Padma Purana — Uttara Khanda — Chapter 216
PdP 6 216.1
नारद उवाच- अतो मधुवनाद्राजन्नयं बदरिकाश्रमः । एकादशधनुर्मात्रे भूभागे व्यवतिष्ठति
nārada uvāca- ato madhuvanādrājannayaṃ badarikāśramaḥ | ekādaśadhanurmātre bhūbhāge vyavatiṣṭhati
Nārada said: Beyond this Madhuvana, O king, lies this hermitage of Badarikā, situated on a plot of ground just eleven bow-lengths (away).
AI translation rendered from the Sanskrit, not a published edition
PdP 6 216.2
अस्य तीर्थवरस्याहं महिमानं महद्भुतम् । वर्णयामि पुरस्तात्ते यं श्रुत्वा मुच्यते भयात्
asya tīrthavarasyāhaṃ mahimānaṃ mahadbhutam | varṇayāmi purastātte yaṃ śrutvā mucyate bhayāt
I shall describe before you the greatly wondrous majesty of this best of holy places, hearing which one is freed from fear.
AI translation rendered from the Sanskrit, not a published edition
PdP 6 216.3
एकस्तु मगधे राजन्देवदासो हि नामतः । ब्राह्मणः सत्यवान्दांतः साक्षाद्धर्म इवापरः
ekastu magadhe rājandevadāso hi nāmataḥ | brāhmaṇaḥ satyavāndāṃtaḥ sākṣāddharma ivāparaḥ
There was one in Magadha, O king, named Devadāsa, a brahmin, truthful and self-controlled, like a second Dharma in visible form.
AI translation rendered from the Sanskrit, not a published edition
PdP 6 216.4
निष्णातः सर्वविद्यासु बृहस्पतिरिवापरः । हरिसंतोषको भक्त्या प्रह्लाद इव दैत्यराट्
niṣṇātaḥ sarvavidyāsu bṛhaspatirivāparaḥ | harisaṃtoṣako bhaktyā prahlāda iva daityarāṭ
Versed in all branches of knowledge, like a second Bṛhaspati; one who pleased Hari by devotion, like Prahlāda, king of the demons.
AI translation rendered from the Sanskrit, not a published edition
PdP 6 216.5
सस्त्रीकोऽपि स्मरं जेता पार्वत्याइव वल्लभः । सदाचारपरो नित्यं विश्वामित्रो मुनिर्यथा
sastrīko'pi smaraṃ jetā pārvatyāiva vallabhaḥ | sadācāraparo nityaṃ viśvāmitro muniryathā
Though he had a wife, he was a conqueror of Kāma; a beloved (husband) as if of Pārvatī; ever devoted to right conduct, like the sage Viśvāmitra.
AI translation rendered from the Sanskrit, not a published edition
PdP 6 216.6
मगधेशगृहे मान्यो द्रोणतत्कुरुवेश्मनि । दानशीलः सुपात्रेषु बलिर्दैत्याधिपो यथा
magadheśagṛhe mānyo droṇatatkuruveśmani | dānaśīlaḥ supātreṣu balirdaityādhipo yathā
Honoured in the house of the lord of Magadha, and in the dwelling of Droṇa and those Kurus; generous to worthy recipients, like Bali, lord of the demons.
AI translation rendered from the Sanskrit, not a published edition — the model flagged this verse as uncertain
PdP 6 216.7
तस्यभार्योत्तमा नाम लक्ष्मीरिव गुणोत्तमा । पतिशुश्रूषणपरा यथाजनकनंदिनी
tasyabhāryottamā nāma lakṣmīriva guṇottamā | patiśuśrūṣaṇaparā yathājanakanaṃdinī
His wife was named Uttamā, excellent in virtues like Lakṣmī, devoted to the service of her husband like the daughter of Janaka.
AI translation rendered from the Sanskrit, not a published edition
PdP 6 216.8
तस्यैकश्च सुतो राजन्नंगदो नाम बुद्धिमान् । एका पुत्री तु वलया नाम सल्लक्षमणान्विता
tasyaikaśca suto rājannaṃgado nāma buddhimān | ekā putrī tu valayā nāma sallakṣamaṇānvitā
And he had one son, O king, named Aṅgada, intelligent, and one daughter named Valayā, endowed with good marks.
AI translation rendered from the Sanskrit, not a published edition
PdP 6 216.9
तयोर्ज्यायान्सुतः कन्या तस्माद्भूपकनीयसी । तयोर्यथाक्रमं चक्रे विवाहं स द्विजोत्तमः
tayorjyāyānsutaḥ kanyā tasmādbhūpakanīyasī | tayoryathākramaṃ cakre vivāhaṃ sa dvijottamaḥ
Of those two the son was the elder, and the girl younger than him, O king; and that best of brahmins performed the marriage of both in due order.
AI translation rendered from the Sanskrit, not a published edition
PdP 6 216.10
विवाहिता तु सा कन्या ययौ श्वशुरवेश्मनि । शुभलक्षणसंपन्ना कालेन कियता नृप
vivāhitā tu sā kanyā yayau śvaśuraveśmani | śubhalakṣaṇasaṃpannā kālena kiyatā nṛpa
And that girl, once married, endowed with auspicious marks, went in some (short) time, O king, to her father-in-law's house.
AI translation rendered from the Sanskrit, not a published edition
PdP 6 216.11
अंगदस्तु महाबुद्धिर्गृहभारं बभार ह । पितृवत्सर्वशास्त्रज्ञो यौवनश्रीविभूषितः
aṃgadastu mahābuddhirgṛhabhāraṃ babhāra ha | pitṛvatsarvaśāstrajño yauvanaśrīvibhūṣitaḥ
But Aṅgada, of great intelligence, bore the burden of the household, knowing all the scriptures like his father, adorned with the splendour of youth.
AI translation rendered from the Sanskrit, not a published edition
PdP 6 216.12
एकदा स तु विप्रेंद्रः पुत्रं तं गृहकर्मणि । क्षमं विज्ञाय राजेंद्र निजभार्यामुवाच ह
ekadā sa tu vipreṃdraḥ putraṃ taṃ gṛhakarmaṇi | kṣamaṃ vijñāya rājeṃdra nijabhāryāmuvāca ha
Once, O lord of kings, that best of brahmins, recognizing that his son was competent for the household duties, spoke to his own wife.
AI translation rendered from the Sanskrit, not a published edition
PdP 6 216.13
देवदास उवाच । समाकर्णय मे साध्वि कालेऽस्मिन्नुचितं वचः । ततो यदुचितं भद्रे तदह्नाय विधीयताम्
devadāsa uvāca | samākarṇaya me sādhvi kāle'sminnucitaṃ vacaḥ | tato yaducitaṃ bhadre tadahnāya vidhīyatām
Devadāsa said: Listen well to me, good lady, to a speech fitting at this time; and then, gentle one, let what is fitting be done at once.
AI translation rendered from the Sanskrit, not a published edition
PdP 6 216.14
एषा जरा समायाता शरीरं पातयिष्यति । अंगान्याकंपयंतीव वात्या पक्वफलं यथा
eṣā jarā samāyātā śarīraṃ pātayiṣyati | aṃgānyākaṃpayaṃtīva vātyā pakvaphalaṃ yathā
This old age has come, and it will bring the body down, shaking the limbs as a gale (shakes down) a ripe fruit.
AI translation rendered from the Sanskrit, not a published edition
PdP 6 216.15
अक्ष्णामपि द्युतिं मंदां नूनमेषा करिष्यति । नक्षत्राणां सचंद्राणां प्रातर्वेलेव सुव्रते
akṣṇāmapi dyutiṃ maṃdāṃ nūnameṣā kariṣyati | nakṣatrāṇāṃ sacaṃdrāṇāṃ prātarveleva suvrate
Surely it will make the brightness of the eyes dim too, O you of good vows, as the morning hour (dims the brightness) of the stars along with the moon.
AI translation rendered from the Sanskrit, not a published edition
PdP 6 216.16
स्खलितो पादयोर्मंदां गतिं प्रतिपदक्रमम् । करिष्यति जरा ह्येषा यथानिगडशृंखला
skhalito pādayormaṃdāṃ gatiṃ pratipadakramam | kariṣyati jarā hyeṣā yathānigaḍaśṛṃkhalā
For this old age will make the gait of the stumbling feet slow, step by step, like a fetter and chain.
AI translation rendered from the Sanskrit, not a published edition
PdP 6 216.17
तस्मादेषा जरा यावन्न प्रौढा जायते शुभे । आत्मनस्तावदावाभ्यां करणीयं हि तं द्रुतम्
tasmādeṣā jarā yāvanna prauḍhā jāyate śubhe | ātmanastāvadāvābhyāṃ karaṇīyaṃ hi taṃ drutam
Therefore, fair one, so long as this old age has not grown full-blown, for that time we two must quickly do what is (needful) for ourselves.
AI translation rendered from the Sanskrit, not a published edition
PdP 6 216.18
गृहपुत्रसुहृद्भ्रातृपितरो हि विनश्वराः । द्रव्यादिकं च सुभगे तेषु सज्जेत नो बुधः
gṛhaputrasuhṛdbhrātṛpitaro hi vinaśvarāḥ | dravyādikaṃ ca subhage teṣu sajjeta no budhaḥ
For house, sons, friends, brothers and fathers are perishable, and so is wealth and the rest; the wise man, O fortunate one, should not become attached to them.
AI translation rendered from the Sanskrit, not a published edition
PdP 6 216.19
अतोऽहं सर्वतीर्थेषु पयर्यटन्विजितेंद्रियः । वानप्रस्थेन विधिना वीक्षिष्ये हरिमीश्वरम्
ato'haṃ sarvatīrtheṣu payaryaṭanvijiteṃdriyaḥ | vānaprasthena vidhinā vīkṣiṣye harimīśvaram
Therefore I, with senses conquered, wandering about among all the sacred fords, by the rule of the forest-dweller's stage, shall behold Hari the Lord.
AI translation rendered from the Sanskrit, not a published edition
PdP 6 216.20
ततः संन्यासमादाय क्वचित्तीर्थोत्तमे शुभे । प्रारब्धकर्मणामंते त्यक्ष्यामि स्वं कलेवरम्
tataḥ saṃnyāsamādāya kvacittīrthottame śubhe | prārabdhakarmaṇāmaṃte tyakṣyāmi svaṃ kalevaram
Then, taking up renunciation, in some excellent and auspicious sacred place, at the end of the karmas already set in motion, I shall abandon my body.
AI translation rendered from the Sanskrit, not a published edition
PdP 6 216.21
एवं चेत्प्राणमुक्तः स्यान्मुक्तिः स्यान्नात्र संशयः । मम श्रीपतिपादाब्जसम्यक्स्थापितचेतसः
evaṃ cetprāṇamuktaḥ syānmuktiḥ syānnātra saṃśayaḥ | mama śrīpatipādābjasamyaksthāpitacetasaḥ
If it be so, then one is released at the departure of the breath; liberation will surely come — there is no doubt here — for me, whose mind is rightly fixed upon the lotus feet of Śrī's Lord.
AI translation rendered from the Sanskrit, not a published edition — the model flagged this verse as uncertain
PdP 6 216.22
उत्तमोवाच- पुमान्वा स्त्रीजनो वापि को रमेत विनश्वरे । संसारे माधवं मुक्त्वा नित्याश्रममचेतनः
uttamovāca- pumānvā strījano vāpi ko rameta vinaśvare | saṃsāre mādhavaṃ muktvā nityāśramamacetanaḥ
Uttamā said: What man, or what woman either, being without sense, would take pleasure in perishable saṃsāra, forsaking Mādhava, the eternal refuge?
AI translation rendered from the Sanskrit, not a published edition
PdP 6 216.23
तस्मान्मामपि जीवेश त्वत्पादांबुजसेविनीम् । नीत्वा स्वसंगमे तावद्विश्वाब्धेराशु तारय
tasmānmāmapi jīveśa tvatpādāṃbujasevinīm | nītvā svasaṃgame tāvadviśvābdherāśu tāraya
Therefore, O lord of my life, me too, who serve your lotus feet — take me with you in your own company and quickly carry me across the ocean of the world.
AI translation rendered from the Sanskrit, not a published edition
PdP 6 216.24
पुत्रोऽयमंगदः श्रीमान्गृहभारस्य धारणे । समर्थोऽभूत्स्नुषा चेयं कल्याणी तत्सहायिनी
putro'yamaṃgadaḥ śrīmāngṛhabhārasya dhāraṇe | samartho'bhūtsnuṣā ceyaṃ kalyāṇī tatsahāyinī
This son Aṅgada, blessed with fortune, has become capable of bearing the burden of the household, and this daughter-in-law, an auspicious woman, is his helper.
AI translation rendered from the Sanskrit, not a published edition
PdP 6 216.25
पुत्रे समर्थे यो मूढः पुरुषः स्त्रीजनोऽथवा । न विरज्येत यो मूढो वंचितः श्रेयसा हि सः
putre samarthe yo mūḍhaḥ puruṣaḥ strījano'thavā | na virajyeta yo mūḍho vaṃcitaḥ śreyasā hi saḥ
When the son is capable, that man or woman who is a fool and does not become detached — that fool is indeed cheated of what is best.
AI translation rendered from the Sanskrit, not a published edition
PdP 6 216.26
नारद उवाच- एवमन्योन्यमामंत्र्य दंपती तौ रहस्तदा । पुत्रमाहूय कथयांचक्रतुस्त्विदमंगदम्
nārada uvāca- evamanyonyamāmaṃtrya daṃpatī tau rahastadā | putramāhūya kathayāṃcakratustvidamaṃgadam
Nārada said: Having thus consulted each other in private, the couple then summoned their son and spoke this to Aṅgada.
AI translation rendered from the Sanskrit, not a published edition
PdP 6 216.27
दंपत्यूचतुः- जरागमश्लथद्गात्रावावां विद्धि त्वमंगद । स्वश्रेयसे यतिष्यावः कुत्रचित्पुण्यभूतले
daṃpatyūcatuḥ- jarāgamaślathadgātrāvāvāṃ viddhi tvamaṃgada | svaśreyase yatiṣyāvaḥ kutracitpuṇyabhūtale
The couple said: Know us, Aṅgada, to be two whose limbs are slackened by the coming of old age; we shall strive for our own welfare somewhere on holy ground.
AI translation rendered from the Sanskrit, not a published edition
PdP 6 216.28
हरेराराधनं भक्त्या श्रेयः परममुच्यते । तदर्थमेव निष्कामा यतंते साधवो भुवि
harerārādhanaṃ bhaktyā śreyaḥ paramamucyate | tadarthameva niṣkāmā yataṃte sādhavo bhuvi
The worship of Hari with devotion is called the supreme good; for that very purpose the virtuous, free of desire, strive on earth.
AI translation rendered from the Sanskrit, not a published edition
PdP 6 216.29
विषयेषु न संसक्तिः समत्वं सर्वजंतुषु । येषां हर्षविवादौ च न जातु सुखदुःखयो
viṣayeṣu na saṃsaktiḥ samatvaṃ sarvajaṃtuṣu | yeṣāṃ harṣavivādau ca na jātu sukhaduḥkhayo
Those who have no clinging to sense objects, who have equality toward all creatures, and in whom there is never elation or contention over pleasure and pain —
AI translation rendered from the Sanskrit, not a published edition — the model flagged this verse as uncertain
PdP 6 216.30
त एव साधवो लोके गोविंदपदसेविनः । तेषां दर्शनमात्रेण कृतार्थो जायते नरः
ta eva sādhavo loke goviṃdapadasevinaḥ | teṣāṃ darśanamātreṇa kṛtārtho jāyate naraḥ
they alone are the virtuous in this world, the servants of Govinda's feet; merely by seeing them a man attains his purpose.
AI translation rendered from the Sanskrit, not a published edition
PdP 6 216.31
तीर्थानि पर्यटन्धीरस्तद्दर्शनसमुत्सुकः । भाग्योदयेन केनापि तद्दर्शनमवाप्नुयात्
tīrthāni paryaṭandhīrastaddarśanasamutsukaḥ | bhāgyodayena kenāpi taddarśanamavāpnuyāt
A steadfast man, eager for the sight of them, wanders about the holy places; by some rising of good fortune he may obtain the sight of them.
AI translation rendered from the Sanskrit, not a published edition
PdP 6 216.32
तस्माद्भारं कुटुंबस्य भुजयोर्युगदीर्घयोः । आरोप्य नौ विसर्जस्व तीर्थयात्रार्थमंगद
tasmādbhāraṃ kuṭuṃbasya bhujayoryugadīrghayoḥ | āropya nau visarjasva tīrthayātrārthamaṃgada
Therefore, Aṅgada, laying the burden of the family upon your two arms, long as yokes, give us leave to go for a pilgrimage to the holy places.
AI translation rendered from the Sanskrit, not a published edition
PdP 6 216.33
तीर्थयात्राप्रसंगेन कदाचित्साधुदर्शनम् । भवेद्यदि तदा पुत्र द्वयोर्नौ स्यात्कृतार्थता
tīrthayātrāprasaṃgena kadācitsādhudarśanam | bhavedyadi tadā putra dvayornau syātkṛtārthatā
If on the occasion of the pilgrimage there should sometime come the sight of a holy man, then, son, the two of us would have our purpose fulfilled.
AI translation rendered from the Sanskrit, not a published edition
PdP 6 216.34
नारद उवाच- इत्युक्तः पितृभ्यां पुत्रः साधुवादमवादयत् । नारद उवाच- समस्तकुलनिस्तारो भवद्भ्यामयमीरितः
nārada uvāca- ityuktaḥ pitṛbhyāṃ putraḥ sādhuvādamavādayat | nārada uvāca- samastakulanistāro bhavadbhyāmayamīritaḥ
Nārada said: Thus addressed by his parents, the son spoke words of approval: "This deliverance of the entire family has been proclaimed by you two."
AI translation rendered from the Sanskrit, not a published edition — the model flagged this verse as uncertain
PdP 6 216.35
आशु मामवजानीतं किं करोमि भवद्धितम् । अहमाज्ञाकरो नित्यं युवयोः पूज्यपादयोः
āśu māmavajānītaṃ kiṃ karomi bhavaddhitam | ahamājñākaro nityaṃ yuvayoḥ pūjyapādayoḥ
"Command me at once — what shall I do for your benefit? I am always the executor of the orders of you two, whose feet are to be honoured."
AI translation rendered from the Sanskrit, not a published edition
PdP 6 216.36
पुण्यतीर्थेषु दानार्थं गृहीतं धनमुत्तमम् । नयतं मामपि प्रेष्यं सेवायै निजसंगमम्
puṇyatīrtheṣu dānārthaṃ gṛhītaṃ dhanamuttamam | nayataṃ māmapi preṣyaṃ sevāyai nijasaṃgamam
"The best of wealth has been taken up for the sake of gifts at the holy places; take me too, your servant, into your own company for service."
AI translation rendered from the Sanskrit, not a published edition
PdP 6 216.37
नारद उवाच- इत्युक्त्वा धनमादाय गत्वा क्रोशद्वयं तयोः । संगे गृहमगात्ताभ्यां कथंचित्संनिवर्तितः
nārada uvāca- ityuktvā dhanamādāya gatvā krośadvayaṃ tayoḥ | saṃge gṛhamagāttābhyāṃ kathaṃcitsaṃnivartitaḥ
Nārada said: Having said this, he took the wealth and went two krośas in their company; then he returned home, somehow turned back by the two of them.
AI translation rendered from the Sanskrit, not a published edition
PdP 6 216.38
तौ गृहीत्वा धनं किचिद्विष्णुर्नौ संयतामिति । कंदमूलफलाहारौ तत्रोषित्वा दिनत्रयम्
tau gṛhītvā dhanaṃ kicidviṣṇurnau saṃyatāmiti | kaṃdamūlaphalāhārau tatroṣitvā dinatrayam
The two, taking some of the wealth, saying "May Viṣṇu keep us in check," and living on a diet of bulbs, roots and fruits, stayed there for three days.
AI translation rendered from the Sanskrit, not a published edition — the model flagged this verse as uncertain
PdP 6 216.39
यदा तस्मात्प्रचलितौ दंपती जगतीपते । तदा मार्गे महान्कश्चित्सिद्धः संमीलितस्तयोः
yadā tasmātpracalitau daṃpatī jagatīpate | tadā mārge mahānkaścitsiddhaḥ saṃmīlitastayoḥ
When the couple set out from there, O lord of the earth, then on the road some great perfected one met with them.
AI translation rendered from the Sanskrit, not a published edition
PdP 6 216.40
ताभ्यामुभाभ्यां शिरसा वंदितः स उपाविशत् । उपविष्टस्तदा ताभ्यामिति पृष्टः स सिद्धराट्
tābhyāmubhābhyāṃ śirasā vaṃditaḥ sa upāviśat | upaviṣṭastadā tābhyāmiti pṛṣṭaḥ sa siddharāṭ
Saluted with the head by them both, he sat down; and when he was seated, that king of the siddhas was thus questioned by the two:
AI translation rendered from the Sanskrit, not a published edition
PdP 6 216.41
को भवान्कुत आयातो किं चिकीर्षति तद्वद । सिद्ध उवाच- सिद्धोऽहं तापसश्रेष्ठ कल्पग्रामे गृहं मम
ko bhavānkuta āyāto kiṃ cikīrṣati tadvada | siddha uvāca- siddho'haṃ tāpasaśreṣṭha kalpagrāme gṛhaṃ mama
"Who are you? From where have you come? What do you intend to do? Tell that." The Siddha said: "I am a siddha, O best of ascetics; my home is in Kalpagrāma.
AI translation rendered from the Sanskrit, not a published edition
PdP 6 216.42
इंद्रप्रस्थात्समायातो दृष्टं तत्र महाद्भुतम् । तत्रास्ति कपिलः सिद्धो नारायणसमो गुणैः
iṃdraprasthātsamāyāto dṛṣṭaṃ tatra mahādbhutam | tatrāsti kapilaḥ siddho nārāyaṇasamo guṇaiḥ
I have come from Indraprastha; there a very great marvel was seen. There is there a siddha, Kapila, equal to Nārāyaṇa in his qualities.
AI translation rendered from the Sanskrit, not a published edition
PdP 6 216.43
तस्मादहं पठन्सांख्यं निवसामि तदाश्रमे । एकदा मद्गुरुः श्रीमान्स्वाश्रमात्कपिलो ययौ
tasmādahaṃ paṭhansāṃkhyaṃ nivasāmi tadāśrame | ekadā madguruḥ śrīmānsvāśramātkapilo yayau
Therefore I dwell in his hermitage, studying the Sāṃkhya. Once my illustrious teacher Kapila went from his own hermitage
AI translation rendered from the Sanskrit, not a published edition
PdP 6 216.44
बदर्याख्यं महापुण्यं स्नातुं स यमुनाजले । तत्रैकोरण्यमहिषस्तृषार्तो यमुनाजले
badaryākhyaṃ mahāpuṇyaṃ snātuṃ sa yamunājale | tatraikoraṇyamahiṣastṛṣārto yamunājale
to the greatly meritorious (place) called Badarī, to bathe in the water of the Yamunā. There a certain wild buffalo, tormented by thirst, into the water of the Yamunā
AI translation rendered from the Sanskrit, not a published edition
PdP 6 216.45
प्रविष्टो जलमापीय पूर्वजन्मस्वमस्मरत् । स्मृत्वा स पूर्वकर्माणि महिषोऽरण्यसंभवः
praviṣṭo jalamāpīya pūrvajanmasvamasmarat | smṛtvā sa pūrvakarmāṇi mahiṣo'raṇyasaṃbhavaḥ
entered, and having drunk the water he remembered his former births. Having remembered his former deeds, that buffalo, forest-born,
AI translation rendered from the Sanskrit, not a published edition
PdP 6 216.46
जलान्निसृत्य तरसा ववंदे कपिलं गुरुम् । उवाच नरवाचा च मयि शृण्वति तापसः । यत्तत्ते कथयाम्यद्य शृणु त्वं परमाद्भुतम्
jalānnisṛtya tarasā vavaṃde kapilaṃ gurum | uvāca naravācā ca mayi śṛṇvati tāpasaḥ | yattatte kathayāmyadya śṛṇu tvaṃ paramādbhutam
came swiftly out of the water and saluted the guru Kapila. And he spoke with a human voice, while I, an ascetic, listened. What (he said) I tell you today—listen, it is most marvellous.
AI translation rendered from the Sanskrit, not a published edition
PdP 6 216.47
महिष उवाच- भोभो विष्णुकलाभूत सिद्धानां कपिलेश्वर । किं नामेदं महातीर्थं नताय कथयस्व मे
mahiṣa uvāca- bhobho viṣṇukalābhūta siddhānāṃ kapileśvara | kiṃ nāmedaṃ mahātīrthaṃ natāya kathayasva me
The buffalo said: "Oh, you who have become a portion of Viṣṇu, Kapila, lord of the siddhas! What is the name of this great tīrtha? Tell me, who bow (before you).
AI translation rendered from the Sanskrit, not a published edition
PdP 6 216.48
अस्य तीर्थवरस्यांबुस्पर्शाद्वै पूर्वजन्मनि । जाता मम महाभाग पापस्यापि च कर्मणः
asya tīrthavarasyāṃbusparśādvai pūrvajanmani | jātā mama mahābhāga pāpasyāpi ca karmaṇaḥ
For from the touch of the water of this best of tīrthas, O greatly fortunate one, (recollection) of my former birth has arisen for me, sinful though my deeds were."
AI translation rendered from the Sanskrit, not a published edition — the model flagged this verse as uncertain
PdP 6 216.49
सिद्ध उवाच- एवमाकर्ण्य तद्वाक्यं महिषस्य महामुनिः । जानन्नपि च तद्वृत्तं विहस्येदमुवाच ह
siddha uvāca- evamākarṇya tadvākyaṃ mahiṣasya mahāmuniḥ | jānannapi ca tadvṛttaṃ vihasyedamuvāca ha
The Siddha said: Hearing these words of the buffalo thus, the great sage, although he knew what had happened, laughed and said this:
AI translation rendered from the Sanskrit, not a published edition
PdP 6 216.50
कपिल उवाच- भवान्महिषशार्दूल क आसीत्पूर्वजन्मनि । तत्र किं कृतवान्कर्म योनिं येनाप माहिषीम्
kapila uvāca- bhavānmahiṣaśārdūla ka āsītpūrvajanmani | tatra kiṃ kṛtavānkarma yoniṃ yenāpa māhiṣīm
Kapila said: "You, tiger among buffaloes—who were you in your former birth? What deed did you do there, by which you obtained a buffalo's womb?"
AI translation rendered from the Sanskrit, not a published edition
PdP 6 216.51
महिष उवाच- शृणुष्व मुनिशार्दूल वृत्तं वै पूर्वजन्मनः । अहमासं पुरा राजा कलिंगाधिपतिर्बली
mahiṣa uvāca- śṛṇuṣva muniśārdūla vṛttaṃ vai pūrvajanmanaḥ | ahamāsaṃ purā rājā kaliṃgādhipatirbalī
The buffalo said: "Listen, tiger among sages, to what happened in my former birth. Formerly I was a king, a mighty lord of Kaliṅga.
AI translation rendered from the Sanskrit, not a published edition
PdP 6 216.52
स्वां परां नैव जानामि योषितं काममोहितः । वणिजां साधुवृत्तीनां धनहर्ता निरेनसाम्
svāṃ parāṃ naiva jānāmi yoṣitaṃ kāmamohitaḥ | vaṇijāṃ sādhuvṛttīnāṃ dhanahartā nirenasām
Deluded by lust, I made no distinction at all between my own woman and another's; I was a stealer of the wealth of merchants of honest conduct, who were guiltless.
AI translation rendered from the Sanskrit, not a published edition
PdP 6 216.53
निशीथे नगरे राजन् गतभीः पर्यटाम्यहम् । सुंदरीभिः परस्त्रीभिः क्रीडितुं रतिलीलया
niśīthe nagare rājan gatabhīḥ paryaṭāmyaham | suṃdarībhiḥ parastrībhiḥ krīḍituṃ ratilīlayā
At midnight, O king, I would roam about in the city without fear, to play in the sport of love with beautiful women who were others' wives.
AI translation rendered from the Sanskrit, not a published edition
PdP 6 216.54
यद्गृहे सुंदरीं नारीं पश्यामि स्मरमोहितः । वसामि निशि तत्राहं क्षेत्रे मध्ये गजो यथा
yadgṛhe suṃdarīṃ nārīṃ paśyāmi smaramohitaḥ | vasāmi niśi tatrāhaṃ kṣetre madhye gajo yathā
In whatever house I, maddened by desire, saw a beautiful woman, there I would stay for the night, like an elephant in the middle of a field.
AI translation rendered from the Sanskrit, not a published edition
PdP 6 216.55
क्रीडित्वा तत्र निःशंकं धनं हृत्वा च तद्गृहात् । स्वगृहं पुनरायामि कियद्भिर्वासरैरहम्
krīḍitvā tatra niḥśaṃkaṃ dhanaṃ hṛtvā ca tadgṛhāt | svagṛhaṃ punarāyāmi kiyadbhirvāsarairaham
Having sported there without misgiving and having stolen wealth from that house, after some days I would come back to my own house.
AI translation rendered from the Sanskrit, not a published edition
PdP 6 216.56
उपविष्टः सभामध्ये दिवा द्वौ पुरबालकौ । अनार्यबाहुयुद्धेन योधयामि निजाग्रतः
upaviṣṭaḥ sabhāmadhye divā dvau purabālakau | anāryabāhuyuddhena yodhayāmi nijāgrataḥ
Seated in the midst of the assembly by day, I would make two boys of the city fight before me in ignoble fist-combat.
AI translation rendered from the Sanskrit, not a published edition
PdP 6 216.57
नियोधयति यो बालस्तं मत्वा धनिनं बलात् । गृह्णामि तत्पितुर्वित्तं स्वल्पं वा भूरि वा मुने
niyodhayati yo bālastaṃ matvā dhaninaṃ balāt | gṛhṇāmi tatpiturvittaṃ svalpaṃ vā bhūri vā mune
Whichever boy won the fight, considering him rich I would forcibly take his father's property, whether little or much, O sage.
AI translation rendered from the Sanskrit, not a published edition
PdP 6 216.58
यः पराजयते तत्र कातरत्वान्महामुने । नायमर्हः पुरे स्थातुं ममेति विनिहन्मि तम्
yaḥ parājayate tatra kātaratvānmahāmune | nāyamarhaḥ pure sthātuṃ mameti vinihanmi tam
Whoever there was defeated out of cowardice, O great sage—saying 'this one does not deserve to remain in my city'—him I would kill.
AI translation rendered from the Sanskrit, not a published edition
PdP 6 216.59
एवमप्यद्यमारेभे वर्त्तमाने महीपतौ । पौरा नगरमुत्सृज्य प्रययुर्विषयांतरम्
evamapyadyamārebhe varttamāne mahīpatau | paurā nagaramutsṛjya prayayurviṣayāṃtaram
Even so, while the king behaved in this way, killing (people), the townsmen abandoned the city and went off to another territory.
AI translation rendered from the Sanskrit, not a published edition — the model flagged this verse as uncertain
PdP 6 216.60
एकदा मुनिशार्दूलो दुर्वासा पर्यटन्महीम् । पुरे मम समायातो दुर्वासा रुद्रसंभवः
ekadā muniśārdūlo durvāsā paryaṭanmahīm | pure mama samāyāto durvāsā rudrasaṃbhavaḥ
Once Durvāsas, tiger among sages, wandering over the earth, came to my city—Durvāsas, born of Rudra.
AI translation rendered from the Sanskrit, not a published edition
PdP 6 216.61
मिलित्वा नागराः सर्वे तदाजग्मुस्तदंतिके । प्रणिपत्येदमाहुस्तं स्वदुःखज्ञापकं वचः
militvā nāgarāḥ sarve tadājagmustadaṃtike | praṇipatyedamāhustaṃ svaduḥkhajñāpakaṃ vacaḥ
All the townsfolk, having gathered together, then came into his presence; and bowing down, they spoke to him these words, making known their own distress.
AI translation rendered from the Sanskrit, not a published edition
PdP 6 216.62
पौरा ऊचुः आत्रेय मुनिशार्दूल कृपां कुरु कृपानिधे । अधर्मनिरतं भूपमेनं धर्मेण योजय
paurā ūcuḥ ātreya muniśārdūla kṛpāṃ kuru kṛpānidhe | adharmanirataṃ bhūpamenaṃ dharmeṇa yojaya
The citizens said: O son of Atri, O tiger among sages, show mercy, O treasury of mercy; join this king, who is bent upon unrighteousness, to righteousness.
AI translation rendered from the Sanskrit, not a published edition
PdP 6 216.63
भाग्योदयेन केनापि भवानस्माकमागतः । उद्वेलाद्भूपदुःखाब्धेरस्मांस्तारय पोतवत्
bhāgyodayena kenāpi bhavānasmākamāgataḥ | udvelādbhūpaduḥkhābdherasmāṃstāraya potavat
By some rising of (our) good fortune you have come to us; carry us across, like a boat, from the overflowing ocean of suffering (caused by) the king.
AI translation rendered from the Sanskrit, not a published edition
PdP 6 216.64
धनं लोभयतातेन हृतं नो मुनिपुंगव । दूषिताश्च स्त्रियः साध्व्यः सकामेन निरेनसा
dhanaṃ lobhayatātena hṛtaṃ no munipuṃgava | dūṣitāśca striyaḥ sādhvyaḥ sakāmena nirenasā
Our wealth has been carried off by that greedy one, O bull among sages, and virtuous women have been defiled by that lustful, shameless one.
AI translation rendered from the Sanskrit, not a published edition
PdP 6 216.65
दशवत्सरदेशीया बहवः शिशवो हताः । अगण्य वैगुण्यनिधिरेष भूपो महामुने
daśavatsaradeśīyā bahavaḥ śiśavo hatāḥ | agaṇya vaiguṇyanidhireṣa bhūpo mahāmune
Many children, about ten years old, have been killed. Beyond counting, O great sage, is this king, a storehouse of faults.
AI translation rendered from the Sanskrit, not a published edition
PdP 6 216.66
महिष उवाच- एवमाकर्ण्य पौराणां वचः स मुनिरत्रिजः । दंड्योयमिति संचित्य सभास्थं मामथा ययौ
mahiṣa uvāca- evamākarṇya paurāṇāṃ vacaḥ sa muniratrijaḥ | daṃḍyoyamiti saṃcitya sabhāsthaṃ māmathā yayau
The buffalo said: Having heard the words of the citizens thus, that sage born of Atri, thinking 'this one is to be punished,' then went to me as I sat in the assembly hall.
AI translation rendered from the Sanskrit, not a published edition
PdP 6 216.67
दृष्ट्वा हि तं समायांतमवधूतं दिगंबरम् । आवारयमहं भृत्यैर्नेत्ययं दर्शनोचितः
dṛṣṭvā hi taṃ samāyāṃtamavadhūtaṃ digaṃbaram | āvārayamahaṃ bhṛtyairnetyayaṃ darśanocitaḥ
For, seeing him coming, an avadhūta, naked, I had (him) blocked by my servants, saying 'No, this one is not fit to be seen.'
AI translation rendered from the Sanskrit, not a published edition
PdP 6 216.68
रेणुना सर्वलिप्तांगो महिषाकृतिरेव वै । वार्यतामिति पार्श्वस्थान्बहुशोऽहं समादिशम्
reṇunā sarvaliptāṃgo mahiṣākṛtireva vai | vāryatāmiti pārśvasthānbahuśo'haṃ samādiśam
His limbs all smeared with dust, of the very shape of a buffalo — 'Let him be stopped!' — thus I repeatedly commanded those standing beside me.
AI translation rendered from the Sanskrit, not a published edition
PdP 6 216.69
ततस्ते तरसा भृत्यास्तं वारयितुमभ्यगुः । हुंकारेणैव तान्सर्वान्स चक्रे भस्मसान्मुनिः
tataste tarasā bhṛtyāstaṃ vārayitumabhyaguḥ | huṃkāreṇaiva tānsarvānsa cakre bhasmasānmuniḥ
Then those servants swiftly rushed forward to block him; with a mere growl of 'hum' the sage reduced them all to ashes.
AI translation rendered from the Sanskrit, not a published edition
PdP 6 216.70
यज्ञाश्वं रक्षतः स्वस्य पितुस्त्वमिव सागरात् । सर्वशस्तानहं भृत्यान्भस्मीभूतांस्तु तेजसा
yajñāśvaṃ rakṣataḥ svasya pitustvamiva sāgarāt | sarvaśastānahaṃ bhṛtyānbhasmībhūtāṃstu tejasā
Just as you (did) the sons of Sagara, who were guarding their own father's sacrificial horse — so, by his fiery power, all those servants of mine were turned to ashes.
AI translation rendered from the Sanskrit, not a published edition — the model flagged this verse as uncertain
PdP 6 216.71
आलक्ष्य सहसोत्थाय गृहमावेष्टुमुद्यतः । रेरे पापेति संबोध्य ततो मां मुनिसत्तमः
ālakṣya sahasotthāya gṛhamāveṣṭumudyataḥ | rere pāpeti saṃbodhya tato māṃ munisattamaḥ
Observing (this), I sprang up at once and was about to enter the house; then the best of sages addressed me, 'Hey there, sinner!'
AI translation rendered from the Sanskrit, not a published edition
PdP 6 216.72
शशापेति महारण्ये महिषो भव सांप्रतम् । तेनाहमिति शप्तो वै मुक्त्वा राजतनुं तदा
śaśāpeti mahāraṇye mahiṣo bhava sāṃpratam | tenāhamiti śapto vai muktvā rājatanuṃ tadā
and thus he cursed (me): 'Become now a buffalo in the great forest.' Cursed by him in this way, I then left off my royal body,
AI translation rendered from the Sanskrit, not a published edition
PdP 6 216.73
मरुदेशे महारण्ये जातोऽहं महिषो मुने । चिरकालमहं तत्र न्यवसं मुनिपुंगवः
marudeśe mahāraṇye jāto'haṃ mahiṣo mune | cirakālamahaṃ tatra nyavasaṃ munipuṃgavaḥ
and was born as a buffalo in the great forest in the desert land, O sage; there I dwelt for a long time, O bull among sages.
AI translation rendered from the Sanskrit, not a published edition
PdP 6 216.74
अत्रागतस्तु केनाहं पुण्येन तदपि शृणु । वापीकूपसरस्यस्तु बहबः कारिता मया
atrāgatastu kenāhaṃ puṇyena tadapi śṛṇu | vāpīkūpasarasyastu bahabaḥ kāritā mayā
But by what merit I have come here — hear that too: many step-wells, wells and ponds were made by me,
AI translation rendered from the Sanskrit, not a published edition
PdP 6 216.75
सहकारादिवृक्षाणामारोपो विहितः पथि । पुण्येनानेन मे देव पातो न नरकेऽभवत्
sahakārādivṛkṣāṇāmāropo vihitaḥ pathi | puṇyenānena me deva pāto na narake'bhavat
and the planting of mango and other trees was carried out along the roads; by this merit of mine, O lord, there was no fall into hell (for me),
AI translation rendered from the Sanskrit, not a published edition
PdP 6 216.76
तीर्थस्य च मया प्राप्तो ह्यमुष्यजलसंगमः । एतत्ते कथितं सर्वं पूर्वजन्मशुभाशुभम्
tīrthasya ca mayā prāpto hyamuṣyajalasaṃgamaḥ | etatte kathitaṃ sarvaṃ pūrvajanmaśubhāśubham
and I have obtained contact with the water of this holy place. All this I have told you — the good and bad of my former birth.
AI translation rendered from the Sanskrit, not a published edition
PdP 6 216.77
येन तीर्थं मया प्राप्तमेतद्योनिश्च माहिषी । अस्यतीर्थवरस्यांबुस्पर्शाज्जातिस्मरोभवम् । कथमस्या असद्योनेर्मुक्तिः स्यात्तन्मुने वद
yena tīrthaṃ mayā prāptametadyoniśca māhiṣī | asyatīrthavarasyāṃbusparśājjātismarobhavam | kathamasyā asadyonermuktiḥ syāttanmune vada
(But) as to why this tīrtha was reached by me and (why) this buffalo birth (came about) — by the touch of the water of this best of tīrthas I have become one who remembers his (former) births. Tell me, O sage, how there may be release from this base birth.
AI translation rendered from the Sanskrit, not a published edition
PdP 6 216.78
कपिल उवाच- एतत्तीर्थं महापुण्यं बदर्याख्यं रमापतेः । अत्र स्नाहि द्रुतं कामं स्वचित्तस्थं हि लप्स्यसे
kapila uvāca- etattīrthaṃ mahāpuṇyaṃ badaryākhyaṃ ramāpateḥ | atra snāhi drutaṃ kāmaṃ svacittasthaṃ hi lapsyase
Kapila said: This tīrtha, called Badarī, belonging to the lord of Ramā, is of great merit. Bathe here at once; you will surely obtain the desire that is in your heart.
AI translation rendered from the Sanskrit, not a published edition
PdP 6 216.79
सिद्ध उवाच- एतच्छ्रुत्वा वचस्तस्य महिषस्य महामुने । तत्र तीर्थे वरे स्नातुं प्राविशत्स्वर्गवांछया
siddha uvāca- etacchrutvā vacastasya mahiṣasya mahāmune | tatra tīrthe vare snātuṃ prāviśatsvargavāṃchayā
The siddha said: Having heard this speech of his, O great sage, the buffalo entered that excellent tīrtha to bathe, out of longing for heaven.
AI translation rendered from the Sanskrit, not a published edition
PdP 6 216.80
स्नात्वा स्वर्गेच्छया तस्मिन्जलात्तटमुपागते । तत्क्षणं गजमारूह्य शक्रः स्वर्गात्समाययौ
snātvā svargecchayā tasminjalāttaṭamupāgate | tatkṣaṇaṃ gajamārūhya śakraḥ svargātsamāyayau
When, having bathed there with the desire for heaven, he came up from the water to the bank, at that very moment Śakra, mounted on his elephant, arrived from heaven.
AI translation rendered from the Sanskrit, not a published edition
PdP 6 216.81
इंद्र उवाच- हे कलिंगपते नैजं देहं जहि हि माहिषम् । प्रतिलभ्य वपुर्दिव्यं सममायाहि मे दिवम् । त्वया स्वर्गेच्छया स्नातं प्राप्तं तत्ते सुरास्पदम्
iṃdra uvāca- he kaliṃgapate naijaṃ dehaṃ jahi hi māhiṣam | pratilabhya vapurdivyaṃ samamāyāhi me divam | tvayā svargecchayā snātaṃ prāptaṃ tatte surāspadam
Indra said: O lord of Kaliṅga, cast off this buffalo body of yours; having received a divine form, come with me to my heaven. Since you bathed with the desire for heaven, that seat of the gods has been won by you.
AI translation rendered from the Sanskrit, not a published edition
PdP 6 216.82
सिद्ध उवाच- इत्युक्तः स तदा तेन त्यक्त्वा देहं तु माहिषम् । दिव्यं वपुः समासाद्य गजराजं समारुहत्
siddha uvāca- ityuktaḥ sa tadā tena tyaktvā dehaṃ tu māhiṣam | divyaṃ vapuḥ samāsādya gajarājaṃ samāruhat
The Siddha said: Thus addressed by him, he then abandoned the buffalo body, and having obtained a divine form he mounted the king of elephants.
AI translation rendered from the Sanskrit, not a published edition
PdP 6 216.83
गजराजं समारुह्य स्थित्वा च गगने क्षणम् । प्रणम्य शिरसा देवं तुष्टाव कपिलं मुनिम्
gajarājaṃ samāruhya sthitvā ca gagane kṣaṇam | praṇamya śirasā devaṃ tuṣṭāva kapilaṃ munim
Having mounted the king of elephants and stood a moment in the sky, he bowed with his head and praised the god, the sage Kapila.
AI translation rendered from the Sanskrit, not a published edition
PdP 6 216.84
कलिङ्ग उवाच । नमस्ते परमेशान केवलज्ञानहेतवे । सेतवे वेदविद्यानां रिपवे तद्विरोधिनाम्
kaliṅga uvāca | namaste parameśāna kevalajñānahetave | setave vedavidyānāṃ ripave tadvirodhinām
Kaliṅga said: Homage to you, supreme lord, who are the cause of pure knowledge, the dyke (that upholds) the Vedic sciences, the foe of those who oppose them.
AI translation rendered from the Sanskrit, not a published edition
PdP 6 216.85
त्वत्तः प्रवृत्तिः सांख्यस्य जाता तत्वावबोधिनी । देहिनां मायया ग्रस्त चेतसामपि ते विभो
tvattaḥ pravṛttiḥ sāṃkhyasya jātā tatvāvabodhinī | dehināṃ māyayā grasta cetasāmapi te vibho
From you arose the teaching of Sāṃkhya, which awakens (one) to the truths — even for embodied beings whose minds are swallowed by māyā, O mighty one, it is yours.
AI translation rendered from the Sanskrit, not a published edition — the model flagged this verse as uncertain
PdP 6 216.86
ये वेदविहितं त्यक्त्वा वर्तंते स्वेच्छया मुने । तान्दंडयसि दंड्यांस्त्वं मज्जयंस्तिर्यगादिषु
ye vedavihitaṃ tyaktvā vartaṃte svecchayā mune | tāndaṃḍayasi daṃḍyāṃstvaṃ majjayaṃstiryagādiṣu
Those who, abandoning what the Veda enjoins, act by their own will, O sage — them, deserving punishment, you punish, sinking them into (births as) animals and the like.
AI translation rendered from the Sanskrit, not a published edition
PdP 6 216.87
इंद्रादयो लोकपालाः सर्वे त्वदधिकारिणः । त्वदिच्छामनुवर्तंते भीता दंडकृतो हि ते
iṃdrādayo lokapālāḥ sarve tvadadhikāriṇaḥ | tvadicchāmanuvartaṃte bhītā daṃḍakṛto hi te
Indra and the other guardians of the worlds are all subject to your authority; they follow your will, for they fear you, the wielder of the rod.
AI translation rendered from the Sanskrit, not a published edition
PdP 6 216.88
त्रयीधर्मविरोद्धारः पूर्वदेवा युगे युगे । अवतीर्य विनाशाय कृता सर्वात्मना त्वया
trayīdharmaviroddhāraḥ pūrvadevā yuge yuge | avatīrya vināśāya kṛtā sarvātmanā tvayā
The ancient gods (asuras), obstructers of the dharma of the three Vedas, age after age — having descended, they were wholly brought by you to destruction.
AI translation rendered from the Sanskrit, not a published edition — the model flagged this verse as uncertain
PdP 6 216.89
ये ये त्वया हता नाथ चक्रिणा त्रिदशारयः । ते ते तमोमयीं हित्वा तनुं वैकुंठमभ्यगुः
ye ye tvayā hatā nātha cakriṇā tridaśārayaḥ | te te tamomayīṃ hitvā tanuṃ vaikuṃṭhamabhyaguḥ
Whichever foes of the gods were slain by you, O lord, the wielder of the discus — each of them, leaving behind the body made of darkness, went to Vaikuṇṭha.
AI translation rendered from the Sanskrit, not a published edition
PdP 6 216.90
आज्ञापय जगन्नाथ गंतु मां त्रिदशालयम् । अनुगृह्णीष्व शक्रं च नमंतं वीक्षणामृतैः
ājñāpaya jagannātha gaṃtu māṃ tridaśālayam | anugṛhṇīṣva śakraṃ ca namaṃtaṃ vīkṣaṇāmṛtaiḥ
Give the command, lord of the world, that I go to the abode of the gods; and favour Śakra too, who bows (to you), with the nectar of your glance.
AI translation rendered from the Sanskrit, not a published edition
PdP 6 216.91
प्रसादात्तव देवेश बदर्याख्यस्य च प्रभो । तीर्थस्य स्वतनुं हित्वा तामसीं सात्विकीं गतः
prasādāttava deveśa badaryākhyasya ca prabho | tīrthasya svatanuṃ hitvā tāmasīṃ sātvikīṃ gataḥ
By your grace, O lord of gods, and by that of the holy place called Badarī, O master, I have abandoned my own body of darkness and attained one of sattva.
AI translation rendered from the Sanskrit, not a published edition
PdP 6 216.92
इंद्रेण सह नागेंद्रमारुह्य त्रिदशालयम् । गच्छामि स्वेच्छया नाथ कृपातस्ते कृपानिधेः
iṃdreṇa saha nāgeṃdramāruhya tridaśālayam | gacchāmi svecchayā nātha kṛpātaste kṛpānidheḥ
Mounting the lord of elephants together with Indra, I go of my own will to the abode of the gods, O lord, by the grace of you who are the treasury of grace.
AI translation rendered from the Sanskrit, not a published edition
PdP 6 216.93
सिद्ध उवाच- इत्यभिष्टूय देवेशं कपिलं स कलिंगपः । नमस्कृत्य च तत्पादौ जगाम त्रिदशालयम्
siddha uvāca- ityabhiṣṭūya deveśaṃ kapilaṃ sa kaliṃgapaḥ | namaskṛtya ca tatpādau jagāma tridaśālayam
The Siddha said: Having thus praised Kapila, the lord of gods, and having bowed to his feet, that lord of Kaliṅga went to the abode of the gods.
AI translation rendered from the Sanskrit, not a published edition
PdP 6 216.94
एतन्मयाद्भुतं विप्र दृष्टं बदरिकाश्रमे । गुरुं शुश्रूषमाणेन पापस्यापि विमोक्षणम्
etanmayādbhutaṃ vipra dṛṣṭaṃ badarikāśrame | guruṃ śuśrūṣamāṇena pāpasyāpi vimokṣaṇam
This marvel was seen by me, O brahmin, at the Badarikā hermitage: the release even of a sinner, through one who served his teacher.
AI translation rendered from the Sanskrit, not a published edition
PdP 6 216.95
नातः परं त्रिलोक्यां तु तीर्थं सर्वार्थदायकम् । याहि तत्रैव सस्त्रीकः परं श्रेयो यदीच्छसि
nātaḥ paraṃ trilokyāṃ tu tīrthaṃ sarvārthadāyakam | yāhi tatraiva sastrīkaḥ paraṃ śreyo yadīcchasi
There is no holy place higher than this in the three worlds, granting every object; go there yourself with your wife, if you desire the highest good.
AI translation rendered from the Sanskrit, not a published edition
PdP 6 216.96
अहं यामि समानेतुं बदर्याख्यं गृहान्द्विज । वृद्धं स्वकीय पितरं निस्पृहं मोक्षकामुकम्
ahaṃ yāmi samānetuṃ badaryākhyaṃ gṛhāndvija | vṛddhaṃ svakīya pitaraṃ nispṛhaṃ mokṣakāmukam
I am going, O twice-born, to bring my own aged father from home to (the tīrtha) called Badarī — him who is free of longing and desirous of liberation.
AI translation rendered from the Sanskrit, not a published edition
PdP 6 216.97
नारद उवाच- इति तीर्थवरस्यास्य बदर्याख्यस्य भूपते । महिमानं समुत्कीर्त्य स सिद्धः स्वगृहं ययौ
nārada uvāca- iti tīrthavarasyāsya badaryākhyasya bhūpate | mahimānaṃ samutkīrtya sa siddhaḥ svagṛhaṃ yayau
Nārada said: Having thus proclaimed the greatness of this best of holy places called Badarī, O king, that Siddha went to his own home.
AI translation rendered from the Sanskrit, not a published edition
PdP 6 216.98
अथ कालेन कियता स द्विजः सह भार्यया । तीर्थानपर्यटन्धीरः इंद्रप्रस्थेभ्यगादहम्
atha kālena kiyatā sa dvijaḥ saha bhāryayā | tīrthānaparyaṭandhīraḥ iṃdraprasthebhyagādaham
Then after some time that steadfast brahmin, together with his wife, wandering the holy places, came to Indraprastha, where I was.
AI translation rendered from the Sanskrit, not a published edition — the model flagged this verse as uncertain
PdP 6 216.99
तेनैव वपुषा राजन्नीतवांस्तौ निजालयम् । ससिद्धोऽपि स्वपितरं गृहादानीय सत्वरः
tenaiva vapuṣā rājannītavāṃstau nijālayam | sasiddho'pi svapitaraṃ gṛhādānīya satvaraḥ
In that very body, O king, he led those two to his own dwelling; the Siddha too, quickly bringing his own father from home,
AI translation rendered from the Sanskrit, not a published edition
PdP 6 216.100
तत्रैव स्नापयामास तत्तीर्थे मोक्षकामुकम् । सोऽपि श्रीवासुदेवेन वृद्धः सिद्धपिता तदा
tatraiva snāpayāmāsa tattīrthe mokṣakāmukam | so'pi śrīvāsudevena vṛddhaḥ siddhapitā tadā
had him, who longed for liberation, bathe right there in that holy place; and he too, the aged father of the Siddha, then by Śrī Vāsudeva —
AI translation rendered from the Sanskrit, not a published edition — the model flagged this verse as uncertain
PdP 6 216.101
ततो नीतो निजगृहं वृंदारकविवंदितः । इंद्रप्रस्थांतरगतमिदं सद्बदर्याख्यमीशः स्नानाद्दद्यादखिलजनिता मानसेष्टं पदार्थम् । माहात्म्यं ते नृपनतिमते वर्णितं तस्य पूतं यच्छ्रुत्वा वै पतति न जनो मातृगर्भे कदाचित्
tato nīto nijagṛhaṃ vṛṃdārakavivaṃditaḥ | iṃdraprasthāṃtaragatamidaṃ sadbadaryākhyamīśaḥ snānāddadyādakhilajanitā mānaseṣṭaṃ padārtham | māhātmyaṃ te nṛpanatimate varṇitaṃ tasya pūtaṃ yacchrutvā vai patati na jano mātṛgarbhe kadācit
Then he was led to his own home, honoured by the gods. This good (place) called Badarī, which lies within Indraprastha—the Lord there, through bathing, grants to every creature the object desired in the mind. Its purifying greatness has been described to you, O you to whom kings bow; and hearing it a man never again falls into a mother's womb.
AI translation rendered from the Sanskrit, not a published edition — the model flagged this verse as uncertain