Padma Purana — Uttara Khanda — Chapter 205

PdP 6 205.1

शिवशर्मोवाच- एकदाऽत्र महातीर्थे पंके मग्नां पयस्विनीम् । दृष्ट्वा स राक्षसश्रेष्ठस्तामुद्धर्तुं विवेश ह

śivaśarmovāca- ekadā'tra mahātīrthe paṃke magnāṃ payasvinīm | dṛṣṭvā sa rākṣasaśreṣṭhastāmuddhartuṃ viveśa ha

Śivaśarman said: Once, here at this great tīrtha, that best of rākṣasas, seeing a milk-cow sunk in the mud, entered (the water) to pull her out.

AI translation rendered from the Sanskrit, not a published edition

PdP 6 205.2

गोरक्षणे महान्धर्मो रक्षतुः स्वर्गतिर्भवेत् । चिंतयन्निति मध्ये तु सगृहीतोंबुहस्तिना

gorakṣaṇe mahāndharmo rakṣatuḥ svargatirbhavet | ciṃtayanniti madhye tu sagṛhītoṃbuhastinā

"In the protection of a cow there is great merit; for one who protects (a cow) there would be the going to heaven" — while he was thinking thus, in mid-course he was seized by a water-elephant (a crocodile).

AI translation rendered from the Sanskrit, not a published edition

PdP 6 205.3

नीतस्तु वारिणोऽधस्ताज्जलपूर्णोदरस्तदा । तत्याज जीवितं सद्यस्तेन पीडितविग्रहः

nītastu vāriṇo'dhastājjalapūrṇodarastadā | tatyāja jīvitaṃ sadyastena pīḍitavigrahaḥ

Carried down beneath the water, his belly then filled with water, his body crushed by it, he gave up his life at once.

AI translation rendered from the Sanskrit, not a published edition

PdP 6 205.4

दिव्यरूपं समास्थाय विमानमपि ढौकितम् । गणेन प्रहितेनाथ दैवैरिंद्रपुरोगमैः

divyarūpaṃ samāsthāya vimānamapi ḍhaukitam | gaṇena prahitenātha daivairiṃdrapurogamaiḥ

Having assumed a divine form, a celestial car too was brought near, by a servant sent by the gods headed by Indra.

AI translation rendered from the Sanskrit, not a published edition

PdP 6 205.5

गच्छन्निति मया पृष्टः स निशाचरपुंगवः । मुक्तिदेऽत्र महातीर्थे मृत्युं प्राप्य सदुर्लभे

gacchanniti mayā pṛṣṭaḥ sa niśācarapuṃgavaḥ | muktide'tra mahātīrthe mṛtyuṃ prāpya sadurlabhe

As he was departing, that bull among night-walkers was asked by me: "Having met death here at this great tīrtha, the giver of release, hard to obtain,

AI translation rendered from the Sanskrit, not a published edition

PdP 6 205.6

कथं देवपदप्राप्तिर्जाता तव महामते । इत्युक्तो मामुवाचेदं वांछासीदत्र मेऽनघ

kathaṃ devapadaprāptirjātā tava mahāmate | ityukto māmuvācedaṃ vāṃchāsīdatra me'nagha

how has the attainment of the station of the gods come to you, O great-minded one?" Being so addressed, he said this to me: "I had a longing here, O sinless one."

AI translation rendered from the Sanskrit, not a published edition

PdP 6 205.7

तस्मिन्गते पुण्यजने स्वर्गं पुण्यवतां पदम् । एकाकिना मया विष्णुः सद्गतिः प्रापितस्तदा

tasmingate puṇyajane svargaṃ puṇyavatāṃ padam | ekākinā mayā viṣṇuḥ sadgatiḥ prāpitastadā

When that meritorious being had gone to heaven, the abode of the meritorious, then by me, alone, Viṣṇu, the true goal, was reached.

AI translation rendered from the Sanskrit, not a published edition — the model flagged this verse as uncertain

PdP 6 205.8

गच्छंस्तिष्ठन्स्वपन्जाग्रत्स्नानं कुर्वंश्च नित्यशः । तमेव पुंडरीकाक्षमहं दध्यावनन्यधीः

gacchaṃstiṣṭhansvapanjāgratsnānaṃ kurvaṃśca nityaśaḥ | tameva puṃḍarīkākṣamahaṃ dadhyāvananyadhīḥ

Walking, standing, sleeping, waking, and performing my daily bath, I meditated with undivided mind on that very lotus-eyed one.

AI translation rendered from the Sanskrit, not a published edition

PdP 6 205.9

हरे तव पदांभोजमहं शरणमागतः । ब्रह्मत्वे च महेशत्वे नेंद्रत्वे मम मानसम्

hare tava padāṃbhojamahaṃ śaraṇamāgataḥ | brahmatve ca maheśatve neṃdratve mama mānasam

"O Hari, I have come for refuge to your lotus feet; my mind is not set on the state of Brahmā, nor on the state of Maheśa, nor on the state of Indra."

AI translation rendered from the Sanskrit, not a published edition

PdP 6 205.10

प्रार्थयन्नित्यहं तात तमेव पुरुषोत्तमम् । उषितोऽत्र महातीर्थे कृत्वा निर्विषयं मनः

prārthayannityahaṃ tāta tameva puruṣottamam | uṣito'tra mahātīrthe kṛtvā nirviṣayaṃ manaḥ

Praying thus daily, my son, to that very Supreme Person, I dwelt here at this great tīrtha, having made my mind free of objects (of sense).

AI translation rendered from the Sanskrit, not a published edition

PdP 6 205.11

विष्णुशर्मोवाच- वसतोऽत्र महातीर्थे मरणं चेत्तवाभवत् । कथं जन्म पुनः प्राप्तं त्वयेति मम संशयः

viṣṇuśarmovāca- vasato'tra mahātīrthe maraṇaṃ cettavābhavat | kathaṃ janma punaḥ prāptaṃ tvayeti mama saṃśayaḥ

Viṣṇuśarman said: If your death took place while you were dwelling here at this great tīrtha, how was birth again obtained by you? — this is my doubt.

AI translation rendered from the Sanskrit, not a published edition

PdP 6 205.12

मर्यादां यस्य तीर्थस्य त्यक्त्वापि धनलोभतः । राक्षसान्मरणं प्राप्ताः पथिकस्ते च वाहकाः

maryādāṃ yasya tīrthasya tyaktvāpi dhanalobhataḥ | rākṣasānmaraṇaṃ prāptāḥ pathikaste ca vāhakāḥ

Even those travellers and porters, who out of greed for wealth transgressed the boundary of this tīrtha, met their death from the rākṣasa (and yet went to heaven);

AI translation rendered from the Sanskrit, not a published edition

PdP 6 205.13

यस्य तीर्थवरस्यास्य जलपानाद्दिवंगताः । तथैव राक्षसोऽप्यस्मिन्नपमृत्युमवाप्य सः

yasya tīrthavarasyāsya jalapānāddivaṃgatāḥ | tathaiva rākṣaso'pyasminnapamṛtyumavāpya saḥ

(those) who went to heaven merely from drinking the water of this best of tīrthas; and just so the rākṣasa too, having met an untimely death here

AI translation rendered from the Sanskrit, not a published edition

PdP 6 205.14

नक्रतः स्वेच्छया स्वर्गं जगाम तव पश्यतः । न नूनं तत्र मरणं जातं यज्जन्म दृश्यते

nakrataḥ svecchayā svargaṃ jagāma tava paśyataḥ | na nūnaṃ tatra maraṇaṃ jātaṃ yajjanma dṛśyate

from the crocodile, went to heaven by his own will, before your very eyes. Surely, then, no (real) death occurred there, since a (re)birth is seen (in your case).

AI translation rendered from the Sanskrit, not a published edition

PdP 6 205.15

नारद उवाच- शिवे निशम्य पुत्रस्य शिवशर्मा शुभं वचः । उवाच पूर्ववृत्तांतं कारणं निजजन्मनः

nārada uvāca- śive niśamya putrasya śivaśarmā śubhaṃ vacaḥ | uvāca pūrvavṛttāṃtaṃ kāraṇaṃ nijajanmanaḥ

Nārada said: O Śiva, having heard his son's auspicious words, Śivaśarman related the earlier course of events, the cause of his own birth.

AI translation rendered from the Sanskrit, not a published edition

PdP 6 205.16

शिवशर्मोवाच- विष्णुशर्मन्शृणुष्वेदं कारणं मम जन्मनः । कथयामि तवाग्रेऽहं श्रुत्वा निःसंशयो भव

śivaśarmovāca- viṣṇuśarmanśṛṇuṣvedaṃ kāraṇaṃ mama janmanaḥ | kathayāmi tavāgre'haṃ śrutvā niḥsaṃśayo bhava

Śivaśarman said: Viṣṇuśarman, hear this cause of my birth; I shall tell it before you — having heard it, be free of doubt.

AI translation rendered from the Sanskrit, not a published edition

PdP 6 205.17

एकदा विष्णुपूजायां मयि ध्यानं समास्थिते । दुर्वासाः प्रकृतिक्रोधी ममाश्रममुपागतः

ekadā viṣṇupūjāyāṃ mayi dhyānaṃ samāsthite | durvāsāḥ prakṛtikrodhī mamāśramamupāgataḥ

Once, while I was set in meditation during the worship of Viṣṇu, Durvāsas, wrathful by nature, came to my hermitage.

AI translation rendered from the Sanskrit, not a published edition

PdP 6 205.18

तमागतमविज्ञाय विष्णुध्यानपरायणः । तस्थिवांस्तदवस्थोऽहं चिरं तं नामसंस्मरन्

tamāgatamavijñāya viṣṇudhyānaparāyaṇaḥ | tasthivāṃstadavastho'haṃ ciraṃ taṃ nāmasaṃsmaran

Not noticing that he had come, being wholly given to meditation on Viṣṇu, I remained a long while in that same condition, recalling his name.

AI translation rendered from the Sanskrit, not a published edition

PdP 6 205.19

समुहूर्तं मुनिः स्थित्वा ममाग्रे क्रोधमूर्छितः । आत्मनात्मानमाहेदमुच्चैरारक्तलोचनः

samuhūrtaṃ muniḥ sthitvā mamāgre krodhamūrchitaḥ | ātmanātmānamāhedamuccairāraktalocanaḥ

Having stood for a moment before me, the sage, senseless with rage, his eyes reddened, said this aloud to himself:

AI translation rendered from the Sanskrit, not a published edition

PdP 6 205.20

दुर्वासा उवाच- अहो अत्रेरहं पुत्रोऽनसूयागर्भसंभवः । शिवांशो मानुषेणालमवज्ञातोऽमुना भवम्

durvāsā uvāca- aho atrerahaṃ putro'nasūyāgarbhasaṃbhavaḥ | śivāṃśo mānuṣeṇālamavajñāto'munā bhavam

Durvāsas said: Aho! I am the son of Atri, sprung from Anasūyā's womb, a portion of Śiva — and I am utterly disregarded by this fellow, a mere man!

AI translation rendered from the Sanskrit, not a published edition

PdP 6 205.21

त्रिलोकीराज्यतः शक्रो मया येन प्रपातितः । तं मामपि मनुष्योऽयमवजानाति दुर्मतिः

trilokīrājyataḥ śakro mayā yena prapātitaḥ | taṃ māmapi manuṣyo'yamavajānāti durmatiḥ

Even me, by whom Śakra was cast down from the kingship of the three worlds — even me this ill-minded man slights!

AI translation rendered from the Sanskrit, not a published edition

PdP 6 205.22

यो बिभेति न कः सोसि मत्तः कालानलादिव । मुक्त्वा देवत्रयीं लोके यतः सार्हत्तमा मम

yo bibheti na kaḥ sosi mattaḥ kālānalādiva | muktvā devatrayīṃ loke yataḥ sārhattamā mama

Who is there that does not fear me, as (one fears) the fire of doomsday? — save the triad of gods, since in the world they are, for me, the most worthy of honour.

AI translation rendered from the Sanskrit, not a published edition — the model flagged this verse as uncertain

PdP 6 205.23

यामसौ ध्यायते मूढो देवतां ध्यानमास्थितः । न कथं बोधयत्येनं सेति मूर्त्तिस्थितो यमः

yāmasau dhyāyate mūḍho devatāṃ dhyānamāsthitaḥ | na kathaṃ bodhayatyenaṃ seti mūrttisthito yamaḥ

The deity upon whom this fool, settled in meditation, is meditating — why does she not awaken him? — so (spoke) Yama, standing there in bodily form.

AI translation rendered from the Sanskrit, not a published edition — the model flagged this verse as uncertain

PdP 6 205.24

नूनं नारायणं देवं ध्यायत्येष जगद्गुरुम् । यद्ध्यानामृततृप्तो हि न बाह्यज्ञानवानयम्

nūnaṃ nārāyaṇaṃ devaṃ dhyāyatyeṣa jagadgurum | yaddhyānāmṛtatṛpto hi na bāhyajñānavānayam

Surely this man is meditating on the god Nārāyaṇa, the teacher of the world; for, sated with the nectar of that meditation, he has no awareness of outward things.

AI translation rendered from the Sanskrit, not a published edition

PdP 6 205.25

हरिं वा ब्रह्म वा शंभुमन्यं वा ध्यायतामहम् । मयायं सर्वथा दंड्यो मदवज्ञाकरो ह्ययम्

hariṃ vā brahma vā śaṃbhumanyaṃ vā dhyāyatāmaham | mayāyaṃ sarvathā daṃḍyo madavajñākaro hyayam

Whether they meditate on Hari, or on Brahmā, or on Śambhu, or on another — this man is in every way to be punished by me, for he is one who shows me contempt.

AI translation rendered from the Sanskrit, not a published edition

PdP 6 205.26

शिवशर्मोवाच- एवं विचिंतयित्वा स सुमतिं मामबोधयत् । शशाप च विबुद्धं मामितिक्रोधारुणेक्षणः

śivaśarmovāca- evaṃ viciṃtayitvā sa sumatiṃ māmabodhayat | śaśāpa ca vibuddhaṃ māmitikrodhāruṇekṣaṇaḥ

Śivaśarman said: Having thought thus, he roused me, well-disposed as I was; and when I had awoken he cursed me thus, his eyes red with anger.

AI translation rendered from the Sanskrit, not a published edition

PdP 6 205.27

मामवज्ञाय यश्चित्ते ध्यानकाले मनोरथः । कुतस्तेन भवेह्यस्मिन्भविष्यति हि सर्वथा

māmavajñāya yaścitte dhyānakāle manorathaḥ | kutastena bhavehyasminbhaviṣyati hi sarvathā

Whoever, disregarding me, holds a wish in his heart at the time of meditation — from what source should it come to be for him? It will assuredly not come about at all in this world.

AI translation rendered from the Sanskrit, not a published edition — the model flagged this verse as uncertain

PdP 6 205.28

इत्युक्त्वा स यदा तात चलितो मुनिरत्रिजः । तदा मया चरणयोर्गृहीतोभयभीरुणा

ityuktvā sa yadā tāta calito muniratrijaḥ | tadā mayā caraṇayorgṛhītobhayabhīruṇā

Having said this, when, dear one, that sage born of Atri set off, then I, trembling with fear, seized him by the feet.

AI translation rendered from the Sanskrit, not a published edition

PdP 6 205.29

इत्युक्तश्च मुनिश्रेष्ठ क्षम्यतां रुड्विमुच्यताम् । मादृशा न विजानंति सम्यक्कर्म भवादृशाम्

ityuktaśca muniśreṣṭha kṣamyatāṃ ruḍvimucyatām | mādṛśā na vijānaṃti samyakkarma bhavādṛśām

And he was addressed thus: "Best of sages, forgive; let the anger be let go. Such as I do not rightly understand the conduct of such as you.

AI translation rendered from the Sanskrit, not a published edition

PdP 6 205.30

शापं त्वं दत्तवान्घोरं सांप्रतं मे निरेनसः । प्रसीद मम नम्रस्य शापांते कुर्वनुग्रहम्

śāpaṃ tvaṃ dattavānghoraṃ sāṃprataṃ me nirenasaḥ | prasīda mama namrasya śāpāṃte kurvanugraham

You have laid a dreadful curse upon me, who am now without offence. Be gracious to me who bow before you; show favour as to the ending of the curse."

AI translation rendered from the Sanskrit, not a published edition

PdP 6 205.31

इत्युक्तः कोपमुत्सृज्य दुर्वासा शीतलोभवत् । किमेतन्नोचितं तात स यतश्चंद्रशेखरः

ityuktaḥ kopamutsṛjya durvāsā śītalobhavat | kimetannocitaṃ tāta sa yataścaṃdraśekharaḥ

Addressed thus, Durvāsas let go his anger and became cool — and what of it, was that unfitting, dear one, since he is (a portion of) the moon-crested god?

AI translation rendered from the Sanskrit, not a published edition — the model flagged this verse as uncertain

PdP 6 205.32

उवाचेति समां धीमांस्तं भूत्वा ब्राह्मणोत्तमः । अत्रैव मरणं प्राप्य न भूयो जन्म लप्स्यसे

uvāceti samāṃ dhīmāṃstaṃ bhūtvā brāhmaṇottamaḥ | atraiva maraṇaṃ prāpya na bhūyo janma lapsyase

The wise one, becoming even-tempered, said this to that best of brahmins: "Meeting your death right here, you shall not obtain birth again."

AI translation rendered from the Sanskrit, not a published edition — the model flagged this verse as uncertain

PdP 6 205.33

इति मामनुगृह्याथ स जगाम दिगंबरः । उषित्वा तद्दिनं तात मया सत्कारपूजितः

iti māmanugṛhyātha sa jagāma digaṃbaraḥ | uṣitvā taddinaṃ tāta mayā satkārapūjitaḥ

Having thus shown me this favour, the naked one departed, after staying that day, honoured by me with due hospitality.

AI translation rendered from the Sanskrit, not a published edition

PdP 6 205.34

न मुनेर्भाषितं मिथ्या चिंतयित्वाहमित्यपि

na munerbhāṣitaṃ mithyā ciṃtayitvāhamityapi

"The sage's word is not false" — thinking so, I too

AI translation rendered from the Sanskrit, not a published edition

PdP 6 205.35

जगाम स्वगृहं चित्ते पश्चात्तापं वहन्निति । अहो मे ध्यायतो नित्यं स तीर्थाश्रमिणस्तथा

jagāma svagṛhaṃ citte paścāttāpaṃ vahanniti | aho me dhyāyato nityaṃ sa tīrthāśramiṇastathā

went to my own house, bearing remorse in my heart thus: "Alas, though I meditate constantly, and he too being a dweller of the hermitage at the holy ford,

AI translation rendered from the Sanskrit, not a published edition — the model flagged this verse as uncertain

PdP 6 205.36

दर्शनं दुर्लभं जातं श्रीपतेरिह जन्मनि । चातकस्येव मेघस्य शुचौ संतापकारिणि

darśanaṃ durlabhaṃ jātaṃ śrīpateriha janmani | cātakasyeva meghasya śucau saṃtāpakāriṇi

the sight of Śrī's lord has become hard to obtain in this birth — like (the sight) of a cloud for the cātaka bird in a scorching, parching summer.

AI translation rendered from the Sanskrit, not a published edition

PdP 6 205.37

कुतोऽयमागतो मह्यं वैकुंठगतिरोधकः । जनस्य प्रस्थितस्येव जलदो कालवारिमुक्

kuto'yamāgato mahyaṃ vaikuṃṭhagatirodhakaḥ | janasya prasthitasyeva jalado kālavārimuk

Whence has this one come to me, obstructing my passage to Vaikuṇṭha — like a cloud loosing its untimely water upon a man who has set out on a journey?

AI translation rendered from the Sanskrit, not a published edition

PdP 6 205.38

न दोषोऽस्ति मुनेर्नूनं तस्यैवेच्छाहरेः खलु । सुदर्शनं हि दत्त्वापि ममजन्मांतरं कृतम्

na doṣo'sti munernūnaṃ tasyaivecchāhareḥ khalu | sudarśanaṃ hi dattvāpi mamajanmāṃtaraṃ kṛtam

Surely there is no fault in the sage; this is indeed the will of Hari himself: for even after granting me a fair vision (of himself), he has made another birth for me.

AI translation rendered from the Sanskrit, not a published edition

PdP 6 205.39

मया संसारभीतेन ग्राह्यं पादांबुजंहरेः । निदाघातपतप्तेन पथिकेनेव पादपः

mayā saṃsārabhītena grāhyaṃ pādāṃbujaṃhareḥ | nidāghātapataptena pathikeneva pādapaḥ

By me, who am afraid of the round of rebirth, the lotus-foot of Hari must be grasped, as a tree is (sought) by a traveller scorched by the summer's heat.

AI translation rendered from the Sanskrit, not a published edition

PdP 6 205.40

किं धनापत्ययोषिद्भिरनित्यैश्चान्यबंधुभिः । गोविंदपरमानंद रामेति ममजल्पतः

kiṃ dhanāpatyayoṣidbhiranityaiścānyabaṃdhubhiḥ | goviṃdaparamānaṃda rāmeti mamajalpataḥ

What are wealth, offspring, women and other kinsmen, all impermanent, to me who keep uttering, "Govinda! Supreme bliss! Rāma!"?

AI translation rendered from the Sanskrit, not a published edition

PdP 6 205.41

उदासीनवदासीनः कुंटुबेषु हरिं भजन् । प्रारब्धमेव भोक्ष्यामि कर्माण्यन्यान्यतर्जयन्

udāsīnavadāsīnaḥ kuṃṭubeṣu hariṃ bhajan | prārabdhameva bhokṣyāmi karmāṇyanyānyatarjayan

Sitting as one indifferent among the members of the household, worshipping Hari, I shall experience only the karma already set in motion, driving off the other karmas.

AI translation rendered from the Sanskrit, not a published edition

PdP 6 205.42

चिंतयन्नित्यहं तात कियद्भिर्वासरैरहम् । प्राप्तवान्स्वगृहं स्नात्वा हरिपादोदकांतरे

ciṃtayannityahaṃ tāta kiyadbhirvāsarairaham | prāptavānsvagṛhaṃ snātvā haripādodakāṃtare

Thinking thus constantly, dear (father), after some days I reached my own home, having bathed in the water of Hari's feet.

AI translation rendered from the Sanskrit, not a published edition

PdP 6 205.43

पितुर्मरणमाख्यातं मात्रे बंधुभ्य एव च । श्रुत्वा तेऽपि शुचं चक्रुर्नाविंदन्निममस्थिरम्

piturmaraṇamākhyātaṃ mātre baṃdhubhya eva ca | śrutvā te'pi śucaṃ cakrurnāviṃdannimamasthiram

My father's death was announced to my mother and to the kinsmen; hearing it they too grieved—they did not recognize this (world) as unstable.

AI translation rendered from the Sanskrit, not a published edition

PdP 6 205.44

सत्यलोकादि लोकेषु निस्पृहोऽहं गृहे वसन् । मरणं प्राप्तवान्कूले गंगाया मुनिसेविते

satyalokādi lokeṣu nispṛho'haṃ gṛhe vasan | maraṇaṃ prāptavānkūle gaṃgāyā munisevite

Having no craving for Satyaloka and the other worlds, dwelling at home, I obtained death on the bank of the Gaṅgā, which is frequented by sages.

AI translation rendered from the Sanskrit, not a published edition

PdP 6 205.45

मुनेर्दुर्वाससः शापाज्जातोऽहं वैष्णवे कुले । मरणं चात्र सत्तीर्थे लब्ध्वा प्राप्स्ये हरेः पदम्

munerdurvāsasaḥ śāpājjāto'haṃ vaiṣṇave kule | maraṇaṃ cātra sattīrthe labdhvā prāpsye hareḥ padam

Through the curse of the sage Durvāsas I was born in a Vaiṣṇava family; and having gained death here at this good holy place, I shall attain the state of Hari.

AI translation rendered from the Sanskrit, not a published edition

PdP 6 205.46

नारद उवाच- एवं सुराचार्यविनिर्मिते तदा तीर्थे महाभाग पुराकृतानि तौ । द्विजोत्तमौ प्रोच्य मिथः सुतस्थतुर्विचिंतयंतौ हरिपादपल्लवम्

nārada uvāca- evaṃ surācāryavinirmite tadā tīrthe mahābhāga purākṛtāni tau | dvijottamau procya mithaḥ sutasthaturviciṃtayaṃtau haripādapallavam

Nārada said: Thus, O greatly fortunate one, at that holy place fashioned by the preceptor of the gods, those two best of brahmins, having recounted to each other their former deeds, remained (there), meditating on the tender foot of Hari.

AI translation rendered from the Sanskrit, not a published edition

PdP 6 205.47

विचिंतयंतौ हरिमब्जलोचनं चतुर्भुजं नीरदनीलविग्रहम् । निजायुधालंकरणावभासितं स्मृत्वात्र सारूप्यमवापतुर्हरेः

viciṃtayaṃtau harimabjalocanaṃ caturbhujaṃ nīradanīlavigraham | nijāyudhālaṃkaraṇāvabhāsitaṃ smṛtvātra sārūpyamavāpaturhareḥ

Meditating on Hari, the lotus-eyed, four-armed, whose form is dark as a cloud, resplendent with the adornment of his own weapons—having so remembered him, there the two attained the same form as Hari.

AI translation rendered from the Sanskrit, not a published edition

PdP 6 205.48

यस्य क्षेत्रमिमं पुण्यमिंद्रप्रस्थाख्यमुत्तमम् । तस्योपाख्यानमाख्यातं फलमस्य शिवे शृणु

yasya kṣetramimaṃ puṇyamiṃdraprasthākhyamuttamam | tasyopākhyānamākhyātaṃ phalamasya śive śṛṇu

He whose field this is—this holy, supreme (place) called Indraprastha—his story has been told; hear its fruit, O Śivā.

AI translation rendered from the Sanskrit, not a published edition

PdP 6 205.49

गंगास्नानेन यत्पुण्यं कन्यादानोद्भवं च यत् । श्रवणादस्य तत्पुण्यं श्रद्धया लभते नरः

gaṃgāsnānena yatpuṇyaṃ kanyādānodbhavaṃ ca yat | śravaṇādasya tatpuṇyaṃ śraddhayā labhate naraḥ

Whatever merit comes from bathing in the Gaṅgā, and whatever arises from the giving of a daughter (in marriage), that merit a man obtains by hearing this with faith.

AI translation rendered from the Sanskrit, not a published edition

PdP 6 205.50

पुत्रे जाते तु गोदानात्सिंहगे च बृहस्पतौ । गोदावरीजले स्नानाद्यत्फलं भुवि जायते

putre jāte tu godānātsiṃhage ca bṛhaspatau | godāvarījale snānādyatphalaṃ bhuvi jāyate

Whatever fruit arises on earth from the gift of a cow when a son is born, and from bathing in the water of the Godāvarī when Jupiter stands in Leo—

AI translation rendered from the Sanskrit, not a published edition

PdP 6 205.51

तत्फलं श्रवणादस्य जायते नात्र संशयः । अतस्तीर्थोत्तमादन्यत्तीर्थं नास्त्यखिलार्थदम् । यस्मिन्मरणतो नूनं तिर्यंचोऽपि चतुर्भुजाः

tatphalaṃ śravaṇādasya jāyate nātra saṃśayaḥ | atastīrthottamādanyattīrthaṃ nāstyakhilārthadam | yasminmaraṇato nūnaṃ tiryaṃco'pi caturbhujāḥ

that fruit arises from hearing this; there is no doubt here. Therefore there is no other holy place than this best of holy places that grants all objects—dying in which, surely even animals become four-armed.

AI translation rendered from the Sanskrit, not a published edition