Padma Purana — Uttara Khanda — Chapter 212
PdP 6 212.1
नारद उवाच- इत्युक्त्वा तस्य विप्रस्य पितरौ दिव्यरूपिणौ । विमानवरमारुह्य गतौ हरिपुरं प्रति
nārada uvāca- ityuktvā tasya viprasya pitarau divyarūpiṇau | vimānavaramāruhya gatau haripuraṃ prati
Nārada said: Having spoken thus, the two parents of that brahmin, in divine form, mounted the excellent celestial car and went toward the city of Hari.
AI translation rendered from the Sanskrit, not a published edition
PdP 6 212.2
तयोः पुत्रस्तु तत्रैव कोशलायां दिनत्रयम् । उषित्वा स्वगृहं प्रायात्चिंतयंस्तीर्थवैभवम्
tayoḥ putrastu tatraiva kośalāyāṃ dinatrayam | uṣitvā svagṛhaṃ prāyātciṃtayaṃstīrthavaibhavam
But their son, having stayed right there in Kośalā for three days, went to his own home, pondering the power of the ford.
AI translation rendered from the Sanskrit, not a published edition
PdP 6 212.3
इयमेव तु कथ्यंते विबुधैः कोशला नृप । कथयिष्यामि तत्तेऽहं श्रवणोत्सुकचेतसे
iyameva tu kathyaṃte vibudhaiḥ kośalā nṛpa | kathayiṣyāmi tatte'haṃ śravaṇotsukacetase
This very (place) is called Kośalā by the wise, O king; I shall tell you that, since your mind is eager to hear.
AI translation rendered from the Sanskrit, not a published edition
PdP 6 212.4
ते दाक्षिणात्या बटवस्तस्यामूषु मुमूर्षवः । समर्थार्थप्रदायिन्यां कोशलायां विपद्यताम्
te dākṣiṇātyā baṭavastasyāmūṣu mumūrṣavaḥ | samarthārthapradāyinyāṃ kośalāyāṃ vipadyatām
Those southern young brahmins, wishing to die there in that Kośalā which grants aims fully, (resolved) to perish (there).
AI translation rendered from the Sanskrit, not a published edition — the model flagged this verse as uncertain
PdP 6 212.5
कश्चिदेकस्तदा तेषु तामनादृत्य कोशलाम् । गच्छन्नारायणस्थानं विष्णुना वारितः पथि
kaścidekastadā teṣu tāmanādṛtya kośalām | gacchannārāyaṇasthānaṃ viṣṇunā vāritaḥ pathi
Then a certain one among them, disregarding that Kośalā, going to the abode of Nārāyaṇa, was stopped on the road by Viṣṇu,
AI translation rendered from the Sanskrit, not a published edition
PdP 6 212.6
वृद्धब्राह्मणरूपेण प्रोक्तं चेति द्विजं प्रति । वृद्धब्राह्मण उवाच- क्व यासि ब्राह्मणश्रेष्ठ त्यक्त्वेमां कोशलां शुभाम्
vṛddhabrāhmaṇarūpeṇa proktaṃ ceti dvijaṃ prati | vṛddhabrāhmaṇa uvāca- kva yāsi brāhmaṇaśreṣṭha tyaktvemāṃ kośalāṃ śubhām
and this was said to the brahmin in the form of an aged brahmin: The aged brahmin said: "Where are you going, best of brahmins, abandoning this auspicious Kośalā?
AI translation rendered from the Sanskrit, not a published edition
PdP 6 212.7
इंद्रप्रस्थमिदं तीर्थं सर्वतीर्थोत्तमं द्विज । कोशला ह्यत्र पुत्रेयं मुक्तिदा विष्णुवल्लभा
iṃdraprasthamidaṃ tīrthaṃ sarvatīrthottamaṃ dvija | kośalā hyatra putreyaṃ muktidā viṣṇuvallabhā
This Indraprastha is a sacred ford, best of all fords, O brahmin; for this Kośalā here, giver of liberation, is dear to Viṣṇu, O son.
AI translation rendered from the Sanskrit, not a published edition
PdP 6 212.8
यत्र यासि विहायैनां निष्कामपददायिनीम् । न सिद्धिर्भविता तत्र विष्णुस्ते च पराङ्मुखः
yatra yāsi vihāyaināṃ niṣkāmapadadāyinīm | na siddhirbhavitā tatra viṣṇuste ca parāṅmukhaḥ
Wherever you go, abandoning her who bestows the desireless state, there no success will come to you, and Viṣṇu will turn his face away from you.
AI translation rendered from the Sanskrit, not a published edition
PdP 6 212.9
मुक्तिं चेदिच्छसे विप्र तीर्थेन्या संप्रगृह्य च । यस्य यस्येच्छया स्नासि तं तं वर्गं प्रदास्यति
muktiṃ cedicchase vipra tīrthenyā saṃpragṛhya ca | yasya yasyecchayā snāsi taṃ taṃ vargaṃ pradāsyati
And if you desire liberation, O brahmin, having taken hold of another ford — with whatever wish you bathe (in this one), it will grant you just that class (of reward).
AI translation rendered from the Sanskrit, not a published edition — the model flagged this verse as uncertain
PdP 6 212.10
तव दृष्टिपथे विप्र सर्पोऽपि सुरतामियात् । अस्याः प्रसादतो मुक्तौ स्वर्गस्थौ विप्रदंपती
tava dṛṣṭipathe vipra sarpo'pi suratāmiyāt | asyāḥ prasādato muktau svargasthau vipradaṃpatī
In the path of your sight, O brahmin, even a snake would attain godhood; by her grace the brahmin couple, established in heaven, were liberated.
AI translation rendered from the Sanskrit, not a published edition
PdP 6 212.11
संजातप्रत्ययोऽपि त्वमेतन्माहात्म्यदर्शनात् । लब्ध्वा भाग्योदयेनापि कथमेनां विमुंचसि
saṃjātapratyayo'pi tvametanmāhātmyadarśanāt | labdhvā bhāgyodayenāpi kathamenāṃ vimuṃcasi
Though faith has arisen in you from seeing this greatness, and you have obtained (this place) through the rise of your good fortune, how can you let her go?
AI translation rendered from the Sanskrit, not a published edition
PdP 6 212.12
यथा कश्चित्तृषार्तोऽपि लब्ध्वाप्यमृतवारिधिम् । तं त्यक्त्वा याति पंकांभस्तद्वत्त्वं मूढ दृश्यसे
yathā kaścittṛṣārto'pi labdhvāpyamṛtavāridhim | taṃ tyaktvā yāti paṃkāṃbhastadvattvaṃ mūḍha dṛśyase
Just as someone tormented by thirst, though he has found an ocean of nectar, leaves it and goes to muddy water — so you appear, you fool.
AI translation rendered from the Sanskrit, not a published edition
PdP 6 212.13
यथा चिंतामणिं कश्चित्कूपे क्षिपति मोहितः । हस्तस्थं या गतिस्तस्य दृश्यते सा गतिस्तव
yathā ciṃtāmaṇiṃ kaścitkūpe kṣipati mohitaḥ | hastasthaṃ yā gatistasya dṛśyate sā gatistava
Just as a man, deluded, throws into a well a wish-granting gem that is in his hand — the course that is seen for him, that is your course.
AI translation rendered from the Sanskrit, not a published edition
PdP 6 212.14
आराध्य विष्णुं विश्वेशं यथा कश्चित्पुमान्कुधीः । सुखमैंद्रियकं तुच्छं याचते सा गतिस्तव
ārādhya viṣṇuṃ viśveśaṃ yathā kaścitpumānkudhīḥ | sukhamaiṃdriyakaṃ tucchaṃ yācate sā gatistava
As some dull-witted man, having worshipped Viṣṇu, lord of the universe, begs for paltry pleasure of the senses — that is your course.
AI translation rendered from the Sanskrit, not a published edition
PdP 6 212.15
न याति कोशलामेनां त्यक्त्वा सर्वार्थदायिनीम् । स्नातस्यात्र दिव प्राप्तिर्मृतस्यामृतसंस्थितिः
na yāti kośalāmenāṃ tyaktvā sarvārthadāyinīm | snātasyātra diva prāptirmṛtasyāmṛtasaṃsthitiḥ
(A man) does not go away abandoning this Kośalā, which grants all aims: for one who bathes here there is the attainment of heaven, for one who dies (here) an abiding in immortality.
AI translation rendered from the Sanskrit, not a published edition
PdP 6 212.16
नारद उवाच- राजन्नाकर्ण्य विप्रोऽसौ द्विजश्रेयभृतो हरेः । वाक्यं प्रोवाच विप्राय श्रेष्ठं बदरिकाश्रमम्
nārada uvāca- rājannākarṇya vipro'sau dvijaśreyabhṛto hareḥ | vākyaṃ provāca viprāya śreṣṭhaṃ badarikāśramam
Nārada said: O king, that brahmin, having heard the words of Hari, who bears the welfare of the twice-born, spoke to the brahmin (in praise of) the excellent Badarikāśrama.
AI translation rendered from the Sanskrit, not a published edition
PdP 6 212.17
विप्र उवाच- भो भो विप्रवर श्रद्धा तव वाक्येन जायते । मम श्रुतवतः पूर्वमल्पग्रामस्य वैभवम्
vipra uvāca- bho bho vipravara śraddhā tava vākyena jāyate | mama śrutavataḥ pūrvamalpagrāmasya vaibhavam
The brahmin said: Ho, ho, best of brahmins, faith arises in me from your words — I who have earlier heard of the grandeur of a small village.
AI translation rendered from the Sanskrit, not a published edition — the model flagged this verse as uncertain
PdP 6 212.18
इंद्रप्रस्थमिदं तीर्थं न कदाचिन्मया श्रुतम् । कुतस्तु कोशलावृद्ध एतदंतरवर्तिनी
iṃdraprasthamidaṃ tīrthaṃ na kadācinmayā śrutam | kutastu kośalāvṛddha etadaṃtaravartinī
This ford Indraprastha has never been heard of by me. And how, old brahmin, (can) Kośalā be situated within it?
AI translation rendered from the Sanskrit, not a published edition
PdP 6 212.19
यत्र नारायणः साक्षान्मुक्ता यत्र च योगिनः । मुक्त्वा तमाश्रमं पुण्यं तिष्ठाम्यत्र कथं द्विज
yatra nārāyaṇaḥ sākṣānmuktā yatra ca yoginaḥ | muktvā tamāśramaṃ puṇyaṃ tiṣṭhāmyatra kathaṃ dvija
There where Nārāyaṇa is present in person and where the yogins are liberated — abandoning that holy hermitage, how am I to stay here, O brahmin?
AI translation rendered from the Sanskrit, not a published edition
PdP 6 212.20
यथागत्य स्वयं विष्णुरित्युक्त्वा मां निवारयेत् । बदर्याश्चाधिकं क्षेत्रमिंद्रप्रस्थमिदं द्विज
yathāgatya svayaṃ viṣṇurityuktvā māṃ nivārayet | badaryāścādhikaṃ kṣetramiṃdraprasthamidaṃ dvija
Only if Viṣṇu himself were to come and, saying that this field of Indraprastha is greater than Badarī, O brahmin, hold me back —
AI translation rendered from the Sanskrit, not a published edition
PdP 6 212.21
तदाहं न प्रतिष्ठामि चालितोऽपि तमाश्रमम् । मुक्तिकामः स्वसदनान्नान्यथा स्थितिरत्र मे
tadāhaṃ na pratiṣṭhāmi cālito'pi tamāśramam | muktikāmaḥ svasadanānnānyathā sthitiratra me
then I would not set out for that hermitage, even if driven from my own dwelling; desiring liberation, otherwise there is no staying here for me.
AI translation rendered from the Sanskrit, not a published edition — the model flagged this verse as uncertain
PdP 6 212.22
नारद उवाच- इत्युक्ते तेन विप्रेण प्रादुरासीच्चतुर्भुजः । विहाय प्राकृतं रूपं दिव्यरूपधरो हरिः
nārada uvāca- ityukte tena vipreṇa prādurāsīccaturbhujaḥ | vihāya prākṛtaṃ rūpaṃ divyarūpadharo hariḥ
Nārada said: When that brahmin had spoken thus, the four-armed one appeared: Hari, abandoning his ordinary form, bearing his divine form.
AI translation rendered from the Sanskrit, not a published edition
PdP 6 212.23
उवाच च महाभागं तं द्विजं मोक्षकामुकम् । विष्णुरुवाच- इंद्रप्रस्थमिदं विप्र सर्वतीर्थोत्तमोत्तमम् । ब्रह्मज्ञेष्विव सर्वेषु शंभुर्गंगानदीष्विव
uvāca ca mahābhāgaṃ taṃ dvijaṃ mokṣakāmukam | viṣṇuruvāca- iṃdraprasthamidaṃ vipra sarvatīrthottamottamam | brahmajñeṣviva sarveṣu śaṃbhurgaṃgānadīṣviva
And he spoke to that greatly fortunate brahmin who longed for release. Viṣṇu said: This Indraprastha, O brahmin, is the very best of all fords — as Śambhu (is) among all knowers of Brahman, as (the Gaṅgā) among rivers,
AI translation rendered from the Sanskrit, not a published edition
PdP 6 212.24
हिमवानिव शैलेषु पक्षिराडिव पक्षिषु । त्रिदशेषु यथा शक्रो वैष्णवेष्विव नारदः
himavāniva śaileṣu pakṣirāḍiva pakṣiṣu | tridaśeṣu yathā śakro vaiṣṇaveṣviva nāradaḥ
as Himavān among mountains, as the king of birds among birds, as Śakra among the thirty gods, as Nārada among Vaiṣṇavas,
AI translation rendered from the Sanskrit, not a published edition
PdP 6 212.25
तेजस्विषु यथा सूर्यः क्षीराब्धिरिव चाब्धिषु । यथा वर्णेषु भूदेवः सृष्टिष्विव पितामहः
tejasviṣu yathā sūryaḥ kṣīrābdhiriva cābdhiṣu | yathā varṇeṣu bhūdevaḥ sṛṣṭiṣviva pitāmahaḥ
as the sun among the shining ones, as the milk-ocean among oceans, as the earth-god (brahmin) among the classes, as the Grandfather among creators,
AI translation rendered from the Sanskrit, not a published edition
PdP 6 212.26
विष्णोर्यथावतारेषु कौशल्या जनितो वरः । तथा समस्ततीर्थेषु शक्रप्रस्थमिदं वरम्
viṣṇoryathāvatāreṣu kauśalyā janito varaḥ | tathā samastatīrtheṣu śakraprasthamidaṃ varam
as among Viṣṇu's incarnations the one born of Kausalyā is the best — so among all fords this Śakraprastha is the best.
AI translation rendered from the Sanskrit, not a published edition
PdP 6 212.27
निष्कामो वा सकामो वा याति तीर्थे क्वचिन्नरः । तत्र तत्र समस्तात्मा फलदाताहमेव वै
niṣkāmo vā sakāmo vā yāti tīrthe kvacinnaraḥ | tatra tatra samastātmā phaladātāhameva vai
Whether without desire or with desire, a man goes to some sacred place; there and there, being the Self of all, it is I alone who give the fruit.
AI translation rendered from the Sanskrit, not a published edition
PdP 6 212.28
इंद्रप्रस्थांतरगतां त्यक्त्वा यो याति कोशलाम् । स नो फलमवाप्नोति भक्तो वरदवृंदपात्
iṃdraprasthāṃtaragatāṃ tyaktvā yo yāti kośalām | sa no phalamavāpnoti bhakto varadavṛṃdapāt
He who, abandoning (the region) lying within Indraprastha, goes to Kośalā—that devotee does not obtain (our) fruit, (though he be) one who drinks in the multitude of boon-givers.
AI translation rendered from the Sanskrit, not a published edition — the model flagged this verse as uncertain
PdP 6 212.29
नारद उवाच- एवं निशम्य तद्वाक्यं दृष्ट्वा तद्रूपमुत्तमम् । प्रणिपत्य रमाकांतं तस्यामेवागमद्द्विजः
nārada uvāca- evaṃ niśamya tadvākyaṃ dṛṣṭvā tadrūpamuttamam | praṇipatya ramākāṃtaṃ tasyāmevāgamaddvijaḥ
Nārada said: Having thus heard that speech and seen that supreme form, the twice-born bowed down to the Beloved of Ramā and went to that very (place).
AI translation rendered from the Sanskrit, not a published edition
PdP 6 212.30
भगवानपि विश्वात्मा सपद्यंतर्दधे विभुः । तत्त्वमुद्दिश्य तं विप्रं तेन भावेन पूजितः
bhagavānapi viśvātmā sapadyaṃtardadhe vibhuḥ | tattvamuddiśya taṃ vipraṃ tena bhāvena pūjitaḥ
And the Lord, the Self of all, the all-pervading one, at once vanished, having instructed that brahmin in the truth, worshipped by him with that (devotional) feeling.
AI translation rendered from the Sanskrit, not a published edition
PdP 6 212.31
तत्रागत्य स विप्रोऽसौ कोशलायां नराधिप । कथयामास तद्वृत्तं सर्वं सर्वान्स्वसंगिनः
tatrāgatya sa vipro'sau kośalāyāṃ narādhipa | kathayāmāsa tadvṛttaṃ sarvaṃ sarvānsvasaṃginaḥ
Having come there to Kośalā, O ruler of men, that brahmin related that whole occurrence to all his companions.
AI translation rendered from the Sanskrit, not a published edition
PdP 6 212.32
तेपि श्रुत्वा महाभागा दाक्षिणात्या द्विजातयः । तस्यामनशनं कृत्वा तत्यजुः प्राकृतं वपुः
tepi śrutvā mahābhāgā dākṣiṇātyā dvijātayaḥ | tasyāmanaśanaṃ kṛtvā tatyajuḥ prākṛtaṃ vapuḥ
They too, the greatly fortunate southern twice-born, having heard (it), fasted there and cast off their natural bodies.
AI translation rendered from the Sanskrit, not a published edition
PdP 6 212.33
तदेव गरुडारूढः श्रीविष्णुं समुपागतः । विमानैः स्वगणैः सार्द्धं तावद्भिर्दीप्तिभास्वरैः
tadeva garuḍārūḍhaḥ śrīviṣṇuṃ samupāgataḥ | vimānaiḥ svagaṇaiḥ sārddhaṃ tāvadbhirdīptibhāsvaraiḥ
At that very moment Śrī Viṣṇu, mounted on Garuḍa, came near, together with his attendants in as many celestial cars, radiant with brilliance.
AI translation rendered from the Sanskrit, not a published edition
PdP 6 212.34
ते तं दृष्ट्वा समायांतं विमानं गणसंयुतम् । वपुषा दिव्यरूपेण दंडवत्पतिता भुवि
te taṃ dṛṣṭvā samāyāṃtaṃ vimānaṃ gaṇasaṃyutam | vapuṣā divyarūpeṇa daṃḍavatpatitā bhuvi
Seeing him arriving, and the celestial car accompanied by his attendants, they, with bodies of divine form, fell to the ground like staves.
AI translation rendered from the Sanskrit, not a published edition
PdP 6 212.35
तुष्टवुश्च द्विजाः सर्वे दिव्यज्ञानवपुर्द्धराः । तं दिव्यरूपिणं देवदेववंद्यपदांबुजम्
tuṣṭavuśca dvijāḥ sarve divyajñānavapurddharāḥ | taṃ divyarūpiṇaṃ devadevavaṃdyapadāṃbujam
And all the twice-born, bearing bodies of divine knowledge, praised him of divine form, whose lotus feet are worshipped by the God of gods.
AI translation rendered from the Sanskrit, not a published edition
PdP 6 212.36
ब्राह्मणा ऊचुः - नमस्तेऽतसीपुष्पसंकाशभासं तनुं बिभ्रते पीतवासो वृताय । लसत्कुंडलप्रोतनानोपलाय श्रुतौ चंचला व्यापिनीलांबुदाय
brāhmaṇā ūcuḥ - namaste'tasīpuṣpasaṃkāśabhāsaṃ tanuṃ bibhrate pītavāso vṛtāya | lasatkuṃḍalaprotanānopalāya śrutau caṃcalā vyāpinīlāṃbudāya
The brahmins said: Homage to you who bear a body whose radiance is like the flax flower, who are wrapped in yellow garments, whose cheeks are set with gleaming earrings, (and who are) like a dark rain-cloud spreading, with lightning flashing at (its) edge.
AI translation rendered from the Sanskrit, not a published edition — the model flagged this verse as uncertain
PdP 6 212.37
भक्तिस्त्वदीया किल कल्पवल्ली समाश्रिता यच्छति चित्तवांच्छितम् । यथा तथैषा तव कोशला विभो जनैरुभे ते कृपया तवाप्यते
bhaktistvadīyā kila kalpavallī samāśritā yacchati cittavāṃcchitam | yathā tathaiṣā tava kośalā vibho janairubhe te kṛpayā tavāpyate
Devotion to you is indeed a wish-fulfilling creeper: resorted to, it grants what the mind desires. Just so is this Kośalā of yours, O mighty one; both of these are obtained by people through your grace.
AI translation rendered from the Sanskrit, not a published edition
PdP 6 212.38
वंदामहे ते चरणारविंदं वृदांरकैर्वृंदितमीश्वराद्यैः । विचिंत्यमानं हृदि योगिवृंदैः कंदं परानंदभुवो विमुक्तेः
vaṃdāmahe te caraṇāraviṃdaṃ vṛdāṃrakairvṛṃditamīśvarādyaiḥ | viciṃtyamānaṃ hṛdi yogivṛṃdaiḥ kaṃdaṃ parānaṃdabhuvo vimukteḥ
We revere your lotus foot, revered by the hosts of gods beginning with Īśvara, meditated upon in the heart by throngs of yogins, the root-bulb of liberation, the ground of supreme bliss.
AI translation rendered from the Sanskrit, not a published edition
PdP 6 212.39
प्राप्ताः कामं श्रीपतेत्वत्स्वरूपं श्रीवत्साद्यैर्लक्षितं चारुचिह्नैः । वांच्छामस्ते दासभावं तथापि प्राप्तं सर्वैरादृतं नारदाद्यैः
prāptāḥ kāmaṃ śrīpatetvatsvarūpaṃ śrīvatsādyairlakṣitaṃ cārucihnaiḥ | vāṃcchāmaste dāsabhāvaṃ tathāpi prāptaṃ sarvairādṛtaṃ nāradādyaiḥ
O Consort of Śrī, we have obtained at will your own form, marked with the beautiful signs beginning with the śrīvatsa; yet still we desire the state of being your servants—(that state) attained and honoured by all, by Nārada and the rest.
AI translation rendered from the Sanskrit, not a published edition
PdP 6 212.40
यत्सौख्यं ते दासभावं गतानां तन्नो लक्ष्म्या वक्षसोंतर्वसंत्याः । तज्जानाति श्रीपते श्रीमहेशो नान्यो लोके येन तच्चानुभूतम्
yatsaukhyaṃ te dāsabhāvaṃ gatānāṃ tanno lakṣmyā vakṣasoṃtarvasaṃtyāḥ | tajjānāti śrīpate śrīmaheśo nānyo loke yena taccānubhūtam
What happiness belongs to us who have attained the state of your servants—not (even) to Lakṣmī who dwells within your breast—that, O Consort of Śrī, the glorious Great Lord knows, and no other in the world by whom it has been experienced.
AI translation rendered from the Sanskrit, not a published edition — the model flagged this verse as uncertain
PdP 6 212.41
मध्येऽस्माकं श्रीपते सेवकानां नीरागाणामप्यसौ माननीयः । अस्मात्तं ते नारदाद्या मुनीशास्त्वद्भक्ताप्तैर्लोकनाथं भजंते
madhye'smākaṃ śrīpate sevakānāṃ nīrāgāṇāmapyasau mānanīyaḥ | asmāttaṃ te nāradādyā munīśāstvadbhaktāptairlokanāthaṃ bhajaṃte
Among us servants, O Consort of Śrī, though we are free from passion, he is to be honoured. For this reason Nārada and the other lords of sages worship you, the Lord of the world, (approached) by means attained by your devotees.
AI translation rendered from the Sanskrit, not a published edition — the model flagged this verse as uncertain
PdP 6 212.42
कामं ब्रह्मानंदमासोंतरात्मा त्वद्दास्ये नो तृप्तिमायाति शंभुः । वारंवारं त्वद्गुणानाग्रहीतुं नृत्यत्युच्चैस्त्वत्परो भावयुक्तः
kāmaṃ brahmānaṃdamāsoṃtarātmā tvaddāsye no tṛptimāyāti śaṃbhuḥ | vāraṃvāraṃ tvadguṇānāgrahītuṃ nṛtyatyuccaistvatparo bhāvayuktaḥ
Though his inner self has reached the bliss of Brahman at will, Śambhu comes to no satiety in servitude to you; again and again, to grasp your qualities, devoted to you and filled with feeling, he dances aloft.
AI translation rendered from the Sanskrit, not a published edition
PdP 6 212.43
हेतोरस्माद्देहिनः स्वस्य दास्यं यत्प्राप्तानां नोर्मयः संभवंति । त्वच्चिह्नांगौ द्वारपालौ तदीयौ मोहाद्धामप्राप्य तौ तत्स्वकीयम्
hetorasmāddehinaḥ svasya dāsyaṃ yatprāptānāṃ normayaḥ saṃbhavaṃti | tvaccihnāṃgau dvārapālau tadīyau mohāddhāmaprāpya tau tatsvakīyam
For this reason no waves (of agitation) arise for embodied beings who have attained servitude to him (or: to their own self); the two gatekeepers of his, whose limbs bore your marks, out of delusion, having reached that abode which was their own...
AI translation rendered from the Sanskrit, not a published edition — the model flagged this verse as uncertain
PdP 6 212.44
लोकादस्मादंतरेण त्वदिच्छा त्वल्लोकानां नोद्यते चाशुपातः । को जानीयात्तावकीमत्र मायां दुर्विज्ञेयां ब्रह्म शर्वादिदेवैः
lokādasmādaṃtareṇa tvadicchā tvallokānāṃ nodyate cāśupātaḥ | ko jānīyāttāvakīmatra māyāṃ durvijñeyāṃ brahma śarvādidevaiḥ
Apart from this world, your will—and the swift fall (of it)—is not directed against your own worlds. Who here could know your māyā, hard to know for Brahmā, Śarva and the other gods?
AI translation rendered from the Sanskrit, not a published edition — the model flagged this verse as uncertain
PdP 6 212.45
नारद उवाच- एवं तैः स्तूयमानः स प्रभुर्निजपदोन्मुखः । उवाच तान्दाक्षिणात्यान्मेघगंभीरया गिरा
nārada uvāca- evaṃ taiḥ stūyamānaḥ sa prabhurnijapadonmukhaḥ | uvāca tāndākṣiṇātyānmeghagaṃbhīrayā girā
Nārada said: Being thus praised by them, that Lord, intent on (bringing them to) his own abode, spoke to those southerners in a voice deep as a cloud.
AI translation rendered from the Sanskrit, not a published edition
PdP 6 212.46
श्रीभगवानुवाच- भोभो द्विजा भवंतोऽस्या कोशलायाः प्रसादतः । सारूप्यमपि मे प्राप्ता दासभावं च यास्यथ
śrībhagavānuvāca- bhobho dvijā bhavaṃto'syā kośalāyāḥ prasādataḥ | sārūpyamapi me prāptā dāsabhāvaṃ ca yāsyatha
The Blessed Lord said: Ho, brahmins! By the grace of this Kośalā you have attained even likeness of form with me, and you shall attain the state of (my) servants.
AI translation rendered from the Sanskrit, not a published edition
PdP 6 212.47
अद्यप्रभृति मे विप्रास्तीर्थमेतदनुत्तमम् । दक्षिणकोशलेत्युच्चैर्नाम्ना ख्यातं भविष्यति
adyaprabhṛti me viprāstīrthametadanuttamam | dakṣiṇakośaletyuccairnāmnā khyātaṃ bhaviṣyati
"From today on, O brahmins, this most excellent holy place will be widely known by the name 'Southern Kosala.'
AI translation rendered from the Sanskrit, not a published edition
PdP 6 212.48
यत्र दाशरथी भूत्वा निहनिष्यद्दशाननम् । सा कथ्यते मुनिवरैः सर्वैरुत्तरकोशला
yatra dāśarathī bhūtvā nihaniṣyaddaśānanam | sā kathyate munivaraiḥ sarvairuttarakośalā
That (land) where, having become the son of Daśaratha, (I) shall slay the ten-faced one, is called by all the best of sages 'Northern Kosala.'
AI translation rendered from the Sanskrit, not a published edition
PdP 6 212.49
विपन्नो ज्ञानवान्यस्या वैकुंठमधिरोहति । विनापि तद्वसेद्योऽस्यां सोऽपि स्वर्गं च गच्छति
vipanno jñānavānyasyā vaikuṃṭhamadhirohati | vināpi tadvasedyo'syāṃ so'pi svargaṃ ca gacchati
A man of knowledge who dies in this (land) ascends to Vaikuṇṭha; and even one who dwells here without that (knowledge) also goes to heaven.
AI translation rendered from the Sanskrit, not a published edition
PdP 6 212.50
इमां ततो दशगुणामाहुर्दक्षिणकोशलाम् । एकादशगुणामेके सम्यगाहुर्मुनीश्वराः
imāṃ tato daśaguṇāmāhurdakṣiṇakośalām | ekādaśaguṇāmeke samyagāhurmunīśvarāḥ
Then they call this Southern Kosala tenfold (in merit); some lords among sages rightly call it elevenfold.
AI translation rendered from the Sanskrit, not a published edition
PdP 6 212.51
इयानेव विशेषोऽस्ति तस्या अस्या मतिर्मम । तस्यां मृतं नयंत्येते वैकुंठं मामका गणाः
iyāneva viśeṣo'sti tasyā asyā matirmama | tasyāṃ mṛtaṃ nayaṃtyete vaikuṃṭhaṃ māmakā gaṇāḥ
Just this much is the difference between that one and this one — such is my view: one who has died in that (northern) one, these hosts of mine lead to Vaikuṇṭha;
AI translation rendered from the Sanskrit, not a published edition
PdP 6 212.52
अस्यां मृतं स्वयमहमनन्यवदमानसम् । आरोप्य गरुडं दत्त्वा सारूप्यं प्रापयामि तत्
asyāṃ mṛtaṃ svayamahamananyavadamānasam | āropya garuḍaṃ dattvā sārūpyaṃ prāpayāmi tat
but one who has died in this one, with his mind fixed on nothing else, I myself, having mounted (him) on Garuḍa and given (him) a form like my own, bring to that (Vaikuṇṭha).
AI translation rendered from the Sanskrit, not a published edition
PdP 6 212.53
नारद उवाच- इत्युक्त्वा तान्द्विजान्विष्णुर्नीत्वा वैकुंठमभ्यगात् । महिमानं स्तुवन्नस्य स्वयं तीर्थस्य भूपते
nārada uvāca- ityuktvā tāndvijānviṣṇurnītvā vaikuṃṭhamabhyagāt | mahimānaṃ stuvannasya svayaṃ tīrthasya bhūpate
Nārada said: Having spoken thus, Viṣṇu, taking those brahmins, went to Vaikuṇṭha, himself praising the greatness of that holy place, O king of the earth.
AI translation rendered from the Sanskrit, not a published edition
PdP 6 212.54
एतत्ते सर्वमाख्यातं कारणं जगतीपते । येनेयं कथ्यते विज्ञैरिह दक्षिणकोशला
etatte sarvamākhyātaṃ kāraṇaṃ jagatīpate | yeneyaṃ kathyate vijñairiha dakṣiṇakośalā
All this reason has been told to you, O lord of the earth, on account of which this (land) is here called "Southern Kosala" by the wise.
AI translation rendered from the Sanskrit, not a published edition
PdP 6 212.55
कलिमलकुलहंता शृण्वतां मानवानां कमलनयनपादप्राप्तये वांच्छितश्च । नृपवर महिमा ते वर्णितः कोशलाया मधुवनभववृत्तं शृण्वतस्ते वदामि
kalimalakulahaṃtā śṛṇvatāṃ mānavānāṃ kamalanayanapādaprāptaye vāṃcchitaśca | nṛpavara mahimā te varṇitaḥ kośalāyā madhuvanabhavavṛttaṃ śṛṇvataste vadāmi
It destroys the mass of the filth of the Kali age for the people who hear it, and is desired for the attainment of the feet of the lotus-eyed one. O best of kings, the greatness of Kosalā has been described to you; now I shall tell you, as you listen, the account of the origin of Madhuvana.
AI translation rendered from the Sanskrit, not a published edition