Padma Purana — Uttara Khanda — Chapter 202
PdP 6 202.1
देवल उवाच- शृणुष्व भो महाप्राज्ञ दिलीपस्य महीपतेः । कथां दिव्यां विचित्रां च शृणुतां पापनाशिनीम्
devala uvāca- śṛṇuṣva bho mahāprājña dilīpasya mahīpateḥ | kathāṃ divyāṃ vicitrāṃ ca śṛṇutāṃ pāpanāśinīm
Devala said: Listen, O greatly wise one, to the story of Dilīpa, lord of the earth — divine, marvellous, and destroying the sins of those who hear it.
AI translation rendered from the Sanskrit, not a published edition
PdP 6 202.2
वैवस्वतमनोर्वंशे दिलीपो भूभुजां वरः । आसीत्प्राचीनबर्हिस्तु स्वायंभुवमनोरिव
vaivasvatamanorvaṃśe dilīpo bhūbhujāṃ varaḥ | āsītprācīnabarhistu svāyaṃbhuvamanoriva
In the lineage of Vaivasvata Manu there was Dilīpa, best of kings, as Prācīnabarhis was in the lineage of Svāyambhuva Manu.
AI translation rendered from the Sanskrit, not a published edition
PdP 6 202.3
स तु धर्मभृतां श्रेष्ठो धर्मेण प्रतिपालयन् । महीं महीपतिर्लोकान्गुणैराद्धैररंजयत्
sa tu dharmabhṛtāṃ śreṣṭho dharmeṇa pratipālayan | mahīṃ mahīpatirlokānguṇairāddhairaraṃjayat
And he, the foremost of upholders of dharma, that lord of the earth, guarding the earth by dharma, delighted the people with his accomplished virtues.
AI translation rendered from the Sanskrit, not a published edition
PdP 6 202.4
मगधाधिपतेः पुत्री महिषी तस्य भूपतेः । सुदक्षणाख्यया ख्याता शचीवासीद्दिवस्पतेः
magadhādhipateḥ putrī mahiṣī tasya bhūpateḥ | sudakṣaṇākhyayā khyātā śacīvāsīddivaspateḥ
The daughter of the lord of Magadha was that king's chief queen, renowned by the name Sudakṣiṇā, like Śacī of the lord of heaven.
AI translation rendered from the Sanskrit, not a published edition
PdP 6 202.5
गते महति काले तु महिष्यां नाभवत्सुतः । दध्याविति निजस्वांते स सम्राट्कोशलाधिपः
gate mahati kāle tu mahiṣyāṃ nābhavatsutaḥ | dadhyāviti nijasvāṃte sa samrāṭkośalādhipaḥ
But when much time had passed, no son was born to the queen; so that emperor, the lord of Kosala, pondered thus in his own heart:
AI translation rendered from the Sanskrit, not a published edition
PdP 6 202.6
रत्नाकरसुमेर्वादि नगरत्नैर्विराजितम् । धृतं भूवलयं दोषो भूषायै नाप्रजस्य मे
ratnākarasumervādi nagaratnairvirājitam | dhṛtaṃ bhūvalayaṃ doṣo bhūṣāyai nāprajasya me
"The circle of the earth, adorned with the ocean, Sumeru and the rest, and with jewels of cities, is held (by me) — (yet it is) a fault, not an ornament, for me who am childless."
AI translation rendered from the Sanskrit, not a published edition — the model flagged this verse as uncertain
PdP 6 202.7
वर्गत्रयी यथाकालं सेविता न विरोधिता । तथापि मेऽनपत्यस्य न सौख्यं विद्यते हृदि
vargatrayī yathākālaṃ sevitā na virodhitā | tathāpi me'napatyasya na saukhyaṃ vidyate hṛdi
"The three groups (dharma, artha, kāma) have been attended to each in its proper time and not set at odds; even so, for me who am without offspring, no happiness is found in the heart."
AI translation rendered from the Sanskrit, not a published edition
PdP 6 202.8
यज्ञैराराधितो विष्णुरिंद्राद्याश्च सुरोत्तमाः । दीर्घिकारामकूपाश्च कारिताः सर्वतो भुवि
yajñairārādhito viṣṇuriṃdrādyāśca surottamāḥ | dīrghikārāmakūpāśca kāritāḥ sarvato bhuvi
"Viṣṇu has been propitiated with sacrifices, and Indra and the other foremost gods; and ponds, gardens and wells have been made everywhere upon the earth."
AI translation rendered from the Sanskrit, not a published edition
PdP 6 202.9
गोभूहिरण्यवासोभिः षड्रसान्वितभोजनैः । विप्रा अतिथयश्चैव भक्त्या संतोषिता मया
gobhūhiraṇyavāsobhiḥ ṣaḍrasānvitabhojanaiḥ | viprā atithayaścaiva bhaktyā saṃtoṣitā mayā
With cows, land, gold and garments, and with meals furnished with the six flavours, brahmins and guests too have been satisfied by me with devotion.
AI translation rendered from the Sanskrit, not a published edition
PdP 6 202.10
वृत्यर्थं पृथिवीपालानुद्धृत्य युधि धर्मतः । धनेन महता कोशो मया हि बहुलीकृतः
vṛtyarthaṃ pṛthivīpālānuddhṛtya yudhi dharmataḥ | dhanena mahatā kośo mayā hi bahulīkṛtaḥ
For the sake of my livelihood I have uprooted (rival) kings in battle in accordance with dharma, and indeed my treasury has been made abundant by me with great wealth.
AI translation rendered from the Sanskrit, not a published edition
PdP 6 202.11
उन्मार्गगामिनो मत्ता निजधर्मविलंघिनः । विमुखः पितृदेवेभ्यो दंड्यास्ते दंडिता मया
unmārgagāmino mattā nijadharmavilaṃghinaḥ | vimukhaḥ pitṛdevebhyo daṃḍyāste daṃḍitā mayā
Those going on the wrong path, drunk with pride, transgressing their own dharma, turned away from the ancestors and the gods — such deserving punishment have been punished by me.
AI translation rendered from the Sanskrit, not a published edition
PdP 6 202.12
पंचपर्वसु वैष्णव्यां रवौ पित्र्ये च कर्मणि । दशम्यैकादशीतिथ्योर्न स्त्रीसेवा कृता मया
paṃcaparvasu vaiṣṇavyāṃ ravau pitrye ca karmaṇi | daśamyaikādaśītithyorna strīsevā kṛtā mayā
On the five parvan days, on (the day) sacred to Viṣṇu, on a Sunday, during a rite for the ancestors, and on the lunar days of the tenth and eleventh, no resort to women was made by me.
AI translation rendered from the Sanskrit, not a published edition
PdP 6 202.13
ऋतुकालावधौ स्नातां स्वस्त्रियं नाहमत्यजम् । अनृतावपि तद्योग्ये काले चेत्प्रार्थितस्तया
ṛtukālāvadhau snātāṃ svastriyaṃ nāhamatyajam | anṛtāvapi tadyogye kāle cetprārthitastayā
Within the period of her fertile season I did not forsake my own wife when she had bathed; and even outside that season, at a time suitable for it, if I was asked by her,
AI translation rendered from the Sanskrit, not a published edition
PdP 6 202.14
तदा तस्यां सकामिन्यां सकामं रमितं मया । एवं धर्मार्थकामा मे यथाकालं निषेविताः
tadā tasyāṃ sakāminyāṃ sakāmaṃ ramitaṃ mayā | evaṃ dharmārthakāmā me yathākālaṃ niṣevitāḥ
then, she being desirous, I took pleasure with her, myself desirous. Thus dharma, wealth and pleasure have been pursued by me each at its proper time.
AI translation rendered from the Sanskrit, not a published edition
PdP 6 202.15
महिष्यां केन दोषेण जायते मे न संततिः । अतीतानागतज्ञानो वसिष्ठो गुरुरेव नः
mahiṣyāṃ kena doṣeṇa jāyate me na saṃtatiḥ | atītānāgatajñāno vasiṣṭho gurureva naḥ
Through what fault is no offspring born to me from the queen? Vasiṣṭha, who knows the past and the future, is indeed our teacher;
AI translation rendered from the Sanskrit, not a published edition
PdP 6 202.16
कथयिष्यति तं दोषं यन्मे पुत्रो न जायते । देवल उवाच- इत्यालोच्य स भूपालो गमिष्यन्नाश्रमं गुरोः । मंत्रिष्वारोपयामास कोशलामृद्धिकोशलाम्
kathayiṣyati taṃ doṣaṃ yanme putro na jāyate | devala uvāca- ityālocya sa bhūpālo gamiṣyannāśramaṃ guroḥ | maṃtriṣvāropayāmāsa kośalāmṛddhikośalām
he will tell (me) that fault by which no son is born to me. Devala said: Having reflected thus, that king, about to go to the teacher's hermitage, laid (the charge of) Kośalā, rich in treasuries, upon his ministers.
AI translation rendered from the Sanskrit, not a published edition
PdP 6 202.17
अथ प्रजासृजं देवं पूजयित्वाश्रमं गुरोः । प्रतस्थाते पुत्रकामौ दंपती तौ शुभेऽहनि
atha prajāsṛjaṃ devaṃ pūjayitvāśramaṃ guroḥ | pratasthāte putrakāmau daṃpatī tau śubhe'hani
Then, having worshipped the god the creator of offspring, that couple, desiring a son, set out on an auspicious day for the teacher's hermitage.
AI translation rendered from the Sanskrit, not a published edition
PdP 6 202.18
कतिचिद्वासरैर्मार्गमुल्लंघ्यैकरथे स्थितौ । तौ दंपती गुरोः सायमाश्रमं प्रापतुः शुभम्
katicidvāsarairmārgamullaṃghyaikarathe sthitau | tau daṃpatī guroḥ sāyamāśramaṃ prāpatuḥ śubham
Having covered the road in a few days, seated in a single chariot, that couple reached the teacher's auspicious hermitage in the evening.
AI translation rendered from the Sanskrit, not a published edition
PdP 6 202.19
वैश्वदेवांत संप्राप्तातिथिसत्कारकृन्मुनिम् । हुताशनहुतद्रव्यप्रसरद्धूममालया
vaiśvadevāṃta saṃprāptātithisatkārakṛnmunim | hutāśanahutadravyaprasaraddhūmamālayā
(They saw) the sage doing honour to guests arrived at the end of the vaiśvadeva rite, (the hermitage) which with the garland of smoke spreading from the substances offered into the fire
AI translation rendered from the Sanskrit, not a published edition
PdP 6 202.20
पवित्रयंतमात्मस्थान्मुनीनागंतुकानपि । मृगैर्दूर्वाप्रतानौघप्रपूर्णोदरमंथरम्
pavitrayaṃtamātmasthānmunīnāgaṃtukānapi | mṛgairdūrvāpratānaughaprapūrṇodaramaṃtharam
was purifying the sages dwelling there and the newcomers as well; (the hermitage) slowed by deer whose bellies were filled with masses of spreading dūrvā grass,
AI translation rendered from the Sanskrit, not a published edition — the model flagged this verse as uncertain
PdP 6 202.21
अभ्यागच्छद्भिरभितो मंडपं स मृगीगणैः । वासवृक्षमिलत्पक्षिकुलकोलाहलाकुलम्
abhyāgacchadbhirabhito maṃḍapaṃ sa mṛgīgaṇaiḥ | vāsavṛkṣamilatpakṣikulakolāhalākulam
(a hermitage) with herds of does approaching the pavilion from all sides, crowded with the clamour of flocks of birds gathering in the trees where they nest,
AI translation rendered from the Sanskrit, not a published edition
PdP 6 202.22
परस्परविनिर्मुक्तवैरव्याघ्रमृगादिकम् । जपध्यानपरर्षीणां क्षणश्रांतश्रुतिध्वनिम्
parasparavinirmuktavairavyāghramṛgādikam | japadhyānapararṣīṇāṃ kṣaṇaśrāṃtaśrutidhvanim
where tigers, deer and the rest had mutually abandoned their enmity, filled with the sound of recitation of the seers intent on muttered prayer and meditation, (a sound) that ceased for a moment,
AI translation rendered from the Sanskrit, not a published edition — the model flagged this verse as uncertain
PdP 6 202.23
अनध्ययनकालोत्थ क्रीडारक्तकुमारकम् । तस्मिन्वसिष्ठमद्राष्टां दंपती तौ कृतक्रियम्
anadhyayanakālottha krīḍāraktakumārakam | tasminvasiṣṭhamadrāṣṭāṃ daṃpatī tau kṛtakriyam
with boys fond of the play that arises in the hour when there is no study — there that couple saw Vasiṣṭha, his rites performed,
AI translation rendered from the Sanskrit, not a published edition
PdP 6 202.24
बृस्यां निषणमव्यग्रमरुंधत्योपसेवितम् । स ववंदे गुरोः पादौ महिषी सा च तत्स्त्रियः
bṛsyāṃ niṣaṇamavyagramaruṃdhatyopasevitam | sa vavaṃde guroḥ pādau mahiṣī sā ca tatstriyaḥ
seated on a cushion of grass, unagitated, attended by Arundhatī. He bowed to the teacher's feet, and so did the queen, and his wives.
AI translation rendered from the Sanskrit, not a published edition
PdP 6 202.25
आशिषा गुरुरप्येनं युयोजारुंधती च ताम् । अतिथिं तमथाभ्यर्च्य मधुपर्कादिभिर्गुरुः
āśiṣā gururapyenaṃ yuyojāruṃdhatī ca tām | atithiṃ tamathābhyarcya madhuparkādibhirguruḥ
The teacher too bestowed a blessing upon him, and Arundhatī upon her. Then, having honoured him as a guest with the honey-mixture and the rest,
AI translation rendered from the Sanskrit, not a published edition
PdP 6 202.26
अर्हणैरर्हतां श्रेष्ठो वसिष्ठ इति पृष्टवान् । वसिष्ठ उवाच- भो भो भूमिभृतां श्रेष्ठ राज्ये कुशलमस्ति ते
arhaṇairarhatāṃ śreṣṭho vasiṣṭha iti pṛṣṭavān | vasiṣṭha uvāca- bho bho bhūmibhṛtāṃ śreṣṭha rājye kuśalamasti te
with the offerings due to those worthy of them, Vasiṣṭha, best of the venerable, asked thus: Vasiṣṭha said: Ho, best of kings! Is it well with your kingdom,
AI translation rendered from the Sanskrit, not a published edition
PdP 6 202.27
कुले च कच्चिल्लोके च निजधर्मानुवर्त्तिनि । धर्मेण पालिता कच्चित्वया वीरवसुंधरा
kule ca kaccilloke ca nijadharmānuvarttini | dharmeṇa pālitā kaccitvayā vīravasuṃdharā
and with your family, and with the people that follow their own dharma? Is the earth, whose wealth is heroes, protected by you in accordance with dharma,
AI translation rendered from the Sanskrit, not a published edition
PdP 6 202.28
संवर्द्धयति ते कोशं धर्मधीरिव सात्विकी । तव जानपदा राजन्पौराश्च स्थितिमात्मनः
saṃvarddhayati te kośaṃ dharmadhīriva sātvikī | tava jānapadā rājanpaurāśca sthitimātmanaḥ
(and) does she increase your treasury, like a sāttvika mind (increasing) the resolve for dharma? Do your country-folk and townsmen, O king, (hold to) their own station,
AI translation rendered from the Sanskrit, not a published edition — the model flagged this verse as uncertain
PdP 6 202.29
सारवंतो विमुंचंति कच्चिन्नांबुधयो यथा । स्नेहेन साहचर्येण सहवासतया प्रभो
sāravaṃto vimuṃcaṃti kaccinnāṃbudhayo yathā | snehena sāhacaryeṇa sahavāsatayā prabho
Do those of substance not let (their bounty) go forth, like the oceans, through affection, through companionship, through dwelling together, O lord?
AI translation rendered from the Sanskrit, not a published edition — the model flagged this verse as uncertain
PdP 6 202.30
लक्ष्मीनारायणायेते कच्चित्ते पुरदंपती । काम्यव्रतानि राजेंद्र प्रजानां नगरे तव । फलंति वांछितं कच्चिद्धरिचंदनवद्दिवि
lakṣmīnārāyaṇāyete kaccitte puradaṃpatī | kāmyavratāni rājeṃdra prajānāṃ nagare tava | phalaṃti vāṃchitaṃ kacciddharicaṃdanavaddivi
Is this city-couple of yours like Lakṣmī and Nārāyaṇa? O lord of kings, do the optional vows of the people in your city bear the desired fruit, as the harichandana tree does in heaven?
AI translation rendered from the Sanskrit, not a published edition — the model flagged this verse as uncertain
PdP 6 202.31
देवल उवाच- पृष्ट्वैवं स मुनिश्रेष्ठो वसिष्ठो मुनिपुंगवः । योगप्रभावोपनतैर्नृपं भोज्यैरभोजयत्
devala uvāca- pṛṣṭvaivaṃ sa muniśreṣṭho vasiṣṭho munipuṃgavaḥ | yogaprabhāvopanatairnṛpaṃ bhojyairabhojayat
Devala said: Having asked in this way, that best of sages, Vasiṣṭha, the bull among munis, fed the king with foods brought near by the power of his yoga.
AI translation rendered from the Sanskrit, not a published edition
PdP 6 202.32
अरुंधतीच तां राज्ञीं बह्वादरसमन्विता । नानाव्यंजनपक्वान्नैरभोजयदुदारधीः
aruṃdhatīca tāṃ rājñīṃ bahvādarasamanvitā | nānāvyaṃjanapakvānnairabhojayadudāradhīḥ
And Arundhatī, filled with much deference and noble of mind, fed that queen with cooked food and various savoury dishes.
AI translation rendered from the Sanskrit, not a published edition
PdP 6 202.33
कृतभोजनमासीनं स्वस्थः स्वस्थं मुनिर्नृपम् । पुनः पप्रच्छ संगृह्य पाणिना पाणिमानतम्
kṛtabhojanamāsīnaṃ svasthaḥ svasthaṃ munirnṛpam | punaḥ papraccha saṃgṛhya pāṇinā pāṇimānatam
The sage, at ease, asked the king—also at ease, seated after his meal—once more, taking the bowing (king's) hand in his own hand.
AI translation rendered from the Sanskrit, not a published edition
PdP 6 202.34
वसिष्ठ उवाच- सप्तांग संयुतं राज्यं निजधर्मरतप्रजम् । प्रीतबंधुजनामात्यं शस्त्रास्त्रविधिवद्भटम्
vasiṣṭha uvāca- saptāṃga saṃyutaṃ rājyaṃ nijadharmarataprajam | prītabaṃdhujanāmātyaṃ śastrāstravidhivadbhaṭam
Vasiṣṭha said: A kingdom furnished with the seven limbs, whose subjects delight in their own duty, whose kinsmen and ministers are content, whose soldiers are trained in weapons and missiles according to rule,
AI translation rendered from the Sanskrit, not a published edition
PdP 6 202.35
वश्यमित्रं हृतामित्रं कृष्णार्चापरमानसम् । यस्यास्ति नृपते राज्यं स्वर्गराज्येन तस्य किम्
vaśyamitraṃ hṛtāmitraṃ kṛṣṇārcāparamānasam | yasyāsti nṛpate rājyaṃ svargarājyena tasya kim
whose allies are compliant, whose foes are removed, whose minds are wholly set on the worship of Kṛṣṇa—he who has such a kingdom, O king, what has he to do with the kingdom of heaven?
AI translation rendered from the Sanskrit, not a published edition
PdP 6 202.36
इक्ष्वाकुवंशराजानः पुत्रानुत्पाद्य धार्मिकाः । राज्यं च तेषु विन्यस्य प्रपन्नास्तपसि प्रभो
ikṣvākuvaṃśarājānaḥ putrānutpādya dhārmikāḥ | rājyaṃ ca teṣu vinyasya prapannāstapasi prabho
The righteous kings of Ikṣvāku's line, having begotten sons and settled the kingdom upon them, betook themselves to austerity, O lord.
AI translation rendered from the Sanskrit, not a published edition
PdP 6 202.37
त्वं युवा दृष्टपुत्रास्यो नाधिकारी तपोविधौ । किमर्थमागतो ह्यत्र राज्यं त्यक्त्वा तथाविधम्
tvaṃ yuvā dṛṣṭaputrāsyo nādhikārī tapovidhau | kimarthamāgato hyatra rājyaṃ tyaktvā tathāvidham
You are young, and having (not) seen a son's face you are not entitled to the practice of austerity. For what purpose, then, have you come here, abandoning such a kingdom?
AI translation rendered from the Sanskrit, not a published edition — the model flagged this verse as uncertain
PdP 6 202.38
राजोवाच- ब्रह्मन्नाहं तपः कर्तुमागतस्तावकाश्रमे । स्वर्गकामनया त्यक्त्वा राज्यमत्र तथाविधम्
rājovāca- brahmannāhaṃ tapaḥ kartumāgatastāvakāśrame | svargakāmanayā tyaktvā rājyamatra tathāvidham
The king said: Brahmin, I have not come to your hermitage to perform austerity, abandoning such a kingdom here out of a longing for heaven.
AI translation rendered from the Sanskrit, not a published edition
PdP 6 202.39
ब्रह्मन्सत्यमिदं चोक्तं भवता यत्तपोवनम् । राज्यमारोप्य पुत्रेषु प्राप्ता इक्ष्वाकुवंशजाः
brahmansatyamidaṃ coktaṃ bhavatā yattapovanam | rājyamāropya putreṣu prāptā ikṣvākuvaṃśajāḥ
Brahmin, this too that you said is true, that those born in Ikṣvāku's line reached the penance-grove after placing the kingdom upon their sons.
AI translation rendered from the Sanskrit, not a published edition
PdP 6 202.40
न तैस्त्यक्तं महीराज्यमिदं स्वर्गगतैरपि । तन्मूर्तिरस्यां विमनास्तिष्ठति ह्येव संततिः
na taistyaktaṃ mahīrājyamidaṃ svargagatairapi | tanmūrtirasyāṃ vimanāstiṣṭhati hyeva saṃtatiḥ
This kingdom of the earth was not given up by them even when they had gone to heaven: their own embodiment—namely their progeny—remains here, (though) troubled in mind.
AI translation rendered from the Sanskrit, not a published edition — the model flagged this verse as uncertain
PdP 6 202.41
यथा बाल्यं गतं तात यौवनं च समागतम् । यास्यत्यदोपि च तथा जराप्येष्यति निश्चितम्
yathā bālyaṃ gataṃ tāta yauvanaṃ ca samāgatam | yāsyatyadopi ca tathā jarāpyeṣyati niścitam
Just as childhood has passed, dear one, and youth has arrived, so this too will pass away, and old age will surely come.
AI translation rendered from the Sanskrit, not a published edition
PdP 6 202.42
जरसोऽनतरं मृत्युः पुरुषस्य न संशयः । मृत्युंगते मयि ब्रह्मन्विनातनयसंभवम्
jaraso'nataraṃ mṛtyuḥ puruṣasya na saṃśayaḥ | mṛtyuṃgate mayi brahmanvinātanayasaṃbhavam
After old age comes a man's death—there is no doubt of it. When I have gone to death, brahmin, without a son having been born,
AI translation rendered from the Sanskrit, not a published edition
PdP 6 202.43
कस्येदं जगतीराज्यं भविष्यति गुरो वद । तस्मादपत्यहीनस्य राज्येऽपि मम तिष्ठतः
kasyedaṃ jagatīrājyaṃ bhaviṣyati guro vada | tasmādapatyahīnasya rājye'pi mama tiṣṭhataḥ
whose will this kingdom of the earth be? Tell me, teacher. Therefore, for me who am without offspring, even while I remain in the kingdom,
AI translation rendered from the Sanskrit, not a published edition
PdP 6 202.44
ममत्वं विद्यते नात्र पुरस्तात्तदभावतः । वर्गत्रयस्य वै सम्यक्संवेत्ता त्वं गुरो मम
mamatvaṃ vidyate nātra purastāttadabhāvataḥ | vargatrayasya vai samyaksaṃvettā tvaṃ guro mama
there is no sense of ownership here, since that (offspring) is lacking for the time to come. You, my teacher, are indeed the right knower of the three ends of life.
AI translation rendered from the Sanskrit, not a published edition — the model flagged this verse as uncertain
PdP 6 202.45
केन दोषेण मे पुत्रो जायते न तपोनिधे । ध्यानेन दोषमालोक्य तं गुरो कथयाशुमे
kena doṣeṇa me putro jāyate na taponidhe | dhyānena doṣamālokya taṃ guro kathayāśume
Through what fault is no son born to me, O store of austerity? Perceive the fault by meditation and tell it to me quickly, O teacher,
AI translation rendered from the Sanskrit, not a published edition
PdP 6 202.46
तस्य प्रतिक्रियां कुर्यां श्रुत्वा संतानलब्धये । देवल उवाच- इत्याकर्ण्य वसिष्ठस्तु वचस्तस्य महीपतेः
tasya pratikriyāṃ kuryāṃ śrutvā saṃtānalabdhaye | devala uvāca- ityākarṇya vasiṣṭhastu vacastasya mahīpateḥ
so that, having heard it, I may apply the remedy for it, to obtain offspring. Devala said: Hearing these words of that king, Vasiṣṭha
AI translation rendered from the Sanskrit, not a published edition
PdP 6 202.47
उवाच संततिस्तंभहेतुं वीक्ष्य समाधिना । वसिष्ठ उवाच- त्वं पुरा राजशार्दूल संसेव्य सुरनायकम्
uvāca saṃtatistaṃbhahetuṃ vīkṣya samādhinā | vasiṣṭha uvāca- tvaṃ purā rājaśārdūla saṃsevya suranāyakam
spoke, having seen by his meditative absorption the cause of the blocking of his progeny. Vasiṣṭha said: You, O tiger among kings, formerly, after attending upon the lord of the gods,
AI translation rendered from the Sanskrit, not a published edition
PdP 6 202.48
स्नातामिमां वधूं स्मृत्वा चलितो निजमंदिरम् । गच्छतस्त्वरया तात संतानोत्कंठितस्य ते
snātāmimāṃ vadhūṃ smṛtvā calito nijamaṃdiram | gacchatastvarayā tāta saṃtānotkaṃṭhitasya te
remembering this wife of yours, who had bathed, set out for your own palace; and as you went in haste, dear one, longing for offspring,
AI translation rendered from the Sanskrit, not a published edition
PdP 6 202.49
आसीत्सुरतरोर्मूले कामेधनुः स्थिता पथि । उत्पादिता त्वया तस्याः पूज्यांघ्रिरजसोऽतिरुट्
āsītsuratarormūle kāmedhanuḥ sthitā pathi | utpāditā tvayā tasyāḥ pūjyāṃghrirajaso'tiruṭ
"At the root of a heavenly tree there stood on the path a wish-granting cow; by you was roused her extreme anger over the dust of her worshipful feet.
AI translation rendered from the Sanskrit, not a published edition — the model flagged this verse as uncertain
PdP 6 202.50
प्रदक्षिणनमस्कारसदाचारमकुर्वता । साऽशपत्त्वामतिक्रोधात्पुत्रो नोत्पत्स्यते तव
pradakṣiṇanamaskārasadācāramakurvatā | sā'śapattvāmatikrodhātputro notpatsyate tava
Because you did not observe the proper custom of circumambulation and salutation, she in her great anger cursed you: 'A son shall not be born to you,
AI translation rendered from the Sanskrit, not a published edition
PdP 6 202.51
मम संतानशुश्रूषां यावत्त्वं न करिष्यसि । गच्छंस्त्वमृतुदानाय त्वरया सुतकामुकः
mama saṃtānaśuśrūṣāṃ yāvattvaṃ na kariṣyasi | gacchaṃstvamṛtudānāya tvarayā sutakāmukaḥ
so long as you do not render service to my offspring.' You, hastening on, eager for a son, to give (your wife) her seasonal due,
AI translation rendered from the Sanskrit, not a published edition
PdP 6 202.52
तन्मना नाश्रृणोः शापं नयंताक्षनिनादतः । तस्याः सुतासुतां धेनुं नंदिनीं ससुतां मम
tanmanā nāśrṛṇoḥ śāpaṃ nayaṃtākṣaninādataḥ | tasyāḥ sutāsutāṃ dhenuṃ naṃdinīṃ sasutāṃ mama
with your mind on that, did not hear the curse because of the noise of the axle as you drove on. Her daughter's daughter, the cow Nandinī, together with her calf — mine —
AI translation rendered from the Sanskrit, not a published edition
PdP 6 202.53
आराधयानया वध्वा सार्द्धं सा दास्यते सुतम् । देवल उवाच- इत्युक्तवति तत्रर्षौ वसिष्ठे सा तु नंदिनी
ārādhayānayā vadhvā sārddhaṃ sā dāsyate sutam | devala uvāca- ityuktavati tatrarṣau vasiṣṭhe sā tu naṃdinī
worship her together with this bride: she will grant a son." Devala said: When the sage Vasiṣṭha had spoken thus there, that Nandinī
AI translation rendered from the Sanskrit, not a published edition
PdP 6 202.54
तपोवनात्समायाता वत्सस्नेहस्नुतस्तनी । तां दृष्ट्वा हृष्टहृदयो वसिष्ठो मुनिपुंगवः । उवाच भूपतिं भूयो दर्शयित्वा च नंदिनीम्
tapovanātsamāyātā vatsasnehasnutastanī | tāṃ dṛṣṭvā hṛṣṭahṛdayo vasiṣṭho munipuṃgavaḥ | uvāca bhūpatiṃ bhūyo darśayitvā ca naṃdinīm
came from the grove of penance, her udder flowing with affection for her calf. Seeing her, Vasiṣṭha, bull among sages, glad at heart, showed Nandinī (to him) and spoke again to the king:
AI translation rendered from the Sanskrit, not a published edition
PdP 6 202.55
वसिष्ठ उवाच- राजन्समागता ह्येषा स्मृतमात्रशुभाह्वया । अतो विद्धि समीपस्थां कार्यसिद्धिमिहात्मनः
vasiṣṭha uvāca- rājansamāgatā hyeṣā smṛtamātraśubhāhvayā | ato viddhi samīpasthāṃ kāryasiddhimihātmanaḥ
Vasiṣṭha said: O king, she has arrived, she whose auspicious name (brings her) at the mere remembering; therefore know that the accomplishment of your purpose stands close at hand here.
AI translation rendered from the Sanskrit, not a published edition
PdP 6 202.56
आराधितानुगत्येयं त्वयारण्ये तथाश्रमे । वध्वा प्रसादात्ते पुत्रं दास्यते नात्र संशयः
ārādhitānugatyeyaṃ tvayāraṇye tathāśrame | vadhvā prasādātte putraṃ dāsyate nātra saṃśayaḥ
Worshipped and followed by you in the forest and likewise in the hermitage, she will, out of favour, give you a son by your bride; there is no doubt in this.
AI translation rendered from the Sanskrit, not a published edition — the model flagged this verse as uncertain
PdP 6 202.57
यथानाभिभवेदेनां जंतुः कश्चिद्वनोद्भवः । तथा चारय राजेंद्र वने हिंस्रो धनुर्द्धर
yathānābhibhavedenāṃ jaṃtuḥ kaścidvanodbhavaḥ | tathā cāraya rājeṃdra vane hiṃsro dhanurddhara
Tend her grazing in the forest, O lord of kings, bearing your bow, in such a way that no creature born of the woods may assail her.
AI translation rendered from the Sanskrit, not a published edition — the model flagged this verse as uncertain
PdP 6 202.58
देवल उवाच- तथेति लघुवादिने नृपतये स्नुषायै च सक्षपाशयनहेतवे सदुटजं ददौ तापसः । स तत्र सहभार्यया समधिशय्यदर्भास्तृतां महीमगमयन्निशां नियतमानसो विश्पतिः
devala uvāca- tatheti laghuvādine nṛpataye snuṣāyai ca sakṣapāśayanahetave saduṭajaṃ dadau tāpasaḥ | sa tatra sahabhāryayā samadhiśayyadarbhāstṛtāṃ mahīmagamayanniśāṃ niyatamānaso viśpatiḥ
Devala said: To the king, who briefly said "So be it," and to the daughter-in-law, the ascetic gave a good hut to serve as their sleeping-place for the night. There, with his wife, the lord of the people, his mind restrained, passed the night, lying upon the ground strewn with darbha grass.
AI translation rendered from the Sanskrit, not a published edition