Padma Purana — Uttara Khanda — Chapter 219
PdP 6 219.1
नारद उवाच- इत्याकर्ण्य वचस्तस्य पुंडरीको महामनाः । उवाच निजबंधुं तं शृण्वतां निजसंगिनाम्
nārada uvāca- ityākarṇya vacastasya puṃḍarīko mahāmanāḥ | uvāca nijabaṃdhuṃ taṃ śṛṇvatāṃ nijasaṃginām
Nārada said: Having heard his words, the great-minded Puṇḍarīka spoke to that kinsman of his, while his own companions listened.
AI translation rendered from the Sanskrit, not a published edition
PdP 6 219.2
पुंडरीक उवाच- केन पुण्येन तीर्थेऽस्मिन्मृत्युर्भरत तेऽभवत् । यदि जानासि तद्ब्रूहि पापं विख्यातमेव ते
puṃḍarīka uvāca- kena puṇyena tīrthe'sminmṛtyurbharata te'bhavat | yadi jānāsi tadbrūhi pāpaṃ vikhyātameva te
Puṇḍarīka said: By what merit, Bharata, did your death come about at this holy place? If you know, then tell it; your sin, indeed, is well known.
AI translation rendered from the Sanskrit, not a published edition
PdP 6 219.3
भरत उवाच- पुंडरीक शृणुष्वेदं कथयामि तवाग्रतः । एतत्तीर्थप्रदं पुण्यं कृतं यदिह जन्मनि
bharata uvāca- puṃḍarīka śṛṇuṣvedaṃ kathayāmi tavāgrataḥ | etattīrthapradaṃ puṇyaṃ kṛtaṃ yadiha janmani
Bharata said: Listen to this, Puṇḍarīka; I shall relate it before you — that merit which bestows this holy place, which was done by me in this life.
AI translation rendered from the Sanskrit, not a published edition
PdP 6 219.4
एकदा तु धनं जित्वा समागच्छन्निजं गृहम् । अपश्यं मृतकं बालं मृतस्यानाथमापणे
ekadā tu dhanaṃ jitvā samāgacchannijaṃ gṛham | apaśyaṃ mṛtakaṃ bālaṃ mṛtasyānāthamāpaṇe
Once, having won money and coming back to my own house, I saw in the market a dead child, kinless, belonging to a man who had died.
AI translation rendered from the Sanskrit, not a published edition
PdP 6 219.5
निधाय तमहं मूर्ध्नि नीत्वा गंगातटे शुभे । वस्त्रादिभिरलंकृत्य चक्रे दाहादिसत्क्रियाम्
nidhāya tamahaṃ mūrdhni nītvā gaṃgātaṭe śubhe | vastrādibhiralaṃkṛtya cakre dāhādisatkriyām
Placing him on my head and carrying him to the auspicious bank of the Gaṅgā, I adorned him with garments and the rest and performed the proper rites, cremation and the others.
AI translation rendered from the Sanskrit, not a published edition
PdP 6 219.6
द्यूतेनोपार्ज्जितं द्रव्यं तत्सर्वं व्ययितं मया । तेन पुण्येन प्राप्तं मे तीर्थमेतच्छुभावहम्
dyūtenopārjjitaṃ dravyaṃ tatsarvaṃ vyayitaṃ mayā | tena puṇyena prāptaṃ me tīrthametacchubhāvaham
The wealth earned by gambling — all of it was spent by me; by that merit this holy place, bringer of good fortune, has been obtained by me.
AI translation rendered from the Sanskrit, not a published edition
PdP 6 219.7
कुरु त्वं मम देहस्य संस्कारं दाहपूर्वकम्
kuru tvaṃ mama dehasya saṃskāraṃ dāhapūrvakam
Do you perform for my body its rite, beginning with cremation.
AI translation rendered from the Sanskrit, not a published edition
PdP 6 219.8
श्रीनारद उवाच- संस्कारे विहिते राजन्भरतः पापवानपि । तीर्थस्यास्य प्रसादेन पुष्करस्य गतो दिवि । मासमेकं यथा विष्णुः पुंडरीकगृहे हरिः
śrīnārada uvāca- saṃskāre vihite rājanbharataḥ pāpavānapi | tīrthasyāsya prasādena puṣkarasya gato divi | māsamekaṃ yathā viṣṇuḥ puṃḍarīkagṛhe hariḥ
Śrī Nārada said: When the rite had been performed, O king, Bharata, sinful though he was, went to heaven by the favour of this holy place of Puṣkara — just as Hari, Viṣṇu, for one month in Puṇḍarīka's house...
AI translation rendered from the Sanskrit, not a published edition
PdP 6 219.9
उवासास्य प्रसादेन तीर्थस्य शृणु सांप्रतम् । अत्र तीर्थे स धर्मात्मा भरतस्यापि सद्गतिम् । दृष्ट्वेति हृदये मेने तीर्थमेतत्तु कामदम्
uvāsāsya prasādena tīrthasya śṛṇu sāṃpratam | atra tīrthe sa dharmātmā bharatasyāpi sadgatim | dṛṣṭveti hṛdaye mene tīrthametattu kāmadam
...dwelt, by the favour of this holy place — hear it now. Here at this holy place that righteous man, seeing that even Bharata had gained a good destiny, thus considered in his heart that this holy place grants one's desires.
AI translation rendered from the Sanskrit, not a published edition
PdP 6 219.10
अत्रेति वांच्छया सस्नौ पुंडरीकः स पंडितः । माघमासं स्वरूपेण हरिर्वसतु मे गृहे
atreti vāṃcchayā sasnau puṃḍarīkaḥ sa paṃḍitaḥ | māghamāsaṃ svarūpeṇa harirvasatu me gṛhe
With the wish "let Hari dwell in my house in his own form for the month of Māgha," that learned Puṇḍarīka bathed here.
AI translation rendered from the Sanskrit, not a published edition
PdP 6 219.11
एवं स्नात्वा स कामेन ययौ निजगृहं प्रति । तीर्थेऽत्र नृपतिश्रेष्ठ पुंडरीकोऽखिलार्थदे
evaṃ snātvā sa kāmena yayau nijagṛhaṃ prati | tīrthe'tra nṛpatiśreṣṭha puṃḍarīko'khilārthade
Having thus bathed with that desire, he set out for his own house. At this holy place, O best of kings, which grants every object, Puṇḍarīka...
AI translation rendered from the Sanskrit, not a published edition
PdP 6 219.12
बंधुभ्यो मरणं भ्रातुर्भरतस्य जगाद ह । तेपि श्रुत्वा शुचं चक्रुर्माययावृतबुद्धयः
baṃdhubhyo maraṇaṃ bhrāturbharatasya jagāda ha | tepi śrutvā śucaṃ cakrurmāyayāvṛtabuddhayaḥ
...told his kinsmen of the death of his brother Bharata; and they too, on hearing it, grieved, their minds enveloped by illusion.
AI translation rendered from the Sanskrit, not a published edition
PdP 6 219.13
पुंडरीकस्तदा कुर्वन्गृहे स्वस्मिन्निजक्रियाः । उवासेति महानंदस्तपस्यायास्यते हरिः
puṃḍarīkastadā kurvangṛhe svasminnijakriyāḥ | uvāseti mahānaṃdastapasyāyāsyate hariḥ
Then Puṇḍarīka dwelt in his own house performing his own observances, with great joy, (thinking) "Hari will come in the month of Tapasya (Māgha)."
AI translation rendered from the Sanskrit, not a published edition
PdP 6 219.14
पूर्णिमायामथो पौष्यां चक्रे स परमोत्सवम् । मत्वेति श्वो गृहे मह्यं हरिरायास्यति ध्रुवम्
pūrṇimāyāmatho pauṣyāṃ cakre sa paramotsavam | matveti śvo gṛhe mahyaṃ harirāyāsyati dhruvam
Then on the full-moon day of Pauṣa he made a supreme festival, thinking "tomorrow Hari will surely come to my house."
AI translation rendered from the Sanskrit, not a published edition
PdP 6 219.15
श्रीखंडजलसेकेन गोमयालेपनेन च । मुक्ताचूर्णचतुष्केन समस्कुरुत केतनम्
śrīkhaṃḍajalasekena gomayālepanena ca | muktācūrṇacatuṣkena samaskuruta ketanam
With a sprinkling of sandalwood water, with a plastering of cow dung, and with a fourfold (design of) powdered pearl, he made the dwelling ready.
AI translation rendered from the Sanskrit, not a published edition — the model flagged this verse as uncertain
PdP 6 219.16
शतद्वयं ब्राह्मणानां नानाभोज्यैरभोजयत् । वह्वीभिर्दक्षिणाभिश्च तानेव समतोषयत्
śatadvayaṃ brāhmaṇānāṃ nānābhojyairabhojayat | vahvībhirdakṣiṇābhiśca tāneva samatoṣayat
He fed two hundred brahmins with various foods, and gratified those same (brahmins) with abundant gifts.
AI translation rendered from the Sanskrit, not a published edition
PdP 6 219.17
नानावादित्रकुशलैः कलकंठैश्च गायनैः । रजन्यां स्वजनैर्गायंश्चक्रे जागरणं तथा
nānāvāditrakuśalaiḥ kalakaṃṭhaiśca gāyanaiḥ | rajanyāṃ svajanairgāyaṃścakre jāgaraṇaṃ tathā
With singers skilled in various instruments and sweet-voiced, singing through the night with his own kinsmen, he thus kept the vigil.
AI translation rendered from the Sanskrit, not a published edition
PdP 6 219.18
अथ प्रभाते तान्सर्वान्गायनादीन्विसृज्य सः । गोविंदागमनाकांक्षी गृहमध्ये उपाविशत्
atha prabhāte tānsarvāngāyanādīnvisṛjya saḥ | goviṃdāgamanākāṃkṣī gṛhamadhye upāviśat
Then at dawn, dismissing all those singers and the rest, he sat down within the house, longing for Govinda's coming.
AI translation rendered from the Sanskrit, not a published edition
PdP 6 219.19
अथ तस्य गृहाभ्यासे निवर्त्य निजवाहनम् । प्राविशद्गृहमध्ये तु कर्तुं स्वजनवांछितम्
atha tasya gṛhābhyāse nivartya nijavāhanam | prāviśadgṛhamadhye tu kartuṃ svajanavāṃchitam
Then, halting his own vehicle in the vicinity of that man's house, he entered within the house to accomplish what His devotee desired.
AI translation rendered from the Sanskrit, not a published edition
PdP 6 219.20
स पुंडरीकस्तं दृष्ट्वा माधवं समुपागतम् । उत्थायासनतस्तूर्णं ववंदे शिरसा नृप
sa puṃḍarīkastaṃ dṛṣṭvā mādhavaṃ samupāgatam | utthāyāsanatastūrṇaṃ vavaṃde śirasā nṛpa
That Puṇḍarīka, seeing Mādhava arrived, rose at once from his seat and bowed with his head, O king.
AI translation rendered from the Sanskrit, not a published edition
PdP 6 219.21
उवाच च स धर्म्मात्मा गोविंदालोकनिर्वृतः । संपूज्यार्घादिदानेन विष्टरे तं निवेशितम्
uvāca ca sa dharmmātmā goviṃdālokanirvṛtaḥ | saṃpūjyārghādidānena viṣṭare taṃ niveśitam
And that righteous one, delighted at the sight of Govinda, having honoured him with the offering of water and the rest, spoke to him seated on the cushion.
AI translation rendered from the Sanskrit, not a published edition
PdP 6 219.22
पुंडरीक उवाच- भवता भव तापघ्नं सुस्पष्टं तदनुष्ठितम् । तावदत्र त्वया विष्णो स्थीयतां स्थितिकारिणा
puṃḍarīka uvāca- bhavatā bhava tāpaghnaṃ suspaṣṭaṃ tadanuṣṭhitam | tāvadatra tvayā viṣṇo sthīyatāṃ sthitikāriṇā
Puṇḍarīka said: By you this destroyer of worldly affliction has been quite plainly accomplished; so long, O Viṣṇu, do you, the maker of (all) stability, remain here.
AI translation rendered from the Sanskrit, not a published edition — the model flagged this verse as uncertain
PdP 6 219.23
यत्र त्वं सेवकास्ते च वसंति परिचर्यया
yatra tvaṃ sevakāste ca vasaṃti paricaryayā
Where you and your servants dwell by reason of (their) attendance—
AI translation rendered from the Sanskrit, not a published edition
PdP 6 219.24
तत्रैव खलु वैकुंठं सर्वदोषविवर्जितः । यद्गृहे तव कर्माणि वर्ण्यं ते साधुभिर्विभो
tatraiva khalu vaikuṃṭhaṃ sarvadoṣavivarjitaḥ | yadgṛhe tava karmāṇi varṇyaṃ te sādhubhirvibho
—there indeed is Vaikuṇṭha, free from every fault; in whose house your deeds are to be recounted, O pervading lord, by the good.
AI translation rendered from the Sanskrit, not a published edition — the model flagged this verse as uncertain
PdP 6 219.25
हरिर्निवसते तत्र सन्मुखादिति नः श्रुतम् । येषां वचसि ते नाम हृदि रूपं च सुंदरम्
harirnivasate tatra sanmukhāditi naḥ śrutam | yeṣāṃ vacasi te nāma hṛdi rūpaṃ ca suṃdaram
"Hari dwells there"—so we have heard from the mouths of the good. Those in whose speech is your name, and in whose heart your lovely form,
AI translation rendered from the Sanskrit, not a published edition
PdP 6 219.26
कर्णयोश्च गुणारोपस्त एव खलु साधवः । भवतो भवते स्वांतं येषां शुश्रूषणे विभो
karṇayośca guṇāropasta eva khalu sādhavaḥ | bhavato bhavate svāṃtaṃ yeṣāṃ śuśrūṣaṇe vibho
and in whose two ears is the setting-forth of your qualities—they indeed are the good; whose inner being is (given) to serving you, O pervading lord,
AI translation rendered from the Sanskrit, not a published edition
PdP 6 219.27
उत्तमांगे च निर्माल्यं त एव खलु साधवः । येषां तु बुद्धिः शत्रौ च मित्रे च कमलापते
uttamāṃge ca nirmālyaṃ ta eva khalu sādhavaḥ | yeṣāṃ tu buddhiḥ śatrau ca mitre ca kamalāpate
and on whose head is your used garland—they indeed are the good; but those whose mind is (the same) toward an enemy and toward a friend, O lord of Lakṣmī,
AI translation rendered from the Sanskrit, not a published edition
PdP 6 219.28
चयापचययोश्चैव त एव खलु साधवः । येषां विकुरुते चेतो न विकारस्य कारणे
cayāpacayayoścaiva ta eva khalu sādhavaḥ | yeṣāṃ vikurute ceto na vikārasya kāraṇe
and in increase and in decrease—they indeed are the good; those whose mind is not altered when there is a cause of alteration
AI translation rendered from the Sanskrit, not a published edition
PdP 6 219.29
संति लक्ष्मीपते नूनं त एव खलु साधवः । यत्र त्वं साधवस्तत्र संतो यत्र ततो भवान् । भवानतो विज्ञाय तां साधुं माघे मम गृहे वस
saṃti lakṣmīpate nūnaṃ ta eva khalu sādhavaḥ | yatra tvaṃ sādhavastatra saṃto yatra tato bhavān | bhavānato vijñāya tāṃ sādhuṃ māghe mama gṛhe vasa
—these truly are the good, O lord of Lakṣmī. Where you are, there are the good; where the good are, there are you. Knowing this, dwell in my house in Māgha, (I being) that good man.
AI translation rendered from the Sanskrit, not a published edition — the model flagged this verse as uncertain
PdP 6 219.30
नारद उवाच- इत्याकर्ण्य वचस्तस्य पुंडरीकस्य माधवः । उवाच वचनं भासादंतानां भासयन्दिशः
nārada uvāca- ityākarṇya vacastasya puṃḍarīkasya mādhavaḥ | uvāca vacanaṃ bhāsādaṃtānāṃ bhāsayandiśaḥ
Nārada said: Having heard that speech of Puṇḍarīka, Mādhava spoke words, lighting up the quarters with the radiance of his teeth.
AI translation rendered from the Sanskrit, not a published edition
PdP 6 219.31
श्रीभगवानुवाच- साधूनामुत्तमः साधुस्त्वं पृथिव्यां महामते । यत्त्वया पुण्यतीर्थे तु स्नातं मत्संगवांछया
śrībhagavānuvāca- sādhūnāmuttamaḥ sādhustvaṃ pṛthivyāṃ mahāmate | yattvayā puṇyatīrthe tu snātaṃ matsaṃgavāṃchayā
The Blessed Lord said: You are the best of the good on earth, O great-minded one, in that you have bathed at a holy ford out of desire for union with me.
AI translation rendered from the Sanskrit, not a published edition
PdP 6 219.32
उत्तिष्ठ जाह्नवीतोय माघे स्नानं कुरु द्विज । माघांते स्नापयामि त्वां पूर्णिमायां तु पुष्करे
uttiṣṭha jāhnavītoya māghe snānaṃ kuru dvija | māghāṃte snāpayāmi tvāṃ pūrṇimāyāṃ tu puṣkare
Rise, O twice-born; perform the Māgha bathing in the water of the Jāhnavī. At the end of Māgha, on the full-moon day, I shall bathe you at Puṣkara.
AI translation rendered from the Sanskrit, not a published edition
PdP 6 219.33
प्रयागे माघमासे तु पूर्णं यत्स्नानजं फलम् । तत्सर्वं पुष्करे तीर्थे दिनैकस्नानतो भवेत्
prayāge māghamāse tu pūrṇaṃ yatsnānajaṃ phalam | tatsarvaṃ puṣkare tīrthe dinaikasnānato bhavet
Whatever complete fruit arises from bathing at Prayāga in the month of Māgha, all that comes about at the Puṣkara ford from a single day's bathing.
AI translation rendered from the Sanskrit, not a published edition
PdP 6 219.34
नारद उवाच- एवमुक्तः स विप्रेंद्रः पुंडरीको मुरारिणा । किंचिदभ्युदिते सूर्ये स्नानं गंगाजलेऽकरोत्
nārada uvāca- evamuktaḥ sa vipreṃdraḥ puṃḍarīko murāriṇā | kiṃcidabhyudite sūrye snānaṃ gaṃgājale'karot
Nārada said: Thus addressed by Murāri, that best of brahmins, Puṇḍarīka, when the sun had risen a little, performed his bath in the water of the Gaṅgā.
AI translation rendered from the Sanskrit, not a published edition
PdP 6 219.35
प्रत्यक्ष पुंडरीकाक्ष पुंडरीकः समर्चयत् । तुलसीविकसत्पुष्पयवकुंकुमचंदनैः
pratyakṣa puṃḍarīkākṣa puṃḍarīkaḥ samarcayat | tulasīvikasatpuṣpayavakuṃkumacaṃdanaiḥ
Puṇḍarīka worshipped the lotus-eyed one present before his eyes with tulasī, blooming flowers, barley, saffron and sandal,
AI translation rendered from the Sanskrit, not a published edition
PdP 6 219.36
धूपैरगरुजैरंगवासितांगं रमापतिम् । नीराजयति कर्पूरदीपकैः पंचभिः स्म सः
dhūpairagarujairaṃgavāsitāṃgaṃ ramāpatim | nīrājayati karpūradīpakaiḥ paṃcabhiḥ sma saḥ
With incenses made of aloe-wood (he perfumed) the body of the Lord of Ramā, whose limbs were (thus) made fragrant; and he waved five camphor lamps before him in the nīrājana rite.
AI translation rendered from the Sanskrit, not a published edition
PdP 6 219.37
चतुर्विधमयैर्भोज्यैर्भोजयित्वा जगद्गुरुम् । सुप्तं स मणिपर्यंके चामरैस्तमवीजयत्
caturvidhamayairbhojyairbhojayitvā jagadgurum | suptaṃ sa maṇiparyaṃke cāmaraistamavījayat
Having fed the Teacher of the world with foods of the four kinds, when he lay asleep on a jewelled couch he fanned him with chowries.
AI translation rendered from the Sanskrit, not a published edition
PdP 6 219.38
पादसंवाहनं जातु चक्रे तस्य रमापतेः । जातकर्पूरसंयुक्तं ददौ तांबूलवीटकम्
pādasaṃvāhanaṃ jātu cakre tasya ramāpateḥ | jātakarpūrasaṃyuktaṃ dadau tāṃbūlavīṭakam
Once he performed the massaging of the feet of that Lord of Ramā, and he offered a betel roll combined with nutmeg and camphor.
AI translation rendered from the Sanskrit, not a published edition
PdP 6 219.39
उष्णीषं बध्नतस्तस्य श्रीपतेः पुरतस्तदा । तस्थौ जातु स विप्रेंद्रः करेणानीय दर्पणम्
uṣṇīṣaṃ badhnatastasya śrīpateḥ puratastadā | tasthau jātu sa vipreṃdraḥ kareṇānīya darpaṇam
Once, while Śrīpati was binding on his turban, that foremost of brahmins stood before him, having brought a mirror in his hand.
AI translation rendered from the Sanskrit, not a published edition
PdP 6 219.40
एवं निजगृहे तस्य वसतः स भवच्छिदः । सपर्यां विदधद्विप्रो माघं निन्ये स मस्तकम्
evaṃ nijagṛhe tasya vasataḥ sa bhavacchidaḥ | saparyāṃ vidadhadvipro māghaṃ ninye sa mastakam
Thus, while the severer of worldly existence dwelt in his own house, the brahmin, rendering worship (to him), passed the whole month of Māgha.
AI translation rendered from the Sanskrit, not a published edition
PdP 6 219.41
अथ माघावसाने तु पूर्णिमायां रमापतेः । स्मृतिमात्रागतं तार्क्ष्यमपश्यत्पुरतः स्थितम्
atha māghāvasāne tu pūrṇimāyāṃ ramāpateḥ | smṛtimātrāgataṃ tārkṣyamapaśyatpurataḥ sthitam
Then at the close of Māgha, on the full-moon day, he saw Tārkṣya (Garuḍa), the mount of the Lord of Ramā, come at the mere thought (of him), standing before (them).
AI translation rendered from the Sanskrit, not a published edition
PdP 6 219.42
तं दृष्ट्वा पुंडरीकाक्षः पुंडरीकमुवाच ह । श्रीभगवानुवाच- श्रूयतां भो द्विजश्रेष्ठ यद्वचोऽहं वदामि ते
taṃ dṛṣṭvā puṃḍarīkākṣaḥ puṃḍarīkamuvāca ha | śrībhagavānuvāca- śrūyatāṃ bho dvijaśreṣṭha yadvaco'haṃ vadāmi te
Seeing him, the Lotus-eyed One spoke to Puṇḍarīka. The Blessed Lord said: Hear, O best of the twice-born, the words that I speak to you.
AI translation rendered from the Sanskrit, not a published edition
PdP 6 219.43
इंद्रप्रस्थगते तीर्थे पुष्करे ते यदृच्छया । स्नानायते मया दत्तं यन्मासमुषितं मया
iṃdraprasthagate tīrthe puṣkare te yadṛcchayā | snānāyate mayā dattaṃ yanmāsamuṣitaṃ mayā
At the sacred ford Puṣkara that had come to Indraprastha you bathed by your own free choosing; what was granted by me was that I dwelt (with you) for a month.
AI translation rendered from the Sanskrit, not a published edition — the model flagged this verse as uncertain
PdP 6 219.44
अद्यपक्षींद्रमारुह्य मया सह महामते । व्रज तीर्थशिरोरत्नं तदेव प्रति पुष्करे
adyapakṣīṃdramāruhya mayā saha mahāmate | vraja tīrthaśiroratnaṃ tadeva prati puṣkare
Today, O greatly wise one, mount the lord of birds and go with me to that very jewel among the crest of sacred fords, to Puṣkara.
AI translation rendered from the Sanskrit, not a published edition
PdP 6 219.45
चतुर्वर्गप्रदे तस्मिन्स्नानं कुर्वन्यदीच्छसि । तदहं ते प्रदास्यामि यदहं तद्वशे द्विज
caturvargaprade tasminsnānaṃ kurvanyadīcchasi | tadahaṃ te pradāsyāmi yadahaṃ tadvaśe dvija
When you bathe in that (ford) which bestows the four goals (of life), whatever you desire, that I shall grant you, O brahmin, for I am in its power.
AI translation rendered from the Sanskrit, not a published edition
PdP 6 219.46
पापोऽपि भरतस्ते वै भ्राता यत्र मृतो गतः । स्वर्गं स्वर्गसुखाकांक्षी किमन्यत्तस्य वर्ण्यते
pāpo'pi bharataste vai bhrātā yatra mṛto gataḥ | svargaṃ svargasukhākāṃkṣī kimanyattasya varṇyate
Even your sinful brother Bharata, who died there, went to heaven, longing for the joy of heaven — what more of it need be described?
AI translation rendered from the Sanskrit, not a published edition
PdP 6 219.47
नारद उवाच- एवमुक्त्वा स देवेंद्रो ब्राह्मणेंद्रं नरेंद्र तम् । पतगेंद्रं समारोप्य सर्वतीर्थेंद्रमागमत्
nārada uvāca- evamuktvā sa deveṃdro brāhmaṇeṃdraṃ nareṃdra tam | patageṃdraṃ samāropya sarvatīrtheṃdramāgamat
Nārada said: Having spoken thus, that Lord of the gods, O king, set that lord of brahmins upon the lord of birds and came to that lord of all sacred fords.
AI translation rendered from the Sanskrit, not a published edition
PdP 6 219.48
पुंडरीकस्य देहात्तु तेन तत्प्राणवायुना । समं ज्योतिः स निर्गत्य गोविंदपदमाविशत्
puṃḍarīkasya dehāttu tena tatprāṇavāyunā | samaṃ jyotiḥ sa nirgatya goviṃdapadamāviśat
From Puṇḍarīka's body a light went forth together with his life-breath, and entered the state of Govinda.
AI translation rendered from the Sanskrit, not a published edition
PdP 6 219.49
एवं पुष्करतीर्थेऽस्मिन्निंद्रप्रस्थगते नृप । स्नानेन पुंडरीकस्तु लेभे सायुज्यमीश्वरे
evaṃ puṣkaratīrthe'sminniṃdraprasthagate nṛpa | snānena puṃḍarīkastu lebhe sāyujyamīśvare
Thus, O king, by bathing in this Puṣkara ford that had come to Indraprastha, Puṇḍarīka attained union with the Lord.
AI translation rendered from the Sanskrit, not a published edition
PdP 6 219.50
एवं तीर्थानुरोधेन गोविंदोऽपि च तद्गृहे । मासमेकं सुखं राजन्नुवास निजबंधुवत्
evaṃ tīrthānurodhena goviṃdo'pi ca tadgṛhe | māsamekaṃ sukhaṃ rājannuvāsa nijabaṃdhuvat
Thus, out of regard for the sacred ford, Govinda too dwelt happily in his house for one month, O king, like a kinsman of his own.
AI translation rendered from the Sanskrit, not a published edition
PdP 6 219.51
केन वर्णयितुं शक्यो महिमा पुष्करस्य वै । शक्रप्रस्थगतस्यास्य कोट्यंशो वर्णितो मया
kena varṇayituṃ śakyo mahimā puṣkarasya vai | śakraprasthagatasyāsya koṭyaṃśo varṇito mayā
By whom could the greatness of Puṣkara be described? Of this one that had come to Śakraprastha I have described a ten-millionth part.
AI translation rendered from the Sanskrit, not a published edition
PdP 6 219.52
माहात्म्यश्रवणादस्य श्रद्धया लभते नरः । अश्वमेधक्रतुफलं पठनादपि भूपते
māhātmyaśravaṇādasya śraddhayā labhate naraḥ | aśvamedhakratuphalaṃ paṭhanādapi bhūpate
By hearing this greatness with faith a man obtains the fruit of the horse-sacrifice, and by reciting it too, O lord of the earth.
AI translation rendered from the Sanskrit, not a published edition