Padma Purana — Uttara Khanda — Chapter 203
PdP 6 203.1
देवल उवाच। अथोषसि नराधीशः पूजितां कुसुमादिभिः । महिष्या नंदिनीं धेनुं नीत्वारण्यं जगाम सः
devala uvāca| athoṣasi narādhīśaḥ pūjitāṃ kusumādibhiḥ | mahiṣyā naṃdinīṃ dhenuṃ nītvāraṇyaṃ jagāma saḥ
Devala said: Then at dawn the lord of men took the cow Nandinī, worshipped with flowers and the rest by the queen, and went to the forest.
AI translation rendered from the Sanskrit, not a published edition
PdP 6 203.2
गच्छंतीमनु तां देवीं छायेव नृपतिर्ययौ । खादंतीमनुशष्पादि सोऽपि मूलाद्यभक्षयत्
gacchaṃtīmanu tāṃ devīṃ chāyeva nṛpatiryayau | khādaṃtīmanuśaṣpādi so'pi mūlādyabhakṣayat
The king went after her as she walked, like a shadow; when she ate young grass and the like, he too ate roots and such.
AI translation rendered from the Sanskrit, not a published edition
PdP 6 203.3
तरुच्छायामुपासीनामनु सोऽप्युपविष्टवान् । पिबंतीमनुपानीयं राजापि सलिलं पपौ
tarucchāyāmupāsīnāmanu so'pyupaviṣṭavān | pibaṃtīmanupānīyaṃ rājāpi salilaṃ papau
When she sat in the shade of a tree, he too sat down; when she drank water, the king likewise drank water.
AI translation rendered from the Sanskrit, not a published edition
PdP 6 203.4
स च राजा मृदुग्रासैर्दंशापनयनेन च । कंडूयनैः कामधेनुं गुरोरेवमसेवत
sa ca rājā mṛdugrāsairdaṃśāpanayanena ca | kaṃḍūyanaiḥ kāmadhenuṃ gurorevamasevata
And that king served the guru's wish-cow in this way, with soft mouthfuls (of fodder), by driving off gadflies, and by scratching her.
AI translation rendered from the Sanskrit, not a published edition
PdP 6 203.5
अथ प्रत्याश्रमं सायं न्यवर्त्तंत महीपतेः । अंगं पवित्रयंती सा खुरोद्धूतैरजःकणैः
atha pratyāśramaṃ sāyaṃ nyavarttaṃta mahīpateḥ | aṃgaṃ pavitrayaṃtī sā khuroddhūtairajaḥkaṇaiḥ
Then in the evening they turned back toward the hermitage, she purifying the king's body with the specks of dust raised by her hooves.
AI translation rendered from the Sanskrit, not a published edition
PdP 6 203.6
अधोभारेण गुरुणा गच्छंती मंथरं बभौ । महीपालमहत्कार्यभाराक्रांतेव नंदिनी
adhobhāreṇa guruṇā gacchaṃtī maṃtharaṃ babhau | mahīpālamahatkāryabhārākrāṃteva naṃdinī
Walking slowly because of the heavy load below, Nandinī looked as though weighed down by the burden of the king's great undertaking.
AI translation rendered from the Sanskrit, not a published edition
PdP 6 203.7
तां मुनेराश्रमाभ्याशे राज्ञी प्रत्युज्जगाम ह । चंदनाक्षतनैवेद्यधूपादीनुपनीय च
tāṃ munerāśramābhyāśe rājñī pratyujjagāma ha | caṃdanākṣatanaivedyadhūpādīnupanīya ca
Near the sage's hermitage the queen went forth to meet her, bringing sandal paste, unbroken rice, food-offering, incense and the rest,
AI translation rendered from the Sanskrit, not a published edition
PdP 6 203.8
तां पूजयित्वा विधिवत्प्रणम्य च पुनः पुनः । कृत्वा प्रदक्षिणं राज्ञी तस्थौ प्रांजलिरग्रतः
tāṃ pūjayitvā vidhivatpraṇamya ca punaḥ punaḥ | kṛtvā pradakṣiṇaṃ rājñī tasthau prāṃjaliragrataḥ
and having worshipped her according to rule and bowed again and again, the queen circumambulated her and stood before her with joined palms.
AI translation rendered from the Sanskrit, not a published edition
PdP 6 203.9
सा गृहीत्वा च तां पूजां विहितां श्रद्धया तया । राज्ञा निश्चलमास्थाय ययौ ताभ्यां सहाश्रमम्
sā gṛhītvā ca tāṃ pūjāṃ vihitāṃ śraddhayā tayā | rājñā niścalamāsthāya yayau tābhyāṃ sahāśramam
And she, accepting that worship performed by her with faith, standing motionless for the king, went with the two of them to the hermitage.
AI translation rendered from the Sanskrit, not a published edition — the model flagged this verse as uncertain
PdP 6 203.10
आराधयति तामेवं दिलीपे तु दृढव्रते । एकाधिका व्यतीयाय दिनानां वैश्य विंशतिः
ārādhayati tāmevaṃ dilīpe tu dṛḍhavrate | ekādhikā vyatīyāya dinānāṃ vaiśya viṃśatiḥ
While Dilīpa, firm in his vow, was worshipping her in this way, twenty-one days passed, O Vaiśya.
AI translation rendered from the Sanskrit, not a published edition
PdP 6 203.11
अथ भूमिपतेस्तस्य भावजिज्ञासया तु सा । विवेश निर्भयस्वांता सशष्पां हिमवद्गुहाम्
atha bhūmipatestasya bhāvajijñāsayā tu sā | viveśa nirbhayasvāṃtā saśaṣpāṃ himavadguhām
Then, out of a wish to test that lord of the earth's disposition, she, fearless in heart, entered a Himalayan cave grassy with young shoots.
AI translation rendered from the Sanskrit, not a published edition
PdP 6 203.12
पश्यता हिमवत्सानु शोभामथ महीभृता । अलक्षितागमः सिंहो बलाज्जग्राह नंदिनीम्
paśyatā himavatsānu śobhāmatha mahībhṛtā | alakṣitāgamaḥ siṃho balājjagrāha naṃdinīm
Then, while the lord of the earth was gazing at the beauty of the Himalaya's slope, a lion, whose coming was unnoticed, seized Nandinī by force.
AI translation rendered from the Sanskrit, not a published edition
PdP 6 203.13
सा चक्रंद भृशं धेनुर्दुःखितेव दयास्वना । चित्ते धनुर्भृतस्तस्य जनयंती दयोदयम्
sā cakraṃda bhṛśaṃ dhenurduḥkhiteva dayāsvanā | citte dhanurbhṛtastasya janayaṃtī dayodayam
That cow cried out loudly, as if in pain, with a pitiful sound, producing in the heart of that bearer of the bow a welling up of compassion.
AI translation rendered from the Sanskrit, not a published edition
PdP 6 203.14
तदाक्रंदितमाकर्ण्य तस्याः स जगतीपतिः । हिमवत्सानुसंलग्नां निजदृष्टिं न्यवर्त्तयत्
tadākraṃditamākarṇya tasyāḥ sa jagatīpatiḥ | himavatsānusaṃlagnāṃ nijadṛṣṭiṃ nyavarttayat
Hearing that cry of hers, that lord of the world turned back his own gaze, which had been fixed on the Himalaya's slope.
AI translation rendered from the Sanskrit, not a published edition
PdP 6 203.15
उपर्युपरि तां धेनुं स्रवदश्रुमुखीं नृपः । तीक्ष्णदंष्ट्रनखं सिंहं दृष्ट्वा स व्यथितोऽभवत्
uparyupari tāṃ dhenuṃ sravadaśrumukhīṃ nṛpaḥ | tīkṣṇadaṃṣṭranakhaṃ siṃhaṃ dṛṣṭvā sa vyathito'bhavat
Seeing that cow, her face streaming with tears, and above her the lion with sharp fangs and claws, the king became distressed.
AI translation rendered from the Sanskrit, not a published edition
PdP 6 203.16
गृहीतां तेन सिंहेन तामालक्ष्य धनुर्द्धरः । निषंगाद्बाणमुद्धर्तुं प्राहिणोद्दक्षिणं भुजम्
gṛhītāṃ tena siṃhena tāmālakṣya dhanurddharaḥ | niṣaṃgādbāṇamuddhartuṃ prāhiṇoddakṣiṇaṃ bhujam
Perceiving her seized by that lion, the bow-bearer stretched out his right arm to draw an arrow from the quiver.
AI translation rendered from the Sanskrit, not a published edition
PdP 6 203.17
बाणमुद्धृत्य तूणीरान्निहंतुं तं मृगाधिपम् । गुणेनापूर्णमायोज्य चकर्ष वसुधाधिपः
bāṇamuddhṛtya tūṇīrānnihaṃtuṃ taṃ mṛgādhipam | guṇenāpūrṇamāyojya cakarṣa vasudhādhipaḥ
Having drawn an arrow from the quiver, in order to slay that lord of beasts, the lord of the earth fitted it (to the bow), not fully (drawn), and pulled at the string.
AI translation rendered from the Sanskrit, not a published edition — the model flagged this verse as uncertain
PdP 6 203.18
जडीभूतः समस्तांगस्तत्सिंहालोकनेन सः । नाशकद्बाणमुत्सृष्टुं राजासीद्विस्मितस्ततः
jaḍībhūtaḥ samastāṃgastatsiṃhālokanena saḥ | nāśakadbāṇamutsṛṣṭuṃ rājāsīdvismitastataḥ
All his limbs became numb from looking at that lion; he was unable to release the arrow, and the king was thereupon amazed.
AI translation rendered from the Sanskrit, not a published edition
PdP 6 203.19
तादृशं नृपमालक्ष्य जगाद स मृगाधिपः । नरवाचा भृशं भूयो विस्मयं प्रापयन्निदम्
tādṛśaṃ nṛpamālakṣya jagāda sa mṛgādhipaḥ | naravācā bhṛśaṃ bhūyo vismayaṃ prāpayannidam
Seeing the king in such a state, that lord of beasts spoke, in human speech, causing him yet far greater amazement, this:
AI translation rendered from the Sanskrit, not a published edition
PdP 6 203.20
सिंह उवाच- दिलीपं त्वामहं राजन्जानामि रविवंशजम् । त्वं च जानीहि मां शंभोर्गणं कुंभोदराभिधम्
siṃha uvāca- dilīpaṃ tvāmahaṃ rājanjānāmi ravivaṃśajam | tvaṃ ca jānīhi māṃ śaṃbhorgaṇaṃ kuṃbhodarābhidham
The lion said: I know you, O king, to be Dilīpa, born of the solar line; and you should know me to be a servant of Śambhu named Kumbhodara.
AI translation rendered from the Sanskrit, not a published edition
PdP 6 203.21
देवदारुरयं यस्ते वर्त्तते दृष्टगोचरे । पार्वत्यापुत्रवद्वीर पालितः स्निग्धचित्तया
devadārurayaṃ yaste varttate dṛṣṭagocare | pārvatyāputravadvīra pālitaḥ snigdhacittayā
This devadāru tree which stands within your sight, O hero, was tended by Pārvatī like a son, with an affectionate heart.
AI translation rendered from the Sanskrit, not a published edition
PdP 6 203.22
एकदामुष्यवन्येन गजेनाघर्षता कटम् । उदपाटि महाराज वल्कलं मृदुलं भृशम्
ekadāmuṣyavanyena gajenāgharṣatā kaṭam | udapāṭi mahārāja valkalaṃ mṛdulaṃ bhṛśam
Once, O great king, by a wild elephant rubbing its temple against it, its very soft bark was torn off.
AI translation rendered from the Sanskrit, not a published edition
PdP 6 203.23
एनं तादृशमालक्ष्य मृडानी करुणान्विता । मामत्र स्थापयामास सिंहं कृत्वास्य रक्षणे
enaṃ tādṛśamālakṣya mṛḍānī karuṇānvitā | māmatra sthāpayāmāsa siṃhaṃ kṛtvāsya rakṣaṇe
Seeing it in that state, Mṛḍānī, filled with pity, stationed me here, making me a lion for its protection.
AI translation rendered from the Sanskrit, not a published edition
PdP 6 203.24
ममाह चेति सा देवी कुंभोदर निशम्यताम् । योऽत्र जंतुः समागच्छेत्तं खादेस्त्वं वसन्निह
mamāha ceti sā devī kuṃbhodara niśamyatām | yo'tra jaṃtuḥ samāgacchettaṃ khādestvaṃ vasanniha
And that Goddess said to me: "Listen, Kumbhodara: whatever creature comes here, you, dwelling here, are to eat it."
AI translation rendered from the Sanskrit, not a published edition
PdP 6 203.25
ततः प्रभृति राजेंद्र तदाज्ञां पालयन्नहम् । पालितां त्रिदशैः सर्वैः कंदरेऽत्र वसाम्यहम्
tataḥ prabhṛti rājeṃdra tadājñāṃ pālayannaham | pālitāṃ tridaśaiḥ sarvaiḥ kaṃdare'tra vasāmyaham
From then on, O lord of kings, keeping that command of hers, I dwell in this cave, which is guarded by all the thirty (gods).
AI translation rendered from the Sanskrit, not a published edition
PdP 6 203.26
जडीभावे स्वदेहस्य त्वया कार्यो न विस्मयः । महती शांभवी माया वर्त्ततेऽत्र हिमाचले
jaḍībhāve svadehasya tvayā kāryo na vismayaḥ | mahatī śāṃbhavī māyā varttate'tra himācale
You should feel no amazement at the numbness of your own body: a great magic of Śambhu operates here on the Himālaya.
AI translation rendered from the Sanskrit, not a published edition
PdP 6 203.27
अन्यस्मिन्निव सिंहे त्वं प्रहर्तुं न मयि क्षमः । यतो मत्पृष्ठमारुह्य वृषमारोहति प्रभुः
anyasminniva siṃhe tvaṃ prahartuṃ na mayi kṣamaḥ | yato matpṛṣṭhamāruhya vṛṣamārohati prabhuḥ
You are not able to strike at me as at some other lion, since the Lord, mounting my back, mounts (as on) his bull.
AI translation rendered from the Sanskrit, not a published edition
PdP 6 203.28
निवर्त्तस्व निजं देहं रक्ष सर्वार्थसाधनम् । दैवेनासादिता वीर गौरियं भक्षणाय मे
nivarttasva nijaṃ dehaṃ rakṣa sarvārthasādhanam | daivenāsāditā vīra gauriyaṃ bhakṣaṇāya me
Turn back; protect your own body, the instrument of all your aims. By fate, O hero, this cow has been brought here for my food.
AI translation rendered from the Sanskrit, not a published edition
PdP 6 203.29
देवल उवाच- इत्याकर्ण्य वचस्तस्य वीरसंबोधनान्वितम् । प्रत्युवाच दिलीपस्तं स जडीभूतविग्रहः
devala uvāca- ityākarṇya vacastasya vīrasaṃbodhanānvitam | pratyuvāca dilīpastaṃ sa jaḍībhūtavigrahaḥ
Devala said: Hearing these words of his, which included the address "hero," Dilīpa, his body numbed, replied to him.
AI translation rendered from the Sanskrit, not a published edition
PdP 6 203.30
राजोवाच- सर्गस्थितिविसर्गाणां कारणं जगतः शिवम् । अंबिकां जगदंबां च नमामि मृगराज तौ
rājovāca- sargasthitivisargāṇāṃ kāraṇaṃ jagataḥ śivam | aṃbikāṃ jagadaṃbāṃ ca namāmi mṛgarāja tau
The king said: Śiva, the cause of the world's creation, maintenance, and dissolution, and Ambikā, the mother of the world — to those two, O king of beasts, I bow.
AI translation rendered from the Sanskrit, not a published edition
PdP 6 203.31
त्वं च तत्सेवकत्वेन मान्यो मम मृगाधिप । ब्रवीमि यदहं वाक्यं श्रुत्वा शाधि करोमि किम्
tvaṃ ca tatsevakatvena mānyo mama mṛgādhipa | bravīmi yadahaṃ vākyaṃ śrutvā śādhi karomi kim
"And you, being his servant, are worthy of my respect, O lord of beasts. Hear the word I speak, and then command: what am I to do?"
AI translation rendered from the Sanskrit, not a published edition
PdP 6 203.32
वसिष्ठो ब्रह्मणः पुत्रो गुरुर्नो विदितस्तव । तस्येयं नंदिनीनाम धेनुः सर्वार्थसाधिका
vasiṣṭho brahmaṇaḥ putro gururno viditastava | tasyeyaṃ naṃdinīnāma dhenuḥ sarvārthasādhikā
"Vasiṣṭha, the son of Brahmā, is our teacher — surely known to you. This is his cow named Nandinī, who accomplishes every purpose.
AI translation rendered from the Sanskrit, not a published edition
PdP 6 203.33
संतानोत्पत्तये तेन दत्ताराधयितुं मम । येयमाराधिता सम्यक्दिनानि कतिचिन्मया
saṃtānotpattaye tena dattārādhayituṃ mama | yeyamārādhitā samyakdināni katicinmayā
"She was given by him to me, to be tended, for the begetting of offspring; and she has been duly tended by me for some days.
AI translation rendered from the Sanskrit, not a published edition
PdP 6 203.34
लघुतर्णक मातेयं धृता ते गिरिकंदरे । शुंभुभृत्याद्बलात्त्वत्तोशक्तामोचयितुंमया
laghutarṇaka māteyaṃ dhṛtā te girikaṃdare | śuṃbhubhṛtyādbalāttvattośaktāmocayituṃmayā
"She is the mother of a young calf, and she has been seized by you in the mountain cave; since you are Śambhu's servant, I am unable to free her from you by force.
AI translation rendered from the Sanskrit, not a published edition — the model flagged this verse as uncertain
PdP 6 203.35
अहं तस्य मुनेरग्रे गच्छाम्येनामृते कथम् । कामधेनोस्तु दौहित्री जगत्सेव्या यशस्विनी
ahaṃ tasya muneragre gacchāmyenāmṛte katham | kāmadhenostu dauhitrī jagatsevyā yaśasvinī
"How shall I go before that sage without her? She is the granddaughter of Kāmadhenu, glorious, to be honoured by the world.
AI translation rendered from the Sanskrit, not a published edition
PdP 6 203.36
अनया सदृशी नान्या गौर्यया तोषयामि तम् । तस्माद्विमुच्य गामेनामग्र्यां कुरु निजाशनम्
anayā sadṛśī nānyā gauryayā toṣayāmi tam | tasmādvimucya gāmenāmagryāṃ kuru nijāśanam
"There is no other cow like her by whom I might satisfy him. Therefore release this foremost cow and make (me) your own food.
AI translation rendered from the Sanskrit, not a published edition
PdP 6 203.37
ददामि देहमात्मीयमपकीर्तिमलीमसम् । एवं न धर्महानिः स्यादृषेस्तव तु भोजनम् । गवार्थे त्यजतः प्राणान्ममापि गतिरुत्तमा
dadāmi dehamātmīyamapakīrtimalīmasam | evaṃ na dharmahāniḥ syādṛṣestava tu bhojanam | gavārthe tyajataḥ prāṇānmamāpi gatiruttamā
"I give my own body, sullied with ill repute. Thus there will be no loss of dharma, and yet food for you; and for me too, giving up my life for a cow's sake, there will be the highest destination."
AI translation rendered from the Sanskrit, not a published edition
PdP 6 203.38
देवल उवाच- एवमाकर्ण्य सिंहेन कृते मौने विशांपते । तदग्रेऽवाङ्मुखो राजा न्यपतद्धर्मकोविदः
devala uvāca- evamākarṇya siṃhena kṛte maune viśāṃpate | tadagre'vāṅmukho rājā nyapataddharmakovidaḥ
Devala said: When, having heard this, the lion fell silent, O lord of peoples, the king, well versed in dharma, fell down before him with his face bowed.
AI translation rendered from the Sanskrit, not a published edition
PdP 6 203.39
तस्य प्रतीक्षमाणस्य सिंहपातं सुदुःसहम् । पपातोपरि पुष्पाणां वृष्टिर्मुक्ता सुरेश्वरैः
tasya pratīkṣamāṇasya siṃhapātaṃ suduḥsaham | papātopari puṣpāṇāṃ vṛṣṭirmuktā sureśvaraiḥ
As he waited for the lion's pounce, hard indeed to bear, a shower of flowers released by the lords of the gods fell upon him.
AI translation rendered from the Sanskrit, not a published edition
PdP 6 203.40
पुत्रोत्तिष्ठेति वचनं श्रुत्वा राजा स उत्थितः । जननीमिव तां धेनुं ददर्श न मृगाधिपम्
putrottiṣṭheti vacanaṃ śrutvā rājā sa utthitaḥ | jananīmiva tāṃ dhenuṃ dadarśa na mṛgādhipam
Hearing the words "Rise, son!" the king got up, and he saw that cow, like a mother — but not the lord of beasts.
AI translation rendered from the Sanskrit, not a published edition
PdP 6 203.41
तं विस्मितमुवाचेदं नंदिनी नृपसत्तमम् । नंदिन्युवाच- मायया सिंहरूपिण्या त्वं मयासि परीक्षितः
taṃ vismitamuvācedaṃ naṃdinī nṛpasattamam | naṃdinyuvāca- māyayā siṃharūpiṇyā tvaṃ mayāsi parīkṣitaḥ
To him, astonished, Nandinī said this, to the best of kings. Nandinī said: "You have been tested by me through an illusion in the form of a lion.
AI translation rendered from the Sanskrit, not a published edition
PdP 6 203.42
मुनिप्रभावान्मां राजन्गृहीतुं न क्षमोंऽतकः । मनसापि कुतोऽन्येषां यद्ग्रहे शक्तिरंगिनाम्
muniprabhāvānmāṃ rājangṛhītuṃ na kṣamoṃ'takaḥ | manasāpi kuto'nyeṣāṃ yadgrahe śaktiraṃginām
"By the sage's power, O king, even Death is not able to seize me, not even in thought — how much less others; what power have living beings to seize me?
AI translation rendered from the Sanskrit, not a published edition
PdP 6 203.43
स्वशरीरस्य दानेन त्वं मां रक्षितुमुद्यतः । अतस्तेऽहं प्रसन्नास्मि वृणीष्व वरमीप्सितम्
svaśarīrasya dānena tvaṃ māṃ rakṣitumudyataḥ | ataste'haṃ prasannāsmi vṛṇīṣva varamīpsitam
"You were ready to protect me by the gift of your own body; therefore I am pleased with you: choose the boon you desire."
AI translation rendered from the Sanskrit, not a published edition
PdP 6 203.44
राजोवाच- न गुप्तं देहिनामंतर्वर्तिवृत्तं भवादृशम् । अतो जननि जानासि वांच्छितं मम देहि तत्
rājovāca- na guptaṃ dehināmaṃtarvartivṛttaṃ bhavādṛśam | ato janani jānāsi vāṃcchitaṃ mama dehi tat
The king said: "The conduct that goes on within embodied beings is not hidden from ones like you; therefore, mother, you know my wish — grant it.
AI translation rendered from the Sanskrit, not a published edition
PdP 6 203.45
मगधेशसुतायां मे वंशकर्तारमात्मजम् । प्रयच्छ किंचित्स्वच्छानां नासाध्यं हि भवादृशाम्
magadheśasutāyāṃ me vaṃśakartāramātmajam | prayaccha kiṃcitsvacchānāṃ nāsādhyaṃ hi bhavādṛśām
"Grant me, in the daughter of the lord of Magadha, a son who will continue the lineage; for nothing at all is unattainable for the pure ones like you."
AI translation rendered from the Sanskrit, not a published edition
PdP 6 203.46
इत्युक्त्वांजलिमाधाय तत्पुरस्तस्थिवान्नृपः । तूष्णीं तदुत्तरापेक्षी तत्पुरोबद्धलोचनः
ityuktvāṃjalimādhāya tatpurastasthivānnṛpaḥ | tūṣṇīṃ taduttarāpekṣī tatpurobaddhalocanaḥ
Having said this, the king made a hollow of his joined palms and stood before her in silence, awaiting her answer, his eyes fixed upon her.
AI translation rendered from the Sanskrit, not a published edition
PdP 6 203.47
देवल उवाच- निशम्येति वचस्तस्य भूपतेरिदमब्रवीत् । नंदिनी पितृदेवर्षिनरभूतार्थसाधिका
devala uvāca- niśamyeti vacastasya bhūpateridamabravīt | naṃdinī pitṛdevarṣinarabhūtārthasādhikā
Devala said: Hearing these words of his, Nandinī, who accomplishes the purposes of ancestors, gods, sages, men and (all) beings, said this to the king.
AI translation rendered from the Sanskrit, not a published edition
PdP 6 203.48
नन्दिन्युवाच- पुत्र पत्रपुटे दुग्ध्वा पयो मम पिबेप्सितम् । आश्रमे गुरुणाज्ञप्तः पुनः पास्यसि शेषितम्
nandinyuvāca- putra patrapuṭe dugdhvā payo mama pibepsitam | āśrame guruṇājñaptaḥ punaḥ pāsyasi śeṣitam
Nandinī said: "Son, milk my milk into a leaf-cup and drink as much as you wish; at the hermitage, when bidden by your teacher, you will drink again what is left over.
AI translation rendered from the Sanskrit, not a published edition
PdP 6 203.49
भविता वंशकर्ता ते सुतः शस्त्रास्त्रतत्ववित् । देवल उवाच- इत्युक्तः सौरभेय्या तामुवाच विनयेन सः
bhavitā vaṃśakartā te sutaḥ śastrāstratatvavit | devala uvāca- ityuktaḥ saurabheyyā tāmuvāca vinayena saḥ
"A son will be yours, the founder of your lineage, who knows the truth of weapons and missiles." Devala said: Thus addressed by the daughter of Surabhi, he said to her with humility:
AI translation rendered from the Sanskrit, not a published edition
PdP 6 203.50
दिलीप उवाच- मातस्तवैव पास्यामि शेषं सर्वक्रियाविधेः । तृप्तोऽहं मातरासाद्य मिष्टं ते वचनामृतम्
dilīpa uvāca- mātastavaiva pāsyāmi śeṣaṃ sarvakriyāvidheḥ | tṛpto'haṃ mātarāsādya miṣṭaṃ te vacanāmṛtam
Dilīpa said: "Mother, I shall drink only your remainder, after all the ritual procedure. I am already satisfied, mother, having obtained the sweet nectar of your words.
AI translation rendered from the Sanskrit, not a published edition
PdP 6 203.51
नान्यदिच्छामि सारंगः कादंबिन्या यथा जलम् । तव शुश्रूषणान्मातरभवं सकलोद्भवः
nānyadicchāmi sāraṃgaḥ kādaṃbinyā yathā jalam | tava śuśrūṣaṇānmātarabhavaṃ sakalodbhavaḥ
I wish for nothing else, just as the sāraṅga bird wishes for no water but the cloud's. By serving you, mother, I have become one for whom everything has come about.
AI translation rendered from the Sanskrit, not a published edition
PdP 6 203.52
समस्तजनपूज्याया विद्याया इव मूढधीः । तव मातामही दत्तः शापोऽप्यासीद्वरो मम
samastajanapūjyāyā vidyāyā iva mūḍhadhīḥ | tava mātāmahī dattaḥ śāpo'pyāsīdvaro mama
As (learning comes) to a dull-witted man—learning that is honoured by all people—so the curse given by your maternal grandmother turned out to be a boon for me.
AI translation rendered from the Sanskrit, not a published edition — the model flagged this verse as uncertain
PdP 6 203.53
तमृते पुत्रलाभो मे कुतस्तव च दर्शनम् । वरायैव तथाप्यंब समाराध्या भवादृशः । न हि कश्चिद्विषाकांक्षी महादेवात्त्रिवर्गदात्
tamṛte putralābho me kutastava ca darśanam | varāyaiva tathāpyaṃba samārādhyā bhavādṛśaḥ | na hi kaścidviṣākāṃkṣī mahādevāttrivargadāt
Without it, whence would I have gained a son, and whence the sight of you? And yet, mother, ones like you are to be propitiated only for a boon; for no one asks poison of Mahādeva, the giver of the three ends of life.
AI translation rendered from the Sanskrit, not a published edition
PdP 6 203.54
देवल उवाच- श्रुत्वेति तद्वचः सा गौः प्रसन्ना साधुसाध्विति । आभाष्य हि महादर्पा ययौ तेन सहाश्रमम्
devala uvāca- śrutveti tadvacaḥ sā gauḥ prasannā sādhusādhviti | ābhāṣya hi mahādarpā yayau tena sahāśramam
Devala said: Hearing his words, that cow was pleased and, saying "Well done, well done!", she who was of great pride went along with him to the hermitage.
AI translation rendered from the Sanskrit, not a published edition
PdP 6 203.55
पूर्वेद्युरिव तत्रापि पूजिता राजभार्यया । प्रसन्ना सा बभौ धेनुः कार्यसिद्धिरिवांगभाक्
pūrvedyuriva tatrāpi pūjitā rājabhāryayā | prasannā sā babhau dhenuḥ kāryasiddhirivāṃgabhāk
There too, worshipped by the king's wife as on the day before, that cow shone forth pleased, like the accomplishment of the task made bodily.
AI translation rendered from the Sanskrit, not a published edition
PdP 6 203.56
मुखं प्रसन्नमालक्ष्य मृगाक्षी सा क्षितीशितुः । अज्ञासीत्तं निजं कार्यं सिद्धं यत्नस्तु यत्कृते
mukhaṃ prasannamālakṣya mṛgākṣī sā kṣitīśituḥ | ajñāsīttaṃ nijaṃ kāryaṃ siddhaṃ yatnastu yatkṛte
Observing the pleased face of the lord of the earth, that doe-eyed woman knew that her own purpose, for the sake of which the effort was made, was accomplished.
AI translation rendered from the Sanskrit, not a published edition
PdP 6 203.57
अथ तौ दंपती धेन्वा विधिवद्विहितार्चया । तया सह गुरोरग्रे कृतकृत्यस्य जग्मतुः
atha tau daṃpatī dhenvā vidhivadvihitārcayā | tayā saha guroragre kṛtakṛtyasya jagmatuḥ
Then the two spouses, having duly performed the worship of the cow, went with her before the guru, who had done what was to be done.
AI translation rendered from the Sanskrit, not a published edition
PdP 6 203.58
निरीक्ष्य तौ मुनिवरः प्रसन्नमुखपंकजौ । अतींद्रियज्ञाननिधिः प्रोवाचेदं प्रहर्षयन्
nirīkṣya tau munivaraḥ prasannamukhapaṃkajau | atīṃdriyajñānanidhiḥ provācedaṃ praharṣayan
Looking at those two whose lotus-faces were serene, the best of sages, a treasury of knowledge beyond the senses, spoke this, gladdening (them).
AI translation rendered from the Sanskrit, not a published edition
PdP 6 203.59
वसिष्ठ उवाच- राजञ्जानामि गौरेषा प्रसन्ना वामभूत्किल । अपूर्वा युवयोरद्य मुखकांतिर्हि लक्ष्यते
vasiṣṭha uvāca- rājañjānāmi gaureṣā prasannā vāmabhūtkila | apūrvā yuvayoradya mukhakāṃtirhi lakṣyate
Vasiṣṭha said: King, I know it: this cow has surely become pleased with you two; for today an unprecedented lustre of face is to be seen in you both.
AI translation rendered from the Sanskrit, not a published edition
PdP 6 203.60
सुरभिः सुरशाखी च विश्रुतौ कामपूरिणौ । तदपत्यं समाराध्य सिद्धोऽथ स्यात्किमद्भुतम्
surabhiḥ suraśākhī ca viśrutau kāmapūriṇau | tadapatyaṃ samārādhya siddho'tha syātkimadbhutam
Surabhi and the tree of the gods are renowned as fulfillers of desire; so if one becomes fulfilled by propitiating her offspring, what is astonishing in that?
AI translation rendered from the Sanskrit, not a published edition
PdP 6 203.61
यो ददाति निखिलं मनोरथं कीर्तितेयमनघापि दूरतः । श्रद्धया निकट एव सेविता किं पुनः सुरतरंगिणीव सा
yo dadāti nikhilaṃ manorathaṃ kīrtiteyamanaghāpi dūrataḥ | śraddhayā nikaṭa eva sevitā kiṃ punaḥ surataraṃgiṇīva sā
She who grants every wish—the faultless one—even when merely spoken of from afar (grants it); how much more when she is served with faith close at hand, like the river of the gods.
AI translation rendered from the Sanskrit, not a published edition — the model flagged this verse as uncertain
PdP 6 203.62
ज्ञानतो विदितमद्भुतं मया त्वत्कृतं यदनया परीक्षणम् । भूपते त्वमपि धर्ममात्मनो रक्षसि स्म च यथा च तत्
jñānato viditamadbhutaṃ mayā tvatkṛtaṃ yadanayā parīkṣaṇam | bhūpate tvamapi dharmamātmano rakṣasi sma ca yathā ca tat
Through (my) knowledge I have learned the wondrous test that she made of you; O lord of the earth, you too guard your own dharma, and (I know) how that was.
AI translation rendered from the Sanskrit, not a published edition — the model flagged this verse as uncertain
PdP 6 203.63
त्वय्यसौ मम मनोऽनुकूलतां भावमात्मनि विबुध्यते तथा । तुष्यति स्म कमला यथा हरेः पार्वतीव गिरिशस्य सज्जते
tvayyasau mama mano'nukūlatāṃ bhāvamātmani vibudhyate tathā | tuṣyati sma kamalā yathā hareḥ pārvatīva giriśasya sajjate
In you she recognises a disposition agreeable to my mind, in herself; she is pleased, as Kamalā is with Hari, and as Pārvatī is well-disposed to Giriśa.
AI translation rendered from the Sanskrit, not a published edition — the model flagged this verse as uncertain
PdP 6 203.64
रात्रिरत्र सहाभार्ययानया धेनुपूजनपरेण नीयताम् ।
rātriratra sahābhāryayānayā dhenupūjanapareṇa nīyatām |
Let the night be passed here together with this wife of yours, devoted to the worship of the cow.
AI translation rendered from the Sanskrit, not a published edition
PdP 6 203.65
देवल उवाच- वैश्यैवं धेनुमाराध्य सभार्यः प्राप्तवांछितः । प्रातर्युक्तरथः प्राप्य गुरोराज्ञामगाद्गृहम्
devala uvāca- vaiśyaivaṃ dhenumārādhya sabhāryaḥ prāptavāṃchitaḥ | prātaryuktarathaḥ prāpya gurorājñāmagādgṛham
Devala said: O vaiśya, thus, having propitiated the cow, he together with his wife obtained what he desired; in the morning, his chariot yoked, having received the guru's permission, he went home.
AI translation rendered from the Sanskrit, not a published edition
PdP 6 203.66
कतिचिद्वासरैस्तस्य दिलीपस्याभवद्रघुः । यस्य नाम्ना रघोर्वंशः पृथिव्यां विश्रुतोऽभवत्
katicidvāsaraistasya dilīpasyābhavadraghuḥ | yasya nāmnā raghorvaṃśaḥ pṛthivyāṃ viśruto'bhavat
In a few days Raghu was born to that Dilīpa, by whose name the lineage of Raghu became renowned on earth.
AI translation rendered from the Sanskrit, not a published edition
PdP 6 203.67
यः पठिष्यति भूपस्य दिलीपस्य कथामिमाम् । धनं धान्यं सुतं वैश्य लप्स्यते स पुमानिह
yaḥ paṭhiṣyati bhūpasya dilīpasya kathāmimām | dhanaṃ dhānyaṃ sutaṃ vaiśya lapsyate sa pumāniha
Whoever will recite this story of King Dilīpa—O vaiśya, that man will obtain wealth, grain and a son here.
AI translation rendered from the Sanskrit, not a published edition
PdP 6 203.68
शरभवरसुताप्तये स्वबुद्ध्या सममनया परितोषयाशु गौरीम् । त्वमपि कुलधुरं गुणान्वितं सा सुतमनघं खलु दास्यते च तुभ्यम्
śarabhavarasutāptaye svabuddhyā samamanayā paritoṣayāśu gaurīm | tvamapi kuladhuraṃ guṇānvitaṃ sā sutamanaghaṃ khalu dāsyate ca tubhyam
O excellent Śarabha, to obtain a son, quickly gratify Gaurī by your own understanding, together with her (your wife); and she will surely give you too a faultless son, endowed with virtues, who will bear the burden of the family.
AI translation rendered from the Sanskrit, not a published edition
PdP 6 203.69
शिवशर्मोवाच- मुनिरिति चरितं दिलीपराज्ञो ललिततरं शरभाय पुण्यमुक्त्वा । अभिमतगतमात्मनः प्रपेदे विधिमुपदिश्य च पूज जनेंबिकायाः
śivaśarmovāca- muniriti caritaṃ dilīparājño lalitataraṃ śarabhāya puṇyamuktvā | abhimatagatamātmanaḥ prapede vidhimupadiśya ca pūja janeṃbikāyāḥ
Śivaśarman said: The sage, having thus told to Śarabha the exceedingly charming and meritorious deed of King Dilīpa, and having taught the rite of the worship of Ambikā, went to the destination he himself desired.
AI translation rendered from the Sanskrit, not a published edition