Padma Purana — Uttara Khanda — Chapter 211
PdP 6 211.1
नारद उवाच- शिवे तवपुरः सर्वं मुकंदाख्यानमुत्तमम् । कथितं चंडकस्यापि नापितस्य शृणुष्व मे
nārada uvāca- śive tavapuraḥ sarvaṃ mukaṃdākhyānamuttamam | kathitaṃ caṃḍakasyāpi nāpitasya śṛṇuṣva me
Nārada said: O auspicious one, the whole excellent tale of Mukunda has been told to you before; hear from me also (the tale) of Caṇḍaka the barber.
AI translation rendered from the Sanskrit, not a published edition
PdP 6 211.2
यस्मिन्दिने मुकुंदस्तु ब्राह्मणस्तेन घातितः । चंडकेन तदा राजंस्तद्वृत्तं नागरैः श्रुतम्
yasmindine mukuṃdastu brāhmaṇastena ghātitaḥ | caṃḍakena tadā rājaṃstadvṛttaṃ nāgaraiḥ śrutam
On the day on which the brahmin Mukunda was slain by that Caṇḍaka, O king, that event was heard of by the townspeople.
AI translation rendered from the Sanskrit, not a published edition
PdP 6 211.3
श्रुत्वा तैस्तन्नृपस्याग्रे निवेदितमिति स्फुटम् । नागरा ऊचुः । चंडकेन हतो राजन्मुकुंदो ब्राह्मणोत्तमः
śrutvā taistannṛpasyāgre niveditamiti sphuṭam | nāgarā ūcuḥ | caṃḍakena hato rājanmukuṃdo brāhmaṇottamaḥ
Having heard it, they reported it plainly before the king thus. The townsmen said: O king, Mukunda, the best of brahmins, has been killed by Caṇḍaka,
AI translation rendered from the Sanskrit, not a published edition
PdP 6 211.4
नीतं च तद्धनं भूरि यद्युक्तं तद्विधीयताम् । त्वमस्माकं प्रजानां हि रक्षकः शासकोऽसताम्
nītaṃ ca taddhanaṃ bhūri yadyuktaṃ tadvidhīyatām | tvamasmākaṃ prajānāṃ hi rakṣakaḥ śāsako'satām
and that great wealth of his has been carried off; let what is fitting be done. For you are the protector of us, your subjects, and the chastiser of the wicked.
AI translation rendered from the Sanskrit, not a published edition
PdP 6 211.5
नारद उवाच- इत्याकर्ण्य स भूपालो मंत्रिणं पार्श्ववर्तिनम् । उवाच कोपरक्ताक्षः किमेभिः कथ्यते शृणु
nārada uvāca- ityākarṇya sa bhūpālo maṃtriṇaṃ pārśvavartinam | uvāca koparaktākṣaḥ kimebhiḥ kathyate śṛṇu
Nārada said: Hearing this, that king, his eyes red with anger, said to the minister standing at his side: Hear what is being told by these people!
AI translation rendered from the Sanskrit, not a published edition
PdP 6 211.6
शीघ्रमानयतं पापं नोचेत्त्वां घातयाम्यहम् । उत्तिष्ठोत्तिष्ठ पापिष्ठ साधूनां शं विधीयताम्
śīghramānayataṃ pāpaṃ nocettvāṃ ghātayāmyaham | uttiṣṭhottiṣṭha pāpiṣṭha sādhūnāṃ śaṃ vidhīyatām
Bring the sinner quickly, or else I shall have you killed. Rise, rise, most wicked one — let the welfare of the good be secured!
AI translation rendered from the Sanskrit, not a published edition
PdP 6 211.7
पीड्यंते विषये यस्य प्रजा दस्युभिरुल्बणैः । स नृपो नरकं याति तेभ्यस्ताश्चेन्न रक्षति
pīḍyaṃte viṣaye yasya prajā dasyubhirulbaṇaiḥ | sa nṛpo narakaṃ yāti tebhyastāścenna rakṣati
That king in whose realm the subjects are oppressed by fierce robbers goes to hell, if he does not protect them from those (robbers).
AI translation rendered from the Sanskrit, not a published edition
PdP 6 211.8
नारद उवाच- निशम्येति वचो राज्ञः सचिवः स शिवे नृपः । वेगेन हयमारुह्य पदातिशतसंयुतः
nārada uvāca- niśamyeti vaco rājñaḥ sacivaḥ sa śive nṛpaḥ | vegena hayamāruhya padātiśatasaṃyutaḥ
Nārada said: Hearing thus the king's word, that minister, O auspicious one, quickly mounted a horse, accompanied by a hundred foot-soldiers,
AI translation rendered from the Sanskrit, not a published edition
PdP 6 211.9
ययौ गृहे मुकुंदस्य तस्य बंधूनपृच्छत । मुकुंदः केन निहतः सत्यं ब्रूत ममाग्रतः
yayau gṛhe mukuṃdasya tasya baṃdhūnapṛcchata | mukuṃdaḥ kena nihataḥ satyaṃ brūta mamāgrataḥ
went to Mukunda's house and questioned his kinsmen: By whom was Mukunda slain? Speak the truth before me.
AI translation rendered from the Sanskrit, not a published edition
PdP 6 211.10
तं पापं निहनिष्यामि शासनाद्भूपतेरहम् । नारद उवाच- श्रुत्वेति मंत्रिणो वाक्यं प्रत्यूचुर्विप्रबांधवाः
taṃ pāpaṃ nihaniṣyāmi śāsanādbhūpateraham | nārada uvāca- śrutveti maṃtriṇo vākyaṃ pratyūcurviprabāṃdhavāḥ
I shall kill that sinner by the king's command. Nārada said: Hearing thus the minister's words, the brahmin's kinsmen replied:
AI translation rendered from the Sanskrit, not a published edition
PdP 6 211.11
विप्रबांधवा ऊचुः - चंडकेन हतो मंत्रिन्मुकुंदो नापितेन हि । इदं पलायमानस्य तस्योष्णीषं पपात वै
viprabāṃdhavā ūcuḥ - caṃḍakena hato maṃtrinmukuṃdo nāpitena hi | idaṃ palāyamānasya tasyoṣṇīṣaṃ papāta vai
The brahmin's kinsmen said: O minister, Mukunda was killed by Caṇḍaka the barber; this turban of his fell (from him) as he was fleeing.
AI translation rendered from the Sanskrit, not a published edition
PdP 6 211.12
दृष्टः स्वचक्षुषा वध्वा मुकुंदस्यैव सोघकृत् । किं कुर्मस्तेन पापेन मज्जिताः शोकसागरे
dṛṣṭaḥ svacakṣuṣā vadhvā mukuṃdasyaiva soghakṛt | kiṃ kurmastena pāpena majjitāḥ śokasāgare
That doer of sin was seen with her own eyes by Mukunda's own wife. What can we do, plunged by that sinner into an ocean of grief?
AI translation rendered from the Sanskrit, not a published edition
PdP 6 211.13
नारद उवाच - इत्याकर्ण्य वचस्तेषां बंधूनां ब्राह्मणस्य हि । स मंत्री तस्य पापस्य नापितस्य गृहं ययौ
nārada uvāca - ityākarṇya vacasteṣāṃ baṃdhūnāṃ brāhmaṇasya hi | sa maṃtrī tasya pāpasya nāpitasya gṛhaṃ yayau
Nārada said: Having heard those words of the brahmin's kinsmen, the minister went to the house of that sinful barber.
AI translation rendered from the Sanskrit, not a published edition
PdP 6 211.14
अश्वादुत्तीर्य तरसा तद्गृहं स्वयमाविशत् । कतिभिः पत्तिभिः सार्द्धं शयानं च ददर्श ह
aśvāduttīrya tarasā tadgṛhaṃ svayamāviśat | katibhiḥ pattibhiḥ sārddhaṃ śayānaṃ ca dadarśa ha
Dismounting from his horse, he swiftly entered that house himself, together with a few foot-soldiers, and saw him lying asleep.
AI translation rendered from the Sanskrit, not a published edition
PdP 6 211.15
पत्तयस्तु तदाज्ञप्ताः केशेष्वाकृष्य तत्क्षणात् । तल्पादुत्थापयामासुस्तं पापं नापिताधमम्
pattayastu tadājñaptāḥ keśeṣvākṛṣya tatkṣaṇāt | talpādutthāpayāmāsustaṃ pāpaṃ nāpitādhamam
The foot-soldiers, commanded by him, dragging him by the hair, at that very moment raised that sinner, the vile barber, from his bed.
AI translation rendered from the Sanskrit, not a published edition
PdP 6 211.16
किं किमित्येव संजल्पन्नेत्रे उन्मीलयत्यसौ । यावत्स नापितः पापस्तावत्तं ददृशे पुरः
kiṃ kimityeva saṃjalpannetre unmīlayatyasau | yāvatsa nāpitaḥ pāpastāvattaṃ dadṛśe puraḥ
Muttering "What? What?", he opens his eyes; and as soon as that sinful barber (did so), he saw him before him,
AI translation rendered from the Sanskrit, not a published edition
PdP 6 211.17
संस्मरंतं निजं कर्म रात्रौ यत्कृतवानघम् । अधोमुखः क्षणं तस्थौ पश्यन्मूर्ध्नि स्थितं यमम्
saṃsmaraṃtaṃ nijaṃ karma rātrau yatkṛtavānagham | adhomukhaḥ kṣaṇaṃ tasthau paśyanmūrdhni sthitaṃ yamam
recalling his own deed, the sin he had committed in the night; with face downcast he stood a moment, seeing Yama standing over his head.
AI translation rendered from the Sanskrit, not a published edition
PdP 6 211.18
ग्राहयित्वा च सचिवस्तं पापं च स्वपत्तिभिः । निनाय नृपतेः पार्श्वमिति चोवाच भूपतिम्
grāhayitvā ca sacivastaṃ pāpaṃ ca svapattibhiḥ | nināya nṛpateḥ pārśvamiti covāca bhūpatim
And the minister, having had that sinner seized by his own foot-soldiers, brought (him) to the king's side and spoke thus to the lord of the earth:
AI translation rendered from the Sanskrit, not a published edition
PdP 6 211.19
आनीतो ब्रह्महा राजन्नयं चंडक नापितः । यदाज्ञापयसि स्वामिंस्तरसा तत्करोम्यहम्
ānīto brahmahā rājannayaṃ caṃḍaka nāpitaḥ | yadājñāpayasi svāmiṃstarasā tatkaromyaham
"O king, this Caṇḍaka, the barber, the brahmin-killer, has been brought (here); whatever you command, master, that I do at once."
AI translation rendered from the Sanskrit, not a published edition
PdP 6 211.20
राजोवाच- धर्मज्ञ सचिवश्रेष्ठ शृणु त्वं वचनं मम । इयं सरिद्वरा युष्मंश्चंद्रभागात्र निर्मलाः
rājovāca- dharmajña sacivaśreṣṭha śṛṇu tvaṃ vacanaṃ mama | iyaṃ saridvarā yuṣmaṃścaṃdrabhāgātra nirmalāḥ
The king said: O knower of dharma, best of ministers, hear my word: this is the best of rivers, the Candrabhāgā, (and) you here are spotless.
AI translation rendered from the Sanskrit, not a published edition — the model flagged this verse as uncertain
PdP 6 211.21
त्यजंति येऽत्र वै प्राणाल्लँभंते ते सुरास्पदम् । अत एष न हंतव्यः पापात्मा ह्यत्र नापितः
tyajaṃti ye'tra vai prāṇālla~bhaṃte te surāspadam | ata eṣa na haṃtavyaḥ pāpātmā hyatra nāpitaḥ
Those who give up their lives here indeed obtain the abode of the gods; therefore this evil-souled barber is not to be killed here.
AI translation rendered from the Sanskrit, not a published edition
PdP 6 211.22
पंचकोशांतरे ह्यस्या मर्यादाया बहिर्यदि । नरकान्दारुणान्ह्येष ब्रह्महा यातु मा चिरम्
paṃcakośāṃtare hyasyā maryādāyā bahiryadi | narakāndāruṇānhyeṣa brahmahā yātu mā ciram
For (only) within five kos of this boundary (is it so); if (he be) outside (it), let this brahmin-killer go without delay to the dreadful hells.
AI translation rendered from the Sanskrit, not a published edition
PdP 6 211.23
नारदोवाच- इत्युक्तस्तेन वै राज्ञा स राजन्मंत्रिसत्तमः । श्वपचान्प्रेरयामास हंतुं तं भूपशासनात्
nāradovāca- ityuktastena vai rājñā sa rājanmaṃtrisattamaḥ | śvapacānprerayāmāsa haṃtuṃ taṃ bhūpaśāsanāt
Nārada said: Thus addressed by that king, O king, that best of ministers dispatched the dog-cookers (outcastes) to kill him, by the king's command.
AI translation rendered from the Sanskrit, not a published edition
PdP 6 211.24
श्वपचास्ते तमुन्नीय चंद्रभागापरे तटे । योजनद्वयभूभागं चिच्छिदुस्तस्य मस्तकम्
śvapacāste tamunnīya caṃdrabhāgāpare taṭe | yojanadvayabhūbhāgaṃ cicchidustasya mastakam
Those dog-cookers led him up onto the far bank of the Candrabhāgā, a stretch of ground two yojanas (away), and cut off his head.
AI translation rendered from the Sanskrit, not a published edition
PdP 6 211.25
स पापो मारवे देशे सर्पोऽभूत्कालविग्रहः । धवकोटरमध्यस्थो विषज्वालाकराननः
sa pāpo mārave deśe sarpo'bhūtkālavigrahaḥ | dhavakoṭaramadhyastho viṣajvālākarānanaḥ
That sinner became a serpent in the Māru country, black as death in body, dwelling inside the hollow of a dhava tree, its mouth (spewing) flames of venom.
AI translation rendered from the Sanskrit, not a published edition
PdP 6 211.26
स शुष्को धववृक्षस्तु तस्य फूत्कारवह्निना । तथा तपनतापेन सरसोऽपि यथा ह्रदः
sa śuṣko dhavavṛkṣastu tasya phūtkāravahninā | tathā tapanatāpena saraso'pi yathā hradaḥ
And that dhava tree dried up from the fire of his hissing, and likewise from the sun's heat, as does a pool even when it has water.
AI translation rendered from the Sanskrit, not a published edition — the model flagged this verse as uncertain
PdP 6 211.27
गमनात्तस्य पापस्य सर्वतो वृक्षमूषरम् । उच्छिद्य तृणजातादि जातं पश्वहितं तदा
gamanāttasya pāpasya sarvato vṛkṣamūṣaram | ucchidya tṛṇajātādi jātaṃ paśvahitaṃ tadā
By the going of that sinner (the region) all around became a barren tree-waste; and then, the grass-growth and the rest having been destroyed, it became harmful to cattle.
AI translation rendered from the Sanskrit, not a published edition — the model flagged this verse as uncertain
PdP 6 211.28
तत्र जातु समायातः सार्थो दक्षिणदेशतः । नारायणाश्रमं गच्छन्बदर्याख्यं शिवे नृप
tatra jātu samāyātaḥ sārtho dakṣiṇadeśataḥ | nārāyaṇāśramaṃ gacchanbadaryākhyaṃ śive nṛpa
There, at one time, a caravan came from the southern country, going to Nārāyaṇa's hermitage called Badarī, O auspicious king.
AI translation rendered from the Sanskrit, not a published edition
PdP 6 211.29
तत्रैको ब्राह्मणः कश्चित्सार्थेसंमीलितः पथि । निश्छिद्रां काष्ठमंजूषां पितृमात्रस्थिसंयुताम्
tatraiko brāhmaṇaḥ kaścitsārthesaṃmīlitaḥ pathi | niśchidrāṃ kāṣṭhamaṃjūṣāṃ pitṛmātrasthisaṃyutām
There a certain brahmin, who had joined the caravan on the road, (carried) a wooden chest without holes, containing the bones of his father and mother,
AI translation rendered from the Sanskrit, not a published edition
PdP 6 211.30
स्कंधेन धारयन्याति तानि पातयितुं नृप । गंगांभसि महाभाग पापिनामपि कामदे
skaṃdhena dhārayanyāti tāni pātayituṃ nṛpa | gaṃgāṃbhasi mahābhāga pāpināmapi kāmade
bearing them on his shoulder he goes, O king, to cast them into the water of the Gaṅgā, O greatly fortunate one, which grants wishes even to sinners.
AI translation rendered from the Sanskrit, not a published edition
PdP 6 211.31
सोऽप्यागतस्तत्र वने यत्रास्ति स भुजंगमः । विविक्ते क्षिप्य मंजूषां शलाकालोहनिर्मिताम्
so'pyāgatastatra vane yatrāsti sa bhujaṃgamaḥ | vivikte kṣipya maṃjūṣāṃ śalākālohanirmitām
He too came there, into the forest where that serpent was, and in a solitary spot he set down the chest, which was fastened with an iron pin.
AI translation rendered from the Sanskrit, not a published edition
PdP 6 211.32
अथागत्य भुजंगोऽसौ शलाकां फणयाघटत् । किंचिदुद्धाटितायां स मंजूषायां समाविशत्
athāgatya bhujaṃgo'sau śalākāṃ phaṇayāghaṭat | kiṃciduddhāṭitāyāṃ sa maṃjūṣāyāṃ samāviśat
Then that serpent came and struck the pin with its hood; when the chest had been opened a little, it entered in.
AI translation rendered from the Sanskrit, not a published edition
PdP 6 211.33
पुनः शलाका स्वंस्थानमागताथ स कुंडली । तत्रैव तस्थौ निश्चेष्टो मंजूषायां विषोल्बणः
punaḥ śalākā svaṃsthānamāgatātha sa kuṃḍalī | tatraiva tasthau niśceṣṭo maṃjūṣāyāṃ viṣolbaṇaḥ
Then the pin came back to its own place, and that coiled one, swollen with venom, stayed right there in the chest, motionless.
AI translation rendered from the Sanskrit, not a published edition
PdP 6 211.34
अथ प्रभाते सर्वे ते चेलुः स्थानात्ततो नृप । ब्राह्मणः सोऽपि मंजूषां कंबलेन समावृताम्
atha prabhāte sarve te celuḥ sthānāttato nṛpa | brāhmaṇaḥ so'pi maṃjūṣāṃ kaṃbalena samāvṛtām
Then at dawn they all set out from that place, O king; and that brahmin too (took) the chest wrapped round with a blanket,
AI translation rendered from the Sanskrit, not a published edition
PdP 6 211.35
कृत्वा शिरसि राजेंद्र चचाल प्रति जाह्नवीम् । कतिभिर्वासरैः सार्थः संप्राप्तस्तीर्थगामिनाम्
kṛtvā śirasi rājeṃdra cacāla prati jāhnavīm | katibhirvāsaraiḥ sārthaḥ saṃprāptastīrthagāminām
and having placed it on his head, O lord of kings, he journeyed toward the Jāhnavī; in a few days the caravan of pilgrims arrived
AI translation rendered from the Sanskrit, not a published edition
PdP 6 211.36
इहैव कोशलायां वै पुनीतायां महीपते । अथ शीतातुरो विप्रः कंबलं चोदघाटयत्
ihaiva kośalāyāṃ vai punītāyāṃ mahīpate | atha śītāturo vipraḥ kaṃbalaṃ codaghāṭayat
here indeed in purified Kośalā, O lord of the earth. Then the brahmin, distressed by the cold, uncovered the blanket,
AI translation rendered from the Sanskrit, not a published edition
PdP 6 211.37
मंजूषावरणं राजन्तत्रायोध्यातटे शुभे । सोऽपि सर्पो निराहारो लब्ध्वा मारुतभोजनम्
maṃjūṣāvaraṇaṃ rājantatrāyodhyātaṭe śubhe | so'pi sarpo nirāhāro labdhvā mārutabhojanam
the covering of the chest, O king, there on the fair bank at Ayodhyā; and that serpent too, foodless, having obtained the wind as its food,
AI translation rendered from the Sanskrit, not a published edition
PdP 6 211.38
निश्चक्राम बहिस्तस्मादुत्क्षेप्य सुशलाकिकाम् । तं निःसृतं समालोक्य सर्प्प सर्प इति क्रुधा
niścakrāma bahistasmādutkṣepya suśalākikām | taṃ niḥsṛtaṃ samālokya sarppa sarpa iti krudhā
(It) crept out from there, pushing up the little slat (of the basket); seeing it come out, in anger (crying) "A snake, a snake!"
AI translation rendered from the Sanskrit, not a published edition
PdP 6 211.39
व्याहरंतो जनाः सर्वे लोष्टहस्ताः समभ्ययुः । यावत्पलायते सर्पस्तावदेकेन घातितः
vyāharaṃto janāḥ sarve loṣṭahastāḥ samabhyayuḥ | yāvatpalāyate sarpastāvadekena ghātitaḥ
—all the people, calling out, rushed up with clods of earth in their hands; and while the snake was fleeing, it was struck dead by one (of them).
AI translation rendered from the Sanskrit, not a published edition
PdP 6 211.40
तत्याज स तदा प्राणान्पश्यतां तीर्थगामिनाम् । त्यक्त्वा भुजंगदेहं स देवत्वं प्राप दुर्लभम्
tatyāja sa tadā prāṇānpaśyatāṃ tīrthagāminām | tyaktvā bhujaṃgadehaṃ sa devatvaṃ prāpa durlabham
Then it gave up its life-breaths before the eyes of those who had come to the sacred ford; and having left the serpent's body, it attained the state of a god, hard to win.
AI translation rendered from the Sanskrit, not a published edition
PdP 6 211.41
दिव्यं विमानमारुह्य प्रोवाचेदं जनानि ह । सर्प उवाच- भो दाक्षिणात्याः शृणुत ब्राह्मणा वचनं मम
divyaṃ vimānamāruhya provācedaṃ janāni ha | sarpa uvāca- bho dākṣiṇātyāḥ śṛṇuta brāhmaṇā vacanaṃ mama
Mounting a divine celestial car, it spoke this to the people: The snake said: "Ho, southerners, brahmins, hear my words!
AI translation rendered from the Sanskrit, not a published edition
PdP 6 211.42
पुरा चंडकनामाहं नापितो ब्रह्महाधमः । ब्रह्महत्याप्रदोषेण सर्पआसं मरुस्थले
purā caṃḍakanāmāhaṃ nāpito brahmahādhamaḥ | brahmahatyāpradoṣeṇa sarpaāsaṃ marusthale
Formerly I was a barber named Caṇḍaka, a vile slayer of a brahmin; through the guilt of brahmin-murder I became a snake in a desert region.
AI translation rendered from the Sanskrit, not a published edition
PdP 6 211.43
भुक्त्वा नरकदुःखानि वर्षाणां लक्षपंचकम् । अतीतं सर्पयोनौ मे वर्षाणामयुतद्वयम्
bhuktvā narakaduḥkhāni varṣāṇāṃ lakṣapaṃcakam | atītaṃ sarpayonau me varṣāṇāmayutadvayam
Having suffered the torments of hell for five hundred thousand years, twenty thousand years have passed for me in the snake's womb (birth).
AI translation rendered from the Sanskrit, not a published edition
PdP 6 211.44
तीर्थस्यास्य प्रसादेन प्राप्तं देवत्वमुत्तमम् । तस्मादिदं न वै त्याज्यं तीर्थं वै कोशलाभिधम् । सर्वार्थदं यतो नाकः प्राप्तः पापीयसा मया
tīrthasyāsya prasādena prāptaṃ devatvamuttamam | tasmādidaṃ na vai tyājyaṃ tīrthaṃ vai kośalābhidham | sarvārthadaṃ yato nākaḥ prāptaḥ pāpīyasā mayā
By the grace of this sacred ford the highest divine state has been obtained. Therefore this ford named Kośalā must not be abandoned, for it grants every aim, since heaven was reached by me, a most sinful one."
AI translation rendered from the Sanskrit, not a published edition
PdP 6 211.45
नारद उवाच- एवं स नापितः पापो योनिं प्राप्य विनिंदिताम् । जगाम द्यां विमानस्थस्तीर्थस्यास्य प्रसादतः
nārada uvāca- evaṃ sa nāpitaḥ pāpo yoniṃ prāpya viniṃditām | jagāma dyāṃ vimānasthastīrthasyāsya prasādataḥ
Nārada said: Thus that sinful barber, though he had reached a wholly contemptible birth, went to heaven, seated in a celestial car, by the grace of this ford.
AI translation rendered from the Sanskrit, not a published edition
PdP 6 211.46
ते दाक्षिणात्या यतयो भूत्वा तत्रैव तीर्थके । ऊषुर्गोविंदपादाब्ज मानसा दृष्टवैभवे
te dākṣiṇātyā yatayo bhūtvā tatraiva tīrthake | ūṣurgoviṃdapādābja mānasā dṛṣṭavaibhave
Those southerners, becoming ascetics, dwelt right there at that ford, their minds (fixed) on the lotus feet of Govinda, having seen (its) power.
AI translation rendered from the Sanskrit, not a published edition
PdP 6 211.47
माहात्म्यमस्य तीर्थस्य दृष्ट्वा स ब्राह्मणोत्तमः । तीर्थेऽत्रजातविश्रद्धः पित्रोरस्थीनि सोऽक्षिपत्
māhātmyamasya tīrthasya dṛṣṭvā sa brāhmaṇottamaḥ | tīrthe'trajātaviśraddhaḥ pitrorasthīni so'kṣipat
Having seen the greatness of this ford, that best of brahmins, faith having arisen in him toward this ford, cast in the bones of his two parents.
AI translation rendered from the Sanskrit, not a published edition
PdP 6 211.48
पतितेष्वस्थिखंडेषु पितरौ तस्य तत्क्षणात् । विमानवरमारूढौ दिव्यौ तत्र समागतौ
patiteṣvasthikhaṃḍeṣu pitarau tasya tatkṣaṇāt | vimānavaramārūḍhau divyau tatra samāgatau
When the pieces of bone had fallen, that very instant his two parents, mounted on an excellent celestial car and of divine form, arrived there.
AI translation rendered from the Sanskrit, not a published edition
PdP 6 211.49
ऊचतुश्च स्वतनयं शृण्वानेषु जनेषु वै । वत्स जीव चिरं लोके धनधान्यसुखी भव
ūcatuśca svatanayaṃ śṛṇvāneṣu janeṣu vai | vatsa jīva ciraṃ loke dhanadhānyasukhī bhava
And they said to their own son, while the people were listening: "Child, live long in the world; be happy with wealth and grain.
AI translation rendered from the Sanskrit, not a published edition
PdP 6 211.50
आवयोर्मुक्तिदानाच्च मुक्तिं यास्यसि नो मृषा । गंगायां पिंडदानेन यत्फलं स्यात्सुतस्य वै । पितॄणां या गतिश्चात्र द्वयं स्यादस्थिपाततः
āvayormuktidānācca muktiṃ yāsyasi no mṛṣā | gaṃgāyāṃ piṃḍadānena yatphalaṃ syātsutasya vai | pitṝṇāṃ yā gatiścātra dvayaṃ syādasthipātataḥ
And by giving liberation to us two you will go to liberation—this is no falsehood. Whatever fruit a son gets by offering piṇḍa at the Gaṅgā, and whatever course the ancestors (attain), both come about here by the casting of the bones."
AI translation rendered from the Sanskrit, not a published edition
PdP 6 211.211
कालिंदीमाहात्म्ये मुकुंदोपाख्यानं नामैकादशाधिकद्विशतमोध्यायः
kāliṃdīmāhātmye mukuṃdopākhyānaṃ nāmaikādaśādhikadviśatamodhyāyaḥ
In the Glorification of the Kālindī, the chapter called "The Tale of Mukunda," the two hundred and eleventh chapter.
AI translation rendered from the Sanskrit, not a published edition