, (a place) dear to Śiva; and that wise one did not abandon this delightful (place).
AI translation rendered from the Sanskrit, not a published edition — the model flagged this verse as uncertain
PdP 6 222.46
पश्चात्तत्रैव तत्याज प्राणानस्या जलांतरे । तत्रैव श्रीमहादेवगणास्तं ब्राह्मणोत्तमम्
paścāttatraiva tatyāja prāṇānasyā jalāṃtare | tatraiva śrīmahādevagaṇāstaṃ brāhmaṇottamam
Afterwards he gave up his life there, in the water of this (tīrtha). There itself the hosts of the glorious Mahādeva (took) that best of brahmins,
AI translation rendered from the Sanskrit, not a published edition
PdP 6 222.47
नीत्वा कैलासमचलं चेलुस्तदनुशासनात् । अथ मध्ये समायाता गणा वैकुंठतो हरेः
nītvā kailāsamacalaṃ celustadanuśāsanāt | atha madhye samāyātā gaṇā vaikuṃṭhato hareḥ
and having taken (him), they went to Mount Kailāsa by his command. Then, midway, hosts of Hari came from Vaikuṇṭha,
AI translation rendered from the Sanskrit, not a published edition
PdP 6 222.48
तेभ्यो बलात्समादातुं तं द्विजश्रेष्ठमुद्यताः । आसीत्तेषां महयुद्धं गणानां हरिशर्वयोः
tebhyo balātsamādātuṃ taṃ dvijaśreṣṭhamudyatāḥ | āsītteṣāṃ mahayuddhaṃ gaṇānāṃ hariśarvayoḥ
intent on seizing that best of the twice-born from them by force. There was a great battle between those hosts of Hari and of Śarva.
AI translation rendered from the Sanskrit, not a published edition
PdP 6 222.49
तत्र युद्धेन वैकेषां विजयो न पराजयः । तत्र वैकुंठतो विष्णुरागतो गरुडासनः
tatra yuddhena vaikeṣāṃ vijayo na parājayaḥ | tatra vaikuṃṭhato viṣṇurāgato garuḍāsanaḥ
There, by the fighting, neither side had victory nor defeat. Then Viṣṇu, seated on Garuḍa, came there from Vaikuṇṭha,
AI translation rendered from the Sanskrit, not a published edition
PdP 6 222.50
कैलासाद्वृषभारूढो महेशश्च त्रिलोकधृक् । तावन्योन्यं मुखं दृष्ट्वा विहस्य जगदीश्वरौ
kailāsādvṛṣabhārūḍho maheśaśca trilokadhṛk | tāvanyonyaṃ mukhaṃ dṛṣṭvā vihasya jagadīśvarau
and Maheśa, upholder of the three worlds, mounted on his bull, from Kailāsa. Those two lords of the world, seeing each other's face, laughed,
AI translation rendered from the Sanskrit, not a published edition
PdP 6 222.51
पश्यतस्म महद्युद्धं नभस्येव गणैः कृतम् । अथ स्वीयान्गणान्विष्णुः शैवांश्च दिवि युद्धतः
paśyatasma mahadyuddhaṃ nabhasyeva gaṇaiḥ kṛtam | atha svīyāngaṇānviṣṇuḥ śaivāṃśca divi yuddhataḥ
and they watched the great battle waged by the hosts in the very sky. Then Viṣṇu (restrained) his own hosts, and Śiva's too, from fighting in the sky,
AI translation rendered from the Sanskrit, not a published edition
PdP 6 222.52
निवार्य तं द्विजं तार्क्ष्यमारोप्यागाच्छिवालयम् । शिवेन तद्गणैश्चापि स्वकीयैरपि माधवः
nivārya taṃ dvijaṃ tārkṣyamāropyāgācchivālayam | śivena tadgaṇaiścāpi svakīyairapi mādhavaḥ
and having held them back, he mounted that brahmin on Garuḍa and went to Śiva's abode. Mādhava, surrounded by Śiva, by his hosts and by his own (hosts) as well,
AI translation rendered from the Sanskrit, not a published edition
PdP 6 222.53
वृतो गछन्पथि श्रीमान्स्तुतस्त्रिदशवंदितः । गत्वा विवेश तं चागं महादेवपुरःसरः
vṛto gachanpathi śrīmānstutastridaśavaṃditaḥ | gatvā viveśa taṃ cāgaṃ mahādevapuraḥsaraḥ
the glorious one, going along the road, praised and honoured by the thirty (gods), went and entered that mountain, with Mahādeva going before him,
AI translation rendered from the Sanskrit, not a published edition
PdP 6 222.54
तस्मै द्विजाय वै तस्य दर्शयन्रमणीयताम् । अथ तस्मात्तु कैलासान्महादेवेन वंदितः
tasmai dvijāya vai tasya darśayanramaṇīyatām | atha tasmāttu kailāsānmahādevena vaṃditaḥ
showing that brahmin its loveliness. Then from that Kailāsa, saluted by Mahādeva
AI translation rendered from the Sanskrit, not a published edition
PdP 6 222.55
माधवः परया भक्त्या वैकुंठमगमत्तदा । द्विजः सोऽपि महाभागस्तीर्थस्यास्य प्रसादतः
mādhavaḥ parayā bhaktyā vaikuṃṭhamagamattadā | dvijaḥ so'pi mahābhāgastīrthasyāsya prasādataḥ
with supreme devotion, Mādhava went then to Vaikuṇṭha. And that greatly blessed brahmin too, by the grace of this tīrtha,
AI translation rendered from the Sanskrit, not a published edition
PdP 6 222.56
गोविंददर्शनं प्राप्य मुमुदे हरसन्निधौ । एतत्ते कथितं राजन्शिवकांच्यास्तु वैभवम्
goviṃdadarśanaṃ prāpya mumude harasannidhau | etatte kathitaṃ rājanśivakāṃcyāstu vaibhavam
having obtained the sight of Govinda, rejoiced in the presence of Hara. This greatness of Śivakāñcī has been told to you, O king.
AI translation rendered from the Sanskrit, not a published edition
PdP 6 222.57
तीर्थसप्तकनाम्नस्तु शृणुष्व सुसमाहितः । तीर्थमेतन्महाराज चतुर्वर्गफलप्रदम्
tīrthasaptakanāmnastu śṛṇuṣva susamāhitaḥ | tīrthametanmahārāja caturvargaphalapradam
But hear, with full attention, of that which bears the name "the seven tīrthas." This tīrtha, great king, bestows the fruit of the four aims (of life).
AI translation rendered from the Sanskrit, not a published edition
PdP 6 222.58
दर्शनात्स्पर्शनाद्ध्यानात्स्मरणादपि भूपते । वसिष्ठादिभिरेतस्मिन्महर्षिभिरनुष्ठितम्
darśanātsparśanāddhyānātsmaraṇādapi bhūpate | vasiṣṭhādibhiretasminmaharṣibhiranuṣṭhitam
By seeing (it), by touching (it), by meditating on (it), and even by remembering (it), O lord of the earth — (this tīrtha) was frequented by Vasiṣṭha and the other great seers.
AI translation rendered from the Sanskrit, not a published edition
PdP 6 222.59
महत्तपस्तु सृष्ट्यर्थं तत्रासंस्तु क्षमा नृप । मरीचिरपि धर्मात्मा पुत्रार्थं स्नानमाचरन्
mahattapastu sṛṣṭyarthaṃ tatrāsaṃstu kṣamā nṛpa | marīcirapi dharmātmā putrārthaṃ snānamācaran
There they performed great austerity for the sake of creation, (and) there was patience (in them), O king. Marīci too, whose nature was righteousness, performing the bath for the sake of a son —
AI translation rendered from the Sanskrit, not a published edition — the model flagged this verse as uncertain
PdP 6 222.60
अत्र लेभे महाभागः कश्यपं सुतमुत्तमम् । अत्रिरत्रापि तपसा तोषयद्देवपुंगवान्
atra lebhe mahābhāgaḥ kaśyapaṃ sutamuttamam | atriratrāpi tapasā toṣayaddevapuṃgavān
— here the greatly blessed one obtained Kaśyapa, an excellent son. Here too Atri, by austerity, gratified the bulls among the gods.
AI translation rendered from the Sanskrit, not a published edition
PdP 6 222.61
सोमं दुर्वाससं दत्तं तेभ्यो लेभे सुतत्रयम् । अंगिरा अपि धर्मात्मा तीर्थस्यास्य प्रसादतः
somaṃ durvāsasaṃ dattaṃ tebhyo lebhe sutatrayam | aṃgirā api dharmātmā tīrthasyāsya prasādataḥ
From them he obtained three sons: Soma, Durvāsas, and Datta. Aṅgiras too, whose nature was righteousness, by the grace of this tīrtha
AI translation rendered from the Sanskrit, not a published edition
PdP 6 222.62
लेभे सुतांस्तुतद्वंश्या जाता आंगिरसा द्विजाः । पुलहोऽपि सुतं लेभे दंभोलि गुणवत्तरम्
lebhe sutāṃstutadvaṃśyā jātā āṃgirasā dvijāḥ | pulaho'pi sutaṃ lebhe daṃbholi guṇavattaram
obtained sons; and those of his line were born the Āṅgirasa brahmins. Pulaha also obtained a son, O Dambholi, one richer in good qualities.
AI translation rendered from the Sanskrit, not a published edition — the model flagged this verse as uncertain
PdP 6 222.63
योऽगस्त्योभूत्पुरा राजंस्तीर्थेऽत्रैव निमज्जनात् । पुलस्त्यस्यात्र तीर्थे वै पुत्रो लब्धो तपस्यतः
yo'gastyobhūtpurā rājaṃstīrthe'traiva nimajjanāt | pulastyasyātra tīrthe vai putro labdho tapasyataḥ
He who of old became Agastya, O king, (did so) from bathing in this very tīrtha. And to Pulastya, practising austerity here at this tīrtha, a son was obtained,
AI translation rendered from the Sanskrit, not a published edition
PdP 6 222.64
कुबेरोभून्महाभागो यः सखासीदुमापतेः । क्रतोरपि सुता जाता वालखिल्याः सहस्रशः
kuberobhūnmahābhāgo yaḥ sakhāsīdumāpateḥ | kratorapi sutā jātā vālakhilyāḥ sahasraśaḥ
the greatly blessed Kubera came to be, who was the friend of Umā's lord. To Kratu too were born sons, the Vālakhilyas, by the thousands.
AI translation rendered from the Sanskrit, not a published edition
PdP 6 222.65
तीर्थस्यास्य प्रसादेन ते सर्वे ह्यूर्ध्वरेतसः । रजआदीन्सुताँ लेभे वसिष्ठोऽपि महातपाः
tīrthasyāsya prasādena te sarve hyūrdhvaretasaḥ | rajaādīnsutā~ lebhe vasiṣṭho'pi mahātapāḥ
By the grace of this tīrtha all of them were indeed men whose seed was drawn upward. Vasiṣṭha too, of great austerity, obtained sons beginning with Raja.
AI translation rendered from the Sanskrit, not a published edition
PdP 6 222.66
सप्तैव राजशार्दूल महिमा तस्य वर्णितः । अन्यान्यपि च तीर्थानि संत्यनेकानि भूपते
saptaiva rājaśārdūla mahimā tasya varṇitaḥ | anyānyapi ca tīrthāni saṃtyanekāni bhūpate
Just these seven, O tiger among kings, (and) the greatness of that (tīrtha) has been described. There are also many other tīrthas, O lord of the earth,
AI translation rendered from the Sanskrit, not a published edition — the model flagged this verse as uncertain
PdP 6 222.67
कपिलाश्रमकेदारप्रभासादीनि वै प्रभौ । नियुतैरपि वर्षाणां तेषां च महिमा नृप । अनंतेनापि नो वक्तुं शक्यते किमु मादृशैः
kapilāśramakedāraprabhāsādīni vai prabhau | niyutairapi varṣāṇāṃ teṣāṃ ca mahimā nṛpa | anaṃtenāpi no vaktuṃ śakyate kimu mādṛśaiḥ
namely Kapilāśrama, Kedāra, Prabhāsa and the rest, O master. And their greatness, O king, cannot be told even in millions of years, even by Ananta — how much less by such as I?
AI translation rendered from the Sanskrit, not a published edition
PdP 6 222.68
सौभरिरुवाच- एवमुक्त्वा मुनिश्रेष्ठो नारदो मुनिपुंगवः । शिवं जगाम नभसो नारायणगुणान्गृणन्
saubhariruvāca- evamuktvā muniśreṣṭho nārado munipuṃgavaḥ | śivaṃ jagāma nabhaso nārāyaṇaguṇāngṛṇan
Saubhari said: Having spoken thus, Nārada, the best of sages, the bull among sages, went from the sky to Śiva, reciting the qualities of Nārāyaṇa.
AI translation rendered from the Sanskrit, not a published edition
PdP 6 222.69
शिबिरौशीनरो राजा शक्रप्रस्थस्य वैभवम् । श्रुत्वा मुनिमुखाद्राजन्कृतार्थं स्वममन्यत
śibirauśīnaro rājā śakraprasthasya vaibhavam | śrutvā munimukhādrājankṛtārthaṃ svamamanyata
King Śibi, son of Uśīnara, having heard from the sage's mouth the magnificence of Śakraprastha, considered himself, O king, to have attained his purpose.
AI translation rendered from the Sanskrit, not a published edition
PdP 6 222.70
तत्र स्नात्वा हि विधिवदिंद्रप्रस्थे स भूपतिः । विधाय सत्क्रियाः सर्वा जगाम निजपत्तनम्
tatra snātvā hi vidhivadiṃdraprasthe sa bhūpatiḥ | vidhāya satkriyāḥ sarvā jagāma nijapattanam
Having bathed there at Indraprastha according to the rule, that lord of the earth, having performed all the proper rites, went to his own city.
AI translation rendered from the Sanskrit, not a published edition
PdP 6 222.71
इंद्रप्रस्थस्य माहात्म्यमेतत्तव मया विभो । यमुनातीरतीर्थस्य वर्णितं जनपावनम्
iṃdraprasthasya māhātmyametattava mayā vibho | yamunātīratīrthasya varṇitaṃ janapāvanam
This greatness of Indraprastha, the tīrtha on the bank of the Yamunā, purifying to people, has been described to you by me, O mighty one.
AI translation rendered from the Sanskrit, not a published edition
PdP 6 222.72
नास्यादरं करिष्यंति कलौ श्रद्धाविवर्जिताः । इंद्रप्रस्थस्य राजेंद्र सर्वतीर्थशिरोमणेः
nāsyādaraṃ kariṣyaṃti kalau śraddhāvivarjitāḥ | iṃdraprasthasya rājeṃdra sarvatīrthaśiromaṇeḥ
In the Kali age those bereft of faith will not show reverence to it, to Indraprastha, O lord of kings, the crest-jewel of all tīrthas.
AI translation rendered from the Sanskrit, not a published edition
PdP 6 222.73
अष्टादशपुराणानां श्रवणाद्भारतस्य च । यत्फलं तन्महिम्नस्य शक्रप्रस्थस्य जायते
aṣṭādaśapurāṇānāṃ śravaṇādbhāratasya ca | yatphalaṃ tanmahimnasya śakraprasthasya jāyate
Whatever fruit comes from hearing the eighteen Purāṇas and the Bhārata, that arises from (hearing) the greatness of this Śakraprastha.
AI translation rendered from the Sanskrit, not a published edition
PdP 6 222.74
अरुणोदयवेलायां माघलक्षैकमज्जनात् । यत्फलं तन्महिम्नोस्य श्रवणाच्छ्रद्धया भवेत्
aruṇodayavelāyāṃ māghalakṣaikamajjanāt | yatphalaṃ tanmahimnosya śravaṇācchraddhayā bhavet
Whatever fruit comes from a hundred thousand baths in the month of Māgha at the hour of dawn, that comes from hearing the greatness of this (place) with faith.
AI translation rendered from the Sanskrit, not a published edition
PdP 6 222.75
श्रद्धयास्य तु माहात्म्यं यः शृणोति महीपते । तर्पितास्तेन पितरो देवाश्च मुनयस्तथा
śraddhayāsya tu māhātmyaṃ yaḥ śṛṇoti mahīpate | tarpitāstena pitaro devāśca munayastathā
He who hears with faith the greatness of this (tīrtha), O lord of the earth — by him the ancestors, the gods, and likewise the sages are satisfied.
AI translation rendered from the Sanskrit, not a published edition
PdP 6 222.76
कृच्छ्रातिकृच्छ्रपाराक चांद्रायण व्रतादिभिः । यत्फलं तन्महिम्नोऽस्य श्रद्धया श्रवणाद्भवेत्
kṛcchrātikṛcchrapārāka cāṃdrāyaṇa vratādibhiḥ | yatphalaṃ tanmahimno'sya śraddhayā śravaṇādbhavet
Whatever fruit comes from the kṛcchra, atikṛcchra, pārāka, cāndrāyaṇa and other observances, that comes from hearing the greatness of this (place) with faith.
AI translation rendered from the Sanskrit, not a published edition
PdP 6 222.77
अश्वमेधादियज्ञानां समस्तानां महीपते । यत्फलं तन्महिम्नोऽस्य श्रद्धया श्रवणाद्भवेत्
aśvamedhādiyajñānāṃ samastānāṃ mahīpate | yatphalaṃ tanmahimno'sya śraddhayā śravaṇādbhavet
Whatever fruit belongs to all the sacrifices beginning with the horse-sacrifice, O lord of the earth, that fruit arises from hearing this greatness of (this place) with faith.
AI translation rendered from the Sanskrit, not a published edition
PdP 6 222.78
सूत उवाच- एवं युधिष्ठिरो राजा श्रुत्वा शौनक सौभरेः । इंद्रप्रस्थस्य माहात्म्यं स ययौ हस्तिनं पुरम्
sūta uvāca- evaṃ yudhiṣṭhiro rājā śrutvā śaunaka saubhareḥ | iṃdraprasthasya māhātmyaṃ sa yayau hastinaṃ puram
Sūta said: Thus, O Śaunaka, King Yudhiṣṭhira, having heard from Saubhari the greatness of Indraprastha, went to the city of Hastina(pura).
AI translation rendered from the Sanskrit, not a published edition
PdP 6 222.79
ततो विनीय सद्भ्रातॄन्दुर्योधनपुरःसरान् । इंद्रप्रस्थमगात्पुण्यं राजसूयचिकीर्षया
tato vinīya sadbhrātṝnduryodhanapuraḥsarān | iṃdraprasthamagātpuṇyaṃ rājasūyacikīrṣayā
Then, having instructed his good brothers with Duryodhana at their head, he went to holy Indraprastha with the wish to perform the Rājasūya.
AI translation rendered from the Sanskrit, not a published edition
PdP 6 222.80
द्वारकायाः समागम्य गोविंदं कुलदैवतम् । राजसूयेन यज्ञेन स इयाज महीपतिः
dvārakāyāḥ samāgamya goviṃdaṃ kuladaivatam | rājasūyena yajñena sa iyāja mahīpatiḥ
Having met with Govinda, the family deity, (come) from Dvārakā, that lord of the earth performed sacrifice with the Rājasūya sacrifice.
AI translation rendered from the Sanskrit, not a published edition
PdP 6 222.81
मुक्तिदं तीर्थमेतत्तु शपतोस्याप्यजायत । इति मत्वा हरिस्तत्र शिशुपालं जघान ह
muktidaṃ tīrthametattu śapatosyāpyajāyata | iti matvā haristatra śiśupālaṃ jaghāna ha
"But this holy place became a giver of liberation even to one who curses him" — thinking so, Hari there slew Śiśupāla.
AI translation rendered from the Sanskrit, not a published edition — the model flagged this verse as uncertain
PdP 6 222.82
शिशुपालोऽपि तस्यैव तीर्थस्य मरणाद्भुवि । सायुज्यमगमत्कृष्णे निखिलार्थप्रदायके
śiśupālo'pi tasyaiva tīrthasya maraṇādbhuvi | sāyujyamagamatkṛṣṇe nikhilārthapradāyake
And Śiśupāla too, by dying on earth at that very holy place, attained union with Kṛṣṇa, the giver of all objects (of desire).
AI translation rendered from the Sanskrit, not a published edition
PdP 6 222.83
शिशुपालो हतो यत्र विहितो यत्र चक्रतुः । गदया तत्र भीमेन कृतं कुंडं सुविस्तरम्
śiśupālo hato yatra vihito yatra cakratuḥ | gadayā tatra bhīmena kṛtaṃ kuṃḍaṃ suvistaram
Where Śiśupāla was slain, where the two made (it) done — there a very broad pool was made by Bhīma with his mace.
AI translation rendered from the Sanskrit, not a published edition — the model flagged this verse as uncertain
PdP 6 222.84
भीमकुंडं तु विज्ञातं जातं तद्भुविपावनम् । कालिंद्या दक्षिणे भागे गव्यूत्यर्धं महीतले
bhīmakuṃḍaṃ tu vijñātaṃ jātaṃ tadbhuvipāvanam | kāliṃdyā dakṣiṇe bhāge gavyūtyardhaṃ mahītale
And it became known as Bhīmakuṇḍa, purifying the earth there, on the southern side of the Kālindī, half a gavyūti away on the surface of the earth.
AI translation rendered from the Sanskrit, not a published edition
PdP 6 222.85
इंद्रप्रस्थगताया यत्कालिंद्याः स्नानतः फलम् । तत्फलं तत्र कुंडे तु जायते नात्र संशयः
iṃdraprasthagatāyā yatkāliṃdyāḥ snānataḥ phalam | tatphalaṃ tatra kuṃḍe tu jāyate nātra saṃśayaḥ
Whatever fruit there is from bathing in the Kālindī where it has come to Indraprastha, that fruit arises there in that pool — there is no doubt of this.
AI translation rendered from the Sanskrit, not a published edition
PdP 6 222.86
सूत उवाच- यस्मिन्क्षेत्रे स्थितो जंतुस्तं क्षेत्रमनुवत्सरम् । प्रदक्षिणादिभिर्धर्मैः स्वापराधान्क्षमापयतेत्
sūta uvāca- yasminkṣetre sthito jaṃtustaṃ kṣetramanuvatsaram | pradakṣiṇādibhirdharmaiḥ svāparādhānkṣamāpayatet
Sūta said: A creature dwelling in a (holy) field should, year by year, have that field forgive his offences by observances such as circumambulation.
AI translation rendered from the Sanskrit, not a published edition
PdP 6 222.87
प्रतिसंवत्सरं चैव परिक्रामति यो नरः । क्षेत्रापराधदोषैश्च न स लिप्येत्तु पातकैः
pratisaṃvatsaraṃ caiva parikrāmati yo naraḥ | kṣetrāparādhadoṣaiśca na sa lipyettu pātakaiḥ
And the man who circumambulates year after year is not stained by the faults of offence against the field, nor by (grave) sins.
AI translation rendered from the Sanskrit, not a published edition
PdP 6 222.88
प्रदक्षिणमकुर्वाणः क्षेत्रसिद्धिं न विंदति । तस्मात्प्रदक्षिणा तीर्थे दातव्या च फलार्थिभिः
pradakṣiṇamakurvāṇaḥ kṣetrasiddhiṃ na viṃdati | tasmātpradakṣiṇā tīrthe dātavyā ca phalārthibhiḥ
One who does not perform circumambulation does not obtain the success of the field; therefore circumambulation should be offered at the holy place by those who desire fruit.
AI translation rendered from the Sanskrit, not a published edition
PdP 6 222.89
हरेर्नाम निसंजल्पन्प्रकरोति प्रदक्षिणाम् । पदेपदे स लभते कपिलादानजं फलम्
harernāma nisaṃjalpanprakaroti pradakṣiṇām | padepade sa labhate kapilādānajaṃ phalam
He who performs the circumambulation while continually uttering the name of Hari obtains at every step the fruit born of the gift of a tawny cow.
AI translation rendered from the Sanskrit, not a published edition
PdP 6 222.90
चैत्रकृष्णचतुर्दश्यां शक्रप्रस्थप्रदक्षिणाम् । यः करोति नरो धन्यः सर्वपापैः प्रमुच्यते
caitrakṛṣṇacaturdaśyāṃ śakraprasthapradakṣiṇām | yaḥ karoti naro dhanyaḥ sarvapāpaiḥ pramucyate
The man who performs the circumambulation of Śakraprastha on the fourteenth of the dark half of Caitra is blessed; he is released from all sins.
AI translation rendered from the Sanskrit, not a published edition